iiIRUHIN ANANIN BARAEN

The New Testament in the Central dialect of the Arapesh language of Papua NewGuinea

Nupela Testamen long tokples Arapesh long Nuiginicopyright 2003 Wycliffe Bible Translators, Inc.Language: ArapeshDialect: CentralTranslation by: Wycliffe Bible TranslatorsThis translation is made available to you under the terms of the Creative Commons Attribution-Noncommercial-NoDerivatives license 4.0.You may share and redistribute this Bible translation or extracts from it in any format, provided that:

You include the above copyright and source information.You do not sell this work for a profit.You do not change any of the words or punctuation of the Scriptures.

Pictures included with Scriptures and other documents on this site are licensed just for use with those Scriptures anddocuments. For other uses, please contact the respective copyright owners.2013-01-05PDF generated using Haiola and XeLaTeX on 19 Jul 2019 from source files dated 26 Jun 20192bc22d5b-c527-53fd-8d75-3cc4c2e66cc9

http://www.wycliffe.org/http://www.ethnologue.org/language/aonhttp://creativecommons.org/licenses/by-nc-nd/4.0/http://creativecommons.org/licenses/by-nc-nd/4.0/

Contents

. . . . . . . . . . . . . . . . . . . . . . . . . . . . . . . . . . . . . . . . . . 1NYARIK IRI BARAEN . . . . . . . . . . . . . . . . . . . . . . . . . . . . . . . . 2MATYU . . . . . . . . . . . . . . . . . . . . . . . . . . . . . . . . . . . . . . 3MAK . . . . . . . . . . . . . . . . . . . . . . . . . . . . . . . . . . . . . . . . 49LUK . . . . . . . . . . . . . . . . . . . . . . . . . . . . . . . . . . . . . . . . 77JON . . . . . . . . . . . . . . . . . . . . . . . . . . . . . . . . . . . . . . . . 124APOSEL . . . . . . . . . . . . . . . . . . . . . . . . . . . . . . . . . . . . . . 159ROM . . . . . . . . . . . . . . . . . . . . . . . . . . . . . . . . . . . . . . . . 2011 KORIN . . . . . . . . . . . . . . . . . . . . . . . . . . . . . . . . . . . . . . 2232 KORIN . . . . . . . . . . . . . . . . . . . . . . . . . . . . . . . . . . . . . . 244GALESIA . . . . . . . . . . . . . . . . . . . . . . . . . . . . . . . . . . . . . . 258EFESUS . . . . . . . . . . . . . . . . . . . . . . . . . . . . . . . . . . . . . . 265FILIPAI . . . . . . . . . . . . . . . . . . . . . . . . . . . . . . . . . . . . . . . 273KOLOSI . . . . . . . . . . . . . . . . . . . . . . . . . . . . . . . . . . . . . . 2781 TESALONAIKA . . . . . . . . . . . . . . . . . . . . . . . . . . . . . . . . . . 2842 TESALONAIKA . . . . . . . . . . . . . . . . . . . . . . . . . . . . . . . . . . 2891 TIMOTI . . . . . . . . . . . . . . . . . . . . . . . . . . . . . . . . . . . . . 2922 TIMOTI . . . . . . . . . . . . . . . . . . . . . . . . . . . . . . . . . . . . . 299TAITUS . . . . . . . . . . . . . . . . . . . . . . . . . . . . . . . . . . . . . . 304FILEMON . . . . . . . . . . . . . . . . . . . . . . . . . . . . . . . . . . . . . 307HIBRU . . . . . . . . . . . . . . . . . . . . . . . . . . . . . . . . . . . . . . . 309JEMS . . . . . . . . . . . . . . . . . . . . . . . . . . . . . . . . . . . . . . . 3261 PITA . . . . . . . . . . . . . . . . . . . . . . . . . . . . . . . . . . . . . . . 3322 PITA . . . . . . . . . . . . . . . . . . . . . . . . . . . . . . . . . . . . . . . 3381 JON . . . . . . . . . . . . . . . . . . . . . . . . . . . . . . . . . . . . . . . 3422 JON . . . . . . . . . . . . . . . . . . . . . . . . . . . . . . . . . . . . . . . 3483 JON . . . . . . . . . . . . . . . . . . . . . . . . . . . . . . . . . . . . . . . 349JUT . . . . . . . . . . . . . . . . . . . . . . . . . . . . . . . . . . . . . . . . 350REVELESEN . . . . . . . . . . . . . . . . . . . . . . . . . . . . . . . . . . . . 353. . . . . . . . . . . . . . . . . . . . . . . . . . . . . . . . . . . . . . . . . . 379

iii

1

IRUHIN ANANIN BARAENThe New Testament in the Arapesh

Language (Central Dialect), East SepikProvince, Papua New GuineaNupela Testamen long tokples

Arapesh long Nuiginiaon]

Translation: 2003, Wycliffe Bible Translators,Inc.

Print publication, 2003 by Bible LeagueInternational

Web version2013, Wycliffe Bible Translators, Inc.

http://www.Wycliffe.org

http://pngscriptures.org

http://www.ScriptureEarth.org

This translation is made available to youunder the terms of the Creative Commonslicense (Attribution-Noncommercial-No DerivativeWorks).http:// creativecommons.org/ licenses/ by-nc-nd/3.0

Your are free to share to copy, distribute andtransmit the text under the following condi-tions:

Attribution. You must attribute the work toWycliffe Bible Translators (but not in any waythat suggests that they endorse youor your useof the work).

Noncommercial. You may not use this work forcommercial purposes.

No Derivative Works. You may not alter, trans-form, or build upon this work.

In addition, you have permission to port the textto different file formats, as long as you dontchange any of the text or punctuation of theBible.

Notice For any reuse or distribution, you mustmake clear to others the license terms of this work.

Tok OraitDispela Buk Baibel i kam wantaim tok oraitna lo bilong Creative Commons Attribution-Noncommercial-No Derivative Works license. Em itok olsemyukengivimkopi longnarepelamanmeri.Yu ken wokim kopi na givim long husat i laikim.Tasol, yu mas tok klia dispela samting i kam longhttp:// tokplesbaibel.org. Yu no ken kisim mani nasalim dispela. Yu mas givim nating. Na tu, yu noken senisim Tok.Ol piksa i kam wantim ol Baibel na narapela buki stap long dispela sait i gat tok orait long usimwantaim dispela samting tasol. Sapos yu laik nara-pela tok orait, yu mas askim husat i papa bilongcopyright long dispela ol piksa.

Sapos yu laik stretim samting i no orait long dispelatok orait, stretim tok, salim Buk Baibel, o tainimTok bilong God long nupela tok ples, yu ken askimmipela.Olgeta tok orait na lo long tok ples English i staplong http:// creativecommons.org/ licenses/ by-nc-nd/3.0/legalcode.Sapos yu gat askim long dispela, plis askim mipela.

2

NYARIK IRI BARAENDouk putik enen namba nyupe namudok 2-3

okudok buk um, enyudok nyakri baraen um lain2 aria 3 douk nyape atugun. Douk putik enenkak namudok [ ] nyutatapokuk enen baraen um,ipak wosik pudukemesh um enyudok baraen doukmadae nyutem seiwokin kopi (trenslesen) um tok-ples Grik um Nupela Testamen uwe, uwok. Baraennyape nyarik um sabaisi shus iri douk nyetemdebeinyi leta, shakri seksen heding. Enyen doukbaugenyumbaraenumenyudoknyetemshukam iri.Aria enen sapta aria ves nyape shukam um nyarikiri debeinyi baraen iri nyakri enyudok atin baraennyetem kupaikwi buk.

Enen baraen kros referens douk nyakripap ku-painyi baraen um enyudok atin baraen kabi nyaknyarik nyatarihen um iri, um nyutaurum enyudoknyarik iri baraen. Enyudok baraen kros referensdouk nyape atapis um sisigukis shus.

Baraen nyetem kros referens iri douk nyanakisisigukiyu bumeb um buk Baibel. Oudak bumebdouk madae shuwem shuknin nyeigur uwe, uwok.Tukwanin atin kabi enyudok um: Mt, Mk, Lk.

Putarih baraen punak arigaha putik enen letanyupe iruh um enen baraen um, baugenyum enyu-dok baraen douk nyape atapip um apudok shup.Putarihen aria ta pudukem baugenyum enyudokbaraen.

Sagikuk iri shus um okudok buk, ipak ta putikenen barin kabi diksineri um shakri ki tem. Enyu-dok baraen douk nyawerehumap baugas um enendebeinyi baraen nyetem Nupela Testamen iri.

Enen enyudokmori baraen Tok Pisin douk shakriPikinini bilong Man, Farisi, Kingdom bilong God.Aria pagikuk iri shup abom um okudok buk, ipakta putik biap mep piyabigep sabaihi yeh Aposel Polnarahe nanak nakripesh Iruhin Ananin Baraen umhani abudok debeibi amnab douk Maria kwobukiJisas um.

PrefaceThis book contains a translation of the New Tes-

tament into the Arapesh language (Central Dialect).The language is also known as Coastal Arapesh. Itis spoken by approximately 8,000 people who livein the coastal villages fromWautogik/Bogomatai toKumunim/Sowom. A few of the people also live inthe low mountains south of the ocean (Wautogik,Woginara 1 and 2, Sapuain).

The Arapesh language preface also explains thedetails of Greek Textual differences, cross refer-ences, verse identification, book abbreviations, etc.We give thanks to God for the many prayers andgifts of many people who have helped in the pro-duction of this book. In particular we thank Godfor the Bible League, South Holland Illinois, USA,who have graciously underwritten the cost of thisedition. We hope and pray that this book willbe used by the Spirit of God to lead many of theArapesh people to faith in Christ and to build upthose who are already Christians. We dedicatethis book to God, whose continual presence and

gracious enabling at each step has made it possible.We desire that it may glorify Him.

MATYU 1:1 3 MATYU 1:25

Iruhin Ananin Yopinyi BaraenMatyu Nenyem Iri

Banenyi Baraen UmMatyu1:12:23 Jisas ananim yamehem3:1-12 Jon nenek baptaisumesh iri nakripesh Jisas

ananin baraen3:134:11 Jisas nenek baptais aria Satan nanaki

nakwiraehan um nunek yoweishi inahos4:1218:35 Jisas nanak shokugi nahobig Galili

nakripesh Iruhin ananin yopinyi baraen arianagabe eneheneh arugeh henekesh iri yopish

19:120:34 Jisas nakutukuk Galili nanak shokuginahobig Judia nakripesh Iruhin ananin yopinyibaraen

21:127:66 Jisas nanak Jerusalem nakripeshbaraen, aria eshesh sheneman baraen ariashenek nyiliman rowogin kruse

28:1-20 Shabo Jisas nagok aria ta nakitak napenekeshmour ananish disaipel ba iyoh aria natoiruhw heven

Jisas Krais Ananish Popehesh Yamehesh EsheshishNyeiguhw

(Luk 3:23-38)1 Jisas Krais ananish popehesh yamehesh es-

heshish nyeiguhw douk eshudok. Jisas ananinyamenen Devit. Devit ananin yamenen Abraham.

2 Abraham ananin nuganin Aisak.Aisak ananin nuganin Jakob.Aria Jakob nabuki Juda nani ananim owarhim.3 Juda nabuki Peres nani Sera.Amamik amakek douk Tamar.Peres ananin nuganin Hesron.Hesron ananin nuganin Ram.4 Ram ananin nuganin Aminadap.Aminadap ananin nuganin Nason.Nason ananin nuganin Salmon.5 Salmon ananin nuganin Boas.Boas ananik amakek douk Rehap.Boas ananin nuganin Obet.Obet ananik amakek Rut.Obet ananin nuganin Jesi.6 Jesi ananin nuganin douk king Devit.Devit ananin nuganin douk Solomon.Solomon ananik amakek seiwok Uria ananik iro-

hukwik.7 Solomon ananin nuganin Rehoboam.Rehoboam ananin nuganin Abiya.Abiya ananin nuganin Asa.8 Asa ananin nuganin Jehosapat.Jehosapat ananin nuganin Joram.Joram ananin nuganin Usia.9 Usia ananin nuganin Jotam.Jotam ananin nuganin Ahas.Ahas ananin nuganin Hesekia.10 Hesekia ananin nuganin Manase.Manase ananin nuganin Emon.Emon ananin nuganin Josaia.11 Josaia ananim nugamim douk Jehoiakin nani

ananim owarhim.

Abudok nyutob eshesh Israel shanak shon-oweshik shape gani Babilon.

12 Shanak shonoweshik shape Babilon aria Je-hoiakin nabuki Sealtiel.

Sealtiel ananin nuganin douk Serubabel.13 Serubabel ananin nuganin Abiut.Abiut ananin nuganin Eliakim.Eliakim ananin nuganin Asor.14 Asor ananin nuganin Sadok.Sadok ananin nuganin Akim.Akim ananin nuganin Eliut.15 Eliut ananin nuganin Eleasar.Eleasar ananin nuganin Matan.Matan ananin nuganin Jakob.16 Jakob ananin nuganin Josep.Aria Josep narao Maria aria kwobuki Jisas

douk shuhwaran um Krais, douk Iruhin nakriyanneshopokan nanaki iri. 17 Namudok aria shadarehiawiros arpesh douk shape iri Abraham napeyobinyutob arigaha shanaki shatogrumori Devitnatogur obi nyutob asudok awiros sanak satogrum14-poreis. Aria ta shadareh Devit napenyobi nyutobarigaha shanak shatogrumori abudok nyutobeshesh Babilon shanaki sharao eshesh Israel shanakshoweshikesh shape Babilon obi douk shopukshadarehas sanak satogur um 14-poreis awiros.Aria shopunek shadarehi abudok nyutob shabishapeBabilon obi arigaha shanak shatogur umKraisnatogur nape obi nyutob umdouk shopuk namudokatin, shadarehas sanak satogur 14-poreis.

Maria Kwokwarumori Jisas(Luk 2:1-7)

18 Jisas Krais nonokwarum ahi aih douk namu-dok. Ananik amakek Maria douk shagraehok umkurao Josep. Eshesh biyesh ta shunoraum ariamadae shishuh atugun uwe, uwok aria okwok kwan-odukem um okwok kwonorahaen Iruhin ananinMishin nyanaki nyawishok aria shatik um okwokdouk kwunarahaen. 19 Josep yopini arman, madaenunek inahos uwe, uwok. Anan abraen nyan ariananaiwosnukok abraenMaria uwe, uwok. Aria anannabobaraen shokubur atin umanankanak ta nunoi-wos irohukwik, Maria. 20 Anan nape nonek urkumum enyudok baraen obi nyutob, enen Iruhin ananinensel nyatogruman anas yomnis aria nyakripan,Josep, Devit barhonin, mare nyunotitik um nyuraoMaria um nyakik irohukwik. Okwok kwonorahaenum Iruhin ananin Mishin. Madae anan armannonukok uwe, uwok. 21Okwok ko kwubanuh kubukianan nuganin. Aria nyak ta nyuhwaran nyeigurJisas, um maresh anan ko nugamoh arpesh shuku-tukuk yoweishi inahos aria shutanamori shupewosik atin. 22 Eshudok eneshenesh shenenekshagipesh baraen seiwok anan profet noko Iruhininbaraen iri anannakri namudok, 23Onokmadae kutiarmam iri ta kweyetueguk, kwubanuh aria kubukianan nuganin, aria shuhwaran Emanuel. Enyudokbaraen nyakri namudok, Iruhin nani apak nape.24 Aria Josep neshuh nakitak aria narao Maria umananik irohukwik, kabi da Iruhin nakripan um.25 Aria Josep madae nini Maria shishuh atugunuwe, uwok. Aria Maria kwobanuh kwobuki anannuganin. Aria nodowon nyeigur Jisas.

MATYU 2:1 4 MATYU 2:232

Anam Hadukemesh Iri Hape iri Aun NakihumoriHanaki Hatik Jisas

1 Maria kwobuki Jisas abrudok wabur Betlehem.Ababur douk bape agudok shokugi nahobig Judia.Aria abudok nyutob, Herot douk nenek king napeDebeini um Judia. Maria kwobuki Jisas ba iyoh ariaanam hadukem eneshenesh iri hape iri gani aunnakihumori hanaki hatograri Jerusalem. 2 Hanakiaria harigesh hakri, Anudok batowinyin nonok-warum um nunek king um eshesh Juda iri napeagunum? Apak douk matik ananik unuk gani aunnakihumori aria douk manakumori munek lotu-man.

3 King Herot nemnek enyudok baraen, ba akassanun. Ihish arpesh shape Jerusalem iri shopunekarugoguhwiar waesh. 4 Aria nenekumam baraenamam pris amamim debeimi hani amudok anamhenek skulumesh um lo iri hanaki hatrun. Hanakiaria narigam nakri, Anudok arman Krais doukIruhin nakriyan neshopokan nunaki iri ko nunuk-warumori meiburi wabur?

5 Aria hakripan hakri, Gani Betlehem douk bapeagudok shokugi nahobig Judia iri. Seiwok ananprofet nowemaguk baraen aria nakri namudok,6 Seiwok Iruhin nakri, Ipak pape abrudok waburBetlehem douk bape agudok shokugi nahobig Judiairi, ipak pumnek. Ipak madae pupe pigigi um amamdebeimi doukhasuhwmerik um Judia iri uwe, uwok.Aria amu wouwokuk. Umum maresh, um nyak atinkweipon anan debeini arman nutogur ipak arpeshpape Betlehem iri. Aria anan kweipon nupe debeinium ipak eikish arpesh Israel.

7 Herot nemnek namudok aria nanabeshuknenekumam baraen amudok douk hape iri aunnakihumori hanaki iri. Nenekumam baraen ariahanak hatrun. Aria anan narigam um da marabnyutob okwudok unuk da kwatogur. 8 Aria ananneshopokam hunak Betlehem, aria nakri namudok,Punak aria shokubur atin gamo pupe purimanudok nuganin. Ipak puriman ba puparugon ariata putanamori ba pukrip eik. Umum maresh, eikshopunek yakana inak inek lotuman.

9 Douk hemnek king ananin baraen aria amamhanak. Amam hanak yah aria ta hatik okwudokapunik unuk douk harik hatrukwi gani aun nakihu-mori iri. Okwok kwarig atin aria amam hagipeshokarigaha kwanak kwotem iruhw anudok nuganinneshuh atari urupat. 10Amam hatik okwudok unukaria amamhanadudareh hanaboummishish. 11Ariaamam hunak hawish atudok urupat aria hatik nu-ganin nani amakek Maria shape. Aria habuh hodukohrubus hatao atap henek lotuman. Aria hapukamamigas banagas hatuki eshudok hatorishi debei-bori utabor iri aria hukanesh. Hakon gol rani pauranyeisig yopuri unar iri shohwaren um frankinsensaria sani enen yopunyi sanda nyeigurinyum mir.12Hakon eshudok aria heshuh nagundok Betlehem.Heshuh habo anas yomnis aria Iruhin nakripamdodogowinyi baraen um maresh hutanam hutigukHerot uwe, uwok. Namudok aria amam hagipeshkupaihi yah hatanam hanam amamig nahobig.

Josep Nani Armatok Aria Nuganin SharuwokShanam Agudok Nahobig Isip

13 Douk amudok biom atun hanakuk aria Josepneshuh nonabek anas yomnis. Aria enen Debeiniananin ensel nyatogruman aria nyakripan nyakri,Nyikitak nyurao nuganin nini amakek aria arigahpunam agudok nahobig Isip. Punak pupe ganudokarigaha eik ta ikripep aria ta putanamori. Umummaresh, Herot douk nakana nupe nurim nuganinum ta non nugok.

14 Namudok aria Josep nakitak nurao nuganinnani amakek aria abudok atub wab shapa shanamIsip. 15 Josep nani Maria shabuh shape nagundokarigaha Herot nagok. Enyudok douk nyatogrumenen baraen seiwok Debeini nohur anan profetneyagwrehenyuk iri nyatogur adurin atin. Baraenenyudok. Iruhin nakri, Eik yohwar eikin Nuganinnakutukuk Isip nanaki.

HerotNoguwakAnanimSoldiaHanakHabo SabaimiBatowishim Hagok

16 Herot nape aria nadukemeshum amudok hapeiri aun nakihumori hanaki iri douk hagiyagimanhanak kupaihi yah. Namudok aria ananibur ny-ibur akasibur atubur. Aria noguwak anam soldiahanam Betlehem bani warub bape hurukatin umBetlehem iri um hubo ihim shokumi batowishimhugok. Hubo amudok douk biyesh aka atin atinkwarahos shadiyom iri atum. Umum maresh, anannadukemeshum douk hakripan hakri abudok nyu-tob hatik unuk um. 17 Enyudok douk nyatogur umenen baraen seiwok Iruhin nohur profet Jeremaianeyagwrehenyuk iri nyutogur adurin atin. Baraenenyudok. Iruhin nakriyenyi.

18 Shemnek anah mah abrudok wabur Rama.Shemnek onok armatok kworeh kwabo sawiyeguhkunak. Resel kwape kworep okwokwim nugamim.Kworeh aria madae enen arpen ko wosik nyu-gapeshumok okwokwish urkum apahw.

Josep Nani Armatok Aria Nuganin Shakutukuk IsipAria Shatanam ShanamWabur Nasaret

19 Arigaha douk Herot nagokuk aria Josep non-abek anas yomnis gani Isip. Enen Debeini ananinensel douk nyonohur aria nyakripan namudok.20 Nyakri, Nyikitak nyurao nuganin nini ananikamakek aria ta putanam punam Israel. Amudokdouk hakriumhubo nuganin nugok iri douk hagok.21Namudok aria Josep nakitak nurao nuganin naniananik amakek aria ta shatanam shanam Israel.22 Shanak aria Josep nemnek baraen um shakriAkeleas narao ananin yaken Herot ananik outuknatogur king nape Debeini um agudok shokugi na-hobig Judia. Namudok aria Josep ta nanogugur umnunam Judia. Arigaha douk ta nonabek anas yom-nis aria Iruhin nakripan enen baraen. Namudokaria shanam agudok shokugi nahobig nyeigurigumGalili. 23 Shunak aria shabuh shape anabur waburshohwarabur um Nasaret iri. Namudok aria enenbaraen seiwok amam profet henyemaguk iri ny-atogur adurin atin. Baraen enyudok. Anan doukko shuhwaran shakana anan Nasaret-epimin.

MATYU 3:1 5 MATYU 4:63

Jon Nenek Baptaisumesh Iri Nakripesh IruhinAnanin Yopinyi Baraen

(Mak 1:1-8; Luk 3:1-18; Jon 1:19-28)1 Abudok nyutob Jon nenek baptaisumesh iri

douk nanaki nape apa nakripesh Iruhin ananinyopinyi baraen. Arpesh shanaki aria apa napenakripeshen agudok shokugi nahobig Judia agun-dok wehigunum arpesh wokagunum. 2 Nakripeshnamudok. Nakri, Ipak pubukuk yoweishi inahosaria putanam pukon aparuh Iruhin aria putogurananish arpesh. Umummaresh, abudok nyutob umarpesh shuwish um agundok Iruhin nape Debeinium ananish arpesh shapeum heven douk hurukatinum ko butogur. 3 Jon anan douk anudok armanseiwok Iruhin nohur profet Aisaia neyagwrehukenen baraen nakri namudok,Enen arpen nyape nyohwar gani wehigunum

arpesh wokagunum.Nyohwar nyakri, Gapeshuman yah Debeini.Pugapeshah ba greg atin hatem um anan nugimah

nunaki um!4 Jon nenekah iri rupah douk shenekah enen

mahin shohwaren um kamel iri enyenyirub ehirub.Aria let nuwashot iri douk shenekat anap mahinyipyegenyihwip. Worigun nagnoh iri douk napeumnawok gormish aria akehinyi lele da nyor numunmarubusigas aragas iri. 5 Aria abudok nyutobarpesh shape iri Jerusalem iri, shape iri ihirubwarub agudok shokugi nahobig Judia iri, shape iriihirub warub bape hurukatin um worub Jodan iri,worobaishi shanaki um shumnek Jon. 6 Shanakishowereh shenekeshi yoweishi inahos aria nenekbaptaisumesh abudok worub Jodan.

7 Jon natik worobaimi Farisi hani Sadyusihanamori hutrun um nunek baptaisumamaria nakripam namudok, Ipak ogwuhwudokyoweiguhwi yuguhwim nugamim, Iruhin daakasin atun um ipak. Amiapen nyakripep umta puruwok um eshudok yoweishi douk nakrinenekesh shutogurum ipak iri? 8 Ipak douk pubodignyirub aria ko punek yopishi eneshenesh um tawosik piyabigesh namudok adur atin ipak da punekgihaum ipakish yoweishi inahos aria putanampukon aparuh Iruhin aria putogur ananish arpesh.9 Ipak pur urkwip ipakiruh aparuh namudok,Abraham anan douk apakin yaken. Eik yakri ikripipak namudok, Iruhin anan douk adur atin konuhur abrudok utabor aria nubranam um butogurAbraham ananish batowish. 10 Arubar iganigadaebanowatak bakus um buburow rowogig baug.Ihigosum rowos madae subuki yopipi shurkwip bapiragos iri, agusudoki rowos ko shuburo-ogos ariashuwashogos um nyih hunugos.

11 Eik douk yenek baptaisumep um abar kabi daenen kak um ipak douk pubukuk eshudok yoweishiinahos ipak da penekeshi iri aria pubodig nyirubaria patanam pakon aparuh Iruhin aria putogurananish arpesh. Aria anudok ko nugimori eik iri,anan ko nunek baptaisumep nukwu Iruhin ananinMishin. Anudok ananin dodog nyenek uhwin umeikin dodog eik madae yopue ipe wosik um taisuhwuman ananiyu su uwe, uwok. Anan ko nunekbaptaisumep nukwu Iruhin ananin Mishin nyini

nyih. 12 Anan ko nunaki kabi da anan arman na-suhwi anap neitip ananiswis umaria nunaki nudumihish witish nyubuhas nushubuk sik. Aria yaputishuruwepit wit anan ko nutubuk gani ananit urupatnobuk wit ati. Aria ihish witish nyubuhas anan konushaisheh nukwu ehudok yoweihi nyih douk hanuhape namudok atin irimadae ta hugoki uwe, uwok.

Jon Nenek Baptais Um Jisas(Mak 1:9-11; Luk 3:21-22)

13 Abudok nyutob Jon nape apa nenek bap-taisumesh abar, aria Jisas nakitak nakutukuk agu-dok shokugi nahobig Galili aria nanamworub Jodan.Anan nanam Jon um nakana Jon anan kanak tanenek baptaisuman. 14 Aria Jon nakri uwok umta nunek baptaisuman aria nakripan nakri namu-dok, Eik yakri wosik um nyak ta nyunek bap-taisum eik. Umum maresh, ba nyak ta nyunakmorieik? 15 Aria Jisas ta nasuhman baraen nakripannamudok, Meyoh um enyudoki baraen, douk nyaknyenekesh kabi da eik yakri um. Namudokwosik umapak munekesh namudok um miyabig ihishmorimum ihinyumorim yopiyopinyi baraen um Iruhinnakriyenyi um enyudok yopinyi poe. Aria Jonnemnek Jisas aria nunekesh kabi da anan nakri umnunek baptaisuman.

16 Douk Jon nenek baptaisuman jurug, aria Jisasnakutukuk worub nanatu natowi neyotu iruhwhurus. Aria atub nyutob anan nanig natik utagganupok um heven ibur wabur, aria anan natikIruhin ananin Mishin nyabuhi kabi da anar armirrunahwarammanyun um rabuhi retem Jisas. 17Ariaanah mah heyagwrehi gani iruhw heven namudok,Anudok eik kanak eikin nuganin. Eik yanawashabom iri. Eikish urkum apahw shakri shanadudarehshanawashaman abom iri.

4Satan Nakwiraeh Jisas(Mak 1:12-13; Luk 4:1-13)

1 Douk Jisas nenek baptaisum jurug aria Iruhinananin Mishin nyaran nyunak gani wehigunumarpesh uwok um, aria Satan ko nukwiraehan umnunek yoweishi inahos. 2 Aria Jisas nanak napenubatib tenabih nyumnegwih weibus nape meyohum madae nuwok worigun uwe, uwok. Arigahatakweirubi nyurub ban.

3 Aria Satan nanaki nakripan namudok, Nyak daIruhin in nuganin um aria nyak krip abrudok utaborba butogur bret.

4 Aria Jisas nakripan namudok, Baraen nyetemBaibel iri nyakri namudok, Arpesh madae shuwokbret atut ba ta shupe wosik atin uwe, uwok. Arpeshta shupe wosik atin um shumnek Iruhin ananin ihinbaraen niyagwrehenyi.

5 Jisas nakri namudok aria Satan ta naranumyopuburi wabur Jerusalem. Aria nakih nowemJisas neyotu gani iruhw iruhuguk um atudok Iruhinananit debeiti urupat.

6 Aria Satan nakripan namudok, Nyak doukIruhin ananin Nuganin um, aria nyak sapurakbuh gani atap. Umum maresh, baraen nyetemIruhin ananik buk iri nyakri namudok, Iruhin konukripesh dodogowinyi baraen ananish enselahos

MATYU 4:7 6 MATYU 5:3um shunaki shegemenyukuk aria shusuwenyukukiruhw esheshis wis. Namudok aria nyakiruh yeri-weruh ko mare hunubo anam atum utom uwe,uwok.

7 Aria Jisas nakrip Satan namudok, Baraennyetem Iruhin ananik buk iri shopunek nyakrinamudok, Nyak ta mare nyukwiraeh nyakin De-beini um nenek yoweishi inahos, anan da nyakinIruhin.

8 Aria ta shopunek Satan ta naran nato onohwhwato abom iri yoduhw. Hakih aria Satan neyabi-gan ihigosmorim nahobigos sape abudok amnab irisani ihishmorim yopishi eneshenesh shape agudoknahobig iri.

9 Aria anan nakrip Jisas namudok, Nyak doukatin nyuduk ohrubus aria nyuhwido barag gubuhatap aria nyenek beten um eik, aria eik ko ikeneshudok ihish eneshenesh um nyak.

10 Aria Jisas nakripan namudok, Satan nyakkaruwok-mokuk um eik! Baraen nyetem Iruhinananik buk iri douk nyakri namudok, Nyak ta konyunek beten um Debeini atun anan da nyakinIruhin aria nyunek anan atun ananin atin mour.

11 Jisas nakripan namudok aria Satan naku-tunukuk aria nanak. Aria enesh enselahos shanakishatauruman.

Jisas Nari Nenek Mour Nahobig Galili(Mak 1:14-15; Luk 4:14-15)

12 Abudok nyutob Jisas nemnek Jon danonoweshik nape shunuweshik-ati urupat, ariaanan nakitak natanamnanak agudok nahobig Galili.13 Aria anan madae nanak nupe ananibur waburNasaret aria amu nenek atin nanak nape kupaiburiwabur Kaperneam. Abrudok wabur douk bapeanagas um debeigi Galilieg waiyag hurukatin umabudok biyab amnab nyeiguribum Sebulun ariaNaptali. 14 Jisas nenekesh namudok umenen baraenseiwok Iruhin nohur profet Aisaia neyagwrehenyukiri nyatogur adurin atin.

15 Baraen enyudok. Nyakri,Debeibi amnab Sebulun aria debeibi amnab Nap-

tali,abudok amnab douk bape hurukatin umdebeihi yahhanam youg gwani amnab douk bape gani wobrab

worub Jodan iri um agudok nahobig doukGalili.

Agundok worobaishi arpesh douk eshesh madaeJudaishi aria eshesh shopunek da shanakishape agundok.

16 Eshudok arpesh shapeum arukwut iri, esheshdouk shatik

bogaragun um!Eshudok arpesh shapeum arukwut-igunum atugun

iri,douk shape bogaragun um atin!

17 Aria abudok nyutob Jisas nape nakripeshbaraen nakri, Ipak pubukuk apa punegeshiyoweishi inahos aria putanam pukon aparuh Iruhinaria putogur ananish arpesh. Umum maresh,abudok nyutob um arpesh shuwish um agundokIruhin nape Debeini um ananish arpesh shapeumheven douk hurukatin um ko butogur.

Jisas Nahwar Nubatim Armam Hatogur Disaipel(Mak 1:16-20; Luk 5:1-11)

18 Anah nyumnah Jisas nape nanarahaen nanakanagas um debeigi Galilieg waiyag aria natik biomarmam ashuken nani wanin. Anan douk Sai-mon. Ananin kupainyi nyeigur da shohwaran umPita. Anan nani ananin wanin Andru, amam doukhape howashak umbenab agudok Galilieg waiyag.Amam biom hatuk eiguhw um ta shutoruguhshukam utabor. 19 Douk natrum aria nakripamnakana, Ipak biom yowi pugipesh eik, aria eik taiyabigep um ta purao arpesh shunaki shugipesheik. 20 Douk amam hemnek atin aria hakutukukamamib umbenab bakuk aria hagipesh Jisas hanak.21 Anan nagim waiyag nanaku shopunek, aria tanatigu kupaimi biom armam ashuken nani wanin,Jems, Sebedi ananin nuganin, nani ananin wan-inuman Jon. Amam biom hani amamin yaken,Sebedi da hatem bot, aria apa hagabe amamibumbenab. Jisas natrumugu aria nahwaram umhugipesh anan. 22 Nohwaromugu aria atub nyutobahudok atuh nyumnah hakutukuk bot tani amaminyaken napeik, aria hakitak hanaman hanak.

Jisas Nakripesh Iruhin Ananin Yopinyi Baraen AriaNagabe Worobaishi Arugeh Henekeshi Yopish

(Luk 6:17-19)23 Jisas narahaen nanak ihirub warub agudok

nahobig Galili. Nanak nawish agundok esheshJuda shantorum shape sheneyagwreh-ogwi urusagaria nape nakripesh Iruhin ananin yopinyi baraen.Nakripesh um agundok eshesh ko shuwish umagundok Iruhin nape debeinium ananish arpeshum. Nakripesh baraen aria nagapesh ihishmorimda yowe yoweihi arugeh henekesh iri aria yopish.24 Aria baraen nyanak ihigunum agudok nahobigSiria um enyudok Jisas neneken iri mour. Namu-dok aria shrauri ihishmorim douk yoweshum yomoyomogihi arugeh henekeshi kabi da debeiri erigerrapeyeshi, yoweishi sagabehos shapeyeshi, eshudokshatu ba krukruk shakuh iri aria eshudok roguhwaiyas shagokesh iri. Aria Jisas nugabe ihishmorimba yopish. 25 Aria sabaishi shemnek baraen bashunaki, eshesh da shanaki arbudok warub baninahobigos. Eshesh shanaki Galili, Jerusalem ariaJudia. Enesh douk shape iri gani wobrab worub Jo-dan shanaki. Aria enesh douk shanaki anab amnabdouk 10 poreirub warub bapeim shahwarogun umDekapolis, eshudok ihishmorim eshesh shape arbu-dok warub iri shanaki aria shagipesh Jisas.

5Jisas Nakripesh Worobainyi Yopinyi Baraen Iruhw

Anag Mihig1 Jisas natik eshudok worobaishi arpesh shanto-

rum shanaki aria nanak nato anagmihig. Aria nakihnape atap. Aria ananish disaipel shanaki shanamanshape.

Jisas Nakripesh Baraen Um Yopihi Aih Douk ApakMugipesheh Aria Ko Mupe Manadudareh Abom Um

(Luk 6:20-23)2Aria Jisas neyagwreh nakesh yopinyi baraen na-

mudok, 3 Eshudoki arpesh douk shadukemesh umesheshish mishish madae shupe hurukum Iruhin

MATYU 5:4 7 MATYU 5:24iri, aria shakri Iruhin um ko numnekesh iri, esheshwosik ta shanadudareh. Umum maresh, eshesh koshuwish agundok Iruhin nape Debeini um ananisharpesh shapeum heven aria shupe wosik atin ganiiruhw heven.

4 Eshudok arpesh douk esheshiruh aparuhyoweruh ba shureh atinyi aria madae shunudu-dareh um, yoweishi inahos eshesh shenekeshi iriaria shukri um maresh ta shenek yoweishi inahosum, eshesh wosik ta shanadudareh. Umummaresh,Iruhin ko nugamohesh um esheshiruh aparuh.

5 Eshudok samokwiyaishi arpesh madae shubomishish ba shutuk esheshish nyeiguhw shuto iruhwaria shenek kupaishi yoweishi inahos iri esheshwosik ta shanadudareh. Umum maresh, Iruhinko nokesh abudok amnabish ihish eneshenesh ariashunogremesh.

6 Eshudoki arpesh douk shanawasham abomum shigipesh Iruhih ananin baraen ba shupe yop-unyi poe, kabi da nyurub baesh um worigun naniabar um, eshesh wosik ta shanadudareh. Umummaresh, Iruhin ko gamo nugamohesh nenekeshshupe duguresh atin shupe.

7 Eshudok douk shenek gihaum kupaishi arpeshiri aria shutaurumesh um eneshenesh iri, esheshwosik ta shanadudareh. Umum maresh, Iruhinshopunek ko nenek gihaum eshesh.

8 Eshudok douk esheshish apahw urkum shapeyopiyopishimadae shur um shenek yoweishi inahosiri, eshesh wosik ta shanadudareh. Umum maresh,eshesh ta shutik Iruhin.

9 Eshudok douk shapeum shiyatak rupanitak iri,eshesh wosik ta shanadudareh. Umum maresh,Iruhin ta nuhwaresh ananish nugashish.

10 Eshudok douk shenek Iruhin nakriyenyiyopinyi mour aria namudok ba kupaishi shaesh,shahiyahesh aria shuweshikesh um, eshesh wosikta shanadudareh. Eshesh douk ta ko shuwishagundok Iruhin nape Debeini um ananish arpeshshapeum heven. 11 Ipak douk shutrip pigipesheik, ba shuhep shurukwep nubug, shuhiyaheparia shugiyagim ipak shudukumep nyau nyatograribaraen, aria wosik ipak ta panadudareh. 12 Ipakishurkum apahw ko shupe wosik atin aria ipak kogamo punadudareh. Umum maresh, ipak ko puraoyopishi eneshenesh gani iruhw heven. Eshesh tashenekesh um ipak kabi da seiwok shehiyah anamprofet harigum ipak iri.

Ipak Douk Pene Bilip Aria Pape Kabi Sol Rani LaitUm

(Mak 9:50; Luk 14:34, 35)13 Ipak douk pape kabi da sol um abudok amnab.

Aria sol kwehig miyair ba mare ta akehir aka nubu-tir, aria ta menekar mumam ba ta akehir aka nubu-tir? Arudoki sol arar mour wokar. Aria ta arpeshshuwashar-uguk, aria shishar shukwu esheshiruhyeriweruh.

14 Ipak douk pape kabi da lait um abudok amnab.Anabur wabur da betem gani iruhw onohw yoduhwiri ta mare bunubeshuk. 15 Arpesh ta mare shutikeneh nyih aria shushapumeh shukwu anap marupuwe, uwok. Eshesh ko shutik nyih hukus wehiwe-higunum, um ta hukesh arpesh lait um ihishmorimarpesh numun urupat. 16 Aria douk ipak ta pupe

namudok atin kabi da nyih hanu hakus um. Pupeum punek yopishiyen aria ta arpesh shutrip ariako shuhur ipakin Yaken ananin nyeigur nyuto ganiiruhw douk nape heven iri.

Jisas Nakripesh Baraen Um Iruhin Ananin Lo17 Aria Jisas ta nakri namudok, Mare pure urk-

wip namudok eik douk yanaki um iyatakuk Iruhinananin lo seiwok nakrip Moses ba nenyem iri nyanienyudok baraen seiwok amam profet hakripeshuk-enyi, uwok. Eik douk yanamori inek enyudokbaraen douk lo nyani amam profet amamin baraennyakrium aria nyutograri adurin atin. 18 Doukipak gamo pumnek enyudok baraen eik adur atinyakripepum! Kweipon heven aria agudok naho-big guniyatak ahi nyumnah, enyudok ihin Iruhinananin lo kweipon nyupe atin nyupe aria ta marenyuniyatokuk uwe, Uwok. Enyudok mehimainyibaraen shenyem shus iri aria ihin baraen shenekennyape lo iri ihinyumorim baraen kweipon nyupeatin nyupe. Enyudok lo kweipon nyupe atin nyupenamudok atin arigaha ihish kupaishi enesheneshshiniyatokuk agudok nahobig. 19 Namudok ariadouk meinyiah arpen nyutik anabikum enyudokshokwinyium ihin Iruhin ananin lo aria nyubri-gen nyenek skulum kupaishi arpesh um nyigiyag-imeshum shenekesh namudok, enyudok arpennyenekesh namudok iri enyen kweipon nyeigurshokwin um nyuwish abrudok wabur Iruhin napeDebeini um ananish arpesh shapeum gani iruhwheven. Aria namudok atin ummeinyiah arpen douknyigipesh ihinymorim lo, aria shopunek nyenekskulum kupaishi um enyudok lo, enyenyin nyeigurko nyutogur debeinyi um ganik Iruhin nape Debeinium ananish arpesh shapeum iruhw heven. 20 Ariadouk adur atin eik yakripep namudok, ipak doukpupeum aria ta mare pugipesh Iruhin ananin lo babaraenyum, aria ipakih yopihi aih douk ta marehenek uhwin um douk amam Farisi hani amudokanam henek skulumesh um lo iri henekehi um bamare punekesh kabi da Iruhin nakri um, aria ipak tamare puwish aburdok wabur Iruhin ananish arpeshshapeum heven iri uwe, uwok.

Jisas Nakri Um Agundok Shugabe Baraen Um(Luk 12:57-59)

21 Aria Jisas ta nakri namudok, Ipak douk pum-nek seiwok shakrip ipakish popehesh yameheshum. Mare pubo arpesh shugok. Pubirok namudokum aria ko piyotu um debeigwi kwotog. 22Douk eikyakripep namudok. Ipak amiapen nyukri akas umananin anokwinen, aria ko shuran shunak um kwot.Aria ipak amiapen pukrip anokwinen namudok,Nyak yoweini! anan shopunek ko shuran shunakum kwot. Aria amiapen nyuho anokwinen, banyukana nyak yoweigunum, anan nape huruhurukum yoweihi nyih hanugunum gani hel. 23 Aria ipakko pakana pugabe mishish um Iruhin iri. Ipak pureurkwip pani enesh kupaishi panitok um, aria ipakpubukuk eneshenesh pakana pugabe Iruhin eshi.24 Ipak purik punak, ba pugabe baraen puni ipakishiaria ko putanam punak pugabe Iruhinin Mishin.Douk akas wata sapenyep obi nyutob mare punamIruhin.

MATYU 5:25 8 MATYU 5:4425 Ipak douk enesh arpesh shakana shuraep shu-

nak um kwotog um, aria pugabe baraen adukumkwot, da nyutob wata bape adai. Kadak pukunapiyotu abom um ta shuraep shunak um kwot ariashuko jasep aria jas ko noko ipakum polis. Ariapolis ko haraep hunam shunuweshik-ati urupataria punuweshik. 26 Aria nagundok ipak ko pupeabom piyatak ipakibor utabor um putor yoweitishunuweshik-ati urupat.

Jisas Nakri um Arpesh Shunaraum Iri Sheshuh Atu-gun Shenek Yoweishi Inahos Shani Kupaikwi Kupainari

27Aria Jisas ta nakri namudok, Ipak seiwok pem-nek shakrip arpesh enyudok baraen namudok, Ipakarman armatok punoraum iri mare puni kupaishiarman armatok punek wehrur. 28 Aria douk eikyakrip ipak namudok, douk anan arman nushakamonok armatok aria douk anudok arman iganigadaenenek wehrur numun um ananish urkum apahwum okwudok armatok. 29 Aria douk nyakip nabeppape yopunyi rogur ehahi ponuk nyak um nyunekyoweishi inahos, namudok aria douk atin nyutukapudok nabep ba nyuwashopuk. Namudok wosikum anabik um nyak kanak yowegun ba nyuwash-agunuk aria douk madae nyenek yoweishi inahosuwe, uwok, aria ta mare shuwashokuk ihinyumnyak kanak nyubuh gani yoweihi nyih hanu um heliri. 30 Aria douk nyakin yopunyi rogur nyubiroknyak ba nyuguruki um nyenek yoweishi inahos,namudok aria douk atin nyutupok enyudok rogurba nyuwashenyuk. Namudok wosik um anabik umnyak kanak yowegun ba nyuwashagunuk aria doukmadae nyenek yoweishi inahos uwe, uwok, aria tamare shuwashokuk ihinyum nyak kanak nyubuhgani yoweihi nyih hanu um hel iri.

Jisas Nakripesh Um Agundok Douk Shabrigesh Es-hesh Kanak Da Shanaraum Um

(Matyu 19:9; Mak 10:11-12; Luk 16:18)31 Aria Jisas ta nakri namudok, Seiwok es-

hesh shakri namudok, Douk anan arman niyatokukananik irohukwik, aria anan ta nukok irohukwikanap shup um ta shubrig eshesh kanak esheshshunoraum um. 32 Aria douk eik yakana ikripipak namudok, aria douk anudok arman niyatokananik irohukwik aria douk abudok nyutob ananikirohukwikmadae kwonekwehrur kuni anan arman,namudok aria douk anudok arman nenek armatokum kwabrig enyudok shunoraum enyi lo. Umummaresh, ta okwudok armatok kurao kupaini ar-man, aria okwudok armatok kwonek wehrur umkwani anudok anan arman sheshuh um. Aria taanan arman nurao onok armatok, seiwok okwokwinraminen niyatokuk iri, anan shopunek nabrig enyu-dok shunoraum enyi lo aria anan shopunek nenekwehrur um nani okwudok armatok sheshuhum.

Jisas Nakripesh um maresh Shukuna Adur Iruhw33 Aria Jisas ta nakripesh namudok, Ipak pum-

nek enen baraen seiwok shakrip ipakish popeheshyamehesh shemnek aria ipak shopunek douk pem-nek, enyudok baraen nyape namudok, Nyak mareta nyigiyagig um agundok ta nyukri adur iruhwum. Aria agundok nyukri adur iruhw um nyakananyenek enen mugu um, aria ta adur atin nyigipeshenyudok baraen aria nyenekesh shutogur adur atin

um Debeini ananis nabes. 34 Aria douk eik yakripipak, douk ipak mare ta piyagwreh pukri aduriruhw. Amu wouwokuk. Ipak mare ta piyag-wreh pukri heven um punek enen baraen nyuto-gur dodogeshin. Umum maresh, Iruhin napeyenyidebeinyi wagitur da nyape heven. 35 Aria ipakmare ta piyagwreh pukri agudok nahobig um punekenen baraen nyutogur dodogeshin. Umum mareshagudok nahobig douk kabi da wabur um Iruhinnoduk ananiruh yeriweruh heyotu agudok nahobig.Aria shopunek ipak mare ta piyagwreh pukri waburJerusalem shopunek um punek enen baraen nyu-togur dodogeshin. Umum maresh, abrudok waburdouk anudok atun Debeini King ananibur wabur.36Aria ipak mare ta piyagwreh pukri ipakigos bara-gos um punek enen baraen nyutogur dodogeshin.Umum maresh, nyak madae nyukana wosik atinum ta nyenek anap nyakip baragitep nyakig baragum ta putogur shigorihwipi aka behrabipi, uwok.37Aria ipak ta pukri pukuna Adur aria Uwok atin.Enyudok atin ipak ta pukriyen aria meyoh. Ihinkupainyi baraen da shiyagwrehen ba shagiyagigaria shaduronen um enyudok baraen iri enyudokbaraendanyatograri enyudok yoweinyi sagab Satanda neyagwrehen ba nyatogur.

Jisas Nakripesh um maresh Ta Shubeiri BaraenWanohw Douk Kupaishi Shenekesh-umesh Iri

(Luk 6:29-30)38Aria Jisas ta nakri namudok, Ipak seiwok pem-

nek shakri namudok, Douk anan armannununu ku-paini arman ananip nabep, aria anan ko shopuneknutanamnunununanudok ananipnabep. Aria doukanan arman nudar kupaini arman ananihw nahw,aria anan ko shopunek nutanam nudar nanudokananihw nahw. 39 Aria douk eik yakrip ipak na-mudok, Ipak mare ta putanam pubeiri nigwanoh,baraen um douk kupaishi shenekesh yowiyokukum ipak iri, uwok. Aria douk anan arman nuboenesh nyakish popaeshohos, aria nyak nyukonuguwobresh popaeshohos shopunek ba nesh. 40 Ariadouk anan arman nakana nenemen kwot aria nu-trin nyakit siot, aria nyak shopunek ta nyukonugunyakit saket shopunek um anan. 41 Aria doukanan arman dodogeshin um nyak ta nyusahumonananih jah ba nyigim yah nyunak 1 kilomita, na-mudok aria nyak nyusah jah nyigim yah nyinak2 kilomita. 42 Aria douk anan arman norig nyakum nyukon enesh muguhwos um anan, aria nyakwosik shukon eshudokmuguhwos anan da narigen-meishi. Aria douk anan arman nakana nyukonenesh muguhwos meyoh ba kweipon aria ananta nutanam nukenyeshi um nyak, aria nyak marenyukon agab um ananin baraen uwe, uwok.

Jisas Nakripesh Um Agundok Apakish UrkumApahw Shukri Shunawasham Apakish Horik Horin

(Luk 6:27-28, 32-36)43 Jisas ta nakri namudok, Ipak seiwok pemnek

shakri namudok, Ipak ko gamo pukri punawashamipakishi arpesh atish, aria ipakish urkum apahwko yoweshum ipakish horin horik. 44 Ariadouk eik yakripep namudok, ipak douk aria taputanam pukesh ipakish urkum apahw aria pukripunawasham ipakish horin horik, aria ipak punek

MATYU 5:45 9 MATYU 6:18beten um eshesh aria Iruhin ta gamo nugabe esheshdouk shenekesh yowiyokuk um ipak iri. 45Namudokaria ipak ta pupe kabi da Iruhin ananish nugashishum ipakin Yaken douk nape heven iri. Anandouk nenek wah hutao um yoweishi arpesh ariashopunek um yopishi arpesh. Aria anan shopuneknenek eshah hormorim um yopishi arpesh ariashopunek um eshudok arpesh da shanahwaram umyoweishi arpesh shopunek. 46 Douk ipak pukunapukri eshudok arpesh douk shakri ipak atip iri,aria ipak ta purao maresh yopishi? Douk haraotakis iri, amam shopunek douk henek apunih aih.47 Aria douk ipak punek ruwahep wabigep umipakish wanaruh atish, aria ipak ta punek uhwin umkupaishi arpesh esheshish urkum apahw mumam?Eshesh madae shudukemesh um Iruhin ananinbaraen iri douk shenekesh namudok atin. 48 Ariaipak douk ta putogur yopip abom um punek yopishieneshenesh atin aria pupe kabi da ipakin Yakennape heven iri douk nape yopuyopuni abom.

6Jisas Nakripeshum Shusuhw Yopuhwi Ruwohwum

1 Aria Jisas nakri namudok, Ipak ko gamopudukemesh. Ipak mare pusuhw ipakihw yopuhwiruwohw yopugunum um ihish arpesh ta shutikuwok. Douk punekesh namudok, aria ipak ta marepurao yopishi eneshenesh um ipakin Yaken douknape heven iri, uwok.

2 Aria douk ipak pakana pukesh enesheneshum eshudok douk eneshenesh wokeshi, aria shop-unek mare pukrip arpesh shurik shunak ba shuh-war shukripesh um nyak nyenekesh namudok kabida enesh arpesh shabirak um gani numun lotuigurusag aria gani debeihi yeh. Eshudoki arpeshshakana shigiyagim ihish arman armatok, ariaeshesh kupaikwi kupainari ta shukana eshudokiarpesh da yopishi aria shuhur esheshish nyeiguhwshuto gani iruhw. Eik yakripep adurin baraen,eshudoki arpesh douk sharao esheshishi yopishieneshenesh aria jurug. 3 Douk nyakana nyutau-rum eshudok jah eneshenesh wokeshi, aria doukruwohw nyasuohwi nyakin yoweinyi rogur marenyudukemesh um marohw ruwohw douk nyakinyopunyi rogur nyasuohwi. 4 Namudok aria enyu-dok mour um shutaurum jah um enesheneshwokeshi douk nyubeshuken nyeneken iri ta nyupenyunubeshuk-igunum. Aria ta nyakin Yaken nutikeneshenesh shape nyunubeshuk-igunum iri, ariaanan ko nuken yopishi eneshenesh um nyak.

Jisas Nakripesh Um Agundok Shunek Beten Um(Luk 11:2-4)

5 Aria Jisas nakri namudok, Ipak pakana punekbeten um, aria ipak mare punekesh kabi da amu-dok hagiyagigi henekeshum. Amam hakana hiyotuhenek beten numun um lotuig urusag aka hiyotuagundok worobaishi arpesh sharahaen um debeihiyeh um kupaishi arpesh shutrum. Eik yakripepadurin baraen um ipak, amudok iganigadae haraoamamibor utabor jurug. 6 Aria douk pakana punekbeten um, aria puwish ipakig urusag aria puwaruwitog aria punek beten um ipakin Yaken douknape nonobeshuk-igunum. Aria ipakin Yaken douk

apa natik eshudoki, anan ta gamo nugabe ipaknukep ipakish yopishi eneshenesh. 7 Aria abudoknyutob ipak pakana punek beten obi nyutob, ariamare punek beten piyagwreh sabain atin baraenmeyoh, namudok eshudok madae shudukumeshum Iruhin iri shabirak um. Esheship urkwip pornamudok eshesh ta shiyagwreh sabainyi baraen ariaIruhin ta numnek eshesh. 8 Ipak mare pugipesheshesh da shenekeshum, uwok. Douk ipak madaepupuk ipakig nukwatog obi nyutob um porig ipakinYaken um enesh eneshenesh, aria anan igani-gadae nadukemesh um ihish eneshenesh ipak doukwokeshi.

9 Ipak pakana punek betenum, aria punek betennamudok.Apakin Yain, nyape iruhw heven iri, apak makriihishmorim arpesh shutuk nyakin yopunyi nyeigur

nyape holi iri nyuto gani iruhw.10 Apak makri nyak nyupe debeini um sabaishi

arpesh.Apak mape atap iri makri mugipesh nyakin baraen

atin,kabi da eshesh shape iruhwheven iri shenekesh um.11 Douk nyukop doukigun worigun ahudok atuh

nyumnah.12 Aria nyukweshih-umap ihish yoweishi inahosapak monekesh iri, kabi da apak shopunek

menekesh um kupaishi shenekeshomap iri.13 Aria nyak mare ta nyukrip yoweinyi sagab Satanumnukwiraeh apak bamunek yoweishi inahos uwe,

uwok.Aria nyak nyutaurum apak nyukrip Satan um ta

mare nunamori apakaria nyukweshihuk yoweishi inahos um apak.[Nyak atin nyape nyohwar arpesh um shuwishagundok nyak nyape Debeinarium nyakish arpesh

um,aria nyak dodogowinyi abom aria sabaishi arpesh

shatuknyakin yopunyi nyeigur nyape holi irinyuto gani iruhw ihih nyumneh. Adur atin.]

14 Pumnek. Douk ipak puwaromesh kupaishishenekeshi yoweishi inahos, aria ipakin Yaken napeheven anan ta nukweshih ipakish yoweishi ina-hos shopunek. 15 Aria douk ipak mare pukweshihyoweishi inahos um eshesh kupaishi arman arma-tok, aria ipakin Yaken shopunek ta mare nukweshihipakish yoweishi inahos.

Jisas Nakripesh Um Agundok Shashakur Um Wori-gun Eneh Nyumneh Aria Shunek Beten Atin Um

16 Jisas nakri namudok, Douk pakana pushakurum worigun eneh nyumneh, aria ipakigos yomogosmare yowegos kabi da arpesh shagiyagigi shenekeshum. Esesh shenek esheshigos yomogos yowegos,aria ihish arpesh shutrish aria shudukemesh na-mudok eshesh da shushakur um worigun. Eikyakripep um adurin baraen ipak, eshesh iganigadaesharao yopishi eneshenesh aria jurug. 17 Aria ipakdouk pakana pushakur um worigun, aria pukrupyomogos ba puwem yopuri wel ipakigos baragos.18Namudok aria ihish arpesh komare shudukemeshnamudok ipak da pushakur um worigun. Ariaipakin Yaken da nape nunubeshuk-igunum iri, ananatun ko nudukemesh. Aria ipakin Yaken apa natik

MATYU 6:19 10 MATYU 7:5eneshenesh shunubeshuk iri, anan konukepyopishieneshenesh um ipak.

Jisas Nakripesh Um Yopishi Eneshenesh ShurimeshShushubuk Heven Iri

(Luk 12:33-34)19 Jisas nakri namudok, Ipak mare putorum

yopiyopishi eneshenesh ipakish aria pushubukatugun agundok um agudok nahobig, uwok.Puneshubuk agundok um yomiyamish aria ros koshununish, aria eshudok shakwaruhi ko shubrignarub urusag ba shukwumesh aruh. 20 Namudokaria ipak ko putorum yopiyopishi eneshenesharia pushubuk atugun gani iruhw heven. Umummaresh, gani iruhw heven yomiyamish aria rosko mare shununish aria eshudok shakwuaruhiko mare shubrig narub urusag ba shukwumesharuh uwe, uwok. 21 Aria abrudok wabur eshudokyopiyopishi eneshenesh ipakish shakus aburi, ariadouk abrudok wabur atubur ko ipakish urkumapahw ko shunuwasham-agun abom um ta shupe.

Arpeshis Nabes Asas Douk Kabi Enen Lam Um(Luk 11:34-36)

22 Aria Jisas ta nakri namudok, Nabes sape kabida lam um ipakiruh yegeshiweruh. Aria douk ipakisnabes yopusium, ta lait shunukit ihigunum ipakiruhyegeshiweruh. 23 Aria douk ipakis nabes yowes,aria ihigun um ipakiruh yegeshiweruh ta hupeimarukwut. Namudok aria douk atudok lait tupenumuninyum douk kabi da arukwut um, aria taatudok arukwut ko tutogur debeiti abom.

Anan Arman Ko Mare Wosik Um Nenek Mour UmBiom Takwiyem Atugun

(Luk 16:13)24 Jisas nakri namudok, Madae anan arman

douk ta wosik um nupe shukam um biom tak-wiyem atugun uwe, uwok. Aria ta ananish urkumapahw shukri anan aria yowesh um naniganan.Aria ta numnek baraen um anan aria nukon agabum naniganan. Aria ipak douk shopunek ta marepupe shukam um Iruhin aria utabor shopunek uwe,uwok.

Jisas Nakripesh Um Agundok Eneshenesh WokeshAria Eshesh Urkwip Yowep

(Luk 12:22-31)25 Aria Jisas nakri namudok, Namudok aria eik

yakripep, ipakmare urkwip aparuh yowesh um ipakkanak aria pakri, Douk ta apak muwok mareshmuguhwos? Aria ta muwok marabar abar? Ariamare urkwip aparuh yowesh um ipakiruh yegeshi-weruh aria pakana, Douk ta muwah mareh rupeh?Enyudokmori ipak mare ta piyagwrehen atin uwe,uwok. Ipak douk ta mare pupe dodogowip umrupeh hani worigun atish aria pupe roubi nyu-tob agundok atap uwe, uwok. Ipak purik gamopupe yopip abom ba iyoh aria eshudok ko pugigukpure urukumomesh. 26 Ipak douk putik armiguhwhwohwebur iruhw iri. Ogwoguh madae hwu wori-gun uwe, uwok. Aria ogwoguhmadae hutorumogunba hugunubuk shawok worigun ati urupat uwe,uwok. Ogwoguh douk ipakin Yaken nape heveniri nukoguh worigun. Aria ipak douk peshagrakukarmiguhw, aka uwok? 27 Aria douk enen um ipak

enyenyish urkum apahw shor shunak yoweshumta nyupe anagun shopunek banogun nyutobigunnyupe agundok atap nyishagrakuk abudok nyutobdouk ko nyugok obi? Namudok ta uwok.

28 Aria umum maresh ba ipakish urkum apahwyowesh um rupeh? Ipak ko putik kabi da es-hudok wanorish aruruhish shatogur um. Esheshdouk shatogur mumam? Eshesh madae shunekenen debeinyi mour uwe, uwok. Eshesh madaeshenek rupeh uwe, uwok. 29 Aria douk eik yakripipak, seiwok King Solomon nere sabaihwi yopuyop-uhwi ananihw suruhw ba uwok, eshudok aruruhishshenek uhwin umSolomon ananihw suruhw. 30Ariadouk aruhudok utoruh hape ihigunmorim, arianuhut atin arpesh ta shutuporuh aria shuwashoruhum nyih hunuruh. Aria aruhudok utoruh doukIruhin naginohwaruh. Namudok aria ipak armamarmago papeum shokwinyi bilip meyoh, ipak doukgamo pudukemesh namudok, Iruhin ta gamo nug-inohw ipak shopunek. 31 Namudok aria ipak mareipakish urkum apahw shor shunak yowesh ariapukana, Ta apak muwok maresh? Ta apak mu-wok marabar abar? Ta apak mure mareh rupeh?Uwok. 32 Eshesh eshudok madae shudukemeshum Iruhin iri eshesh ko esheshish urkum apahwta yowesh um shurim eshudok ihish eneshenesh.Douk ipakin Yaken nape iruhw heven iri ananiganigadae nadukemesh jurug um eshudok ihisheneshenesh ipak wokeshi. 33 Aria douk nyarikiri mugu ipak ta ko gamo punekenyi douk nyakrinamudok. Ipak pupe dodogowip atip um puwishagundok Iruhin nape Debeini um ananish arpeshum aria punek yopihi atih aih. Ipak purik punekenyudok aria ihishmorim eneshenesh eshudok taanan nukepesh shopunek um ipak. 34Namudok ariaipak mare urkwip aparuh yowesh um maresh tashutogur nuhut, uwok. Umummaresh, enesheneshko shutogur nuhut iri nyunekesh wokish shuto-gur nuhut. Aria maremaresh eneshenesh shakanashutogur doukih nyumnah iri nyunekesh wokishshutogur douk.

7Jisas Nakripesh um maresh Shuduk Heh Um Ku-

paishi Arpesh Shenek Yoweishi Inahos Um(Luk 6:37-38, 41-42)

1 Aria Jisas nakri namudok, Ipak mare pusuhwwis ba puduk heh aria baraen um kupaishi bapakana eshesh da yoweishi, uwok. Ipak penekeshnamudok aria Iruhin ko ta nenekesh namudokatin um ipak shopunek. 2 Iruhin ko nusuhw wisaria nuduk hah aria baraen um ipak kabi da ipakpenekeshum kupaishi arpesh um. Aria ahudokiatatahih aih, baraen atish ipak da penekesh um ku-paishi arpesh iri, ahudok atatahih aih, baraen atishko Iruhin nutanamnenekesh um ipak namudok atinshopunek.

3 Umum maresh, ba ipak patik mehimainyinyubuhasin nyor ipakin anokwinen ananip nabepiri, aria ipak da madae urkwip purum debeipirowogip aidap da por ipakis nabes iri? 4 Aria doukaidap por ipakis nabes, aria umum maresh ba ipakta pukrip ipakin anokwinen, Anokwin, eik yakanaitukuk nyubuhas da shor nyakip nabep iri? 5 Ipak

MATYU 7:6 11 MATYU 7:27douk penek rohw iri aria pagiyagigi. Riguk ipakta putukuk debeipi rowogip aidap por ipak kanakipakis nabes iri ba jurug. Aria kwehig ba gamo putikaria ko putukuk shokushi nyubuhas da shor ipakinanokwinen ananip nabep iri.

6 Ipak mare puhur yopiyopishi enesheneshshugraeheshum Iruhin iri, aria puko nubagwesh.Umum maresh, nubag ta gutanom aria gunatukipak. Aria ipak mare puwashok yopiyopibi ipakibweiyoub bunam burguhw. Um maresh, ogwog-wuhw ta hwusish weiyoub hurukutunab hwukwuohwip.

Jisas Nakripesh UmShenek Beten Um Iruhin Aria TaNukesh Yopiyopishi Eneshenesh

(Luk 11:9-13)7 Aria Jisas nakri namudok, Ipak penek beten

aria porig Iruhinumtanukep eneshenesh, aria ananta nekepesh. Ipak penek mour dodog um purimeneshenesh aria ta putrish. Ipak pubo wit, ariaIruhin ta nujik wit um ipak. 8 Ihish arpesh shenekbeten um Iruhin iri, eshesh ta shurao eneshenesh.Arpesh shenek mour dodog um shurim enesheneshiri, eshesh ta shutrish. Arpesh ko shubo wit iri,Iruhin ta nujikomesh wit.

9 Aria ko enen batowin um enen arpen um ipakko nyorig enyenyin yaken um nuken bret, aria koyakenomen nuken utomumbatowin aka? Namudokta uwok. 10Aria ko batowin nyorig yaken um nukenanar eyur, aria ko yakenomen nuken anar yoweiriyur aka? Namudok shopunek ta uwok. 11 Ipakyakenyim penek sabaishi yoweishi eneshenesh iriagudok nahobig, aria ipak madae pigiyagim batow-ish uwe, uwok. Aria ipak padukemesh um pukeshyopishi eneshenesh um ipakish nugashish. Namu-dok aria ipak ta gamopudukemeshnamudok, ipakinYaken da nape heven iri anan ta nunadudareh umnukep yopiyopishi eneshenesh um arpesh shenekbeten um anan iri.

12 Namudok aria ihih yopihi aih ipak pakana takupaishi arpesh shenekeh um ipak, aria ehudokiatih yopihi aih ipak ta punekeh um kupaishi arpeshshopunek. Enyudok douk baugenyum baraen umlo, aria enyudok douk shopunek baugenyum baraenum seiwok profet hakriyenyi.

Jisas Nakripesh Um biyeh Yeh(Luk 13:24)

13 Jisas nakri namudok, Ipak punak puwish atu-dok shokwuti wit. Aria wit douk tunam yoweihi yahta punak puwishukuk ahi ahudok debeihi yah, douksabaishi arpesh shatik shokubur um shakana shigi-moh. 14 Aria wit tunam abrudok yopuburi waburiri um arpesh shunak shupe wosik yopinyi poe iri,atudok wit shokukutet abom iri, aria yah hunamabrudok wabur iri shopunek sabaishi arpesh madaeshigimoh uwe, uwok. Aria douk atin atin armanarmatok wosik shatik shadukemesh aria shagimahudok yah.

Apak Ko Gamo Mudukemesh Um Amudok HenekRohw Aria Hagiyagigi Profet Um Amamin Baraen

(Luk 6:43-44, 13:25-27)15 Aria Jisas ta nakri namudok Ipak ta gamo

pudukemesh um amudok hagiyagigi profet. Amamko hiyagwreh yopinyi baraen um honuk ipak.

Amam hakana ta hiyagwreh higiyagig um ipak ariahonunip. Amam kabi da wanarig nubag um gwuresipsipihw yegenyihw, aria ta gwunak huruhurukum eshesh sipsipahos aria ta gwusuwesh. 16 Ipakta ko putik kabi da hiyagwreh henek enesheneshum aria ta pudukemesh, amudok da hagiyagigiprofet, aka uwok? Aria ko pudukemesh. Arpeshta shunam segego watogur-aruhi madururuh ariata shudi wainip shuruwep, aka? Aria arpesh tashakana shudi shuruwep peir rowog da nyunuh-warom fik iri, aka ta shunam nyugwugwus-iruhiyoweiruhi utoruh? Namudok uwok. 17 Namudokatin ihigosum yopugosi rowos sobuki yopipi shu-ruwep. Aria yoweigosi rowos sobuki yoweipi shu-ruwep. 18 Yopugosi rowos ko mare subuki yoweipishuruwep. Aria yoweigosi rowos ko mare subukiyopipi shuruwep. 19 Ihigos rowos da madae subukiyopipi shuruwep iri, eshesh ta shubro-ogos ariashuwashogos sunam nyih ko hunugos. 20Namudokaria ipak ta gamo putik amam da henek enesheneshum aria hiyagwreh um aria ta pudukemesh umamudok henek rohw ba hagiyagigi profet.

Jisas Nakripesh Um Eshudok Arpesh Anan Ko MareNuhwaresh Ananish Arpesh Iri

(Luk 13:25-27)21 Ipak mare pur urkum apahw namudok. Ihish

arpesh da shuhware, Debeini, Debeini, aria es-hesh ta shunak shuwish agundok Iruhin nape De-beini um ananish arpesh shapeum heven, uwok.Arpesh shagipesh eikin Yain ananin baraen iri ariaananish urkum apahw shakri um gani heven, es-hesh atish ko shuwish agundok Iruhin nape De-beini um ananish arpesh um. 22 Nohudok nyum-nah Iruhin ananih kwotogwih nyumnah, sabaishiarpesh ko shukrip eik namudok, Debeini, Debeini,apak seiwokmasuhwnyakinmourprofet umnyakinnyeigur. Umum nyakin nyeigur apak mohiahyoweishi sagabehos. Umum nyakin nyeigur apakmenek Iruhin atun neneken iri mour. 23 Aria umabudok nyutob eik ko ikripesh namudok, Eikmadaeidukem ipak uwe, uwok. Ipak eshudok arpeshda apa pape penek yoweishi inahos atish iri, ipakkaruwokuk um eik!

Jisas Nakripesh Wobuwobren Baraen Um Biom Ar-mam Harok Urusag Iri

(Luk 6:47-49)24 Jisas nakri namudok, Ipak amiapen pumnek

enyudok eikin baraen iri aria pigipeshen, enyenkabi da enen arpen yopugi barag gorenyi, nyarokenyenyit urupat totem utaborigunum. 25 Ariaeshah harari, dodogowinyi uhwin nyahur, ariauhwin eshah shabo atudok urupat. Aria atu-dok urupat madae tutu uwe, uwok. Umummaresh? Arpen nyarok urupat utabor bor amnab iribuwapomurupat aria dodogeshit atut. 26Aria arpenda nyemnek enyudok eikin baraen aria madaenyigipeshen, enyen kabi da enen nyogugaki arpennyarok enyenyit urupat totem arukot atut takusum.27 Aria debeishi uhwin eshah shatogur aria de-beibusi worubus sawori, aria shadigur atudok uru-pat. Aria atudok urupat tanadigur tabuh takus ataparia tutukarot yowiyokuk.

Jisas Ananin Dodog

MATYU 7:28 12 MATYU 8:2428 Aria Jisas neyatok ihin baraen um eshudok

eneshenesh, aria ihish armam armago esheshishurkwip aparuh shakitak yowiyokuk um ananinbaraen. 29Umum maresh? Anan madae niyagwrehnukesh skul kabi da amudok henek skulumesh umIruhin ananin lo iri uwe, uwok. Aria anan daneyagwreh kabi da anan debeini morim.

8Jisas Nagapesh Anan Um Ehudok Yoweihi Arugeh

Lepra Hapenyan Iri Arman(Mak 1:40-45; Luk 5:12-16)

1 Aria Jisas nakitak nabuhi mihig, aria sabaishiarpesh shagipeshan shanak. 2 Aria anan ehudokarugeh lepra hapenyan iri nanaki um Jisas arianabuh noduk ohrubus huruk um Jisas aria nakrinamudok, Debeini, nyak nyukri wosik um, arianyak ko nyugapeshe aria ta eik yopuwe.

3 Aria Jisas nuwem ananis wis anudok armanaria nakripan namudok, Eik yakri wosik um nyaknyutogur yopunyi arpen.

Aria atub nyutob ehudok arugeh lepra haniy-atokuk um anan, aria natogur yopuni arman.4 Aria Jisas nakripan namudok, Nyak ko gamonyudukemesh. Aria mare nyukrip enen arpenum eshudok eneshenesh da shatogur um nyak iri,uwok. Nyak kare ba nyiyabig nyakihw yegenyihwum anan pris aria nyenek ofa kabi da seiwok Mosesnakri um. Nyunekesh namudok um aria arpesh koshudukemesh namudok nyakih arugeh iganigadaehatuh.

Jisas nagapesh Anan Arman Douk Nenek Mour UmAnan Debeini Soldia Iri

(Luk 7:1-10)5 Jisas nanak nawish wabur Kaperneam aria anan

debeini soldia um amam 100-poreim soldia iri umRom esheshin ami anan nanaki aria narik Jisasdebeg namudok, 6 Debeini, anudok neneme mourum eik iri, arugeh hapeyan aria neshuh nakusurupat. Aria anan nemnek ananihw yegenyihwerigerishihw atuhw. 7 Aria Jisas nakri namudok,Wosik eik ko inak ba igabeyan aria yopun.

8 Aria anudok debeini soldia nakrip Jisas namu-dok, Debeini, eik madae yopuwe iri uwe um nyaknyunaku nyuwish eikit urupat uwe, uwok. Nyaknyukri baraen atin aria anudok arugehin nenememour iri ko ta yopun. 9 Umum maresh? Eikshopunek yenek mour um ami aria anam debeimiheyotu harig um eik. Aria eik shopunek eik kanakdebeini um anam kupaimi soldia. Aria eik ikripanan, Nyak kare, aria anan ta nunak. Aria eik ikripkupainari, Nyak yowi, aria anan ta nanaki. Ariaeik ikrip anudok nenememour eik iri, Nyak nyenekenyudok mour, aria anan ta neneken.

10 Jisas nemnek enyudok baraen aria naki-tak yowiyokuk. Aria nakrip eshudok arpeshshagipeshan iri namudok, Eik yakripep adurinbaraen, eik nubo madae itik enen arpen orokohunum eshesh Israel um nyenek bilip dodog kabi daanudok arman um uwe, uwok. 11 Aria eik yakripipak, sabaishi arpesh shape nahobigos gani aunnakih-morim aria gani aun nabuhum ta shanaki,aria eshesh ta shunaki shupe shuwok worigun

shuni Abrahamnini Aisak aria Jekop abrudokwaburIruhin nape Debeini um ananish arpesh shapeumheven. 12 Aria ipak Juda pakana puwish pupeagundok Iruhin ananish arpesh shupe um. Ariaenep um ipak Iruhin ko nipuhur nuwashep putoguraduk um arukwutibur wabur. Aria nabrudok wabureshesh ko shureh yowiyokuk aria shurpak naruhshuwegoruh.

13 Aria Jisas nakrip anudok debeini soldia namu-dok, Nyak douk kare. Aria ihish eneshenesh tashutogurum nyak kabi da nyenek bilip um.

Aria douk abudok atub nyutob anudok armannenekmour um debeini soldia iri arugeh hatuh arianatogur yopunyi arpen.

Jisas Nagabe Pita Ananik Nakwurikwik Yopuk(Mak 1:29-31; Luk 4:38-39)

14Aria Jisas nanak nawish Pita ananit urupat, arianatik Pita ananik nakwrikwik kweshuhw kwotemaras, okwok da arugeh hapeyok aria okwokwihwyegenyihw juwehosihw atuhw. 15Aria Jisas nasuhwokwokwis wis aria okwokwih arugeh hatuh. Ariaokwok kwakitak kwape kwonekuman Jisas worigun.

Jisas Nagabe Sabaishi Ehudok Arugeh HenekeshiShatogur Yopish

(Mak 1:32-34; Luk 4:40-41)16 Douk wabigep hurukatin um wab aria

shape sharauri sabaishi yoweishi sagabehosshapenyeshi arpesh shanamari Jisas. Sharaeshiaria nakripesh atin baraen meyoh aria eshudokyoweishi sagabehos shatogur sharuwok. Aria anannagabe ihishmorim arugeh da hapeyeshi. 17 Anandouk nenek enyudok um enen baraen seiwok profetAisaia neyagwrehenyuk aria nyatogur adurin atin.Baraen enyudok, Iruhin nakri namudok,Anan meyoh nahiyahuk yomo yomogih apakih

arugeh nagabeyap um yopup.Jisas Nakrium Agundok Arpesh Shukri Shugipesh

Anan Um(Luk 9:57-62)

18 Jisas natik sabaishi arpesh shanaki sheyatushersharihan aria nakrip ananim disaipel um hu-nam gani wobrag Galilieg waiyag. 19 Aria anannenek skulumesh um lo iri nanaki nakrip Jisas na-mudok, Tisa, ihigun nyak nyunak um, eik shop-unek ta inamen unak atin.

20 Aria Jisas nakri namudok, Wanarig nubaggweshuh nuwagos-igunum. Aria armiguhw huh-webur iruhw aria shopuk hweshuh was. Aria EikAnudok Arman douk yatogur adurinyi arpen iri, eikdouk urupat uwok um inak ishuh ipeum, uwok.

21 Aria kupaini arman apa nagipesh Jisas irita nakripan namudok, Debeini, eikin yain wataknape. Nyak yotum eik ba inak ba itrun anan nugokba iroman ba iyoh aria inaki inamen unak.

22 Aria Jisas nakripan namudok, Nyak bukeshuk.Eshesh shagok iri, eshesh ko shurom eshesh kanak.Nyak yowi douk ba nyigipesh eik.

Jisas Naho Debeinyi Uhwin Eshah Um Jurug(Mak 4:35-41; Luk 8:22-25)

23 Aria Jisas naprok nato anat bot, aria ananimdisaipel shopunek hato bot aria heiran hanak.24 Hanak orokohun um waiyag, aria atub nyutob

MATYU 8:25 13 MATYU 9:13enesh uhwin eshah shakitak shohur waiyag ariadebeibi morub jirigarab bawish bot aria bot hu-rukatinyum tubuhuk waiyag. Aria Jisas anan doukneshuh notem bot. 25 Ananim disaipel hanakhenyubarun aria hakripan hakana, Debeini, kwak-itak ba nyutaurumap. Apak hurukatinyum ko mu-gok.

26Aria Jisas nakripamnamudok, Ipak panogugurum maresh? Ipak douk madae punek bilip um eikuwe, uwok.

Nakripamnamudok aria ta nakitak naho eshudokdebeishi uhwin eshah shani morub. Namudok ariauhwin eshah shagok shabuh. Aria waiyag ta gabuhgor shemshem.

27 Aria amam disaipel hakitak yowiyokuk baminih ham meyoh. Anudok meini arman aria uh-win eshah ba waiyagib morub shopunek shomnekananin baraen!

Jisas Nagabe Biom Armam Yoweishi SagabehosShapenyam Iri

(Mak 5:1-20; Luk 8:26-39)28 Aria Jisas nanak natogur gani wobur ehahum

Galilieg waiyag gani Gadara esheshig nahobigaria biom armam hape wonugwegwiruh um irihatogur hanaki hatik Jisas. Amudok biom, yoweishisagabehos shawishambadodogeshimatum. Arpeshshanogugur aria madae shugim nohudok yah uwe,uwok. 29 Amam hatik Jisas aria huhwar de-beg, Nyak Iruhin ananin Nuganin nyak nyakananyenekap mumam apak? Abudok nyutob nyaknyanaki um nyop nyihiyahap obi nyutob da madaebutogur uwe, uwok.

30Huruk um nagundok anogwuh burguhw hwetuapa hwashohagun. 31 Aria eshudok yoweishisagabehos shunokrep Jisas, Nyak nyakana nyi-hiyah apakmutogurmunak um, aria nyak shopukapmunak muwish gwagwuhwudok burguhw.

32 Aria Jisas nakripesh namudok, Ipak togurkare.

Aria eshudok yoweishi sagabehos shakutukukamudok biom armam, aria shatogur shawish bur-guhw. Aria agwuhwudok ihigwuhw um burguhwhwahur debeg abom hwanak hwaporok hwabuhenen natogur gani yowegunum. Aria hwabuhGalilieg waiyag hwabarahuk aria hwagok.

33Amudok hape hako burguhw iri hatik namudokaria haruwok. Amam hanak hatogur wabur ariahakrip armam armago um eneshenesh da shatoguriri. Hakripesh um maresh da shatogur um amu-dok biom yoweishi sagabehos shapeyomi shop-unek. 34 Aria ihish arpesh shape abrudok waburiri shanamori Jisas. Eshesh shatrun aria shakripanum nukutukuk esheshig nahobig ba nanak kupai-gunum.

9Jisas Nagabe AnanDouk RoguhwAiyas Shagokan Iri(Mak 2:1-12; Luk 5:17-26)

1 Aria Jisas ta naprok anat bot, aria nutanamnabinawish gani wobrag Galilieg waiyag aria nanaknatogur abrudok wabur da napeyabur iri. 2 Ariaanam armam husahi anan roguhw aiyas shagokaniri notemi anas aras. Aria Jisas natik amudok da

adur atin henek bilip aria nakrip anudok arugehhapeyoni namudok, Nuganin, nyakish urkumapahw ko shupe wosik atin. Nyakish yoweishiinahos eik douk yokweshihesh yeyatesh iyoh.

3Aria anamdoukhenek skulumesh um lo iri hem-nek Jisas ananin baraen, aria hiyagwreh um amamkanak namudok, Anudok arman douk nabubunimIruhin.

4 Aria Jisas nadukemesh um amudok amamishurkum apahw shor ahi aih aria nakri namudok,Umummaresh? Ba ipakish urkwip aparuh yoweshum enyudok eikin baraen? 5 Maren baraen enyenwosik shokubur um eik ta ikriyen? Wosik um eikta ikana, Eik yokweshih nyakish yoweishi inahos,aka douk wosik shokubur um eik ta ikana, Nyakkitak ba nyurahaen? 6 Aria eik yakana ipak tapudukemesh namudok, Eik Anudok Arman doukyatogur adurinyi arpen iri yasuhwdodogumagudoknahobig aria eik ta wosik um ikweshih yoweishiinahos.

Aria Jisas nashakom anudok roguhw aiyasshagokan iri aria nakripan namudok, Nyak kitakaria nyuhur nyakish shuhish, aria kare nyunamnyakit urupat!

7 Aria anudok arman nakitak nanak wabur.8 Eshudok ihish arpesh shatik namudok ariashanogugur. Aria eshesh shohur Iruhin ananinnyeigur nyato gani iruhw. Umum maresh? Ananda nukesh enyudoki dodog um arpesh shenekenyudoki mour.

Jisas Nakrip Matyu Um Nigipeshan(Mak 2:13-17; Luk 5:27-32)

9 Jisas nakutukuknagundok aria nagimyahnanakaria natik anan narao takis iri arman, nyeigurinumMatyu, nape apa shurao takis ati urupat. Aria Jisasnakripan namudok, Nyak yowi ba nyigipesh eik.

Aria Matyu nakitak nanak nagipesh Jisas.10 Hanak aria abudok nyutob Jisas nani ananim

hantorum hape Matyu ananit urupat hape hawokworigun. Worobaimi harao takis iri hani eshudokshenek yoweishi inahos iri shanak shanamam shapeshawok worigun. 11 Aria anam Farisi hatik namu-dok aria harig ananim disaipel namudok, Yaipo,ipakin Tisa douk nani amam harao takis iri hanieshudok shenek yoweishi inahos iri shape atugunaria shawok worigun. Anan nenekesh namudok ummaresh?

12 Jisas nemnek enyudok baraen aria nakri namu-dok, Arpesh arugeh wokeshi, eshesh madae shu-nam dokta uwe, uwok. Eshudok arugeh hapeyeshiatish eshesh ko shunakumshutik dokta. 13 Ipak kareba putik baraen nyape Iruhin ananik buk, Eik yanai-wos um ipakin wehinyi ofa ipak apa penekenyi.Eik yakri abom um ipak penek giha aria pusuhwyopuhwi ruwohw um ihish arpesh.

Aria Jisas ta nakri namudok, Eik madae in-amorim ihwar yopishi arpesh atish uwe, uwok. Eikyanamorim ihwar eshudok arpesh shenek yoweishiinahos iri um shutanam shukon aparuh Iruhin ariashutogur ananish arpesh.

Jisas Nakripesh Um agundok Shashakur Um Wori-gun Eneh Nyumneh Aria Shunek Beten Atin Um

(Mak 2:18-22; Luk 5:33-39)

MATYU 9:14 14 MATYU 9:38

14 Aria abudok nyutob Jon nenek Baptaisumeshiri ananim disaipel hanamori Jisas aria harigan na-mudok, Umum maresh? Ba apak mani Farisi apakmushakur um worigun, aria nyakim disaipel madaehushakur uwe, uwok?

15Aria Jisas nakripamwobuwobrenbaraennamu-dok, Abudok nyutob anan arman narao onok arma-tok obi aria ta ananish wanaruh ta urkwip aparuhyoweshum anan douk wata nani eshesh shapeumaka uwok? Namudok ta uwok. Aria anob nyutob,enesh arpesh shunaki shurao anudok arman shu-nakuk aria anan madae ta nini ananish wanaruhshupe, aria eshesh ta shushakur um worigun.

16 Madae enen arpen ko nyuhur anap namupirupahip aria nyutapeyop um onohw umunihw umjugwaitori saket. Enyudok arpen nyibirak na-mudok akure, aria ko nyukrup saket aria apu-dok rupahip ko punokunish aria pubrig saket ariaumunihw ko hwutogur dedebehw atuhw. 17 Ariamadae enen arpen nyushar namuni wain um jug-waipi memeip munuhwip uwok. Enyudok arpennyenekesh namudok, aria apudok munuhwip tapurop aria wain ta nutaurakuk nubuh amnab ariaapudok memeip munuhwip ta yowep shopunek.Namudok aria enyudok arpen ko nyushar namuniwain nubuh namupi memeip munuhwip aria tabiyebiyesh shupe wosik atin.

Jisas Nagabe Onok Armatok Douk KwasusuhwAnanih Rupah Iri Aria Nohuri Onok Batowinyik KwagokIri Kwakitak

(Mak 5:21-43; Luk 8:40-56)18 Jisas wata apa niyagwreh nani Jon ananim

disaipel aria anan debeini douk debeini um atudokeshesh Juda shantorum ati urupat iri nanaki natunabuh noduk ohrubus hurukatin um Jisas ananigasaiyas. Aria nakri, Eikik nugawik douk atin kwagok.Eik yakri wosik um nyak nyunaku nyuwem nyakiswis iruhwik um aria ta kwukitak.

19Aria Jisas nakitak nunaman hunak aria ananishdisaipel shopunek sheiran shunak. 20 Aria onokarmatok okwok seiwok arugeh hapeyok 12-poreishkwarahos um owishibor banakok. Aria okwokkwanaki agabinum Jisas aria kwasusuhw anagas umahudok rouhi rupah anan nenekah iri. 21 Okwokda apa kwaneyagwreh kwakri, Ikri isusuhw ananihrupah atuh um, aria eik ta yopuwe.

22 Aria Jisas natanam natruk aria nakripok nakri,Nugawik, nyakihw apahw mare yowehw, uwok.Nyak nyenek bilip um eik, aria nyak ta yopin.

Aria abudok atub nyutob okwok owishibortukaruboruk aria okwok ta yopuk. 23 Aria Jisasnanak natogur anudok debeini ananit urupataria natik eshesh armam armago shape apashereh. Amam apa hohapur buwaen aria apashereh shanoruwor shabo sawiyeguh. 24 AriaJisas nakripesh namudok, Ipak ihipmorim kitatogur aduk ba punak. Okwudok batowinyik madaekwugok uwe, uwok. Okwok da kweshuhw meyoh.

Aria eshesh shagokoruh anan shabo brakahas.25 Aria nakrip ihishmorim um shutogur shupeaduk aria Jisas nawish nasuhw okwokwis wis arianakwuhur kwakitak kwape yopuk. 26Namudok ariabaraen nyanak ihirub warub bape abudok amnab

iri um agundok Jisas da nohur okwudok kwagok irikwakitak kwape wosik atin um.

Jisas Nagabe Biom Nabes Seshuhomi27 Jisas nakutukuk nagundok aria nagim yah

nanak. Aria biom nabes seshuhomi hagipeshan ariahohwar namudok, Nyak Devit Ananin Barhonin,nyak ko nyenek gihaum ohwak biohw.

28 Anan nanak nawish urupat aria amudok biomnabes seshuhomi hanamori anan. Aria Jisas nar-igamnamudok, Ipak biompenek bilip namudok eikko wosik inek enyudok mugu nyutogur adur atin,aka uwok?

Aria amam biom hakripan namudok, Adur atinDebeini. Ohwak biohw wonek bilip um nyakindodogum nyugabeyohw.

29 Namudok aria anan nuwem ananis wis umamamis nabes aria nakri namudok, Ipak biompenek bilip um eik. Namudok aria yakri ipak taputrugun.

30Aria amamis nabes ta yopus sanapok. Aria Jisasnakripam dodogeshinyi baraen um amam biomnamudok, Ipak biom mare ta pukrip enen arpennyudukemesh um eik yagabe ipakis nabes yopus umuwe, uwok.

31 Aria amam hanak hakrip ihishmorim armamarmago um ihirubwarub bape abudok amnab iri umihin yopinyi mour Jisas apa nenekenyi.

Jisas Nagabe Anan Madae Niyagwreh Uwe Iri32 Amudok biom hakutukuk Jisas apa hanaku aria

enesh arpesh sharauri anan arman um Jisas. Anandouk enen yoweinyi sagab nyapeyan aria madaeniyagwreh uwe, uwok. 33 Aria Jisas nahiyahukenyudok yoweinyi sagab aria anudok madae niyag-wreh iri ta niyagwreh. Aria ihish armam armagoshanosorim esheshish urkwip aparuh aria shakri,Seiwok madae enen namudokinyi mugu nyutoguragudok nahobig Israel uwe, uwok.

34 Aria amam Farisi hakri namudok, Anan douknahiyah yoweishi sagabehos um anan da naraododog um enyudok debeinyi nyarik iri yoweinyisagab um ihishmorim yoweishi sagabehos.

Jisas Nenek Gihaum Arpesh35 Aria Jisas narahaen nanak ihirub warub de-

beirubi aria shokurubi. Aria anan nenek skulumihish armam armago numun urusag eshesh Judashantorum ba sheneyagwreh baraen-ogwi. Anannakripesh um yopinyi baraen um arpesh shuwishum agundok Iruhin nape Debeini um ananisharpesh um aria anan nagabe ihihmorim arugeh dahape esheshiruh yegeshiweruh iri.

36 Anan natik sabaishi armam armago aria anannenek debeinyi gihaum eshesh. Umum maresh?Esheshish urkwip aparuh madae shupe wosik uwe,uwok. Eshesh shape kabi da sipsipahos douk armanmadae nupe ba niyohesh iri uwe, uwok. 37Namudokaria nakrip ananim disaipel, Sabaiguni worigunjurugigun nape nubarig aria arpesh ta shenek mou-rum shurimi agundok worigun iri madae sabaishiuwe, uwok. 38 Aria ipak ko penek beten um agudoknubarigin Debeini Yaken aria porigan ta neshopokieshudok ko shunaki shenek mour um shutorumoriananigun worigun shugunubuk atugun.

MATYU 10:1 15 MATYU 10:2510

Jisas Ananim 12-poreim Aposel Amamish Nyeiguhw(Mak 3:13-19; Luk 6:12-16)

1 Aria Jisas nahwar ananim 12-poreim disaipelhanaki heyotu atugun aria nakom ananin dodogum huhiyah yoweishi sagabehos shape arpesh iriaria hugabe ihih arugeh. 2Amudok Jisas ananim 12poreim disaipel douk nahwaram aposel iri amamishnyeiguhw eshudok.* Narik iri anudok Saimon doukshahwaran Pita; anokwinen Andru; Jems nani anok-winen Jon, Sebedi ananim nagamim. 3 Aria Pilipnani Bartolomyu aria Tomas aria Matyu, anan danurao takis iri. Aria Jems Alfius ananin naganin,aria Tadius 4 aria Saimon anan da natogur Selotipawirop iri, aria Judas Iskariot, anan da kweiponnuwereh Jisas um ananim horim iri.

Jisas Nakom Mour Ananim 12-poreim Aposel(Mak 6:7-13; Luk 9:1-6)

5 Jisas neshopok amudok aposel hanak arianakom enyudok baraen, Mare punam eshudokmadae shudukemesh um Iruhin iri esheshigos na-hobigos aria Samaria esheshirub warub, uwok.6 Ipak ta punam nahobig Israel ba putik eshudokarpesh da shape kabi da shanatukuki sipsipahos um.7 Ipak punak aria pukripesh namudok, Abudok nyu-tob um arpesh shuwish um agundok Iruhin napeDebeini um ananish arpesh shapeum heven doukhurukum butogur! 8 Ipak punak pugabe arugehhapeyeshi aria ta puhuri arpesh shagok iri ariapiyatak ehudok arugeh lepra hapeyeshi shutoguryopish aria puhiyah yoweishi sagabehos da shapearpesh iri. Eshudok eneshenesh ipak paraesh iri,douk puraesh meyoh aria madae putorish pukwuutabor uwe, uwok. Namudok aria ipak ta pukeshmeyoh um arpesh. Ipak ta mare puhwar arpesh umshukep utabor um eshudok eneshenesh uwe, uwok.

9 Aria ipak ta mare puruk gol, utabor, siliwa akakapaibor utabor banagos uwe, uwok. 10 Ipak ta pu-rahaen um mare pusuhw banagos uwe, uwok. Ariamare pusuhw biobiog siotog, su aka butip, uwok.Arman nenek mour iri, eshesh ko shubiroman umworigun nini enesh eneshenesh.

11 Aria punak puwish anabur debeiburi waburaka anabur shokuburi wabur, aria putrugun bagamo pudukemesh, meimeishi da shape abrudokwabur iri da yopishi arpesh. Aria ipak puni enyudokarpen atin pupe arigaha nyumnah ipak pakana tapunak ahi. 12 Ipak punak puwish anat urupat, ariaipak ta pukrip arpesh shape atudokurupat iri namu-dok, Iruhin ko gamo nutaurum ipak. 13 Aria eshu-dok shape atudok urupat iri eshesh shukep aparuhshukri wosik shunadudareh um ipak pupe puni es-hesh, aria enyudok ipakin yopinyi baraen ko nyupeum eshesh. Aria eshesh ko mare shunadudareh umipak uwe, aria ipak ko ta putanam purawi ipakinyopinyi baraen. 14Aria ta anan arman ko nunoiwosum ipak punam ananit urupat, aria nonoiwos umnumnek ipakin baraen, aria nyutob ipak pukunapukitakuk atudok urupat aka wabur obi nyutob aria

ipak pugudukuk nypruk kwape ipakiruh yeriweruhiri. Punekesh namudok um eshesh shutrip ariashudukemesh shukri eshesh douk shenek yoweishiinahos iri. 15 Eik yakripep adurin baraen, nahudoknyumnah Iruhin nakri um ko nenek kwotog umarmam armago um, debeinyi amain ko ta nyutogurum eshesh shape abrudok wabur iri ko nyenekuhwin um amain seiwok nyatogur um eshesh shapenarbudok warub Sodom bani Gomora iri.

Jisas Nakrip Ananim Aposel UmWanohw Baraen KoShutogur Um Amam Iri

(Mak 13:9-13; Luk 21:12-17)16 Aria Jisas nakri namudok, Ipak pumnek. Eik

ko yeshopokep panak kabi da sipsipahos shunakorokohun umwanarig nubag. Aria ipak ta penekeshkabi da yuguhw um, aria ipak ta gamo pudukemeshum eneshenesh ipak pakana penekeshi. Aria ipak tapugipesh ogwuhwudok maishubiguhw armiguhwhwenekahi aih aria ipak tamareurkwip aparuh shurum penek enen yoweinyi mugu uwe, uwok. 17 Ipakko pudukemesh um arpesh. Eshesh ta shenemepkwotog, aria eshesh ta shupruk ipak gani numuneshesh Juda shantorum-ogwi urusag. 18 Esheshko urkwip aparuh shur um shenek eikin nyeigurnyubuh atap, aria shurao ipak shunam gavmanaria amam king-omi. Namudok aria ta ipak kopukrip amudok debeimi um eikin yopinyi baraen,aria um eshudok madae shudukemesh um Iruhiniri shopunek. 19 Aria nyutob eshesh shurao ipakshunam um kwotog, ipak mare punogugur ariaurkwip aparuh shur yowiyokuk namudok, Apak tamiyagwreh maren baraen? Uwok. Douk abudoknyutob bakana butogur aria Iruhin ko niyabigep ummaren baraen ipak ta piyagwrehen iri. 20 Umummaresh? Ipak kanak ta mare piyagwreh, uwok.Ipakin Yakenin Mishin ko nyukwu ipakig nukwatogaria nyiyagwreh.

21 Arpesh ko shenek kwotog um esheshim anok-wihem aria shukripesh um shubo amudok anok-wihem hugok. Aria amam yakenyim ta henekapunih aih um amamish nugashish. Aria esheshnugashish ta shutogur horin horik um esheshishamakek yaken aria shukrip kupaishi arpesh umshesh shugok. 22Aria ihish arpesh ko urkwip aparuhamu yowesh um ipak. Umum maresh? Eikinnyeigur nyape um ipak. Aria armam armago koshiyotu dodog um bilip arigaha ko hahi hagigukinyumnahhutogur obi nyutob, Iruhin ta ko nutanamnurao eshesh. 23 Aria um eshesh armam armagoum anabur wabur da shenekesh yowiyokuk um ipakum, aria ipak ko puruwok punam kupaiburi wabur.Eik yakripep adurin baraen, ipak ta ko mare piyatakmour um Israelirub ihirub warub aria Eik AnudokArman yatogur adurinyi arpen iri ko ta itanamori.24 Eshudok batowish shenek skul iri madae shenekuhwin um esheshin tisa uwe, uwok. Aria eshudokshenek mour um kupaishi iri madae shupe iruhwshenek uhwin um esheshin debeini uwe. 25Eshudok

* 10:2: aposel douk nyakri eshesh Iruhin neshopokesh um shukripesh ananin yopinyi baraen. 10:4: Enyudok nyeigur Selot doukshahwar anap awirop um armam um eshesh Israel. Amudok armam douk dodogowim atum um hakri eshesh Israel ta shurao indipendens.Hakri hanoiwos um shupe shukamum eshesh Rom uwe, uwok. Aria Saimon douk anan um amudok armam shahwaram um Selot iri.

MATYU 10:26 16 MATYU 11:2

batowish shenek skul iri ta shutogur kabi da es-heshin tisa um, aria wosik. Aria ta eshudok shenekmour um kupaishi iri shutogur kabi da esheshindebeini um, aria namudok shopunek

wosik. Eshesh nubo shakon nyeigur Belsebul umurupatin yaken, namudok aria apak madukemesh,eshesh ko shukri sabaishi yoweishi nyeiguhw umeshudok ananishi shape urupat iri.

Jisas Nakripesh UmTa Shunogugur Um Iruhin Atun(Luk 12:2-7)

26 Aria Jisas nakri namudok, Ipak marepunogugur um arpesh da shakana shununu ipakiri. Ihish eneshenesh da shunushapom shakusiri ko shutogur yopugunum. Aria ihin baraen danyunabeshuk iri ko arpesh shudukemen. 27 Baraeneik yakrip ipaken wab iri, ipak ko piyagwrehennyumnah. Aria baraen ipak ta shokubur pumnekeniri, aria ipak pukih putem iruhw modukwigumurusag aria pukrip ihish armam armago. 28 Ariaipak mare punogugur um arpesh da shabo abudokamnabihw yegenyihw hwagok iri, aria eshesh tamare shubo enyudok mishin nyor numun ipak iri.Uwok. Ipak ta punogugur Iruhin atun. Anan atun konununu abudok amnabihw yegenyihw aria mishinshopunek gani ehudok yoweihi nyihiburi waburhel.

29 Ipak padukemesh, arpesh da shator bioguhwshokuguhwi armiguhw um 10-poreibor utabor.Aria ipakin Yaken da gamo apa neyoh ipak umagwuhwudok armiguhw. Aria da anan nunoiwosakure, aria ta mare anar um agwuhwdok armiguhwta rugruki rubuh amnab uwe, uwok. 30 Ariashopunek, Iruhin da iganigadae nadareh ihirubehirub betem ipakigos baragos iri, aria anan gamonadukemesh um ipak. 31 Namudok aria ipak marepunogugur. Ipak penek uhwin um sabaigwuhwishokwugwuhwi armiguhw.

ApakmareMurao Abraen UmMukripesh UmAgun-dok Apak Mape Jisas Ananish Arpesh Um, Uwok

(Luk 12:8-9)32 Aria Jisas nakri namudok, Ihish arpesh douk

shuwereh shukrip kupaishi um shape shani eik iri,eik shopunek ko iwereh eshesh um ikrip eikin Yakennape heven namudok eshudok douk eikish arpesh.33 Aria ihish arpesh douk shuwereh baraen shukripkupaishi namudok eshesh douk madae shupe shunieik iri, eik shopunek ta ko ikrip eikin Yaken napeheven namudok eshudok madae eikish arpesh uwe,uwok.

Jisas Narawi Wanohw Aria Yopinyi Poe Uwok(Luk 12:51-53, 14:26-27)

34-35 Aria Jisas nakri namudok, Ipak mare pureurkwip aparuh namudok eik douk yanaki um iyatakwanogwiruh agudok nahobig, uwok. Eik madae in-amori um iyatak wanohw, uwok. Eik douk yanamoriinek ihishmorim arpesh shukitak shurpak.Arman ko nuhwar ananin yaken horin,aria nagawik ko kuhwar okwokwik amakek horik,aria armatok kurao arman iriko kuhwar okwokwik nakwurikwik horik,

36 aria raminen ananishwanaruh ko shutogur anan-ish horik horin.

37 Meishi arpesh da esheshish urkum apahwshakri shunawasham esheshish amakek yakenabom iri, ariamadae shukri shunawasham eik abomiri, eshesh ko mare shupe kabi da eikish arpesh umuwe, uwok. Ariameini armanda nakri nunawashamananin naganin aria ananik nugawik abom iri, ariaanan da madae nukri nunawasham eik abom iri,anan ko mare nupe kabi da eikin arpenyin umuwe, uwok. 38 Aria meinyi arpen da madae nyusahenyenyin rowogin kruse aria nyigipesh eik iri, arianyanaiwos um kupaishi shen nyugok um agundoknyagipesh eik um, enyudok arpen ko mare nyupekabi da eikin arpen um uwe, uwok. 39 Aria meishiarpesh ko esheshish urkum apahw ta shukri umshuhogom eshesh kanak atin um esheshin yopinyipoe atin iri, aria eshesh ko shunak yowegunumshuwishuk. Aria meishi arpesh ko esheshish urkumapahw shukri shunawasham eik aria kupaishi sheshshugok um agundok shakana shugipesh eik um,eshesh ko shurao yopinyi poe.

Arpesh Shutaurum Enesh Krais Ananish Arpesh IriIruhin Ko Nukesh Yopishi Eneshenesh

(Mak 9:41)40 Aria Jisas nakri namudok, Meishi arpesh ko

shuhwar ipak aria shenek yopihi aih um ipak, es-hesh da shuhwar eik aria shenek yopihi aih umeik. Aria meishi arpesh shenek yopihi aih umeik, eshesh shenek yopihi aih um Iruhin. Umummaresh, anan da neshopok eik ba yanaki. 41 Ariameishi arpesh da shutik anan profet aria shukri,Eik yakri um itaurum profet, anan douk yopuniarman narahaen nenek Iruhin ananin mour iri ariaeshesh sharauri anan profet um urupat aria sheye-han shatauruman, aria Iruhin ko noko eshudokarpesh eshudok atatahish yopishi eneshenesh kabida amam profet haraesh iri um. Aria meishi arpeshshutik anan yopuni arman aria shukri, Anudokarman douk yopuni arman, aria eshesh sharawianan nanaki urupat aria sheyehan shatauruman,aria eshesh ko shurao yopishi eneshenesh kabi daanudok yopuni armannuraesh iri um. 42Ariameishiarpesh shutik enesh eshudok nyeiguhw wokeshiarpesh aria shukri, Eshudok arpesh Jisas ananishdisaipel, aria shuken eneh abarih um enen arpennyape nyagiguki um ihish disaipel douk eikishi, ariaeik yakripep adurin atin baraen, eshudok arpeshesheshish yopishi eneshenesh ko mare shunatukukuwe, uwok.

11Jon Nenek Baptaisumesh Iri Neshopok Ananim Dis-

aipel Hanak Hatik Jisas(Luk 7:18-35)

1 Aria Jisas nakrip ananim 12-poreim disaipel umenyudok baraen da nenek skulumam-enyi jurug,aria nakutukuk abrudok wabur aria nunam de-beirubi warub bape agundok iri aria nenek skulumarpesh nakripeshum Iruhin ananin baraen.

2 Jon nape shunuweshik-ati urupat, aria nemnekbaraenyum ihin mour da Krais nenekenyi, aria

10:25: Enyudok baraen um urupatin yaken nyakri Jisas.

MATYU 11:3 17 MATYU 11:25neshopok ananim disaipel um hunak hutik Jisas.Aria Jon nakrip ananim disaipel um 3 horig Jisasnamudok, Nyak kripap. Nyak da enyudok arpenJon nakripap um ko nyunaki iri, aka apak mupe bamubeim enen kupainyi?

4 Aria Jisas nakripam namudok, Ipak karepukrip Jon um ihish eneshenesh ipak pemnekbaraenyumeshi aria patrishi. Eshudok douk na-mudok. 5 Eshesh nabes seshuheshi ta shatrugun,aria eshesh aiyas yowegaseshi sharahaen. Eshudokyoweihi arugeh lepra hapeyeshi yopish, aria arigosseshukeshi ta shemnek. Eshudok shagok iri ta shak-itak, aria eshudok eneshenesh wokesh iri shemnekIruhin ananin yopinyi baraen. 6 Aria arpesh shutikeik aria shusuhw eikin baraen dodog shigipeshenaria eshesh ko gamo shunadudareh.

7Abudok nyutob Jon ananim disaipel hape hanakobi, aria Jisas nakitak nakrip sabaishi arpesh umJon namudok, Nabudok nyutob ipak panak patikJon agundok wehigunum douk arpesh wokagunum,ipak douk panak um putik maresh? Panak umputik anah aruh da uhwin nyasusuoh ba nyaunihohiri aka? Namudok ta uwok. 8 Ipak da panakum pakana putik maresh? Douk ipak panak umputik anan arman nore yopiyopihi rupeh iri aka?Namudok ta uwok. Armam hore yopiyopihi rupehiri, amam da hape king-omi amamig urusag. 9 Ariaumum maresh ba ipak punak? Punak um putikanan profet aka? Namudok um enyudok douk aduratin. Aria eik yakrip ipak, douk anudok profet Jonanan nenek uhwin um ihim kupaimi profet-omi.10 Umum anudok arman atun ba da anan profetnenyembaraennyetem Iruhin ananik buk iri kwakrinamudok,Eik ko ta ishopokugu eikin armanum ta nukripep eikin baraen,aria anan ko nirikum nyak.Aria anan ta nugapeshumen nyakih yah.11 Eik yakri adurin baraenyum ipak. Jon nenek bap-taisumesh iri anan nenek uhwin um ihim-morimkupaimi armam hatogur agudok nahobig iri. Ariameinyi arpen douk nyape shokwinyi um arpeshshuwish aburdok wabur Iruhin nape Debeini umananish arpesh shapeum heven iri, enyudok arpendouk nyenek uhwinyum Jon.

12 Riguk abudoknyutob Jonnenek baptaisumeshiri nape nakripesh Iruhin ananin baraen obi nyu-tob arigaha douk, enesh dodogowishi wanohwisharpesh shape dodogeshish atish shape shabirak umshuwish heven aburdok wabur Iruhin nape Debeinium ananish arpesh shapeum. 13 Aria ihim profetaria enyudok lo Iruhin seiwok nako Moses enyi,eshesh shakri enyudok Iruhin ananin baraen umheven agundok Iruhin nape debeini um ananisharpesh um arigaha douk Jon natogur nape obi nyu-tob.

14 Aria douk ipak pakana pumnek um enyudokyopinyi baraen um, aria ko pumnek. Iruhin ananikbuk kwakri namudok aria enyudok baraen da nyakrianudok Jon atun. Profet Elija douk seiwok Iruhinananin baraen nyakri anan ko ta nanaki. 15 Ariadouk ipak arigos sapeyepi aria ko pumnek enyudokbaraen.

16 Aria eik douk ikriumba iwereh doukish arpeshshapeyohi aih, aria eik ko ikri marenwobuwobrenyibaraenyum eshesh? Eshesh da kabi batowish shapeagegwiruh aria shahwarum kupaishi batowish na-mudok,17 Apak mahwapur buwaen um ipak piyarub,aria ipak da panoiwos um piyarub.Aria apak manoruwor ba meayrub, aria ipak panoi-

wosum punoruwor ba pureh.

18 Aria Jisas ta nakri namudok, Jon nanaki ariamadae nuwok sabaiguni worigun ariamadae nuwokwain. Aria eshesh shakri namudok, Yoweinyi sagabda nyapeyan. 19 Aria Eik Anudok Arman yatoguradurinyi arpen iri yanaki, aria yawok worigun naniabar aria shakri, Putik, anan nawok sabaiguni wori-gun abom, aria anan nawok sabaini wain abom.Anan nenek arpeshim nani amam harao takis irihani eshudok shenek yoweishi inahos iri. Ariaeik yakripep namudok, Ipak putik eshudok arpeshsharao Iruhin ananin saki shagipeshen aria shenekyopihi aih iri aria ipak ko pudukemesh pukri, es-heshih aih douk yopihi.

Anarub Warub Da Arpesh Madae Shenek Bilip UmJisas Iri

(Luk 10:13-15)20 Anarub warub da Jisas nenek sabainyi Iruhin

atun neneken iri mour, aria eshudok arpesh madaeshumnek ba shubodig nyirub shubukuk yoweishiinahos apa shenekeshi. Namudok aria Jisas nahaoeshudok arpesh shape arbudok warub iri nukeshdodogowinyi baraen eshesh. 21 Aria nakri namu-dok, Eik yenek gihaum ipak arpesh pape waburKorasin iri. Aria eik yenek giha abom um ipakpape wabur Betsaida iri. Aria nubo enen arpennyunak wabur Tair aria Saidon aria nyunek enenIruhin atun neneken iri mour kabi da eik yenekenorokohun um ipak iri akure, seiwokdai esheshTair aria Saidon eshesh ko shubodig nyirub ariashure shagoki shohwurari suruhw aria shuwishweshigabus um shuniyabig namudok eshesh daamu shabukuk yoweishi inahos eshesh shenekeshi.22Namudok aria eik yakrip ipak um ahudok nyum-nah Iruhin nakriyohi um nunek kwotog um ihisharpesh, enyudok amain ko nyutogur um ipak irita nyenek uhwin abom um amain ko nyutogurum eshudok arpesh shape warub Tair aria Saidoniri. 23 Aria ipak pape Kaperneam iri, ko shutukepputo gani iruhw heven aka uwok? Namudok taamu uwok. Ipak ta pubuh gani atap atap ugukum gani shagoki esheshibur wabur. Aria nuboenen arpennyunamwabur Saidon aria nyunek enenIruhin atun neneken iri mour kabi da eik yenekenorokohun um ipak iri akure, wabur Sodom da watabupe. 24 Namudok aria eik yakrip ipak, um ahudoknyumnah Iruhin nakriyohi um nenek kwotog umihish arpesh, amain ko nyutogur um ipak iri tanyunek uhwin abom um nubo rig nyatogur umSodom iri.

Ipak Punamori Eik Aria Purao Uhwin(Luk 10:21-22)

25 Abudok nyutob Jisas nakri namudok, Yain,nyak Debeini um heven aria agudok nahobig, eik

MATYU 11:26 18 MATYU 12:18yakri yanadudareh um nyak. Umum maresh?Nyak da nyebeshuk eshudok eneshenesh um arpeshshadukem eneshenesh aria worobainyi saki iri, arianyeyabig eshudok arpesh shape kabi da shokushibatowish um. 26 Aria eik yakri wosik, Yain, nyaknyagipesh nyakish urkum apahw shakri um ariadouk nyabirak namudok.

27 Aria Jisas ta nakri namudok, Eikin yaken ananiganigadae nobuk ihish eneshenesh um eikis wis.Aria madae enen arpen da nyudukemesh um Nu-ganin, Yaken atun douk nadukemesh um eik. Ariamadae enen arpen da nyudukemesh um Yaken uwe,uwok. Nuganin atun nani eshudok arpesh doukNuganin atun niyabig Yaken um eshesh iri, esheshatish da shadukemesh um Yaken.

28 Ipak arpesh douk penek debeinyi mour abomiri aria purao debeinyi amain, ipak ihipmorimpunamori um eik aria eik ta ikep uhwin um ipak.29 Ipak ko purao saki um eik aria pupe shaka-mum eikin baraen. Namudok aria puhur aidap dashopemum um bulmakauin aruhwigur iri um dashanuk eneshenesh enyi. Ipak purao eikin saki.Umum maresh? Eik da samokwiyain arpen ariaeik yenekesh shokubur um ipak arpesh. Aria eikyape shokubur atin kabi da enen batowin um. Ariata eneshenesh mare shukep amaenyibi bagab ipakaria ipak ta purao uhwin um ipakish urkum apahw.30 Apudok aidap eik douk yopemum ipakish aruh-wiguhw iri apap douk horih