CHANTS LITURGIQ KWASIO~1 - SiteW.com€¦ · 4 ˚˙˝ ) ˛ ˆ*˜˚’ˇ!"˙ Yesus mimbyo ntsindi...

��

��

� � ��

��

��

��

� � ��

1

� �� ! ��

Yeri mimbe naa : ki mura Samarya aanzi dang madzyo. Yesus nyogo na mura rinye naa :‘’O mura, o mura bong me le madzyo !‘’(bis) Mura nyogo na nye naa : ‘’ ywe mwaa yuden ywoo kumbo gwambo me madzyo ma nyuli nfumana?Ywe dzim’ri naa vinoo yuden vi yi wa, kile lyowala funa ! ‘’ R/. - O mura, o mura, ka ywe pong sangle len ma Nzambi, na nyi mere binoo nye bi lee minlong nyina, nyi ki ywe naa : O mura bong me le madzyo, ki ywe bo nsi gwambo nye, nye le ri ywe madzyo ma tsyoe ‘’

- O mur’o, me nyina ywe : nlunga nzuli, dong yogo na madzyo si ritu O nlong madzyo ywe lab’ nwuna, madzyo ma tsyoe, mbpi ywe gyo mo, ywe vur’ na mo ye ? ‘’ R/.

- Ekye ! o muri nyina, ywe yi mere ri nze ?

Na ywe bali mbpambo nviy Yakob mimpaa vi dong gina ? ‘’

- O mura, madzyo ywe dang mana, nyi mbpi nyi nyul mo, mo kaale tsyoe nye yiye !

Di mur nyenywiya, melepfwo ki le madzyo, nye kaalena yu na yiye pe mimbee mimbeyoo. ‘’

R/. - O mura, o mura, madzyo mang me ki le nye (ywe) Maa dum’ga nye (ywe) mwo ritu : dong madzyo ma tsyoe, tsyoe

mbeembeyo. ‘’

- E, o muri nwang, bong me le madzyo rimo, ndtang maadigna yu na

yiye, me kile yaana yu na mbvu’oe dwo mbpi dwo, nzi dang madzyo mana ! E, o muri nwang, bong me le madzyo rimo ! Madzyo ma tsyoe ! ‘’

2

" �� # � �� # � �� # � �� # � �� " �� $ �� % � ��

R/. Kwali’e (2) ! Kwali ma Nzambi bo yi fuga maleni’o Kwali’e (2) ! Kwali ma Nambi bo yi fuga maleni ma Sindi Bibyang !

1. To me gyama lab’ makyel momeya ; makyel momeya ma si-nyina, na mo biisindi bi bvuwo, ka maa bele na kwali’e : me giga na mpfuli ka ndtwambo bye yi sa kamba bvung na bvung ! R/.

2. Ka me pong be mpagmalab’ doli, nyi sangle mam’ momeya moyi

nswala ; ka me pong be nlimbo- mam’ neniy, me be yaa ri mbyong mbvaala-Nzambi. Nyi kuga na fangla minkuli bite … Ka maa bele na kwali’e : me yi nzuli-muri, me yi nzuli-muri ! R/.

3. Ka me pong koo pfuma yang yiya bur bo ngwong na bur bo pfuga na nza ; kuma to nyul’ nwang mere me ke gib’le syoe ritu : ka maa bele na kwali’e : mam momeya rimo, maa bele me na mala ! R/.

4. Kwali yii dzisoo – kwali ! Kwali yii mbpami – kwali ! Kkwal’ ki sangle

vuba ! kwal’ ki sangle lyola ! Kwali e, kwali’e, ki bindele nyuli ! R/. 5. Kwal’ ki sa mam’ ma ngwendi ; kwal’ ki giya mbpa nwomere ! Kwali

ki sangle gyama bidzyoe ; kwal’ ki sangle pfundè biyo. R/. 6. Kwal’ ki myanla na labi, lini labi yi nasende ! Pwoepwoe bo le kwali,

kwali’e maswusi . R/.

7. Kwali kiyere sa mbpi sa, ye myaale yaa sa mbpi sa. Yiy mabvoe na sa mbpi sa, ye nzumboo yaa sa mbpi sa ! R/.

CODA : - Malen rimo, mo yi malali : myaale, mbvaala na kwali ; gi ki

faala kul’ ma Nzambi, ye bo yi kwali. ‘’ R/.

3

$ �� &�� &�� &�� &�� $ ! �� ' ( % % �

Yeri mimbe naa : Ki Yesus gandtang pfunga ri, lwanga na bogigi bo. Bo minwumi sowa mang ma Galileya, na ke tsindiykee. Pan’ bo ke pan’ mang ritu, waa saga naa bvwo ba si bye lar’ ri nata, Na maziroe : (1) mbvang gayamb’le bo minlu ribvuwo. R/. E, kaa nlong rinze, vi tel’ riye, vya ri sa na’e ? E, kaa nlong rinze, vi tel’ riye, vya ri sa na’e, o bur’o !

(2) minkyo mya swole pfunga ritu - R/. (3) pfunga yaa gi dzimye mang ritu, mang ritu - R/.

(4) Yesus nyoo bwoe gwo ri, pe pfunga-pfye, nlu kali bunga ribvwo. – R/.

Yeri bogigi bo gimi nye, bogo na nye naa : ‘’E ! O Nlyole, kaale swiy be ! Ywo waa giga mbpi mur’ ganungle ngoo na sa lang’o, nfumana’e ‘’ - R/. Ye Yesus walaga si, nyaa bama na mbvang, nyaa bamb’le mang’o, na minkyo : - Dzyoe nawom (bis) ! Kina sa bibvung, kina kungala ! ‘’ Tenate riye, mbvang na mang na minkyo ; bisa bibya dzi ri namye : tumbo woo ! Yesus nyogo na bogigi bo naa : - Bi pfunde ri gi’e ? Ndtugu mbpi bi yi ri be, ki mbvaala ‘’ (bis) Mbpi bo minkwu kina, na pfunde bo mimbe na ye, ba ke kaa dzyala tsiya nyina :

- E ! kaa muri rinze yi mbpi nyina, mbvang ba mang bye kumbo sa nye Magwoe mbpa na mbpa ? ‘’ (bis)

4

�� )�� )�� )�� ) �� * ��' �! " ��

Yesus mimbyo ntsindi Yeriko, lwanga na bogigi bo, na pwaa-bur bofiy. Kwe Bar Timee, ndzim-muri dzili salga-mpagu ri : a nzyoe gwambala maleni.

- Nze ringywiye, o bur baa lang mpagu : bonga lee me, a yi ri nzee ? ‘’ (bis) - Buri bogo na nye naa : Yesus, munung Nazaret bongywiye ! ‘’ Koo Bar Time aalwangla nye, na ki naa : - O Mwa ma David, bong me gwug ngwong’o ! ‘’ (bis) Buri miimbe lwanga, baa wale nye na bamb’le nye, na ki naa :

- Dzyoe namye ! Dzoe namye ! ‘’ - O mur nyina : ywadig vi swo malwo-ywà : dzyoe namye ! ‘’

Munung nyoo koo numana bindele tsyung bvuwo, na ki naa : - E ! O mwa ma David, bong me gwug ngwong’o ! ‘’ (bis) Koo Yesus tyo : nyogo na bur naa : ‘’ Gyoga me mur ngwiye ! ‘’ Ye bo gyo ndzim ; bogo na nye naa : ‘’ Kiya nlima, nye gyo ywe, walaga-si, Kanda’e ! ‘’ Ye Bar Time, tugu pfure ye lugu nye mimbe na ye : Mya ri ye pee ; ki nya walaga mpfunde : Na lumbo ndtang, na ke dzindaa Yesus maku risi. Ye Yesus dziy nye naa : ‘’ Ywe wum’ri naa me saa ywe gi’e, o mur’o ? Ywe wum’ri naa me saa ywe gi’e, leya me ye ! ‘’ Ndzim nyogo na Yesus naa : ‘’ O Nlyole wang, bong me gwug ngwong’o O mwa ma David, bong me gwug ngwong’o : Bela me miy ! ‘’ (bis) Yesus nyogo na nye naa : - Kanda’e, Bar Timee Kanda’e, kanda’e : mbvaala nwo ntsiguma ywe ! ’’(bis)

5

! �� " �� % " ��

� Ka muri nvuri lwanga yini biri swo Kumbo tiy buma ye, na ke kwe swo nwo bvuliywiya, nyogo na nye naa : R/. ‘’ Swo nwang’o, dziya me mbe, me mbiyma byo na mabwo (bis) Swo nwang’o, dziya me mbe, me mbiymabyo na mabwo Swo nwang’o, dziya me mbe ! ‘’

- Bong me le mbvuma-kwande nlal’ na nlali : ngyong nfulama me dziyri mere ; Di sa we gyambo me, ye vur’ me ye ? ‘’ - Bong me le mbvuma-kwande nlal’ na nlali. ‘’ R/. - Voe me ywa ! Voe me ywa ! Vinoo bwang bang, vi mbugooma-si. ‘’ - Maa bele na pili, ma bele na pili, pili le ywe sa ywe nzi me gwambo.

Maa bele na pili ‘’ (bis) R/. . Ye me lee bi ye naa : ‘’ Ka nye be ki walaga-si nandtang swo bana nye Me lee bi ye naa nye ki walaga-si, nandtang tyaala nye nsi tyoele Nye bvuli-ywiya na nzi ngwombili buma-nga. R/. . Na pwoe riye swo nwo ki nye le sa nye nzyoe nye gwambo. Swo nwo ki nye le sa nye nzyoe nye gwambo. ‘’ . Yeri mogo me lee bi naa : - Gwambaga (2) – Bi ki bwama ! ‘’ (bis) - Giyaga (2) – Bi ki swambo ! ‘’ (bis) - Bvungaga (2) – Bo ki bi dziy mbe ! ‘’ (bis)

6

' ��+ # ��+ # ��+ # ��+ # �� + � �� + � �� + � �� + � �� " �� $ �" * �� " ��" ��% " �� Pfuma-mur’ ndziniy mimbwama pwaa mimpfura mi kokowa mbvu rinwo ri, pe ngye nwo. Ye nye bwangsa nlima ritu naa : ‘’ Kaa pwaa kokowa gina, me ki ye tare nfumana’e ? Me mbwamama pyoe mbpi me ki sa : Bikundi byan bi mbvu nsi lang, na bikang byang bituliy, Maa sili bye wee, na lwang bikundi bifiy, na bikang bineni wana-wana . Gi fiyna nlima nwang ki be biba na ye ? Kile be (2) na sa ki tyale me. Kamba bugoo-si, na nung wara woligu nyuli nwang Na di na nyul Na swuse na tsyoe, mbpa na mbpa ! ‘’

- E ! o lima-muri yi ki pyoe nyina,

Doli bvul gina, baa ywe nzi dziy tsyoe ye ! Di pfuma na pfuma ywe nsilma mbvundele gina, Nze nwo ki ywe zigu na ye ? O lima-muri nyina, nyi yi pyoe nzuli ! ‘’

7

, �� " � �% �� " �( �% � ��

Nzul ma nzuli, sa mbpi sa kamba nzuli ! Bvimbi pwaa mbvu’oe muri yu na nwo poo si-nyina, Na bvimbi pwaa pfuga zye-risi. Naa nye ki bwama kaa myana riminze ? (bis) . Gina bvang-buri lang ri ; gyaaga lyole ri nyuli - Si nyoo nzyoe sa kamba zirga na zirga ! ‘’ . Nlu-dwo tuli ; nwo ke ri temboo

- Nwo lebele gyoe ye ; wu yaa nwo kena tuli ! ‘’ . Mbvang nyogo bire mbyoe, na silga ntsye ; nya zirga, na yambele, na zirgana ! - Faala-faala, nye baala niyoe koo pel nye nsi vu ! ‘’ (bis) R/. Ndzyo nyengywiya siliga, na ke fula kamba mang. Mang mogo kile ri lunde-lunde na madzyo rimo (bis) . Peli ndzyo sil’ga, wu yaa nyaa sil’ga-sil’ga pe mimbee- mimbee wu yaa nyaa sil’ga-sil’ga pe mimbee- mimbee ! R/. Ndtande-num’ na pwaa bibang ye sa swomi mere. Nze minkwoe gwoe naa dziy mintya na nyina mami ? Ka naa malwo miintya na gwoele minlong ? R/. Gi mimbe, yaana be : yaana be, yaana be, yaana be ! Gi minsee, yaana seega : yaana seega, yaana seega, yaana seega ! (bis) CODA : Sa wanaa, sa wanaa ndziniy gabele poo si-nyina. Sa mbpi sa, kamba nzuli. Nzuli na nzuli, sa mpi sa, kamba nzuli !

8

- �� &&&&�� ! �� ! �� , ��$ ��% " � Yerusalem’o, Yerusalem, lwanga biyenge ! O ywe, mfundi mura mimpongle bya : tura na swuse, lwangala ! Ywe mur mimbe ki-muwa, ki-muwa, poni mere ;

Ywe mur mimbe ki-muwa, ki-muwa, ki-muwa, poni mere !

Bwang bo, bwang bo ri bo nfulama bana Bwang b’Ampfuni-Mura, Bali bwang bo Meri-ba, Meri-ba giwoo n’Ankwaloo !

Bwoga ndtoo nwo : ywe numana nye lwang Na kwala bitsil bifiy, na simbo mboe-pfimba : Kibo kar’ bilungu, kibo kari pfuga ! Fuma makundi-si, nyimbala bipfimba ! (bis)

Kwari ye mwa nzi dzimye na buri : Pyon-vya ! Den’-vya ! Buri na buri, numa mbpi numa ! Makaa mo vu bitumbo na bitumbo, Nzi kola kubi na mbpongo yè : Bo nzi lwang bibwoeli minzigi si na si Bibwoeli miinzigi ki buri !

R/. Kibo pfunde, swoni nwo nsima !

Ywe kaale ywangana : Bini nsima (2) !

CODA : O mura ywande-muri mintaare kwali vu ndtemi. Nyaa kwoe bina nye, eye, na kyegu nye eye, ekye nfumana’e ?

R/. Kibo pfunde …

9

% �� + ��+ ��+ ��+ �� " ��" �� " ! �� " �( �% � ��

Pwoepwoe, pwoepwoe mere, me lee bi naa : Ka dziy-mpur ye nkwuma-si, ye waa ri be ki yu na bwo mate risi, Dziy-mpur riye ye ki linga, kile bvuma to bvuma.

R/. – Di ka ye yu, me lee bi naa : Ye ki bvuma nzwoe bibvuma, nzwoe bibvuma ! ‘’ (bis)

O muri wumi mbpambara (kambala) na tsyoeye ! Muri rinye dzimb’le ye.

R/. – Di muri nyogo ki myaale lana tsyoe ye poo si-nyina, Mur rinye ki tare ye mimbee-mimbe ! ‘’ (bis)

O muri wumi be ngyand’li nwang, Nye nzi ri me tyo-pfye, na lebele me Ndtang numa me dzili, mpfuri nwang nyogo dzi ri tsina !

R/. Vina nye lwanga, kuli ma Ta. (bis) % ��# �� # �� # �� # �� + �� . � �� " ��

��

Yeri mimbe naa dwo Pentekoste, fu mawum’ matani pfye nzong Paska, Bogigi bobeya bo mimbe nsuwala ndto ritu ; Waa saga, mbvang gavu bvuwo, giga na muraa mbvum-mbvuwo :

Ndto bo mimbe bo dzili lunde ri na bvung mbvang gina . Ki baa nyina sa ndziniy pama, giga na bigim bi syoe,

Yaa ke kaa kowala, nzi ri bero mur mbpi muri nyuli ri. Bobeya lunde ri na Sindi Wung : baa gwo lwangala, Na giye masigoe ma Nzambi ; mur mbpi muri lebele Bvimbi ngo Sindi minko nye. Bvuma, bvuma, bvuma na Nzambi, Mer-mami. Sindi ye nkugama na si ; makaa momeya mo ywiya na bvumbele nye.

10

Alleluya, Alleluya ! � * �� + � ��+ # �� + � ��+ # �� + � ��+ # �� + � ��+ # �� * �� , �$ * �� % " ��

Yesus mimbe a teli nzi ribvuwo, koo mur ndziniy fula mpfunde, na nzi nye kwu maku risi, na tsiya nyina numi ri :

- Me ywiya na sa na’e, o mbyong Nlyole nwang, ndtang me bwama tsya mimbee-mimbee (bis) ‘’

Yesus nyogo na nye naa : - Kaa tsiya rinze ywe dziy me nangywiye ?

Ywe dzimi ri mambpinda ? Kibo gwu, ki bo sa nam’, ki dziwo. Kibo lee minlong mi du, ki sa mur-swo biyo. Ywa simi swong ba nyung ‘’

- O nlyole nwang’o, mambpinda maywiye, me mimbwe nzi nzaa tare mo, vu ndtemi. ‘’

Ki Yesus gafuma nye miy nyuli ri, na kwali nye bvubvu mere ; nyogo na nye naa : - Ee, swo nwang’o ; sa vur na vur bo ywe giloo na ye : ‘’

R/. – Kanda’e, kanda ! Pfuma ye, kanda ! Kanda’e, kanda gyogsi ye, na sili koo ye buri binyami na buri maagile Tsina ywa ri be na mbyong pfuma pe bvuwo. Pfye riye, ywe ki kuga na lebele me, mbpi ngigi nwang. ‘’

Gwoe munung gwoe bang riye, ban ‘’ ke koo-pfuma ’’ , koo nye tsangle mbpwom’, nyekeke na bvu’oe .

na pwoe naa nye mimbe a biri nzwoe-pfuma. (bis)

Yesus na bogig bo naa : CODA : Ye ngambala, ye ngambala (bis) : naa buri bo biri pfuma bo niya

Pe Pang ma Nzambi. Ye ngambala ! Ye ngambala, ye ngambala (bis) : naa bur bo biri pfuma bo niya Pe pang ma Nzambi : ye ngambala, ye ngambala !

11

� � �� / ��+ �� / ��+ �� / ��+ �� / ��+ �� &&&&�� % - � �� LEGA : Ywe gyo me(vi), o Mpong, me(vi) mpanima ; len ywe le me(vi) Ywe gyo me(vi), o Mpong, nzi niy sikuli ye ; bo ywe gigsi me(vi) 1.Me(vi) gwambo ywe koo maswusi : me(vi) sangle naa ywe luma me(vi) Bigya num’ ri, ke kaa bumi kundaa-Pwo nwo, pwo maswusi ! 2.Me(vi) gyaale ywe nlima ritu : me(vi) lee ywe mam’ me(vi) wumi sa ; Me(vi) sangle naa ywe gwoele me(vi), nagi, oTa, ywe kwali me(vi). 3.Me wumi naa me byoe swo nwo, na pwoepwoe nwo bo panga me(vi). Tsina me be kundaa ngig’ nwo, zira me nlima mbpi nlima nwo.

4.Biya me mbwo, me lebela ywe ; kyen yang me ke byoe kyeni mbpee ; To sa me lar na ye, kile me koo na kwali ye !

� " �� )�/ �� )�/ �� )�/ �� )�/ �� " " ��% ��- $ ��

LEGA : Mbpi Nzambi kwal’ vi : vi ywiya na kwala Tsina kwal’ riye ki be ndtimbi kwal’ ma Krist : Kwal ma Ta, kwal ma Krist Kwal ziy vi bwang bo Ta-Nzambi ! 1. Ta Nzambi kwal vi (bis) ye nye minlumb’le Yesus

Tsya-Mwaa nwo kwali. Ta Nzambi kwal vi (bis). Ye nye minlumb’le Yesus, Nzi tsig’ vi, alleluya, alleluya !

2. Ta Nzambi kwal’ vi (bis). Ye nye minlumb’le Sindi Sindi kwali ye. Ta Nzambi kwal’ vi (bis). Ye nye minlumb’le Sindi Nzi swiya vi, alleluya, alleluya !

3. Ta Nzambi kwal vi (bis), ye nye mi nzi dzi bo vi Na zir’ vi kaa ye. Ta Nzambi kwal vi (bis) ye nye mi nzi dzi bo vi

12

Nye kwal’ vi, alleluya, alleluya !

� $ �� - �% � ��

�

�

LEGA : O Ta, me yi muwa nwo ! Me gyo ywe Ta, na pwoe ywe kwali me : Gira, me laa ywe bvuma na bigya ; Tsyoe yang yiya, me wumi bvumb’le ywe Na kana dzina ye, na ki naa : Abba (O Ta) !

1. Me wusa naa me yi mwaa nwo Lin’ me sa byo, na byanda ywe : Kyara me ye, bong kyere me byo yang ; Me nzi bo ywe, o Ta, kyara !

2. Me limbo naa me yi mwaa nwo Lin’ me sa mbpa, na kwali ywe : Bvul’ga kwal’ yang - kwal me kwal bomyung bang - bong me bvul’gu kwali (au choix) Me wum’ zirga ngigi ma Krist.

3. Lin’ me biri mimbvoe mi tsyoe Tyo’a napfuna na foele me : Biya me mbwo, bong biy me mbwo, o Krist, Kanda na me, pe kul’ ma Ta !

4. Me gyaale ywe, tsyoe yang yiya, Me saa ywe sal’ na mbvul’ nyengywiya Lin’ me gyo ywe, bong gyole me, o Ta, Lumb’la Sindi, nzi kweli me.

5. Nzi kuli ye, o Ta Nzambi, Lin me ki yu, me wum ke wu Ke mende ywe, le ywe bvuma neniy Sangsa bigya na boswo bo.

6. Me gyaale ywe, tsyoe yang yiya Me saa ywe sal’ na mbvul’ nyengywiya Lin me gyo ywe, bong gyole me, o Ta, Lumb’la, Sindi, nzi kweli me !

13

�� LEGA : Nzyoe, o Sindi Wung, nzyoe vi dzi minlima ri,

Lumb’la vi minkyende mi ngwuli nwo ! Nzyoe bo vi, ywe Song biyule bi buri, Nzyoe bo vi, ywe nkoo-maleni : Nzyoe, nzyoe, bee pana minlima ri, Nzyoe, nzyoe, nzyoe, o Sindi Wung !

1. Ywe bo sangle pub’le buri bo ngwong Ywe kumbo dzi ye bo vi, o Nzambi Sindi Wung Nzyoe woligu vi bigwulala minlima !

2. Lini vi bir mimbvu’oe, ywe bo woligu mye, Sindi Wung Lini Sabyo nyogo byoele vi, ywe bo dzimigu syoe riye. Lini mayu na makwuli mo yamb’le tumbo, ywe bo pub’le bwang bo, Sindi Ntare.

3. O wung ngwuli na mintanya minkyende Taniga bobvaala bo kyengenge !

4. Ka ki mbvuli nwo, mbvuli nwo, o Nzambi, Gi ri gabe mbyon-sa bo muri, koo mimbvinda !

5. Swiya ri gi sa ngwendi, na tegu gi lile ; Gi yi bweli, gwuma ye mbpa na mbpa.

6. Minlima miy mi yi makwoe, Wumi ziy koo mbvule na mbvule : Kwoga vi mabwangsa, kundaa Nlyole Sindi Wung !

14

� ! ��

1. Nyi dzyo miy mabwo mo ri, Nya pfundele to sa : Mpong Nzambi bo tare nye Swiy ye yii swiy mbvaala.

2. Ka Mpong Nzambi kwali ywe, Nze gakwoe samb’le ywe ? Ka Yesus lar-swo na ywe, Ywe tsyoe mabwo mo ri !

3. Ka Mpong Nzambi kiyere ywe Wara ye yii mbee-mbee Maswusi ywa be na mo Mo kaale si to dwo !

4. Nzambi mbpam’, Nzambi kwali : Ywe minlana Mwaa nwo ; Vi kiye ywe myung nviy nyina Kal’ nviy Mwaa nviy Song nviy Nyiwng nviy Bong le nye mbyong wara !

LEGA : Kanda, Ta Nzambi gyo ywe, Nye Ntsig bosal bo byo : Kanda pe Paradis nwo, Kanda bwama wara !

15

� ' ��+ �� + �� + �� + �� " �� " � �� ! �% " �� - O Yuden, na buri baaga bo Yerusalem, gwoelaga me, (bis)

bomyong’bang’o : Buri bana baa pyaale mangywoe, mbpi bi ke kaa labi naywiye. Pya-mangywoe ye vu ri ye, kaa wula-mana gina ? ‘’ (bis)

Gi bi nyina gina, ye yi kikyang mpag’ malabi Yowel minlee naa : ‘’Gwoelaga gi ki nyiniga mafu maafaala : Nzambi mere bo labi mbpi. Me ki nwoele (bis) mur mbpi muri Sindi yang ! Maywande mini na masye mini bo ki zir’ga bopagu maalabi : Minkeega mini mye ki nyina mami mandtama ri ; Mintul’ mi buri mi ki nyina mami nlu ri ! Pwoepwoe, mafu rimo ri, me ki swu bobvaala bang Sindi yang : Bobeya bo be ri sa bopagu maalabi. Me lee ye na kana dzina ma Mpong’o Nye ki bwama tsyoe yang ! Nye ki bwama tsyoe yang’o ! ‘’

16

� , �� # �� " �� % �� " , �" - �� ! �- �% ! �

1. Maa na mura rinye, Siye-ndziyo Marya ! Maa rimo, mo ywiya mere na nye : Siye-ndziyo minlegu bvumi na mbvul ma Sindi Wung, Ki nyaa bya Nyi mimpongle yigo !

R/. Maa rimo mo ywiya mere na nye !

2. Maa na mura rinye, Siye-ndziyo Marya ! Maa rimo, mo ywiya mere na nye : Siye-mura mi nkumbo babi nyi b’Engel bo pfur’mabwong, Mbee-mbee Bang ma Nzambi, ngyoe si ba bvuwo ! R/.

3. Maa na mura rinye, Siye-ndziyo Marya !

Maa rimo mo ywiya na nye : Siye-mura vumbo lwaanga muwa nye mimbya, Mwaa ma Nzambi mi myaale byali ndtoo-biyimbi ri ! R/.

4. Maa na mura rinye, Siye-ndziyo Marya ! Maa rimo mo ywiya mere na nye : Mbyele-sye mi nsangle diligu muwa na mabelimo, Nyi mimpowa mapogo momeya ma si-nyina ! R/.

CODA : Mintwo-mintwo mye ywiya mere na mura rinye, Na nye na nsangle tare nlima nwo ritu Bang ma Nzambi nwo. (bis)

17

� - �� " * ��" ' � �$ � �� % ��% " ��

Bogigi bo Yesus miimbe swaala ndtoo ritu, mimbe natsi : Waa saga Yesus nfulama, na tyo titima nwoo ; Nyogo na bo naa : ‘’ Asyoega’o, mbpwogu na bi ! ‘’ Tenate, nyogo na Thomas naa : ‘’Syela zina ye wa, ywe diga yaa me mabwo ; Syela mbwo, na ningle nwo wa mbpowa-luwa ri ! ‘’ R/. Ywaa digi na be nsal-maswuna, di byoe mbvaala (bis)

Thomas nyogo na Yesus naa : ‘’Ee, o Mpong nwang, na Nzambi nwang !’’ Yesus nyogo na nye naa : ‘’ Ywe mbvaalama, nandtang ywe nyinama me,

ngaa ? ‘’

‘’ Maa na bo, maa na buri ribo : Bo bo myaale kile nyina.’’ (bis) � % �� $ � �$ ��, �% �� % �$ �% " � R/. Me minkwali ywe mbee-mbee kwali Na pwoe riye nlima nwang kaale baga-baga na ywe (bis) !

1. Ywe kina baala zirga sye-mura, sye bibyang, na sye kwaloo :

Na bibum-bum bye, ya’o, ywe ki byo deni ; Na gimbo manzong mo : kwari ye ntur na ntur (bis) ! R/.

2. Lwangaga Yakob biyenge, swolega ntumba makaa : Tsyung nwun’ masigoe bira bvuwo, bo gwuga nye. Mpong nkurima kaa ye, ngoo Israel minzigu (bis) ! R/.

3. Me vu na bo, vu mbyoe, na swaala bo, vu mafuga ma si : Lwanga yoo riye, ye ki wa : na bondzimi, na mabwoe, na baabvumi, na baagyali ! Nzwoe lwanga, lwanga yoo riye : nzwoe-lwanga ! R/.

18

" * ��

��

Me lee ywe : ka ywe myaale, ywaa nyina bvuma ma Mpong (bis) Ywe ki nyina bvuma ma Mpong. Ywe ki nyina bvuma ma Mpong ! D.C.

" � �� 0 ��, � �% �� ! �! �% " �

R/. Byaala-labi, byaala-labi lwanga mam’ me nlar’ma na mo, byaala-labi : Muri kumbo dzi nyelepfwo, byaala-labi, byaala-labi Lwanga mam’ me nyinama, byaala-labi !

1. Kumbo dzi ki be na swo, byaala-labi ! Kumbo dzi ki be na nwo muwa, byaala-labi ! Kumbo dzi ki nwo muri-mbpam, byaala-labi ! R/.

2. Koo pfuga ! Pfuga na pfuga, na giya pfuma ! Di pfuma na pfuma : ki swo, ki muwa, ki muri-mbpami ! Kaa pfuga riye, mala rimanze (bis) Pfuga nzuli boywiye ; pfuga nzuli ; pfuga nzuli mere ! R/.

3. Mbyong-labi : tsyoe boba, kaale dzi na yimbo muri nyelepfwo Sali yi na faala, ka bina mur bi sa ye bi boba Kyeni voe na minlong mi swo ba swo, nzi na nzi. Nyi nkwuma, swo nwo kiye ri mbwo : wali ri swo nwo ! R/.

19

" " ��# �� # �� # �� # �� , ��$ ' ! * ��/ � �� )�% " �� Fariseyan ndziniy mimbowale Yesus ke di kuli ye :

Yesus dzili pe tawuli ; mura ndziniy mimbe mura mimpagu, gwoe nye mingwoe naa Yesus mbowaloo kul’ ma fariseyan, Yeri mura fula na pusi yombi-mbvuli kwama ri : pfuroo ri Yesus maku risi. Mura gagi, na swu Yesus manzweli maku ri, na ziyo mo,na sile yombi tsina Nyina fariseyan nyina labi gina, nyogo nlima ritu naa :

- Ee ! ndtugu mur nyina aa bele pwoepwoe mpag’ malabi. Nye kumbo giri kaa mura nyina yaala nye : mbe mura mimpagu ! ‘’ Yesus nyogo na nye naa : ‘O Simon,Simon’o : me biri bang lee ywe!’

- O laba yaa, o Nlyole, laba ! ‘’ - Bur boba miimbe bo biri mambpula ma mony : nvur bopfure

mawum’ matani, nwaaga bopfure botani ! Mur to nvur pe lwanga yoo kile kuga na nigu mbpula. Yeri mer’-bisa giri bobeya na mbpula. Yeri me dziy ywe tsina naa : lwanga yoo boba gina, nze ki ywia na bali be na maswusi ? ‘’

- Boo nyi mbpula mbal’ga bvu : bopfure mawum’ matani ! ‘’ - Ywe mbyangsa mbpa, ywe mbyangsa mbpa, mbyong-mbpyangsa

mere : ywe mbyangsa mbpa ! Yeri mogo me lee ywe naa : o mura ywe nyina me maku-risi nyina, Numa gwoele, numa gwoele sal’ nye nsi me gyanda : ‘’

1.Me niy kuli ye : ywe bina ri me swiya maku ; Nyoo nsil’me swiya maku na manzweli mo,

na pfimbi yaa me mo na mbvang nwo ! nwo ! 2.Ywe mbwama me kuli ye : ywe wusa ri vubaa na me. Nywo ! na me na niy ywe-ye, nye yi kamba zyo me maku ! 3.Ywo mbina swu me mavuri nlu ri: nyoo nswu me ndzima pundi yombi makuri Yeri me sila bang yang tsina naa : Muraa kwali’e mura nyina nsi lyole, Ye yi ndtimbi nzwoe-mimbyu Nzambi nsi kiyere nye. Muri bwama minkiyara tutwaa, Nye bo kwali ye yi yaa tutwaa.

- O mura, me nkyerema ywe mimbyu mye :

20

Kanda’e, kanda ! Mbvaala nwo ntsig’ ma ywe (bis) ! ‘’

" $ ��+ �� + �� + ��+ �� + �� + ��+ �� + �� + ��+ �� + �� + ��+ � �% % ( � * * �� ! �! �% " ��

O buri bo si nyenywiya, peega Mpong’o mapee, saaga nye sali na mavuga! Nzyoega kuli ye na biyenge numiri, na biyenge numiri.

Sanglaga naa Mpong bo gyowa be Nzambi ; Nye miinyoe vi, vi yi bisali bye ; vi yi kaa ye, na bindtwombo bye. Nzyoega’o, niyaga pe ndtoo nwo, na pee nye mapee. Giyaga nye bigya pe den yi tu : Bvumb’laga Mpong’o, na le nye awa : nye yi Nzambi nwuni. Yang’o ! Mpong nyiung nlima, kwali ye ki be na mafuga. Nye bo yi ki fangla nlima, pe minkule na bisyu.

" $ �� &&&&�� ' * �� ! �� " �! �% " �� Walaga-si, Yerusalem, walaga ! Ywe pana minkyende, walaga-si, Yerusalem, walaga ! Ngwuli nwo nlyolama, bvuma ma Mpong ntulima bo ywe. Diga, diga’e, diga!Ziroe nlarima si, makaa momeya mo ndzyolema maziroe ritu! Ywe-ye, Mpong ngyowama lyole nyuli. Bvuma ye,bvuma ma Mpong nwo yaa pana ywe minkyende nyuli ri, Yerusalem! Ngwuli nwo bo sà-makaa baa nzi nzaa lebele. Bopfuma baa leb’le minkyende mye, minkyende mye mi mana !

Bindala miy bvuwo, o Yerusalem. Diga mbwoe , ywe nyina mbpi bo swaala, ywe diga mbpi bo fula. Bindala miy, diga mbwoe ; ywe nyina bo, Yerusalem ! (bis) Bwang bo bo vu ywe gyolanung ; Masye mo, bo babi mo mabyaa ribvuwo. Ywe ki nyina, ywa gi yu, ywa gi yu na mamung. Nlima gagi tili ywe mwo ri na maswusi ! (bis)

21

" ��/ ��/ ��/ ��/ �� + ��$ * ��- % �� LEGA : Bvuma’e, Bvuma !

Bvuma ywiya na Nzambi nviy ki be na mafuga Mbpwogu byoe na vi’e Nzambi Song minkumbo kwali mbpi

Bwang bo ! 1. Vi syoe ywe, vi simi ywe, vi le ywe bvuma :

Vi mende ywe, vi le yw’awa Na pwoe naa ywe yi sa neniy.

2. O Mpong Nzambi, ywe pang bvuwo Nzambi Song yi mbvul nyengywiya Bvuma na ywe !

3. O Mpong Yesus Krist, Tsyoe-Muwa ma Nzambi Song Ywe Mpong Nzambi’e : Bvuma ywiya na ywe. Bvuma, kile be na mafuga !

4. Ywe bo yi Mwaa-Ndtwombo ma Nzambi Ywe yi Mwaa ma Song Ywe ywiya mere na bvuma’e - a !

5. Ywe bo vuli mimbyu mi si-nyina Nunga magyaale miy. Ywe bo dzili mbwo-magwum ma Nzambi Song Bong vi gwugu ngwong’o, Mwaa-Ndtwombo !

6. Ywe bo lundele vi minlima na kwali ma Sindi Wung Ywe yi Wung, ywe yi mpang’o !

7. O Yesus Krist, sangsang na Sindi Wung Pe bvuma ma Nzambi Song. Amen. Amen. Bvuma ywiya na bibya. Amen.

22

" ! ��/ �� + �� / �� + �� / �� + �� / �� + ��

1. Bvuli Mpong Yesus mimbaga na di Na boswo bo nye mimpee, Nye minung pembe, na ki naa : ‘’Nyuli nwang me lana twom’ yini : Kolaga, na bibya bidyoe ! Byogo sa ri mbpi me minsa Byogo sa yaa ri mbpi me minsa.’’ 2. Sili nye minsili di di-kugu, Na boswo bo nye mimpee : Nye minung mbpundi, na ki naa : ‘’ Tsye nwang ki swiy-si twomi yin ; Nungaga, na bibya nyul’ga ! Tsiye nlarnwanaa yi mbee-mbee ’’ (bis) 3. Me bo yi pembe diligu mbpongo-bur

Nyi di nyul nwang bwama tyoe Maa peegu nye dwo mafaala, To nye gyama bugoo mbvimbo. Dwo yang me ki baala pani Vina nye vi ki ke kul ma Ta (bis)

4. Lini bobvaala bo swaala numa vur Na sa mapfun’ga ma Mpong, Nyemere dzil’ titima nwoo, Na lar’ bo na Sindi kwali Tsina bo ke na Kundaa-Pwo Na gigsi sà-makaa kwali (bis)

23

" ' �� LEGA : Nlima nwaa dig’ bi be na biba : Bi myaale Nzambi, myaalaga yaa

me: Kul’ ma Ta bidzi bi yi makaa-makaa Nlima nwaa dig’ bi be na biba’o : Kul’ ma Ta bidzi bi yi makaa-makaa’o !

Kul’ ma Ta, bidzi bi yi makaa-makaa : Ka ye mimbe ki be ndzina, ki me mimbwe kiligu bi ye, Boswo bang’o ! Me nkema kul’ma Ta, ke kumbo bi bidzi ; Me kina baala niyoe, nzi bi nung. Numa me dzili, tsina me wumi naa vinoo boswo bang’o Vi kanda dzi. R/. (Lega) Peli tumbo yoo me ke, bi sangle nzi ke wu mbpa na mbpa. Yeri Thomas walaga-si, nyogo na Yesus naa : ‘’ Kuma vi pong dzimi pel’ tumbo ywe ke, Nzi nyoo ke wu, vya ri sangle nye nfumana ? ’’ R/. Yesus nyogo na nye naa : ‘’Kina ywe sangle naa : Me bo yi Nzi, me bo yi Pwoepwoe, me bo yi yaa Tsyoe.’’ R/. Yeri mogo me lee bi naa : ‘’Mur’ gabele na mbvuli ke bo Ta, Ka nyaa nzile lang bo me : Me bo yi Nzi, me bo yi Pwoepwoe, me bo yi

yaa Tsyoe.’’ ! R/.

24

" , �� + �� + �� + �� + �� LEGA : Ywe bo yi dwo pana bee

Ywe bo yi kwali : Bong vi kye minlima ri Sindi kwali ye !

1. Nzyoe kwangle si nviy nyina, na koo vi kwal’ ye Ywe bo yi ngwuma mabee zir’ mimbel mbpwogu !

2. Bong ri dig’ manyana miy, na kwog’ vi mbwo nwo Mabvoe miy mo yi bo ywe, vya ke kwu nzir’ bvuwo.

3. Vi zangle ngwala bo ywe, na mabvoe bvubvu Na powale gya bvumb’le ywe, naa vi nkurgama !

4. Ywe mur’ gyo vi kwari ye, nzi tsyoe lwanga ye : Tsyoe ye yi mimbee-mimbee, pe kwar’ ma Nzambi

" - �� / ��/ �� / ��/ �� / ��/ �� / ��/ �� " , ��

�

R/. O Mpong, bong kwala vi, bong kwala vi mbvaala.

Yesus na bogig bo naa… Ka bi biri mbvaala bvimbi bvuma-lendi gina… R/. Ki bi mbwe ki li teli giniy naa : …. R/. Pfumiga-si numa ywe teli naywiye, Ywe kanda tyo pe mang ritu-pee … R/. Li riye kuma yaa bi sa magwoe tenate ! R/.

25

" % �� &&&&�� , �$ - ��" ��' �% " �

Nzambi minlyole Abraham nyuli, nyogo na nye naa : ‘’Abraham, Abraham, Abraham ! ziga nlambo nwo, na kaa ye, na ndtoo swong : kanda peli tumbo me ki lyo ywe (bis) Me ki ziri ywe muraa kaa, me ki le ywe nzwoe-mbpongo ! ywe ki bya makaa mbpyambo, ywe ki yaa bya bopang miinlambo (bis) Me ki sa nlari nwang vina ywe, na mbpongo-buri nwo Nwo ki be mbee-mbee nlari, mbee-mbee nlari ! Me ki be Nzambi nwo, na Nzambi mbpongo-buri nwo Me ki bi le ndzima tumbo, tumbo Kana ndzima-ndzima. Mogo be ri Nzambi nwo, Nzambi nwo :

NZAMBI M’ABRAHAM !

$ * �� )� ��/ �� )� ��/ �� )� ��/ �� )� ��/ ��

LEGA : Lumbala vi, o Mpong Yesus, kagu ye, Sindi Wung Kagu Swong riye, ye bo vi nsi zangle gina : Nlyo bobvaala, Sindi Ntare !

1. Me nkema kul ma Ta, ke bi kumbo bidzi

Me ki nye gwambo muri nfiy nzi dzi na bi, Sindi ntaniya, Sindi pwoepwoe.

2. Me kaale ke bo Ta, zyoe ri bi bonyuli Me ki baala niyoe, nlima lunder’ bi na maswusi Na tumi Ta ki lumb’le bi.

3. Sindi Wung ki bi gigsi mam’ momeya mo digu me Nyogo kaale labi sa ndziniy na nyelepfwo Na pwoe naa nye yi Sindi yang.

4. Mur mataara Ta minluma bvuwo ri Yuden na madzyo Sindi maa bi le yaa bi lund’le na kisse

26

Nyaa zir’ bi bombpung bo Krist !

$ � �� / ��)� ��+ �� / ��)� ��+ �� / ��)� ��+ �� / ��)� ��+ �� + �� % � ��

1. Makaa momeya mo bvumb’la Mpong, alleluya ! Bisindi bi bvuwo bibya, alleluya ! Laaga Mpong bvuma neniy, alleluya !

2. Bibya bi laa nye bvuma ye, alleluya ! Nlu-dwo ba ngweni yi bvuwo, alleluya ! Na minkyende min’ mimya, alleluya !

3. Masi momeya mo bvumb’la nye, alleluya ! To lin’-syu, to lin’-nkule, alleluya ! Bongal, na yoo, na mbpa’a, na mbvang, alleluya !

4. Mang na ndzyo Nzambi minyoe, alleluya ! Na bofu bo yi tsina, alleluya ! Bo laa nye bvuma neniy, alleluya !

5. Bibya bopang bo si-nyina, alleluya ! Botumba na bondtemi, alleluya ! Sansaga masigo min’ alleluya !

6. Bvuma ywiya na Nzambi nviy, alleluya ! Taare dol’ na pil’ nyenywiya, alleluya ! Bvuma byoe mimbee-mimbee.

27

��

�� + � �� + � �� + � �� + � �� Krist minyu pwoe ziy, Krist rinye mpeegama : Ye vi zangle ywe,o Mpong Yesus, Maranatha !

�� )�� )�� )�� )��

Maa na bur bo gwoele Bang ma Ta Nzambi Maa na bur bo lundele ye. Vya ri ke bo nze, o Mpong Yesus, Ywe bo bir bibang bi le tsyoe (bis)

�" ��" ��" ��" �� + �� + �� + �� + ��

Nkolaga mbpundi Tsye ma Yesus, Vi nzyoe kana Dzina ma Nzambi !

�$ ��$ ��$ ��$ �� )�� )�� )�� )�� Ka ywe mama na num’ nwo

1.naa Yesus Krist bo yi Ntsi 2.naa Nzambi pang si ba bvuwo 3.naa Sindi Wung yi Kwali

Ka ywe bvaala nlima nwo ri 1.naa Nzambi miimpeegu nye 2.naa Nzambi miingya mur giga nye 3.naa Sindi lungsi Ndtoo-Nzambi

O myung nwang, tsina ywe ki bwama tsyoe(2) O Ntsi, vi myaale ywe, Bong vi kwala mbvaala ! (2)

�� )� �� )� �� )� �� )� �� Ywe minyu na twom’ziy, ywe mpeegama pe swong Ywe ki baalana pan’, nzi tsigu vi Nzyoe, o Mpong, vi kwal’ ywe : Nzyoe, o Mpong, vi zangle ywe !

�! ��! ��! ��! � Maranatha, maranatha, Mpong Nzambi nviy, nzyoe kuri vi : Maranatha, maranatha, maranatha, Mpong Nzambi nviy,vi zangle ywe !

28

$ " �� + �� + �� + �� + ��$ �� 1 �� " ' �" , �% " �

�

R/. Kwali me kwali mambpinda mo, Nzima nte-dwo, me bwangsa mo, o Nzambi nwang !

Me bal’ bolyole bang na pyoe Me sangle tare mambpinda mo (bis)

1. Bang ye ywe minteli me Ye yi me lambo kuna me manzi mang’o , o Nzambi nwang !

2. Me kana lab’ riye bindtang Ndzima nte-tsyoe yang’o, me ki kwali ywe ; Me kana ye bindtang, me ki kwal’ ywe !

3. Kagu ye ywe minkagu me, Yiy me num’ ri mbpi mbvuwo-nkwana Na pwoe riye me tare ye mbpa na mbpa (bis)

$ $ �� / �� / �� / �� / �� / �� / �� / �� / �� + �� " " �, �% " �� R/. Song nviy, song nviy, song nviy yi pe bvuwo, Dzina ye byoe wung,

Pang ye nzyoe Wumi ye seega poo si, mbpi ye seega bvuwo (bis) Laa vi, laa vi bidyu bi kuga na vi doli, Kiyara vi byo ziy Mbpi vi kiyere buri, buri bo dzigsi vi. R/.

Ywaa dig’ giri, ywaa dig’ giri Vi tiwa magwarara ritu Ywaa dig’ giri, o Ta ! (bis) R/.

Di kura vi pe byo ziy yiya, o Ta Di kura vi ! Di kura vi pe byo ziy yiya, o Ta Di kura vi, o Song nviy ! R/.

29

$ �� # �� # �� # �� # �� &&&&��+ ��$ ��" * �� , �% " �

Kristi nfulama’e (bis) ! Hosanna, Hosanna pe bvuwo Hosanna na nyi nzi na dzina ma Mpong’o (bis) Kristi nfulama’e : nye nzi fuli bo ywe Nye nzi fuli kul’ swo nwo Nye nzi fuli bo ywe, mbvaala nwo’ ! Di mbe, mbe ndtoo nwo, nwo yi natsi ! Kina ywe gwoe mbpi nye bvungu : kum ! kum ! ki wara ? Nye wumi naa ywe ningla nye kuli yè : Dziya nye mbe, dziya nye mbe ! Ka ywe gwoe ngyuli nwo’, Ywe kuga na dziy nye mbe : Nyogo niy ri ndtoo nwo, na kumbo dzi. - Myung nwang’o, me nfulama’e :

Me niyma ndtoo nwo : ywe ndzilima me si ! Vinoo ywe vi mwaa ri wa, koo ndtang pe tawuli, Vi kanda di di-kugu. Vinoo ywe baara-baara, Vinoo ywe kwaala-kwaala ! Swo-ba-swo,swo-ba-swo, swo-ba-swo ! ‘’

30

$ ! �� / �� / �� / �� / �� )��

1. Kaa kwali Nzambi kwali vi Kwali ye yi ki mafuga : Nye minkumbo lana Mwaa nwo’, Na myaale nye yu nlinga ri.

2. Ye Bang minzi zir’ga Muri Nye nzi ri lwang-kwar ye bo vi. Nyaa vuma mbpi mwaa ma Yosef, Na sangle sa bobyali magwoe.

3. Ye nye minlangle ndzima tsyoe ye Koo mbpamb’ra na bosal bo ngwong. Yuden baa kyangle kwali ye : Bogo naa nye byanda Nzambi.

4. Vi gyaale gwe, o Mwaa ma David : Bong gwug’ vi ngwong, na gigsi vi Mbpi kwala na bomyung boviy, Na be bombpung bo mbpami nwo.

5. Bvuma byoe na Nzambi nvuri. Nzambi Song, na Mwaa, na Sindi Wung. Mbpi ye mimvu mafu ma ywoe, Ndzina ye byoe bipil bibya.

AMEN.

31

$ ' �� / �� / �� / �� / ��

O Sindi Wung, Nlyole minkiyoo vi, Bong nzi bo vi, nzi wol’gu minlima ! Lin’ vi gyo ywe, vi teli te-byo, Mabvoe maviy mo yi sa koo bo ywe.

- Nzyoe, Sindi Wung, Nwol’gu minlima miy, Ka ki mbvul’ nwo, mbyong-sa ki be bo vi. Fula, fula, fula, fula bo vi Bera ngwul’ nwo, vi tyowa bee ritu. ‘’

- O Sindi Wung, Nlyole minkiyoo ri… mabvoe…koo bo ywe. ‘’

$ , ��/ �� / �� / �� / ��

1. Bvaala (bis) bvaala, ki swundele : bina Mpong Nzambi nwo biyi lwanga poo si,bina Emmanuwel R/.

2. Myaala (bis) myaala, ki swundele : bina Mpong … Emmanuwel R/. 3. Swusa, swusa, swusa, ki swundele : bina Mpong … Emmanuwel R/.

R/. Gwaala, gwaala sa yiya nye lee ywe : Gwaala pwo maswusi : Nzambi nzi dzi na vi

Bwama, bwama sa yiya nye kye ywe Bwama pwo maswusi : Nzambi nzi dzi na vi !

32

$ - ��+ �� + �� + �� + �� + �� + �� + �� + ��

Mpong Yesus bab’ mbpab-malwong Dzilala-mbpab vi nsi kangla nye : Nzyoega , bomyung, nzi tyo lwanga ye (ter).

- O Mpong, Mpong’o, bong vi gwugu ngwong Bong vi gwugu ngwong ! ‘’ (bis) $ % �� )�� )�� )�� )��

R/. Nzambi nwang (bis) boway’oo, Mpong Nzambi nwang nyoo ngwug’me ngwong !

Nzambi nwang (bis) boway’o, Mpong Nzambi nwang nyoo ntsigma me

1. Me kuma ri ke swuwaa ye ?

Ngwong na me, boway’o. Di Mpong Nzambi mwang nkumbo me digi miy Me mpfuni-mura !

2. Ngo’wa, Abraham, kaale ndzina ? Boo vi mimbwe wusa giye ! Ngo’wa, ngwumyang ?

3. Bowayo, nze ri kanda na pwo ? Pwo maswusi pwoe ntul ngwumi nwang : Mpfuni Sara mbyama mwaa dol’o !

CODA : O yee, o bura’o, nzyoega swuse na me Ntul-mura mbpi me kumbo le mwaa bel’o-kowa ! Mpfun’-mura zyoe bobyal na swen’o ! Boway’o, nze ri kanda na pwo ?…(ut in 3.)

33

�* �� + # �� + # �� + # �� + # �� $ ! �� $ �' �% � �

Yeri mimbe naa, ki Yesus gandtang pfunga ri, lwanga na bogigi bo ; Bo minwumi sowa mang ma Galileya tsindiy kee. Pan’ bo ke pan’ mang ritu, waa saga naa bvuwo ba si bye lari ri nata ! na maziroe

a) Mbvang gayambele bo minlu ribvuwo : hm.hm.hm.hm.hm. R/. Ee ! Kaa nlong rinze, vi tel’ ri ye ? Vya ri sa na’e Ee ! Ngwong na vi’e, vi tel’ ri ye ? Vya ri sa na’e, o bur’o ! b) Minkyo mya suwole pfunga ritu : wu. wu. wu. wu. wu. R/. Ee ! Kaa nlong rinze… c) Pfunga yaa gi dzimye mang ritu, mang ritu !

R/. Ee ! Kaa nlong rinze… d) Yesus nyo bwoe gwo ri, pe pfunga-pfye : nlu kali bunga ribvuwo. R/. Ee ! Kaa nlong rinze…

Yeri bogigi bo gimi nye, bogo na nye naa : ‘’E, o Nlole, kaale swiy be ? Ywo waa giga mbpi mur ganungle ngoo na sa lang’o, nfumana’e ? ‘’ R/. Ee ! Kaa nlong rinze… Yeri Yesus gim’ga gwo ri,nya bama na mbvang,nya bamb’le mang’o,na minkyo

- Dzyoe nawom (bis) kina sa bibvung ; kina kungala.

Tenate riye mbvang, na mang, na minkyo : bisa bibya dzi ri namye :tumbo woo! Yesus na bogig bo naa : ‘’ Bi pfunde ri gi’e ? Ndtugu mbpi bi yi ri be : ki mbvaala ! ‘’ Mbpi bo mimbili kina, na pfunde bo mimbe na ye, baa ke kaa dziyala tsiya nyina : ‘Ee ! Kaa mur rinze yi mbpi nyina : mbvang na mang bo sa nye magwoe ! ’ (bis)

34

� � �� + ��

+ ��+ ��+ ��+ �� – Gwala vi, o Ta, nzyoe kwel ( kur’) vi bwang bo Mabvoe maviy maa bele bo mur-nfiy koo ywe ! + ��"+ ��"+ ��"+ ��" - O Mpong, bong nung magyaale miy, Vu vi minlima ri ! + ��$+ ��$+ ��$+ ��$ - O Ta, bong swaala vi, Bo Yesus yi Tsyoe-Mwaa nwo ! + �+ �+ �+ �� - Exaudi nos, exaudi nos, exaudi nos, Domine Exaudi nos, exaudi nos, exaudi nos, Domine ! + ��!+ ��!+ ��!+ ��! - Kunga lwo, kunga lwo, na gwug’ vi ngwong’o Kunga lwo, o Mpong’o ! + ��'+ ��'+ ��'+ ��' - O Ta, bwangsa kwal’ ye Bwangsa mwa nwo Yesus, O Ta, bong bwangsa vi ! + ��,+ ��,+ ��,+ ��, - O Krist yi ntsyoesi, gwoela, gwoela magyaale miy gwoela, gwoela magyaale miy !

35

�� + �� )��+ �� )�� + �� )��+ �� )�� + �� )��+ �� )�� + �� )��+ �� )��

O Mpong’o, Mpong nwang’o, bong gwoele me : Gwaala magyaale mang’e, Mpong nwang’o ! Ywe baale ri kaa ye byala bvu’oe nlima ritu, nfumana’e ? Ywe nwusama ri mpbi ywe minkur bo nlambo Egypteni ? Ngwong ndzinde, ngwong pfumi sà-makaa ritu ! Di bvimbi sal riye, mbvu’oe gi’e, o Mpong Nzambi Israel ? (bis)

�" �� , ��$ �- �� " ��' �% " ��

Nzambi minlyole Abraham nyuli ; nyogo na nye naa : ‘’Abraham, Abraham, Abraham ! Ziga nlambo nwo, na kaa ye, na ndtoo-swong Kanda peli-tumbo me ki lyo ywe (bis) Me ki ziri ywe muraa-kaa ; me ki le ywe nzwoe-mbpongo. Ywe ki bya makaa mbpyambo ; ywe ki yaa bya bopang miinlambo (bis) Me ki sa nlari nwang vina ywe, na mbpongo-bur nwo : Nwo ki be mbee-mbee nlari (bis) Me ki be Nzambi nwo, na Nzambi mbpongo-buri nwo : Nwo ki be mbee-mbee nlari (bis) Me ki be Nzambi nwo, na Nzambi mbpongo-buri nwo. Me ki bi le ndzima tumbo, tumbo Kana ndzima-ndzima. Mogo me be ri Nzambi nwo, Nzambi nwo : NZAMBI M’ABRAHAM ‘’ !

36

�" ��

� 1.2.3. Mwaa- Ndtwombo ma Nzambi, Ywe bo vul mimbyu mi si

1.2. Bong gwugu vi ngwong !

3. Bong le vi mbpwogu !

1.2. Gwuga vi ngwong’o, Mwaa-Ndtwombo, gwuga vi ngwong’o (bis) Laa vi mbpwogu nwo, Mwaa-Ndtwombo, laa vi mbpwogu nwo. (bis)

�$ �� + ��

R/. Bi ki nyima me, bi ki lar na me wu, Galilea ! Bi ki nyina me, me mpeegama, alleluya ! Vi ki nyindala wu.

1. Bo minyina kwoe-swong mpindala mbe risi Baa kaga na pfunde miy nandtuna : Bwang bunung boba baa wol’gu bo : ‘’Nà bi giya Ntsyoesi lwanga boyuli ? ‘’

2. Nye minlee lee bi naa, lin nye mimbe poo si : ‘’Mwaa ma Muri ywiya na pfuga, nye diloo ri pfye mafu malal’, nye ki peega. Nzyoega nyina numa mbvimbo mimbugoo !’’

3. Kibo bi me mbwo, Marya Magdalena Na pwoe naa maa pongle bire na ke kul ma Ta Bong kwiga ke, kina zangle : Me mwaa bire bo Ta, alleluya !

4. Kwiga ke na pwo, Marya Magddala Kanda lee bomyung bang naa ywe nyina me Bo kwiga ke, ke zangle me

Vi ki nyindala pe Galilea !

37

��+ �� + �� + �� + �� &&&&��+ �� 0 �� + ��

R/. A mpeegama, bi bur bur bi giya Jesus, Nyaa bele na wa’e (1)

A mpeegama, bi bur bur bi giya nye, Kandaga Galilea ! (2)

Bura miinke pe swong ma Krist Bo minkwe naa swong mwaa wuwul. A mpeega ma ! Yesus mbal’ma mbvuli ma swiy Nye ndziyma mbe Tsyoe mimbee-mimbee A mpeega ma ! Bya digi giya Krist pe swong ritu Bya digi nye giya lwanga boyul A mpeega ma !

�! �� + ��! ��- �� - �$ �% $ �

�

Mafupfye bi mimbe sa kamba maziroe Dziyri Krist ntel’ma bi bee ritima, ngwuli nwo ritu. Bi ywiya na dzi tsina mbpi bwang bo ngwuli Ngwuli nwogo yimbo na sa mbyong-nlima, na tsiriri, na minseya, minseya, mi pwoepwoe. Labi mbpee gabele tsina Bi ywiya na vumbala na maziroe. Sa bo ngwul’o, saaga mami bee ritima Tsina ngwuli nwuni nwaa kuga na tumbo. Bilepfwo na si nyenywiya bya pana ; Na si nyenywiya bya pana, bya pana bee ma Krist ritu.

38

�' �� ' �" ��" " �$ �% $ ��

Mur ndziniy minteli muraa tsinde, ki nya bowale nzwoe-buri Lini pil-di nlundema, ye nye luma mpfuuri nwo, kaa gyo bogyong : ‘’Nzyoega’o, minkumb’la myang mi nsima:nzyoega’o, me zangle bi !’’ Bogyong bobeya waa ri ke kaa giya minkiyara, na ki naa :

1. Maa lwang gyaga ngye nwanaa ; me wum’nye pong ke nyina dwo yi doli : bong kiyere me !

2. Mogo me mbowale yaa bopfuuri dol’o : me ywiya na ke zyoele bo pe ngye

Sali riye yaa bele na mbvuli seega, me nzuli ! Bong kiyere me 3. Peli yang, maa lwang bwomi-mura : me ziri n’ywali ndtoo ! Maa bele na

mbvuli ke numa ri dwo gina ri doli !

Mbpyangsa ke ri nyana meri-tsinde nlima ri, nyogo na mpfuuri nwo naa : ‘’ Kwiga ke kaa yamb’le manzi momeya ma ntsindi ; nzyoe na bo bobeya,

ywe ki lar na bo : Buri biinyami, biyule bi buri, bondzimi, na mabwoe ! ‘’

- Ta’o, me nsilma lundele nwuma nwo, di ndtoo-tsinde gaponle lunde ! ‘’ - Kanda (ter), kaa swo buri, na simbo bo na mbvuli : bobeya bo niya !

Me wumi nyina ndtoo-tsinde nwang nlunda (3) nlunda navya ! ‘’

39

�, �� + �� . � ��" % �! �% $ �

O Sindi ngwuli, Sindi kwali na n’yoo-pfim’ ma Nyi yi bvuwo. Ywe bo yi nkoo-malen momeya, o Sindi Wung ! Gwuma gi yi na ntaraa Swiya gi bir’ mimbviroe : Bong kwogu gi yi nasende.

Lin mimbvu’oe mimbalma be : byoe nwoligu nviy ; Lin mbpili mbalma bvu : publa vi, Sindi Wung Ka binyuli bi mbima vi, nzyoe dzi na vi ! Laa mbvuli nwo numa kisse gabele Kiya mbwo nwo, na teli vi. Ka mabvoe maa belena, Ywe le ri vi dzisoo, Sindi Ntare !

Byoe vi ndtimbi kwali, Kwal ma Song ba Mwaa, o Sindi Wung ! Nuwaala vi kwal riye, Kwali binoo Song ba Mwaa, pe mimbee-mimbee !

40

�- �� + �� + �� + �� + �� $ �� ' �" � ��

Kwal Nzambi minkwali mbpongo-buri, kwal riye minlang nte : Na pwoe riye nye minlana Tsyoe-Mwaa nwo. Nyi myaale Mwaa ma Nzambi nye kaale yu Nye mbwema bwama tsyoe mimbe-mimbee (bis) Nandtang mbvaala nwo, nye ki swal’ga mpende Pe mbpowa-matangla ma Nzambi. Pe mbpowa, mbpowa matangla, matangla ma kwali. Tutti : - Mpende, mpende, mpende Mpende mere ! ‘’ Di nyi nyo bina myaale Mwaa ma Nzambi Labi ye mbwe tsigu-tsigu : Na pwoe naa nye mimbina myaale Dzina ma Muwa. Nzambi minlumb’le vi ngwuli nwo, Di vi buri waa ri kwali sa koo maziroe Na pfunde vi mimpfunde ngwuli ma Nzambi. Nsali mam mabyo nyenywiya ganzwumboole bee-ngwuli Nye zinde buri kyangle nye bibyala bi mami nye sa. Nyi nyogo yi nsali mam ma pwoepwoe Nye lyole nyuli bee ritima Tutti : Tsina buri baa nyina mami nye sa : Mo yi minseya, minseya mi Nzambi !

41

�% �� - �� - ��

Yeri pwo minzi kwu minluma malwo ri Yerusalem Naa buri bo Samarya bo mbwama Bang ma Nzambi. Ye bo luma Pyer na Jean ke wu Samarya. Pan’bo pan’ wu mbpi, baa gyaale pwoe yoo Ndtang bo bwama Sindi Wung. (bis) Sindi mimponle liy kwu muri to nvuri lwanga yoo nyuli ri : Bo mimbwama sa kamba bvuwaa na dzina ma Mpong Yesus. Yeri Pyer ba Jean bo kali bo mabwo Baa gwo’ bwama Sindi Wung (bis).

! * �� $ �� - ��

Yesus minlee Nikodem naa : Ka mur gabyalile mbyala nwanaa, Mur rinye gabele na mbvuli nyina Pang ma Nzambi. Nikodem nyogo na nye naa :

- Di ka muri nwaama be ntuli, Nyoo kuga na baala byali nfumana’e. Dina nyiye muri niyoe nyiwng mwo ritu kyeni mba ? ‘’ Yesus nyogo na nye naa :

- Mbyala nwanaa me lee minlong nwuna,

Nwo yi nwu madzyo na Sindi Wung Gi yi mbyala, mbyala minswuni, Ye yi sa kamba minswuni. Gi yogo yi mbyala, mbyala sindi Ye yi sa kamba sindi. Mpebe lang numa nwo wumi lang : Malwo mo gwoe sa kamba bvung ye. Mur gabele na mbvuli sangle peli tumbo nwo vu na ke (bis) Ndzina bo ye yi na muri yi mbyala na mpebe ma Sindi. ‘’

42

! � �� + ��" �� % �" " ��" * �' �% $ �

Bya bele bogyong, ka bolang-kyeni : Bi yi ber bo kwari, na binzisinga mi kaa ma Nzambi. Nagi Krist mi ningle bi sali bilungu ye, bilungu bi ndtoo ma Nzambi. Bilungu ribye miinluma, na bopagumalabi bo yi makundi. Krist Yesus mere nye bo yi kwoe-syang nyimbele bipfimba. (bis) Sal bilungu riye bire mbpa na mbpa, na lunga ki mbvinda Na faala tyo mbpi Tempel yi ngwami na mbvuli ma Mpong Nzambi. Byogo bi biri nwuni ngoo, ngoo bilungu bina. Sindi Wung bo gwumb’le bi, na ziri bi mbyong-Tempel Numa Nzambi kwali dzi.

! " �� ' �" $ �" ��

Pwoepwoe, pwoepwoe mere, me lee bi naa : Ka bi gwambo Ta sa ndziniy, bi nzyoe kana dzina yang R/. Nya le bi ye, pwoepwoe nya le bi ye Me bo kana ye bindtang : pwoepwoe nya le bi ye !

1. Bya pongle gwambo sa ndzina na ndzina yang :

Gwambaga ri, bi ki bwama ! R/.

2. Tsina nlima nwuni nwo ki lunde na maswusi Tsina nlima nwuni nwo ki lunde na maswusi R/.

3. Maa leele bi naa me bo ki gyaale Ta peli yini Na pwoe naa Ta mere kwali bi (bis)

Nung : Pwoepwoe, pwoepwoe mere… R/. Nya le bi ye.

43

! $ �� 2� ��

O buri, bo Galileya,bi zangle ri nze bi nzyoe fumb’le bvuwo mbpi ywiye ? Alleluya, alleluya ! Yesus bi nyina ke bvuwo nangywiye Ndzina yaa bo nye ki baala pani dwo mafaala.

R/. Alleluya. Alleluya. Alleluya.

- Makaa momeya mo peya mapee’o Bur bobeya bo lwanga nye biyenge ‘’ R/.

- Nye nkema nung dzi ye, dzi-pfuma Mbwo magwum ma Song yi mbvul nyengywiya ‘’ R/.

- Bvuma byoe na Song, bvuma byoe na Muwa Bvuma, bvuma byoe na Sindi Wung ‘’ R/.

� - �� )�� )�� )�� )�� &&&&�� $ �* � ��

Wung ! Wung’o, Yahwe, ywe yi Wung ! Wung ! Wung’o, Yahwe, ywe yi Wung’o ! Bwo na si bye yi nlunda, bye yi nlunda na bvuma ye Hosanna, hasanna pe bvuwo ! (bis) Bvuma byoe na nyi nzi na dzina ye ! (bis) Hosanna, hosanna pe bvuwo ! (bis)

44

! �� - �" �� Yesus minfula pe Tempel zirosi, nya gigsi buri Bang ma Nzambi. Waa saga, buri baa nzi nzaa simbo mura : nye mimbili na munung-nga R/1. O Nlyole, kaa bura gina, Muses mintsile naa bo ywiya na gwuwoo

na makwoe. R/2. Kaa lab’riye, ywo nyina ye nfumana ? R/3. Koo Yesus baloo, nya tsile minkwumbpong mate ri, na zina ! Di bogo koo nyimb’le nye na tsiya nyina : R/1. Yesus nyogo na bo naa : ‘’O muri nya pongle sa mbvinda na byala ye, Nye bo tuga kwoe matara na vuma nye ‘’ R/3. Kena digu mbpi, lwanga-buri gina mbulima Botumba bo buri miintaare na sili pyambaga. Ye Yesus bana mura nyina bo zigu wa. - O mura, o lwanga-buri bo nsi mandele ywe, Kile be na nvuri ntuguga kwoe, na vuma ywe ? ‘’

- Kile be (bis) Mpong nwang’o ! To nvuri ! ‘’ - To mogo yaa, me kaale ywe mandele : Kanda, kanda ! Di koo, kibo niyoe ke ningle nyuli tsyoe mimbyu ri (bis)’’

45

! ! �� / �� / �� / �� / ��

�� ' ��' ��" , ��% $ � Me lee bi ye naa : Muri ndziniy nya bele na mbvuli nzi bo me, Ka Ta minluma me gasimbole nye. Me ki peegu nye dwo mafaala, dwo riye, me ki peegu nye Ye yi ntsila naa, pe kalari bopagu maalabi, Nzambi bo ki be Nlyole : Nyi ki gigsi buri bobeya mami. Nyi ki gwoele tsyung ma Ta, na ningle ngigsa nwo nlima ri, Nye bo ki nzi bo me.

Nzambi, mur ndziniy minyinama nye gabele, Yenge-yenge nyi minvu bo Nzambi-Song !

! ' �� )�� )�� )�� )�� " � ��- �� ' ��

Mpagumabab Elizee mingyang-gyang nlambo Sunam. Ye mbyong-mura nyimbele nye naa nye kanda fuli kuli ye. Elizee gyanaa ri na fula fula kuli ma mura nyina. Mura nyogo na ngwumi naa :

- Muri nsi gyang gya vi-ye nyina, nye yi mur ma Nzambi. Vi ywiya na lwang nye gyoembpee : Nye byoe na nwo ndtoo, na gwong, na tawuli, na kunda, na lambo ! ‘’

Mpagumalabi na mpfuuri nwo naa : ‘’Gi mere vi kuga na sa mura nyina ? Kaa mbyong mbwama nye bwama vi kuli ye !’’ Mpfuuri ma mpagumalabi, nyogo na nye naa : ‘’Ee, ta’o, mura nywiye biri byo na mabwo. Nya bele na muwa, ngwumi nyogo kaa ntuli !’’

- Gyowa me nye yaa ! kanda ; gyowa me nye ! Mura nzi nzi : sini mbe risi ! ‘’

- Omura ! Me taare ywe le awa, pwoe mbpa nyengywiya ywe nsi me sa, kuli ye Me lee ywe naa, na dzina ma Nzambi Israel : mbvu ganzi-swoe, Kaa pili nyina, me ki kwe ywe na muwa mabwo ri.

46

Mbyongleni ma Nzambi : Muwa mabwo ri ! ’’

! , �� " �� Nzong-ba mimbe Kana, tumbo Galileya.

Marya, nyiwng ma Yesus mimbe pe tsinde ; bo bowale yaa ri Yesus mere, na bo gigi bo. Na ke na ke ye : manyiwng maa tare bire pe ndtoo-tsinde : wayni nsima (6) Ye nyiwng ma Yesus ki nye naa : ‘’ Baa belena na sa nyuli, o muwa nwang ! ’’

- O mura, o mura ! Lab riye yoo digu ywe ye’e : Wula yang yoo yaa pongle ri lunde Wula yang, o mura, yoo yaa pongle ri lunde !’’ Nyiwng ma Yesus na bogyandili naa : ‘’Saaga, saaga, sa mbpi sa nye ki lee bi !’’ Yesus nyogo na bo naa : ‘’Lundalaga bopundi bana na madzyo !’’ Madzyo maa swiy, maa swiy bopundi ri. Bo mimbe bopundi ntuwo : bobeya bee-vya !

- Danglaga madzyo mana, bi kanda teli meri-tsinde. ‘’ Mpang-tsinde gyo ri meri-kwari, nyogo na nye naa :

- Bo taare taare lyang buri mimbyong maanywoe ; Di ka baa piya, ywe teli ri bo manywoe mogo mo yi ndzina. Mfumana’e ywo nsi kwendi kaa mbyong wayni nyina, na nzi bi wula gina ? ‘’ Kikyang mataara Yesus minsa bogina. Nzong-ba mimbe Kana, Kana, Kana tumbo Galilee. Ki bogigi bo Yesus baa nyina bvuma ye bee ritima : Ki baa myaale nye ! (Bibang bye yi bimbpinde ri, bye kuga na be ki giyoo)

47

! - �� " * �� - �� % ��' $ ��

Marya Magdala mintyo mbe-swong risi : a nzyoe gi, a nzyoe gi. Ye nye nuwangle swong ritu, numa bo mimbugu mbvimbo ma Yesus : Ki nya nyina maywande maba, na mbpwor nabambala. Bogo na nye naa : - O mura, yu yi ri na ? ‘’ Nyogo na bo naa : - Bo nweema me Mpong nwang, na Nlyole nwang ; Maa limbole peli tumbo bo nsi ke na nye. ’’ Ye Marya ziriga ; waa saga, muri teli mbpi ywiye : Di nye kile sangle naa Yesus bongywiye. Yesus nyogo na nye naa : - O mura, yu yi ri na ? Ywe giya yaa ri nzee ? ‘’ Marya bwangsa naa muri nyina yi ntare-maswong.

- O mur’o ! Bong me lee ye vina ywe boba : Ka ywe bo nsi tugu nye, bong me lyo (bis) numa ywe nsi ke na nye. Me kanda nung nye, me gyaale ywe. ‘’

- Marya ! ‘’ Koo nye ziriga peli tsyung minvu, na ki naa :

- Ye’e ! ndtugu ywe ri’e, o Nlyole ! ‘’

- Kibo bi me mbpi ywiye : Maa pongle bire na ke bo Ta ! Kanda, Marya, kanda ! Kwiga ke, na kiligu Kefas na bomyung : Me mbirema bo Ta yi yaa Song nwuni, Bo Nzambi nwang yi yaa Nzambi nwuni. ‘’

48

! % �� 3�3�3�3�� % �� - ��/ � �� % $ �

Dwo ndziniy, Paul minlar na lwanga bobvaala pe nlambo Efesi. Ki nya dziy bo naa : ‘’Bi mimbwama mere Sindi Wung, Lini bi mi myaale Mpong Yesus Krist ? ‘’

- Dzina na dzina Sindi Wung mere, vi mpong ma gwoe ye malwo ri ? Muri ndziniy mimpongle gigsi vi gi bo gyo naa Sindi Wung ! ‘’

- Di kaa bvuwaa rinze bi mimbwama ? ‘’

- Vi mimbwama bvuwaa ma Jean Mbvuwo-buri. ‘’

- Di bi ywiya na sangle naa bvuwaa Jean minzi nzaa bvuwo buri, Ye mimbe bvuwaa pfugee-nyuli, na minkumbala minlima, Ndtang bur bobeya bo myaala Yesus Krist ywiya na pani. ‘’

Ki bobeya baa bwama bvuwaa na dzina ma Yesus munung Nazaret. Nliyna Paul minkali bo mabwo nlu ri mbpi, Koo Sindi Wung fula bo nyuli ri : Baa labi makyel makaa makaa, Na pfuli minswala mi mami bee ritima !

49

' * �� % �' �+ � �" �' �- ��

Yaa ywiyale naa ywe byoe sa kamba mpfuuri nwang : Me mimpee ywe mbpi nyi ywiya na be ngwuli nwang titima sa-makaa, Ndtang ywe kanda na makurga mang na ke pani pfye minlambo. Mpong nwang minki me naa :

- Ywe yi me Muwa ; melepfwo bo nsi bya ywe doli ! Gwamba me, maa ywe le mo ; maa ywe koo makaa ma si : Maa ywe koo mo, ngoo kubi nwo : ‘’

- Mo ki tyo pang ye risi, pe minkule na bisyu ‘’ (bis).

' � ��+ �� + �� + �� + �� + �� + �� + �� + �� + �� + �� + �� + �� + �� + �� + �� + �� % $ �

R/. Paska, alleluya, Paska be, Mpong mpeegama, alleluya (bis).

1. Ywe mpeegama, Mpong Yesus, alleluya ! Ywe bo yi mbuma boyuli bobeya, alleluya ! Vula vi lwanga swiy mindzili vi minkuma, Na le vi’e tsyoe wanaa Sindi Wung ritu.

2. Ywe mpeegama, Mpong Yesus, alleluya ! Ywe mbaalamana nzi dzi na vi, Kristi Ntsyoesi, alleluya ! Lundala vi tsyoe ye minlima ri Sindi Wung ritu.

3. Ywe mpeegama, Mpong Yesus, alleluya ! Ywe mbwarima lugu-pfuma ye O Krist, Nkur-buri, alleluya : Laa vi mbvuli ziriga buri bowanaa, ndtang vi niya pe Pang ye, alleluya !

4. Ywe mpeegama, Mpong Yesus, alleluya Ywe nkema dzi dzi ye Muwa ma Nzambi-Song :

Bong sa naa vi kwala tsyoe si-nyina , kile wusa tsyoe yi bvuwo.

50

Maswusi maviy mo byoe ndtimbi tsyoe mimbee mimbee. ' " �� + � �� ! ��4 � �% $ �

R/. Maa mee na ywe, o Sye-Ndzyo Marya : Mwaa nwo ntelma ywe bvuma ri (bis).

4. Gwaala me, o Sye-mura, diga na kungu lwo. Wusa kaa ye na ndtoo swong. Diga mbpi pfuma ntilima nlima, na bibyang bye !

2. Nye bo yi mpang nwo : kanda pfuri nye mabwong-si Tsina minzisinga mi si nyina Mya nzi na nzwoe maleni, nzi lembe miy na miy ywa digu bo.

3. Ywe yi mere mpuli bvuma ye ritu Na mbpwor nwo myen’ na myeni. Bo ke na n’ywal nwo, ke zyoele ywe kul ma Pfuma (bis).

4. Lwanga masye tel ywe pfye : nzwoe-lwanga Na bigya, na biyenge ! Bo ke zyoele n’ywali kul ma Pfuma !

' $ �� 3�� 3�� 3�� 3�� " �� $ �� ! �� * �- �% $ �

- O Nlyole, leya myung nwang naa nye kowa me ngoo-kubi nviy ! ‘’ Yesus nyogo na nye naa :

1. ‘’ Nze ri minteli me ntsyoe-malabi nwune, ka nkoo nwun mangoo ? ‘’

2. ‘’ Me lee bi naa : Saaga bikili na nzwongu-pfuma ‘’ (bis).

3. ‘’ Kaale na ndtang pfuma muri biri, Ye bo tsyoe ye gabè ki biba. ‘’

51

R/. Pfuma gabele byang tsyoe ! Pfuma gabele byang tsyoe !

' �� + # � �� )�� + # � �� )�� + # � �� )�� + # � �� )�� 5 �$ ��' �- �� $ �% �% $ ��

Nzambi minki Muzes naa :

- Me nyina kaa pfuga bwang b’Israel bo yu na ye nlambo Egypteni. Me ngwoe mayu bo gi tumbo riye ; Me sangle yaa mabvuni bo yu na mo wu ; Maa dzimile manyana bo biri. ‘’

- Ye me nzyoe kuri bo, na vuli bo tumbo pfuga riye Maa bire na bo nlambo ntami : Tumbo manyang na nkwana bye giga na sa kamba ndzyo, Nlambo melepfwo gale bo, me Nzambi m’Abraham ! ‘’

- Ye me luma ywe, Muzes’o, kanda ! Kanda bo Faraon, ywe kanda me kuri kaa yang ! Kanda bo Faraon, ywe kanda me kuri kaa yang Israel ! ‘’

' ! ��+ � �� + � �� + � �� + � �� 3333�� $ �� * �� ' �� , ��4 � �% $ �

Bogigi miindziy Yesus tsiya nyina :

- Na pwoe gi’e ywe labi buri mami kamba na bikanda ? ‘’

- Bi mimbwama maa ma sangle gwoe bidzima bi Pang ma Nzambi. Kaale ndzina bo ye yi na buri baaga. Miy min’mo yi na maa, na mo na nyina mam bi nyina ; Malwo min mo yi na maa, na bi na gwoe mam me lee bi mana. Nzwoe bopagu maalabi na botsiriri bo buri bo mimpongle be na maa Mini : bo minwumi gwoe na nyina, di bo mimpongle be na maa rimo. ‘’

Tutti- Awa’e, awa ! Vi le ywe awa neniy, o Ta ! Na ywe na swolminkinkyong na mimpimpyoe mam ma Pang ye. Ywe waa ri pamb’le mo bwang botwaa na minzwunzwe mi buri.

52

Awa’e, awa ! Vi le ywe awa, oTa ! Awa neniy. Awa’e, awa ! Awa, o Ta, awa neniy ! ‘’

' ' �� + ��$ �� " ��

Ywa numa biy leni ywe mimbwama, ndtang muri nfiy gadig ywe pfiri kuri ye, kuri bvuma ! Na pwoe naa nyi ki luli, maa ziri nye kundi Tempel, Tempel ma Nzambi nwang. Bo kaalena vuli nye tsina, ka miya nye deni.

Maa tsile nye dzina ma Nzambi nwang nyuli ri Na dzina yang, dzina yang mere : Dzina wanaa !

' , �� ' ��" ��" ' �� $ * �- �% $ �

1. Nyi wum nzi tyo lwanga yang, nye ywiya na lana nyelepfwo, na babi nlinga nwo. R/.

2. Nyi kambala na tsyoe ye, nye bo ki dzimbele ye. Nyi nyogo myaale lana nyemere, nye bo ki tare tsyoe ye !

R/. Mala rimanze, mala rimanze ? Naa muri bwama mbpa si-nyina nyengywiya Di ntong ma mbpa rinye waa ri ke be tsyoe yemere ?

3. Tsyoe ma muri yogo bo yi ki yiga na sa mbpi sa. (bis)

4. Sa rinze, sa rinze mere mur gakwoe swambo kuga na pwang tsyoe ye ? (bis)

53

' - ��/ �� / ��/ �� / ��/ �� / ��/ �� / ��

R/. Bvuma ! Bvuma ! Bvuma na nyi kwali vi ! (bis)

1. Nyi mimvul mimbyu minviy Na mbvul tsiye nwo.

2. Nyi mintel pang ye pwoe ziy Na ziri vi bopare bo gyanda Song Nzambi sal.

3. Bvuma na pang bi byoe na nye Pe minkule (bis) na bisyu. Amen ! Amen ! Amen ! Amen ! Amen !

' % �� / �� / �� / �� / ��+ �� % ��! �% ��/ �� % - , �

1. Laaga, laaga Nzambi nviy mbyong bvuma, bibya bopfuuri bang’o

Na bibya bi gwango nye : bondtemi’o, na botumba, Laaga nye bvuma ye !

R/. Alleluya ! alleluya ! alleluya !

2. A nungma, a nungma dzi ye, dzi-pfuma Bibya bopfuri bang’o : si nyen’ywiya koo ntur na ntur’e Nye yi mpang’o, nye yi ntumba : laaga nye bvuma ye !

3. Nturega, vi lwang’ga Nzambi nviy biyenge Vivya bopfuri bo, mpolanga Mpong Nzambi nviy alleluya. Na biyenge na minturi, laaga nye bvuma ye !

4. Nzyoega, vi kanda lar na Mwaa-Ndtwombo nzi, Nzyoega, minkeega myang’o Na bibya bi bvumb’le nye na bigya : N’ywali nwo nyiwng mbpi ngweni : lwang’ga nye biyenge !

Coda : Mintwomintwo na bo bo yi ngyowa

54

Pe tsinde ma Mwaa-Ndtwombo : Maa na bo, alleluya, alleluya !

, * �� + ��, �% �� " �� 1. Ki maa nyina muraa ndtumbo-buri ki langa :

Baa tela, na yambele dzi-pfuma ma Nzambi na Mwaa-Ndtwombo. Buri miinlambo mimya : Minsina minsina, makyel makaa makaa. Bo mimbe na mbpwor nabambala, bo nzyoe gye nzavumbo.

R/. Tsyoe, tsyoe, tsyoe vu vi bo Nzambi

Nzambi yi Pfuma ! Tsyoe, tsyoe, tsyoe vu yaa bo Mwaa-Ndtwombo !

2. Ki maa baala nyina Bisindi bibvuwo, na botsyoesi, bonna. Ki baa pfur mabwong, na tembi mambpwom’-si Baa bvumbele Nzambi na syoe nye : R/. Amen ! Amen ! Masigoe na pyoe, na bvuma Bye ywiya na nye. Awa ! Simyoe na mbvuli bi byoe na Nzambi nviy Pe minkule na bisyu. Amen ! Amen ! R/.

, � �� / �� / �� / �� / �� " � ��" �� / �� ' �% �% $ �

Yeri mimbe naa, ki muri ndziniy ganzi zyoele mpagumalab Elizee mintwong mi ngye nwo : Mpfura bobumbo, na bimbpwande miimpur. Elizee nyogo na mpfuuri nwo naa : ‘’ Kanda gyo bur bo kwari, nzi di bobumbo bana ! ‘’

- Ekye ! Na bwang bobumbo mawum maba bana ?

Bo kaale be na mbvuli kuga na kwar mandzima ! ‘’ - Saa mbpi me lee ywe (bis) : kanda gyo bur bo kwari,

Nzi di bobumbo, bobumbo bana ! Mpong ki naa : Buri baa di, bo dzile ri ; bobumbo bogo zaara ! ‘’ Ndzina yaa ye mimbe : buri baa di. Buri di ri bobumbo ; bobumbo zaara !

55

Bang Mpong minlabi nyiniga ri pwoepwoe bee ritima : Pwoepwoe bang ma Mpong !

, " ��+ �� / �� / �� / �� / �+ �� / �� / �� / �� / �+ �� / �� / �� / �� / �+ �� / �� / �� / �� / �� + ��' ��% �% $ �

R/. Mpong yi koo nvuri, myoeli yaa koo vuri, bvuwaa yaa koo vuri.

a. Nyuli yi nvuri, Sindi yaa vuri, mbpi nyuli nwuni beli bi mabvoe mavuri. R/.

b. Mpong yi nvuri, myoeli yaa vuri, mbpi bvuwaa yi yaa kamba vuri ! R/.

c. Nzambi yi nvuri na nvuri, Song bubwiya, Mpang bubwiya Nye nyiniga bee bo buri bobeya Nye dzili yaa bo buri bobeya ! R/.

, $ �� # �� # �� # �� # �� # �� # �� # �� # ��

�� - �� $ �� , ��" $ �% �% $ �

Tsyoe minswuni faala faala kamba swiy. Tsyoe yogo Sindi koo, ye bo yi mbyong-tsyoe. Nyi yimbo pang ma Sindi risi, nye bo yi mwaa ma Nzambi. Tsyoe-luwa, tsyoe-pfunde : ki giga na gi Sindi koo vi. Nzambi mimpee vi, mbpi bwang bo : Nye koo yaa ri vi Sindi nwo. Na mbvul ma Sindi rinye’bo vi gyo Nzambi naa Ta ! (bis) Mbpi vi giwoo bwang bo Nzambi ndzina, Vi yi mere beri bo bwoeli ma Nzambi. Vi kola kubi rinye na Krist. (bis)

56

, �� / �� / �� / �� / �� &�&�&�&�� " �� ! �" * �� " , �% �% $ �

R/1. ‘’ Ngyaga Bethleem, vi kanda nyina sa lang,

na lab bo nzyoe tel vi mbali gina ! ‘’

1. Niyoe bisindi bi Nzambi bi sili niyoe bvuwo, Ye botare biindtwombo bo ki naa : R/1.

2. Ye bo tiy mpfunde-mpfunde, Bo keke wu Bethleem, bogo naa : R/1.

R/2. ‘’ Miy maviy mo nyina ma nye, Mpong yi Ntsig-buri Awa, o Ta Nzambi, awa na ywe. ‘’ R/2. (bis)

3. Ye bo kwe Marya bana ngwum Yosef Na bubwoe-muwa, bwoe numa biyimbi bye di. R/2.

4. Nyina bo nyina nye, Baa bumi pwo mami bo minlee bo lar na mwaa nyina R/2.

5. Marya mintaretare bindtande bina, Na bwiy bye nlima nwo ritu (bis)

6. Ye botare biindtwombo bo sili niyoe Na masigoe ma Nzambi numi ri, Pwo mami bo minyina na gwoe. R/1. + R/2.

57

, ! �� / �� / �� / �� / �� $ ��, �� " - �% �% $ � 1. Nzambi Song nlyolema mbpongo-buri kwali ye, na mbpam nwo.

Nye ntsigma vi’e, na gwugu vi ngwong (bis)

2. Bvuma vi mimbvuwaa byalgu ri vi mbyala nwanaa Sindi ma Krist nuwoeloo ri vi minlima ri navya !

3. Mbpi Nzambi nzirima vi botsiriri bo buri ndzina, Nlima nwiy vi na mabvoe naa tsyoe mimbee mimbee Ye bo ki be kubi nviy (bis)

R/. Sal ma kwali ye, kaale sal ma mbvuli nviy mere (ter)

, ' �� + # �� + # �� + # �� + # �� 3333�� " ��

1. Byali Yesus mbyalima Bethleem, ye boengang bolal bo fula Yerusalem. R/.

2. Vi nyina yerere ye Matula ma Dwo, kyeni nzi bvumbele nye, ye vi teli gina.R/.

3. Gwoe Herodes gwoe pwo nyina, koo nlima tsinga nye mwo ritu. A yi ye ? R/.

4. Ndtundtu kuga ri na nlambo Yerusalem, na tsiya nvur nyina. A yi ye ? R/.

5. Ye Herodes swaala bopare na botsile biikalari, na wum sangle numa messyas gabyali. A yi ye ? R/.

6. ‘’ Ye ki be Bethleem, nlambo Yudeya.

Ndzina bo mpagumalabi mintaare lee naa : Bethleem. ‘’ R/.

7. O yw’o, o yw’o Bethleem ma Yuda. Lwanga makwari ma Yuda, ywogo ywiya na langoo mbpi mbyong-titsindi tsina. Nyi ki be mpang kaa yang Israel, nye ki byal bo ywe. R/.

R/. A yi ye, ayi ye ?

58

O mwaa galwang byali, pfuma Yudeni A yi ye, a yi ye ? (bis)

, , �� &�� / ��&�� / ��&�� / ��&�� / ��

R/. Nowel, nowel, Mwaa mbyalima vi Dwo maswusi Mpong Nzambi nviy le vi Nowel, nowel, vi ywiya na ture : Vi sangsa matsyung na swuse Nowel !

1. Nowel, nowel, mfunde ziy nsima Nzambi vu bvuwo, na nzi dzi na vi Nowel, nowel, nowel, nowel ! Mbpwogu na si !

2. Nowel, nowel, nggimboga Nowel Sindi vu bvuwo, na powale bigya Nowel, nowel, nowel, nowel ! Vi nkurgama !

3. Nowel, nowel, Marya na Yosef Bo tembi nlu na bvumb’le Yesus : Nowel, nowel, nowel, nowel ! Nkur mbyalma vi !

4. Nowel, nowel, botare biindtwombo Bo walga-si, na ke Bethleem Nowel, nowel, nowel, nowel ! Emmanuwel mbyalma !

5. Nowel, nowel, nzong makaa momya Ngsangsaga matsyung, vi powala bigya : Nowel, nowel, nowel, nowel ! Nzambi dzil na vi !

, - �� / �� / �� / �� / �� ( �� ( ��

. Swiy ye, o Mpong’o, vi bwiy ye – Amen ! . Wung Mapeega mo, vi ke na maleya rimo – Amen ! . Nigi ye ywaa baala niya bvuma ritu,

Vi zangle ye – Amen !

59

NB : Mpowale bo tande, na giye ; Suwala legu, na giye ‘’ Amen ‘’ !

, % �� $ �! �� * ��

‘’ Walaga-si, o Yonas, walaga-si, ywe kanda Ninive : kanda bumi buri bo nlambo rinwo pwo nwang, kanda bumi bo bang yang ! ‘’ Ki Yonas gawalaga-si, na ke Ninive, tumbo Nzambi minluma nye. Yonas gake kaa lee pwo na tumbo mandzima ; na mbali nwuna numi ri naa : ‘’ Buri bo Ninive, fanglaga ri tsyoe, na myaale Nzambi.Ye nzigma bi mafu mawun manna, tsina ntsindi nwuni nwaa sili wanga : fanglaga-tsyoe, na myaale Nzambi ! ‘’ Buri bo Ninive bobeya baa sa tyaala, tyaala fangla-tsyoe. Nyina Nzambi nyina nfangla-tsyoe nwoo, ye nye Byoe naa nye kaalena tiri bo, nye kaalena tiri bo.

N.B : Texte remanié dans la version définitive, avec notes musicales.

- * �� + �� + �� + �� + �� $ �� ' �� - ��" �� $ ��

1. Krist Yesus mbyalma dol nlambo giwo Bethleem Maswusi mo nkugama na ndzima tumbo yiya. Bvuma byoe na Nzambi pe bvuwo Mbpwogu bya na mbpongo-bur Nzambi kwali.

2. Marya nyiwong ma Yesus mbya mbuma mwa nwo munung : Ye nye bugu bubwoe-mwaa numa biyimbi bi di. Bo mimpongle swambo dzi ndtoo-bogyong : Mwaa ma Nzambi giloo na numa bugoo.

3. Botare biiyimbi miingyagya den’ ritima : Ye Sindi ma Mpong Nzambi minzi lyole bo nyul : ‘’ Kiga pfunde me lee bi pwo maswusi : Nkur-bur mbyalma bi dol pe ntsindi ma David.

4. Ndtimbi lab me lee bi bonyina, numaga gwoele mbpa : Bya kwe Sye-mura mbug’ ma mwaa bwoe biyimbi ri ‘’

60

Bvuma byoe na Mwaa Yesus Byali mbpi vi buri.

- � �� + �� + �� + �� + �� $ �� ' �� - ��" �� $ ��

Bobvaala bang’o, kina bi sangle naa bi yi Tempel ma Nzambi ? Numa Sindi Wung, Sindi ma Nzambi minzi kumbo dzi.

Tempel-nga rinye, tempel ma Nzambi, Nyogo yi sa yi ngangung na ngwami. Sanglaga ri naa, o muri byele dzi riye, Nzambi nyogo ki nigu nye mbvunde : Nya nyamigu nye ; nya nyamigu nye !

- " ��+ �� + �� + �� + �� / �� R/. Mpong yi nzi, Mpong yi nzi, kumbaga nye mimpagu : Mpong yi nzi, Mpong yi nzi, kumbaga nye minlima.

1. Buga minkuli, na diyele bimbpigaku Pindalaga makumbi mo gindi bi minlima ri : Kumbaga nye manzi mo.

2. O ywe muri biri malugu maba, Kowa myung nwo, ywe mur vuma na nzwoe pfuma, Bong nye koo.

3. Bi buri biinyami, gyandaga pwoe mbpwogu Nungaga byu bini, bi buga bye pe mbwoe-kwari.

4. O ywe, nlimbo-kalari, Giga mbpi be mpfuuri ma myung nwo, Ka ywe minsa sikuli, ziriga, ziriga, nkwel bidumi.

61

- $ �� + �� + �� + �� + �� + �� + �� + �� + ��# ��

LEGA :Ywe gyo me, o Mpong, me mpanima : len’ywe le me yi Sindi Wung

Ywe gyo me, nzi niy sikuli ye : kwali ye bo ywe gigsi me !

1. Me gwambo ywe koo maswusi : me sangle naa ywe luma me Bigya num’ ri, ke kaa bumi kundaa pwo nwo, pwo maswusi.

2. Me gyaale ywe, nlima ritu : na lee ywe mam’ me wumi sa ; Me sangle naa ywe gwoele me, nagi ; o Ta, ywe kwali me.

3. Me wumi naa, me byoe swo nwo, ndtang pwoepwoe nwo bo panga me Tsina me be kundaa ngig’ nwo : zira me nlima mbpi nlima nwo.

4. Biya me mbwo, me leb’la ywe : kyen yang me ke byoe kyeni mbpee To sa rinze me lar’ na ye, kile me koo na kwali ye.

� �' �� + �� + �� + �� + �� " ' �" % �� " ! �% �% - ��

Milong mi Pang ma Nzambi, mye giga na gi mur minkiye mbpongo ye mate ri To nye bwoe-gwo ri, to nye yi yaa nagima ; to bvuli, to muwo : Mbpongo yo sangle sa ko powa, na lunga (bis) Mfumana’e, mfumana’e ? Nze gakwoe ye sangle mere, nze gakwoe ye sangle mere ? Si bvuma ndzina na nyemere. (bis) Mwaa-ka bo taare lyole nlu, bimbo tsina bvuma mere, na miy-tu navya ! Lini yogo bvuma gina nwiyma, bo kwo ri ye, Na ndtang pili pfum’mambpongo nlundema Na ndtang pili pfum’mambpongo nye nlundema !

62

- ��+ �� + � �� + �� + � �� + �� + � �� + �� + � �� ! �� , ��

Ponga me giri me giya mbwiy yang gya, Mi pong tande gya ye, gya kwali nye minkwali ngiye nwo. Gya-kwali nye minkwali ngye nwo.

- Mbwiy yang mimbe na ngye, nye mimbe nye tyoetyoe ngaloo ribvwoo. Nye pfum’ ri si napfum-pfum

Nye langle ri makwoe ; nye be yaa ri mbyong-mbpongo wayni tsina. Nye lwang yaa ri mbowa, numa vumb’la na dwongu ; Paa yaa ri bi swaala-swaala wayni. ‘’

- Waa ke digu mbpi, koo makwaasa na makwaasa Koo min’yeli na min’yeli ! ‘’

- O bur bo Yerusalem, na bur bo Yuda, Ponga yaa me tsyoe labi gina, labi vinoo ngye nwang : Gina ri me mimpongle sa pwoe ma ngye nwang wayni nyina ? Ngwong mabvoe naa maa bwama wayni tsina ! Pwoe gi’e, me nwaama bwama wayni nyina ‘’ (bis)

- Mbpi ye mbema ndzina, Ye nzigma me kamba wee nkaale nwang me minlwang : Sà gotsir silà lang na ngiye nywie ; Nzi-maku bur baa lang-lang bugoo yaa ri tsina ! Dwongu nugaa ri tsina makaa-makaa ; Ngye ziriga ri byaala kuroe ki matwoe. Bitanda na minsele bya bya bikowa tsina ‘’ (bis) O ngye-wayni nyina, ndtoo-bur Israel bon’ywiye : Me mimbe na mabvoe naa baa be mimpende ; Waa ke digu, koo tsiye na tsiye. Me mimbe na mabvoe miinseya mi tsiriri ; Waa ke pani mbpi, ndtugu tsyoe min’yunga (bis). NB : Texte modifié dans la copie notée

63

- ! �� + �� + �� + �� + �� / �� % ��

Ka ywe pong sangle leni Nzambi le ywe Ki ywe giya nzi ke nyuli mbeembee-Dong. Paska tsyoeye mwa napfuna : Bvuli ye, bvuli ye bo Nzambi ki pama. Ywe mwa ri nzi swuse, o kaa ma Nzambi ! Dzyoe ndtuna, na mabvoe nlima ritu : Powala ri gya-mbvaala nwo (bis) : O Dong, o Dong wanaa ! Len’ ma Nzambi-Song, leni yi ki fuga ! O Dong, o Dong wanaa : Len’ ma Nzambi-Song, YESUS KRIST !

- ' �� )�� )�� )�� )�� " ! �' ��

R/. Meri-ba be, nye nfulama : Kandaga lar na nye na biyenge na malambo mbera (bis)

1. Dzyoegar’ minkumbala ri, Na pwoe naa bya sanlele Dwo ye ki be Nyelepfwo bo kiligu bi naa bya zanglega nye : Nye bo ki koo bi mavure, na ngwuli-lambo. R/.

2. Nlaaga Nzambi-Song awa, Na nye na gyo vi nzi nung ngoo, Ngoo-kubi na boswo bo ngwuli nwo ritu. R/.

64

- , �� + # �� + # �� + # �� + # ��/�/�/�/ �� / �� " � �" �% �� Vi swumbele ywe, o pfuma-bvuwo, Vi swumbele ywe, o pfuma bisindi bi Nzambi ! Vi swumbele ywe, o ngwande Siyon, Vi swumbele ywe, mbe ke na vi bvuwo. Swusa, o syemura ywiya na bvuma Ywe yi mere twoe-bibyang bali bura bobeya. Asigo, minkyende mi nlu-dwo ! Gyaala, gyaala Mwaa nwo peli ziy (bis) !

- - �� + �� / �� + �� / �� + �� / �� + �� / ��

R/. Krist minlang paala nviy koo lyole vi nlima nwo mbpam Nya-ngwuli mimbyali bo ngwuli Nya-Nzambi mimbyali bo Nzambi !

1. Ki nya byali, ki nya tsyoe, ki nya pfuga, ki nya yu : Di dwo nlali, ki nya peega pe swong. R/.

2. Nya lumb’le vi Sindi Wung gigsi vi mbpi sangle Song, Na nzi dzi na vi, Sindi nwoligu. R/.

3. Vi zangle nyina mbpi nyemere minkagu vi, bvuwo wanaa na si nwanaa ; Vi zangle yaa kagu ye nye minkagu vi : dwo swiy gafaala na yu. R/.

65

- % �� )�/ �� )�/ �� )�/ �� )�/ �� )��

1. Kaa kwali Nzambi minkwal’ vi : Kwal’ riye yi ki mafuga ; Nye minkumbo lana Mwaa nwo Na myaale yu nlinga ri.

2. Ye Bang minzi zir’ga Muri : Nye nzi ri lwang kwar’ ye bo vi, Nya digoo mbpi mwaa ma Yosef Na sangle sa bobyal magwoe.

3. Nye minlangle ndzima tsyoe ye Na mbpamb’ ra na bosal bo ngwong Yuden baa kyangle kwali ye Na ki naa nye sala mbpinda

4. Vi gyaale ywe, Mwaa ma David, Bong gwug’ vi ngwong na gigsi vi Mbpi kwala na bomyung boviy Na be bombpung bo kwali ye.

% * �� / �� / �� / �� / �� # �� # �� # �� # �� ! �� % �" * ��

Ka ye pong be naa mbvaala-Krist fuli nzi ; pu ri mee, na ziri pwoepwoe myoeli nkwong ; Di myung ndziniy gafang nye, na bvure nye pe pwoepwoe mbvaala ; Mbyong sali bo ywiye, mbyong sali mere pe miy ma Nzambi. Nyi gyanda ndzina, na teli myung nwo nzi mbpee ri, nye tsigu yaa nyelepfwo. To zwoe mimbvinda nye minsa, Nzambi kaalena nye lang mye, nzwoe mimbvinda ! Nzambi kaalena nye lang mye ! Sanglaga tsina naa : magyaale ma mbyong-muri mo yi na mala bvubvu pe miy ma Nzambi !

66

Bjk. 11.3.94

% � ��/ �� + �� &��/ �� + �� &��/ �� + �� &��/ �� + �� &�� / �! ��% �� R/. Vi nyina nye, nye yi mpeega, alleluya !

Vi yi bombpung bo pwoepwoe, alleluya ! Nye mpanima, nyaana baala pani, Amen, Alleluya ! Nye mpanima, nyaana baala pani ! Vi yi bombpung bo, bombpung bo pwoepwoe Amen ! Alleluya, Amen ! A mpeegama, a mpeegama ! Ywe mur’ mintaare nyina nye na miy, Leya ri vi’e, o Marya Magdala !

- Me minyina a teli deni, mbe-swong risi, Me kile be na nlima bwiy naa Mpong nwang bee ! Kile be na nlima bwiy naa Mpong nwang bee ! Nyogo na me naa : ‘’ Marya ! ‘’ Na me kwoe dzimi tsyung nwo, tsyung nwo rinye ! Kile be, kile be, kile be !Tsyung ma Mpong nwang’o, nye bee ! ‘’ R/.

Vi mimbe nzi na nzi, kyeni ke kwar’ bo gyo naa Emmawus. Waa saga, nye ntyoma na vi lwanga ! Vya ke kaa lee minlong, kile sangle naa nye bee ! Ndtimbi-pembe, nye mimpiya vi, Ndtimbi-pembe, bo waa ke bel’ vi miy. Ndtimbi-pembe, pembe nye mimpiya vi, Ndtimbi-pembe, bo waa nzi vi beli miy ! R/. Nye ri mingyo ywe : - Kiya mbwo nwo wa, o Tomas ! Nyogo na ywe naa : - Kibo sa maswuna, byoe sa kamba mbvaala nwang !

- Me nyinama mapyung mo, mapyung botondo. Me ninglema bizina mbpowa-lwaa ye ri : Me myalema, o Mpong nwang, na Nzambi nwang ‘’ (bis) . R/.

Ywe minlar’ na nye nzi Damas, o Pol’o Nye minkir’ywe nfumana’e, laba !

- Me bo yi Yesus ywe vumbala na nye ! ‘’ - Bong me lee, o Mpong, mbpi me ywia na sa.

Bong me lee ye, o Mpong nwang ! ‘’ R/.

67

% " �� " � ��% ��

1. O muri, o diga yaa Mwaa ma Muri : Diga, diga yaa mbpi nye minlana nyelepfwo ; Nye wumi ywe teli te-ntsi : Bwansa, bwangsa kaa kwali riye (bis) ! R/.

R/. Ngwong pfuga, ngwong biba na binyuli ! Eloyi ! Eloyi ! Lamasabaktani ! (bis) Ta’o, Ta’o ! Ywe zyoe ri me na nze ? (bis) Eloyi ! Eloyi ! Lamasabaktani ! (bis)

2. Mwaa ma Nzambi kumbo gi, Song miya ri nye wa nfumana ? Ngwon binyuli bi Mwaa-muri ! R/.

3. Ka si pfuwala, ka maswong mo balaga ; Mandtoo miinkuma momeya mo dziyaga ! Boyuli, walagaga ! Bi mwaa botsyoesi ! Nzyoega, nzyoega, nzyoega poo bee (bis) ! R/.

4. Ka nlima ma Mwaa-Ndtwombo Mur sogye mimpfwole nwo na kwang : Tsiye na madzyo bya lende tsina. Mbyala nwanaa, mbyala nwanaa bee Na madzyo, na Sindi Wung ! Mbyala nwanaa, mbyala nwanaa Na madzyo, na Sindi Wung ! ( Pas de R/. )

68

% $ �� $ * ��% ��

Kugu gake, duwo yogo yaa tembo, Di bvuma, bvuma, bvuma ma Krist nlyolama ! Vi nkiyema mbwo kanda ri : vya di na nyuli ngywoe wanaa, sangsang mbpi boswoe ! Nlari nviy rinwo, vi ture na nwo.

R/. Bvma na ywe, o Song nviy, bo Yesus yi Ntsyoesi ! Sindi tare vi nlari-kwal ma Krist ritu : Ndtimbi-Paska nviy bee ! Vi mbwamama tsyoe : vi kola yaa ri ye, bomyung ndtoo ma Nzambi nviy ritu ! R/.

% �� + � �� + � �� + � �� + � �� 3333�� / ��

R/. O muri, ywe gwoe biba na pwoe gi ? Mbpi nye nkemsa naywiye Ndzina bo Yesus gabaala pani (bis).

1. Nye bire, vu poo si, na niyoe kuli Song : Ywogo ki yaa ke tsyoe wu, Ka ywe bvaala (bis) !

2. Nye bire bvuwo ndzina, Ke nung vi Sindi Wung, Sindi nyimbele vi minlima, Ka vi bvaala (bis) !

3. Nye minzyoe ywe kagu, ke ywe kumbo dzi Diga mbpi kwal’ gabwama ywe, Ka ywe bvaala (bis) !

4. O bur bo Galilee, bi zangle mere ri nze ? Kandaga zangle kagu yang, Ka bi bvaala (bis) !

69

% ! �� / �� , �! �% ��

Elizabet yi nlunda na mabvoe ma kagu Ye nye giri Sindi Wung beli nye numi : Mwaa gature na puni nye mwo ritu. Marya nfulama ; Mpong yi na nye lwanga.

R/. O nyiwng ma Nkuri, laa vi ngoo maswusi mo, Alleluya ! Alleluya !

1. Ywe yi na maa, o ngwande Israel ! Ywe kumbo dzyole mbeembee-Bang mwo nwo ritu. Ywe yi na maa, ywe yi mere na maa !

2. Ywe yi mere na maa, o mpfuuri-mura : Meri-mami kumbo lundele ywe na pfuma, na mintami mye !

3. Ywe yi mere na maa, o nyiwung m’Emmanuel Ywe kumbo nzi kwangle vi, numa vi sa ngwong gina, O nyiwung ma Nkur bur’o, ywe yi mere na maa !

70

% ' ��

R/. Nzyoe, o myung nwang, Yesus gyo ywe : Nzyoe nung ngoo nwo pe tawul ye Ki kyel’ nlima pwoe byo ywe minsa, Mpong Yesus Krist yi ngwuma-mabee !

1. Krist nzi bo ywe, nzi le ywe nyuli nwo. Nye wumi naa bina nye bi lara ; Nye gigsi ywe mbpam’ nwo, na kwali ye.

2. Kibo pfunde, diga sa kwal’ ma Krist Nye yi Nkur’ nwo, min’yu pwoe twomi yè. Nye nzir’ma ywe myung nwo nye kwal bvubvu.

3. Lin’ ywe nung ngoo bidyu bi Mwaa Ndtwombo Giga gyama kwali nye kwali vi : Kwala mur’ swo, mbpi ywe kwal ywemere

4. Kwal ma Yesus gabe bibang bi num’ ; Nye koo nyul nwo, na tsye nwo nlinga ri : Yesus wum’ naa ywe saa mbpi nye minsa.

5. Nyul na tsye nwo, bye yi bidyu bi bvwo Tsina vi bwama tsyoe mimbee mimbee, Kilena yu, zangle Dwo maswusi.

71

% , �� )��+ �� )��+ �� )��+ �� )��+ �� $ � ��$ � �$ �� + ��

R/. Me ki bug’ mambpinda mang’e minlima min ritu, Minlima min’ ri’e, naa tsile mo. Minlima min’ ri’e, tsina-tu bo me ki tsile mo !

1. Me ki be Nzambi nwun’, byogo be ri kaa yang’e !

2. Bur’ bobeya baa me sangle, Nzambi si ba bvuwo To bondtemi, to botumba !

3. Maa kiyere bo mimbvinda myo Me kaalena bwiy-bwiy mimbyu bo minsa

4. Bvuma na Nzambi Song, ba Muwa Bvuma na Nzambi Sindi Wung. Amen. Amen. Campo 21.6.79

% - �� 3333�� + �� / ��/ � �� % % ��

R/. Nze ri galee me, nze ri galee me Numa Yesus Krist, Mwaa ma Nzambi mimbyali ? Nze galee me, numa Yesus Krist mymbyali ! (bis)

1. Diga, Yesus Krist byali numa mbpi numa Mwaa ma muri beli nlima nwo na mabwo mo Na wumi fangla tsyoe bomyung bo : Tsina, tsina mere Yesus nzi byali !

2. Gwaala, o myung nwang : Yesus nyogo ki yaa byali bo ywe, Lini ywaa beli nlima, na mabwo mo Na wumi fangla tsyoe bomyung bo : Tsina, tsina mere Yesus nzi byali !

72

% % �� + �� + �� + �� + �� + ��

R/. Kumbaga manzi ma Mpong : diyelaga bimbpigaku bibya !

Tsyung vu pe nswasa-nlambo ki naa : ‘’ Fanglaga-tsyoe : Pang ma Nzambi nfulama ! Krist be, bindelaga miy ! Krist be, kiyaga malwo ! ‘’

1. Tsyung ma Jean Mbwo-buri nzi nzaa teli mbali naa : ‘’ Pang ma Nzambi nfulama ! ‘’ Mpong nzi nzaa giya bur bo myaale kundaa Pwo. Kina ywe wumi tyo lwanga bur bo gwoe mbal’ rinwo ?

2. Tsyung mbpung ma Mpong Yesus Kile yu pfunde bopang bo si-nyina Mpong nzi nzaa giya bur bo wum be bombpung bo Kina ywe wumi tyo lwanga bur bo sa Sindi Wung ye magwoe ?

3. Tsyung ma ndzili-ndtuna gimi buri bo ke bigwo ri Nyi vi zangle mwaa napfuna Mpong nzi nzaa giya bur bo myaale ke na pwo Kina ywe wumi tyo lwanga bur’ bo bwari Sindi ye, Sindi mbvuli ! Lambi, Août 1994

� * * �� &&&&�� " ! �� % % ��

‘’ Asigo, Marya, nlundala na kwali : ywe yi nyi Mpong Nzambi mintware. Ki nywang pfunde, o mura-nkule ! Nzambi nwo nkwalima ywe. Diga, ywe ki legu bvumi, na bya mbuma muwa-munung : Ywa gwuwo nye dzina naa YESUS ‘’.

- Di mogo, me yi wa, maa sanglele munung ; me yi wa sye-ndzyo ! ‘’

- Sindi Wung ki fula bo ywe : Tsina mbvuli ma Nzambi Nyi yi bvuwo Nyaa zisele ywe mbpi pfubele : Mwaa ki byal’ bo ywe nyaa giwoo naa Mwaa ma Nzambi. ‘’

- Ye byoe ri na me mbpi ywe labi’e : Na pwoe naa me yi mpfuuri nwo, Mpfuuri ma Nzambi nwang ! ‘’

73

�� (Par ordre alphabétique) (Pages) A MPEEGAMA ! ..………………………………………………………..37 ANAMNESES :

Krist minyu pwoe ziy Maa na bur Nkolaga mbpundi Tsye Ka ywe mama na num’nwo Ywe minyu na twom’ziy Maranatha…………………………………………….…27

ASIGO, MARYA ! ………………………………………………………..72 ASIGO, O PFUMA-BVUWO……………………………………………...64 A YI YE, PFUMA YUDENI ? ..…………………………………………..57 BAA PIYALE MANGYWOE……………………………………………..15 BI KI NYINA ME………………………………………………………….36 BI MIMBE MAZIROE…………………………………………………….37 BI MIMBWAMA MERE SINDI WUNG ? ..……………………………..48 BI YI TEMPEL MA NZAMBI…………………………………………….59 BI YI TEMPEL MA NZAMBI…………………………………………….60 BONG KWALA VI MBVAALA……………………………………….…24 BOGYONG BO TSINDE………………………………………………….38 BVAALA, KI SWUNDELE……………………………………………….31 BVULI MPONG YESUS MIMBAGA NA DI…………………………….22 BVUMA……………………………………………………………………21

74

BVUMA NA NYI KWALI VI……………………………………………..53 BYAALA-LABI……………………………………………………………18

BYA BELE BOGYONG NA BOLANG-KYENI…………………………42 DZIY-MPUR………………………………………………………………...9 DZYOE NAWOM, KINA KUNGALA ! ..………………………………....3 ELIZABET YI NLUNDA……………………………………………….…69 ELIZEE BVULIGU BOBUMBO………………………………………….54 FARISEYAN MIMBOWALE YESUS……………………………………19 GWAMBAGA, BI KI BWAMA…………………………………………….5 GWAMBA ME MAKAA, MAA YWE MO LE…………………………..49 KAA KWALI NZAMBI KWALI VI………………………………………30 KAA KWALI NZAMBI MINKWAL’VI………………………………….65 KA BI GWAMBO NA DZINA YANG…………………………………....42 KAKI TA, MURI GABELE NA MBVULI NZI BO ME………………….45 KA MBVAALA-KRIST FULI-NZI……………………………………….65 KA YWE MYAALE, YWA NYINA………………………………………18 KA YWE PONG SANGLE LENI MA NZAMBI………………………....63 KI MAA NYINA NDTUMBO-BURI KI LANGA………………………..54 KI YESUS GANDTANG PFUNGA RI……………………………….…..33 KRIST MINLANG PAALA NVIY………………………………………..64 KRIST NFULAMA ! ...……………………………………………………29

75

KUGU GAKE……………………………………………………………...68 KUMBAGA MANZI MA MPONG……………………………………….72 KWALI BO YI FUGA MALENI…………………………………………...2

KWALI MAMBPINDA……………………………………………………28 KWAL NZAMBI KWALI MBPONGO-BURI……………………………40 LAAGA NZAMBI MBYONG BVUMA…………………………………..53 LUMB’LA VI SINDI WUNG……………………………………………..25 MAA MEE NA YWE, O SYE-NDZYO MARYA………………………...50 MAA NA MURA RINYE………………………………………………….16 MAFULA MA SINDI WUNG………………………………………………9 MAGYAALE MA SI NYENYWIYA :

Gwala vi, o Ta O Mpong, bong nung magyaale miy O Ta, bong swaala vi Exaudi nos, Domine Kunga lwo O Ta, bwangsa kwal’ye O Krist yi ntsyoesi………………34

MAKAA MOMEYA MO BVUMB’LA MPONG………………………...26 MARYA MAGDALA MBE-SWONG RISI……………………………....47 ME KI BUG’MAMBPINDA MANG……………………………………...71 ME MINKWALI YWE MBEE-MBEE KWALI…………………………..17 ME NYINA PFUGA BWANG B’ISRAEL………………………………..51 MERI-BA BE, KANDAGA LAR’NA NYE………………………………63 MINLONG MI PANG MA NZAMBI……………………………………..61

76

MPONG NVURI, MYOELI NVURI, BVUWAA YAA NVURI…………55 MPONG YESUS BAB MBPAB MALWONG…………………………....32 MPONG YI NZI…………………………………………………………...60 MURA MINSA NAMI………………………………………………….…44 MWAA-NDTWOMBO MA NZAMBI…………………………………....36 NA PWOE GI YWE LABI SA KAMBA BIKANDA ? ..………………....51 NDTANDE MA BAR TIMEE NDZIM’-MUR……………………………..4 NDTANDE M’ELIZEE BA MURA SUNAM…………………………….45 NGWANDE SAMARYA ………………………………………………….1 NGYAGA BETHLEEM, VI KANDA NYINA ! ..………………………..56 NLIMA NWAA DIGI BI BE NA BIBA……………………………..……23 NOWEL, NOWEL ! MWAA MBYALIMA VI………………………..….58 NYI DZYO MIY MABWO MO RI………………………………………..14 NYI WUM NZI TYO LWANGA YANG………………………………....52 NZAMBI MINLYOLE ABRAHAM NYULI……………………………..35 NZAMBI NLYOLEMA VI KWALI YE…………………………………..57 NZAMBI NWANG NGWUG’ME NGWONG……………………………32 NZE MINTEL ME NKOO-MANGOO NWUNI ? ..……………………...50 NZE RI GALEE ME ? …………………………………………………….71 NZONG-BA KANA……………………………………………………….46 NZUL MA NZULI…………………………………………………………..7 NZYOE, O MYUNG NWANG……………………………………………70

77

NZYOE, O SINDI WUNG………………………………………………...13

NZYOE, O SINDI WUNG………………………………………………...15

O BURI BO GALILEE…………………………………………………….43 O DIGA YAA…………………………………………………………..….67 O MPONG’O, MPONG NWANG’O, BONG GWOELE ME…………….35 O SINDI NGWULI………………………………………………………...39 O SINDI WUNG, NLYOLE MINKIYOO VI……………………………..31 O TA, ME YI MWAA NWO………………………………………………12 O YERUSALEM LWANGA BIYENGE ! ..…………………………….….8 PASKA, PASKA BE, MPONG MPEEGAMA …………………………...49 PEEGA MPONG MAPEE………………………………………………....20

PFUMA-MUR KI PYOE…………………………………………………....6 PONGA ME GIRI, ME GIYA MBWIY YANG GYA………………..…..62 SAMARYA BWAMA SINDI WUNG………………………………….…41 SONG NVIY YI BVUWO…………………………………………………28 SWIY YE, VI BWIY YE………………………………………………..…58 TA-NZAMBI KWAL’VI…………………………………………………..11 TSYOE MINSWUNI, FAALA FAALA KAMBA SWIY…………...……55 VI NYINA NYE, NYE YI MPEEGA ! ...………………………………....66 WALAGA-SI, YERUSALEM ! ..………………………………………....20 WALAGA-SI, YONAS………………………………………………..…..59

78

YESUS BA NIKODEM……………………………………………………41 YESUS BA THOMAS……………………………………………………..17 YWANDE MIMBE NA PWAA PFUMA………………………………....10 YWA NUMA BIY LENI YWE MIMBWAMA……………………….…..52 YWE BO YI DWO PANA BEE………………………………………..…24

YWE GYO ME (VI), O MPONG ! ..………………………………………11 YWE GYO ME, O MPONG, ME MPANIMA………………………….…61 YWE GWOE BIBA NA PWOE GI ? ……………………………………..68 ZIGA NLAMBO NWO, ABRAHAM ! ..…………………………………25

CHANTS LITURGIQ KWASIO~1 - SiteW.com€¦ · 4 ˚˙˝ ) ˛ ˆ*˜˚’ˇ!"˙ Yesus mimbyo ntsindi...

Documents

Transcript of CHANTS LITURGIQ KWASIO~1 - SiteW.com€¦ · 4 ˚˙˝ ) ˛ ˆ*˜˚’ˇ!"˙ Yesus mimbyo ntsindi...