Ukuliisha Akanya No Mwana Umunono
Transcript of Ukuliisha Akanya No Mwana Umunono
Ukuliisha Akanya No Mwana Umunono
Ministry of Health
IFIKOPE FYAPA KUPANDISHANYA AMANO IFYA BABOMFI BABOMBELA ICINTU-BWINGI
Ubucindami bwa kupandishanya amano no mubomfi wa bumi nangu uubombela icintu bwingi
Amepusho
❑ Finshi mulemona mucikope
❑ Nikwi bana mayo bali pabukulu na bafyashi bambi bengapoka ifyebo pafyo bengalisha
abana babo abanono?
Amashiwi ayakankala.
❑ Cikankala ukuti banyinefwe na bashifwe bapoka ilyashi ilyalungama palwa milile mu nshita
ya pa bukulu, yakonsha elyo na pa milishishe ya kanya no mwana umunono.
❑ Ili lyashi kuti lyapokwa ukufuma ku mubomfi uwasambilila palwa mitangatile ya pa bumi
nangu ku mubomfi wa cintu-bwingi uwasambilila.
Abafyashi bafwile bapoka ilyashi palwa:
❑ Bukankala bwa pa milile isuma mu nshita bali pabukulu.
❑ Bukankala bwakupimwa ilyo bali pabukulu nokupaapishiwa ku bantu uwasambilila
nokwishiba.
❑ Ukonsha umwana umunono ibele panshitafye afyalwa ukufika imyeshi mutanda (6).
❑ Kulisha umwana umunono ukufuma pa myeshi mutanda (6) ukufika imyaka ibili (2).
❑ Kutwala umwana umunono ku cipimo cakwishiba ukufina nokupimwa kwa pa bumi umuku
umo mu mweshi, nokulanshanya no mubomfi wapa bumi pa lwa milishishe ya mwana
umunono.
❑ Inshita yakutwala umwana umulwele ku ncende yakundapilwapo.
Icikope 1
IMILILE YABALI PA BUKULU NA BALEONSHA
Imilile yabali pabukulu nabaleonsha.
Amepusho
❑ Finshi mulemona mu cikope? ❑ Fyakulyanshi ne fyakunwanshi fyawama ku bali pabukulu nabaleonsha? Amashiwi ayakankala. ❑ Imilile isuma ikankala munshita muli pabukulu.
❑ Namayo uli pabukulu afwile ukwishiba ubukankala bwaba pa konsha ilyo talapaapa, mu
nshita yakupaapa napanuma yakupaapa.
❑ Umubili wenu ulefwaikwa ukulundapo ifyakulya cila bushiku ilyo muli pa bukulu
nangu muleonsha pantu mulekosha nokupela icakulya umwana alekabila ilyo
alekula..
❑ Lundenipo icakulya cimo icinono nangu utufyakulya tumbi cila bushiku ilyo muli pa bukulu.
❑ Lundenipo ifyakulya fibili ifinono nangu utufyakulya tumbi cila bushiku ilyo muleonsha.
❑ Mufwile ukulya ifyakulya fisangwa mu ncende mwikala ifyapusana pusana.
❑ Banyina bafwile bakoseleshiwa ukulya ifyakulya ifingi na mu nshita balelwala.
Icikope
UKUTAMPA UKONSHA PANUMAFYE
YAKUPAAPA MU CIPATALA .
Ukutampa ukonsha panumafye yakupaapa mu cipatala.
Amepusho
❑ Finshi mulemona mu cikope? ❑ Finshi na mayo uli pabukulu afwile ukwishiba palwa konsha? ❑ Cakulya nshi icisuma ku kanya akafyalya? ❑ Nililali nyina afwile ukutampa ukonsha?
Amashiwi ayakankala.
❑ Tampeni ukonsha munsa imo ine mwapaapa mu cipatala nangu ku clinic.
❑ Umukaka watikama uwakubalilapo kwibele (colostrum) usuma ku kanya. Uyu umukaka
waba kwati kupelwa umuti wakubalilapo uwakucingilila umwana ku malwele.
❑ Ngacakuti mwalitampile ukonsha umwana panumafye yakupaapa, cikamwafwilisha
ukulakwata umukaka wa mwibele uwalinga uwakupela umwana wenu.
❑ Umukaka wa mwibele ecakulya icisuma ku kanya pa myeshi mutanda iyakubalilapo. Utunya
tatufwile ukulya ifyakulya fimbi nangu ifyakunwa nangu fye amenshi pali iiyi nshita.
.
3
UKUPELAFYE UMUKAKA WAMWI BELE
PA MYESHI MUTANDA (6) IYAKUFYALWA
Ukupelafye umukaka wamwi bele pa myeshi mutanda (6) iyakufyalwa.
Amepusho
❑ Finshi mulemona mu cikope? ❑ Cakulya nshi icisuma mu myeshi mutanda (6) iyakubalilapo? ❑ Busumanshi bwaba mukupelafye umukaka wa mwibele weka? Amashiwi ayakankala ❑ Umukaka wa mwibele wekafye ecakulya ca kanya kenu mu myeshi mutanda
(6) iyakubalilapo; ulafwilisha umwana wenu ukukula kabili nokuba uwabumi.
❑ Umwana wenu talefwaikwa ifyakulya fimbi nangula ifya menshi menshi pali iyi nshita,
nangufye amenshi, tii, amenshi umuli shuka, umukaka umbi uwa nama, umukaka
wamufikopo nangula umusunga.
❑ Ukupela ifyakulya fimbi nangu ifya menshi-menshi mu nshita ya myeshi mutanda (6)
iyakufyalwa, kuti kwalenga umwana ukulwala kabili cilapela ubwafya ku bumi na mu
mikulile.
UMUKAKA WA MWIBELE KUTI WAPWISHA ICILAKA CA MWANA NA MUNSHITA YAKUKABA.
Icikope 4a
UBUSUMA BWABA MUKUPELAFYE UMUKAKA
WA MWIBELE WEKA MU MYESHI MUTANDA
(6) IYAKUFYALWA
Ubusuma bwaba mukupelafye umukaka wa mwibele mu myeshi mutanda (6) iyakufyalwa.
Amepusho
❑ Finshi mulemona mucikope?
❑ Busumanshi bwaba mu kupelafye umukaka wa mwibele weka mu myeshi mutanda (6) iya ku fyalwa?
Amashiwi ayakankala
❑ Umukaka wa mwibele eca kulyafye icisuma ku bana abanono; walikwata fyonse umwana
akabila.
❑ Abana abanono abapokafye umukaka wa mwibele balakula bwino, tabalwalilila kabili
balabomba bwino mu sukulu.
❑ Umukaka wa mwibele ulacingilila ku malwele.
❑ Umukaka wa mwibele taushitwa, tamwaba utushishi nangu ifiko, kabili ulasangwa lyonse
elyo umwana aleukabila.
❑ Umukaka wa mwibele ulakosha icitemwiko pakati ka mwana na nyina.
❑ Ukonsha fye umwana ukwabula ifyakulya fimbi kulapela inshita yakutalukashanya abana.
❑ Ukonsha kulacefya amalwele ya banamayo aya kumine ku mabele na ku bufyashi.
a
Icikope 4b
UBUBI BWABA MU KUKANA PELA UMUKAKA WA
MWIBELE MU MYESHI MUTANDA (6) IYA KUFYALWA
UBUBI BWABA MUKUKANA PELA UMUKAKA WA MWIBELE MU MYESHI MUTANDA (6) IYAKUFYALWA
Amepusho
❑ Finshi mulemona mu cikope?
❑ Bu binshi bwaba mu kukanapela umukaka wa mwibele wekafye mu myeshi mutanda (6) iya kufyalwa?
Amashiwi ayakankala
❑ Abana abanono kuti balwala ku malwele ayali nga ukupolomya na yambipo.
❑ Icipimo ca mifinine ya bana kuti cabwekela panshi kabili teti bakule mu nshila ya bumi busuma.
❑ Abana kuti balwala ubulwele bwa nsala.
Icikope 4b
UKONSHA UMWANA UMUNONO MU KASUBA NO BUSHIKU UKUFUMA IMIKU CINE KONSE KONSE (8) UKUFIKA IKUMI LIMO NA IBILI (12)
MU NSA AMA KUMI YABILI NA INE (24 HOURS)
Ukonsha umwana umunono mu kasuba no bushiku ukufika imiku cine konse konse (8) ukufika ikumi limo na ibili (12) mu nsa amakumi yabili na ine (24).
Amepusho ❑ Finshi mulemona mu cikope? ❑ Miku inga mufwile ukonsha umwana wenu? ❑ Bushe bana mayo kuti bakwata umukaka wa mwibele uwalinga ukupelafye weka mu myeshi mutanda (6)
iya ku fyalwa? ❑ Filangililo nshi umwana engalanga ukuti alefwaya ukonka?
Amashiwi aya kankala
❑ Onsheni umwana wenu lyonse ilyo alefwaya, mu nshita ya kasuba nangu
ubushiku
❑ Onsheni umwana imiku ingi, imiku cine konse konse (8) ukufika ikumi limo na ibili
(12) akasuba nobushiku pa kutila mukwate umukaka uwingi mu mabele.
❑ Amabele yenu ya lapanga umukaka uwingi ukulingana nefyo umwana engafwaya. Nga
cakutila umwana alefwaya umukaka uwingi, amabele yenu yalapanga ukucilapo.
Amabele ya lapanga umukaka unono nga cakuti tamuleonshya umwana imiku ingi.
❑ Lekeni umwana onke lyonse ilyo alefwaya.
❑ Pwisheni ukonsha kwibele limo elyo muleya kuli limbi.
❑ Kwaliba ifilangililo ifingi ifilanga ukuti umwana alefwaya ukonka:
❖ Ukusalakata.
❖ Ukulayasamuna akanwa no kupilibula umutwe kulubali lumo no lubiye. .
❖ Ukufumya no kwingisha ululimi.
❖ Ukonka iminwe nangu ifisansa.
❑ Tampeni ukonsha ilyo umwana TALATAMPA ukulila. Ukulila cilangililo ica kushalikishako ukulanga insala
❑ Ipusheni bakasambilisha ba IYCF bamyebe ifya kucita nga mulekwata amafya mu konsha ne
milishishepe 5
Icikope 6
IFYAKUSUMIKA UMWANA KWIBELE
Ifya kusumika umwana kwibele.
Amepusho
❑ Finshi mulemona mu cikope? ❑ Musangonshi mufwile ukusumika umwana kwibele Amepusho ❑ Tampileni ku moona wa mwana mupepi no lusota pakuti akanwa kamwana kafike pa lusota.
❑ Ku myeni umulumo wapesamba wa mwana ku lusota mpaka umwana asaame akanwa elyo bwangu bwangu mu mubike kwi bele.
❑ Moneni ukuti umulomo waba, mwi samba lya lusota pakuti lwaingila mukanwa bwino elyo akalefu lefu kaikala pe bele.
❑ Umulumo wa mwisamba wa mwana ufwile wa kopoka. ❑ Moneni ukuti inkanda yafitulukila yaingila mu kanwa ka mwana.
Ukonka ukwafikapo ❑ Umwana afwile asumikwa bwino kwi bele pakuti aleonka bwino
❑ Akanwa ka mwana kafwile kaba akaisulwa pakuti umwana afubata inkanda yafitulukila iingi pakuti taleonkafye ulusota.
❑ Mufwile mwapalamika umwana kwi bele.
❑ Umwana onka panono panono inshita shimo aleminina.
❑ Limbi kuti mwamona nangula ukumfwa uko umwana alemina panuma yakonka.
❑ Ukonsha kusuma kabili takumfwisha bukali.
❑ Abana abanono abonka umukaka unono kuti bakwata ukubulisha ubusuma mu fintu filumbwilwe pa kubala kabili nebele talipanga umukaka uwiingi.
Icikope 6
Ukonkela mu mapa
Ukonka napindama
Ukonkela mu mapa
Ukonkela mumbali
Ukonka ubuseneme
Ukonka kabeya
INSHILA YAKONSESHAMO
Inshila Sha konse shamo
Amepusho
❑ Finshi mulemona mu cikope?
❑ Busumanshi bwaba mukubika umwana bwino kwi bele ilyo
mulemonsha?
Amashiwi ayakankala.
❑ Imikalile isuma ilafwilisha umwana pamo naimwe ukumfwa bwino munshita yakonsha.
❑ Imikalile isuma ilafwilisha ukumona ukuti umwana aleonka bwino kabili noku mwafwilisha
ukufumya umukaka uwalinga.
❑ Imikalile isuma ilacingilila ukukana kwata ifilonda nokulepauka kwa ku nsota.
❑ Ifintu fine ifikankala ifyakwibukisha pa mikalile ya mwana bwino kwi bele nifi:
ukololoka, ukuloleshanya, ukuba mupepi elyo nokwafwilishiwa.
Icikope 7
Icikope 8
UKONSHA AKANYA AKASHIKUMANISHE ICIPIMO CAKUFYALWA
Ukonshya akanya akashakumanisha icipimo cakufyalwa
Amepusho
❑ Finshi mulemona mucikope?
❑ Mikalilenshi yawama ukonsenshamo utunya utushakumanisha icipimo cakufyalwa?
Amashiwi aya kankala.
❑ Ukonka ubuseneme nokonkela mu mapa enshila ishisuma ishakonseshamo umwana
uushakumanisha icipimo cakufyalwa pantu kulaba ukumona ukuti akanwa ka mwana kali kulu
sota.
❑ Umwana afwile alebikwa kwibele inshinta ishingi pa kutila abelesha ibele nokulenga
umukaka ukonkanyepo ukufuma.
❑ Mu nshila iitwa kangaroo, umubili wa mwana ubikwa pamubili wa kwa nyina.Umwana
alabikwa pa mubili ukubomfya insalu iyo ikakilwa ukushingulusha cifuba cakwa nyina.
Icikope 9
IFYA KUKAMA UMUKAKA KWIBELE
NOKUBOMFYA KAPU PA KUNWISHA UMWANA
Ifyakukama umukaka kwibele nokubomfya kapu pakulisha umwana.
Amepusho
❑ Finshi mulemona mu cikope? ❑ Nililali winga kamina umwana umukaka wa kwibele? ❑ Mucita shani pakukamina umwana umukaka, ❑ Munwisha shani umwana umukaka mukamine? ❑ Bushe bu kankalashi ubwaba mu kubimba ba shitata mu kukama umukaka na mukulisha umwana kuli kapu Amashiwi ayakankala ❑ Ngacakuti mulefumapo nokusha umwana eka panshita itali.
❑ Ngacakuti umwana talakosa nangu alekokola ukwishiba ukonka, ichilangililo kunsota isha ingila mukati. ❑ Ukusunga umukaka munshita mulwele nangu ilyo umwana alwele. ❑ Ukumona ukuti amabele tayesalikwe ukwafyilisha amabele ayesulile no kwisalika imishipa umupita umukaka.
Konkeni ishi nshila ilyo mulekamina umwana umukaka.
❑ Sambeni ku minwe ukubomfya isopo kabili no kupekanya icipe icabusaka. ❑ Tineni inkanda iya fitulukilila ukobomfya icikumo neminwe no kutinina umukaka mu chipe. ❑ Tineni ibele limo ilyo Pali ba miniti batatu ukufika basano (3-5) mpaka ukufuma kwa mukaka kwa cepana, mucipe elyo
mwafina lubali lubali. ❑ Kabili bwekeshenipo ku mabele yonse yabili (ba miniti ama kumi yabili ukufika yatatu). ❑ Peleni umwana umukaka ukubomfya kapu. Bikeni kapu mupepi na mulomo wapetama, elyo nokumona ukuti alenwa
panono panono.
❑ Tamufwile ukupongolwela nangu ukwitila umukaka mukanwa ka mwana.
Bashitata kuti nabo kuti baya fyilishako ukunwisha umwana ukubomfya kapu
Icikope 9
Icikope 10
ILYO MWAFUMAPO NOKUSHA UMWANA
Ilyo mwafumapo nokusha umwana.
Amepusho
❑ Finshi mulemona mu cikope? ❑ Nililali bana mayo bakamina abana umukaka? ❑ Nibani bengapela umwana umukaka ukubomfya kapu ilyo ba nyina bafumapo? Amashiwi ayakankala ❑ Kuli ifintu ifingi mwingacita ukukonkanyapo ukupela umwana umukaka wa kwibele nga
cakuti mwalifuminepo ku mulandu wa ncito mubomba nangu imilimo imbi.
❑ Monsheni pa nshita iyalinga ilyo tamulafumapo pa ng’anda nelyo mwabwela.
❑ Kamineni umukaka muli kapu nokusunga ilyo tamulafumapo pakuti umuntu ulesunga
umwana alemulisha pa nshita mufuminepo.
❑ Limbi umwana kuti bamuleta ku ncende mu bombelapo pakuti
mwamonsha.
Icikope 10
Icikope 11
IMICITILE ISUMA ICINGILILA UBULWELE
Imicitile isuma icingilila ubulwele
Amepusho
❑ Finshi mulemona mu cikope? ❑ Nili lali cingaba icikankala ukusamba iminwe yenu Amashiwi ayakankala
❑ Sambeni ku minwe na sopo (nangu imito) ukubomfya amenshi ya kwitilila ilyo
tamulapekanya icakulya, ilyo tamulatampa ukulya kabili nelyo tamulatampa ukulisha
umwana wenu.
❑ Sambikeni umwana iminwe na sopo (nangu imito) ukubomfya amenshi yakwitilila ilyo
talatampa ukulya.
❑ Sambeni iminwe yenu na sopo (nangu imito) na menshi yakwitilila ayabusaka panuma
yakubomfya icimbusu nangu ukupipa umwana.
❑ Lisheni umwana ukubomfya iminwe iyabusaka, ifipe na makapu aya busaka.
Mwilabomfya ama botolo yaku nwinamo abana (feeding bottles) pantu kuti calenga umwana
ukulapolomya.
❑ Wamyeni ifipe na menshi ayabusaka ukubomfya sopo.
❑ Mufwile lyonse mulepela umwana ifyakulya (ifyapekanishiwa apo pene).
❑ Ifyakulya filasungwa nshita itali nga fili ifyauma kabili ifyakupikwapo mucipe.
Icikope 11
Icikope 12
UKUTAMPA IFYAKULYA FIMBI NOKUKONKANYAPO
UKONSHYA PANUMA YA MYESHI MUTANDA (6)
UKUTAMPA IFYAKULYA FIMBI NOKUKONKANYAPO UKONSHA PANUMA YA
MYESHI MUTANDA (6)
Amepusho ❑ Finshi mulemona mu cikope? ❑ Nililali abana abanono bafwaikwa ukupelwa ifyakulya fimbi ukulunda pa mukaka wa mwibele. ❑ Kuti mwalisha shani umwana ifyakulya mu nshila iyabusaka? Amashiwi ayakankala ❑ Konkanyenipo ukonsha umwana munshita yaka suba no bushiku. ❑ Umwana wenu alafwaikwa ukupelwa ifyakulya fimbi ukulunda pa mukaka wa mwibele ilyo
akumanya imyeshi mutanda (6).
❑ Konkanyenipo ukonsha umwana mpaka akumanya imyaka ibili (2) nokucilapo
❑ Yafwilisheni umwana ukulya lelo mwilamupatikisha.
❑ Peleni umwana ifyakulya ifisangwa mu mabumba ayalekana lekana. (inseke shisangwa mufipapa(imbalala, intoyo,cilemba), ifyankasha,imisalu ne fisabo) imiku ingi kabili mu fipimo ifinono.
Ifyakwibukisha
❑ Sungileni ifyakulya mu cipe icabusaka kabili icakupikwapo nokupela umwana mu nsa
shibili (2) panuma yakupekanya (nga cakuti tamwakwata icakutalalikilamo –
refridgerator)
❑ Sambeni iminwe yenu ne ya mwana ukubomfya amenshi ayabusaka ayakwitilila ilyo tamulatampa ukupekanya icakulya no kulya, panuma yakufuma ku cimbusu elyo nelyo mwapwisha ukupipa umwana.
❑ Bomfyeni incende ne fipe ifyabusaka pakupekanya ifyakulya ilyo mulelisha abana
❑ Ipikeni nangu bikeniko umuti wakwipaya utushishi ku menshi munwa nokubika mu cipe icabusaka kabili icakupikwapo.
Icikope 12
Icikope 13
Imisango nobwingi bwafyakulya fyakulisha umwana ukufuma pamyeshi mutanda (6) ukufika pabula (9)
Amepusho
❑ Finshi mulemona mu cikope?
❑ Musangonshi mwingalishishamo umwana uukwete imyeshi mutanda (6)
❑ Fyakulyanshi mukwata pa ng’anda ifyakuti mwalisha umwana?
Amashiwi ayakankala
❑ Konkanyenipo ukonshya umwana lyonse ilyo alefwaya, kuti caba akasuba nangu mu
bushiku.
❑ Umukaka wa mwibele cintu icikankala ku mwana wenu. Konkanyenipo ukonsha mpaka
umwana akwata imyaka ibili nangula ukucilapo.
❑ Tampeni ukupela ifyakulya ifyanakanaka (ifili nga umusunga, inkonde shashonaulwa nangu
ifyumbu fyashonaulwa ne ifyakulya fimbi ifya pa ng’anda). Pa myeshi mutanda (6)
ukulingana ne miku ibili ukufika itatu cila bushiku.
❑ Tampileni ukupela ba supuni babili (2) ukufika nabatatu (3) cila cakulya.
❑ Bikeniko umukaka wa kwibele nangu umukaka wa nama ilyo mulepekanya icakulya
❑ Icakulya cifwile caba icatikama bwino pakuti tafilepongoloka pali supuni.
❑ Mube no mutekatima kabili no kukoselesha umwana ukulya.
❑ Mwilabomfya amabotolo mukulisha umwana. Amabotolo yafyakulya yalyafya pakuwamya
kabili kuti yalenga umwana alapolomya.
Icikope 1
Icikope 14
Imisango no bwingi bwa fyakulya fyakulisha (umwana) ukufuma pa myenshi
pabula (9) ukufika ikumi na ibili (12)
Amepusho ❑ Finshi mulemona mu cikope? ❑ Musangonshi mwingalishishamo umwana uukwete imyeshi pabula (9) ukufika ikumi limo na ibili (12). ❑ Fya kulya nshi mukwata pa ng’anda ifyakuti mwalisha umwana wenu? Amashiwi ayakankala ❑ Konkanyenipo ukonsha umwana mpaka akumanya imyaka ibili nangu ukucilapo. ❑ Ukufuma pa myeshi pabula (9) nokuya kuntanshi mufwile ukulisha umwana imiku ine (4) mu
bushiku bumo ukubikapo no twakulya tunono tunono.
❑ Peleni umwana kapu nangu imbale iyakula ukufika 250ml pali cila ca kulya.
❑ Pa mweshi pabula (9) ninshi afwile ukulya ifyakulya fibomfiwa ne minwe ifili nga mango,mapapao, inkonde no musalu.
❑ Esheni ukusanshako icakulya ukufuma muli cile bumba lyafyakulya mu cakulya mulepekanya cila bushiku.
❑ Sansheniko utumafuta nangu magalini (butter) kufyakulya fya mwana. Umukaka wa nama (imbushi, ing’ombe,) walikwata umulyo wakupela umwana ubumi.
❑ Peleni umwana imbale yakwe eka ukumona ukuti apwisha ifyakulya fyonse.
Imisango no bwingi bwa fyakulya fyakulisha umwana ukufuma imyeshi ikumi na ibili (12) ukufika pama kumi yabili na ine (24).
Amepusho
❑ Finshi mulemona mu cikope?
❑ Musangonshi mwingalishishamo umwana wenu uukwete imyeshi ikumi na ibili (12)
ukufika pamakumi yabili na ine (24)?
❑ Fyakulyanshi mukwata pa ng’anda ifyakuti mwalisha umwana?
Amashiwi ayakankala
❑ Konkanyenipo ukonshya umwana wenu mpaka akwata imyaka ibili
❑ Ukufuma imyeshi ikumi na ibili (12) ukuya kuntanshi mufwile mulelisha umwana imiku isano
mu bushiku bumo ukubikapo notwakulya utu nono tubili.
❑ Peleni kapu nangu imbale ikwete ubukulu ukufika 250ml cila cakulya .
❑ Ilyo afika pa myeshi ikumi na ibili (umwaka umo) mufwile ukulamupela ifyakulya fyakosa
nefyakulya mulya ngolupwa pa ng’anda imiku ingi cila bushiku.
❑ Esheni ukusanshako icakulya ukufuma ku mabumba yafyakulya muli cila cakulya
mulepekanya mubushiku bumo.
❑ Sansheniko amafuta nangu magalini (butter) ku fyakulya fya mwana wenu. Ifyakulya ifili nga
umukaka wakunama (imbushi, ing’ombe) fisuma ukupela umulyo ufwaikwa.
❑ Abana banono balya panono panono. Kanshi mufwile ukulabika icakulya cakwe mumbale
yakwe.
Icikope 15
IMISANGO YAFYAKULYA
Icikope 16
Imisango Yafyakulya
Amepusho
❑ Finshi mulemona mu cikope?
❑ Busumanshi bwaba mukonshya umwana pa myaka ibili (12) nangu ukucilapo?
❑ Fyakulyanshi mwingalundapo ukulapela umwana panuma yakupwa kwa myeshi mutanda?
Ishiwi ilikankala
❑ Konkanyenipo ukonshya umwana pa myaka ibili nokucilapo nokulamupela ifyakulya
fyakulunda pa mukaka wa mwibele.
Icikope 16
Icikope 17
UKULISHA UMWANA UMULWELE USHILAFISHA
IMYESHI MUTANDA (6)
Ukulisha Umwana Umulwele Ushilafisha Imyeshi Mutanda
❑ Finshi mulemona mu cikope?
❑ Musangonshi mwingalishishamo umwana umunono nga alwala?
❑ Bushe banyinefwe kuti baleonsha ngacakuti na balwala?
Amashiwi ayakankala
❑ Konkanyenipo ukonsha ngacakuti umwana wenu nalwala. Nangu umwana alepolomya
cikankala ukukonkanyapo ukonsha.
❑ Ukonshya sana umwana ilyo alelwala cilamwafwilisha ukulwisha amalwele nokukana
bwekela panshi mu cipimo cakufina.
❑ Ngacakuti umwana wenu ali uwanaka ukuti onke ku mulandu wakulwala lyena kuti
mwakamina umukaka wa mwibele muli kapu nokumupela nangula ukumukamina
mukanwa, Ici kuti camwafwilisha ukukonkanyapo ukupanga umukaka mu mabele
nokulesha amafya ayakuma mabele(ukwisulila)
❑ Nyina afwile ukukoseleshiwa mukulya ifyakulya ifingi nelyo alwala pakuti alekwata ubumi
busuma nokupanga umukaka wa mwana uwingi.
Icikope 17
UKULISHA UMWANA UMULWELE UWACILA
IMYESHI MUTANDA (6)
Icikope 18 Ukulisha umwana umulwele uwacila imyeshi mutanda
Amepusho
❑ Finshi mulemona mu cikope?
❑ Musangonshi mwingalishishamo umwana nga alelwala?
❑ Bushe umwana ulelwala kuti aleonka nokumupela ifyakulya fimbi?
Amashiwi ayakankala
❑ Monsheni imiku iingi nokumupela ifyakulya fimbi
❑ Mulangeni icikuku nokumukoselesha ukulya pantu limbi teti aleumfwa nsala ku mulandu
wakulwala.
❑ Lisheni umwana icakulya umuli umulyo mu fipimo ifinono libili libili.
Ukulisha ilyo atendeka ukumfwako bwino
❑ Umwana nga apola, mufwile ukulundapo icakulya cimo icakosa cilabushiku pa milungu
ibili iyakonkapo.
❑ Monsheni imiku iingi pa milungu ibili pa numa ya kupola.
Icikope 18
Icikope 19
TANDALILENI INCENDE YAPA BUMI LIBILI LIBILI UKUYAMONA UKUTI
UMWANA WENU ALEKULA UWAKOSA KABILI UWA BUMI
Tandalileni incende yapa bumi lili libili lyonsefye ukuyamona ukuti umwana wenu alekula uwakosa kabili uwabumi.
Amepusho
❑ Finshi mulemona mu cikope?
❑ Miku inga nyina afwile ukutwala umwana ku ncende yapa bumi pakuti baye mupima?
❑ Busuma nshi bwaba mukutwala umwana wenu ku ncende yapa bumi pa kuti baye mupima?
Amashiwi ayakankala
❑ Abafyashi nangu abantu abasunga abana bafwile baletwala abana babo ku ncende ya palwa
bumi cila mweshi ku kupimwa ubumi no kulamona ifyo alekula mpaka akumanya imyaka isano.
❑ Kabili ukulundapofye pa mipimine yakumona ukufina kwa mwana elyo nokuceceta ukucitwa, kulaba
ukupela umwana imiti yakumucingilila ku malwele (immunizations).
❑ Kabili ngo mufyashi kuti mwapelwa inshita yakwipusha amepusho ku mubomfi wapa bumi pafyo
mwinga cimfya amafya yakumine ku bumi bwa mwana.
❑ Abafyashi nabakasunga bafwile baletwala abana ku kupoka imti lyonse iya kucingilila amalwele,
Vitamini A, umuti wa nsokanda elyo no kupima wa icipimo mpaka akwata imyaka isano.
❑ Ngacakuti mwalikwata akashishi ka (HIV) lyena umwana kuti apimwa pa milungu mutanda pakuti
mwaishiba ngacakuti nao alikwata akashishi ka HIV no kutampa ukupoka umuti no bwafwilisho
bumbi.
Icikope 19
Icikope 20
bili
) ( IUD Ukubika Akamupila Muchilalo Ca Mwanakashi
( Vasectomy ) Ukuputula Impila Yabufyashi Ya Mwa Ume
Tubal Ligation ( ) Ukuputula Impila Yabufyashi Iyabana Kashi
L A M
IMIPEKANISHISHE PALWA BUFYASHI
) Ukupelafye Ibele ( Imipila Yabaume Naba
Nakashi
( Oral Contraceptives) Utubulungwa Twakunwa
) Norplant ( Imiti Yakwingisha Pakuboko
Talukeni ( Talukeni Ku Bulalelale )
Imiti Yamunshindano ) Depro-Provera (
Icikope 20
Imipekanishishe palwa kutalukanya ubufyashi
Amepusho ❑ Finshi mulemona mu cikope? ❑ Busumanshi bwaba mukubomfya inshila shakuta lushishamo ubufyashi?
Amashiwi ayakankala
❑ Ukubomfya inshila shakutalushishamo ubufyashi kulawamishako ubumi no bwikashi
bwa mwana na nyina.
❑ Ukubomfya inshila shakutalushishamo ubufyashi kulalenga mwakwata inshita ikalamba
iyakonseshamo umwana nokumona ukuti cila mwana ayafwilishiwa.
❑ Ukubomfya inshila shakutalushishamo ubufyashi kulenga ukuti mukwate inshita yakubwesha umubili
panuma yaku kwata ifumo.
❑ Ukubomfya inshila shakutalushishamo ubufyashi cipilibula ukuti abana bafwile batalukana mu myaka
yakufyalwa itatu ukufika isano.
Icikope 21
Nyina uwakwata akashishi ka (HIV) nga talekonka inshila shakuicingila
Amepusho
❑ Finshi mulemona mu cikope? ❑ Cinshi cingacitika ngacakuti takuli ukukonka inshila shakucingilila umwana ukwambula
akashishia ka HIV?
Amashiwi yakankala
❑ Inshila shakukonka ishakucingilila nishi: nyina ukupoka umuti wama (ARV) ilyo ali pa bukulu, ilyo
aleonshafye umwana umukaka wa kwibele ukwabula ifilyo fimbi pa myeshi mutanda iya kufyalwa,
nelyo atwalilila ukonsha
❑ Tebonse abana abafyalwa kulu banamayo abali na kashishi (HIV) abesa mukwambula.
❑ Nga cakuti takwali ukubikako inshila shakucingilil, pa cipendo umwanda (100) ica bana abafyalwa
kuli banyina abali na kashishika (HIV), icipendo amakumi yatatu na cine lubali (37) ica banamayo
ebapela abana akashishi ka HIV
❑ Moneni lyonse ukuti mwatuma aba banyinefwe ku ncende ya pa bumi pakuti baya ishibilapo ifingi.
Icikope 22
Nyina uwakwata akashishi (HIV) ngalekonka inshila shakuicingilila
Amepusho
❑ Finshi mulemona mu cikope?
❑ Cinshi cingacitika nga kuli ukukonka inshila shakuicingilila?
Amashiwi yakankala.
❑ Inshila shakuicingilila ishinga konkwa nishi: nyina afwile ukupoka umiti wama (ARV) munshita ali
pabukulu, ilyo aleonshafye umwana umukaka wakwibele ukwabula ifilyo fimbi pa myeshi mutanda
iyakufyalwa, nelyo atwalilila ukonsha
❑ Tebonse abana bafyalwa kuli banamayo abakwata akashi ka (HIV) abengambula akashishi.
❑ Ngacakuti takwali ukukonka inshila shakuicingilila lyena banamayo ikumi limo na basano(15) pa
bana icipendo umwanda (100) abafyalwe kuli banamayo abakwata akashishi ka (HIV) ebangapela
abana akashishi.
❑ Mufwile lyonse muletuma aba banyinefwe ku ncende imona pabumi pakuti bayaishibilapo nafimbi.
Icikope 23
❑ Konkanyenipo ukonshya mpaka umwana afika nangufye imyeshi ikumi na ibili (12).
Icikope 24
Ukonshafye ibele
Umukaka wa mwibele epela
Bomfyeni umukaka mutinine ilyo mwasha
umwama
Misangonshi imbi mungalishishamo umwana ushilafika
imyeshi mutanda (6) ngacakuti nyina alikwata akashishi ka HIV
Mwilapela umukaka umbi ukucila ibele nangu ifyakulya kubana abanono abaleonka ilyo tabalafisha imyeshi mutanda.
Inshila shimbi ishakulishishamo umwana ushilafika imyeshi mutanda (6) ngacakuti nyina alikwata
akashishi ka HIV
Amepusho
❑ Finshi mulemona mu cikope?
❑ Ninshilanshi shimbi ishakulishishamo abana abafyalwa kuli banyinabo abakwata akashishi ka HIV?
Amashiwi ayakankala.
❑ Ukonshafye ukwabula ukulisha ifyakulya fimbi pa myeshi mutanda (6) iyakufyalwa elyo nokukonkanyapo
pa myeshi ikumi na ibili (12) ngacakuti umwana apimwa ukukanaba na kashishi pa milungu mutanda (6)
no mwaka umo. Ukusumuna umwana pa myeshi ikumi na ibili (12) kufwile kwacitwa panono panono pa
milungu ine (4). Nyina no mwana tabafwile ukuleka ukunwa umuti wa ma ARV mpaka panuma
yakumona ukuti ukonsha kwapwa.
❑ Ukonshafye ukwabula ukulisha ifyakulya fimbi pa myeshi mutanda (6) iyakufyalwa elyo nokukonkanyapo
pa myaka ibili (imyeshi 24) nangula ukucilapo nga cakuti umwana apimwa ukuti nakwata akashishi ka
HIV pa milungu mutanda (6), pa myeshi mutanda (6) na pa mwaka umo.
❑ Mufwile mwatampa ukupela ifyakulya fimbi panuma ya kupwisha imyeshi mutanda ukonsha.
❑ Tumeni nyina uushilefwaya ukonsha umwana wakwe ku ncende imona pa bumi pakuti ayepokelapo
ilyashi na limbi.
❑ Ukusumuna pa myeshi ikumi na ibili (12) kufwile kwacitwa panono panono ukucila imilungu ine.
Icikope 23 Tamufwile ukupela umukaka umbi nangu ifyakulya kumwana uleonka pa myeshi mutanda
INSHITA YAKULETA UMWANA KU NCENDEIMONA PA BUMI.
Inshita yakuleta umwana ku ncende imona pa bumi.
Amepusho
❑ Finshi mulemona mu cikope?
❑ Nililali ciba icikankala ukuleta umwana ku ncende imona pa bumi?
Amashiwi ayakankala
❑ Twaleni umwana bwangu-bwangu ku ncende imona pa bumi ngacakuti mwamona ifishibilo ifi
❑ Ukukana onka elyo nokuba uwanakuka.
❑ Ukuluka ifili fyonse ifyo alya nokunwa.
❑ Alesamfula (ukupumputa, ukututuma, ukukosa kwa mubili.
❑ Umwana nga lepemashika ukucila ifyo apema, alekwata amafya mukupema elyo nokukola panshita itali.
❑ Umwana alepolomya (ubusali bwa menshi imiku itatu mu bushiku) pa nshiku shibili nangu kucilapo, umulopa mu busali, amenso ayaingila.
❑ Umwana nga umubili ulekaba (limbi entulo ya kukwata impepo).
❑ Ubulwele bwansala (icipimo ukubwekela panshi nangu ukufimba kwa mubili).
Icikope 24 Icikope 24
Icikope 1