FANGU - Play the game you love, and love the game you play! 3

Na tur wega di softball Little league bo ta mira coach Ralph ta hasi algu riba vèlt. Sea ta drecha vèlt, kué awa pa e

muchanan, coach tur dos tim ku ta hungando i hopi mas.

Ken ta coach Ralph?Coach Ralph tin awor aki 59 aña i ta duna lès na St. Joseph VSBO. Ralph Perreira ta kasa ku sra. Mirna Perreira, nan 30 aña kasa I tin huntu tres yu’i. Coach Ralph ta dediká hopi di su tempu liber na mucha. For di aña 1982, coach Ralph ta afi liá na Pichingolo yudando mucha.Na aña 2000/2001 coach Ralph huntu ku Cecil Garcia, sr. Desbarida nan a kuminsá hasi

trámitenan pa kuminsá ku e liga di softball Little league. E aña ei tabata tin e promé T-Ball di softball na Kòrsou. Awe na aña 2010, 538 mucha muhé ta partisipando den Little league softball. Den un kampionato e muchanan ta hunga 216 wega.

Softball Little league ta konsistí di e siguiente divishonnan:T-Ball (6 tim)Minor (5 tim)Little (8 tim)Junior (6 tim)Senior (6 tim)Big League (4 tim)

Meskos ku hopi mucha na Kòrsou coach Ralph a hunga beisbòl. Despues ku ela bini bek for di Hulanda kaminda e la studia pa maestro di skol, ela kuminsá hunga softball slowpitch. Dor ku coach Ralph no tabata gusta e sistema ku softball slowpitch tabata bai e tempu ei, ela lanta liga Uni Tur huntu ku algun persona mas. Te awe liga Uni Tur ta un di e liganan di softball slowpitch mas importante aki na Kòrsou. Coach Ralph a hunga softball fastpitch tambe. Pero dor ku e no tabata tin tempu pa train e la sigui ku slowpitch.

(sigui lesa pagina 4)

COACH... un di e motornan tras di softball little league!

E promé biaha ku mi a topa coach Ralph tabata dia ku mi a bai vèlt pa hiba mi yu’i train softball. For di e dia ei mi a nota ku semper coach Ralph ta riba vèlt ta

yuda muchanan ku softball.