ANARDONG BIRANJI - vishwa vani18 SO.pdfAndhra pradeh lingan 31 danggardanji baibol hangnan tabkudle...

To�see�the�glorious�To�see�the�glorious�gospel�of�JESUS�CHRIST�gospel�of�JESUS�CHRIST�

blessing�villages�in�blessing�villages�in�

To�see�the�glorious�gospel�of�JESUS�CHRIST�

blessing�villages�in�

Anlen panuangan batte ambanarij bo uggaran sanaisaij, butente batte kuddub mandrengnanji panuangan batte banarijan deteji

Auggar anogandin bogad er j'o dage delenden, amukkan rabodle er m'oihdage gi'jte.

Uggarringan bogad lanungudan agasa den, aj'elingan panalangan do amo'dlingan amaddan gi'jte.

Uggarling len bogad alumlaben anardod baranji absosolabenden, kun ate marangle d'onglen durdin do mandrengnalen kzndrameng solan ambrij abmete. Bindo bogad uggarren battepingbalaben den,mukkalinglen man 'oihan gi'jte.

Ayingate amandra di tordong aturdu maranji ampara albirdateji anin ted, bindo butente tordong gamangtung Kitungan ampara di tordong albirdateji auggarringan Kitungan aranapti hamang tudan ambrij gi'jte.

Garbiran do Kitungan abirna batte uggarren lanagadan dete. Bindo butente amandrengnaling garbiran do Kitungan abirna addakue auggarringan danardan dakute.

Mojes batte Ebri jattinji boanta baran saring urnan hanglenji abmang anin midian disalingan kuan adamba agobben dele. Kan asan anin dineten baran susule boanta baran saring urnan hangleji, kan ate absuiben asan dina do panuangnam apsuija gamle birnan hangtabe.

Elion angante rataman sabmangle abrijneten do mananggan asan dimadneten Kitungan asuyuman batten ad'ongan anablzngnan dele. Kun ambrijna Kitungan d'ongnam gamte dina; do panuangnam absuija.

Aaman baiyale surakum pedan pedle mandranji ad'ong gadlama, umengle gadlamaji. Umengle janggardanji ad'ong tartuma. Baiyaloge aur tartuma. Aman as'id janggardanji ababyar j'eben asan umeng loge baran luma do aur loge baran luma.

Emil Annan SaringSusuna Beranji.

Vishwa Vani Samarpan November 2018 | SOURA

Vishwavani samarpan kambolan Dajinganti langlangan batte sanabjan dele. Soura, Odia, Hindi, Marati,Kannada,

Telugu, Gujurati, Bengali,English,Tamil, Malayalam, Kakbarak,kan asan jaban anlen kitungan aganugun

asan bominhumlingan Rs. 100-/ ajiba sintabin.

Ditordongagarbirtenanjiamanranjiapseleaboitanimyimdagi,aganadlaman

ANARDONG BIRANJI3.SusunaBiranji

4.ExeutiveDirectorsaring

8.DznaDoPuanga

14.StateCo‐ordinatorSaring

19.MurdaBaramarSaring

22.KannyakumariSoba

23.MonnaGarberan

26.RanukkunSaringBernan


EXECUTIVE DIRECTOR SARING GALADLAM BERAN

Ayingante amandra Kitungan aganugu asan bangsa anobling baran lumte; Jisun ahimling anin ad'ong asnentai. 10 anggai sikkoija anin d'ong len danrable urunglenten kan ate anlen adirtinai. Asuyeman do atanimyiman buteja batte rapti arobjongdage ad-dee. Antin asan jaba anlen kuddub monnan do purardan batte anin ad'ong kani minhuman sanle asennba. Dilin abpuangben abara boi boi murdadam:Itente roitad kambol lingan Kitungan abanaih biran hanglabe, kun ate asandungbenna dete.anlen Kitungan apasijanji, kan ate marid Kitungan d'ong len gamte. (Jis 60:1-7) kani kardalingan rapti anlen hangle raptitabe. Ayingante amandra s'idliji, Kitungan aninji ad'ong adanrdabeten, kanatina tungna ayaman. Bar anlen ordarringan basule tan'arnan abgijben dete, mangling len tan'arn agsa; bindo Jisun batte ame'engtaben asan Jisun ordarban yiraiten asan anlen tan'aran aonanjina. JIsun aitsuman dakuli, ayingante amandra lungud singlingan daku anin ad'ong tanddile aganugun abpunggeben. Jis 60:1-3; Jon 8:12; Jon 9:5; Mt 5:14; anganti anlen kan birnanji gijtabe, mangling len tan'aran daku. Lanugudan d'ongben hamtaben pedde, bindo kun ate tan'aran dete, kun ambrij abara mangbalen yirtai. (Jon 12:35-36, Jon 9:4;) janardi tan'ar godlingan kuddub mandran ad'ong ordarringan saring absui godle tangorre urungte. Jon 1:9;) karahid maranji ditenji Epis 5:14, Dimadna maranji ditenji Bh 6:9-10, do ganalu maranji ditenji. Mika 7:8, S.k 20:8, kun lingan ablumar Jisu len d'ong len anumengan tiyte, kan ate aman dirna. Ejki 33:10, 37:10-11, Jon 11:43-44, banantongben sabngaiba. Biggarda anoganddin sabngaiba, etteden Kitungan d'ongben ordarban dakkule d'ongben abditaben do Jisun amben mukkaben abpuante kan ate galama. Episi 5:14.Dilin abpuanben apsele oskainaJisun angante ordaran arabduben asan yiraiten; kun ayam lingan aparmangta anin a uan amangban garbiran batten maineten. Mt 14:23, Jon 8:1-2, lipan aoyben asan miholan sanaisaij. kun ambrij kristu mandrengnaling len abpuanben asanden; Jisun batte mainaben sanaisaij do turdum jingle garbirnaben sanaisaij, etteden anlen Kristu marji gamle panuangan detabe.Kitungan abirna do garbiran abo m'odan ambrij. Ayinganti amandra garbiran pudyingte, anin anansan dete. D'ongan apsele ganagan sanaisaij, ante ambrij; Kitungan amanban yirrebinden, janggardalen


janangden radu adakunaben saanisaij. Renenganji lanangkaban aengben asan sanayaman tiylangten do ardangan ambrij anlen aur langka engle raptitabe. Jir 15:16, S.k 119:130, 2 Tmt 3:15-17.Anlen baradamlen batte gamang Kitungan ad'ong ajatabenna ati baralen. Do kan ate Kitungan aitsuman. Angante anlen jiglen batte tanangtabe, kun adnang anlen osakitenbe. Do kun bara lingan hen d'ong gijle raptitaben. Hen mandra benji saring d'ongben ansataben, do hen ad'ongne amanbanji appaitaben. Gamlenden, ayingante amandraji lanungudlingan dakuji do janardin asan amandanji indran rieji, do duaihsuman aranapti lingan dakuji; aninji ranabraban ahangben asan Kitungan aranabti batte aninji ad'ong tangorre rapti a urungtai. Kan batte apintunji tanabmadan dete do dirnaling hen aninji rapti tanangle raptiteji. Ejek 2:1-2, Anppai 26:16-19.Dilin apuantenji amandraji apsele anabsitta:Mandranji pintun lumleji bar Kitungan aganugu panemengan amangban er ardulabe g'ungleji. Rom 3:23, Jis 60:1,2). Iten asan gamlenden panuang-nam mangbanam yiraiten,bar Gamangtungan aganugun lananga-nam puangte.bar biggarda jattinji panuang-nam adamban do rajjanji danunyung panuang ba-nam yirataiji. Aman tirid madlin yaryar maneng gija; aninji kuddubanji rukkulen mangbanam yirtaiji, bar insalo onnamji lakudle anurungan deteji. Jisa 60:3-5.Sanangan nami tordong ayam arzrz dakute; tamba togal kuni aningadan adde-e. butente sanna anin bo ajar dete, bar butente karran sanna anin ranadu jattin dete. Hen Gamangtungan; tungna ayam lingan kan ate abojoraiben asan Hen umengdam. Jis 60:6-7, 11,22.Barata disa lingan baralenji: 66% do 135 kuti Barata disa lingan gorjanganji daku, kan gorjang lingan bangsa anobling biran anoblingan dete. Ruang rajaman aganben asan ayinganti asanengsengan dakuli; kunlingan bwrsing bardaige deleji. Kun asan anlen kun bangsa anobling baran alumtai. Anlen bangsa anobling baran alumtai do 1 lokya gorjang lingan dargam jatti bangsa anobling maranji appaiben asan sanengsenglen daku. Garberba barata disalingan kandrabardi seng amaneng 46000 gorjangan do barubyung amaneg 20000 gorjang, Jandrumseng amaneng 34000 gorjangbanji bangsa anobling biran arduben sanaisaij do nami anlen Barata disa ling len 28 rajam lingan bangsa anobling baran lumle daku 172 Jill lingan bar 320 lang lang maranji amangban do 7899 gorjang lingan baralin daku. 916 gorjang lingan Girjasingan aganutulan takudle. Anten asan anlen mangbaben saring garbiran asanayam aur loge sanaisaij. Bara maranji anoskai, Sanayamtiy maranji sanaisaij: North india amanengban 218 mandra tabme dage bangsa anobling bara lingan barij ayam apsele amainaben asan oskai dakuji, bar siligurdi lingan 31 danggardanji baibol hangnalingan dakuji. Bar

Andhra pradeh lingan 31 danggardanji baibol hangnan tabkudle aninji bangsa anobling jannongban anappaiyan deteji. Bar guajarat lingan janangden 16 danggadranji baibol hangnalingan dakuji. Kan akudduban asan anlen ambenji aganarbiran do ataniyity anab

j'un sinan sanaisaij daku. Bogad amben marid janggardan abanaihan batten do bangsa anobling maran ad'ong appaile; bo anggai lingan 3000 tangka atiylenden, Kitungan d'ongben do s'ing birindalingben rubmangdage anabsittanji rapti amben ahangte. Jannong loingan baranji madrangben apsele Sanaisaijdage garbir ganadlam biranji: Barata disa lingan Vishwa Vani sanle 1519 gorjanganji daku, kotti lingan bangsa anoblingan budle ranukkun agutulben asan do amadrangben asan anoskai len. Kan asan nami anlen ampara mailin kun gorjangbanji ardule tabme janggardanji alabamben asan garbirnalen. Bara ayingante agorjangabanji nami sikkoija bangsa anoblingbiran indrang ardue, kun gorjangban abrduben asan kan survey anabmen dele. Bar Kristu dirna maranji aranadu garbiran batte tordong ayam Baibol hangna lingan do tabmedage ganagkil susunan dele. Kan asan mangbaben saring taniytiyben do ganarbiben sanaisaij.Bangsa anobling marnji aganorod asan 590 saikelan sanaisaij, bar daneb,ranaij janabanji 670 sanaisaij. Bar dir dirnalen 2 motor saikelan janang sanaisaij. Tabme dage ganangkilan sanusun adelen aranukkulingan oruban ayamlingan ganangkilan adeten adnang tan'aran apsele agasa, kanasan 1255 ambrij light sanaisaij. Anlen adirtinai kani ganarbirrenji batte, amben garbiran do taniytiyan batte asayamtilen gamle adirtinai. Kitungan d'ongben absittabente. Baranji abojoraiben atina ranukkun asanengsengan: Ganugudam Kitungan aboanta, Emil Annan tordong ayam lingan kan ambrij d'ong len gamte, sanayam baran addelenden ranukkun ganutulan adde-e. bar kzntalan agasaden; jodsuonno maran agas. Ayingante agorjangban ranukkun batte namintan sikkoija bangsa anoblingan indrang ardue, kun gorjangbanji; ompu bangsa anoblingbir maranji sikkoij kun gorjangban arduteji, anten asan anlen kuddublen aboi adeba, yante gamle ranukkun manarangan dete.Kitungan ad'ong ganugun de-ete, Kitungan asuyeman batte, Kitungan abirna aoblingben asan Koimbtur Agape' ranukku lingan September 23 tarikon royongan hanglai, kan asan ganugudam Gangkil mar, V.Stalin Raj ad'ong aur sentai. Atanimyiman asan do as'id janggardanji arabraben asan anlen ampra artanurdulingan daku. Hen Rev. Sathu Selvan Kitungan ad'ongan sentai, October 2 tarikon CSI Tirparappu konya kumari jilla lingan bo dinna maina soba


J a n n o g a n a t a n a k u d tannodan sikkoija:

Punjab do Uttarpradesh lingan 7 bangsa anobling bara maranji ad'ong; Konnya kumari adirna maranji saring sanayaman hangledaku. Manan Rev.M. Albert Sudha

Gnanadas, C.S.I ranukkun saring 09.09.2018 lingan saring kani 7 mandranji as'ing birindanji ad'ong sayamte j i . R t Rev.Dr. J.Christoper, Rev.K. George

C.S.I Kristu ranukku, Vavarai 5 bangsa anobling bara maranji ad'ong sayamteji. Do P u n j a b r a j a m l i n g a n 16.09.2018 saring Mr. S. Arulanandam, Mr. J. Charles, Mr. K.Selvam, Mr. P. Jestin Raj do Kurangal area lingan agarbir ompunji d'ongben ajalaben do asentaben. Kumari arajam abara marji

lingan mainaben asan royongan hanglai. Bar ku sobalingan aninji ampara baralingan tiydamlen; kun soba lingan hen aninji ampara maidamlinai. SCI ranukku lingan adakun gupa mar do secratery do kajanin ad'ong karalikka sinataiji. Iten asan gamlenden oct 7 tarikon Raj shanmuga nagar lingan soban lumben asan royongan ahanglai.

Bar kan soban sanle Kitungan d'ong len aur loge absittalenten. Manan lebul ingan, Ki tung ganangkil lingan do Kitung bir lingan. Bar kan birnan sanle Oct 9 tarikon Hyderabad murda dane bara maranji sanle baibol training dele.Kan mittingan amurda garam gaman dakuli, manan taniytiy maranji, anabhana maranji amanarangan apsele kan sobanji dakuli. Anten asan anlen kara loge taniytiy maranji ad'ong boi boi asentai.Chennai Buhangben15.10.2018 W. W.Willson Gnanakumar

Executive Director


Dina iten asan gamlenden; panuang-nam adamaiten. Panuangan iten? Panuangan Jisu Kristunna. Jisa 60:1 kan sanibdaij beran Jisu Kristun amangling adirtinanji akuddub dirna maranji apsele, manan; dina panuangan apsuija iten asan gamlenden, panuangnam adamaiten do tordong Gamangtung Kitungan aganugu d'ong-nam ablwblwbte.

Angante anlen Luko 15 asurda lingan kinoltabe, bo s'ing birindan apsele anlen birnan rabangtabe. Kuni lingan bo gamang maran dakule do bagu adanggarda onanji dakuliji, do asurda onan anogandin saring asanna onan anogandi biggarda dakule, asanna onan anogandiling;

danalgadan, ir manannin do kayating dage mandrengnan anab hana apsele itsuman dakule do anin auan ad'ong gameten, tanuban banttile tanub-hen tih. Do kan abirna batte auan anogandiling boi boi danukkan yiraiten, bindo kun ate aonan er oganddilabe aitsum daman, atam man'oihan ambrij baran lumle mandrengnan abhanaben asan itsumeten.

Tanuban hangle auan saring sngai yireten, do atam itsuman ambrij baran lumle kuddub lebun rabsumeten. Ateng ir bangsa kulamanji rukkueten, bindo bittin ahidlin atiki kuddub akulanamnji ad'ongan omdaleji. Do gaben jumben apsele janang amanglingan iteja adakuad.

Atankudlingan m'engben apsele yante gamle janumjuman hangte kan asan bo gamangan amang yiran yirre kambunanji agupaben abara asan gabri j'eneten. Dele janangden; ganaga janumjuman handab loge adhangad. Kan adnang auan do as'ing lingan adakulin adnang akuddub ganaga janumjuman apsele anogandin yiraiten.

atiki anin gabri j'eneten, ijja hen ua-hen amang daiyarre yirte,

ad'ongan gamtai; timanglingnam do Kitunngan aganigijling hen pintu baran lumlai, onnam adeben apsele hen tungnated. Tabmadih do bo boantanam ambrij d'ong hen jaih. Kun adnang

MurdadageEmilAnnananidolberanaHanang2001SallonMayissue

DZNA DO PUANGA


DZNA DO PUANGA

auan ad'ongan jale, tabmadle biggarda boantanji ad'ong tabme panduihan, tabme sindrin, tabme tupin do tabme jaridubnan pangle onhen ad'ong tiyba gamle baihentenji. Kan asan na Jisa-55:7 lingan gijtabe.

Duaih maran adanuaih baran saring abyar j'enete, do er roitad maran a er roitad baran saring dayaraite eteden tordong gamangtung Kitungan ad'ongan aurloge asuyumte do ad'onganji tabmadte. Ayingante amandraji dilin tanangteji do puanteji kan ate arapsuijanna.

Bar okij Jisa 58:8 lingan anlen gijtabe, manan sunkaran ambrij dungyungle panuangan apsuite do bayale rugaman saring samangben apsele asuyuman gijte bar tordong gamangtung Kitungan aranoitadan d'onglen sandungle ablwblwblangten. Kun asan manglinglen sanabyun yirtai do kun panuangan batte man'oihlenji banarijan dete.

Do sanukka sanamangan janang hangle roitad godlingan halen mandrengna godlingan abmanglen Kitungan aganugu panimengan apsuitabe. Angante anlen Bitsara 16 kardalingan Kinoltabe kuni lingan bo tonanan Samson ad'ong a oblingten apsele anlen galamtabe. Samson, Pilistenji mangbanam ardulaiji! Bindo dinaben apsele Samson adrabtiad.

Anin boi boi ganugu panimingan batte mandrengnan abhaneten, bindo ataniki ayamling oseng dage ajanab ambrij dele. Asanengsengan boi boi murda dage dakuli, bindo atanakud ayamlingan pilistianji batte tanabbai madan dele. Etegoina bo mandra 38 minhum sikkoija darinmadna sandi lingan tum dakule, bindo anganti Jisun ad'ong rabangle dinaben apsele ranabtin hangle.

Ablu-mar Jisun bo birna ad'ongan gameten, dina, anin amdangle mannile dineten do hanaben apsele susule Agaramgam puangle. Kan asan na hanangbiran amdangtabe Dina, iten asan gamlenden panuang-nam adamle.

Kan panuangan iten ? Jisu Kristunna panuangan aninna skkai panuangan kuddub mandranji ad'ong panuangan tiyte. Kan a royong bogad den, bio adinnaling anlen adhangbe pedde; kan garam gaman kan aroyong okij a hangben asan Kitungan d'ong-len ranabtin attiad, iten asan gamlenden; Jisun nami, bio do tarda


ayam sarigoi daku.

Anin boi boi ranabti Kitungan aninna abmang dakule nami dinnalingan daku do tiki ayam janang yiraiten. Nami panuangan tiyben asan mangbanam hen daku do ganugu-hen lanangkalingnam daku. Anin kuddublen ad'ongan gijlangten. Kan asan anin gamte, Dina, iten asan gamlenden; panuangan mangbanam adamlai.

Okij anin d'onglen gamlangten; dina do baran gutula. Tangsoihen abara batten baran kuddub manengban aj'une. Biggardanji janang baran lumben dete satta bo s'ing birindalen abara batten baran abtullae, bindo biggarda s'ing birindanji janang m'engle mandrengna baranji lumben dete.

Kan apsele anlen dilin as'id janggadranji ad'ong abdiben sanaisaij, kan atina anab bagu anlen apsele ganudingan, Anlen alumben detena. Nim 2:18 lingan ednegoi anin oblingte do Nimiya ganudingan amdangle jale dineten do baran susueten do Jirusalem agarda analdingan dean dele 150 minhum dele do kan ate 52 dinna lingan anabbartunni baran tanabkudan dele.(Nim-6:15) ettegoijna Bitsara- 4:5 lingan ednegoi birnan daku, Dobora ahim bo tonan dilin Israelani atanandi boij dean dele; kuddub gorjanganji bargutuleten.

(Bit-5:7) ednegoi birnan daku, Israel disalingan, gorjangan adakulinanji amandranji dilin sanubaran adlumadji, bindo mailin turdulin abo j'en dean dele Kitungan amang garbirrenji. Asanengsenganji Kitungan abojoraieten, kun tonanan dineten, maina tanurdun susnan dele asanengsenganji anojoraian dele, kan ate Israel saring bo tonanan adirna batte anojoraian dele. Kun tonanan, gorjanganji bartunnieten; bindo Nimiya kaniti singanji abbartunnieten.

D'ong-len anublingan delangten, balai maranji ad'ong abuyub ben asan do er gari dage amandraji ad'ong abuyuble sabtangbenji asan. Yante gamle atalna ayamlinganji Kitungan apsele kuddub bangsa baran rapti lumteji. Anlen bogad itsumle susulaben den, Kitungan aranabtin batte tanakudan dete.

Kan asan anin gamte, Hen ranukku-hen ad'ong gutultai. Butente barij itsuman batte dilin kani baran susuteji Kitungan ad'onganji Pirdigallan ambrij, siment ambrij, sundaman ambrij handramle


agirjasingan asanabja baran tabkudte. Anlen Jisa 58:12 lingan gijtabe, amben aldzng kanttinji bartunniben apsele do papwr kanttinji abtabmeben apsele ganudingan debinten.

Junas ad'ong ganudingan dele Ninebi gardaba ayirben asan, bindo anin torsis gardaban yirben abara susule engda bungsangan alungban yirre dimadneten, baran lumben apsele sanengsengan do itsuman karidale anin dimadneten.

Engda bungsangan adane anabhanamar amangban yirre; ad'ongan gameten dina, yan gamle aman dimadlin dakuten, dina aman Kitungnam ad'ong garbira.

Ayingante amandraji Kitungan ad'ong agalameji kan ambrij abara marji janangdaku, ad'onganji anlen abkzlkzlben sanaisaij. Ayingan amandraji Kitungan ad'ong galamle baralingan dakuji, aninji dimadtenji. Kan asan anoblingan dete, dinaba; do manglen adrule sayamlenba.

Elio amandrengnalingan Kitungan abara apsele barij itsuman do ranaptin dakule, Kitungan apsele barij abanantongan dakule dele janangden rwpalingan (erganijta darakunalingan anin dimadlin) kun darakunaban Kitungan abirna ardule ad'ongan gameten dina; kan ate anlen 1Raj 19 surdalingan rabangtabe.

Ayingante amandraji Kitungan abara apsele banantonglingan dakuji akuddubanji apsele Kitungan gamte dinaba. Anapai 12 asurda lingan Erudo ahim bo raja dakule, do Pitoron ad'ong Koroijo singlingan pidel, Pitoro galameten do anab bio dinna tagaldan delenden,anin kuddub mandranji atimangling anabkalkalan dete. Anin galameten kani togalan anin apsele atanakud togalan. Dele janangden, Kitungan alanangkalingan dirdirren anin togalan dakuneten.

Ruang pisirdian kun darakunaban yiraiten, barij koroijo singan alung ling panuangan dele, do pisirdian Pitaron ad'ong turhamlen dina do sindrinam gusaijna gameten. Pitaron tabdong dineten, asindrin rotudneten panduihan rojingneten, do kun togalan anin apsele atanakud togalan addead. Bindo kun togalan anin apsele surda baran asusuben atogal dele.

Do kan togalan ad'ongan Kitungan apsele murda sanibdaij biran agadlamben atogal dele. Do kan ate Matt-16:18 lingan anojoraian dele. Anin gameten aman Pitor agaramgam; arengan kani


arengan alanangkaling hen snimpur sing hen gutultai, do kan ate kinnoraian aranapti rapti adnabs'ide. Kitungan abaran hadab ayamling kan ayamlingan susule anin tabkudte. Asanengsengan buteja rapti aggalame. Butente kan kuddub baran lumte asanengsengan buteja adgalame.

Kan ayamlingan anlen nami bara mar daku, kan asan dane bzrdarrenji yan ambrij abhanaben dete Kitungan abanaih ahangben sanaisaij. Do anin ampara baralingan dakuan dakulin dilen appuangben sanaisaij, etteden anlen anabsittan adanemar delangten. Kan asan Jisun kuddublen ad'ong gamlangten, dinaba, do panuangben apsuiba.

Kani garamgaman Kitungan atam itsuman ambrij mandrengnan abhanale baran alumben dete. (Rom 13:11-14) dimadnan saring adlzngnaben ayam adamlai gamle galaman galamle anlen kzlkzlnaben dete. Iten asan gamlenden, togalan takudroite, dinnan ardutai kan asan lanungudan abaraji omdan omdale panuangan ahanandramji rotudnaben dete. Kan asan yiraiba tanadaian, Jundardan, Panallangan do ganijmad baranji omdale Jisu Kristun ad'ong loang ranotudge arotudnaben dete.

Kan asan danelenji daku dilin panuangan apsuiben ate. Do Kitungan abara abojoraiben ate. Anlen bogad dilen baran susulaben den, Kitungan kun baralen abojoraite. Bogad anlen dane bzirdarren lumben apsele itumlaben den, Kitungan aitsum daku mangbalen apanuang ranabtin tiyle abojoraiben asan.

E Kitung butente dina iten asan gamlenden, panuangnam adamaiten gamiyten amang lingan garbirtinai panuang-hen osengdam kan ate madranga Kitung. Kan panuangan uggarring-hen saring susuan susule birnahen batte marangete. E Kitung panuang hen manaridan batte do anogandi hen Kitungan aitsum batte de-ete. E Kitung maina tanurdu hen mandranji atimangling bara hen barij manaridan batte de-ete. Sungkaran yante gamle riyang lingan dakulin ordaran saring lanungudan sabngaite ettegoi mandrengna panuang hen batte mandranji amangling adakun lanungudan sanangaijan de-ete. Kitung d'ong hen surda panuang janaban ambrij addelih janangden bo sanna lipan ambrij soij abmeih. Yante gamle mandranji ayaryar manengban panuangan dete. E Kitung d'ong hen apuang lipan ambrij abmeih, Amen.

GA

RB

IRA

N:

GA

RB

IRA

N:


parmantan Gamangtungan ad'ong ganugu panimingan de-Aete. Ganugudam kitungan aboantanji aparmangtan Jisu

kristun ahimlingan boiboi limtabin. hen Mr Abeda Raita KitunganAsuyem do garbirbinji batte Jisu kristun abangsa anbling baran

alumbin asan odisaRajamlingan Ganjam jila lingan er abyar je'e maranji amangban 5

gorjang lingan manan;(1 ) Raipada (2) Bayasahi (3) P Birosahi (4) Montrisahi (5) D

Talokulo kan 5 gorjang lingan kitungan abaran alumbin asan

Vishwavani ompun sanle 2017 sallon saring royongan hanglai, do

Kan gorjangan gijlabinden ateng barantongihdage. tulaban daku bar daibzr godan janang daku do nami sikoija bo

bangsa gailo godan janang agasa. Tanimyem dam buhangji hen

anganti bangsa anobling baran Raipoda gorjang lingan susulai kun ayamlingan aparmangta

raipoda ayerbin asan barantongihdage tulab lingan bo sanna rakud

godan dakul, do hen yerata yerata bo baru godan do binta godan

dakuli. do binta godan kaninna tagoran gamle ayerren atiki;

bantongihdagi lungarban ardule do tangoran arolih gamle kitungan

amang garbirlinaiAtki dayarre jandr'umseng amanengba yerre do titte hadab

tangoran hangle kun Raipoda gorjangan ardule titte basule

kitungan abara lumtai. Deli janang, kitungan abara alumbin asan

adakutinahen agorjang saring 8 KM sikoija argal dulaijan batte

bangsa anoblingan oblingan oblingle dayartinai do kun gorjang lingan indu buhanganji kristu buhanganji ad'ong

ateng tamderteji bar butinti kristun ad'ong jataji aninji ad'ong

gorjangan saring amdungtaiji bar bangsa anoblingan aoblingbin

asan dangdangteji dele janang den kitungan asuyem bar

arubmang baran batte. Kitungan abangsa anoblingbiran opungata opungata D.Talokulo

gorjang lingan bagu si'ng birindanji Jisukristun ad'ong

ablumarhen gamle jaleji kan asan yante gamle janggarda lingan

marangteji kan apsele bar bangsa anoblingan apsele garbiran

sanai saijdam. Kristulingan buhangbin - Abeda raita


Bo tabme dage sakki biran, ahim hen Parvoti Anid, Gorjangan Katwa Jharkhand amanengba. Idol ber hen kani; Badloyim Pol amandrengnalingan yante gamle dakuli,

etegoij hen janang dakulih kan ate hen imtenai. Gamlenden, anin bangsa anoblingan angaja adjad, ranukkunji ad'ong ateng kanal kalan tiyeten. Ettegoi hen janang den dakulih, bangsa anoblingan amdanglai bindo erdirna; Kristu dirna maranji ad'ong pudyinglai. Pedde kuniji asan dirge dirge iteja anogandin ogandiben asan atiyad. Kun saring ateng regambanji gorodlai, ateng regamanji jumlai, ateng edalinai bindo sanamangan er hanang. Kun ayam lingan anogandi henji Jisun amangban adirnaben asana sui anogandin hanglai; Bangsa anoblingmarSylvanus Tirkey ad'ong s'ingbahen gudingle hen apsele Jisun amangban garbirben asan bahlai.kun saring kun bangsa anobling buhangan dile tordong hen do s'ing birindahenji apsele ateng ajorod amaddanji batte Kitungan amang garbirre; do kun garbiran Kitungan amdangle d'ong hen absamangeten. Kun saring kuddub s'ing birindalenji kun rubmang baran gijangijle Jisun amangban ayirben do anabsittan ahangben asan ablumar hen gamle Jisun ad'ong ajalai. Kun saring ateng gorjang mandranji d'onglen tamderben asan susuleji, bindo mardi janggadan d'ong len tangorre urunglenten. Kitungan ad'ong sanensenan de-ete.


isu Kristun ahimling kudduben limtaben. Kitungan atiaiten arubmang Jjananban (Soura Magazine) sanle bar okij amben ampara arrabangben a royongan ahanglaihen asan boi boi m'oitinai. Kitungan asuyeman asan turdu bara marhenji, as'ing birindanji ampara kuddub dirna buhang tonananji, surda rangi guman, manan; 'Titali'anab s'id saring dajingteturdu bara marhenji abarasu as'ing, alanu jontunji ampara jannong Kuttalingan adakulin abittinji san'idan dele janangden, kuddub pwrardanji alu'ulinji asan Kitungan ad'ong sanensenan de-ete. Kan anggailing hanangan ahiman daku; Dinaba iten asan gamlenden, Panuangan adamaiten. Kan birnan batten tungmadgij bir mar Jisaya kuddub mandranji ad'ong abumengte. Yiraiba kan garamgaman iten; gandludben apsele aogandiba. Dina do Panuangan absuija, kan birnan pang obling; bindo darimadnan saring tagaldan kani rangan ayamlingan dilen baran lumben ate kal kaldam. Iten asan gamlenden, kan ambrij ayamling dimadnaben apsele kuddub mandranji aitsuman daku. Benjamin Franklin gamle bo mandra kan ambrij bernan obllingeten, baiya togalan

dimadnaba do rayil tagaldan dinaba. Etteden mandran sukka samang lingan

dakute, do anin ganalaman do bittin adane mar dete. Kan abirna oblengben asan

liar, bindo dilen baran lumben ate boi boi lagzn. Kan akuddub baranji mandrengna

linglen absuiben delen den, kan kuddub baranji mandrengna linglen

abukkanaben dete. Kan anggai lingan hananglen ahim, Dinaba do Pnuangben

absuiba. Kitungan anindaman kani baran lumle d'onglen bailangten, dinaba do

VISHWA VANI ODISHA STATE CO-ORDINATOR AMANG SARING:

LANUNGUDAN SARING KITUNGAN AGUGU PANUANGAN:

panuangben absuiba. Kan kuddub baran lumben asan anin d'ong len ranabten

do garam gamanji abgandludlangten. Dina iten asan gamlenden, panuangnam adamaiten:Kani lingan kani baran lumben asan Kitungan kan Magazine sanle

abumenglangten. Jarditen gamle ordaran apintu anab kal kal batte, anga anga

anlen bara lingan battue dage delangten. Kan asan anappai Pol janng ednegoi

idoleten, karahidan sanle anlen ganzrsaian delai. Kan asan pintu baran lumben

atena karudkudlen saring kukkalenji, kana san Kitungan d'onglen abkzlkzlle

gamlangten; Dinaba do Puangnaba. Kan panuang biran angante oganditabe,

jarditena anlen rwbmangdalangten. Bindo atanakud lingan anlen galamtabe Jisun yante gamle Jiudi jattin saring

d'onglen janang ajattidam maranji abmeben asan sedalanglen. Kan asan

badloim Pol idoleten, anin d'ong-len aon daman adeben adanen tiaiten. Aganugu

ranabtin abdaneaiten, anosaijan kan anosaijan handramben apsele danen,

ranukku singlingan gangkilben apsele anordin, do kan kuddub baran abojoraiben aspele sanibdaij biranji Jiudin orde biggarda

jattinji bute dele janangden pintun luman lumle Kitungan aganugun saring

sabngaidamlinji gamle oblingeten. Kan asan nam dinna lingan Jisaya d'onglen

gamlangten ordaran alanangkaling lanugudan yiraten do tungtung parjed

lanungudan mandranji ad'ong ablublubeten. Kan asan anlenji apsele kan saring

urnan rabti adhangbe, orde hangben apsele iteja tangoran agasa; bindo anlen

apsele ayaman atarda ayam sikkoija panabban do laungudan daku. Kan asan kuni akuddub kanal kalan saring yante

gamle anlen urnan hangtebe, kana san asuyem sanrangan batteanin d'ong len

gamlangten, Dinaba do Puangnaba. Kan ate Kitungan asuyem taniytiyanna. Do

Jisu Kristun battemangbalen ardusingaiten. Kan ate bogad dirrenben den anlen

lungud godan saring tanandin do kznnoraian saring lanu'un hangtebe. Tungmad gijber mar Jisaya sanleKitungan d'onglen gamlangten, Dinaba do

Panuangben absuiba. Iten asan gamlenden amben apsele panuangan

adamaiten do kitungan aganugu manemeng lanagkalingben ablublubte.

Angante kan kuddub garamgamanji galamben asan tiyj'etenbe, anlen imtembe

kan birnan Kitungan aganugunna. Do kani lingan anosaibiran ampara bangsa anobling biranji daku. Anosaijan batte

pintunenji gadlamt, bindo bangsa anobling biranji batte alumlaben apintunji

saring tanabmadan rapti hnatabe gamled'onglen babyete. Miysi

battenmangbalen Kitungan banantongan do edanan abardusingtai, bindo

biggardasing batte mangbalen Kitungan saring tanabmadan do lanu'un daku

gamle gadlam langten. Okij miysi batte Kitungan saring amben bogad abyar j'elen turdum jingle

agarbirren den anablun ahangte gamle, bindo miysi batten; butente kan ambrij

abara adlume anin apsele sa'idan, to'gi singban do kznnoraian panidpidan dete

gamle gadlamte. Butente karahidan hangle, bindo anabyage dinna lingan

yarmengle dineten do pintulenji tabmadben asan oskaidam dakubar irahidan

amandrengnan tiyle ruangban urungben asan sibdaij berneten, anin d'onglen

gamlangten, butente janardin,mandrengnan do tangoran anin kan birnan

gamlangten, Dinaba do Panuangben absuiba. Kitungan abara ling buhangben Benjamin Das

Vishwa Vani Samarpan November 2018 | SOURA 15

Anumengan do tabme arsang

kud birindan:

Tudumul ranukkun sanle anlen

m a d a m - l e n b a t t e m a r i d

janggardan arwbmang baran

alumten ate agijtai.Kitungan

ganugun de-ete, tudum ul

gorjangan bo barulingan daku,

kun gorjang l ingan marid

janggardan arwbmang baran

batte nami tabmedage Jisun

a m a n g b a n d i r r e n j i d o

agagananj i , a jumjumnanj i

kuddub banandan dele, bar okij

nami bagu s'ing birinda bangsa

anoblingabiran amdangle Jisun

ad'ong ablu-mar-hen gamle

jaleji. Kun ate anlen rapti kijtabe,

nami aninji Kitungan ad'ong

Timyimle dakuji do tabme

mandrengnan hangleji. Bar nami

tudumul ranukku lingan 390

dirna maranji ganzrsaian dele.

Bar 46 s'ing birindan yante gamle

umengdage bangsa anoblingan

jale Jisun amangban yirtaiji do

Junesh Gamango Sanle kun

gor jangbanj i ad i rna l ingan

marangteji do banandan deteji

kan apsele garbirba.

Benjamin Das

Atanakud ayam lingan Kitungan

arubmang baran:

Samba Jilla lingan do Bada gorjang

l i n g a n J a m m u K a s h m i r

amanengba; bangsa anoblingan

anabardun dele. Sohan lai as'ing

birinda kun bangsa anoblingan

amdangle dakuji. Do asurda

danggardi onan Dikas asing

birindanji er marid janggardan batte

daku l i ,bar baran tong i jdage

as'ingbirindalinganji dakule, do dile

tagalda arub ad'onganji turdaleji;

bar kurdanan ad'ong gudingle

purre j i , b indo sanamangan

ahangadji. Bo dinna bangsa

anobling bara mar Promud Kumar

kun as'ingbanji sanle yireten, do

adanggardi onan kun bangsa

anoblin bara maran ad'ong gijeten,

do kuddub birnanji ad'ongan

gadlameten bar kun bangsa

anobling maran as'ungbanji yiran

yirre Jisun ahim lingan iyeten

garbire. Kitungan ad'ong ganugun

de-ete, kun bangsa anobling maran

agarbiran Kitungan jale; kun

s'ingan saring ir marid janggardan

sangaile, do kun s'ing birndan nami

sanabyun batte basule Kitungan

ad'ong gangkile dakuji. Halleluya –

Bara mar Ajay Varma


Ahimhen Vinaya Nanda, Gorjangan Patoli Jammu Kashmir amanengba. Ganadlamber hen kani; Kitungan s'ing

birinda ling hen bo rwbmangdage abara Kitungan lumeten. Gamlenden Sidrungan sidrunglen 5 minhum dele, bindo ranardong lung len pasijan er hanang. Iten asan gamlenden; d'ong ling len ateng kanal kalan do sanintanan do s'ing birndan er sanabyun asan anlen s'ing birindalen er tu'ulge dakulilen.

Do hanaben asan janangden tangor lingan anlen garoidage delilen. Iten asan gamlenden; mandranji d'onglen gabroimadlilenji. Kun ambrij ayam lingan Moha Patra,

gamle bo bangsa anobling maran ad'ong S'ingbalen ad'ongan gudingle kun birnanji kudduban ad'ongan agadlamlai, kun adnang kuni Kitungan aboanta d'onglen babyele Kitungan abirna amdangle ablumar-len gamle ajalende;

kun kudduban kanal akal ben saring Kitungan d'ongben rabrabte do sayamte gamle d'onglen tiybirlenten.

Do kun saring s'ing birinda linglenji abo j'en dean dele,Kitungan arubmang bara agijben do ahangben asan;anlen aoskai dakulilen. Do dile todong kun bangsa anobling buhangan s'ingbalen iyle Jisun arubmangbara biran barren s'ing birindalen ad'ong abuyublenten. Kun ayam lingan saring Jisu Kristun ad'ong ablumarlen gamle kuddub s'ingbirindaling len ajalai.

Kun atiki Kitungan atanimyim d'onglen angaja adnasaed; kun saring s'ingbirinda ling len sanittan yiraiten, gamlenden; Jisun ajalyen saring ranardong ling len 5 Minhum atiki bo resasijan d'ong len tiylenten. Kan ate Kitungan arubmang baran ted po? Anten asan Kitungan s'ing birinda lingle rubmang baran lumle panuangan tiylenten. Kitungan ad'ong ganugun de-ete. Vinay–Nanda Aberinda

KITUNGAN D'ONG-HEN ABDILE ABPUANIYTEN! AD'ONGAN GANUGUN DE-ETE.

Tanimyimdam kulam henji, ganadlambiran kani gamlenden; ayingante agorjangbanji namintan sikkoija Jisun abangsa anoblingan indrang ardue kun ambrij agorjang lingan bangsa anobling buhanglenji as'ing birindan sanle, kun gorjangbanji dakulin Jisun abirna pangle dakuji. Anten asan aninji apsele asui mangben saring asuyem taniyan Vishwa Vani ompu S'ing birindan sanle November anggai mangbaben rapti anlen ardutai, kan ati ganarbirren. Address Vishwa Vani, 20, Raghu Street, Thirumalai Nagar, Pudur, Ambattur,Chennai- 600053, www.vishwavani.org, [email protected]

JISUN AKRUKUD SANLEN EDSUM TANIYAN BARA MARLENJI A D'ONG...


BANGSA ANOBLING BARANNA D'ONG LEN ABPUANGTE:Mani Kumar rai Sikkim amanengba saring asui

ganadlambiran. Sikkim bo baru disa lingan daku. Kun baru

disa lingan Jisun abangsa anobling biran abwdben asan Upper

Rimbik disaban basule dakuneten. Kun ayaman adnang hen bo dinna kun bangsa anobling

buhangan ad'ong rabanglai. Kun ayaman hen d'ong hen JIsun

abirnan ablingihten, bindo danggardaon henji adakuliji asan

ad'ongan hen batonglih. Gamlenden heni bo tanimna mar

dakulih abo manengan erdakuna. Kan kampungan asan ateng gardabanji gorodle bebaralinai. Kun asan dile

dinnan kun bangsa anobling maran rabti er rabang. Bindwo anogandilinghen

dakuli, kan yar yar baru lingan amandraji kan bangsa anobling biran batte do

Jisun amangba iyante gamle dirtenji kan ate ogallai. Do kun anogandi Kitungan

abojoraieten. Bar okij bo gorjang lingan bangsa anobling mar Tshering Lepcha upper Rimbika

lingan baralin dakuneten. Anin batte 7 s'ing birinda Jisun ad'ong ajaben asan

oskai dakuleji do aninji akuddub birindan Jisun amangban adirnaben asan gabri

j'elinji. Aninji gijan gijle toy toy gorjang maranji janangden; abaranji, abirnanji gijle

malidsumdaliji. Aninji bo arabsui sakki maran ambrij tanangleji. Kun saring anlen dile tordong Kitungan amangban garbirnaben do baranaben

Kitungan abirna ahangnaben asan royongan tiylilen. Bar Sikkim sorkaran sanle

janang s'inganji rapti anlen agutullai kan asan Kitungan ad'ong Ganugun de-ete. Bara mar Simon Rai

IDSUM TANIY

We s t B e n g a l a m a n e n g b a K u s a h i a r b a r i agorjanglingan Mr. Shyam Lal bangsa anobling baran lumte. Do kun gorjangan apsele St. Kanni Mariyal ranukku buhanganji sanle bangsa anoblingan apsele dile angaijlingan taniy tiyan tiyle dakuji, bar Tutkurin jilla lingan janang 30.09.2018 adnang Rev. Dixon Jesudoss sanle Vel lamadam ranukkulingan surped garbiran danakkun dele. Kan asan Kitungan ganugun de-ete. Bar ayingante abuhanganji kan bara lingan sayam li lenji, aninji ad'ong janang kara loge asentaiji. Manan Mr. Pattu Raj do Mrs. Joyce Pattu Raj bar artanudu bara maranji batte bangsa anobling bara maran ir ardu gorjang banji appaileji. Bara mar Jenish, Nazareth

ABSITTALE APPAIBAJI!


Anlen daibwran do ladso bwran sanle jannongban arduben asan angante hanangodan asuslai, kun adnang lanangka ling len

ganuran janang dakule.

Do gorjanganji barun atarangdiling dakuliji, dele janangden; kan kuddub tanangadanji kuddub karidalilen. Angante kuttalingan adelen Kitungan aranabti batte arubmang baranji anlen agijlai, titte saring hen mission office Gummalaximpur, Vizianagarm jilla Andhra Pradesh ban September 25 tarikon ardule.

Bar Odisha do Andhra atanamsu disa Rella gorjang ban Girjasingan asanurped garber apsele ardule, hen gijlai do gorjang lingan akuddub mandranji garbir anogandin batte d'onglen jalilenji. Tabme abyar j'ena maranji batte sanurpedan adelen agirja sing banarijan dele, do aninji danebdeban,kenkenan do tongsengan batte barij aman'oihanji sanle kuddub ganangkil baran alumlenji ate hen gijlai.

Atiki man'oihan batte m'odhen saring amaddan dungnaiten. Bar janang ayingante amandraji bangsa anobling biran amdangle Jisun amangban dirrenji, asakki biranji amdangle hen Kitungan ad'ong senlai. Kan kuddub baranji tungna loge janardin do janggardan batte baran adelen ate hen imlinai. Atiki buhangan Jesuraj batte bara maranji, ranukkun anab hana marji ad'ong senan senle; yangamle kun gorjangbanji bangsa anobling biran ardule anin oblingeten.

Rella gorjang lingan 120 garannan 885 mandranji adanisam do kuni gorjang lingan Jatapu do Paidi jatti maranji basuteji. Do kan gorjang lingan baranaben asan 2003 sallon adnang Jatapu bara marren Ganapati do anin ampara Paidi jatti bara maranji mailin Rella gorjang lingan baran susuleji. Anganti kan gorjang lingan baran susuben apsele oskainan dele, marid janggardan d'onglen aur sayameten. Do bangsa anobling biran amdangben apsele kara loge kitungan danggardanji do danggardinji auggar rieten.

Kan asan Danggardanji kun gorjang lingan yante gamle baran baiyale harte, kan a san bara maran ad'ong sayamleji. Angante Kitungan abirna jabmolan ambrij banwdbwdan dele, M Srinivasarao Rella gorjang saring Kitungan apsele surped damnete. Kun atiki bo mandra atiki bo mandra 4 s'ing birinda amandraji Jisun ad'ong jale abyarj'elin girjanaben apsele osakian osakilen, November 1 tarikon 2003 sallon adnang girjan susuleji. Susunan adnang ayingante amandraji kan kuddub birnanji sanaisaijted gamle ogandileji Kitungan ajanggarda batten anab hanan dean dele, aninji janang dirge dirge abyar j'elin gorjanglingan dirna maranji adanisam manarangan dele.

Kuni 4 abmang abyar j'ena s'ing birindanji amandrengna sakki birnaji

MURDA BARA DANE BARAMAR SARINGMURDA BARA DANE BARAMAR SARINGMURDA BARA DANE BARAMAR SARING


batte gorjang lingan dirna maranji manarangan dean dele 40 mandra deleji. Bar Tamilnadu disan garbir do taniytiy sanayam maranji ataniytiy batte gorjangan asusuna tangorban aboi Girjasingan sanabjan dele. Do nami kun ranukkun saring 80 mandra tabbubdan hangleji, bar 20 mandra tabbubdan ahangben apsele anabukka hannagan aoskaina lingan dakuji. Nami kan Rella ranukku lingan dirna maranji adanisam 140 dele. Kitungan ad'ong sanensenan de-ete, a uggaranji sanle sakkaij amandrengna sakki biranji oblingteji do kan jananrdi biranji amdangle, abmang amang linganji adakulin atanangadanji ayimle Kitungan ad'ong jateji. Do kan agorjang saring dirna maranji biggarda adam gorjangba linganji bangsa anobling biran oblinteji. Do aninji sakkaij itsuman barij dirnan batte baran lumteji kan a san hen dirtinai baiya loge kun gorjangan amandraji Jisu Kristun amang dirtenji.

Bar janang Rella gorjangan saring Pasijanji, hangnalingan dakuji, do Kitungan asi ling surpedlen bara maranji aberna mannile mandranji abaratinanji asan abara jannong linganji, saroba linganji saring aur gandru'uran hangteji.

Do alanu jontunji janang Kitungan asuyeman asan baiya loge ganwrsaiyan tete. Kan kuddub anabsittan sikkoi bara marren Ganapati abangsa anoblingan batte dele. Do Rella gorjang lingan adelen abangsa anobling baran kuddub gorjanganji apsele bo arapsuidage. O'o Rella gorjangan Kitungan abirna batte panuangan dele. Bar ranukku lingan kuddub dirna maranji amandrengna ling Kitungan aranabti batte panuangdage deteji.

Kristu lingan tanimyim mar henji, bogad anlen disalen do jattilen tiki ayam abanangsan m'od damlen batte gijben asan itsum langlenanden, bangsa anobling biran ate oblingben asan sanaisaijdam kan ate j'elen batte aimnaben sanaisaij. Satta garbiran ted, bindo kun ampara er ardu gorjangbanji yante gamle bangsa anobling biran ardute; kun asan bara maranji ad'ong appaiben sanaisaij.

Etteden sikkoi Barata disa lingan adakun a er ardu gorjang lingan adakun amandraji ahim Jisu Kristun amandrengna kambollingan anindolan dete. Tanimyimdam kulamhenji, sanayama bara benji,taniytiybenji, anabkzlkzlberbernji, anlen apsele sanaisaij. Itente asakkai panuangan amben Kristun saring ahangle, kun ate handramle, bara lingan abmanggdnaba; do do disalenji abpuangba.

Kan asan adinaba, Kitungan atiaiyten apanuang batte biggardanji ad'ong abpuangbaji. Kitungan d'ongben absittaete. Roitad kambolan Baibolan gamte, ayingante amandraji ganalamdam do atenganji ad'ong roitad godban abhanateji, aninji sungkaran ambrij ruyang lingan panuangan deteji. (Dan 12:3)Hyderabad Kitungan abara ling

15.10.2018 P.Selvaraj,

Net WorkChairman, Vishwa vani


Vishwavani ompun sanle Kitungan ateng bangsa anobling maranji Jisun abangsa

anobling biran oblengben asan Kitungan

barij ayam bangsa anobling buhanganji ad'ong oskile tiylenten. Do kun buhabganji

sanle Kitungan aur rubmang baran; Arun ambrij abara dile minhuman lumle dakuji. Bar Ebri 5:4 angante anlen gijtaben,

yangan akampunglingan saring Kitungan bangsa anobling aopungben asan

sedaaiten. Kan asan (Gal 1:15) lingan gamte, kan akuddub anabsittan ahangben asan bangsa

anobling maranji ad'ong Kitungan sedaeten.

Kaninna Murda biran.

2018 sallo lingan 109 danggardanji bangsa

anobling baralingan amainaben asan itsumliji. Bar 12 rajam lingan Antiu ranukkulingan adirna

maranji ambrij bangsa anoblingan abudben asan ad'onganji Baibol hangna taniyan dete, do takudlin

atiki kun jannongban ad'onganji anappaiyan

deteji.

GANDRU'URAN TARTUMBEN APSELE BARA MARAN SANAISAIJ, ANTIUK RANUKKUN ABARA AMBRIJ BARAN SANAISAIJ.

Bangsa anobling lingan 109 mandra tabmedage mailinji.

Rajam / Area Ezras

1. Himachal Pradesh 13

2. Ethelbari Province 6

3. Coochbehar 4

4. Sikkim 7

5. Kokotta 13

6. Gujarat 17

7. Maharashtra 12

8. Andhra Pradesh 31

9. Karnataka 6

218 mandra baibol hangnalingan tabme dage mailinji.

Rajam / Area Ezras

1. Jammu and Kashmir 17

2. Himachal Pradesh 22

3. Punjab 304. Uttarakhand 205. Delhi / Haryana 106. Rajasthan 297. Uttar Pradesh 208. Bihar 59. Jarkhand 2010. Madhya Pradesh 2511. Chhattisgarh 20


Anagante dirna badloim maranji rukkutenj i sal i ten ruangl ingan man'oihan dete.

Iten asan gamlenden, Gamangtungan ad'ong abgugutej i do sentej i , garbirtenji,kanenkenan kenteji kan a ordarlingan bangsanaoblingan yante

gamle anojoraian dete, kanin na murda sanengsengan.

ten asan gamlenden, Gamangtungan ad'ong abguguteji do senteji, garbirtenji,kanenkenan kenteji kan a ordarlingan bangsanaoblingan yante gamle anojoraian dete, kanin na murda sanengsengan.

Anlen rajam lingan sobanji alumlai,Jandrumseng arajam lingan janggardalingan manarangan deleji. Kan ambrij ateng rajam lingan janang Kitungan asuyem baranji alumben apsele royongan ahanglai. Kanate 800 dirna maranji batte 8 rajam lingan adirna marji Thriparappu, aranukkulingan soban alumlai. Kan ranukku bara maranji Rev. Shadu Selvan kan akuddub ganangkilanji anin batte anabhanan delen asan

Kitungan ad'ong ganugun de-ete. Uante bagu saring aur mandranji Jisun ahim lingan rukkutenji, aninji ampara Kitungan dakuten. Do aninji aganarbiran Ua Kitungan amdangte,do ruangan asanangan ranzn dete. O'o anlen Kitungan asakki mar adetai.

Assam rajam lingan adakunji abangsa anobling bara maranji, West Bengal, Monipur do Tripura, abangsa anobling jannong lingan Kitungan asakki biran aoblingben asan saneng senglen. Do konnya kumari arajaman saring, ataniytiyanji, aganarbiranji do sobanji alumben apsele bar janggardan alabamben asan, taniytiyan tiyteji.

Kan asan Kitungan ganugun de-ete. Anlen rapti gijtaben Kitungan asanittan amanglinganji daku, anlen Kitungan ad'ong asentai; ayingan a Kitungan aboantan kan ambrij sanengsengan tiybirre bara maranji appaile Kitungan aniji ad'ongan absittaete.

Ayirtaien 6 anggai lingan bangsa anobling bara maranji anabpaian dete. Do kun bangsa anobling bara maranji ad'ong asayamben apsele sanayamtiy maranji sanaisaij detelen. Kan bangsa anobling bara maranji ad'ong Kitungan handramete.

Sanayam maranji ad'ong, Girjasingan agutulteji abara marji ad'ong, soba lingan anabhana maran ad'ong kan kuddubanji as'ing birindanji ad'ong Kitungan abanangsa daman batte aninji ad'ong abittaete. Pon Suborson

KANNYA KUMARI JILLAN SARING DIRNA BADLOIM MARANJI ASOBAN-2018KANNYA KUMARI JILLAN SARING DIRNA BADLOIM MARANJI ASOBAN-2018KANNYA KUMARI JILLAN SARING DIRNA BADLOIM MARANJI ASOBAN-2018

October 2 | Thirparappu


ungmad gijber mar Jisaya Israel birindanji ad'ong gameten, amben Tdinaban do puanbente; panuangben mangbaben yiraite. Kan ate Kitngan aganugu asan mangbaben yiraiten. Kan abirna d'ongben gamte. Anlen itsumlenji daku mangben saring anumengan dungnaite, uggarben banddaba, ranukkulingben banandan de-ete, sanabyu lingan janardi sanulingan tanangba. Itsumlen daku; sanabyu lingan m'oinaba, kan ate garbirnalen, do Kitungan gameten; dinaba do Puangbente, panungan mangbaben yiraiten. Kan ati bar okij Kitungan gamte. Anlen aogandiben dete, marid janggardan arubmang baranji Jisay 60 asurda lingan Kitungan apasijanji yan gmle Kitungan aninji ad'ong tangorte. 3 Kardalingan gijtaben, bar biggarda jattinji tana'rnam adamban do rajanji danungyung panuangbanam yirtaiji. Kan ambrij arubmang bara lanuman anlen rapti gijtabe. Bogad anlen okij 20 karda sikkoija anlen gijtabe, uyungnam okij dedlin ayire orde anggainam janng okij dedlin ayire, iten asan gamlenden Gamangtungan tarada ayam apanalidnam dete, bar edana dinnanamji tanakudan dete. Kan satta ted, Kitungan atanakudlingan gameten; henna Kitungben! Kan ate amben agalamte.O'o tanimyimdam buhangji, Kitungan anindaman arubmang baranji mangbalen abpungile kun kudduban anlen saring ahangben asan anin oskai daku. Kan asan adinaba do apuanba.Dina do Panuangnam absuija…Alen adinaben detena orde apuangben detena. Gamlenden marid janggardan kan ate d'ong len banaihan tiayiten. Kan asan anlen aualdamnaba, uan saring adinabendete? Uan saring apuangben dete? Do Kitungan uan saring d'ong len abdilangtin? Pintun saring po? Ayingante amandra Jisun ad'ong ablumar hen gamle jaeten, aninjina JIsun amiham batte tanandin deliji. Kun saring tanagoran dele, anganti anlen Episi 2:5-7 gijtabe, anlen kristun ampara abyarmeng lalen asuyeman batte amben ranab raban ahangle. Anlen ruang lingan Jisun ampara agobgob daku. Kan ati badloyim Pol gamte. Iten asan gamlenden anlen Kristun saring tanandin delai. Bar pintun saring okij dinaben ted, anlen bagu berna lingan manan “adinaben dete do apuangben dete.” Dimandnan saring saring Dinaba:Badloim Pol gamte, Rom 13:11 bar janang amben ayaman galamle yante gamle dimandnan saring adlingnan adeben asan anlen apsele ardual andreng dele. Anlen Kristu maranji asan anablun do tanandin delai, anten asan anle Kitungan apasijanji gamle ganudingan delai. Aman adimadnaben ted, adinaben sanaijsaij. Anlle agalamben sanaisaij

-Rev. Emmanuel Gnanaraj, Director Garbir ompu saring.ABO MONNA GARBIRRINGAN KITUNGAN ANUBUMENGAN G'IJTE.ABO MONNA GARBIRRINGAN KITUNGAN ANUBUMENGAN G'IJTE.ABO MONNA GARBIRRINGAN KITUNGAN ANUBUMENGAN G'IJTE.


ayaman tuyale yiraten. Kan asan dimadnan sarinh adinaben sanaisaij. Atanakud ayamlingan ayengante adirna asusnalingan dakuli kun adirna takud ayam sikkoija ayimben dete. Anlen rapti d'ongdage pedde dimadtenbe, bindo Janggardalingan ate man'oihan batte anlen dian dilen garbirlingan do Kitungan asanempursingaban do Kitungan abarara apsele taniytiyan do baibolan akinolan kan akudduban ate baralenna. Kan batte anlen darimadnaling len saring ababling langten do man'oihan tiylangten bar era hid mandrengnan tiylangten.Karahidan saring dinaba. Badloim Pol gamte, karahidan saring dinaba. Epis 5:14 anten asan anin gamte, e dimadten amandra adlingna, do karahid maranji amang saring dina. Bar Kristun abpuantam. Kan akuddub birnna Episi ranukku lingan adakun Kristu dirna maranji Janggardan amanarangan asan idoleten. Dinaba, karahidan saring dinaba. Ayingante amandra janggardalingan dimadten do ayingante amandra d'ongdage janang dimadten; aninji akahid kan ate Badloim Pol gamte. Ayingan amandra janggarda lingan akahid anin Kitungan apasijan gamle danisaman dete. Ayingante akristu mar karahid maranji ampara dimadten; kun saring adinaben sanaisaij. Kun lingan bagu berna Pol idoleten; 1 . Bar lanungudan a er jano'odage baran ampara arturdudong (Episi 5:11)2 . do ayaman irsin asana tam royongben ambrij bangsale baraba. (Episi 5:16) Anlen mandrengna Kristu gamle ganudingan hangtabe do bara lenji do birnalenji batte anlen mandranji amangban abgijtabe. Anten asan anlen umengnaben sanaisaij do Kristun ampara turdunaben sanaisaij. Yangamle dilen panuangan absuitabe?Kuddub krsitu maranji kristun ambrij ame'engben dete, Kan atina Kristu aitsuman. Kuddub kristu maranji yante gamle hanangna maranji dile dinnan Jisun Kristun ampara mailin akulinji, Jisun abirna amdangleji do Jisun abirna mannileji kan ate anlen (Jon 1:9) rapti gijle raptitabe. (Dile mandran ad'ong abpuangten ajanardi panal;idan, saliten ordarban yiraiten) Jisun ahanangna maranji sedaeten, do anin ampara apuanben asan. Ayingante amandra pintu lungud singlingan gorodle daku anin ad'ong tana'ran tiyben asan Jisun ordarban yiraiten. Do ayingante amandra Jisun ampara basule dakuneten; anin ahanangna maran abmele. Do garbiran do Kitungan abirna kan akudduban batte anin amangbanji ranadun hangleji. 1 . amanengba damannjina dakulin kuddub Kitungan apasijanji Kitungan abirna kinolle garbiran batte do Kitungan batte arbirben asan royongan apangben dete, “Hen do baibolan” 2 . kan ate dile Tangsoi garbiran angajanangden omdabented,


ayaman JIsun batte arbirtaben abirna, garbiran omdaben ted. Jisun batte dakunaben asan hanghangnaben dete, anin ampara arberben dete. Itente sanaisaij agarben dete. Kan akuddub birnan anlen ranukkun batte rapti adhangbe do dirna maranji batte arabangtaben batte rapti adhangbe, bindo satta Jisun batte. 3 . s'ing birindan batte S'ing birinda garbiran aomdabented, garbernaben sanaisaij, siminli sing kuij goble garbirnaben tungna, garbiran ate kayatingdage ted. Angante anlen abo j'en batte garbirtenbe Kitungan s'ing birindalinglenji anabsittan do panuangan tiylangten. 4 . Angante dirna maranji Garbiran apsele ateng ayaman panga. rukkulen garbirtenji; Barata disan apsele kan garbiran bo ranisangge abumengteji, kan ati Kitungan gamte, Dinaba do panuangan debinte. Anten asan jaba anlen kuddublen mailin Kitungan ad'ong agijba; kuddublen rukkulin agarbirnaba, uante yirrabe janangden ganarbiran batte adakunab, etteden Kitung len disalen apsele bo anumengan do banangsan appaitai.

28.05.2018 tarikon adnang Andhra Pradesh l ingan Ayyanakunta Gorjang lingan ganagkil singan agarbiran dele. Do kun lingan murda C.S.I. Gupamar Rev. P. Yeshudyan a d ' o n g G u d i n g l e K i t u n g a n aganugun asan kan gannasing garbiran dele. Bar tabme dage dirna m a r a n j i a j a n g g a r d a l i n g a n j i amanarangan asan do arabduben asan bangsa anobling maranji sanle kan kuddub baran lanuman dele. Anten asan anlen kara loge sanaiyam maranji do ranukku bara maranji ad'ong boi boi asentaiji. Bar kun gorjangbanji bangsa anobling biran aoblingben asan Kitungan tangoran riyeten.

-E.S Jawahar, Kovilpatti

LANIMAN AMPARA D'ONGBEN ASENTABENLANIMAN AMPARA D'ONGBEN ASENTABENLANIMAN AMPARA D'ONGBEN ASENTABEN


1. Jammukashmir: Bible Hangna Ompu:174Sruti do Bindu, bangsa anobling biran amdangle abyar j'elinji. Anjali ja'adan duleten garberan batte samangle. Dhaynai agorjanglingan 3 garbir ompunji daku, agarbiranji batte ateng mandranji bzm bzm anasudan saring sanamangan hangleji. Kitungan ad'ong sanensenan de-ete Mamta Devi kudonben apsele ateng minhum saring garbir ringan dakuli Kitungan ad'ongan o'onan teyeten. Dugari sanrang maranji apsele Gruta agorjang lingan abduran dele, Joswant amanengba Kitungan abara apsele tanamderan daku garbirba; mandranji yante gamle Kitungan amangban tiy j'etenji. Proguall aranukku lingan dirna maranji yante gamle Kitung ganangkil lingan marangtiji garbirba. Swnkha do Suil adam gorjangbalingan yante gamle bangsa anobling baran solte garbirba. 2. Himanchal Pradesh: Bible Hangna Ompu:17368 Mandra Kitungan abirna amdangle abyar j'elin tabbubdan hangleji. Bangsa anobling sobalingan 35 mandra bangsa anobling biran amdangle Kitungan ad'ong jaleji. Himachali Jattinji amangling 7 Gorjangling tabme dage Girjan susunan dele. Bo s'ing birinda Gita gorjang saring Ritu abyar j'elin Girjanan susule. Bharat gorjangling bangsa anobling baran bangsale haten. Asha Rani er marid janggardan anab kalkalling daku, yante gamle anin do akuddub s'ing birindanji ranabraban hangteji,45 mandra November anggai lingan tabbubdan ahangben apsele aoskai daku, Sunil yante gamle gasalan omdate garbirba, Simala Jillan Jagati agorjang ling girjasingan asanabja bara yante gamle hadab ayamlingan takudte garbirba. 3. Punjab: Bible Hangna Ompu:204Menna buttente kensar bzmbzmlingan dakule garbiran batte rubmang dage

Kitungan surda baran anlenji apsele lumeten asan uggarrenji man'oihan batte banarijan dete. (S.K 126:3 )

SaninsinanSaninsinan do do garberangarberanSaninsinan do garberan

FRANUKKUNJI FRANUKKUNJI SARINGSARING BERNANJIBERNANJIFRANUKKUNJI SARING BERNANJI


sanamangan hangle Mandeep Kuar er marid janggardan batte kalkaldam dakule garbiran sanle sanamangan hangle. Tung Gorjanglingan bangsa anobling soban sanle 85 mandra Jisun apsele hanangan hangleji. Ayireten 6 anggailingan 10 Gorjang lingan tabme dage Girjanan susunan dele, do 85 mandra November anggailing Tabbubdan ahangben apsele oskai dakuji. 40 mandra bangsa anobling soban sanle Kitungan abirna amdangle Kitungan asilingan surped damlinji, dirnalingan yante gamle manarangan detiji garbira. Atual amanengban buhangan Kabith abangsa anobling baran batte ateng mandraji abyar j'elinji do Granthagar Gorjanglingan Girjasing baran susunan dele. Bar 85 mandra November anggailingan tabbubdan ahangben apsele oskai dakuji kan apsele garbirba.4. Uttarakhand: Bible Hangna Ompu:160 28 gorjangling bangsa anobling soban dele, 15 s'ing birinda amandraji abyar j'elin dirna maranji ampara girjalingan maina tanurdun hangleji. Gidhar agorjang ling Girjasingan sabjale surped gannasing garbiran dele, kan ate uttarakhand abmele anab monloi girjasingan. 38 mandra abyar j'elin tabbubdan hangleji. Rablodan batte Sepra gorjang bai as'ing d'an batte san'edan dele. 25 Gorjanglingan baranaben apsele bara maran sanaisaij. Aninji Gouani jattimar adeben sanaisaij. Jugidhan Nagland agorjangling Girjasingan sabjaben apsele jannongan sanaisaij. Kumauni ajatti marji apsele bara maran sanaisaij garbirba.5. Hariyana: Bible Hangna Ompu:81Ranin atanongba as'ing birindanji omdale biggarda basule, garbiran sanle anin dayaraiten do as'ing birindanji ampara basuteji. Sonipath Jillaling tabmedage baran susuben apsele 5 Gorjanganji sanedan dele. 20 minhum dele Protap singh kulma janggardan batte kanalkalan dele, bindo garbiran batte Jisun ahimling sanamangan dele. Jabandhapur agorjangling Girjasingan ganutulan dele. Kitungan ad'ong sanensenan de-ete. Aswarpur arankku a Kristu marji yante gamle dirnalingan marangteji garbirba. Hatin agorjangling tabme abyar j'ena maranji yante gamle dile togalan girjalingan maitenji garbirba. Papnoua agorjangling yante gamle girjasingan sanabjan dete garbirba. Suhan Lal kenser bzmbzm lingan daku yante gamle sanamangan dete garbirba. 6. New Delhi : Bible Hangna Ompu:1220 mandra abyar j'elin Modhanpur Kadar aranukku ampara mainan hangleji. Buhangan Rahol do Ojet bangsa anobling biran amdangle abyar j'elinji, do amandrengna sakki biranji biggarda maranji amangban oblingteji. 7 Gorjanglingan Togal Girjan dele, 30 Danggardanji danggardanji asobaling maina tanurdun deleji, do tiki ayamling yante gamle Kitungan abangsa anobling baran lumteji kun apsele garbirba. 50 Hindi baibolan tabme dage Kitungan amang adelenji amandraji ad'ong taniyan dele. Aligaon amanengba baranebn apsele bara maran sanaisaoij. Ranukkunji apsele sopan,danebdeb jananbanji sanaisaij. Girjalingan hanangan tiyben apsele abmangod maranji sanaisaij. Sanjay, Josia do Anasu apsele garbirba yante gamle dirna lingan marangteji.7. Rajasthan: Bible Hangna Ompu:39614 minhum saring birrisum bzmbzm lingan adakulin buhangan komola a garbiran batte samangle. Bakari agorjangling duaihsuman a bara dakule bindo garbiran sanle sangaile. Balasindhur do Pildi aranukku ling dirna maranji daku


yante gamle manarangan deteji garbirba. Tabme dirna mar Probhu do Ramtu asakki biranji oblingteji. Keuda agorjang adamban amandraji yante gamle bangsa anoblingan jateji garbirba. Buhangan Sakhil, kardule yante gamle gijte garbirba. Kuntha Machar agorjangling girjasingan abar yante gamle takudte garbirba. Baluliya do Limthan agorjang amandraji bangsa anobling biran amandangbin asan itsumteji. Debari aranukku akristu marji yante gamle dirnan do janggardan batte manarangan detiji garbirba. 8. Uttarpradesh : Bible Hangna Ompu:2578 Gorjangling girjan susunan dele, Buhar agorjangling Girjasingan asanabja baran susunan dele, 75 mandra abyar j'elin tabbubdan hangleji, 47 gorjangling togalan adnang bangsa anobling soban dele, 19 s'ing birinda amandraji abyar j'elin girjatenji, Raguna butente uggar anasudalingan dakuli garbiran batte sananmangan hangle do kan apsele asakki biranji Rogunath pur agorjang amandranji amang ling oblingte. Janpur amanengba bangsa anobling biran oblingben apsele royngan susunan dele. 2400 mandra bangsa anobling soba lingan saring bangsa anobling biranji amdangle Jisun ad'ong jaben asan itsumteji. Ram Lal kenser bzmbzm lingan daku garbirba. Sakkalpur agorjang amandraji yante gamle bangsa anoblingan jateji garbirba. 9. Bihar : Bible Hangna Ompu:140 Bhojpur amanengban Kitungan abirna amdangle 18 mandra tabbubdan hanleji. Rapash pur agorjang ling bangsa anobling soban dele, do 60 mandra bangsa anobling biran amdangleji. Kophil do Rakhi kulman batte anabkalkalan deleji garbiran sanle samangliji, aninji Kulariya aranukkuling akuddub s'ing birindanji ampara girjatinji. Sotiendra Kumar as'ing Sodipopur agorjang bai bangsa anobling baran apsele surpedeten. Bara mar Mutilal ahanang batte Balli agorjang baiji yante gamle abyar j'etenji garbirba. Bhojpuri maranji apsele anlen aboi abduran alumben asan aitsumtai garbirba. Jottahanpur amanengba baranaben apsele baranaben apsele bara maran sanaisaij. Chinta Devi as'ingling sanabyun agasa yante gamle aninji gamle Kitungan asanabyu hangteji garbirba. Katesor do Dharampur agorjang ling bangsa anoblingan dele, yante gamle aninji dirtenji garbirba.10. Assam : Bible Hangna Ompu:120 Kumarisali do Durgapur agorjang saring abyar j'elin 9 mandra tabbubdan hangleji. Kitungan abara alumben asan 65 mandra rukkulinji bindo aninji saring 40 mandra sanedan deliji aninji apsele garbirba. Bagsa Jilla lingan 5 gorjangling Baibol bir hangna bara ompu susunan dele. Mising Jatti maranji amangling do Gora ampara Karbi amangban yante gamle baran susunan dete garbirba. Baramar Sonjibo Boro do Nathaniel Murmu ayanganji Kitungan urungetenji aninji kanudilingan dakuji yante gamle banabyen hangteji garbirba. 32 dirna maranji tabbubdan ahangben apsele oskai daku. Batipara do Chandia gaon aranukku ling girjasingan asabjaben apsele saneng sengan daku. GoalaPara do Kokhrajhar agorjangling yante gamle baran susunan dete garbirba. 11. Manipur : Bible Hangna Ompu:147Yumnam gorjang lingan 10 s'ing birinda tabmedage Jisun abangsa anoblingan amdangleji, do Salungbham do Wongai agorjang ling 28 mandra tabme dagi


Jisun ad'ong ablumarlen gamle jaleji. Tekcham gorjang lingan Girjasingan ganutulan dele. 300 mandra anabsitta garbir soba lingan mailinji. Phumlou gorjang lingan 13 mandra bangsa anob ling biran amdangleji, 5 mandra abyar j'elinji. Songneichung do as'ing boijan gardi tanangadan saring ganu'ungan dele, yantegamle Kitungan saring sanamangan tetiji garbirba. Kangla do Isingtembi agorjangban bangsa anobling bara maran anappaiyan dele yante gamle jan'odage dete garbirba. Phaynga ranukku lingan dirna maran amananrangan apsele garbirba, 52 mandranji ad'ong bangsa anobling biran anoppungan dele, yante gamle Baibol hangna lingan tiydamtinji kan apsele garbirba. 12. Tripura: Bible Hangna Ompu:276Ajoy Tripura do Santi Tripura kan bagu buhanganji bangsa anoblingan amdangan amdangle er marid janumjumanji omdaleji, Rubber Colony tabme sareba singan agnnasingan dele. 64 mandra tabme dage Jisun amangban abyar j'enaben asan royongan panleji. Amal buhangan Er gari boban saring (Kika) saring ganarbiran batte Kitungan anin ad'ong sanamangan tiyeten Kitungan ad'ong ganugun de-ete. Champari para,Jatidra par, Borchora agorjanglingan Girjasingan sanaisaij. Ranjan do Elisa yantegamle pasijan rapti hangteji garbirba. 5 girjasingan asanabja bara halin daku, yante gamle 3 anggai along ling baran takudte garbirba. Ravindra Debbarma Parales bzm bzm lingan daku asanamangan asan garbirba. 13. West Bengal- Nadia Jilla : Bible Hangna Ompu:05Aninl buhangan Parles bzmbzman saring Jisun ahimlingan sanamangan hangeten. Asmin Mandal as'ing birindan Kitungan sanle bo Bangsa s'ingan gutulle rabtileji. Agomoni Mullck kidney kanalkalan saring Kitungan ad'ongan bo tabme mandrengnan tiyeten. Sikha Mandal as'ing birindan asu bzmbzman saring Kitungan ad'onganji sanamangan tiyeten. Daniel ir garibob (kika) lingan daku yante gamle Jisun ahim lingan sanamangan dete garbirba. Kousic buhangan Tanamderlingan daku yante gamle Kitung dirnalingan tanangte garbirba. 13 Danggardanji sanle yantegamle Kitungan abangsa anobling baran rwbmangdage lanuman dete; kana san garbirba. Nirmola do Anna, atang lingan kanalkalan batte dakuji kan asan Jisun ahim lingan garbirba. 14. West Bengal Cooch Behar: Bible Hangna Ompu:28Dhwoal Basti lingan adelin abangsa anobling soban sanle 38 mandra bangsa anobling biran amdangle Jisun apsele amonna linganji oganditeji. Puresh Das as'ing birindanji Kitungan ad'ong agangkilben asan itsumteji. Kusairabari agorjangling dirna maranji batte adam gorjangban bangsa anobling baran susunan dele. Yagi mandra abyar j'elin tabbubdan hangleji. Dharia agorjang ling adelin a bangsa anobling soba do banantin adelen Baibol bir kambolanji batte 60 s'ing birinda amangba Kitungan abirna hareten. Ramtenga a Gorjangling aganangkil bara manarangan dele. Mainabri agorjang ling bangsa anobling siniman anabsuijan batte mandranji abyar j'elinji. Murugutu amanengban tanamderan daku Jisun ahimlingan yante gamle sangaite garbirba. Singimari agorjang ling 105 mandra bangsa anobling biran amdangleji yante gamle abyarj'etenji garbirba. 15. West Bengal Darjeeling Jilla: Bible Hangna Ompu:50


Gouramoni agorjang saring 120 mandra tabme dage Jisun arapsuiganij (Film) gijan gijle Jisun ad'ong galamleji. Munsiline gorjang lingan bangsa anoblingan anoblingan dele, 20 mandra kun lingan itsum dakuji. Chikkan Metti gorjang lingan bangsa anobling baran alumben asan tangoran arani daku. Shabad gorjang ingan 9 mandra Jisun ad'ong tabme dage jaleji. Ghospukur gorjanglingan tabbubda soban alumben asan aoskai daku. 13 mandra Kitungan abangsa anblin bir bara alumben asan itsum daku. Ranji do Sunil Kika bzm bzm lingan dakuji. Hansqua aranukku lingan toytoy gorjangbanji yante gamle bangsa anobling baran anabardun dete; kan akudduban apsele Kitungan amangban surped garberba. 16. West Bengal –Ethelbari amanengba : Bible Hangna Ompu:133 8 mandra tabme dage abyar j'elinji; Kitngan aitsuman ambrij Santi pora aranukulingan sarebasingan asanabja baran halin daku, kan ajannongbanji Baibol hangna 82 ompun manarangan dele. 12 pasijanji silai kab hangnalingan mailinji.56 mandra tabbubdanaben asan oskai dakuji yante gamle anojorayan dete garbirba. 23 gorjang lingan Girjasingan agutulben asan oskai daku. Jalpaiguri Jilla lingan bangsa anobling baran alumben asan gorjanganji manelmelan dele, yante gamle kun gorjanglingan bangsa anobling bir baranji rapti dete kan apsele garbiorba. Laxmikant puram aranukkun apsele Girjasingan sanaisaij kan apsele garbirba. 17. West Bengal Kolkata : Bible Hangna Ompu:141Baria, Jaito,Khandaori do Gupinath pur agorjang ling tabmedage girjan susunan dele. Ratna 9 minhum adanggarda mobmo dakuli, garbiran atiki birnaben raptite Kitungan ad'ong sanensenan de-ete. Bo ompol danggardan batte, Atpara agorjang ling bangsa anobling baran susunan dele. Madhura Das butente er marid janggardan batte anabhanan dele, garbiran batte sanamangan delen asan asakki biran Kaliganja agorjang ling oblingte. 20 mandra abyar j'elin tabbubdan hangleji, Malda,Bordhoman do Medhinpur ajillaling bangsa anobling baran alumben asan bara maran sanaisaij. Khela mandi golingdan batte as'ingan s'idli yante gamle Kitungan amang dirten garbirba. Chammi Ansada Littananda pur agorjang bai bangsa anobling biran amdangle yante gamle dirten do akuddub sing birindanji anablun hangteji garbirba. Bikramandi birrisum banzmbzmlingan daku yante gamle samangte garbirba. 18. Odisha Ganjam do Gajapati Jilla: Bible Hangna Ompu:136 Buroipada agorjang saring 6 mandra abyar j'elin tabbubdan hangleji. Arsinga Sabar, bangsa anobling baran dangdangeten do as'ing birindan saring anansan hangeten atiki bangsa anobling biran amdangle abyar j'eneten. Robi Sabar bzmbzm lingan dakule, garbiran batte sanamangan hangle, Bhorot Soboro Kristu godan apsele ateng tanamderan hangle janangden; er itnage dirna lingan daku. Pekot saring Bishwanath Soboro akuddub s'ing birindanji 8 mandra Kitungan abirnan amdangle abyar j'elinji. Garbirba yante gamle tarini,Sontoso do Prosuno mandal bangsa anobling biran amdangle abyar j'etenji. Kombari Sahi agorjang ling adelen abangsa anobling soban yante gamle jan'odage dete garbirba. Bangsa anonobling mar buhangan Malla Bada Roito, Kitungan asuyum asan yagi anggai atiki asui haten yante gamle hanaben apsele barij ranabtin hangte garbirba. Gonjam do Gajapati jilla lingan 7 gorjanglingan girjasingan asanabja bara haten, yantegamle hadab ayamlingan baran takudte garbirba.


19. Odisha Kandhamala Jilla: Bible HangnaOmpu:104Ambika Digal abyar j'elin tabme mandrengnan hangle. Kanista Digal garbiran batte as'idlen atangliyji rabangeten, Bishwajeet bo s'ing birindanji abyar j'elin Malika Sahi aranukku adirna maranji ampara mailin Girjatinji. Kandhamala Jillaling baranji marangli nami 131 gorjanglingan haten. Kabiraj Digal hanan adrabtie yante gamle hanaben apsele ranaptin hangte garbirba. Dutukagong aranukkuling Kristu maranji dirna lingan yante gamle marangtiji garbirba. Jiten Digal yante gamle tabbubdan hangte garbirba. Nuasahi do Ponoso sahi, adirna marji yante gamle Kitung banantong lingan yante gamle marangtiji garbirba. Mohon Singh do Maloti singh auggarlingan Kitungan yante gamle barate garbirba. 20. Odisha Rayagada Jilla: Bible Hangna ompu:14026 mandra abyar j'elin tabbubdan hangleji garbirba. Korni bodra agorjang ling bangsa anobling baran apsele danangdngan agasa, yante gamle bangsa anobling biran amdangle abyar j'etenji garbirba. Ragdardising agorjang amandraji bangsa anobling biranji amdangben asan itsumteji. Silason Bhuyan hanaben asan yante gamle ranabtin hangte garbirba. Likti podor agorjang saring 3 s'ing birinda amandraji abyar j'elin Jisun ad'ong jaleji yante gamle dirnalingan maranteji garbirba. Sampani agorjang ling Kitungan abara apsele namintan tanamderan daku garbirba. Sartil agorjang ling girjasingan sabjaben apsele yante gamle jannongan hanangan dete garbirba. Pobitra Soboro 2 anggai dele rabti aggije, yante gamle rabti gijte garbirba. 21. Chhattisgarh: Bible Hangna Ompu:217Tabbubdan ahangben apsele 22 mandra hangnalingan dakuji. Iswari as'ing birinda sidrunglin dajingte minhum dele, bindo akkud onadji; bindo nami Kitungan ataniytiyan ambrij aboi o'onan ahanglenji asan Kitungan ad'ong senteji. Jasmam lab lab bzmbzm mar garbiran batte Jisun ahim ling sanamangan dele. Bara mar Saju singh garbiran batte as'ingboijan pangur o'onle Kitungan ad'ong sanensenan de-ete. Tabme bara mar Raj Kumar do Anil Kumar, yante gamle Kitungan abara apsele ranaptin hangteji garbirba. Sarasiwa agorjangling bangsa anobling soban yantegamle dete, do janggardanji hanangan dete kan apsele garbirba. Dawalpetta agorjang saring yante gamle gasal baran kanaddaban dete, garbirba. Yante gamle Mandhir asaud do Mulmula aranukku amandraji, janggardalingan manarangan detiji garbirba. 22. Madhyapradeh : Bible Hangna Ompu:276Jatapura agorjang ling girjasingan sanabjan dele, 14 mandra abyar j'elin tabbubdan hangleji. Baramar Dharendra aerna aguina batte, Jatapur amanengba tabmedage okij yagi gorjang ling Baibol bir hangna ompun susunan dele. Tonanan Kantin atanongba yagi angai dele s'ingan omdale yireten, garbirba yante gamle s'ingban dayarre yirtai. Mendha pani agorjang amandraji surda mano'oih lingan dakuji, 121 mandra Baibol ber hangna ompu baralingan mailin dirna lingan manarangan detiji. Kadhanpur do Nalla agorjang lingan Girjasingan asanabja baran yante gamle atam aganabri ayamlingan tanabkudan dete garbirba. Golgi bai as'ing birindalingan Kitungan ataniytiyan ambrij pasijan yante gamle hangteji garbirba. Garbirba yante gamle Bhaglei do Gudaru araukkuling dirna maranji manarangan detiji. 23. Gujarat Narmad Jilla lingan : Bible Hangna Ompu:59


Mahulipada gorjanglingan bangsa anobling baran susunan adelin asan, 4 s'ing birindan amandraji bangsa anobling biran amdangleji. Buhangan Denish Bhai, bo s'ing birindanji Mojar agorjang adirna marji ampara mailin girjatenji. Kadamba agorjang bai Norsing bai garberan batte kenser bzmbzman saring sanamangan hangle. Pulaben butente; bias j'adan aranam saring rwbmangdage sanamangan hangle kan apsele asakki biran Chimmi Pattal agorjangling oblingte. Barthiben butente; uggar anasudalingan daku, yante gamle sanamangan hangte garbirba. Mujra agorjang saring 18 mandra tabbubdan ahangben apsele a oskai dakuji kan apsele garbirba. Jyutiben kulma janggardan batte kalkaldam daku, yante gamle samangte garbirba. Sabuti do Jummabadi agorjang ling Girjan susunan dean dele,dirna maranji yante gamle dirna lingan marangtiji garbirba. 24. Gujarat Dong Jilla : Bible Hangna Ompu:94 Mohon Bhai, Electri tudan batte janumtudan dele, yante gamle sanamangan dete garbirba. Danggunia aranukku adirna maranji Kukana jatti maranji abarasu Novapada Grampanchayat Office apsele garbirreji, nami kun manengban adakun amandraji Kitungan atanimyim biranji amdangben asan itsumteji. Bennaben asu bzmbzm lingan dakuli, purpur maranji apurpur bara batte sanamangan ahangben asan ateng baran do lebun karsuleji bindo sanamangan adhangadji, angante garbiran batte Jisun amangba yirraiji Jisun ahimling sanamangan delen asan kani sakki biran Bhet agorjang lingan oblingte. Ukla Pani do Bertala aranukkuling dirna maranji manarangan deriji, Kitungan abirna amdangle barsunna gayilan omdale. Garbirba sangka rugam bzmbzm boij Priyongkaben yante gamle sanamangan hangte.15 minhum adanggarda Chiran Kumar kalla do mobmo mar yante gamle Kitungan aranabti batte samangti, Sakarpattal agorjangling yante gamle girjsingan sanabjan dete garbirba. 25. Gujarat Surat Jilla : Bible Hangna Ompu:135Kitungan abirna amdangben asan aitsumtenji amandraji apsele 120 gorjanglingan soban dele. Do 1570 mandra rukkulen Kitungan abirna amdangleji. 12 gorjang lingan bara susuben asan tabme dage ganabrin dele, 36 mandra Kitungan abirna amdangle abyar j'elin tabnubdan hangle ranukku lingan dirna maranji ampara anabmainan deliji. Samalkuba agorjangling Girjasingan asanbja baran susunan dele. 101 mandra tabbubdan hangben asan oskailenji. Marid janggardan asanayam batte 14 gorjang lingan tabme dage Girjasingan asanabja bara susuben asan itsumteji. Tonananji asoba lingan saring 600 pasijanji apsele 4 dinna sikkoija Uttewad agorjang ling soban alumben asan ganabrin dele. Garbirba yante gamle Barath amanengba Kitungan abangsa anobling baran alumben asan royongan hanangan dete. Garbirba yante gamle Tuked do Malikuba agorjang adirna maranji aseng s'ingan sabjale Girjatinji, do kan ate banandan dean dele, Building singan rapti sanabjan dete. 26. Gujarat- Topi Jilla lingan: Bible Hangna Ompu:145 Rupoda Gorjang saring Mr. Kula Bhai Gamiti bangsa anoblingan anamdangan batte er gari j'e kanal kalan saring sanamangan hangle. Bhavan Bhai as'ing birinda; bangsa anoblingan hangle bo s'ing birindanji sanabyu lingan dakuji. Daniel Bhai Gamit, Bangsa anobling baran anumingan batte kawala gorjanglingan baraten, bar banagam do Topi Khandakal amanengba bangsa


anobling biran amdangben asan aitsumanji daku. Pitadar agorjang saring Gangali Ben paralis bzmbzman saring yante gamle sanamangan ahangte kan apsele garbirba. Gotpada do Ganthak Gorjangbanji bangsa anoblingan anoblingan dele yante gamle tabme janggardanji rapti yirataiji kan apsele garbirba. Sirma a Gorjan saring Shailesh Bhai yante gamle aj'en bandaten Garberba. Kelkui do Amalasadi agorjang adirna marji janggardalingan yante gamle mananrangan deteji kan apsele garbirba. 27. Maharashtra : Bible Hangna Ompu:259Kolara agorjang saring buhangan Babankar Kitungan asakki ber appungle daku. Shirul do Soboronda tabme dage dirna maranji anum garbiran lumle Kitungan aninjisanle ateng rubmang baran lumte. Mudi Pur gorjanglingan Danggardanji Jisun ad'ong ablu-mar-hen gamle jaleji, Kitungan ad'ong ganugun de-ete Deoulgaon Sareba singan agutulben asan royongan hanangan dele. Ahmednagar amanengban bangsa anobling baran apsele bara maran sanaisaij. Saunded gorjang lingan sareba singan aganutulan asan jannongan sanaisaij. Biloli gorjang lingan bangsa anoblingan baran atanamderlingan daku. Bangsa anobling mar Gunwant, aturdu boijan kidney bzmbzm lingan daku yante gamle sanamangan hangte kan apsele ganarbiran. 28. Telangan : Bible Hangna Ompu:293Sheeklikala as'ing birinidan saring bangsa anobling baran alumben asan dirna lingan atanang dakuji. Bar kan as'ing birndan Sorkar saring aboi s'ingan janang hangleji. Bhanu as'ing birinda 6 Minhum atiki Kitungan aranardong linganji bo resasijan tiyeten. 8 mandra tabmedage tabbbubdan hangleji, Sondhya T.B. rugaaman saring Kitungan anin ad'ong sanamangan tiyeten Kitungan ad'ong ganugun de-ete. Kamareddy atannodban yante gamle Kitungan abangsa anobling baran lumle araptitai kan apsele garbirba. Rajayathanda, Laxman puram, Akkram, Narnor, Bethagudam kan gorjanglinganji Girjasingan asanabja bara halin daku, yante gamle hadab ayang lingan baran takudte kan apsele gabirba. Jagan Jilla lingan tabmedage bangsa anobling baran alumben asan tangoran yante gamle ahangtai garbirba. Kistarain gorjanglingan dirna lingan yante gamle manarangan dete garbirba. Ramudu buhangan Tanongyim rugam lingan daku; yante gamle Kitungan saring tabme mandrengnan hangte barbirba. 29. Andhra Pradesh- Vizianagaram: Bible Hangna Ompu:293Korkuduvalasa agorjang lingan tabme dage bangsa anobling baran sanusun dele, kun lingan 2 s'ing birinda bangsa anobling biran ajaben asan oskai dakuji. Gottivalasa agorjang lingan sareba singan asabjaben asab jannongan hanangan dele. Vanja gorjang lingan urub girjan sanle ateng tabme janggardanji Kitungan amangban yirtaiji. Kitungan ad'ong ganugun de-ete; Mallapeta, Vijaypuri, Dukkalavalasa, Mahindravalasa bangsa anobling biran oblingben asan royongan ahanglai. Antivalasa amanegban bangsa anobling baran apsele bara maran sanaisaij. Bobbli Gorjang lingan 200 pasijan sanle Soban lanuman dete. Vizianagarm Jilla lingan adakun a dirna boantanji,yante gamle sarebasingan abara anumengan batte baratenji kan apsele garbirba. Dongabadravalasa a ranukkun apsele sarebasingan agutulben apsele jannongan sanaisaij , yante gamle hile raptiteji garbirba.


30. Karnataka : Bible Hangna Ompu:16020 gorjang lingan tabmedage bangsa anobling bir baran sanusun dele. Hanumanthappa buhangan bias j'adan adanulan saring garbiran batte samangli bar Bande Timlapur agorjangban asakki biran apungle. Ramesh as'ingbirindan 6 minhum abmang abyar j'elinji badih, bindo akoij dayarreji atiki nami bar okij Bullapura aranukkuban yirre girjanabin asan susuleji, Kitungan ad'ong ganugun de-ete. Laxman buhangan ir ganalam bzmbzm lingan daku, yante gamle sanamangan hangte garbirba. Rajula ranukku lingan yante gamle janggardalingan manarangan dete garbirba. Chitradurga Jilla lingan 49 gorjangbanji yante gamle Baibol hangna ompun susunan dete garbirba. 1858 mandra bangsa anoblin biran amdangleji yante gamle dirnalingan tanangteji garbirba.

2 tim 2:2 lingan Badloim Pol gaemeten, bar ateng sakki maranji ampara itente abirna mangling hen saring aman amdangle, antate biggardanji ad'ong ahanghangben asan ranabtidam adelen; adirnadage mandraji asilingan supeda. Kan abirna Maharashtra ajannogbanji abojoraian dete. Kitungan Ganugun de-ete iten asan gamlenden tabme dage bangsa anobling bara maranji 12 mandra kan manengbanji tiylenten. Aninji 3 anggaij sikkoija hanglinji, aninji garbiran batte anoskaian dele, bar yangamle toy toy gorjangbanji bangsa anobling biran ardute; kun ataniybiran tiyle ad'onganji anappaian dele. September 15 tarikon adnang Rev. Prokash Gadre sanle Laghadwal training center sanurped garbiran dele. Bangsa anobling baran ir ardu gorjangbanji alumben asan bangsa anobling marlenji biggarda biggarda gorjangan survey abmeleji. Do kun gorjangbanji ayiganti ajanggrdanji akahid dakuji; aniji ad'ong arabraben asan 8 mandra tabme dage bangsa anoblingan aopungben asan amangbanji anappaian dele. Manan Mangga, Mohar, Gondha, Chambara, Kunbi lang lang maranji amangba do Gondia agorjangbanji, Vidarabha ajilla amanengba janang, bar

okij 4 tabmedage bara maran sanle; bangsa anoblingan aoblingben asan susunan dele. Absamangben asan si nam abj'unsinai, do marid boantanam Jisun ahim lingan arabmadanji do rubmang lanumanji gadilete. Anappai 4:30 -Sunil Dhurve, Ambernath

TABME JANNONGBAN APPAIBEN APSELE 12 MANDRA HANGNAN TABKUDLE DANINDLINGAN DAKU:


ANARDONG BIRANJI - vishwa vani18 SO.pdfAndhra pradeh lingan 31 danggardanji baibol hangnan tabkudle...

Documents

Transcript of ANARDONG BIRANJI - vishwa vani18 SO.pdfAndhra pradeh lingan 31 danggardanji baibol hangnan tabkudle...