Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

thla|au (March) 11, 2019 thaw|anni (Monday)

GAS NEWSAgency : SASBooking :23rd. Jan. , 2019 to 16th.FeB.., 2019delivery :11-03-2019 (MOn)Time : 9AM - till stockstOCK : 306 @rate:Rs. 820/-

M/s SBL Indane GV, Lamzang Booking upto: Feb.18, 2019 Time: 7:30 -9:00am M/s LML Indane GV, Zoveng Jan.1-31, 2019 . Time: 10:00am - 3:30pm 19kg & 5kg available. Haran Valley, Kwakta. Dec.21, 2018- Jan. 1, 2019 Stock: 306. Time: 7:30-10:30 am

Hmasawnna Thar Vol - 34/150 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

NEWS TOMkiMcHANcHIN LAKTAWI

TCS in vawisun 17th Convocation Service ccPur: Trinity College and Seminary (TCS) chun March 11, 2019, 2:00PM hin Rev. Chawnga Memo-rial Chapel, Sielmat, CCPur,

Manipur-ah 17th Convoca-tion Service hmang an tih. Hi huna hin Rev. John L. Pudaite, President, Trin-ity College and Seminary in

graduates hai degree inhlan-na nei a ta, Rev. Jonathan M. Melin, Founder, By De-sign Ministries Int’l in con-vocation address hril a tih.

PMEGP meeting neiccPur: March 10, 2019, 1:00PM khan PMEGP Beneficiaries Association, CCPur hnuoia DIC, KVIB le KVIC in a sponsored 2018-19 a PMEGP Loan beneficiaries, sienkhawm Bank-a inthawk SMS la hmu lo/thawn lo han Hmar-veng Community Hall-ah meeting an nei. Meeting huna hin Assn. President chun PMEGP loan chungchang hrillangna le loan thua la buoi hai Chief Minister le Principal Secre-tary bakah Director inhmu-puia intlun a nita thu a hril. Meeting-a hin beneficiaries tamlem an \hangnaw leiin March 13, 2019 a meeting nei nawk dingin an rel.

PMJAY enrolment thaw ding booking March 15 chen full

ccPur: Ministry of Health & Family Wel-fare, Govt. of India hnu-oia sawrkar thlungpuiin mi rethei zuolhai ta dinga

damnaw huna \hangpuina an hmu theina ding Ay-ushman Bharat- Pradhan Mantri Jan Arogya Yojana (AB-PMJAY) a hung \an

le inzawmin enrolment a fe mek a. PMJAY Kiosk a in-thawk chanchin dawng danin March 15, 2019 chena dingin hi thila enrol-ment thaw na ding booking a full ta a, March 16, 2019, 9:30AM-10:45AM inkar in booking thaw thei nawk ni dingin a hril. Booking thaw huna hin Original docu-ment hai chawi a \ul niin an hril. >>sunzawmna phek 2-ah

LUNGDAw FIELNA

Hi a hnuoi a hun le hmun ruot ah hin, mi hringtu kan nû (L) Chawngsangmawi (07-09-1935 = 09-07-2013) W/o.(L) Lien\hakung Shunate hrietzingna Lungdaw hawngna hunser hmang kan tuma, hung \hang ding le Lungdaw Ruoi mi hung kîlpui dingin, hi Chanchinbu tiemtuhai popo kan fiel cheu.

A hun : 1:30 PM (12th March 2019.)

A hmun : Mr. Zuola Shunate In, Phaiveng, Muolvaiphei. Sungkuoaiafieltu, -Mr.laltlansang Shunate le a sanghai. Muolvaiphei.(11,12)

LS Election ding le inzawmin meeting koccPur: Lok Sabha Electio hung um ding le inzawmin march 11, 2019, 2:00PM hin district sunga Political parties tum tum le Press/Media hai ta din-gin DC Ofifce, Tuibong, CCPur-ah meeting ko a nih. Hi huna hin political parties le press/media hai chu \hang seng dingin S. Khaikhopao Ngaihte, Dy.

District Election Officer/AC CCPur district chun ngenna le inhriettirna a siem. Chun, vawisun ma 11:00AM hin DC Office, Tuibong, CCPur-ah MCC Monitoring Committee meeting um a ta, hi huna hin District le Assembly level MCC Monitoring Committee hai le EROs/

AEROs hai \hang seng dinga inhriettir an nih. Chun, 12:00Noon hin District Nodal Officers hai ta dingin meeting ko a ni bawk. Hi huna hi Lok Sab-ha Election hung um dinga District Level Nodal Of-ficers a ruot hai chu \hang seng dingin Dy. DEO/AC, CCPur district chun an hri-ettir bawk.

Nuhmei thisa ruong hmu

ccPur: Zani zantieng dar 3 vel khan P.Kamdou Veng Part-IV a dum lai Ms Dim-sienching, d/o (L) Kampau chu a thisaa hmu a nih. Ms Dimsienching hi Vajing khaw mi, P.Kamdou Veng Part-IV a cheng a nih. A ruong hi vawisun hin P.Kamdou veng thlanmuo-lah vui liem ning a tih.

Bomb deng khum a nihccPur: Zani hmasa zan dar 12:10 vel khan Pu Letthang Haokip, Chief of Moljen Vil-lage, henglep Sub-Division, Churachandpur District, tuta AIR, Churachandpur, Tuibong sake la S.Muoldung

Village a cheng umna in chu tu ti hriet lo han bomb in an va deng a, mihriem thi le hliem an um naw a, a in hmun \henkhat chu bomb puokin a sukdiet nuol niin ei thu dawngna chun a hril.

Manipur-ah LS election April 11 le 18 haiah nei dingiMPhal: Zanikhan Elec-tion Commission of India chun 17th Lok Sabha elec-tion hun ding a puonglang ta, hi le inzawma zanita Chief Electoral Officer, Manipur in Press Note an suo dungzuiin Manipur a Lok Sabha seats pahni haia election chu phase 2 a nei ning a tih. April 11, 2019 in 2-Outer Manipur (ST) Parliamen-tary Constituency-ah first phase election nei ning a tih. Election Notification 18-03-2019 ah insuo ning a ta, in candidate nuomhai ta dingin 25-03-2019 chen Nomination file thei ning a ta, Scrutiny 26-03-2019 ah nei ning a ta, candidate inhnukdawk nuomhai ta dingin 28-03-2019 chenin inhnukdawk thei ning a tih. Second phase 1-In-ner Manipur Parliamentary Constituency-a election chu April 18, 2019 ah nei ning a tih. Election Notification

19-03-2019 ah insuo ning a ta, in candidate nuomhai ta dingin 26-03-2019 chenin nomination paper file thei ning a ta, Scrutiny 27-03-2019 ah nei ning a ta, can-didate inhnukdawk nuom-hai ta dingin 29-03-2019 chenin inhnukdawk thei an tih. Votes tla hai May 23, 2019 ah tiem ning a tih. Chun election Modal Code of Conduct khawm hmang nghal a nih. Manipur Lok Sabha constituencies pahni – Out-er le Inner haia vote tla hai

May 23, 2019 in tiem ning a ta, election process chu May 27, 2019 a zo ning a tih tiin PK Singh, Chief Electoral Officer (CEO), Manipur in Pathienni zantienga Lamphelpat, Imphal-a press conference a ko hunah chanchinbumi-hai kuomah a hril. Election nei hun ding puong a nita le inzawm hin Electoral Roll a deletation le correction process chu sukchawl nghal ni tang a ta, sienkhawm addition chu >>sunzawmna phek 4-ah

Election Commission in April 11-May 19 sung Lok Sabha Election Phase 7 a nei dingin a puong new delhi: Khawvela democracy lientak India sawrkar thar siemna dinga 17th Lok Sabha Election 2019 nei dan ding chu zani khan Election Commission of India (ECI)-in a puong tah a. Phase saria nei ding Vote thlakna hmaatak chu April 11 ah \an ning a ta, vote thlak tawpna tak May 19 niin result po po chu May 23 ah puong ning a tih. Lok Sabha member 543 thlangna ding election le inruol hin state pali Andhra Pradesh, Arunachal, Odi-sha le Sikkim hai Assem-bly election khawm nei ni nghal a ta. J&K ruok chu security thil leiin nei la ni naw nih tiin Chief Election Commissioner Sunil Arora chun a hril. Press conference-a a hril dan chun election no-tice puong le inruol hin Election Code of Conduct hmang nghal a nih a. Tu

kum chu kum dang nekin a strict-in a khau lem a, a changkang lem bawk ding niin a hril. India mipui crore 90 vel vote thlak thei ding an um a, polling station nuoi 10 hawng ning a ta. A ren-gin 17.4 lakh ‘Voter Veri-fiable Paper Audit Trail’ (VVPAT) hmang ning a tih

tiin a hril. VVPAT baka hin EVM le GPS hai khawm hmang nih bawk a tih. First Phase April 11, Second April 18, Third April 23, Fourth April 29, Fifth May 6, Sixth May 12 le Seventh May 19 ah nei ning a ta. Manipur chu First Phase April 11 ah Outer Manipur vote thlakin In-

ner Manipur chu April 18 ah thlak ning a tih tiin CEC Mr Arora chun a hril. Vote tiemna chu May 23 ah ning a ta, hi ni hma hin result puong nghal ning a tih. Phase khatnaa hin Constituency 91 poll-ing nei an ta, second ah biel 97, third phase ah biel 115, phase lina ah biel 71, phase

ngana ah biel 51, phase rukna ah biel 59 le a tawp takah biel 59 ah vote thlak ning a tih. Model Code of Con-duct hmang \an nghal a ni le inruolin sawrkarin mipui lungril keipet theina ding advertisement le policy hrim hrim suksuok phal ni ta naw nih tiin a hril a. Tu kum chu candidate haiin an social media account po po report pek ngai a ta. SM ah advertisement an thaw nuom a nih khawmin ‘pre-certification’ an lak hmasak ngai a tih, tiin a hril bawk. Print media ang thovin SM khawm khuokhir a nih tah. Electiona sum hmang dan ding le a zat khawm a siemthar a. Candidate pakhatin Rs.70 lakh chen hmang thei a ta, state 3 Arunachal Pradesh, Goa le Sikkim haia ruok chu Rs.54 lakh ning a tih.>>sunzawmna phek 4-ah

eac 71st General asembly zo

ccPur: March 6, 2019 a inthawk “Seltaka tlan” (Heb. 12:1) thupuia hmanga EAC Campus, Bible Hill, Rengkai, CCPur hmunah 71st Evangelical Assembly Church (EAC) General As-sembly \ana lo um ta chu March 10, 2019 zan khan hmang zo a lo nitah. Assembly tawpni Pa-thienni zing inkhawm hu-nah Rev. & Dr Lalrosiem Songate, Principal, ECI in Pathien thucha hriltu in a \hang a, chawhnung 12:30-4:30PM inkar sung “The Kingdom of God” ti thu-pui hmangin Seminar nei a ni a. Zan inkhawm hunah Rev. Huolthangsei |hiek, Executive Director, EAC thuhriltu niin Certificate le lawmman semna hun

hmang a ni a, hun tawpah Moderator in malsawmnain hun a khar. Assembly sunga thuhriltu dang hai chu Rev. Challienkung; Rev. Fimchawnthang; Rev. Lalkhamlien, M&E; Rev. & Dr lalhmuoklien le Mr David Yoon, Director, ITC, S. Korea hai an nih. Pathienni zingkar inkhawm hunah EAC As-sembly Musical Commit-tee in a sut Kristien Hlabu Tonic Solfa Rev. Huolthang-sei |hiek, Executive Direc-tor in a tlangzar bawk. Assembly chun kum 2019 budget dingin Rs 3,87,21,000 (3 Crores, 87 Lakh, 21 Thousand) an pawmpui.

EFcI 46th General Assembly zo; Mi 7 Ordination pek

ccPur: March 6, 2019 a inthawk Rengkai Muol-hlum, CCPur EFCI Biekin-a “Theina po po Insuo” ti thupui hmanga Evangelical Free Church of India (EFCI) 46th General Assembly \ana lo um ta chu Pathienni March 10, 2019 zan khan Rev. Im-manuel Lalthlenglien, TC&S chun Benediction a hun kha-rin Assembly a lo \um\iek tah.

Assembly sunga Pathien thu-cha hriltu hai chu Rev. Dr J. Huoplien Neitham, Mod-erator, EFCI; Rev. Scott Boerkel le Rev. Lallien-vel Pakhuongte, President, EFCI hai an nih. March 10, 2019 Pathienni zing inkhawm hunah mi 7 Pastor Ordination pek an nih. Pastor Ordination pek hai chu- 1. Pastor

Michael Lalmuonsang, 2.Pastor James Lalrothang Darngawn, 3. Pastor El Darngawn, 4. Laldawm-sang Pulamte, 5. Pastor Lalremthang, 6. Pastor Ramchullova le 7. Rev. Lalkhumvel Joute (revalida-tion/re-ordained) hai an nih. March 6, 2019 in Pas-toral Committee; Central Ramthar Board le Assem-bly Musical Committee in\hung a ni a, march 7, 2019 khan 100th Execu-tive Council in\hung niin, March 8-9, 2019 sun haiah Assembly Session in\hung a ni a. March 9, 2019 zan Assembly Worship Service \an a ni a, hi huna hin Pres-ident, Bibles For the Worl le President, EFCI haia in-thawk report ngaithlak a nih.

CM-in Start-Up Manipur |hangpuina sum a sem suok

iMPhal: Manipur \halai lekhathiem sin nei lohaiin sin an neia, midang khawm sin an siempek theina dinga project sawrkarin a thlang-suoka \hangpuina a pekna Start Up Manipur phase hnina a \hangpuina hmu-tuhai chu zani khan CM Mr N. Biren Singh-in a peksuok tawl. State Planning Depart-ment buotsai, Chief Minis-ter’s Secretariat complex-a neia hin CM chun Phase II na mihai a pek a. Phase I a mi beneficiary sum la hmu lo mi 6 hai a pek bawk. StartUp Manipur Phase I ah khan applicants 3966 an uma, Revenue stage (sum hui lut tah) mi 42, Idea State 575, Entrepre-neur Support Scheme hnu-oiah mi 177 \hangpuina

pek an nih. Ni kuma Phase I ah khan mi 334 \hangpui an ni bawk. CM chun, Manipur chun mithiem a haua, sawrkarin sin a pek seng si naw leiin anni le anni sin an inpek theina dingin project hai a \hangpui a nih. Sawrkar sin chau naw khawm fak hmu theina tamtak a um, tiin a hril. Mipuiin mani intode-

lin state-in hma sawn hrat sien a nuom leiin ni danga Bank loan harsa taka hnawt or hmu hlak kha tuhin chu awlsam taka an hmu zung zung theina dingin sukawl-sam a ni thu a hril a. Bank loan awlsam taka pekin thafan takin an rul nawk hlak niin a hril. Sawrkar chun \halaihai a ringzo a, a mipuihai >>sunzawmna phek 2-ah

DFwO hmalaknain IPPI First round nei

ccPur: District Fam-ily Welfare Officer, CCPur enkaina hnuoiah March 10, 2019 zingkara inthawk khan CCPur le Pherzawl District sunga khuo le veng tum tum haiah naupang kum 5 le a hnuoitieng hai Zenghri vengna damdawi indawntirna Intensified Pulse Polio Immunisation (IPPI)-2019 nei a nih. CCPur district a din-gin National Immunization Day, 2019 chu T. Paukhan-lian, Chairman, ADCC in khuolliena \hangin a hawng a, Functional President in Dr Vumchinpau Tonsing, CMO, CCPur functional president a \hangin nau-pang kum 5 hnuoitieng hai Polio indawntirna an nei. T. Paukhanlian chun, India chu Polio free coun-try a puong a nitah chu lawmum a ti thu le NID hlawtlingna dinga hmalatu

le sinthawtu hai inpaktlak an ni thu a hril. Dr Vumchinpau Tons-ing chun, khawvel pum-puiah Polio case suk-bohmak thei ding ninaw sienhawm India rama chun kum 2011 a inthawk khan Polio natna a um tanaw a, kum 2014 khan World Health Organisation (WHO) chun India chu Polio natna um tanawna hmunin a lo puong/hrietpui ta a ni thu a hril. India ramah Polio um lona kum 7 vel nita sienkhawm \henum ram-bung Pakistan, Afghanistan le Syria ram haiah Polio case a la um leiin hieng ram haia inthawk Polio natna la hung lut thei ding lakah fimkur thua IPPI hi sunzawm pei a la ni thu a hril. Zanita IPPI nei huna >>sunzawmna phek 2-ah

Skill/Aptitute test \huliMPhal: RIMS, Imphal hn-uoia thawk ding Multi-Tasking Staff sin lakna dinga March 11, 2019 a Skill/Aptitute Test nei dinga ti chu thuthar um nawk

hmakhata dinga \hul a nih tiin Administrative Officer, RIMS, Imphal-in inhriettirna a siem. Chun, candidate-hai chu an sin

apply tak (post hming) 23-03-2019 4PM chena Option Form hmanga pelut dinga inhriettir an nih.

cM-in Facilitation centre a Hawng

iMPhal: Chief Minister Mr. N. Biren Singh chun zani dar 11am khan MA-HUD Department buotsaina hnuoiah Citizen Facilitation Centre chu Cabinet Hall, Chief Minister’s Secretari-at, Imphal-ah a hawng tah. Kawng hran hrana mi-haiin an sawr/hmang thei ding hi Window System hmanga thaw a nih a. Docu-ment hran hran hai lakdawk

theina ding, hun tamtak khawral ngai ta lova thil thaw zung zung theina ding niin a hril. VISA khawm New Delhi or Kolkata hai kher kher fe ngai ta lova hitaka inthawk apply thei vawng ta ding niin a hril. Tuta inthawka thla ruk hnungah UK, Japan hai \hangin rambung 30 hai fena ding VISA apply >>sunzawmna phek 2-ah

Hmasawnna Thar2 thla|au (March) 11, 2019thaw|anni (Monday) article/health & eMPloyMent newS

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

SUNZAWMNAVAWISUN THUPUITukhawm tu chunga khawm thupawi nei ang unla, indaw tuoin, inngaidam tuo unla, Lalpa chun a ngaid-am ang tak cheu khan ngaidam ve ro.

-KOLOSSA 3: 13

Khawvel thar Minhriem seng seng Nu le Pa neia pienghai hi ei vangnei bik. NU le Pa kara pienghai hin ei vang-nei bikzie hi ei ngaituo hlak am? Duot taka mi en-kawlin ei hung in\hanglien pei a. Naute a inthawk naupang, naupang a inthawk tleirawl, tleirawl a inthawk nunghak le tlangval, nunghak le tlangval a inthawk nupui le papui ei hung ni hlak. Nupui le papui ei hung ni chen hin thil iengkim el ngaituo buoi ngai lovin ei nu le pa han an mi pek vawng hlak. Iengkhawm lungkham ding ei nein aw a, chuongchun ei hun inhawi le zangkhai takin ei hmang hlak. Tulai lem chu motor le mobile phone hai an min chawk pek a, hi bakah hin petrol, die-sel le top up man ding chen an mi pek bawk a, a hadamthlak hle el. |henkhat lem chun nu le pa hai chawm pek dingin nuhmei le nau dam ei nei tawl a ni hi! Nu le Pa hai mi hmangaina le an mi lunginsi-etna hi a ropui hle a, thil iengkim el hi an huom a nih. An nei bak le an thei bakin an mi enkawl ngam a nih. Nu le Pa hmangai let ve hi chu ei maw-phurna le ei bat a nih. Nu le pa hmangai let ve lo hi ei society sungah ngei khawm tam tak hmu le hriet ding an um. Nu le pa suknawmna hai hrim hrimin malsawmna le vangneina an dawng ngai nawh. Malsawmna le hlawtlingna hung dawng ve hlak hai sienkhawm hun sawt a dai ngai naw a, an tawpna chu beidawngna le harsatna a hung ni tho tho hlak. Bible a chun i nu le pa chawimawi rawh, Nu le pa ansie inlawtu chu ansie dawngin um raw se ti a nih. Nu le pa hmangai lo, lunginsiet lo le hmusit hi thil \ium a nih. Hun a fe pei a, kum 50/60 ei ni huna chun ei nu le pahai an hung tar a, \henkhat lem chun an mi thisan ta hlak. Ei hlim lai ni, ei lawm lai ni le inhawi ei ti lai ni hai a hung her liem a, a thlawna ei hmu hlak hai popo chu a hung tawp ta hlak. Mi han an mi hriet vena san ei nu le pa hai an um tak naw leiin hmel hriet an hung vang ta duok el. Sungkhat laina, unauhai po po khawm an hung bozo tah. Fena taphawtah \awngbau \ha hmu ding khawm a um ta mang nawh. A thlawna fak le dawn, damdawia inenkawlha hai khawm a hung tawp tah. Ni khawm a sawt nuom a, chawl hadamna ding khawm a um ta mang nawh. Hang insuk harna ding khawm a um ta nawh. Nu le pa ring ding an um tanaw leiin mania thaw a hung \ul ta hlak. Chuongchun, ei hriet naw karin ei van-glaini chu hun fe peiin a lo her liem ta der el a nih. Nu le pa an um tanaw leiin thil \ul iengkim el mani ngeia thaw a hung \ul ta a, ei ta ding chun khawvel thar a hung in\an ta a nih. Ni danga ei thaw \ul lo hai kha ei ni ngeiin ei hung thaw a \ul a, ei fe \ul nawna haiah khawm ei fe a hung \ul a, ei hril \ul ve ngai lo hai kha ei hril ve a hung \ul a. In khat Pa tak le in khat Nu tak nina chanvo kha ei thu le hla lovin ei chel a hung ngai a, ei ta ding chun khawvel thar tinaw ruol a ni nawh. Khawtlang le kohran thil haiah khawm mani ngei inlang a hung ngai tah. Ka nuom ve naw ti theina hrim ei nei tan aw a, iengkim el ei kuta innghat vawng a hung nitah. Nitina fak zawngna khawm a mawphurtu ei hung ni tah. Pa le Nu chan chang hi a lo harsa ngei el. Fena taphawtah nu le pa chan chang a \ul a, Naupang anga um le khawsa thei a nita nawh. Patling le Nutling ni a hung ngai tah. Kan zak ti le ka thiem ve naw ti thei a nit a nawh. Thaw nuom zawng, inhnik zawng, hmu nuom zawng, hril num zawng, inchei dan, um dan, khawsak dan, ngaipawimaw zawng, dit zawng, mamaw zawng le thil tinreng hai chu suk dan-glkam le thlakthleng a hung \ul vawng tah. Nu le pa um ta nawna khawvelah chun mawphurna tin-reng chu maniah a hung innghat ta a, fimkhur tak le \ha taka hun le nun hmang a ngai a, ring ding an um ta naw leiin ei ta dingin khawvel thar chu a lo nit a der el a nih. Sakhuona thil ngaitha thei a ni naw leiin insunga pa tak le nu tak hai liengkoah sakhuona thil tiengpanga thaw \ul popo a hung innghat vawng ta bawk hlak. Pathien \hang lo le sakhuona ngaisak lo chun khawvelah hin baksam a um hlak. Mihriemhai hi kum hlun ding ei um naw a, la thi ding vawng ei nih. Ei nu le pahai an thi hnun-gah an nauhai hin khawvel hi la hung hluo pei ei ta, tuta nu le pa ni lai mek hai hi tar niin la hung thi veng ei ta, ei nauhai le ei tu le te han khawvel hi la hung hluo nawk sawng pei an ta, ei chengna khawvel hi chu khawvel tawp hmakhat a um ding a nih. Khawvel thara chuongkai thei ding le in-hawi taka ei um theina ding chun mihriemhai hi mi puitling ei hung ni a \ul a nih. Khawvel thar hi mitin ta dinga induong a ni a, mi taima, mi ringum, mi indik le mi \ha hai chun inhawi takin hmang an ta, mi thabo le mi suol hai ruok chun khawvel hi rinum ti takin an la hung hmang ding a nih.

BJP veterans hai an ngir ding le dingnaw anni thutlukna dingnew delhi: BJP vet-eran leaders L.K. Advani le Murli Manohar Joshi hai chu Lok Sabha Election hung um dinga hin an ngir ding le dingnaw thuah anni in thut-lukna an siem dingin Zir-tawpni zana BJP Parliamen-tary Board meeting chun zalenna an pek niin party functionaries chun a hril. Zirtawpni zana BJP in parliamentary meeting an nei huna khan party chief Amit Shah bakah Prime Minister Narendra Modi,

Union Ministers Rajnath Singh, Sushma Swaraj, Ni-tin Gadkari, Arun Jaitley, Thaawarchand Gehlot, for-mer Madhya Pradesh chief minister Shivraj Singh

Chouhan and organisation-al secretary Ram Lal hai khawm \hangin Lok Sabha Election hung um dinga an party hmalak le thil thaw dan ding hai an hriltlang a nih.

Hieng laizing hin Na-galand a chun Zirtawpni khan senior leaders 21 han Congress party an zawm a. Congress zawm hai hi Chief Minister vawi 5 lo nita le senior party leader S.C. Jamir in Congress party huongah a lo lawm-lut. Nagaland-a Con-gress zawm thar hai lai hin Nagaland Pradesh Congress Committee (NPCC) President SI Jamir khawm a \hang.

MP sawrkarin OBC hai ta dingin 27% quotaBhoPal: Madhya Pradesh-a Congress sawrkar chun a state sunga Other Backward Classes (OBC) hai ta dinga seats huol pek

hlak chu 27% a sukpung dingin Inrinni khan Or-dinance an suo. A hma chun OBC hai hi 14% reservation pek an nih tiin state Law and Legal Af-

fairs minister PC Sharma chun a hril. OBC hai reserva-tion sukpunga um hi Lok Sabha Election hung um dinga OBC hai vote hui-

khawm tumnaa thaw ni dinga ring a nih. Madhya Pradesh a hin Lok Sabha seats 29 a um a, hi laia 26 chu BJP in an lak mek a nih.

J&K-ah Security forces 55 chuong an thi tahnew delhi: Jammu and Kashmir a chun tuta kum fe mek 2019 thla 3 khawm a liem hmain tuchenah ter-rorist hai chetna leiin secu-rity forces 55 chuongin thi-na an tuok tah. Kum 2018 sung khan 95 an thi bawk. February 14, 2019 a Pulwama, Jammu and Kashmir-a terrorist thichil pawl han car bomb an suk-puok huna khan CRPF personnel 40 chuong an thi a, kha huna khan Army 4 an \hangsa a, tukum sung Army personnel khawm 10 in an thi pha ta a. Pul-

wama thil tlung hnung khan Army 5 le security personnel 8 an thi ta bawk a nih. Kum 2018 kha security forces thi tam kum tak niin 100 vel an thi a nih. February 14, 2019 chen khan Terrorist 28 kap hlum an nita bakah Pulwama thil tlung hnung khan terrorist 16 that an ni ta bawk. South Asia Terror-ism Portal dungzuiin tu-kum sung hin Jammu and Kashir-ah Security per-sonnel 56 an thi ta a, Ter-rorist 44 that an ni ta bawk.

Kan Zinna –XVii

~ Ramthienghlim Varte

Kohran le Hmar Inpui (Hmar Supreme House) HI khawmpui inruol rupa churachandpur ah programme siem a ni leiin remchanga hmangin venga inzin dingin kan buotsai a. Hieng neka kan thaibuoina hih ka la hriet ngai nawh. AIRPORT SHUTTLE Meghalaya State Transport Corp. (MSTC) Shillong to Gopinath Bordoloi International Airport service a zing dar 6:00 a suok ding chuh zingkar dar 6:05-in ka hei tho phawt a, lungawi lo deuvin mi lo nghak \awk \awk a, putar inhai ang elin kan hmaw taluo leiin ka Wallet (Pawisa bag) ka thei nghil ti ka hei hriet suok nawk a. A beidawng thlak ngei el. A tlangpuiin Wallet a hin pawisa bakah document pawimaw hieng -I-Card, ATM, Driving License, PAN card le dang dang ei sie hlak hih. airPort Security : Tulaia India-Piakistan inkar buoina sosang zuol leiin ni dang nekin ram venghimna sinthaw pawlhai hin hma an lak nasa zuol a, Hmarsak NE India lem chuh thang an lak nasa nawk zuol a nih. Inzin-mi Vuongna a inzinhai ta ding lem chun VVIP/VIP naw chuh Airport huong sunga I-Card bova a lut thei lo ang thluk a nih. Beidawng leia ‘lalpa…. ‘ tia hei \awng\ai ding em khan chuh ka thang a tlawm deu leiin kan vir kuol vel a. Ar that dan chi tuam tuam a lo um ve tho leiin Imphal ka hungtlung thei hram chuh a ni khah. hMar inPui aSSeMBly : Umna hmun zirnaw leiin venga hin nuom angin sawt ei um thei ngai naw a. Tu kum chuh Hmar Inpui Assembly Secretariat ah hotu/\huoituhai ditsakna zarin mawphurna peka ka um anga sukpuitling dingin ka hung thangve a, state dang danga \huoituhai hung khawm ruol U, ruoltha le hotu/\huoitu inzaum tam takhai le inhmu tlangin lung an leng rum rum a, rorel khawm a rek ruk le bangkhai um lovin zo fel theiin a um a, lawm a um hle. hMar inPui election : H m a r Christian Leaders Forum (HCLF) ei kohran thiempu inzaum tak takhai inrawina hnuoiah Hmar Inpui 2019-21 sunga \huoitu ding thlangna (election) ei nei khah ka \hang vawi khatna a ni a. Hmarhai hih Kohran, khawtlang le organization hrang hrang mipui ai-awtu ding thlangna (election) kawnga hin ring nekin ei la’n hnuoi ka ti khawp el

a. Election dan le dun Hmar Inpui (HI) in khirkhan le felfai taka a siemhai dai ner zawnga boruok \hanaw a hung vuong lut leiin boruok a suklum hle a. Hun iemani chen election commission hma lakna suk bahla pha’n a um nghe nghe leiin a pawi em em bakah ei Supreme House hmusitna le inzaumna a suk nep tu a nih. Amiruokchu, election Commission tienga inthawk ramhuoi thilthaw hnawtsuok ngam khawp a huoisen taka an hma lakna zarin Beram le Kel \hena dar an hung vuok a. Hall kawtkhar ah Pastor pahni vengtu sunthaw’n intlitfaina ropui a um ta a. Muolpho taka mipui hmaa ngira inpuong a hnawtsuok pawlhai tading lem khan chuh piengtharna khawp zet ni’n ka hriet. Chu zo chun inthlangna a um thei chau a nih. A ropui hem hem hle. Hiengang thil dit umlo tak hih a hung in \anna, an vir suok dan ngaituo a Diebol/suol thlthaw tirdakum le ditum lo tak hih organization danghai khawma hnawl ngam ding le mipui khawmin thei ang anga \hangpui tum ei tiu. ZinGKar inSawiZawi : Venga ka suok chang Tui\haphai ruom sung hmun hrang hrang fanga mit inlen hih a nih. Kan Zinna IX le XII a khan Tui\haphai hmun dang fanga ka thil hmuhai ka tarlang tah leiin tu tum hin chuh zingkar inzawisawi remchanga hmangin kan veng Khawmawi le a sevel chipchier deuvin kan vak kuol a. Mi thar le hmelthar an pung hrat em em a, pansak-panthlang lo le huona ei nei ram/hmun le kan tleirawl laia kan tuol chaina le Lawi chingna hmun le ram, Aimeiser sitna KIKIM vadung, Ngalpui, Ngallairang khuoi bu zawngna ram hai po po khawthar satin, In ropui le kawtthler mawi tak takin a sip zo tah a. Saidan, Khawmawi le M.Ramthar ti naw chuh khuo le khuo infe pawna lamlien (pucca road) inhawi em emin a um khep khup el tah. Nu \awng hre lo deu vawng an ni leiin hmun danga umhai ding lem chun dawra Kuva takngiel khawm inchawk thei an ta naw deu thaw nih. Hun sawtnawtea chuh mani insunga takngiel khawm inthin dawr dawrin ro ei la rel ding a hawi. A tlangpuiin ei khaw delna hmun danghai khawm hun hungtlung ding pei ngaituo chun a ru inno pawlah ei thang pei ding a ni hih. March 8,2019

Futsal ChampionshipccPur: LamkaCore chun March 23, 2019 a inthawk khin Rayburn High Cam-pus, New Lamka-ah Futsal Championship, 2019 huoi-hawt an tih. Hi championship-a \hang nuom han Entry form Rs. 150 pein Students Book Store & Stationary, Rayburn College, CCPur-ah lak thei ning a ta, March 18, 2019

chenin Entry form bakah Fee Rs. 3000 le Security Rs. 500 leh peklut thei ning a tih. Champion team in Rs. 40,000+ Certficate + Medal dawng an ta, runner up in Rs. 20,000/- + Certificate + Medal dawng an ta, indi-vidual-ah Core Player, Top Scorer le Best Goalkeeper hai kuomah lawmman pek ni bawk an tih.

Parliamentary constituencies pahni haia nomination with-drawal thei hun tawpna ding ni 9 la bak chenah la sun-zawm pei ning a tih tiin CEO chun a hril. CEO chun print le electronic Media hai chu Model Code of Conduct inza seng dingin a ngen. Inthlangna fel le thienghlim taka nei a ni theina dinga international border areas hai kharna kawnga \hangpui dinga ngen dingin kar thar hin Paramilitary, Army le Assam Rifles hai meeting neipui a ni ding chu CEO chun a hril a, Suspensio of Operation (SoO) hnuoia um hai khawm an camp chitah um um le postal ballot hmang vote an tlak thei dan ding ngaituo a ni thu CEO chun a hril. Assembly Constituencies 60 um haia constituencies tinah Model Polling station pakhat pei le constituencies tinah all women polling stations pahni pei um ding le pi-engphunga ruolbanlo hai ta dinga vote thlak theina ding facilities siem a ni ding thu CEO chun a hril bawk.

Manipur-ah LS election April 11 le

hin CCPur le Pherzawl district sunga Polio damdawi in-dawntir dinga target chu naupang kum 5 le a hnuoitieng (CCPur-ah 26,329 le Pherzawl district-ah 2936) 29,265 an nih. Polio damdawi indawntirna ding hin Booth 423 hawng a ni a, Vaccinator 1692 ruot an ni bakah Sectoral Supervisors 80 le Divisional Supervisors 18 ruot an nih. CCPur district sungah Polio booth 326 hmang le Pherzawl district-ah Polio booth 97 hmang a nih.

DFWO hmalaknain IPPI First round

PMJAY hnuoia hin damnaw leia hospital-a in admit hunah sungkuo pakhatin kumkhatah Rs. 5 lakh chen in-enkawlna ding \hangpuina (sumfai ni lo) an dawng thei ding a nih. Hi ham\hatna dawng thei ding hai chu Socio-Eco-nomic & Caste Census 2011 list –a um hai le PM Modi a inthawk beneficiary ni theina lekhathawn dawng hai, hmeithai, piengphunga ruolbanlo, AAY Card holder hai an ni a, DC a verification case han Manipur Govt. in a lo \an Chief Ministergi Hakshelgi Tengbang (CMHT) hni thei an ta, kum khatah sungkuo pakhatin inenkawlna ding Rs. 2 lakh chen sawrkar \hangpuina (sumfai ni lo) an dawng thei ding a nih.

PMJAY enrolment booking full

khawm a ringzo a, chuleiin Bank loan khawm indik taka an rul nawk pei a beisei leiin tuta inthawk chu Start Up Manipur ah hin kum tin pawisa hmang ding Rs. 30 crore bituk a tum ta niin a hril. Kum hni sung chau khawmin Manipur-in nasatakin hma a sawn a. Tuhin Centre kuomah Imphal-Mandalay-Bangkok flight service khawm introduce dingin a ngen niin a hril. Tui harsatna le thing le ruo tlawm tiel tiela ram a \awl deu deunahai sukbona ding le dangna dingin tlangram le phairam mihai a ngen a. Abikin tlangram mihai chu Jhuming cultivation ni ta loa fak hmuna ding an nei thei dan ngaituo mek a ni thu a hril a. Phairam mihai khawm vadung hai sukbal zawnga iengkhawm thaw ta lo din-gin a hril a. Tui hi a harsa deu deu leiin ei enkawl \hat a pawimaw a nih tiin a hril. Zani ta function-a hi Deputy Chief Minister Mr. Y. Joykumar Singh, Health and Family Welfare Minister Mr. L. Jayantakumar, CAF and PD Minister Mr. Karam Shyam, Tribal Affairs and Hills Minister Mr. N. Kayisii, Forest and Environment Minister Mr. Th. Shyamkumar, Social Welfare Minister Ms. Nemcha Kipgen, Education Minister Mr. Th. Radheshyam, MP Mr. Ksh Bhabananda le MLA hai khawm an uop. (DIPR)

CM-in Start-Up Manipur |hangpui

theina ding facility khawm a um ding niin a hril a. 2nd Ma-nipur Rifles Gate kawla um Centre ah hin thil chi hran hran 24, VISA \hangin an apply/thaw thei niin a hril. Tutaka ding chun VISA application chu Italy, Estonia le Thailand hai chau a la thei a. Thla 6 hnungah rambung 30 a thei ding thu a hril. Hi Centre-a thaw thei danghai chu: applications for Domicile Certificate, Income Certificate, OBC Certificate, SC/ST Certificate, Permanent Resident Certificate, Reg-istration in Employment Exchange, Renewal of Registra-tion in Employment Exchange, Transfer of Registration to New Employment Exchange, issue of duplicate certificate of registration for vehicles, transfer of ownership for vehi-cles, transfer of ownership on death of owner for vehicles, No Objection Certificate for vehicles, change of residence address in vehicles registration, correction in applicant’s particulars in vehicles registration, endorsement of hire purchase, lease or hypothecation agreement of vehicles, termination of hire purchase, lease or hypothecation agree-ment of vehicles, online application submission for learner license, online application submission for driving license, addition of driving license, issue of duplicate driving li-cense, change of address/particulars, renewal of driving license le issue of NOC for driving license etc. hai an nih. Thla 6 hnunga Service belsa dinghai chu: registra-tions for Ayushman Bharat, second Opinion Medical Re-ferrals, Manipur Home Care, admissions for All Schools in Manipur (Government and Private), College Admis-sions/Enrolments, MPSC admissions, authentication and verification services, ticketing services for bus services, building approval plan submissions, electoral enrolment services, tourist movement information services (inward movement), tourism promotions in a global perspective, E-District services, Manipur Bhavan room bookings (pa-tients and students), services for Non-Resident people of Manipur, Health-Care (old), digital locker services for critical records storage etc. an nih. (DIPR)

CM-in Facilitation Centre a Hawng

CM-in Lamjingba Dairy Pvt. Ltd A Hawng

iMPhal: Chief Minister Mr N Biren Singh chun, Lamjingba Dairy Pvt. Ltd chu zani khan Lilong Cha-jing, Imphal West District ah a hawng. Hi huna hin CAF and PD Minister Mr. Karam Shyam le Lam-jingba Group Chairman Mr. Sanasam Jacky Singh hai chu Guest of Honour le President an nih. A hawng zova thu hrilin, CM chun, hi sum-dawngna a hlawtling theina dinga pawimawhai chu, indikna, inlangtlang-na, sum hmang indikna (financial discipline), ac-countability, ringumna le taimna hai an nih tiin a hril a. Lamjingba Group hin thawktu ringum le fel tak tak, taima tak tak le thiem tak tak a nei leiin a hlawtling hle a nih tiin a hril bawk. Manipur economy chu

ramdang ah an nghat leiin an \hang thei naw a. Chu-leiin ei conomy an \hang vena ding chun einia in-thawka suok sin le hman-gruo, thil dang danghai a tama a pung pei a \ul tiin, sin siemna le thil/hman-gruo siem suokna kawnga inel dingin an fui tawl. Hi lei hin Manipur sawrkar chun lekhathiem sin nei lo, talent \ha tak tak neihai chu Start-Up project a \hangpui tawl niin a hril. Bank hai kuoma khawm a tam thei ang tak loan an pektir niin a hril bawk. Mr. Karam Shyam chun, Lamjingba Group hin thawktu team smart tak el, \halai var tak tak le sin taima tamtak a nei leiin company hlawtling tak a nih a. Manipur hmasawn-na dinga pawimaw tak a la hung ni pei a beisei thu a hril ve. (DIPR)

3thla|au (March) 11, 2019thaw|anni (Monday) national/international & adVertiSeMent Hmasawnna Thar

laKtawi

In tHe COUrt OF CIVIl JUdGe (se-nIOr dIVIsIOn): CHUrACHAndpUr(under order XXXVii oF code oF ciVil

Procedure, 1908)Original (Money) Suit No. 6/2018

Canara Bank, Churachandpur Branch..... Plaintiff.

-Versus-

Shri M. Zamkhosei Zou & 1 ano...... Defendants.

Substituted Service of SuMMonS[o.V, r.20 (1-a)]

To, Smt Lalremmawii, w/o; Ronald L. Joute, Sielmat Hebron Veng, Churachandpur Manipur (Defendant No. 2)

WHEREAS, the above-named Plaintiff has insti-tuted a suit in this Court for realization and recovery of a sum of Rs. 3,61,948.00 /- (Rupees Three lakhs Sixty-one thousand Nine hundred Forty-eight) only and inter-est against the defendant no. 1, you are impleaded as Defendant No. 2 in the case and whereas this court is satisfied that the Summon/notice could not be served to you in the ordinary way, and thus, this is to give you notice that you are to appear before this Court either in person or through a pleader duly authorized on the 8th March, 2019 at 11:30 a.M. to show cause as to why a decree as prayed for should not be granted. In the event of your failure to appear before this Court on the aforesaid date and time, the case will be proceeded ex-parte as per law. Given under my hand and the seal of the Court this 28th day of February, 2019.

Sd/- lalrinchhana B Sd/- letkho Kipgen Advocate Civil Judge (Sr. Divn.) Churachandpur, Manipur. (10,11)

IN ZAwR NUOMPawisa mamaw thutna um leiin M. Ramthar-ah Pucca building In zawr nuom a nih. A dit le an chaw nuom hai ta dingin a hnuoia contact number a hin ngaiven thei ning a tih.

contact nos. 9612876846/ 8413956900(10,11)

Odisha in LS election-ah nuhmei hai ta dingin 33%

KendraPara: Lok Sabha Election hung um dinga hin Biju Janata Dal (BJD) chun nuhmei hai ta dingin seats 30% huol a ni ding thu Odisha Chief Minister Naveen Patnaik chun Pathienni khan a pu-ong. Hi thu hi zanita Ken-drapara hmuna Women

Self Help Group (SHG) Conclave “Mission Shakti’ programme hmangna huna a hril a nih. Odisha nuhmei han In-dia ramah women empow-erment hma an \huoi ding a nih. India in khawvelah hma a \huoi theina ding, America le China ram hai anga India in hma a sawn

theina dingin women em-powerment hi dawnna um-sun a nih tiin Mr Patnaik chun a hril. National parties hai khawm nuhmeihai ngirh-mun dawmsang le chawi-sangna kawngah an thu puong hai indik taka zawm dingin a hril. Mr Patnaik chun Ken-drapara hmuna Mission Shakti Bhawan indinna dingin Rs. 1 crore a sanc-tion bawk. Nikum November thla khan Mar Patnaik chun Parliament le State Assem-blies haiah nuhmei hai ta dinga seats 33 huol pekna ding proposal a lo pawmpui ta a nih.

Kashmir chanchinbu han front page blank in an sieSrinaGar: Sawrkarin Srinagar \hangsana um Chanchinbu (newspaper) pahni hai advertisement pek ta lo dinga thutlukna a siem dodalnain Pathienni zing-kar khan Kashmir a Chanchinbu lien hai po po chun an front page (phekhma) lank in an sie. Kashmir Editors Guild (KEG) chun hi thil dodalnain Pathienni chawh-nungtieng khan protest march nei dingin an rel bawk a nih. Jammu and Kashmir sawrkarin adver-tisement pek ta lo a tum hai chu Great Kashmir le Kashmir Reader chanchinbu hai an nih.

Kashmir-a English Daily lien tak Greater Kashmir le le English daily dang Srinagar \hangsana um Kashmir Reader hai advertisement pek ta lo dinga ziek-a order insuo umnaw sienkhawm J and K Directorate of Information chun hieng chanchinbu pahni hai hi sawrkarin adver-tisement pek suktawp dingin thutlukna a siem ti \awngbaua inhriettir an nih. Hi chungthua hin Kashmir Editor’s Guild chun a san hrilfiena pe dingin sawrkar an ngen a, sienkhawm tuchen hin advertisement pek suktawp dinga a relna san a la pek nawh.

Pawisa lem Rs. 10 lakh anghu le Heroin kg 2 leh an manPoonch: Jammu and Kashmir-a Poonch dis-trict-a chun Pathienni khan Mendhar sector, Line of Control (LoC) bula Bala-kot hmunah Army-a 7/11 Gorkha Rifles han pasal pakhat chu India pawisa lem Rs. 10 lakh anghu le inruithei Heroin kg. 2 leh an man. Pawisa lem le mana um chu Mohammad Zaffar Khan of Dabbi a ni a, Bal-akote area-a LoC dai kan a tum laia Gorkha Rifles hai hin an man niin Police spokesperson chun a hril. Mr Khan hi Bhimbr Gali lut a, chu taka in-thawk Rajouri pan tum

a ni a, ramri bul lai bag paia inlawn an hmu leiin a bag pai hi deng thlain tlanhmang a tum a, sienkham Army han silai leh chuktuoin an va man ta a nih. Pawia note lem hai hi Rs. 500 le Rs. 2000 note lem an nitawl. Heroin mana um hi international market rate a

chun crores tel manhu ding a nih. Mana um hi a hnun-gin Mendhar Police kutah peklut a nih. Chun, Zirtawpni khawm khan Jammu a Gandhi Nagar area-ah pasal pakhat Gurpreet Singh @Goldy of Punjab chu Heroin grams 20 leh man a ni bawk.

congress leader in PM Modi chu terrorist leh a tekhi

hyderaBad: Telan-gana Congress Commit-tee (TPCC) chairperson Ms Vijayashanti chun Prime Minister Narendra Modi chu terrorist hai anga mipui hai suk\i a suklau tu a nih tiin PM Modi chu terrorist hai leh a tekhi. Hi thu hi Inrinni-a Chev-ella constituency, Hyderabad hmuna public meeting-a thu a hrilnaa Ms Vijayashanti in a hril a nih. Public meeting a hin Congress president Ra-hul Gandhi khawm a \hang. Ms Vijayashanti in a hril peinaah ‘prime minister chun bomb dang dang hieng demonetisation le GST” hai a thlak ta a, India mipui hai chun bomb dang a hung thlak nawk ding \ithawng ta-kin an thlir mek a nih tiin a

hril bawk. Mipui hai hmangai taka enkawl nekin Prime Minis-ter chun terrorist hai angin mipui hai a suk\i a nih tiin a hril a. Prime Minister Nar-endra Modi le Rahul Gandhi han indona an \an mek a, Modi rorelna chu mi pakhat rorelna (autocracy) a ni a, Rahul chu democracy a nih tiin a hril bawk. Chun, Telangana Chief Minister K. Chandrasekhar Rao khawm Congress MLAs hai Rs. 30 crores pei peia inchawtu in an tum a. TRS ei vote chun BJP in hlawkna an intel ding a nih. KCR le KTR han Narendra Modi kal zawngin thu hril hai sienkhawm deal nei an nih tiin Ms Vijayashanti chun a hril.

Pakistan drone kap thlak nawk

GanGanaGar: Ra-jasthan-a Gujarat le in-rina India-Pakistan border Ganganagar a chun Inrinni zantieng khan Pakistan unmanned aerial vehicle (UAV) chu Army han an kapthlak nawk. February 27, 2019 khawm khan Kutch dis-trict, Gujarat-a Internation-al border bul lai Pakistan UAV pakhat kapthlak a lo ni ta bawk.

PM Modi in cISF Raising day a uop; cISF hai an pak

GhaZiaBad: Central Industrial Security Forces (CISF) chun Pathienni khan Ghaziabad district-a Indira-puram, Uttar Pradesh-ah 50th Raising Day an hmang. Hi huna hin Prime Minister Narendra Modi chu khuol-liena \hangin thuhrilna a hmang. PM Modi chun India ram sung hmunpawimaw hai le mipui hai venghimna kawnga CISF hai an pak a, CISF hai chu VIPs hai venghimna \hangin sun le zan chawl loa ram le a thil ngei hai venghimna sin thawtu an ni thu hrilin,

CISF cadres zawm nuhmei hai chu an nu le pa hai a lawmpui thu a hril. PM Modi chun CISF hai chu Independent In-dia beiseina sukpuitlingna dinga pawimawna lientak nei an nizie hrilin, khuorel sietna dang dang tlung hun le national emergencies huna hnesaw taka an maw-phurna thaw hlak an nina thuah an pak a, nikum-a Kerala hmuna tuilien nasa tak tlung huna khawm khan CISF personnel han mi sangtel damin an sansuok a nih tiin a hril a. Ram sung chau ni loin humanitarian

crisis um hunah ram dang hai chenah CISF hai chu an mawphurna hnesaw taka thaw hlak tu an nih tiin a hril bawk. Hi huna hin PM Modi chun Martyr’s Memorial-ah martyr hai inzana par inh-lanna a nei bakah CISF pa-rade hai salute lakna neiin Police le Fire Service tien-ga sin thaw \ha hai distin-guished le meritorious ser-vices award an hlan bawk. CISF hi kum 1969 a indin niin tuchena hin per-sonnel 1.15 lakh vel an um mek a, CISF hai chu Air-ports 61, Lawng chawl-hmun, Delhi Metro, steel le power plants dang dang hai le India rama hmun pawimaw hai venghimna sin an thaw a nih tiin CISF Director General Rajesh Ranjan chun a hril. Hun hmangna hi Min-ister of State for External Affairs VK Singh, Minis-ter of State for Home Af-fairs Kiren Rijiju le Hansraj Gangaram Ahir hai khaw-min an uop.

NIA in Umar Farooq a ko

new delhi: Nation-al Investigation Agency (NIA) chun Hurriyat Con-ference leader Mirwaiz Umar Farooq chu terror funding thuah thu indawn dingin New Delhi-a NIA Headquarters-a inlang New Delhi-ah a ko. Ama baka hin separat-ist leader Syed Ali Shah Geelani naupa Naseem Geelani khawm NIA chun a ko March 11, 2019 hin a ko bawk.

Afghan sipai han Taliban 60 chuong an that

KaBul: Afghanistan si-pai hai chun special op-erations le airstrikes thawin darkar 24 liemta sung khan hmun hran hranah Tali-ban terrorist 60 chuong an that tiin local media report chun a hril. Afghanistan sipai hai hin Lagar, Wardad, Hel-mand, Uruzgan le Paktika provinces haiah special operation hi an thaw niin report chun a hril. Afghanistan sawrkar chun \hanghni laizet Tali-ban hai chungah indona puonga Taliban hai hi tuk-dawl tumin a lo bei ta a nih.

Naupang suolluitu kum 7 intang dingthane: Kum 2016 a nuhmei naupang kum 5 mi suol-luitu Rajaram Catham chu Inrinni khan district judge HM Patwardhan chun IPC section 376 (rape) le POCSO Act hnuoiah kum 7 sung rimsi taka lungin intang dingin a chungthu a rel bakah fine Rs. 2,500 chawi dingin a rel.

Ni 30 sung Proj-ects 157 hawng

new delhi: Election Commission in Lok Sabha Election hun ding a puong hma February 8 a inthawk March 9, 2019 inkar ni 30 liemta sung khan Prime Minister Narendra Modi chu India ram khawpui tum tum 28 haiah inzin kuolin project tum tum 157 zet a hawng hman niin NDTV report chun a hril. Project hawnga um hai lai hin Highways, Railway lines, medical colleges, hospitals, schools, gas pipelines, airports, water connections, sewage con-nections, power plant le a dang dang a \hang.

Kamal Haasan party symbol

dingin battery torch

new delhi: Election Commission chun kum 2019 Lok Sabha election hung um dingah Kamal Haasan party – Makkal Needhi Maiam (MNM) chu an party symbol dingin torchlight a pek. Mr Kamal Haasan chun EC in a party symbol ding a pekna thuah lawmthu a hril a, a party chu Tamil Nadu le Indian Politics-a meiser chawitu (torchbearer) a hung ni ding thu a hril. MNM hi February, 2018 a kha Madurai hmuna tlangzar niin, Mr Haasan chun general election hung um dinga a ngir ding thu a lo puong ta a nih. MNM hin Tamil Nadu-a seats 39 hai ngir vawng an tum bakah Puducherry-ah pakhat ngir an tum.

IAF strike proof ngen thuah Con-gress a inthawk

a bangPatna: Bihar-a Congress senior leader le spokes-man Vinod Sharma chu, tulai hnaia Balakot, Paki-stan ram sunga Indian Air Force han JeM hai train-ing camp airstrikes an nei chungchanga Congress in sukchiengna (proof) a ngen lungawinaw puiin Inrinni khan Congress a inthawk an ban. An banna hi Congress president Rahul Gandhi kuomah a thawn a, chu taka chun, high command in airstrike thua sukchieng-na a ngen chun ground-level workers le mi naran hai lungril a sukna a nih tiin Kumar chun a ziek. Mr Kumar chu, air-strike proof ngen rawp a nina chu a naupang thlak a, thil inzakumah a ngai leia kum 30 zet Congress ta dinga sin a lo thaw hnungin harsa tak pumin party a in-thawk an ban a ni thu a hril.

Mexico Night Club-ah mi 15 zet kap hlumGuannajuato: Inrinni zan khan central Mexico-a La Playa night club, Salamanca hmunah ralthuom chawi hawn khat va lutin silai an kaphrut leiin pasal 15 in thina an tuok bakah pasal dang 3 le nuhmei pakhat in hliemna an tuok bawk niin public prosecutor office spokesman Juan Jose Martinez chun a hril. Night club umna hmun hi Guanajuato state niin, thuneitu han thautui inru pawl misuol (gang) group hai man tuma dap-

pui nasa taka an thawna hmun a nih. Hi thil tlunga hliem hai chu hospital panpui an ni a, hi thu ei sut chenah kap hluma um hai hi an hming le nina hriet a la ni nawh. Salamanca hi Santa Rosa de Lima khawpuia inthawk km. 100 vela hla a ni a, hmun \henkhatah Mexico President Andres Manuel Lopez Obrador chu hi lai hmuna thautui inrutu hai zawngsuokna dinga operation thawtu sipai hai hnukkir dinga an vauna lekha tar hmu a nih.

North Korea Supreme People’s Assembly Election NeiPyonGyanG: Khawvela nuclear bomb nei sawrkar anga an thang hnunga an rama parliamentary election hmasatak t i thei ding, member 700 umna North Korea Supreme People’s A s s e m b l y ( N a t i o n a l Legislature) member thar dinghai inthlangna kum 5 dan peia nei chu Pathienni khan nei a nih a. A ram mipui po po, an President Kim Jong Un \hangin vote an thlak tawla, democracy anga mipuiin dit an thlang theina chu a ni nawh. Comunist ram a nia communist sawrkar a lientak leiin biel tina Member kha mipuiin an pawmpui ti entirna suklangna ang chauh a nih. Biel tina candidate pakhat chau an um a, dit thlanga vote thlaka inelna nekin candidate umsa namdetna ang chau a nih. Voter chu a ID chawiin a hming an dik le an dik naw an en a, vote thlak thei an ti chun candidate um pa kha a vote el a nih. A chang chu an dit naw deu a um pha an vote nawa ti a ni el a nih. K o r e a n W o r k e r s ’ Party in an ruot hai an ni tlangpuia. Regional party chite te candidate khawm an uma chu an tam naw leiin rorelna chawkbuoi thei khawp an tling ngai nawh. People Assembly ti a nia chu lekhaa hming mei mei a nih

a. Thuneina tak chu President kuta um a nih. Candidate hai laia langsar tak chu President Kim Jong Un, Hanoi a inthawka US President Trump le inbiek zoa hung tlung hlim chu a nih a. A thuneina chun an party a thunun vawnga, sipai le sawrkar a thunun vawnga chu a hminga a ngir/tling ve a ngai. Kim Jong un hi term hnina dingin Pyongyang district a inthawkin a ngir nawk a nih. Term hmasatak chu 2014 a inthawk khan thlangtling ve a nih. Mi tinin vote an thlak ngei ngei ding ti a ni leiin percentage khawm 99% dam, a neka tam dam a ni hlak. Chuong sa khawm chun vote thlak chu mani mawphurna hlenah an inngai a, an ram ta dinga thaw thei an neisun nia an hriet leiin an lawm em em tho a nih. Kum 19 a upa Kim Ju Gyong chun, “A vawikhatnaa dingin kei khawm vote ka thlak theia ka lawm hle. Ka

mawphurna ka zo tah” tiin a hlim hle. North Korea chu kum 17 niin vote an nei thei. Candidate pakhat pei um hi an dit le dit naw ruok chu an suklang thei a. Candidate hai thlalak le hming le party hminghai chu a hmain an lo tarlang vawng tah hlak a. Voter khan a dit chun ballot paper kha an thlak el a. Candidate an dit naw chun a hming chungah khan X an zieka an thlak hlak. Anachu, tukhawmin candidate a um ta chun, a kal zawngin an vote ngam nawh tiin Central Pyongyang-a e lec t ion committee chairman chun a hril. Chuonga candidate kal zawnga vote thlak chu candidate kha a tling tho hlak leiin a chung rik mei mei hlak. Mipuiin thu an nei der naw tina a nih. Chuong sa khawm chun election ni chun an hlim ve em em tho hlaka, festival ang el a nih hlak. Candidate chu an hriet chieng ta em em hlaka, kum 5 an inlal ta leiin

mipuiin an hrieta, anni bawk candidate an ni nawk chun an tling nawk ding an hriet a, namdetnain vote an thlak chau a ni leiin an hlim ve reng reng a nih tiin chairman chun a hril bawk.An official news ruok chun, “North Korea inthlangna chu a popularin democratic tak a nih, asan chu, mipui po poin vote an thlak vawng hlak leiin” tiin hlawtling inti takin a ziek. Democracy ei ngaidan khawm an ang naw hle. Mipuiin dit thlang thei lova vote an thlak seng kha ‘mipui sawrkar rorelna’ an ti ve tho a nih. Mawlna le hriet nawna hi thil \ium tak a nih an t i h i , mimal chauh ni lovin rambung ah khawm a nih. Ringdan le hriet dan indiknawin rambung sawrkar a \huoi suol chun khawvel mipui thovin an thaw suol hlak. Chuong ang sawrkar (rogue government) chu khawvelin a thawhla tak a nih, tiin international observer hai chun an hril ve thung a. Democracy a um nawh tiin an hril. North Korea parlaiment member zat chu an ram population le inmila siem a nih a. Member pakhatin mi 30, 000 to 35, 000 ai a aw. Kum nga hma khan Deputies 687 an thlanga an hminghai ni hni hnunga puonglang a nih.

Ethopian Vuonga Passenger 150 chuong thi

a d d i S a B a B a : Ethiopian Prime Minister’s

Office thusuokin a hril dan chun, Pathienni zing

tieng khan Boeing 737-800 passenger 149 phur Nairobi khawpui chu tuoksiet tuokin a tla thla a, passengers 149 le vuongna sunga thawktu 8 hai chu an thi vawng a. Thi hai lai hin UN Consultant, Environment Ministry a atached \hangin India mi 4 an \hang.

Myanmar-a Rakhine State ah Police 9 That An Nih

yanGon: Kum hni lai liemtaa Rohingya Muslim hai le buoina suokna hmun Myanmar-a Rakhine state capital Sittwe a inthawka hmartieng darkar khat vel tlan Yoetayoke khuoah helpawl ni dinga ring han police 9 an that tiin official thusuok chun a hril. Senior police officer

pakhatin AFP a hril dan chun, “Rakhine state capital Sittwe kawla khuo pakhata police station chu helpawl ni dinga ringhla han an runa, police pakuo an thia, pakhat a hliem bawk” tiin a hril a. Helpawlhai hi tu ham ti ruok chu a hril nuom nawh. Rakhine state hi 2016 a Rohingya Muslim helpawl

haiin police station 30 an runa buoina suok a inthawka Rohingya raltlan 700, 000 neka tam Bangladesh an lutna a nih a. UNO chun Myanmar sawrkarin hnam an nina anga a rawtchimit tumna niin a hril. Myanmar sawrkar chun nasatakin a hnawla, UNO chen khawm Rakhine state sungah hin lut a phal tah naw a. Rohingya raltlanhai khawm an kir nawkna dingin iengkhawm UN thupek angin a siem nuom bawk nawh. Rohingya helpawl an la um zinga, anni thaw a nih el thei tiin tuolsung mi \henkhat chun reporter hai an hril.

Colombia Vuongna Accident ah Mi 12 An ThiBoGota: South America khawmuolpuia football petthiem rambung Colombia ah Inrinni khan vuongna chin chi pakhat a accident a, a sunga chuong mi 12 an rengin an thi vawng. Special Administrative Unit, Civil Aeronautics hril dan chun, vuongna hin a accident hmain ama le ama emergency an puonga, sawtnawte ah a accident nghal niin a hril. Vuongna hi Douglas DC-3 hai ang a nih a. Villavicencio air port city a inregistered

niin Xinhua news agency chun a ziek. An Agency-in Twitter official account-a a puong dan chun vuongna hi Municipalities inkar vuong hlak. San Jose del Guaviare le Villavicencio city inkara passenger service niin a hril. Passenger 9 le thawktu 9crew member) pathum an um a. Mithihai (passenger) hai lai hin Vaupes province-a Taraira Mayor khawm a \hang niin an hril. Sawrkar thuneituhai chun vuongna accident nasan an sui mek. (AP)

Hmasawnna Thar4 EntErtainmEnt / SportSthla|au (March) 11, 2019thaw|anni (Monday)

sun ZAWMnA.......

Premier League:

Man.City chun Raheem Sterling hat-trick hmanga Watford hnein hmatieng an pan pei; Brighton, Bournemouth, Southampton, Leicester City, Cardiff City le Newcastle an hrat bawk

MancheSter: Premier league defending champion le hma\huoi-tu ni mek Manchester City chun Inrinni zan khan an home City of Manchester stadium-ah Watford an mikhuol a. Raheem Sterling hat-trick hmangin Manchester City chun Watford 3-1 a hnein hmatieng an pan pei. Manchester City hin 4-3-3 for-mation hmangin Sergio Aguero chu hmatawng a sie niin City player mantam tak Riyad Mahrez le Sterling hai a sirah an tlan a. Watford chun 4-5-1 formation hmangin Andre Gray hmatawng a sie niin, a hnung tlar-ah Isaac, Clerverly, Capoue, Doucoure le Femenia hai an intlar. First-half chenah goal a lut naw a. Second-half minute 46 naah Ra-heem Sterling chun goal hmasa tak a hung thun a, hi zo minute 50 le minute 59 na haiah City ta dinga goal hung thun belsa nawkin Ster-ling chun hat-trick a siem a. Ster-

ling hi hat-trick a hmu zo minute 64 naah laksuok niin a thlaktu dingin Leroy Sane in inluttir a ni a. Sterling a lut hnungah Wadford khawmin Troy Deeney le Gerard Deulofeu hai an inluttir ve a, minute 66 naah Deeney ball assist hmangin Gerard Deulofeu chun Watford ta dingin goal a hung thun ve nghal

a, sienkhawm inkhel tawp chenah an goal bat hai an thungkir tanaw leiin Man. City chun Watford hi 3-1 in an hne ta a nih. Watdord hin games 30 an khel ta haiah points 43 hmuin parietna ni mek an nih. Sterling hin season hmasa a khan goals 18 a thun a, tuta season fe meka hin goals 15 a thun tling ta

a nih. Man. City chun Watford an hne hnung hin games 30 an khel ta haiah points 74 an hmu ta a nih. Anni dawttu Liverpool chun point 70 hmu tain Pathienni zan khan Burnley an inkhelpui. Man. City chun March 13, 2019 khin Champions League round of 16 leg 2 of 2-ah Schalke an inhmasawn pui nawk ding a nih. First leg a khan City hin Schalke 3-2 in an lo hne tasa a nih. Inrinni zan match dang haiah Crystal Palace chu an home-ah Brighton in 2-1 in an hne a, Hud-dersfield chu an home-ah Bour-nemouth in 2-0 in an hne bawk. Chun, Southampton in an home-ah Tottenham 2-1 in an hne a, Leicester City in Fulham 3-1 in an hne a, Cardiff City in West Ham 2-0 in an hne bakah Newcas-tle khawmin Everton 3-2 in an hne bawk a nih. Tottenham hi league table-ah

games 30 an khel ta haiah points 61 hmua pathumna ni mek an ni a, Southampton hin hratna an chang leiin games 30-ah point 30 hmuin 16-na ni mek an nih. Brighton hin games 29-ah points 33 hmuin 15-na an ni a, Crystal Palace hin points 33 tho hmuin 14-na an nih. Bournemouth hin hratna an chang leiin points 37 hmuin 12-na an ni a, Hudder-sfield hi points 14 chau la hmua a mawngdapa \hang mek an nih. Leicester City hin games 30-ah points 38 hmuin 10-na an ni a, Fulham hin points 17 chau la hmuin mawngdap dawttu 19-na an nih. Cardiff City hin points 28 hmuin 18-na an ni a, West-ham hin points 39 hmuin 9-na ni mek an nih. Chun, Newcastle in Everton an hne leiin points 34 hmu tain 13-na an ni a, Everton hi points 37 hmua 11-na ni mek an nih.

Indian Super League:

Goa in Mumbai City an hne; Vawizan Bengaluru FC in second leg-ah NE United a mikhuol ding

MuMBai: Inrinni zan khan semifinals leg 1 ah Mumbai City chun Goa FC a mikhuol a. Mumbai City chu an mikhuol Goa FC in 5-1 zetin an khawtuolah an hneban. Goal hmasa minute 20 naah Rafael Bastos in Mum-bai City ta dinga goal thunin hma an \huoi a. Sienkhawm minutes 31 naah Jackichand Singh le minute 39 naah Mourtada Fall han Goa FC ta dinga goal an hung thun nawk leiin first-half chenah Goa chun Mumbai hi 2-1 in an hne a, second-half min-

ute 58 ah Mourtada Fall in Goa ta dinga goal a hung thun nawk bakah minute 51 le 82 haia Feran Corominas le Brandon Fernandes han goal an hung thun bawk leiin Goa FC chun Mum-bai City hi 5-1 in an hne ta a nih. Second leg Thawleni 7:30PM khin Goa in Mum-bai a mikhuol ve ding a ni a, thil mak a tlung ngawt naw chun Mumbai City ta din-gin Goa lekhel/hneban a awlsam hmel tanaw hle. Hi lei hin Goa FC chu final kai dinga ring a nih.

Hieng laizing hin March 11, 2019, 7:30PM hin Bengaluru FC chun second-leg ah NorthEast United mikhuol nawk a tih. First-leg a khan NorthEast United chun Bengaluru FC hi 2-1 in a lo hne tasa a ni a. Sienkhawm Second leg-ah a che fuknaw chun final an kai beisei a um nawh. NE United hi final an kai theina ding chun hratnaw tawpah Draw a \ul. Chu laizing chun Bengaluru khawm fi-nal an lut theina dingin NE United nekin goal an thun rawn lem a \ul bawk.

Spanish La Liga:

Barcelona in Rayo Vallecano an hne, points 7 in hma an \huoi

caMP nou: Barcelona chun Inrinni zan khan an home Camp Nou stadium-ah Rayo Vallecano an mikhuol a. Barcelona chun Valle-cano hi 3-1 zetin an hne. Goal hmasa minute 24 naah Raul de Tomas chun Rayo Vallecano ta dinga goal thunin hma an \huoi a, sienkhawm minute 38 naah Gerard Pique in Barcelona ta dinga goal a hung thun nghal leiin first-half chenah 1-1 in an indraw a, second-half minute 51 naah Lionel Messi chun Penalty in goal a hung thun bakah Luis Su-arez chun minutes 82 naah goal a hung thun bawk leiin inkhel tawp chenah Barce-lona chun Vallecano hi 3-1 in an hne ta a nih. Hi lei

hin Barcelona chun games 27 an khel ta haiah points 63 hmutain point 7 in hma an \huoi pei. Pahnina ni mek Atleti-co Madrid khawmin Inrinni zan khan an home-ah Saul Niguez (50) goal hmangin Leganes 1-0 in an hne ve leiin games 27-ah points 56 an hmu ta a nih. Inrinni zan match dang haiah Ath. Bilbao le Espa-nyol 1-1 in an indraw a, Alaves le Eibar 1-1 in an indraw bawk. Chun, Pathienni zing-kar khan Getafe chun Hu-esca 2-1 in an hne bawk. Getafe chun hratna an chang lei hin games 27 an khel ta haiah points 45 hmuin palina an ni mek.

Kum 2 ka la nei, insawn naw ning: Pep Guardiola

MancheSter: Man-chester City manager Pep Guardiola chun, City-ah contract kum 2 ka la nei a,

hmun dangah insawn naw ning tiin a hril. Man. City suoksana Juventus zawm a nuom nia Daily Mail report in a zieklang le inzawma hi thu hi Guardiola in a hril a ni a, Juventus tienga insawn nuomna a neinaw thu a hril bawk.

Bundesliga:

Bayern in hma an \huoi tah

dortMund: Hma\huoitu Dortmund chun In-rinni zan khan an home Westfalenstadion-ah VfB Stuttgart 3-1 a hnein games 25 an khel ta haiah points 57 an hmu ta a. Sienkhawm Inrinni zan ma khan an point inangpui le pahnina Bayern chun an home-ah Wolfsburg 6-0 zeta an hne ban leiin Bayern chun points 57 tho an hmu ve a, goal difference an nei \ha lem leiin Bayern chun Dortmund lekhelin league

table-ah hma an \huoi tah. Dortmund le Stutt-gart inkhel huna hin first-half chenah goal a lut naw a. Second-half minute 62 naah Dortmund chun pen-alty hmuin Marco Reus in a petlut a, minute 71 naah Marc-Oliver Kempf chun Stuttgart ta dinga goal thunin an goal bat a hung thungkir nawk nghal. Sec-ond-half minute 84 le inju-ry time minute 90+2 haiah Paco Alcacer le Christian pulisic han Dortmund ta

dingin goal an hung thun nawk leiin Dortmund chun Stuttgart hi 3-1 in an hne a nih. Bayern in Wolfs an mikhuol huna hin first-half minute 34 le minute 37 na haiah Serge Gnabry le Robert Lewandowski han Bayern ta dingin goal an thun a. Second-half minute 52, 76 le 82 haiah James Rodriguez, Thomas Muller le Joshua Kimmich han Bayern ta dinga goal an thun bakah minute 85 naah lewandowski in goal a hung thunsa nawk leiin inkhel tawp chenah Bayern chun Wolfsburg hi 6-0 ze-tin an hne ta a nih. Inrinni zan match dang haiah Werder in Schalke 4-2 in a hne a, RB Leipzig le Ausburg 0-0 in an indraw a, SC Freiburg in Hertha 2-1 in an hne bawk.

Jenifer Lopez Le Alex Rodriguez Hai an Inhuol TahloS anGeleS: Kum 40 chuong hmang \an ve ve, nau pahni ve ve nei tah nunghak thar le tlangval thar nawk ve ve, Jennifer Lopez (49) le a ngaizawngpa Alex Rodriguez (43) hai chu kum iemani zat an inzui hnungin Inrinni khan an inhuol tah tiin People chun a ziek. Jennifer Lopez a representive Benny Medina hril dan chun, “Bahamas-a chawl hmanga an fe laiin Alex-in Jennifer chu pasala nei a nuom ding le ding naw an dawn a. Jennifer Lopez khawmin ‘Aw’ a paw leiin kutsebi Lunghlu maktaduoi khat neka tam man ding hmangin an inhuol tah” tiin a hril. Bahamas a Baker Bay ah zanah mei an awi laia an thlalak le Jennifer Lopez a kuta kutsebi suklangin Alex chun Instagram-a a ruolhai po po kuomah ‘nuhmei thar a nei ding’ thu a puong a. Tlang hriet a hung ni ta a nih. Jennifer le Alex hi kum hni chu an inzui tah a. An nauhai khawm an inhriet vawng tah a. Nupa anga khawsa zing chu an ni tah. Kha hma met kha Jennifer Lopez chun People magazine kuomah pasal a nei el thei ti thu a lo hril a. “Pasal nei ka lungril deu a...a nih ding chun naturally-in hung inher suok el a tih” tiin a hril. Vawi thum pasal nei tah a ni leiin a vawi lina ding chu Jennifer hin a fimkhur hle ta ding thu a hril a. A palina ding chu damsung dai ding a

ni ngei theina dingin a fimkhura an hmaw naw thu a lo hril bawk. Us Weekly ziekdan chun Alex hin Jennifer hi a hmangai em em a, nuhmeia nei ngei ngei a tum niin a hril. A hun po po or a tam thei ang

tak J Lo kuomah um nuom a nih. Alex hin a nuhmei hmasa Cynthia Scurtis leh 2002-2008 chen an innei a. Nau nuhmei pahni Ella Alexander (10) le Natasha Alexander (14) hai an nei a. Alex-in a umpui ve ve a, Jennifer nauhai leh khawm an inpawl ngei ta hle. Jennifer Lopez hin a pasal hmasa Marc Anthony leh inphir kum 10 ve ve Mamimillan le Emme a nei ve a. Hi hma hin Cuban mi Ojani Noa leh 1997-1998 chen an innei a. An in\he nawk a. Kum 2001 khan back-up dancer Criss Judd leh an innei nawk a, 2003 khan an in\he nawk a. Jennifer Lopez hin pasal vawi thum/pathum a nei taa, proposal paruk a dawng tah bawk. “Vawi thum pasal ka nei tah a. Innei dinga fielna paruk ka dawng ta bawk” tiin a hril. Tuta February thla kha kum hni an inzuina char a nih a. Jenni chun, “Two years of laughter, Two years of fun, Two years of adventures, Of excitement of growing and learning, Of true friendship, And so much love! You make me feel like a teenager starting out all over again” tiin Instagram ah a puong. Alex chun, ‘Words will never do justice to what the last two years have meant to me. Thank you for always being you, for your unwavering support and unconditional love.’ tiin a dawn ve.

Ashley Graham, Make-Up Bovin Lingerie Thar Pholar

loS anGeleS: P lus model, kum 31-a upa IMG Model Ashley Graham chun mi thau khawmin nal deuvin zakuo hnuoi (lingerie) an hak theia, iei um lo deuvin an inlang thei ti suklangna dingin make-up free vawngin, nu takin zakuo hnuoi thar a pholara, nunghak tamtak nekin a nal lem. A mitmeng sexy tak chun mi a kui naw thei nawh. Zirtawpni khan Sports Illustrated stunner chun, ‘Ashley Graham lingerie’ tiin taksa rawng zakuo hnuoi bra le underpant thar hlawk bunin, make up hmang lovin a sam khawm inhnawk ramin a suk thla vela, a hmai khingtieng samin inhliein mitmeng mawi takin hmai sen phit phita mi ‘invite’ deuva a hei mel chu, ‘aw’ ti nawna ruol an nawh. A taksa, malpui le ban vel

nam tak el chu taksa rawng deu bawk Ruoa siem, rap pher inphan deu bang inkhaiin hnuoiah sahmul puon nem taksa rawng bawk chungah bodice le kekawrte var inphan, lace vara cheimawi bunin a ring a hung daw tung deu ata, a bieng sen tawt tawtin ‘meng-mawite’ a nih ringawt. Ashley chun Australia an zinna niin a hril a. Social media a hnungzuitu maktaduoi 4 neka tamhai kuomah, “Tuta kar chu Melbourne ah ka um a. Ka mimal hmang hlak @AshleyGrahamLingerie le @additionalle hai \hangruolin, market a ruokna lai hrukbitna ding, miin an mamaw an hmu zo nawna lai hrukbitna dinga ka collection ka pholar theina remchang ka neia ka vangnei hle. “Bazar ah zakuo hnuoi hak inhawi deu, kei anga milien hai hak chi, sexy deu le tulai deu si ka zawnga ka hmu zo nawh a. Chuleiin, kei a mimalin ka mamaw ang le nangni khawmin in hmang thei dingin siem dingin hma laka, AE haiin an mi lo thawpui nuom leiin ka lawm hle” tiin a hril. Ashley Graham hi Virgin Aus t r a l i a ’ s Me lbourne Fashion Festival a \hang dinga fe a nih. A zakuo hnuo thar le hair-style tharhai pholarin video khawm a siem a, fans hai lo en dingin a account ah a sie lut bawk.

new yorK: Paris Fashion Week ah a catwalked zo chau amanih ei ti leh Gigi Hadid chu New York City-a Milk Studio a inthawka a hung suok lai Zirtawpni khan hmu nawk a nih a. New York a la dei ning a tih, Jacket dum nal deu Rs.1.3 lakh man ding chi a la hak tlat. Jean Kekawr pawl (Denim) le pheikhawk Sneaker sen Reebok insang deu bunin Jacket dum black down Jacket) hakin a mansa a pur et a. A Jacket hnuoiah International Women’s Day ti inziekna T-shirt var a hak bawk a. A hmai make-up khawm photo session nei zo hlim niin an lang. A sam sen thal chu inhnawk deu ramin an khai thla sal a, hmur sen hlat pe saiin camera a hung en chu, camera hmet ding hriet fuk naw pal a awl hmel hle, inching zawkna khawp a nih. Los Angeles-a pieng Half-Palestine model fit 5 le inchi 10-a insang Gigi Hadid hi Ningani khawm khan New York City lai Maybeline commercial a ding photo session a nei lai hmu a nih a. Puffer Jacker puk infuol deu hakin Ugg slippers bunin pose hran hranin an lak. Kum 23-a upa Gigi Hadid hi a model thawna hmasatak chu 2015 khan Cosmetic company pakhat leh a nih a. Chu Brand

le chun Collection chi thum an suksuok tah. Company dang dang le contract ziekin Fashion Week haiah an thuomhnaw a pholar pek hlak bawk. Kar hmasak khan Variety hril dan chun Gigi Hadid hi April 5 nia New York City-a nei ding Power of Woman ah

chawimawina le mawphurna inhlan ve ning a tih. Mi pawimaw Lunch fa dinghai lai a \hang phak ve a nih. E v e n t h i N e w s l e Enter ta inment khawvela mihai po po ta dinga buotsai a nih a, philanthropic tienga an contr ibut ion hai le ia chawimawina inhlan hlak an nih. Gigi Hadid chu UNICEF le an sinthawnaa inthawkin chawimawina a dawng ding a nih. Naupang phing\amhai khawvel ramtina mihai bu pek le nuhmei politically le economically-a sirdea umhai dawmkangna dinga a hmalaknahai zara chawimawi ding a nih. Ama tuola chawimawina dawng ve ding danghai chu CNN chief international anchor Christiane Amanpour, actress Taraji P. Henson, singer le actress Bette Midler le, tulai hnaia Grammy Award ah Album of the Year dawngtu Kacey Musgraves hai khawm an nih. Gigi Hadid hin a sangnu Bella Hadid (22) leh khawm Off-White Show an \hang a. Season hmasaa Tommy Hilfuger design hai pholarna Tommy x Gigi Collection a siem zoa, tu kum chu hadam a tum a nia chu a chawl hman tak tak chuong nawh.

Gigi Hadid, Jacket Rs. 1.3 Lakh Man Leh NYC ah

Sum hmang dan monitor tu ding 3-member committee a siem a. Pawisa man reng reng chu candidate or party le inza-wmna a nei am ti fie a ni naw chun insuong a ta, fie a ni chun action lak ning a tih. Sum hmang khuokhirin, campaign motor, can-didate booths, newspaper-a advertisement le promote nahai (party newspaper khawm nisien) candidate-in a tum ding a nih. EVM hijack le hmangsuol hai khawm a um nawna dingin Polling station a in-thawka siena ding hmun chen phur tlung hma po (end-to-end) GPS inbukin ‘track’ (enzui) vawng ning an tih. EVM vote thlak zovin VVPAT machine ah vote thlakna kha paper-in second nga vel hung inlang a ta, container ah thun nawk pei a tih. ECI -in election ding thu a puong zo sawtnawteah Prime Minister Narendra Modi chun Twitter ah, “Festival of De-mocracy, Election chu a hung tlung nawk tah! Ka Indian chanpuihai Election 2019 hi vote thlak ve ngeia \hang ding le democ-racy sukhrat dingin ka ngen cheu. Tuta \um Election hin history a siem ngei ka beisei, abikin vawi khatnaa vote thlak dinghai kha ka ditsak cheu!” tiin a lo tweet. Prime Minister Modi hi Atal Behari Vajpayee dawtah BJP Prime Minister term puitling chel thei umsun (pahnina) a la ni a. Term hnina tling nawk ngei tumin 2014-a ‘Modi Magic’ or ‘Modi Wave’ bawk hmang tum a nih. Chuonglai zingin Oppostition hai khawm \hangruolin BJP sawrkar phet thlak ngei ngei tumin hma an lak bawk. Kum 2014 khan Phase kuoin April 7 a inthawka May 9 chen election nei a ni a. May 16 in vote tiem a nih. Candidate 8,251 an um a, biel pakhatah candidate 15 pei ang a nih. Amiruokchu, mi 7, 000 zetin deposit (pawisa) an inhmang. Voter zat chu crore 55 (66.3%) a nih a, polling station 9.27 lakh a nih. Tu kum chu Crore 90 a nih a, polling station 10 lakh neka tam a nih. NOTA thlak 60 lakh vel an um a. Thlangtling candidate 543 lai nuhmei candidate 668 laka mi 62 chau an tling. Modi \huoi BJP chun hnesaw takin ‘majority government’ a siem thei a. De-velopment le ‘corruption do’ thupuia hmangin welfare scheme tamtak a thawa, chuonghai hmang chun tuta \um khawm hne nawk ngei a tum a nih. Phases 7-a Lok Sabha Election neina ding hai chu hieng a hnuoia ang hi a nih.

pHAse 1 (AprIl 11): 91 COnstItUenCIes Andhra Pradesh: 25 seats

Arunachal Pradesh: 2 seatsAssam: 5 seatsBihar: 4 seats

Chhattisgarh: 1 seatJammu and Kashmir: 2 seats

Maharashtra: 7 seatsManipur: 1 seat

Meghalaya: 2 seatsMizoram: 1 seatNagaland: 1 seat

Odisha: 4 seatsSikkim: 1 seat

Telangana: 17 seatsTripura: 1 seat

Uttar Pradesh: 10 seatsUttarakhand: 5 seatsWest Bengal: 2 seats

Andaman and Nicobar Islands: 1 seatLakshadweep: 1 seat

Phase 2 (april 18): 97 constituencies Assam: 5 seatsBihar: 5 seats

Chhattisgarh: 3 seatsJammu and Kashmir: 2 seats

Karnataka: 14 seatsMaharashtra: 10 seats

Manipur: 1 seatOdisha: 5 seats

Tamil Nadu: 39 seatsTripura: 1 seat

Uttar Pradesh: 8 seatsWest Bengal: 3 seats

Puducherry: 1 seatpHAse 3 (AprIl 23): 115 COnstItUenCIes

Assam: 4 seatsBihar: 5 seats

Chhattisgarh: 7 seatsGujarat: 26 seats

Goa: 2Jammu and Kashmir: 1 seat

Karnataka: 14 seatsKerala: 20 seats

Maharashtra: 14 seatsOdisha: 6 seats

Uttar Pradesh: 10 seatsWest Bengal: 5 seats

Dadra and Nagar Haveli: 1 seatDaman and Diu: 1 seat

pHAse 4 (AprIl 29): 71 COnstItUenCIes Bihar: 5 seats

Jammu and Kashmir: 1 seatJharkhand: 3 seats

Madhya Pradesh: 6 seatsMaharashtra: 17 seats

Odisha: 6 seatsRajasthan: 13 seats

Uttar Pradesh: 13 seatsWest Bengal: 8 seats

pHAse 5 (MAy 6): 51 COnstItUenCIes Bihar: 5 seats

Jammu and Kashmir: 2 seatsJharkhand: 4 seats

Madhya Pradesh: 7 seatsRajasthan: 12 seats

Uttar Pradesh: 14 seatsWest Bengal: 7 seats

pHAse 6 (MAy 12): 59 COnstItUenCIes Bihar: 8 seats

Haryana: 10 seatsJharkhand: 4 seats

Madhya Pradesh: 8 seatsUttar Pradesh: 14 seats

West Bengal: 8 seatsDelhi: 7 seats

pHAse 7 (MAy 19): 59 COnstItUenCIes Bihar: 8 seats

Jharkhand: 3 seatsMadhya Pradesh: 8 seats

Punjab: 13 seatsWest Bengal: 9 seats

Chandigarh: 1 seatUttar Pradesh: 13 seats

Himachal Pradesh: 4 seats

Election Commission in April 11-May 19 sung