100 legends of the World, in Kotava

download 100 legends of the World, in Kotava

of 157

  • date post

    06-Jun-2015
  • Category

    Documents

  • view

    480
  • download

    3

Embed Size (px)

description

100 legends of the World translated in Kotava. Collective work. 2007 Legends of Africa, Asia, Polynesia, America, etc.[100 vunda ke Tamava, kotavon. Donaf grabom. 2007]

Transcript of 100 legends of the World, in Kotava

KOTAVA Tela Tamefa Golerava

Piskura : Kotava.org gesia ~~ www.kotava.org100 vunda ke Tamava Abdikrent

Donaf kalkotavaks (2007)

1

100 vunda ke Tamava

Abdikrent

2

100 vunda ke Tamava

Remsutesikeem Benkelloun, Sabrina Cordelier, Bruno Etcheverry, Damien Frot, Daniel Kostov, Mixail Lermigny, Laurent Mbatk, Joseph Nguyen Tanh, Jacques Rovall, Elisabeth

Tolbelisikeem Fetcey, Staren Van Moorgen, Pierre Wagner, Angela Waldstein, Marjorie

Bat larm va 100 kalkotavayan krent va vunda ik kuda ik sanef reiz male varafa tamava ruldar. Damo obrarapa ke remsutesikeem is tolbelisikeem, rotir da abicote rokla se lanlize trenad. Belisik, til driaf ! Kosmanhal...!

100 vunda ke Tamava

Abdikrent

3

UGEEMI : Vunda se ke Afrika I. 1 Xanta ke letaxo I. 2 Awalkikxo dem fuzol yo I. 3 Vunda va cabdaal I. 4 Abu Nuwasi va intafa mona doler I. 5 Don nefta is varteba I. 6 Djastaf barnik I. 7 Tokdume dikdatol tir drelgekiraf ? I. 8 Baoule vunda I. 9 Micaleem is frunkueem I. 10 Jivakiraf aal I. 11 Kelt is Tawava I. 12 Konviele tiyir Sokake I. 13 Negova is wafibol II : Vunda se ke Amerika II. 1 Dubiera va tey II. 2 Irka Mevtava II. 3 Redura va Tamava II. 4 Xocomil sersikya II. 5 Manko Kapak II. 6 Tokinde den sveri kseva yo ve piyid ? II. 7 Xanta ke Iguau stoyeem II. 8 Kannakapfaluk II. 9 Sedna lorikya III : Vunda se ke Geefa Asia III. 1 Awertaal III. 2 Izva va valpok III. 3 Imwugal ke rena III. 4 Yikya dem kofigas usukeem III. 5 Tokdume sulem va ault digir ? III. 6 Muruga is Edumban gulik III. 7 Vunda va toloy awalt III. 8 Xansey is Bansey III. 9 Nandi Vishala IV : Vunda se ke Ronefa Asia IV. 1 47 samurai gejik ke Ak IV. 2 Izanagi is Izanami IV. 3 Izva va Urashima Taro IV. 4 Kishimo-Jin IV. 5 Maneki Neko IV. 6 Tanabata, renasik yo ke Bitejxo IV. 7 Reiz va perake IV. 8 Bresitol is idatcol IV. 9 Bresitol is idatcol is aal dem kolt IV. 10 Gleba alieyesa va xanikGhana Congoa Kenya Kenya Ertra Ertra Afrika Coteivoira Afrika Madagasikara Madagasikara Madagasikara Madagasikara

Aztek Aztek Maya Maya Guatemala Inca Guyana Brasila Inuit Inuit

Vietnama Vietnama Vietnama Laoa Kamputcea Malaysia Taiwana Nepala Barata

Nipona Nipona Nipona Nipona Nipona Nipona Korea Mongola Mongola Mongola

100 vunda ke Tamava

Abdikrent

4

IV. 11 IV. 12 IV. 13 IV. 14

Vunda va Kara-Mori Vepokaf Dalatay Taidju is velikestusikya dem abrotcaf oblakeem Xailibu nuedapaf tcabanhesik

Mongola Mongola Mongola Mongola

V : Vunda se ke Australia V. 1 Brolga sveri V. 2 Peroya berikya V. 3 Uluru V. 4 Rurera is Parray VI : Vunda se ke Europa VI. 1 Baba-Yaga VI. 2 Nasbeikye ke rupol VI. 3 Vlardafa mona ke Elkorri VI. 4 Mikelats is Atarrabi VI. 5 Agelte is role VI. 6 Nefta se ke Mendiondo VII : Vunda se ke Melanesia VII. 1 Ilava ke gadikeem VII. 2 Sukera se VII. 3 Susik va awalkikxo VII. 4 Kou-indio VII. 5 Bugni is Ku VII. 6 Birga ke vesnol VIII : Vunda se ke Polinesia VIII. 1 Vunda va goma VIII. 2 Kenibesikya koe matela dem imwa se VIII. 3 Vunda va Punaauia VIII. 4 Vunda va runteem VIII. 5 Tel taneaf yaburol se VIII. 6 Xanta ke wageyaal (1-eaf siatos) VIII. 7 Xanta ke wageyaal (2-eaf siatos) VIII. 8 Vunda va wageyaal VIII. 9 Xanta ke galketaal VIII. 10 Vunda va Maiore VIII. 11 Vunda va remrunafa mevta ke Moorea VIII. 12 Vunda va Hiro VIII. 13 Vunda va kabay VIII. 14 Vunda va Maui VIII. 15 Rangi is Papa : Kelt is Tawava VIII. 16 Vunda va redura va tamava VIII. 17 Stutera va sveri VIII. 18 Vakolinha VIII. 19 Xanta ke Tamava VIII. 20 Perake ke Afala

Australia Australia Australia Australia

Rossia Euskadia Euskadia Euskadia Euskadia Euskadia

Kanaka Kanaka Kanaka Kanaka Kanaka Vanuatua

Tahiti Tahiti Tahiti Tahiti Tahiti Tahiti Tahiti Tonga Moorea Moorea Moorea Raiatea Raiatea Polinesia Maori Polinesia Marquises Huahine Rapa Nui Futuna

100 vunda ke Tamava

Abdikrent

5

IX : Vunda se ke Sinia IX. 1 Beya se ke tcabanhesik IX. 2 Dume biralava tir eipkirafa IX. 3 Bresitol is jaktol IX. 4 Bugimo divsoker IX. 5 Cabiala is Ekuva is Proklami IX. 6 Forndasik IX. 7 Icde ziduca IX. 8 Klokara ke Tao IX. 9 Opelkuca ke wocoloc IX. 10 Sersik is birasveri IX. 11. Tavera ke diuz IX. 12 Tel albayas va erba lodam blira IX. 13 Tel fraskesik va ralk IX. 14 Tel lird IX. 15 Tokdume co-derbet ? IX. 16 Tra is tceka IX. 17 Udutaf ginik is sagikya IX. 18 Wulaf esturataksuleem IX. 19 Tana klokara

Sinia Sinia Sinia Sinia Sinia Sinia Sinia Sinia Sinia Sinia Sinia Sinia Sinia Sinia Sinia Sinia Sinia Sinia Sinia

100 vunda ke Tamava

Vunda se ke Afrika

6

I

eaf

luz

:

VUNDA SE KE AFRIKA

100 vunda ke Tamava

Vunda se ke Afrika

7

I. 1. : Xanta ke letaxo (Akan kuda Ghana)Kweku Ananse is Akwasi nik wetce barnikanh gan kottan zo grupeyed. Kottolaf barn tiyir gijaf maneke ta eksara korik yo kotlizu piyid. Darpeon sin vanpiyid kulaf. Wori lantandon kotcoba vanpijiyir ise mea muvayar. Ananse is Akwasi va gonaskine me grupeyed. Kotaf voeem isu kukseem tiyid rodaf nume metan ware piyir kire va rodolenaca mea digiyir. Akwasi ve gorayar da lanir ta da va Nyankopon, va tameredusik, ta pomarayanera wir. Baton gazdon konviele, va Nana Nyankopon ve rozayar aze ve kaliyir : Nana, malipon me al luvar nume kotaf voeem isu kukseem tid rodaf. Kotaf taplekukseem ke jinaf barn turodaweyer oke omuweyer. Va rin blik, pu jin va abica muva zilil . Lorik ve zo konteyer nume ve kaliyir : Jin pu konaktan va pak ke jinafa kobara al dastrub kire golde kotvielafa kucilamara se zo cuuyur. Pu Paa Kwesi va sukalag is pu Yeboa va awaltlag is pu ralkkirafa Nsia va muvalag al zil. Ede va muva galpel, lanil ise va ralkkirafa Nsia wil nume erul da in va abica muva zilir. Akwasi tiyir kalapaf nume va Nyankopon grewayar. Ta da va ralkkirafa Nsia wir ve mallaniyir. Va in debanhes vleve aal ise tildewes yoke lagap odiayan gan Lorik ten kakeveyer. Akwasi va in grewayar aze kaliyir da ta erura va abica muva pu ralkkirik gan Lorik zo stakseyer. Ede tir Lorik va rin stakses, gonal. Va peyama naril aze va jinafe ge dendal, in ve kaliyir . Akwasi va toloya peya ve treduyur aze va ge ke Nsia tolon agralon dendamar, azon va in grewayar aze dimdenlaniyir. Eldegazdon ko intaf barn laniyir ise inde trakuyur al muvapayar. Kota ruxa ranher ise tiyir musafa. Ananse va barn ke Akwasi eldeon kabduolaniyir nume ve tiyir valeaf maneke ve daavagrableyer. Ieson va yupi ! va gael alieyer. Trakuyur da mo intaf barn dere al muvayar. Volfikunton artlanison va intafo tayaxo akoyenon ve vofayar da kale kima anton al muvayar. Mo barn al me muvayar, volse tokdume mo tel ke Akwasi ? Dulzera lanon kruldeyer. In icde nik ve uculeyer nume gorayar da puon erur kane moon al muvayar. Akwasi pu Ananse va mecoba icde ralkkirik djukaliyir kire va beyara ke Ananse rodaxayar. Vexe artimon boybetayar nume pu Ananse icde tumuvasasik ke Lorik pulviyir. Mali da Ananse ve grupenhayar, dere ve gorayar da va ralkkirik worar. Va aalxo konakbartivon remlaniyir aze va in debanhes vleve aal ise tildewes yoke lagap odiayan gan Lorik ten trasiyir. Mali da Ananse va in wiyir, va peyapa ve nariyir aze va Nsia kotpoon dendayar. Ralkkirik mejeraboreyer. Vexe Ananse trenayar da ben ge poon loeke rotir drankapar. Nsia cepiteson ve lubeyer vexe Ananse trenayar da fiker. Maneke dendayason, ralkkirik zavzayar senhes moe sid mezekason. Ananse va inaf yolt ve rozayar, vexe meka dulzera tiyir. Ananse va tumuvasasik al atayar. Ve tuvudaweyer. Ox, me, va tokcoba al ask ? Va tumuvasasik ke Lorik su at. Ve djuvulteyer vexe ve doplekuyur da otceson va int co-koarger. Akwasi nik co-vangrupeyer da in va ralkkirik al atayar.

100 vunda ke Tamava

Vunda se ke Afrika

8

Vexe Ananse tiyir vepokafe nume va tcinera kalion ve trasiyir. Va alto ve nariyir aze ist mikrobaal ve preyutayar. Azon mallaniyir ta da va Akwasi wir. Puon ve kaliyir da va mikrobaal dem jontika lukrafa mikroba al wiyir. Pu Akwasi ve kaliyir da va ilteem di gotreduyud. Akwasi va mikroba albapayar voxe me djulaniyir, me dirnuson va Ananse. Adim ve boybetayar aze do Ananse mallaniyir. Artlaniyison va mikrobaal, Ananse pu Akwasi ve kaliyir da in mo aal grabler ise botcer. Bam battel va gama se urpeyer aze tideon toz godjon tegulayar. Laizon ve lorapayar. Alto ke tumuvasasik ke Lorik tit aal botcen gan Akwasi al lubeyer. Ananse toz ieyer ise evieyer : Akwasi, va rinafe askine disukel. Rin va tumuvasasik ke Lorik al atal. Ta da in golde lagap odiayan gan Lorik tildewer ko aal va int lanon al preyutayar. Va rinafe askine disukel, rin va in al atal. Va tokcoba Lorik fu kalir ? Akwasi tiyir argenapafi, va gonaskine mea grupeyer. In va aal amliton ve titlaniyir. Vexe mosidason intafa kerava tiyir vorotcesa. Ve espuyur da tiyir lemistenaf ise laniyir ta da va Lorik wir ta da va sokiyisa coba kalir. Aze mallaniyir. Ananse tiyir kalapafe, nubadendason ve grableyer. Fitulik, va rin al arg. Lorik va rin en fu ester . Kwaku Ananse me vantrakuyur da Akwasi nik kevoke al mallaniyir ta da va tavenhetes azed bunher. Moimon, Akwasi Owusu do konak korik dimlaniyir aze pu Ananse kaliyir da meke arge tiyir. Lorik tiyir kalapaf gu awalkera ke tumuvasasik kire in kontomon tiyir vungapaf ise va kobara vewayar. Va rin fu gabl da rin va in al atal Lorik ve kaliyir. Bam Akwasi daavon toz dankayar ise stuteyer. Loplkuyur da al dimpiyir do staksik yo ke Lorik ta dimburera va alto. Ananse gildeson va bat ravlem yo davon ve tuyatkaweyer. Zideson ve kaliyir : Akwasi disukel, Me yawal da vepokul. Jin va in al at ! Vudey da Lorik va jin ester ise batdume ko aal va alto al preyut. Jin, va gablera fu imax . Bam mo epiteem va alto ve nariyir aze ko berm ke Lorik kalion va laniyir aze kaliyir da va ralkkirik al atayar nume zo gogableyer. Vexe viele Lorik va warzot ve grupeyer, ve tiyir yatkaf maneke ve gorayar da va Ananse ester, z