SILVERIA GONZATO PASSARELLI

Senarèntola

Verona, Novembre 2010

2

PERSONAGGI

CENERENTOLAPADREMARIETTA: Vecchia governanteMATRIGNA: GENOVEFFA: Sorellastra di CenerentolaANASTASIA: Sorellastra di CenerentolaPOSTINOPRINCIPEREREGINASERVITORE

3

ATTO PRIMO

SCENA PRIMA

PERSONAGGI: CENERENTOLA

CENERENTOLAMama cara, andóe èlo che te sì?Qua gh’è to fióla e anca to marì.El papà l’à dito che te sì in Cél,de luce vestìa e co’ ‘n lóngo vél.El cel, lassù, l’è massa grando,andóe vai i bazi che mi te mando?Là in fondo ‘na riga la tàia la Tèra,parché passa el sol prima de sera,ma no l’è là che finisse sto tristo mondo,gnanca andóe el mar l’è scuro e fondo.L’è alto el cél e no ‘l finisse co’ ‘n sotofìto,l’è come ‘n monte che se alsa a l’infinito.Muri no ghe n’è che i ghe fassa da bariéra….Mama cara, andóe vala la me preghiera?Dighe al Signór ch’ el manda dei segni,che ‘n corpo el ghe daga ai divini disegni.No l’è el Paradiso che mi vói trovar,ma solo la diressión andóe g’ò da vardàr.Dio del Cél, Te sì tuto ’n mistero,gh’è gente che dize che no te sì gnanca vero.Se ti no te ghe sì, no gh’è gnanca me mama,ma mi la sento, el pàr che la me ciàma.Se sèro i òci, vedo ancora el so viso,èlo fòrsi ne la mente che se tróva el Paradiso?Mi credo che delà calcòsa ghe sia,ma risposte no ghe riva a l’ànema mia.Crédar al mistero i dize che l’è fede…Mi sò che me mama la me sente e la me vede.

SCENA SECONDA

PERSONAGGI: CENERENTOLA, PADRE

Entra il padre.

PADREÈcola qua la me cara butìna , dighe al papà sa t’è fato stamatìna.

Il padre bacia sulla fronte la figlia, che rimane a testa bassa.Ancó ‘n to bazìn no lo merito mia?Vuto castigàrme parché són stà via?El pàr che te sìi lì a far penitènsa…Del to bazìn g’ò proprio da far sènsa?È sucèsso calcòsa? Stèto mal?Sito rabià o un pó’ zó de moràl?

4Cenerentola fa di nò con la testa.

PADRE (sollevando dolcemente la testa della figlia)Ma ti t’è pianto, ànema mia!

CENERENTOLA (asciugandosi gli occhi)Nò, papà, l’è la solita alergìa.

PADREMa gati, qua, proprio no ghe n’è!Dei to òci rossi no capìsso el parché!

CENERENTOLAFòrsi ‘n pel l’è vegnùdo col vento,ma tuto me passa tra qualche momento.Ò fato de quei stranùzi che tremàa la casa…Adesso vien qua che to fióla la te baza.

Padre e figlia si abbracciano. Si sente bussare alla porta.

CENERENTOLAPapà, i stà baténdo al portón,farli spetàr l’è ‘na bruta assión!

Cenerentola fa per andare ad aprire il portone.

PADREFèrmete, cara, fame ‘n piazér,de dirte ‘na roba mi g’ò el dovér.

CENERENTOLAParché sito serio? Sa gh’èto da dir?Dime de le robe che rièssa a capir.

PADREVédito,Cenerentola, l’è tanto che són solo,m’è capità ‘n’ocasión e l’ò ciapàda al volo.

CENERENTOLABen t’è fato, sa èlo che t’è crompà?

PADREGnénte, amor mio, me són solo sposà.

CENERENTOLAMa dìsito sul serio o stèto schersàndo?

PADRESe mal ò fato, mi scusa te domando.Vedo nei to òci ‘na nuvola scura,la to bianca fàcia la me fa paura.Te domando perdón, fioléta mia,vìvar no podéa sènsa compagnia.

5CENERENTOLAE mi ci sónti? No te eri solo!T’è sempre dito che te basto e te consolo…

PADREGh’è de le robe che ancora no te sè.

CENERENTOLAE alóra dime quéle robe sa iè.

PADREIè robe de la vita che no te posso dir,ghe tóca a ‘na dòna fàrtele capir.

CENERENTOLAQuel che sò el me basta e el me vansa,de guarir la tristéssa no g’ò più sperànsa.Da ti la mama l’è stà desmentegà,ma via dal me cór, mai l’è andà!

Si sente bussare con più violenza.

PADRE‘N momento v’ò dito, sa èlo che se bruza?

CENERENTOLANo vèrzar, papà, invèntete ‘na scusa.

PADREGnénte me invento, le spèta e basta!

CENERENTOLAPar quanta gente g’ò da cózar la pasta?Al plurale t’è parlà, ci gh’è là fóra?

PADREDe tempo par parlar ghe n’avémo ancora.Ascolta, creatura, sa te dize to papà:mi la mama no l’ò mai desmentegà.L’è sempre nei me sogni e drénto el me cór,in eterno la sarà el me unico grando amor.Se me són sposà l’è stà anca par ti,te ocór ‘na mama, no basto mi!Cól tempo, cór mio, se se abìtua a tuto,ti, de ‘na mama, te serve l’aiuto.

CENERENTOLAQuante èle le mame che te m’è portà?

PADRECon una sola mi me són sposà!

CENERENTOLAAl plurale t’è parlà; le altre ci èle?

6

PADRETesoro mio caro, iè le to sorèle!

CENERENTOLAQuante, papà? Dìmelo par piazér!Quante èle le dòne che te gh’è da mantegnér?

PADRESolo quàtro, tesoro, quante vuto che le sia?

CENERENTOLAGhe sónti anca mi in sta bèla compagnia?

PADRETi te sì la prima, creatura mia adoràda,l’unico bel fior de la me vita sfortunàda.

Si sente bussare con violenza.

CENERENTOLAÈle éle che le bate o ‘n fabro feràr?

PADREL’è stà massa el tempo che le ò fate spetàr.Mariéta, vien qua a vèrzar el portón!

CENERENTOLA (tra sé)A mi, de scapàr, me vien la tentassión!

SCENA SECONDA

PERSONAGGI: CENERENTOLA, IL PADRE, MARIETTA

Arriva la vecchia governante, Cammina lentamente trascinando le ciabatte.

CENERENTOLA (rivolta al pubblico)Pòra Mariéta, l’è sempre più vècia e straca,ma l’è una de quéle che no magna a maca.Par farla contenta, ogni tanto la ciamémo,ma iè póche le robe che ghe domandémo.Vèrzar la porta par éla l’è ‘n piazér,de quei che vien drénto la vól tuto savér.

Un susseguirsi di colpi tremendi spaventa tutti.

MARIETTAMaria Santèmela, sa èlo che sucéde?Són tuta ‘n tremàsso, el me cór el cede.

Padre e figlia soccorrono Marietta.

PADREFòrsa, Mariéta, no è sucèsso gnénte!

7

MARIETTAMi no ghe vèrzo a tuta quéla gente!

PADREGhe vèrzo mi, iè solo tre dòne.

MARIETTADe le gran vilanàsse, parlemadòne!

SCENA TERZA

PERSONAGGI: CENERENTOLA, IL PADRE, LA MATRIGNA, LE SORELLASTRE.

Il padre apre il portone e accoglie le donne con un sorriso. La matrigna e le figlie entrano con prepotenza.

MARIETTAMaria de oro! È scapà i tori da la stala!El li ferma subito, i ne sassìna la sala!

Cenerentola comincia a tossire e a soffiarsi il naso.

MATRIGNAÈla questa l’acoliènsa che se fa a ‘na spósa?Guai a ci parla, són za massa rabiósa!Èla questa l’educassión che gh’è in sta casa?

PADRECara la me spósa, spèta che te baza!

MATRIGNAStame lontan che te spussa el fià,el sà da luàme, sa èto magnà?

PADREGnénte me ricordo, l’è massa l’emossión,de tórte in brasso me vien la tentassión.

Lo sposo fa per prendere in braccio la sposa.

CENERENTOLAFermo, papà. l’ernia la te se stròssa!

MATRIGNA (respingendo il marito)A mi sti stomeghéssi i me fa angóssa.

La matrigna squadra da cima a fondo Cenerentola.Èla to fióla sta butèla slangorìa?

MARIETTAL’è ‘na bèla fioléta la paronçìna mia!

MATRIGNAE ci èla sta bruta vècia slenguassóna?

8

MARIETTASón stà la balia de la me pòra paróna.

Adesso són qua come dòna de servìssioe adoro sta fioléta piena de giudìssio.

MATRIGNAMa èla quéla lì che fa i mestieri?

PADREQuel che la pól la le fa volentieri!

MATRIGNACrédito fòrsi che mi fassa da magnàr?Che lava le robe e che me méta a stirar?Pènsito fòrsi che mi spassa par tèra?Che lava i pavimenti e che ghe daga la cera?Mi, in sta casa, són vegnùa da paróna,va subito a çercàrme ‘na zóena dòna.

PADREGh’émo tre fióle, no stà preocupàrte,se ti te lo vól, le pól anca petenàrte.

Cenerentola continua a sternutire.

MATRIGNASa g’ala sta fiàpa che la sèita stranuzàr?No l’è che calcosa la ne possa tacàr?

La matrigna tira fuori un fazzoletto e si copre naso e bocca.

MATRIGNAFasì come mi, bèle e care colombèle,tolì i fasssoléti e metì zó le ombrèle.

Entrambe le figlie si coprono naso e bocca col fazzoletto.MATRIGNAA to fióla la medissìna no ghe la dèto mia?

PADRENo la serve a gnénte, se trata de alergìa.

MATRIGNAAlergìa a cosa? No sémo in primavera!Varda che magra! Varda che siéra!

Il padrone indica il collo di pelliccia della moglie.

PADREEl còl che te porti èlo fòrsi de gato?

9MATRIGNAMa come te permétito, piòcio refàto!L’è rat musché, el vien da Pari…‘N bifolco ignorante ò tolto par marì.

CENERENTOLA (tra sé)Pòro papà, ‘n bel afàr l’à fato!In capo a du dì, el devènta mato.Mi són so fióla, ma gnénte posso far,col cór che me s-ciòpa me tóca soportàr.Mama mia cara, che te vedi e te senti,daghe el coràio de mostrar i denti!

Cenerentola riprende a starnutire.

MATRIGNAEl me dà sui nervi sto continuo stranuzàr.

GENOVEFFAAnca Lucifero la finirà par stufàr.

MARIETTACól demonio iè imparentè! L’avarìa giurà;vago a tór l’àqua santa che g’ò delà.

Marietta esce camminando a fatica.

MATRIGNAAndóe èlo che la va quéla vècia stracampìa?MARIETTAGhe l’àla fòrsi con mi sua Signorìa?

MATRIGNAÈlo rispèto o me tórla par el dedrìo?

MARIETTAMane no ghe méto su ‘n cul che no l’è mio.

MATRIGNAServa vilàna, qua són mi che comando!

MARIETTAQuei come éla, le sala andóe li mando?

CENERENTOLATasi, Mariéta, l’è ‘na dòna catìa:in quàtro e quàtro òto la te para via!

MARIETTAMèio a l’inferno che vìvar con quéla là…Proprio ‘n bel afàr l’à fato to papà.

Marietta si riavvia verso l’uscita.

10MATRIGNANissùno se móe sènsa el me parmésso.

MARIETTAE mi, al cesso, ghe vago istésso.“Cul e sióri i fa quel che i vól lóri”.Se subito no córo, i sarà dolori.Éla l’ è ‘na sióra e a tuti la comanda,ma ste robe parméssi no le domanda.

Marietta esce.

SCENA QUARTA

PERSONAGGI: CENERENTOLA, IL PADRONE, LA MATRIGNA, LE SORELLASTRE.

Cenerentola continua a sternutire e a soffiarsi il naso.

PADREMa le finestre i è tute serè,peli de gato qua no ghe n’è!

Si sente un miagolio.

PADREMa ci èlo che fa el verso del gato?

ANASTASIAL’è el caro Lucifero che “miao” l’à fato!

PADRELucifero?! Ma me crédito rimbambito?El diàolo l’è ‘n cavrón e gnénte l’à dito.

Le sorellastre ridono.Genoveffa scopre la gabbia del gatto.

GENOVEFFAÈcolo qua el nostro bel micéto!

Cenerentola sternutisce ancora più forte.

PADREMa quel l’è ‘n gato, Signór benedéto!

MATRIGNA (rivolta al marito)Ma sa èla quéla fàcia spaentà?Dime adesso sa l’è che t’à ciapà.

PADREVia quéla bestia! Fóra quel animàl?

MATRIGNADèto i nùmari o te sèntito mal?

11PADREMe fióla la stranùza par el gato!

GENOVEFFAPòro micéto, che mal alo fato?

PADREEl vostro Lucifero, da sta casa, el va via!

SCENA QUINTA

PERSONAGGI: QUELLI DELLLA SCENA PRECEDENTE AI QUALI SI AGGIUNGE MARIETTA.

Entra Marietta con una bacinella piena d’acqua.

MARIETTAVe libero mi da sta bruta compagnia!Vien fóra Lucifero, vien da la Mariéta.

Il gatto miagola. Marietta lancia il contenuto della bacinella contro l’animale.Senti che fresca sta àqua benedéta!

Il gatto salta giù dalla gabbietta e fugge miagolando. Marietta ha bagnato anche le sorellastre.

GENOVEFFALa m’à sassinà tuti quanti i me rissi!

ANASTASIAE a mi el vestito, quel bèlo coi pissi!

MATRIGNAEl nostro gatìn la l’à tuto negà,più no lo vedo, andóe èlo scapà?

MARIETTADrito a l’inferno, l’è là el so posto,insieme a le àneme còte a ròsto!Sta òlta el demonio da gato el s’à vestìo…Avìo visto che salto quando l’ò benedìo?

Cenerentola non starnutisce più.

MATRIGNA (rivolta verso il marito)Dighe a la to serva che l’è licensià.

CENERENTOLANò, nò! Dighe che la Mariéta via no la va.

PADRECara moiér, l’è mèio che se parlémo,qua tuto va lìssio se dei pati fémo.

Rivolto verso Cenerentola.

12Cara, ti e la Mariéta ritirève delàe ti dighe a le to fióle che no le staga qua.

Marietta e Cenerentola escono.

SCENA SESTA

PERSONAGGI: QUELLI DELLA SCENA PRECEDENTE, TRANNE CENERENTOLA E MARIETTA.

MATRIGNAPar avérghe calcòsa, se domanda par piazér,de ubidìr a ‘n vilàn no me sento in dovér.

PADRESta òlta g’ò da dir che te gh’è resón…

Rivolto alle ragazze.Fóra dai pié e basta questión.

Le ragazze escono indignate.

SCENA SETTIMA

PERSONAGGI: MATRIGNA, PADRE

PADREMa sito ti o me sónti sbalià?Èla fòrsi to sorèla quéla che ò sposà?

MATRIGNATe fè dei discorsi da vècio rimbambito.

PADREMi, de parlar, no t’ò gnancóra dito.

MATRIGNAMa come te parmétito, sènsa creànsa?!

PADRENo la tiro par le lónghe, vago a la sostànsa.Qua, de paróni, no ghe n’è mai stà:gh’éra ‘na mama e gh’è ancora ‘n papà.Credéa d’avér sposà ‘na vedova santa,‘na signora maùra sóra ai quaranta,e varda qua sa l’è che me cato:‘na dòna malmaùra, dó fióle e un gato.Sercavo ‘na mama par la me pòra fióla,ti te l’è promésso e t’ò credù su la parola.‘Na mama no te sì e gnanca ‘na moiér,ma ormai t’ò sposà e de tegnérte g’ò el dovér.Ma guai a ti se me fióla te maltràtie tiénte inaménte che l’è alèrgica ai gati.Mi, le bestie, tute quante le rispèto,ma qua no le vói e gnanca in lèto.

13Mi, quel gato, te lo posso lassàr,ma lontan da me fióla el g’à da star.Anca de la Mariéta mi g’ò da parlàrte:ricòrdete ben che de la casa la fa parte.L’è de la faméia e rispèto te ghe porti,ghe penso mi se te ghe fè dei torti.Te m’è dato ‘n amor che mai t’è proà,solo par i schèi ti te m’è sposà.

MATRIGNASangue blu t’ò portà drénto a sta casa!

PADREMe vien da sigàr, ma l’è mèio che taza.Sóto sto coèrto, insieme vivarémo,se némo d’acòrdo, contenti sarémo.

MATRIGNATuta quanta l’ò scoltà la to bèla lessión,cara te me la paghi sta bruta umiliassión.Mi vègno da ‘na faméia nobile e sióra…

PADRENobili decadùi andàdi in malora.I schèi par sto vestito mi iò sborsèe anca par sti ori che indosso te gh’è.To fióle ò ornà con séde e pissie adesso, in sén, me cato tri bissi.Vedo che con ti no gh’è gnénte da far,gnanca par finta te ne pól amar.Voléa, par me fióla, ‘na vita serena,scarica el to odio tuto su la me schéna!L’è mio el pecàto e lo g’ò da pagar,el sbàlio che ò fato no me posso perdonar.

MATRIGNAL’èto finìa de recitàr giaculatorie?O g’ò da star qua a scoltàr altre storie?

PADREAncora ‘n momento e dopo ò finìo:

Il padre conduce la matrigna in un angolo della stanza affinché Cenerentola non senta.

te fasso paróna del patrimonio mio,te pól spèndar e spàndar come te pàr,ma solo se me fióla te fè finta de amar.Par la cara Mariéta te domando rispèto…Sempre mi fasso quel che prométo.

MATRIGNAMancomàl che te scomìnsi a ragionàr,fòrsi sta parte la posso recitar,ma g’ò da pensar anca a le me fióle,mi vói che le senta solo bèle parole.

14E te gh’è da amar anca el me gato,che gnénte el domanda e mal no’l t’à fato.

PADRE (a voce alta affinché Cenerentola senta)Mi l’ò savéa che in fondo te sì bòna,catàrme no podéa ‘na più bràa dòna.

MATRIGNASpèta a recitar, che l’è ancora bonóra,de gente in teatro no ghe n’è gnancóra!

ATTO SECONDO

SCENA PRIMA

PERSONAGGI: CENERENTOLA, PADRE

È passato qualche tempo.

CENERENTOLAPòro papà, me tóca imbroiàrlo,qua, nel me cór, me sento ‘n tarlo.El me rózega drénto con denti de león,el me magna la vita sènsa compassión.Mi, de buzìe, no ghe n’ò mai contà,ma l’è tuta una, da quando i è qua.Buziàra són, ma sa g’ò da far?Se ghe digo la verità, lo fasso malàr.Preparo da magnàr, lavo, stiro, spasso….e, par dormir, no g’ò gnanca ‘n materasso.G’ò ‘na bala de pàia scónta da ‘n ninsól,a la matìna me also prima del sól.Quando gh’è lu, ben le me trata,ma apéna el va via, devènto ‘na savàta.Lu el crede che le fióle le me giùta,gnénte el sà de la me storia bruta.Le passa le giornàde parlando de vestiti;mi g’ò solo doveri e gnénte dirìti.Ma tuto me va ben, s’el papà l’è contentoe de dirghe buzìe, mi più no me pento.

SCENA SECONDAPERSONAGGI: CENERENTOLA, PADRE

Entra il padre di Cenerentola.

PADRECiao, cara, come mai za alsà?

CENERENTOLAO’ fato ‘n sogno che m’à spaentà.

15PADREI sogni i va via come fa la rozàda,che vapor la devènta e in alto l’è portàda.Tra i brassi del papà gh’è el caldo del solle làgrime el suga e la paura el te tól.

CENERENTOLACaro papà, el to amor mi lo sento,el me scalda par fóra e anca drénto.Volarìa star con ti par tuto el giorno,quando te vè via, mi penso al to ritorno.

Adesso te preparo ‘na bòna colassión:late, cafè e pan col mascarpón.

PADRE‘No gh’è fióla al mondo mèio de ti:le altre le se gòde e ti te pensi a mi.

Cenerentola esce.

SCENA TERZAPERSONAGGI: PADRE.

PADRECissà se l’è contenta la me Chiarastéla:l’è magra infilà, la me pàr manco bèla.‘N bón afàr ò fato col me matrmonio!In sta casa comanda el demonio,le me stà magnando tuto el patrimonio.Gnénte mi capìsso de tuta sta situassión,ne la testa mia gh’è ‘na gran confusión.I òci de me fióla ogni tanto i è rossi,la me pàr spaìza e l’è tuta ossi.La me dize sempre che la marégna l’è bòna,che mai la se ràbia e che sempre la perdona.Sa ghe sia de pardonar, mi no lo sò mia,par la vita de ‘na òlta g’ò tanta nostalgia.Davanti a me fióla, la me fa ogni moìna.ma quando sémo soli, a parole la me sassìna:De le fìóle sue, g’ò ‘na bruta opinión:de èssar gran bèle le g’à la covinsión:par tuta la giornàda le se pètena e le se truca,ma ignoranti iè e uda le g’à la suca.A la me Chiarastéla, le léngue le ghe fa,iò viste ‘na òlta che no le se credéa vardà.Davanti a mi le ghe ciàma “sorelìna mia”,ma le g’à su la fàcia ‘na gran antipatìa.

SCENA QUARTA

PERSONAGGI: CENERENTOLA, PADRE

Cenerentola entra con la colazione.

16PADREÈcola qua la me brava donéta,dòrmela ancora la nostra Mariéta?

CENERENTOLADa ‘n bèl tòco l’è svéia quéla santa dòna,

PADREEl tempo el passa e nissùni el perdona.

CENERENTOLAPiù no la ricorda i ani che la g’à.

PADRE (sorridendo)O, fòrsi, no la vól mia dir la so étà.

CENERENTOLA (rivolta al padre)Dìsito sul serio o stèto schersàndo?

PADREDe le òlte, anca mi me lo domando.Se ancora gh’è restà de la dòna l’ambissión,la compie i ani ogni òlta de scondón.

Cenerentola e il papà ridono.

PADREL’è ancora vispa e svéia la cara Mariéta,l’è l’amor par noàltri che a la vita le tien stréta.

MATRIGNA (voce fuori campo, dal tono brusco e irritato)Ci èlo che ciàcola e che m’à sveià?

CENERENTOLALa scusa, Signora, són qua con me papà.La voce della matrigna si addolcisce.

MATRIGNAVago a sveiàr le me care bamboléte,le farà cip cip come dó passaréte.

PADREÒ sentìo che te la ciàmi “Signora”…De ciamàrla “mama” penso che sia ora.

CENERENTOLAMe ocór altro tempo, caro papà,de come se fa me són desmentegà.

Entrambi chinano il capo, mostrando una profonda tristezza.

SORELLASTRE (voci fuoricampo)Cip cip, cip cip, sémo dó passaréte,verzémo el bechéto e sbatémo le aléte.

17

PADREG’ò ‘n apuntaménto, devo subito scapàr,dame svelta ’n bazéto che no posso spetàr.

Il padre saluta in fretta la figlia ed esce.

SCENA QUINTA

PERSONAGGI: CENERENTOLA, MATRIGNA E SORELLASTRE

Entrano le sorellastre e la matrigna.

MATRIGNACorì, colombine, se rafréda la colassión!

La matrigna guarda verso il tavolo e poi verso Chiarastella.No gh’è gnénte su la tòla, sa ghèto in quel testón?

CENERENTOLAÒ parecià par el papà che l’è apéna andà via!Par la vostra colassión, l’ora no la savéa mia.

GENOVEFFANoàltre gh’émo fame, cara mamìna!

MATRIGNA (verso Cenerentola)La se méte proprio mal, par ti, stamatìna!CENERENTOLANo me ne són mia incòrta ch’el tempo el passàa,ero qua col papà e insieme se parlàa.

MATRIGNADa le vostre bóche, cissà sa è vegnù fóra!

Veleni, calùnie e tuto el pèzo che gh’è ancora!

CENERENTOLANò, Signora, mi no són ‘na buziàra!A dir robe bèle fazéino la gara.

ANASTASIADe la mamìna mia, no se pól parlar mal,el sarìa ‘n delìto che fa solo ‘n criminal.

GENOVEFFALa me mamìna l’è tanto de cor,Éla, a tuti quanti, la ghe dà amor.

MATRIGNAAdesso basta! Prepara la colassión!Ubidìssi subito e sènsa far questión.

18

Cenerentola comincia a correre qua e là: mette il latte sul fuoco, prepara il caffè, mette il burro sul pane, stende la tovaglia sul tavolo e poi mette tutto sul vassoio. Intanto le tre donne continuano a darle ordini.

ANASTASIAMi, stamatìna, vói la ciocolàta;la me piàze tanto e no te l’è mai fata.

ANASTASIAMi vói del tè cól sugo de narànsa,de late de vaca ghe n’ò bastànsa.La roba che te prepari l’è sempre la stessa,no se fa così co’ le fióle de ‘na Contessa.

Cenerentola continua a correre di qua e di là.

MATRIGNAQuel buro lì bùtelo tuto via,l’è vècio e ranso, mi no lo vói mia.Sto schifo de tovàia l’è tuta ‘na màcia,càmbiela subito sènsa far quéla fàcia.

GENOVEFFAMi la marmelàta no la vói de sirésa,la vói de armelìni sul pan ben destésa.

MATRIGNASvelta, svelta! Te sì pèzo de ‘na lumàga!

ANASTASIANo l’è bòna da gnénte, sa vuto che la faga?

Cenerentola mette tutto su un grande vassoio e stà per portarlo in tavola, quando entra Lucifero che fa inciampare la ragazza. Il vassoio si rovescia.Il gatto miagola spaventato. Cenerentola s’inchina a raccogliere i pezzi. Anastasia prende in braccio il gatto. Cenerentola ricomincia a sternutire.

MATRIGNASolo disastri te sì bòna de far,riprepara tuto sènsa gnanca bufàr.

Cenerentola ricomincia a correre di qua e di là.

ANASTASIAPóro micéto. Èto ciapà ‘n spaentón?T’ala dà ‘na peàda o èlo stà ‘n scapussón.

Il gatto ricomincia a miagolare.

ANASTASIAMamìna, el g’à tanto mal, pòro micéto,són sicura che quéla la l’à fato par dispèto.

19MATRIGNA (rivolta al gattino)Andóe èlo che quéla bruta la bua la t’à fato?

GENOVEFFASeitàndo a stranuzàr, la ne spua nel piàto!

ANASTASIAL’è anca spórca, no se pól degnàrse.

GENOVEFFAGnanca el vestito l’è bòna de lavarse!

ANASTASIAVarda, mama, la g’à la fàcia infrusinà.El so vècio vestito la se l’à tuto sbregà.

GENOVEFFAI cavéi, in testa, par la çénar iè grisi!

ANASTASIALa g’à i sòcoli consumè e i calséti slisi.

GENOVEFFAÒ pensà ‘na roba: la ciamémo Çenarèla?A éla no l’è adàto el nome de Chiarastéla.

La matrigna e le sorellastre si mettono a ridere. Cenerentola continua a sternutire.

SCENA SESTA

PERSONAGGI: QUELLI DELLA SCENA PRECEDENTE AI QUALI SI AGGIUNGE MARIETTA.

Entra Marietta.

MATRIGNASa vórla, adesso, sta vècia stracampìa?

MARIETTAVègno a dirve che l’è ora de farla finìa!Via quel gato, tanto par scominçiàr,rispetè Chiarastéla, tanto par seitàr,preparève da sole colassión, diznàr e çéna,imparè a laoràr e a piegar la schéna.Basta co’ rècite, basta co’ le buzìe,avì róto le scàtole, parfìn le mie.Imparè a lavar, a stirar e a ponciàr,el vostro bel cul lo dovì alsàr.E fin che sponsè, vardève al spèio,el fruzìn de Chiarastéla dei potàci l’è mèio.

MATRIGNAFóra da sta casa, bruta e vècia strega,

20

te sgnaco in strada sènsa gnanca ‘na caréga.Qua te stè magnàndo el pan a tradimento.

MARIETTAMi sò ch’el parón de mi l’è contento.Magno quel che basta e manco del gatoch’el sarìa più contento de magnàrse ‘n rato.Ghe dasì magnarìni de alta cusìnae ‘na schiava avì fato de la me butìna.L’è così straca che la dorme sul piàtoe voàltre magnè quel che éla l’à fato.

Cenerentola continua a sternutire.Via quel gato! Sio tute sorde?Se massa tirè, le se rompe le corde.Portè subito Lucifero su nel solàr,i è solo i butìni che se g’à da sbrassolàr.Se in prèssia no fasì quel che ve tóca,me cavo la dentiera e ve mostro la bóca.

GENOVEFFAMamìna, mamìna, spaènto ciaparémo,le bróze ne vien, le fàce se sassinémo.Mi, Lucifero, lo lasso subito andar,ch’el vaga in solàr a córar e a saltar.

Genoveffa lascia andare il gatto. Cenerentola smette di sternutire.

MATRIGNAVa a tór le to strasse e fóra da qua!

MARIETTALa me ghe porta in brasso se la g’à el fià.

Cenerentola va ad abbracciare Marietta.Bussano al portone.

MATRIGNAE adesso ci gh’è? I bate al portón,no posso ricévar in ste condissión!Són in vestàlia, no són petenà,me manca el truco e no ò magnà.

ANASTASIAE noàltre, poaréte? Vardè a che passi!Se se vèrze el portón, ride anca i sassi.El pól èssar ‘n butèl bèlo e siórvegnùdo qua par darme el so cór.

GENOVEFFASito sicura ch’el vien par ti?Qua, da sposar, ghe són anca mi.

ANASTASIASón mi la più zóena e anca la più bèla.

21

CENERENTOLA (a bassa voce rivolgendosi a Marietta)Anastasia la disprèssa anca so sorèla!

MARIETTAE magari, là fóra gh’è la Caterinache i óvi la ne porta come ogni matìna.Se a vèrzar le spèta, sbarlòti i devèntae lóre iè lì che morosi le inventa.

ANASTASIADe èssar la più vècia, za lo savéa, ma de quanto te sì bruta, ti no te gh’è idea.

GENOVEFFAMama, èla vera che són bruta assè?

MATRIGNA (soprapensiero)De tute le butèle, te sì bèla piassè!

GENOVEFFAAnca de l’Anastasia sónti più bèla?

MATRIGNAConfronti no se fa co’ ‘na sorèla.

Bussano ancora.

MATRIGNAMariéta, domanda ci gh’è.

MARIETTASón stà licensià e vago fóra dai pié.

Marietta fa per lasciare la stanza.Bussano ancora.

MATRIGNAMariéta cara, voléa solo schersàr,par star alégre, par l’aria taiàr!

MARIETTAChiarastella, g’ò da vèrzar o vago via?

CENERENTOLATe sì solo ti la me compagnia.

Vèrzi, Mariéta, falo par mì.Sa èlo che fasso se ti no te ghe sì?

MARIETTAVèrzar el portón l’è compito mioe voàltre scondìve là in fondo, dedrìo.Se l’è ‘n principe, un duca o ‘n conte,vestìve in prèssia e vegnì qua pronte.

22E ti, Chiarastéla, cara ànema mia?

CENERENTOLAA mi, i nobili, no i me interessa mia.

Marietta va ad aprire.

SCENA SETTIMA

PERSONAGGI: TUTTI QUELLA DELLA SCENA PRECEDENTE AI QUALI SI AGGIUNGE

POSTINOG’ò ‘n invito par la sióra contessa,Amalia Farlopa de la Barchessa.

MARIETTA (atteggiandosi a nobile)Són mi la contessa col nome che l’à dito,el se comoda pure, gradìsso ogni invito.

CENERENTOLA (tra sé)Ma la Mariéta sa s’ala insognà?Cissà, adesso, cosa le ghe farà.

MATRIGNAQuel òmo el dirà che són bruta e vècia,de sicuro l’invito el le buta ne la sécia.

MARIETTA (rivolta al postino)Sa èlo ch’el spèta a bazàrme la man?

POSTINOLa me scusa, Contessa, són stà ‘n vilàn.

Il postino fa il baciamano.

MARIETTA (tra sé)Prima de morir, me són tolta ‘na sodisfassión,de èssar contessa ò proà l’emossión.El me scusa, lu élo ‘n barón, ‘n conte…

POSTINOCrédela de avérghe ‘n nobile de fronte?Contessa Farlopa, l’à ciapà ‘na cantonàda,són solo el postìn de la Val Monàda.

MARIETTA (a voce molto alta)Valo ben istésso o lo lasso andar via?El butèl l’è discreto e anca de compagnia.

MATRIGNASan Stanislao, del to aiuto g’ò bisogno,ma sónti svéia o èlo ‘n sogno?

A quéla rimbabita, càveghe la parola,

23infìleghe ‘n rospo drénto a la gola!

MARIETTALu, par caso, èlo lìbaro o sposà?

POSTINOSón scapolo, Contessa, mai nissùna ò catà.

MARIETTA (a voce alta)L’è ‘na bòna ocasión, care butèle,mèio ‘n postìn che restar zitèle.

Le ragazze non credono alle loro orecchie, si guardano stupite e indignate.

POSTINOLa me scusa, Contessa, con ci stala parlando?

MARIETTASe trata de robe che stavo pensando.Sicóme g’ò i me ani e són dura de récia,me parlo a voce alta come fa ogni vècia.Risposte no ò sentio e lo lasso andar via,come fàrghe ‘n cafè mi no lo sò mia..El me magiordòmo e anca la servaadesso iè in cusìna che i fa la conserva.

POSTINOMi la ringràssio, ma de onori no són degno,vègno da la campagna, ma g’ò del ritegno.Mi me congedo e co’ ‘n inchìn vago via,ghe bazo la man e torno a casa mia.

Il postino fa il baciamano e se ne va. Marietta chiude il portone.

SCENA OTTAVA

PERSONAGGI: TUTTI I PERSONAGGI DELLA SCENA PRECEDENTE, TRANNE IL POSTINO.

La matrigna e le sorellastre si dirigono verso Marietta con fare minaccioso. Cenerentola e, con il suo corpo, fa scudo a Marietta.

MARIETTA (rivolta alla matrigna)La spèta a parlar, la pól anca restàrghe,mi, ‘na camomìla, vago subito a farghe.La léza sta carta, ‘n invito la portae dopo la me cria, ma la le tègna corta.

Marietta esce. La matrigna legge l’invito.

MATRIGNAAlégre, colombine, m’è za tuto passà,a la corte del re, ancó sémo invidà.

24L’è el compleàno del so ultimo erede,tra tante el seliarà la più bèla ch’el vede.

Le sorellastre si mettono a saltare di gioia. Cenerentola rimane seduta a testa bassa.

SCENA NONA

PERSONAGGI: QUELLI DELLA SCENA PRECEDENTE AI QUALI SI AGGIUNGE IL PADRE.

Entra il padre di Cenerentola. L a ragazza gli corre incontro abbracciandolo.

PADREMa sa g’ale quéle là? El balo de san Vito?

CENERENTOLADa la corte del re gh’è rivàdo ‘n invito.Del principe Gustavo l’è el compleàno,ghe sarà ‘na festa come i fa ogni ano.Ma quéla de sta òlta l’è più importante,ghe sarà tanta gente e tuta elegante.El se sèlie la morosa el fiól del re,quéla, tra le butèle, che ghe piàze piassè.

Intanto, la matrigna e le sorellastre pensano a come si devono vestire.

ANASTASIAMe méto el vestito quel lóngo è scolà,tuto de vél, color erba de pra.Qua, sul pèto, ‘na spila de diamantie ‘n anèl compagnà da métar sóra ai guanti.Par la testa ò pensà a ‘na corona d’argento,che la me tègna i cavéi se par caso gh’è vento.Me infìlo i recìni co’ le perle piassè grosse,iè fate in un modo che le pàr dó gósse.Scarpe e borséta le g’à da èssar compagnè,quéle verde bizo le me piàze piassè.Me tiro i cavéi tuti sóra a la testae me fasso dei rissi con quei che resta.‘Na diva el me credarà el principe erede,a la fàcia de quei che bèla no i me vede.

GENOVEFFAMe méto el vestito fato tuto de razo,me dago el rosséto fin qua, sóto el naso,Intorno al còl, ‘na colàna de rubini,del stesso color dei me pressiózi recìni.Me méto el busto e me lo fasso tirar;cól vitìn da vèspa, fasso l’òmo strangossàr.Cól bustìn tiràdo, me vien fóra el pèto,me fasso dó abondànse da far vóia e dispèto.Me infilo nei cavéi le me péne de strusso,indosso g’avarò tuta roba de lusso.Con parfùmo de rose me spiànso le lezéne,

25al principe erede ghe s-cioparà le vene.

MATRIGNASvelte, colombine, l’è stasséra la festa,par prima mi vói métar drénto la testa.

La matrigna e le sorellastre escono in fretta dalla stanza per andare a prepararsi.

SCENA DECIMA

PERSONAGGI: CENERENTOLA E PADRE.

PADREE ti, cara fioléta, come vèto vestìa?

CENERENTOLAA mi, le feste, no le me piàze mia.

PADREDe to mama, sul solàr, gh’è i vestiti più bei,la ghe pensa la Mariéta a rissolàrte i cavéi.Dai, Chiarastéla, te fasso mi da cavaliére ciàmo la caròssa con tanto de cochièr.

CENERENTOLALa marégna no l’à dito se són stà invidàe dopo són sicura che nissùni me vól là.Le me mane iè nere, tute spórche de fruzìn,la me pèle l’à ciapà el color del camìn.I vestiti de la mama massa larghi i è par mi,el quaranta i è le scarpe e mi porto el trentatrì.

PADRETe sì zóena, bèla, de’na faméia che stà ben,ma sa èlo che, in casa, tuto el giorno te tien?Indòsso te gh’è sempre sto vestito strassà,i colori l’à perso e l’è tuto ransignà.Andóe èi i vestiti che t’à crompà la marégna?

CENERENTOLAIè tuti ne l’armàr, de métarli no són degna.

PADREMa èlo par gnénte che mi ghe dago i schèi?La m’à dito che la t’à crompà anca dei gioièi.

CENERENTOLA (tra sé)L’è mèio che taza e che gnénte ghe diga,de tórme calcòza, no la s’à mai tolto la briga.Cissà che fine i à fato quei schèi,la ià spesi par éla e invésse i èra méi.

A voce alta.

Senti papà, mi zóena són ancora,

26ghe n’avarò del tempo par nar fóra!

PADREEl tempo el passa che gnanca te te inacòrzi,un giorno, te vedarè, te vegnarà i rimorsi.

CENERENTOLAMi stago ben con ti e la Mariéta,l’è presto par i bali, són ancora buteléta.

PADREFa’ come te credi, mi più no insisto,ma védarte a sti passi, mi no resisto.

CENERENTOLASón felice e serena, sa vuto ancora?PADREFòrsi te gh’è rezón, l’è ancora bonóra.Èco che le riva, senti che puinàr,mi me ritiro, complimenti no vói far,

Il padre esce.

SCENA UNDICESIMA

PERSONAGGI: QUELLI DELLA SCENA PRECEDENTE, TRANNE IL PADRE.

Entrano la matrigna e le sorellastre con abbigliamenti troppo vistosi.

MATRIGNANo érito mia ti che te ne dovéi petenàr?Tra noàltre tre sémo dovù rangiàr.

ANASTASIAEl to parér no ne lo dìsito mia?

GENOVEFFAMa sa vuto che la sàpia quéla slangorìa!

CENERENTOLAScusème tanto se no v’ò petenà,mi no ò podùo parché gh’éra me papà.

SCENA DODICESIMA

PERSONAGGI: QUELLI DELLA SCENA PRECEDENTE AI QUALI SI AGGIUNGE MARIETTA

Entra Marietta.

MARIETTAChe la ve fassa da serva lu no ‘l le sà miae gnanca che ghe ciamè “Çenarèla” e “slangorìa”.

27A voàltre ve convièn che nissùni ghe lo diga,in quàtro e quàtro òto el ve metarìa tute in riga.Se volì dei complimenti, ve li fasso mi.

MATRIGNATazi, serva, e pensa par ti.Ti no te sì degna gnanca de vardàrnee te gh’è el coràio de star lì a criticarne.Quando tornémo, guai a ti se te trovo qua,questo vól dir che te sì proprio licensià.

MARIETTAVedo che l’è in vena de far piazéri,se fossi sola, sarìa andà via za ieri.Una de voàltre la sarà principessa,resìstar no se pól a tanta beléssa!Vardè che vestiti, vardè che gioièi,sentì che parfùmi, amirè quei nèi.Largo, gente, gh’è le màscare che passa,l’è carnevàl, batì su la grancassa.

MATRIGNAVia, via, no la vói più sentir!

MARIETTARiverisco, contesse, andè a farve benedir.

La matrigna e le sorellastre escono.

SCENA TREDICESIMA

PERSONAGGI:CENERENTOLA, MARIETTA

MARIETTAFinalmente sento aria che se pól respirar,basta ch’el gato no’l te fassa stranuzàr.

CENERENTOLAAndóe èlo Lucifero? No l’ò più visto né sentìo.

MARIETTAL’è sul solàr ch’el ghe ne fa’n desìo.El ruma dapartùto, el snaza, el salta,el ciàpa i rati, el se fa le ónge su la malta.L’è felice e contento come mai l’è stà,l’è par sta vita ch’el Signór el l’à creà.

CENERENTOLASe ben el stà e l’è anca contento,me cavo ‘n peso che me stava qua drénto.No l’è colpa sua se mi g’ò l’alergìa,g’avéa paura che te l’avéssi parà via.

MARIETTA

28Mai avarìa fato ‘na roba compagna!I gati sul solàr e i cunèi in campagna.E adesso, butìna, parlémosse ciàro,vàrdeme nei òci e desméntega l’amaro.Èla proprio vera che de balàr no te va?Che te piàze piassè star con mi e to papà?Se, par ‘na òlta ogni tanto, a gòdarte te vè,de ti, noàltri sémo contenti piassè.

CENERENTOLALa me marégna no la me vól al balo,la dize che sudo e che dopo me malo.Éla la g’à a cór la salute mia,són magra, trista e g’ò l’alergìa.

MARIETTAVedo nei to òci ‘na buzìa che passa,va ben èssar bòne, ma ti te de sì massa.Par tuto gh’è ‘na misura, anca par el ben,acèta le gioie che par dirìto te vien.La gente catìa, no se pól dir che l’è bòna,se dize quel che l’è e casomai se perdona.

CENERENTOLAMi, al papà, no vói darghe dispiazéri,me li tegno par mi tuti i me pensieri.

MARIETTACrédito che no ‘l sàpia ci l’è la marégna?‘Na dòna catìa che de sta casa no l’è degna.To papà, poaréto, l’è stà inganà,parché, come ti, el g’à massa bontà.Adesso el dize che va tuto ben,ma giorno e nòte el stà beéndo velén.Te lo ridomando: te piazarìa andàr a la festa?

CENERENTOLAA fòrsa de pensàrghe me fa mal a la testa.Ma g’ò solo sto vestito tuto spórco e strassà,i me cavéi i è spetenàdi e són tuta infrusinà.

MARIETTAPar ste robe la Mariéta de ‘na fata l’è mèio,a laóro finìo el te lo dirà anca el spèio.No fago incantesimi, mi descoèrzo la to fàciache la se scónde, da ani, sóto torti che màcia.Ma ricòrdete, Chiarastèla, quando sóna mezanòte,torna subito qua, che za fonda l’è la nòte.Là fóra gh’è ‘na caròssa con bianchi cavài,ma dopo i dódeze tóchi, no la fa più viài.

29

ATTO TERZO

SCENA PRIMA

PERSONAGGI: CENERENTOLA, IL PRINCIPE, IL RE, LA REGINA E GLI ALTRI INVITATI.

Gli invitati stanno ballando, il re, la regina, il principe, la matrigna e le sorellastre sono seduti. Quando entra Cenerentola, tutti gli invitati smettono di ballare per ammirarla. Il principe si alza in piedi estasiato.

CENERENTOLA (tra sé)Parché l’orchestra s’ala fermà?Parché tuti quanti vàrdeli in qua?G’avénti, par caso, calcòsa forapòsto?L’ò dito mi che no són degna de sto posto!Se con mi ghe fósse almànco la Mariétae dai brassi sói me sentìsse stréta,fòrsi le me gambe le finirìa de tremare qua drénto el cór no lo sentirìa saltar.Giùteme, mama, che dal Cél te me vardi,me fìsseli parché són rivà massa tardi?Èco el principe, ma che bèlo che l’è!Fortunàda quéla che la ghe piàze piassè.Èco la marégna, par mi l’è finìa,adesso la se alsa e la me para via.Èco le me sorèle, le me stà vardàndo.a saltàrme adòsso le se stà preparando.

Cenerentola sente i commenti della matrigna e delle sorellastre.

MATRIGNAPar mi, quéla là l’è sens’àltro ‘na principessa.Vardè che portamento, vardè che beléssa!

GENOVEFFAMi spero tanto che la sia za sposà,senò, par noàltre, la finisse qua.

ANASTASIASe la fosse sposà, ghe sarìa el marì.

MATRIGNALa beléssa no l’è tuto e adesso tasì.

CENERENTOLAIncòrte no le s’à che mi són Çenarèla, no le stà dispressàndo, le me vede bèla!L’è ‘na sensassión che no ò mai proà,adesso volarìa che me vedésse me papà.

Il principe si dirige verso Cenerentola. Lei no se n’è ancora accorta.

30ANASTASIAEl principe Gustavo l’è za bèlo che còto,drénto al so cór za el sente el teramòto.

Il principe è vicino a Cenerentola. Lei se n’accorge e sobbalza.

PRINCIPEParché sto sguìsso? Ghe fasso spaènto?

CENERENTOLAL’è stà la sorpresa, paura no sento.

Il principe fa cenno all’orchestra di riprendere a suonare.

PRINCIPEDe balàr con mi me fala el regàl?

CENERENTOLAAl so desiderio, no me posso rifiutar.

I due giovani cominciano a ballare.

GENOVEFFAGnanca ‘n servo a balàr el n’à invidà,l’è tuta la sera che stémo ferme sentà.ANASTASIALa fortuna, sorèla, la n’à oltà el dedrìo;in tòchi l’è andà el bel sogno mio.

GENOVEFFAGanca ‘n can el m’è vegnùdo vissìn,fòrsi l’èra mèio che me tolésse el postìn.

PRINCIPEStò vivendo in un sogno o èla realtà?La so beléssa la m’à subito incantà.El so splendor l’à smorsà luna e stéle,éla l’è el sól e tuto el resto candele.Volarìa caressàr sti petali de rosa,che sul so viso da angelo chièti i riposa,volarìa sofegàrme ne l’oro dei so cavéio noàr par sempre nei so òci così bei.Come ale de farfàla i so pié i vola,el respiro suo l’è parfumo de viola.

CENERENTOLAMi no són degna de le so bèle parole,no ‘l vien da mi el parfùmo de le viole,ma i me òci dai sói no rièsso a destacàrme sento prigioniera e no me vói liberar.Sento nei so brassi la fòrsa che difendee nel bàtito del so cór l’amor che pretende.

Una campana suona i primi rintocchi di mezzanotte.

31

CENERENTOLA (Tra sé)L’è za mezanòte, g’ò subito da scapàr,la caròssa, là fóra, no la me pól spetàr.

Cenerentola fugge tra lo stupore di tutti, il principe la rincorre.

SCENA SECONDA

PERSONAGGI: TUTTI QUELLI DELLA SCENA PRECEDENTE, TRANNE CENERENTOLA

Il principe torna con una scarpetta in mano.

PRINCIPEÈco sa m’è restà de la più bèla tra le bèle,de quéla che slusegàa piassè de le stéle,del me amor apéna nato, de ‘n sogno scominçià.L’è stà come ‘na visión, massa póco l’è durà.El me sogno el s’à desfà come neve in primavera,massa l’éra bèlo par deventàr ‘na storia vera.

Il re si avvicina a suo figlio.

RENo l’è stà ‘na visión se te gh’è sta scarpéta,l’è fata par el so pié, l’è curta e stréta.Consólete fiól, calcòsa farémo.

PRINCIPEMa s’el so nome gnanca savémo!Manda via tuti, la festa l’è finìa,compassión no vói par la sfortuna mia.

RE (rivolto agli invitati)Sióri e sióre, me despiaze assè,de vóia de far festa più no ghe n’è.Tornè a casa, sarà par ‘n’altra òlta,presto se vedarémo, s’el Signór el ne scólta.

Tutti se ne vanno in silenzio.

SCENA TERZA

PERSONAGGI: PRINCIPE, RE, REGINA

REGINASenti, Gustavo, farémo altre feste,metémo insieme le nostre tre teste.Podémo invitar anca altre butèle,cissà quante altre ghe n’è de bèle.No credo che la sia l’unica beléssae scancèla da la fàcia quéla tristéssa!

32PRINCIPEScusa mama, proprio gnénte t’è capìo,no l’è ‘n caprìsso el sentimento mio.

REGINAMa l’è ’n fior apéna in buto!Le prime brine le ingiàssa tuto!

RESenti, cara, l’è mèio che no te parli,çèrti discorsi no te gh’è da farli.Gh’è nato nel cor ‘n sentimento vero,come nasse ’n amor l’è sempre ‘n mistero.Al colpo de fulmine, mi sempre g’ò credùo,ma se vede che ti no te l’è mai conossùo.No gh’è ‘na òlta che te me la daghi vinta,el suo no l’è mia ‘n amor par finta.Prima de far la suocera, spéta la nuora,de dir sempiàde no l’è rivàda l’ora.Çercarémo tra i nobili e dopo tra i poaréti…

REGINAPassarà dei ani prima dei confèti!

PRINCIPEA far coràio te sì proprio brava,l’ultima to frase proprio la me mancava.Ma ci èlo che pól çercàrla?Ci no la conósse, come falo a trovarla?

RECome g’ala i cavéi? E i so òci come èi?

REGINALe so mane g’ale çìnque dièi?

RENo l’ è el momento de tór par el çésto,gh’è da trovarla e anca presto.

REGINAMa no se pól gnanca schersàr?Ò fato ‘na batùa par l’aria taiàr!

RENo gh’è nissùni che da rìdar g’à óia,adesso l’è ora de métarla in móia.

El pàr parfìn che te sìi gelosa….e no te conóssi gnancóra la spósa!

REGINAMi gelosa? No vedo proprio parché.Mi són la mama e conto piassè.

33

REIn questo, cara mia, te te sbali de grosso,acetàr la to idea mi proprio no posso.Mama e moiér iè robe difarèntie tanto diverso l’è l’amor che te senti.Al primo posto, t’ò sempre messa ti,‘n òmo sposàdo el g’à da far così.Par el sposo tuo, gh’è prima la moiére dopo, con me mama, fasso el me dover.

REGINASe questo te fè, mi no me ne són incòrta,tre òlte al giorno te bati a la so porta.Solo i so consìli, da sempre, te scólti,i to pensieri sempre a éla i è rivolti!Come la suocera mi g’ò da vestìrmee quando protesto no te vól capìrme.L’à messo el naso anca ne l’intimità,l’à volù la càmara a la nostra tacà.

PRINCIPEMancomàl che sì dó maestà,se calcùn ve sente, sa pensar no ’l sà.Davanti ai altri, in chìcara parlè,con giusti discorsi, tuti quanti conquistè.Nel privato, sì ‘na còpia qualunque,seitè a sbatolàr e no rivè mai al dunque.E mi stago qua con in man la scarpéta,e fòrsi el me amor l’è là ch’el me spèta.

RETo fiól el g’à resón, fala finìa!Con ti, no posso dir gnanca la mia.

PRINCIPEE alóra, sa èlo che g’ò da far?

RESe la scarpéta l’è curta e stréta,la g’à da avérghe ‘na bèla figuréta.

REGINAE mi che porto el quaranta?

RETi, de figura, te ghe n’è tanta.

PRINCIPEMama, par piazér, fala finìa.

REGINAÒ capìo: l’è mèio che mi vaga via.

34La regina esce.

SCENA SECONDA

PERSONAGGI: PRINCIPE, RE

REAdesso, fòrsi, se pól ragionar:ci pól métar sta scarpa ocór trovar.Bisogna ciamàr tute quante le butèle,scartémo le brute e tegnémo le bèle.

PRINCIPECiamémole tute, senò fémo torti,che vègna anca quéle coi òci storti.De brute, papà, ghe n’éra più de una,fòrsi, se le vien, le me porta fortuna.

Il re suona un campanello per chiamare un servitore.

SCENA TERZA

PERSONAGGI: PRINCIPE, RE, SERVITORE

Entra il servitore

REOreste, va a sveiàr tute quante le butèlee pòrtene qua sia le brute che le bèle.

Il servitore fa l’inchino ed esce. Contemporaneamente entra la regina madre.

SCENA QUARTA

PERSONAGGI: REGINA MADRE – RE - PRINCIPEEntra la regina madre.

REGINA MADRELa regina mare comparmésso no la domanda,o fato ‘n re e nissùni me comanda.

Rivolta al figlio. Iè ore che te spèto sènsa védarte rivàr,g’ò da çercàrte par farme saludàr?Nel me appartamento mi da ore te spèto,vói el to salùdo prima de andar in lèto.

REScùseme, mare, g’ò avù tanto da far,‘n àtimo ancora e te vegnéa a saludàr.

Il re si alza e dà un bacio alla madre.Èco, mare, sito contenta adesso?

REGINA MADRETe piàzela sta vestàlia che ò messo?

35

REChe te sì ‘na regina dirtelo no posso,imperatrice te ciàmo , la più bèla che conósso.Ghe dirò a me moiér de tórsela stessa,de crompàrsela domàn vói la promessa.

REGINA MADREVoléa dìrtelo mi, ma de tinta difarènte:che a la mia no la ghe riva gnanca arènte.No vói confusión tra regina mare e regina spósa:mi ghe l’ò rossa, par éla va ben el rosa.

REL’è inutile che te diga che amìro i to gusti,i to consìli i è sempre più che giusti.

REGINA MADREDighe a to moiér, che cól vestito da sera,l’è tanto mèio se la se méte la pancera.La ghe sfila i fianchi, la ghe struca la pansa,la ghe alsa el pèto e tuto el resto che vansa.Sta òlta l’à sbalià anca coi cavéi,la g’à da rissolàrli così come i méi.Le so scarpe le g’à ‘n taco massa alto,e l’à sbalià anca el color del smalto.Quéla la vól èssar piassè alta de mi,co’ la mare regina, no se fa così.La g’à da rivàr a l’altéssa del me naso,ci vien a corte el ghe fa sempre caso.El color de le onge el va piassè ciàro,che la vègna da mi, subito ghe lo preparo.

REScrivi tuto quanto, che no desméntega calcòsa,‘na suocera de oro te sì par la to spósa.Te te lo meriti tuto el ben che la te vól.

REGINA MADREPar fòrsa, mi g’ò dato me fiól!

Rivolta al nipote.E ti, ‘n bazo a to nòna no ghe lo dèto mia?

Il principe bacia la nonna.Mai che te vègni a farme compagnìa!Varda che són stà mi a darte n’educassión,e sempre me són ocupà de la to istrussión.Se te spetàvi to mama, te saréssi ‘n musso,par éla conta solo vìvar in mèzo al lusso.

PRINCIPE (tra sé)Se par caso me spóso, mi scapo lontàn,e proibìsso a me mama de darne ‘na man.

36REGINA MADRE (rivolta al figlio)Adesso che t’ò visto, mi vago a dormir,ricòrdete che de nòte posso anca morir.

La regina madre esce.

SCENA QUINTAPERSONAGGI: PRINCIPE, RE

REAlóra, domàn, ciamémo tute le butèle,fémo anca vegnér quei du rospi de sorèle?

PRINCIPEDomàn? Mi subito vói védarle qua!

REMa, a sta ora, ie tute indormensà!

PRINCIPEFin a domàn mi proprio no resisto,scusa, papà, ma sta òlta insisto.

REMa casco dal sòno, za dormo in pié,i me ani, fiól, dei tói iè piassè.

PRINCIPESe spèto domàn, mi rìs-cio de morir,solo par ‘na nòte te domando de patir.

REE va ben, i ordini giusti mi vago a dar,tute le butèle ghe digo de desmissiàr.Ma butémo zó dal lèto anca i parenti,mi no sò mia se i sarà contenti.El me servidór el tornarà spissaiàpar tuti i bocài che in testa i ghe udarà.Se no ghe sarà solo liquidi bisogni,le so maledissión ti gnanca te te le insògni.

PRINCIPESpiansarémo el servidór con parfùmo de giacinto,l’odor da cesso, de sicuro el sarà vinto.

REAlóra mi vago, són re ma anca papà,tuto mi fasso par la to felissità.PRINCIPEGràssie, re papà, te gh’è tuto el me amore piassè te ne darò dopo sto favór.

Il re esce.

37

SCENA SESTAPERSONAGGI: PRINCIPE, REGINA

Entra la regina.

REGINAMa che ora èlo che te sì ancora qua?Mi te credéa za in lèto indormensà.Són qua par çercàr el re che m’è marì,penso ch’el sia stufo de dormir con mi.Lo sò che par lu són ‘na minestra riscaldà,con póco saór e la pasta spapolà.Vuto védar che l’è ancora da so mama,?!Se no ‘l ghe va, l’è éla che la lo ciàma.El cordón del bombrìgolo l’è ancora tacà,no g’ò più sperànse, el móre inmamà.

PRINCIPEEl re papà, l’è andà a farme ‘n piazér,de ridàrme serenità l’à sentìo el dovér.L’è nà a dirghe al servidór de sveiàr le butèle,tra ‘n’ora le sarà qua, sia le brute che le bèle.

REGINAMa stèto schersàndo o sito deventà mato?!

PRINCIPECome mai quéla fàcia? Sa èlo che t’ò fato?REGINATanti iè i butèi che ò visto inamorè,Iè ‘n pó’ fóra de testa, ‘na s-ciànta stralunè,ma ti, caro fiól, te sì ‘n caso da studiar,così, tuti i mati, i podarà curar.E tuto questo par ‘na fiàpa butèla?A ti, caro fiól, te manca ‘na ruéla.

PRINCIPEFiàpa no l’è mia, l’è ‘n fior ancora in buto,ti, come sempre, te disprèssi tuto.

REGINAMa se anca me suocera mi digo che l’è bèla!

PRINCIPEParché le buzìe te ghe iè sempre in scarsèla.

REGINAA la mama regina, no se ghe parla così.

PRINCIPEDe pèzo te ghe ne dizi a la mama de to marì.

38REGINAPrincipe slenguassón, a ci èlo che te ghe soméi?

PRINCIPESens’àltro a calchedùn dei parenti méi.

REGINAA partir da sto momento, qua cambia tuto,el rispèto che merito mi lo vói proprio tuto.Anca fóra dal salón riservà ai ricevimenti,mi vói l’etichéta e regali complimenti.

PRINCIPETe ciàmo “regina” o preferìssito “maestà”?

REGINASe regina no fosse, te diréa “malcunà”.

PRINCIPEIn quanto a etichéta, scominçiémo ben.

REGINAL’è par tuta la me ràbia che spuo velén.

PRINCIPESe te ocór l’etichéta par èssar contenta,mi. de inchini, te ne fasso anca trenta.In pùbico e in privato, te darò del vói,ma se istésso ti te fè coi parenti tói.Ciamème “Principe”, ve rispondarò “comandè”,ve fasso ’n inchino e sbato i pié.

REGINACosì va ben e no stasì sentàrve,solo col me parmésso podì comodàrve.

PRINCIPEMaestà, permetì che méta el cul su sta poltrona?

REGINALa vostra bóca ónta no l’è degna de ‘na corona.

PRINCIPE (indicando il sedere)Scuzème, Regina, sa se ciàmelo sto qua?

REGINAMai el lo nomina ci apartièn a la nobiltà.

PRINCIPEQuesta l’è ‘na roba che mi gnanca savéa.Come domandàrve no g’ò la minima idea.

39REGINADomande no se fa, se spèta el parmésso,e guai a quel vilàn ch’ el se senta istésso.

La regina fa un gesto con la mano e il principe si siede.

SCENA SETTIMAPERSONAGGI: PRINCIPE, REGINA, RE

Entra il re.

REMa stìo zugàndo “a le bèle statuine”?

REGINAMaestà, voàltri no conossì le pose de le regine.

RE (rivolto al figlio)Ma qua drénto, ti védito altri re?

PRINCIPEUno ghe ne vedo, no ghe n’è piassè.

REGINASe ve credì spiritosi, ve sbaliè de grosso,le vostre maniere le me stà sul gòsso.Maestà, staséra ò tolto ’na decisión:l’etichéta se usarà in ogni conversassión.Qua se usa el “voi”, el tu l’è “bandìo”,no se parla volgare e tuto par volér mio.

REMa pàrlito sul serio o fèto apòsta?Cambiar abitudini a mi tanto me costa.

REGINACosì ò deciso e no se torna indrìo.

REPrincipe, de sta roba cosa ghe ne disìo?Dizìme, Regina, posso darme del “mi”?

REGINACi in testa l’è malà el parla così.

SCENA OTTAVAPERSONAGGI: TUTTI I PERSONAGGI DELLA SCENA PRECEDENTE AI QUALI SI AGGIUNGE IL SERVITORE.

Entra il servitore.

SERVITOREMi tute quante le ò sveiè,le prime butèle i è za rivè.

40

PRINCIPECi riva par prima del so pié no l’è sicura.

SERVITOREÒ visto con lóre ‘na dòna maùra.

REBisognava anca dir el limite de età,de sicuro l’è zitèla e la çérca marì qua.

PRINCIPE‘Na dòna ansiàna, mi no vói umiliar.Insième a le butèle fasémola passar.

Il servitore esce.

SCENA NONAPERSONAGGI: QUELLI DELLA SCENA PRECEDENTE AI QUALI SI AGGIUNGONO LA MATRIGNA E LE SORELLASTRE.

Entrano la matrigna e le sorellastre. La regina ha in braccio Lucifero. Il principe comincia a starnutire.

REGINAVia quel gato, qua no ‘l pól star,el principe l’à za tacà a stranuzàr.Nel regno, tuti i sà de la so alergìa,l’è solo éla a no savérlo mia.

ANASTASIA (sottovoce, rivolta alla madre)Con Çenarèntola èlo fòrsi imparentà?

GENOVEFFADàghelo al servidór ch’el lo porta delà.

La matrigna consegna il gatto al servitore che lo porta fuori.

SCENA DECIMAPERSONAGGI: QUELLI DELLA SCENA PRECEDENTE, TRANNE IL SERVITORE.

SORELLASTRE (in coro)Principe, Regina e Re,sémo vegnùe par i nostri pié.

RENobile sióra, parché èla qua?

MATRIGNAMi són la consuocera de vostra Maestà.

RELa se spiega ben parché gnénte ò capìo.Sarò anca vècio, ma no són rimbambìo.

41

MATRIGNAUna de me fióle la sarà principessa,par el so penìn e par la so beléssa.

RE (sottovoce al principe)Cór de mama brutéssa no ‘l vede,a quel che l’à dito, sta qua la ghe crede.

PRINCIPE (rivolto ad Anastasia)Èco la scarpéta, vègna avanti la prima,a sto sgabèl, el so pié la méta inçìma.

Il re suona il campanello ed entra il servitore che si siede davanti alla sorellastra.

SERVITOREPorca miseria, èlo che fetón!Altro che scarpéta, ghe vól ‘n barcón.

Il servitore nasconde la scarpetta diero la schiena.Anastasia si mette a piangere.

MATRIGNAServo dei servi, la scarpéta andóe l’èto messa?,Piànzar no se fa ‘na fióla de contessa.

REGINANobili iè, ghe vól l’etichéta,tasi, servo. e méteghe la scarpéta.

Il servitore prova a infilare la scarpetta, ma il piede non entra.

MATRIGNAUrta, Anastasia, adesso te ghe la fè.

SERVITORE (tra sé)‘N sòcolo de vaca el ghe va drénto, piassè.

MATRIGNAUrta, Anastasia, urta a più no posso!

SERVITORE (tra sé)A fòrsa de urtàr, questa la se le fa adòsso.

ANASTASIAL’è questión de posissión, adesso ghe la fasso.

SERVITORESe questa la ghe le fa, mi me tàio’n brasso.

MATRIGNAGhe vól ‘n corno, sa èlo che spetè?

REGINAQua no se tradìsse e corni no ghe n’è.

42

Anastasia si arrende, Ritira il piede e piange.

MATRIGNAConsólete, fióla, te me spachi el cór,la te le cata to mama el marì che te ocór.Dai, Genovèfa, adesso próa ti,de sicuro la te va ben, te gh’è i pié come mi.

Genoveffa appoggia il piede sullo sgabello.

SERVITOREAltro che lóngo, sto qua l’è anca grosso,e par le bugànse l’è anca tuto rosso.Sto pié. sul sgabèl, gnanca el ghe stà… Gh’è ‘na fila de butèle e me són za stracà.

RESperémo che quéla giusta la riva presto,così, de la fila, scartémo el resto.

MATRIGNAUrta, Genovèfa, falo par to mama,che “penìn de oro” sempre la te ciàma.

SERVITORES’el fósse de oro, l’avarìa za taià,a la fàcia del principe e de so maestà.

MATRIGNASpénsi, spénsi forte, creatura mia,le bòne ocasión no le se buta via!

SERVITORELa senta, contessina, la me fa de pecà,a fòrsa de urtar, l’è tuta sudà.Se la nòte l’è fréda, la ciàpa ‘na malora,l’è mèio che la se rasségna e finémola fóra.

Anche Genoveffa si ritira piangendo.

MATRIGNASens’àltro gh’è ‘n truco, o qualche imbroiòto,són curiosa de savér sa l’è che gh’è sóto.De sicuro, in fila, gh’è qualcuna racomandà,de çèrto l’è quéla che la gara la vinsarà.

Le tre donne se ne vanno senza salutare.

SCENA UNDICESIMAPERSONAGGI: TUTTI QUELLI DELLA SCENA PRECEDENTE AI QUALI SI AGGIUNGE UN’ALTRA RAGAZZA.

43SERVITOREAvanti la prossima, la vói za descàlsa,l’è mèio, però, che la se tègna la calsa.

Una ragazza entra zoppicando.

SERVITOREMa vardè voàltri sa me tóca far!Sti pié i è fati par i sòcoli portar..

La ragazza esce.

SCENA DODICESIMAPERSONAGGI: QUELLI DELLA SCENA PRECEDENTE MENO UNA RAGAZZA AL POSTO DELLA QUALE NE ENTRA UN’ALTRASERVITOREDiàolo maledéto, che cali che la g’à!E anca el spussa sto pié desgrassià.

Con un gesto, il servitore manda via la ragazza.

SCELTA TREDICESIMAPERSONAGGI: QUELLI DELLA SCENA PRECEDENTE, MARIETTA

SERVITOREAvanti ‘n’altra e sperémo in ben.Mancomàl che la me passiènsa ancora la tien.

Entra Marietta.Destìn maledéto de ci poaréto l’è restà,no credo ai me òci, ci èla sta qua?

Marietta si inchina con fatica e scambia il servitore per il principe e il re per il servitore.

MARIETTAMaria Santèmela, ma che bèlo che l’è!

Tra sé.Anca s’el servidór el me piàse piassè.La me bèla butìna l’à tribulà bastànsa,adesso l’è ora che la viva ne l’abondànsa.

Rivolta al servitore.Ò sentìo che l’à deciso de maridàrsee che tute le butèle le g’à de presentàrse.

SERVITOREG’ò pensà, ma no ò ancora deciso,le me scrsèle i è verde bizo.

MARIETTAVedo con piazér che ghe piàze schersàre che, con lu, se pól anca sganassàr.Par ‘na sposa, l’alégria no l’è mai massa:la se tien in salute e la fa bèla la ganàssa.Vedo nei so òci che l’è ‘na seria persona,corni no ‘l ghe ne fa e no ‘l decide a la carlona.

44Ghe vól ‘na spósa bèla e anca onesta,che la cura la faméia sènsa grili par la testa.Ma adesso, par ‘n momento, el me g’à da scusar,co’ ‘n’altra persona mi g’ò subito da parlar.

Rivolta verso il principe.Sémo in confidènsa, dame pure del ti,dime tuto sul spóso che me lo tègno par mi.Béelo? G’alo el vìssio del zugo?g’alo caràtere o èlo sènsa sugo?E la so faméia èla seria e onesta?E so mare, g’ala sal ne la testa?Le suocere malcunè le sassìna i matrimoni,se del fiól iè gelose, iè pèzo de demoni.E se la nuora, oltra che bòna l’è anca bèla,la so ràbia la le sfóga tuta quanta su de éla.La suocera, caro mio, l’è ‘na bestia bruta:par far del mal, la ghe le méte tuta.Le g’à la léngoa de ‘n serpente, le te cava l’onor,lóre le sà tuto, anca quel che no ocór.Del suocero no me interèssa,la menàda l’è sempre istéssa.se la moiér l’è bòna bastànsa,lu l’è contento, el méte su pansa.Se la so dòna la dròpa el bastón,l’esperiènsa la me dize ch’el devènta ‘n coión.E alóra, par piazér, me dèto ‘na risposta?El tempo el córe e assè el costa.

PRINCIPEMa mi, veramente no sò sa dir.

MARIETTALa so discressión mi la posso capir.‘N servo, dei paróni, mai gnénte el dize,anca se i ghe fa sudar più de sète camìze.Ma sémo tra colèghi e te pól anca parlar,dime tuto che te stago a scoltàr.

PRINCIPEQua gh’è ‘n equivoco, mi gnénte capìsso.

MARIETTAG’alo ‘na mama più catìa de ‘n bisso?

SERVITORELa vègna qua che tuto ò capìo:l’à messo el principe al posto mio.Són mi el servidór, e no me spóso mia,la se scusa col principe e la vaga via.

MARIETTAMaria Santèmela, sa ò combinà!Scusème tuti, g’ò ’na certa età,

45la butèla, là fóra, no la ghe centra gnénte,la g’à bèle qualità, solo mi són deficènte.

PRINCIPELa se méta chièta che no són rabià,la so protèta la me le manda qua.

MARIETTAGràssie, Principe, lu l’è bon assè,ma gh’è ‘n problema e ghe digo qual l’è.La butèla là fóra no la vól presentàrse,l’è timida, umile, no la vól sposàrse.Fin a la règia o dovù strapegàrla,ma mi són vècia, no posso portarla.La s’à rifiutà parfìn de cambiàrse,l’abito che la g’à no l’è adàto a presentàrse.Ma l’è bèla, Principe, e come ‘n’angelo l’è bòna,l’à perso la mama, mi g’ò fato da nòna.

PRINCIPEMama regina, par ‘na òlta dasìme ‘na man,va da la butèla e tìrela pian pian.Portèmela qua, ghe la próo mi la scarpéta,védar mi vói se la gh’è curta o stréta.

RE (tra sé)S’el spèta so mama, el fa ora a rapolàrse,l’è ‘na bràa butèla se no la vól presentàrse.

Rivolta al figlio.Vago a tórla mi, sarò più bòn de ‘n papà,con afèto ghe parlo e te la porto qua.

REGINANo, caro marì, sto dovér l’è mio,el compito de ‘na mama no l’è mai finìo.

RE (tra sé)Ci èlo el santo che sto miracolo l’à fato?La m’à dito “caro” e del “voi” no la m’à dato!

La regina accarezza il figlio.

REGINAEl cór de ‘na mama, prima o dopo, el salta fóra:el m’à dito parole che mi sento ancora.Te sì nato da mi e mama te m’è fato,ringràssio el Cél par la fortuna ch’el m’à dato.La me mente confusa e sentimenti da dispressàr,sorda i m’à fato, no i me faséa ragionar.Le scuse che se domanda no le serve a gnénte,no le scancèla el mal che te gh’è fato a la gente.le va ben par solevàr ci el pecàto l’à comésso,e de far ancora mal le ghe dà el parmésso.Par scusa domandar no ghe vól ‘n gran sfòrso,

46e a gnénte i serve rimpianto e rimorso.Solo l’amor le ferite el pól guarir,adesso mi lo sento e te lo vói ofrìr.No dirghe de nò, vèrzeghe i to brassi,l’ànema el te caréssa, pian pianìn, sènsa ciàssi.

La madre esce

SCENA QUATTORDICESIMAPERSONAGGI: TUTTI QUELLI DELLA SCENA PRECEDENTE, TRANNE LA REGINA

Tutti rimangono ammutoliti. Padre e figlio si fissano negli occhi con espressione sblordita e finiscono uno nelle braccia dell’altro. Il padre è commosso.

PADRELassù i à scoltà la me preghiera,me moiér l’è tornà quéla che l’éra.L’è questa la dòna che ‘n giorno ò sposà,dopo che ai so pié són cascà inzenocià.L’éra primavera, el sól el caressàva,l’erba l’éra verde, i fióri i sbociàva.La sorgente ingiassà sbadiliàndo la se verzéa,indormensà da l’inverno, adesso l’éra svéia.Sóto le bianche sése, la violéta la spiava,la primula gelosa nei pra la ciassàva.In fioréti picinìni, el cél se vedéa:i “òci de la Madòna” ne l’erba i se spandéa.Bianche nuvole de çirezàri petali le regalavapar ‘na lónga processión che l’amor la celebrava.Vegnéa da la tèra el fià de la vita,che i córi la gonfiàa co’ na gioia infinita.Le ròndene le tornàa a le promesse del nio,ch’el mostràa, có’ ‘na piuma, i amori de l’ano indrìo.‘N fosséto el cantàa co’ ‘na voce tremolante,con salti de gósse che le paréa de diamante.Vedo ancora ‘na butèla co’ l’aria nei cavéi,se speciàva nei so òci i colori piassè bei.I ragi del sol i se sponsàa su la pèleregalàndoghe el color de le rose piassè bèle.Sluzegàa sul so viso ‘na perla de rozàdache tacàda la se tegnéa e in vapor no l’andava.El me cór l’è sbocià in petali d’amor,che posàdi sul so sén, i s’à fati fior.Quel tempo l’è tornà, l’è de nóvo primavera,‘n sol caldo l’à sbregà el scuro de la sera.

Il principe si commuove, il servitore e Marietta piangono rumorosamente.

RE (rivolto al figlio)Fòrsi, là fóra, gh’è la dòna par tiche, par man de to mama, la te dirà de sì.

SCENA QUINDICESIMA

47PERSONAGGI: TUTTI QUELLI DELLA SCENA PRECEDENTE AI QUALI SI AGGIUNGONO LA REGINA E CENERENTOLA.

Entra la Regina conducendo per mano Cenerentola che viene avanti molto timidamente.

REGINAVien avanti, cara, buta via la paura,smòrsa la vergogna de ‘na vita dura.La çénar che te coèrze la s’à fato argento,próete la scarpéta, ghe vól solo ‘n momento.

Il principe fa spostare il servitore e si siede al suo posto. Prende delicatamente il piede di Cenerentola e lo appoggia sullo sgabello. Cenerentola lo ritira subito.

CENERENTOLANò, Principe, mi no lo merito tuto sto onor!Són ‘na pòra butèla gnanca degna de ‘n fior.Qua, in sta règia, mi són come ‘n can in césa,me sento fóra posto, l’mbaràsso el me pesa.La calda piéra de ‘n camìn l’è la caréga mia,solo ‘na fiàma larga la pól paràrme via.Me vergogno, Principe, són anca infruzinàe come ‘na nobile qua me sento tratà.

PRINCIPELa nobiltà l’è ‘na roba che no se vede.In titoli e in corone, el giusto no ‘l crede.La nobiltà l’è ‘n vestito par el cór,gh’è ci ghe l’à bruto, ci più bèlo de ‘n fior.El cór de l’eroe de rosso l’è vestìo,quel del romantico de celeste l’è colorìo.Giàla l’è la tinta de l’animo geloso,de verde el se veste el cór speransóso. L’è nero el mantèl de ci dà la morte,l’animo che se g’à no ‘l vien da la sorte.L’è la persona che la veste el so cór,el mio l’è vestìo del color de l’amor.El tuo l’è ornà da ‘n vél tuto rosa,drénto ai to òci, ci l’è straco el riposa.

Il Principe prende di nuovo in mano il piede di Cenerentola e lo posa sullo sgabello. Prende la scarpetta e, con grande gioia, vede che questa le calza perfettamente.

CORONé lónga né larga, né curta né stréta,l’è éla la paróna de la bèla scarpéta.

MARIETTAS’el vól anca quel’àltra, ècola qua,senò sòpa la camìna, la par desgrassià!Il Principe mette a Cenerentola anche l’altra scarpa.

48PRINCIPELuce dei me òci, amàda ànema mia,finalmente t’ò trovà e no te lasso andar via.Mi, el to nome, no lo conósso gnancóra, de dirme ci te sì adesso l’è ora.Sènsa gnanca savérlo, me són inamorà,el nome che te porti sempre caro el me sarà.

CENERENTOLADrénto le me réce, gh’è tamburi e campane,el me cór l’è scurlà da teramòti e frane.Sento ‘n calor che me scalda drénto e fóra,de dirte de sì mi són qua che no vedo l’ora.“Çenarèla” le me ciamàa le me dó sorèle,Chiarastéla són mi……

PRINCIPE….la più bèla de le bèle.

MARIETTAComparmésso, comparmésso, lassèmela bazàr,vói strénzarla sul cór, podérla caressàr.

Cenerentola corre incontro a Marietta e l’abbraccia.

SCENA SEDICESIMAPERSONAGGI: TUTTI QUELLI DELLA SCENA PRECEDENTE AI QUALI SI AGGIUNGONO LA MATRIGNA E LE SORELLASTRE.

Le tre donne entrano tenendosi il fegato con le mani.

MATRIGNAFasìne passar, gati no ghe némo,nissùni stranùza e festa ve fémo.De la vostra Pincipessa mi són la mama,de mi la g’à bisogno, de nòte la me ciàma!E mi sempre córo, coi calcàgni tachè al dedrìo,sta bèla butèla l’è sempre stà el tesoro mio.Èra, Chiarastéla, che t’ò sempre volùo ben?

MARIETTAChe dòna buziàra, no sò sa me tien!Mi ghe infilarìa du dièi nei òci,ghe farìa piegar tuti du i zenòci.E Signor el ghe perdona solo alpentìo,sta qua la ghe n’à fato pèzo de ‘n desìo.Adesso, tute tre, le g’à el figàr che ghe spónze,l’invidia la fa mal, i è proprio macónse.

ANASTASIASorelìna cara, mi són tanto emossionà,par la fortuna tua, próo tanta felissità.

49MARIETTAQua la fortuna no la ghe centra par gnénte,la se l’à guadagnà l’amor de la gente!

ANASTASIASì, l’è vera: l’è bèla e tanto bòna,el trono la merita e ancala corona.

GENOVEFACiarastéla, cara sorelìna mia,sa saràla la casa con ti che te vè via?

MARIETTA (tra sé)Na stala la deventarà co’ ste scansa fadìghe!Par netàr e struzàr no le se tól tante brighe.

Tutte e tre si inginocchiano davanti a Cenerentola.

MATRIGNAColombina adoràda, fiorelìn de primavera,gh’èto tre càmare par nar in lèto a la sera?

MARIETTAÈcolo qua andóe le voléa rivar,ne la nóva faméia le vól farse acetàr.

CENERENTOLAÀlsete, mama, alsève sorèle,le vostre càmare le sarà tra le più bèle.

MARIETTA (tra sé)Lo savéa mi! L’è massa bòna,gnanca ai servi la ghe farà da paróna.

MATRIGNAGràssie, gràssie, gràssie, Pincipessa!

CENERENTOLAGnénte cerimonie, mi són sempre la stessa.

Le tre donne si alzano in piedi.

SCENA DICIASSETTESIMAPERSONAGGI: QUELLI DELLA SCENA PRECEDENTE, AI QUALI SI AGGIUNGE IL PADRE.

Il padre entra in punta di piedi.

PADREPar el to papà, ghe l’èto ‘n bazìn?A ‘na Principessa, se pól narghe vissìn?

Cenerentola corre incontro al papà e si abbracciano commossi.

50Si sente miagolare.

SCENA DICIOTTESIMAPERSONAGGI: TUTTI QUELLI DELLA SCENA PRECEDENTE, AI QUALI SI AGGIUNGE IL GATTO.

MATRIGNALucifero, va via da qua,la fioléta mia za massa l’à stranuzà.E anca al Principe ghe fa spira al naso….Scusème tuti, l’è qua par caso.

CENERENTOLASpèta, mama, no émo ancora stranusà,l’amor che proémo el n’à risanà.Làsselo star, ch’el vaga andóe el vól….

Marietta fa uno sternuto.

MARIETTAEh, nò! Tegnérlo qua proprio no se pól.

Risata generale. Marietta tenta di scacciare il gatto ed esce di scena. Musica, ballo.Applausi.

Che són la vostra serva lu no ‘l le sà mia.gnanca che me ciamè “Çenarèla” e “slangorìa”.No ghe dèto gnanca ‘n basìn a to papà? Ma parché stèto lì co’ la testa bassa? El pàr che te sìi drio a far penitènsa! È sucèsso calcosa?

Cenerentola fa nò con la testa.Sito rabià?

Cenerentola fa ancora nò con la testa.Su, fame védar la to bèla facéta!

Il padre, delicatamente, mette la mano sotto il mento della figlia e le solleva la testa.

Tesoro mio, i to òci i me dise che t’è pianto.Se ti te piànsi, me dispero anca mi. I to despiazéri iè anca méi, i sento qua drénto, in sto cór che ti te impenìssi, andóe nasse le làgrime se ti te patìssi.

CENERENTOLASta’ alégro, papà, no se trata de pianto, l’è l’alergia che me ciàpa ogni tanto.

PADREMa qua gati no ghe n’è mia, come mai t’è vegnù l’alergìa.

CENERENTOLAFòrsi dei peli i è rivè col vento,ma iè robe che passa in un momento

fine