Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

thlavul (February) 19, 2019 thawleni (tuesday)

GAS NEWSAgency : KIM JOEBooking :31st. dec., 2018 to 14th.Feb., 2019 delivery :19-02-2019 (tUe)Time :10AM - till stockStock :306 @ ` 774 19kg & 5kg /FTL available*Apply DBC& NC avai.

BUNGMUAL INDANE GV Booking: 28 Nov to 2 Dec Delivery: 19/2/2019 Time:9:30am - 12pm Stock: 245

Hmasawnna Thar Vol - 34/131 | Churachandpur | email : hmasawnnatharnews@yahoo.com | Phone: +91-3874-236846 | Rs 6/- per copy

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

NEWS TOMkiMcHANcHIN LAKTAWIHCLF GB Meeting

um dingCCPur: Thu pawimaw tak tak ngaituo ding a um leiin February 19,2019 (Thawle-ni), 1:00PM hin ICI Guest House, Sielmat, CCPur-ah Hmar Christian Leaders’ Fo-rum (HCLF) General Body Meeting um a tih. An zawmpui member hai chu kim taka \hang seng dingin Rev. Rohm-inglien Pakhuongte, Secre-tary, HCLF chun ngenna le inhriettirna a siem.

hi executive meeting um dingCCPur: March 4 le 5, 2019 haia Hmar Inpui 10th Assembly-cum-Election um ding le inzawmin Fe-buary 20, 2019 (Nilaini), 11AM khin Tribal Hostel, HSA, Campus, Rengkai, Tui\haphai, CCPur-ah Ex-ecutive meeting ko a nih. Hi huna hin Assem-bly Agenda ding; Elec-tion Commission ruotna, Assembly-cum-Election neina hmun ding le thu

\ul dang dang hai ngaituo ding a ni leiin member hai chu kim taka \hang seng dingin LRS Puruolte, Jt. Secy. (Inf. & Media i/C), HI GHQ chun inhriettirna le ngenna a siem. Hun an tep ta leiin a hranpaa inhriettirna siem a ninaw leiin Chanchinbua inhriettirna hi ngaipawima-wa official letter anga ngai pek seng dingin member hai ngen an ni bawk.

Minister in CCU, HDU le Palliative Wards hawng dingCCPur: February 19, 2019, 9:30AM hin District Hospital, CCPur-ah Coro-nary Care Unit (CCU), High Dependency Unit (HDU) & Palliative Wards hawngna um a tih. Hi huna hin Pu L. Jay-

antakumar Singh, Minis-ter Health & FW, Law & Legislative, Arts & Cul-ture Chief Guest in \hang a ta, Pu V. Hangkhanlian, Minister (Vety, Agri & AH); Vumlunmang Vual-nam, IAS, Principal Secy.

(Health & FW Social Wel-fare) le Pu Shyam Lal Poo-nia, IAS, DC, CCPur hai functional president, Guest of Honour le Chief Host in \hang an tih. Programme hmangna-ah Dr Jamthianlal, DFWO,

CCPur le Dr Jire Pudaite hai hun vawngtu in \hang an ta, Dr J. Son Gokham Samte, CMO, CCPur in welcome address le Dr Manikanta Singh, State Missions Director in key-note address hril a tih.

Tailoring train-ing le Sub-Centre

hawng dingCCPur: February 19, 2019, 11AM hin Action for Women and Child Ad-vancement (AWCA) Of-fice, near SAS Agency, Lailam Veng-ah Pi nem-cha Kipgen, Minister, So-cial Welfare minister a ni lawmpuina um a ta, hi huna hin Pi Nemcha Kip-gen chun MSWDC fund-ing hnuoia Free Tailoring Training Course le Child-line Sub-Centre hawngna nei a tih. Hun hmangnaa hin Jas-preet Kaur, IAS, Director, SW & Managing Director, MSWDC le S. Satyab-hama Devi, Chairperson, MSWDC hai guest of hon-our le functional president in \hang an ta, Dr Soib-amkumar Singh, Director, Childline, Manipur state Nodel Agency; Prof Dept of Anthropology, MU leh Director, Centre for South East Asian Studies & Edu-cational Multi Media Re-search Centre MU banah N.Binod Singh District Social Welfare Officer (DSWO), CCPur hai spe-cial guest in \hang an tih.

Leadership training le orientation an neiCCPur: Indo-Global Social Service Society (IGSSS) le Zillai Com-pound Veng Unit \hangruola huoihawtnain zani 9:30AM khan Rostad Memorial Hall, Compound Veng, D. Phail-ian, CCPur-ah Leadership and Communication Skill Training-cum-Orientation Programme on Vaiphei (M.I.L) nei a nih.

|awngbau el a huntawk ta nawh; Khawv-elin helna do tak tak a hun: Modi

new delhi: Prime Min-ister Mr Narendra Modi chun, Pulwama a helpawl han CRPF an lambunna le inzawma khawvel sawrkar han thiemnaw an inchang sup supna karah, “Pulwama thil tlung hin \awngbau el a huntawk tah naw a; khawv-elin helna a do tak tak a hun tah” tiin a hril. Hi thu hi zani Thaw\anni-a Argentina President Mauricio Macri ni thum sung cham dinga hung inzin leh New Delhi-ah an inbiek zova chanchinbumi-hai kuoma a hril a nih. Press-media hai hmaa thu an hrilnaa chun, helna thu le inzawmin, “Helpawl-hai chunga kut thlak vat nawna le tosan sawt taluo khawm hin helna (terror-ism) a sukphur (encour-age) a. Group of 20 (G-20) member nina zar khawmin Hamburg Leaders State-ment-a 11-Point Agenda khawm hlen a pawimaw a nih. India le Argentina chun Terrorism thuah Spe-cial Declaration insuong an tih” tiin a hril bawk.

Argentina President Mauricio Macri khawmin India leh helna do tlang thei dinga a um chu lawmum a ti thu a hril a. Hmasawnna kawng hran hran daltu hel-na hi do tlang a pawimaw zie a hril a. February 14 nia Pulwama bomb attack-a CRPF thihai po po a sunpui thu a hril bawk. “Ni khat laia lunginsi-etna bo dera inthatna (Pul-wama) a sipai thihai ka sunpui takzet a. Thawruma inthawna hrim hrim chu kan dem a nih. Khawvel mihriem hai ta dinga \ium

le theidaum tak suolna hi do tlang thei dinga ka um ve leiin vangnei kan tih. Argentina chun India chu a thei ang angin thawpui pei a tih” tiin a hril. Argentina President Macri hung inzinna san tak chu kawng hran hran hieng economy, agriculture, trade, nuclear technology le space tieng haia thaw tlang dinga hung a nih a. Argen-tina company hran hran 40 vel le Indian company han inremna chi hran hran a cham sung hin ziek an tih. President hi high-level

delegation, Chamber of Deputies Emilio Monzo, Minister of Foreign Affairs Jorge Faurie le senior of-ficials han an hung zui a. Argentina First Lady Juli-ana Awada khawmin an pa a hung zui. February 19 hin Mumbai tieng pan nawk an tih. Mr Maucri chun, Ar-gentina chu khawvel bu inthar rawntak 7-na a nih leiin Agriculture tienga a thiemnahai chu Indian agri-culture khawmin a lo sawt-pui ve a nuom a. Argentina chun agrobusiness technol-

ogy ah direct seeding le satellite monitoring system hmangin bu an chinga. Tut-ak hi khawvel mihriem 400 million an chawm a, 2025 chenah chu 600 million fak ding an inthar a beisei thu a hril. A hril pei dan chun, helpawlhai le helna hi khawvelin a thawhla tak pakhat a ni ta a. Interna-tional effort neia thaw tlang naw chun ramung pakhat chau hne thei an ta nawh tiin UN guidelines hnuoiah Argentina khawmin helna chu a do ve pei ding thu a hril bawk. Hriet ta angin Jaish-e-Mohammed helpawlhai chun August 14 khan Sri-nagar-Jammu highway ah CRPF an lambuna, 40 an thia, khawvel a \hawng a nih. Hi thu le inzawm hin Prime Minister Modi chun Army hai chu a beiletna dingin ‘free hand’ pek an ni a. Anni’n \ha an ti dan, hun le hmun ah beilet an tih, tiin a hril. Thaw\anni khan Indian >>sunzawmna phek 2-ah

nQas thuah dist. hospital an hung enfelCCPur: State Health Soci-ety Manipur (SHS) thupek dungzuiin District Hospi-tal-a National Quality As-surance Standard (NQAS) State Assessment le inzaw-min doctor team mi pathum- Dr Y. Nokul Singh, Sr MO i/c CHC Heirok; Dr Mutum Ibochouba, MO CHC Wan-goi le Dr Hrishikesh Shar-ma, Pathologist, District Hospital, Ukhrul hai chu zanikhan CCPur-ah hungin District Hospital an hung enfel. Doctor pathum hai hi Zenngaihlun, District Qual-ity Assurance Consultant; Nursing Superintendent le Nursing Sister han an lo thlawp. Doctor team hung hai hin Maternity Ward a nau neina room le Maternity OT bakah Operation Theatre hai enfelin thienghlimna

tiengpangah assessment an thaw. Vawisun hin Or-tho Ward, Children Ward, Surgical Ward le Medicine Ward hai assessment thaw nawk an tih. Hospital fai le thieng-hlimna kawnga hin Award 4 a um a, Quality thuah Award inhnuoi tak Kay-akalp chu District Hospital, CCPur in a hmuta a, tuhin Award pahnina LaQshya award dawng thei ngirh-

muna a um mek bakah Award pathumna National Quality Assurance Standard (NQAS) khawm hmu tuma hmalak a ni le inzawma doctor team hin an hung en-fel a nih. Award insang tak Na-tional Accreditation Board for Hospital & Health Care Providers (NABH) ruok chu International standard Hospital hai ti lo chun an hmu nawh.

Damkam Bazar le Hmuia Veng inkar blacktopping \an

CCPur: Ministry of Road Transport & Highways, Govt. of India hnuoia Na-tional Highway Infrastruc-ture Development Corpora-tion Limited (NHIDCL) in km. 35-a sei Tiddim Road ( CCPur-Singngat) inkar lampui siemna sin an thaw mekah Lingsiphai le CC-Pur inkar blacktopping le sealcoat pha a ni hnungin zanita inthawk khan Dam-kam Bazar le Hmuia veng inkarah blacktopping an thaw \an. Zanita blacktopping thawa um hi inche 2 vela

a sa a ni a, a hmaa black-topping lo thaw tasa ang chenah blacktopping hi thaw a ni a, hi zoah inche khat vela sa sealcoat pha nawk a la ni ding niin ei thu dawngna chun a hri a. Damkam Bazar le Hmuia Veng inkar hi zani zan khan blacktopping siemzo hman tum a nih. CCPur-Singngat inkar lampui siemna hi NHID-CL funding hnuoia Special contractor Tinkholal Vai-phei in M/s Satya Builders hming hmanga a siem a nih.

hse (Class Xii) exam \an a nihimPhal/CCPur: Coun-cil of Higher Secondary Education, Manipur hnuoia Higher Secondary Exami-nation, 2019 chu zanikhan \an a ni a, Exam centres 100 haiah candidates 28,4949 an exam. Exam hi March 3, 2019 ah zo ning a tih. Churachandpur district-a chun Private Examination Centre 5 a um a, chuong-hai chu- Rayburn College, Donbosco Hr sec School, VK Tawna College, Reng-kai Govt Hr Sec School le Young Pillars College hai an nih. Donbosco Hr. Sec. School ah Blue star Acad-emy, Ebenezer Academy, Rengkai Govt Hr Sec school le Vision Academy

haia inthawk student 319 an exam a. VK Tawna Col-lege Examination centre-ah Rayburn College student 421 an exam a. Rayburn College Examination Cen-tre ah Donbosco Hr. sec. School, VK Tawna Col-lege le Vungzagen Hr Sec School haia inthawk stu-dents 499 an exam a, Reng-kai Govt Hr Sec School Examination Centre-ah

Bethany Christian college, Happy Heart Junior Col-lege, Sielmat Christian Hr sec School le Young Pillar College haia inthawk stu-dents 564 an exam. Young Pillars College ah Legacy Faith Academy le St Mary Hr Sec. School a inthawk students 308 an exam. Churachandpur-a exam hi a thienghlim hle niin ei thu dawngna chun a hril.

sitting 13 a um dingimPhal: 11th Manipur Legislative Assembly 7th Session (Budget Session) chu Feb. 20, 2019 a in-thawk \an ning a tih. As-sembly Budget Session hi ni 17 sung nei ning a ta, sit-ting s vawi 13 um a ta, ni 4 sung chu sitting nei ni naw nih. Assembly Budget Ses-sion hi Governor in hawng a ta, member-hai hmaah

thu hril a tih. Session \an ni hin session nei naw sunga member lo thi ta hai sunna le supplementary demands for grants 2018-19, De-mand for grants 2013-14, 2014-15, 2015-16 le budget estimate for 2019-20 hai Inpuiah phar ning a tih tiin Business Advisory Com-mittee (BAC) thusuok chun a hril.

Veewon vawisun Imphal hung phurtlung ding;AMMOCOC-in insuo a ngen

imPhal: Citizenship (Amendment) Bill, 2016 dodalna le inzawma sedi-tion case-a kar hma-saa New Delhi hmuna man Manipur Students Association Delhi, presi-dent hlui le adviser ni mek Veewon Thokchom chu Saket, south Delhi Court-a inlangtir a ni hnun-gin Court chun February 19, 2019 a Imphal Court hmaa inlangtir dinga tran-sit remand an suo leiin Thawleni hin Imphal hung phurtlung ning a tih. Mr Thokchom hi Ambedkar University-a in-chuklai a nih. Hieng laizing hin All Manipur Muslim Organ-isations Coordination Committee (AMMOCOC) chun Manipur Student As-sociation Delhi (MSAD) \huoitu hlui Mr Veewon

Thokchom man a nina thu chu thiemnaw inchangin student leader pa hi an rang thei anga insuo dingin sawrkar a ngen. “A thutiemhai sukhlawtling thei naw leia hmai hmawkna thupa din-gin BJP sawrkar chun mi hnuoihnung le retheihai rawl hup bet tumin dan \ha naw le suknawmnathai hmangin hratnaw le chau-hai chungah kut a thlak pei a, an rawl hupbet a tumna a la tawp nawh” tiin SM Ja-lal, President, AMMOCOC chun a hril. A hril dan chun, Vee-won man dan hi Arrest Warrant khawm um lo a ni leiin inmanna ni lovin ‘in\huoihmangnna’ (kidnap-ping) a nih, tiin a hril. Veewon hi CAB dodal-naa hma \huoitu a nih a. Internet le Mobile netowrk ban lai khawma student le mipui Facebook hmanga infui pawr tua ‘sedition’ case-a intumin NSA hnuoia man a nih. An thusuokin a hril pei dan chun, Manipur police commando hai chu an inah fein a nu le pahai kuomah a bau huppeka in\awng tir ta lo dingin an lo vau niin a hril bawk.>>sunzawmna phek 2-ah

Police custody-a um lai a thi; Mipiui lung a sen

imPhal: Bishnupur district-a Keibul Lamjao sunga Khordak khuo mi-hai chun zani zingkar a inthawk khan police-in August 14-a an man Mr Hesihnam Sharatkumar po-lice custody-a a thina thu le inzawmin Keibul Lamjao Police station an tawng a,

an thatna san hril dingin an phut. A khawmihai hril dan chun, Mr H. Sharatkumar s/o H. Mani singh of Khor-dak Maya Leikai chu Au-gust 14 khan Keibul Lam-jao National Park sungah vawk (Boar) a kap ti leiin Keibul Forest Range Office

le Keibul Police Station-a police han an man a. Ni 8 judicial custody-a um dinga ti a nih. Anachu, Pathienni zan khan a umna Keibul Po-lice Station Custody sun-gah inkhai hlum saa hmu a nih a. Chu thu chu a khuo mipuiin an hriet charin po-lice station an hluo khum tah a nih. Police station gate an suksiet a, police han mipui hnawt darna dingin tear gas kapin lathi charge an thaw bawk. An hril dan chun Sharatkumar kha mi hrisel tak le lungril fim tak a nih a. Ama le ama an khai >>sunzawmna phek 2-ah

IMC Office Gate kal a nih

imPhal: Imphal Munici-pal Council (IMC) hnuoia thawktuhai chun an nuorna an la sunzawm pei a, nuo-rna an nei hi ni 26 a chuong tah. An thil ngen hi State sawrkarin a la sukpuitlng nawzing leiin zanikhan IMC thawktuhai hin lampui an hraw bakah IMC Office Gate chu lungsein Tala-pui hmangin an kal. IMC thawktuhai thil ngen chu an thla hlaw le arrears pek lova um hai pek ding ti a nih. IMC thawktuhai hi thla 7 zet hlaw hmu ta lo an nih.

nesO-in amit shah thuhhril an dem: Cab dodal zawm pei an tum

Guwahati: North East Students’ Organisation (NESO) chun BJP Presi-dent Amit Shah in CAB 2016 chu BJP sawrkarin in-dia ram pumuia hmang din-gin la pass tho tho a tih tia a hril chu nasatakin an dem a. NESO chun a dodal zui pei ding thu a puong bawk. Amit Shah chun zani laia election rally neina Assam ah a hril dan chun, North East a pawl hran hran iemani zatin an hrietthiem naw leiin CAB an dodal a. North East sung chauva hmang ding an nawa India pumpuia hmang ding a ni-zie le India humhimna ding a nih tiin a hril a. BJP sawrkar a tling nawk chun CAB hi hmang ngei ngei theina dingin thei

tawpin bawzui a tih, tiin a hril a. CAB chu Assam mi-pihai himna ding lem niin a hril. “National Register of Citizens (NRC) hmangin Assam-a migrant lut ru dinghai ei dang tah a. Tuhin CAB hmangin Bangla-desh indik naw taka luthai thawnkira India mi indiktak (Hindu) hai lak lutna ding ei la siem nawk ding a nih” tiin a hril a nih. NESO chu thusuok si-emin, “Amit Shah thuhril hi North East mipui po po mi hmusitna a nih. A thuhril a inthawk hin North East mihai hmakhuo, lun-gril nat ding le ding naw, hmasawnna ding, culture le identity ienga khawm a mi ngai nawzie a suklang” tiin

a hril. NESO lekha chun, “BJP thiltum chu Hindu-tva hmanga North East mi-hai po po chu Bangladesh a inthawka pem hunghai mi’n chimraltir a nih” tiin a hril a. CAB dodalna thuah mi tukhawm an hnam le sakhuo (Hindu or Muslim) ah kan thlier hrang naw a. Bangladesh mi chu Ban-ladesh mi a nil” tiin a hril. An lekha tawpna chun, “Hi mipa hin hre mawl rawse, hi Dan \ha naw tak hi thi chenin dodal kan tih. North East mi po poin kan hnam, \awng, culture, identify le hmakhuo a him theina dingin \hang le thar peihai ta dingin kan thaw pei ding a nih” tiin a hril. (IT)

shC Planning board indin

aizawl: Mizoram sawrkar chun Sinlung Hill Council (SHC) a Plan-ning Board ding an din a. Planning Board-a hin Chief Executive Member (CEM) \hangin mi 6 an um. Pu Lalthlamuana Hmar, CEM, SHC chu Planning Board Chair-man le Pu LT Hmar chu Vice Chairman ning a ta, Member ding hai chu- Pu Darliensang Ralsun, Member Secretary; Pu JC Zairemkunga, member; Pu B. La\hachhunga, Member le Pu Lalremruata Varte hai an nih.

Hmasawnna Thar2 thlavul (February) 19, 2019thawleni (tuesday) artiCle/health & emPlOyment news

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

SUNZAWMNA

Mi \ha, mi fel, mi suol le mi pangngai

VAWISUN THUPUILungril hrisel chu taksa hringna a na, Itthikna ruok hi chu ruhai ta dinga hmawnna a nih, Mi pasie nek-sawrtu chun ama Siemtu a hmusit a nih, Tlasam chunga lunginsietna nei ruok chun ama an za a nih.

-THUVARHAI 14: 30-31

Khawvelah hin mihriem chi hran hran ei um a, a tlangpuiin mihriemhai hi chilia \he thei ei ni a, chuonghai chu, mi \ha, mi fel, mi suol le mi pan-gngai an nih. Hieng mi chilli hai taksa vun rawng le hmelput dan hi inang lo vawng a ni ang bawkin an miziehai khawm an dang seng a nih. |henkha-thai vun rawng a ngoin a var a, \henkhathai vun rawng a hangin a dum a, \henkhathai vun rawng a buongin a engdal a, \henkhathai vun rawng an noin a sen deu tat a, an \hat dan le ngaino an bei dan an dang seng bawk. Vun rawnga inthawk hin chu mi \ha, mi fel, mi suol le mi pangngai an ni le ni naw an hriet thei nawh. Hmelput dana inthawk khaw-min mihai mizie le an lungril \hat le \hat naw hriet thei a ni bawk nawh. Mihriem hi ei inbel chieng pha leh mi \ha le mi \ha lo ei inhriet chieng thei chau hlak a nih. Mihang le mi dum, hmelsie le hmel inthim, ro-rum le nunsie tak hmelputhai khawm hi an rengin an lungril a sie naw a, an \awngbau bawng hlet hlut sienkhawm, mi nunnem, hmangaina le lungsietna hau, mi \ha le belchieng dawl an um hlak. Hmelput dan le inlang dan ringawt hin chu mihriem hi inkhi ngai lo ding a nih. Mi ngo le ngaino bei, hmel\ha le \awngbau thiem, mi \ha le mi nunnem anga inlang, lungril sie em em el, mi nun sie le hrohrang na em em el an um hlak bawk. Hieng ang mihai hin chu lunginsietna le hmangaina an nei tlawm a, mi belchieng dawl lo, mi nelum lo le mi \ium, mi hmangtlak lo, satene vun sil, an lungrila rul tur pai, hmur mistiri le lungril tuiek put an ni a, fe hmang san vat chi an nih. Mi \hahai hi chu sawiselna ding le demna ding an um naw a, mi \angkai an nih. Mihai theida le nghawk an ni ngai naw a, mihai lawm le ngainat an hlaw hlak. Sungkuo, khawtlang, kohran, pawl le sawrkar ta ding khawmin mi hnawksak an ni ngai nawh. Mi \ha hai hi an chapo ngai naw a, an thil thawna haiah an uong ngai bawk nawh. Sungkuo, khawtlang, kohran, sawrkar, pawl, ram le hnam kut le ke an ni hlak. Mi \ha hrim hrim mi nunrawng an ni ngai naw a, mihai an hmusit ngai naw a, an deusaw ngai bawk nawh. An nun an nem a, zai an daw thei a, an ta ding chau thil an ngaituo ngai naw a, mihai ta dinga mawlsawmna an ni hlak. Hman-gaina le lunginsietna an hau a, an tik a tlai a, mihai ngainat le ngaisang an ni hlak. |hatna chun suol khawm ngamin a hne thei hlak. |hat taluo hi a um thei nawh. Mi fel hai khawm hi mi \ha hai laia tiemsa an nih. Mi fel an suol ngai nawh. Mi suolhai hi mi \ha le mi fel lai zelsa an ni ngai nawh. |hat taluo a um thei naw laizingin fel taluo (over) ruok chu a um hlak. Mi fel taluohai hin chu mihai mit an suk kham a, hnam le ngei an hlaw rawp hlak. Mi fel hi a \ha zawnga fel le a \ha naw zawnga fel an um hlak. Mi fel \henkhat hi chu khawtlang (social thilah) le mihai mit hmu chauah an fel a, sungkuo ta dingin an fel naw a, mi fel nizing pumin sungkuo ta dinga mi hnawksak le hmangna bo an ni hlak. Hieng a ni lei hin khawtlang ta dinga fel chau hi a huntawk naw a, fel si chun sungkuo ta ding khawma fel sa ding a nih. Khawtlang le kohran thil hai chauva fel hai hi chu mi fel tia ngai thei an ni nawh. Mi fel nekin mi \ha hi ei insung, ei khawtlang, ei kohran, ei ram le ei hnamin a mamaw lem ti inla ei hril suol taluo ring a um nawh. Mi suol hi chu a dit, a mamaw le a ngaina ei um der nawh. Hi lei hin mi suol hi chu nitum lo hram hram ding a nih. Mi suol hi chu sungkuo, khawtlang, kohran, pawl, sawrkar, ram le hnam ta ding khawma mi hnawsak an nih. Mihriem nita si si chun mi \ha le mi fel nit um hram hram ding a nih. Mi \ha le mi fel hi ei insung, ei khawtlang, ei kohran, ei ram le hna-min a mamaw ngawi ngawi a nih, Mi suol hin chu mamaw tu an nei nawh. An umna le an fena tieng tieng mihai nghawk le theida an nih. Mi \ha, mi fel le mi suol hai inkarah hin mi pan-gngai an um hlak. Mi pangngai hi mi buoithlak an nih. Mi fel ni si lo, mi \ha le mi suol an ni chu-ong bawk sinaw leiin hrietthiem an harsa hle hlak. Hrietthiem lo thei lo le hrietthiem ngai si, mi lak-law takel, sawrna ding le hmangna ding bo an nih. Bible khawmin mi pangngai hi chu a ngaina a hriet naw leiin “I lum leh lum la, I dei leh dei law law rawh” a ti tawp el a nih. Mihriem hringnuna chun mi pangngai ni hi nun nghawk um le inhnar um lo takel a nih. Mihriem nun hrim hrim hi a zalen taluo chun suol lampui hraw a awlsam a, mi fel, mi \ha, mi var ni a harsa a, lungril putling an tak a, a tawpah chun mi hmangtlak lova suokna a nih.

BJP sawrkarin Left pension scheme sunzawm a tih: Minister

aGartala: BJP inrawi Tripura sawrkar chun Left Front sawrkar hmasa in a lo thaw pension schemes 30 hai chu BJp sawrkarin sunzawm pei a tih tiin Thaw\anni khan a hril. Pension schemes hi mi 4,05,175 han an \hathnem-pui ding a nih tiin Tripura Social Welfare and Social Education Minister Santa-na Chakma chun a hril. Hieng pension schemes hran hran 30 haia ding hin state sarwkar chun thlatin Rs. 26.78 lakh a hmang hlak niin a hril a, schemes 3 hai chu sawrkar thlung-

puiin a sponsored an nih tiin Chakma chun a hril. Pawl \henkhatin Left Front sawrkarin social pension schemes 30 a lo \an hai BJP sawrkarin suktawp a tum tia an hrilna le inza-wma hi thu hi Mr Chakma in a hril a nih. Left Front sawrkar khan pension schemes hran hran 30 a lo \an a, economically weaker sec-tions, naufahra le sin nei lo \halai hai kuomah thlatin Rs. 600- Rs. 2,500 inkar pension sum a pek hlak a nih.

Bihar DM in sipai thi hai nau nuhmei pahni a adopt ding

Patna: Bihar-a Sheikh-pura District Magistrate Inayat Khan, IAS chun, Pulwama, Jammu and Kashmir-a terrorist hai chetna leia Bihar mi CRPF personnel pahni thi hai-Ratan Kumar Thakur le Sanjay Kunar Sinha hai nau nuhmei pakhat ve ve a adopt ding thu le an lekha

inchuknaa sum seng po po bakah an damsung a enkawl ding thu a puong. Mr Khan chun martyrs sungkuo pahni hai \hang-puina dingin a ni hni hlaw a thawlawm ding thu a pu-ong bakah a district sunga sawrkar thawktu hai chu an nikhat hlaw seng thawlawm dingin a ngen tawl bawk.

India rama Pakistan High Com-missioner in Pakistan a pan

islamabad: Pulwama hmuna terrorist hai chetna leia India le Pakistan kara boruok rik tak um mek karah Pakistan chun India rama a palai (Pakistan High Com-missioner to India) Sohail Mahmood chu inrawnpui dingin Pakistan tieng a ko. Mr Sohail Mahmood hi Pulwama thil tlung le

inzawm khan India Foreign Secretary Vijay Gokhale chun a office-ah koin Ter-rorist hai chetna nasa taka a demna thu a lo intlun ta a nih. Hi thua bawk hin India chun Pakistan-a India High Commissioner Ajay Bisaria chu New Delhi-ah a lo ko ta bawk a nih.

407 truck inchaw dingin an feCCPur: YPA New Lamka Block in sietni le \hatnia hmang ding 407 Truck pakhat inchawk dinga kum 2018 a budget an lo siem ta angin Gu-wahati hmuna 407 Truck inchaw dingin zanikhan mi pathumin Guwahati an pan.

Truck inchaw dinga fe hai chu N. Dongbiaklian, Thlanmuol Secretary; Thangboi, Caretaker le Driver Joylian hai an nih. Feb. 20, 2019 khin CCPur an hung tlung dinga beisei a nih. Motor hi Rs. 12 lakh chuonga an inchawk ding a nih.

Dr MV Azad Phusam chunga lawmthu hrilnaHun sawt taka inthawk ta khan Pile natna ka nei a. Ka nat dan hai chu, inhnawm thei lo, kan hnawm pha kel ek angin a um hlak. Ka lu, ka kawng, ka ring, ka kut le ke hai a na a, a chang po leh kan hnawm pha leh ka mawnga inthawk thisen a hung suok a, ka tawl a hung indawk bawk hlak. Bu ka du naw a, ka taksa a hung chau hle hlak. Dr MV Azad Phusam ka pan a, a mi enkawl dam ta leiin ka lawm hle. Hi chanchinbu hmang hin Dr MV Azad Phusam chungah lawmthu ka hung hril. Dr MV Azad Phusam hi CCPur, OPP: J.P Selection, ICI Road, Lamka-ah pan thei le Contact Nos. 2678890261 & 9089738275 haiah biek rawn thei a nih.

Lawmthu hriltu. sd/- nunsangpui Saikawt

army hai chun Pulwama distrcit sunga JeM hai camp an va run a JeM helpawl pahni an kap hlum a. An intawmna camp an raawsiet pek bawk. Helpawl thihai laia pakhat chu Pakistan mi, Pulwama bomb (RDX) hmang siemtu laia mi nia hriet a nih. Hienglai zing hin Pulwama thil tlung bawk le inza-wmin India ram \huoitu hran hranhai chun an lungsenna an la hril suok pei a. BJP President Amit Shah khawmin Thaw\anni khan, Modi sawrkar chun Pulwama beituhai a thlawnin insuoktir naw nih tiin a hril a. Jawan hai thisen a thlawnin luong naw nih tiin a hril. Election hung um ding le inzawma party worker hai meeting thu a hrilnaa chun, Prime Minister Narendra Modi ang tukhawm an um nawh a. Ama neka helpawl do thiem ding khawm an um bawk niin a hril. “Independence zo a inthawka Defence Budget la tam-tak siemtu Modi sawrkar ei nei leiin ei lawm ding a nih. Army hai free hand a pek a, sawrkar back-up tu ding Modi sawrkar neka \ha an um naw bawk” tiin a hril. Amit Shah hril dan chun tu kum Defence budget chu 6.87% zetin a pung niin a hril. Ni kuma defence budget chu Rs.2.98 lakh crore a ni a. Tu kum Interim Budget ah khan Rs. 3.18 lakh crore riruong a nih tah tiin a hril. “Modi \huoi BJP sawrkar chun helna a ngai thei nawh a. Terrorism chu zero tolerance a nei a nih. Khawvelah Modi anga hel dona dinga commitment nei \ha an um nawh. Ei ramin sawrkar hrat le huoisen a mamaw a, chu chu Modi hin a pek thei a nih. Opposition \hangruolhai lai khawm ama ang tukhawm an um nawh” tiin a hril. (PTI/ANI)

|awngbau el a huntawk ta nawh;

“BJP Sawrkarin student leader mana mipui rawl hup bet a tum hi thil tul lo a nih. Student le mipui, hmatienga ram le hnam la hung \huhoitu dinghai rawl hi thup tum ding an nawh. Sawrkar chun iengtin khawm CAB dodal-na chu dang zo chuong naw nih” tin insuo dingin a ngen. (with input from IT)

Veewon vawisun Imphal hung

Mi man an la nei nawhCCPur: February 14, 2019 nia Mata khaw sunga Mr Tualkhanlian Khup-tong a thisaa hmu a nina le inzawm khan CCPur Police chun tuolthattu hai man ngei tumin an suizui mek a. Zani chen khan ringhla leia mi man an nei thu hriet a la ni nawh.

Hieng laizing hin Dis-trict Hospital Morgue-a a ruong siena hmunah Tlawmngai pawl han ruong an nghak insawk zing. Police han an suizui me-knaa hin zanikhan Mata khawsung le khaw tum tum hai dapkuolin mi \henkhat hai statement an lakkhawm.

hlumna ding san a um nawh. Police hai thaw a nih, tiin a thawtu pe dawk dingin an ngen a nih. “Ama le ama an khaihlumna ding san a um nawh. Sungkuo chawm lai mi fel tak a nih” tiin an hril a. Rorelna indik a um hmakhat mithi ruong an lak naw ding thu an hril bawk. Bieltu MLA (Thanga Assembly Constituency) Mr Tongbram Robindro le Additional SP L/O Mr Manihar le SDPO Moirang Mr Shivkanta hai chu a hmun an va fe a. Poilice station an tangna hmun le inkhaina hmun an va en a. Forensic team hai khawmin an en bawk. MLA chun magisterial inquiry nei ning a ta, thiemnaw changa hmuhai chu an chungah action lak ning a tih, tiin a hril a. Mipui an re deua buoina re thei chauh a nih. (IT)

Police Custody-a um lai a thi;

Gaganyaan deadline 2021 chena zo dingin ISRO in theina a nei: K. Sivan

benGaluru: Indian Space Research Organisa-tion (ISRO) Chairman, K. Sivan chun, kum 2021 chenah Gagayaan zo fel dinga theina a nei tiin a hril. Hi thu hi Thaw\anni-a ni 2 sung aw ding Defence Research and Development Organisation huoihawt “Emerging Frontiers in Aerospace Techology” ti thupui hmanga internation-al seminar a hawngnaa K. Sivan in a hril a ni a. Gaga-

nyaan project hnuoia space-a mihriem kapkai tumna le inzawm hin ram sunga armed forces tum tuma in-thawk representatives hai

leh Austronauts ding th-langna process a fe mek a, Astronauts dinga thlang hai puonglang vat ni tang an tih tiin Sivan chun a hril bawk.

Russia in kum 1957 khan kum 4 sungin space-ah mihriem a thawnkai thei chun iengleiin am tuhin thla 40 sungin thawnkai theinaw bik ei ta? tiin in-dawnna a siem. Gaganyaan hi thla 40 sunga zo dinga ti a ni a, aerospace sector a mi hai \hangin mi tam takin dead-line chena zo hman a ni dim ti an lungkhampui le inza-wma hi thu hi K. Sivan in a hril a nih.

Croatian Nunghak Ruong Kum 18 Hnungah ah Hmul O n d O n : C r o a t i a nunghak pakhat kum 23 mi Jasmina Dominic chu kum 18 liemtah khan a umna chin hriet lovin an hmang a. Kum tamtak an zawng hnungin Pathienni khan vurkhawl Freezer sungah \ha taka thup an hmu suok. Vurkhawl neitu hi Mala Subotica a nih a, northern Croatia-a um, Jasmina unaunu a nih. Jasmina an hmang lai hin kum 23 a nih a, 2000 khan a nih. A u nu ina Freezer ah chun a sang nu ruong hi \ha taka at dara sie dei an hmu ta a nih tiin eMedjimurje website chun police thusuok a ziek. Pathienni-a police hai hril dan chun, Dominic hi Croatia khawpui Zagreb ah lekha inchukin a um a.

Kum nga vel a um hnunga inhmang niin a sung han police an hril. Kum tamtak an zawnga chu an hmu nawh a. Tuta Inrinni khan kum 45 mi nuhmei pakhat, dominic unu chu police-in an man a. Thu an indawnaa an thil hmu haia inthawkin Dominic ruong nih thei dingin an ring tah a nih tiin Vecenrnji List daily chun a ziek.

R e g i o n a l p o l i c e spokesman Nenad Risak chun, “Freezer-a mithi ruong (taksa bung) kan hmuhai chu 1977 vela pieng nuhmei, August 16, 2005 kuma inhmanga report nu ruong ngei kha niin kan hriet” tiin a hril. Mithi hi that (murder) a ni ring a nih a, anachu, post mortem result la nghak a nih. Nupui mana um chu a

hming an hril nuom nawh a, “tu midang an nawh” ti chauvin an hril a. Local media hai chun a u niin an hril. Local media le online newshai chun Freezer sungah mithi ruong hmu thu an ziek ei uoi a. An hmuna in khawm chu nupui a pasal le um, nau pathum nei a nih ti chauvin an ziek ve a. A thei chena chu hming an thup. Dominic pa, kha hma meta thi tain a dam laia a hril dan chun, kum 2000 khan a naunu Dominic hin Cruise Liner ah a thawk chak thu le Paris fe a nuom thu a hril hlak a. A u hin a remtipui ngai naw niin a lo hril. Police hai chun thil umdan kimchang an sui mek. (AP)

Induction programme hmang

CCPur: Zani 11AM khan MS Conference Hall, Dis-trict Hospital, CCPur-ah Programme study Centre (PSC), IGNOU; Bridge Programme Certificate in Community Health for Nurses, District Hos-pital, CCPur- a Bridge Programme Certificate in Community Health for Nurses batch 4-na ding hai laklutna nei a ni a, Dr Manikanta Singh, State Mission Director in Train-ing Course a hawng. Hun hmangna hi Dr ST

Nireethiranjan, Regional Director IGNOU Imphal, State Mission Director, Dr VC Pau Tonsing, MS/District Hospital, Dr J Son Gokham samte CMO/CC-pur; Ng Monota, Program officer THPIEGO hai khawmin an uop. District Hospital-a Pro-gramme Study Centre-a hin batch hmasa tak June 28, 2017 khan \an a nih. Hien-gang Center hi Manipur-ah Thoubal District Hospital le CCPur district Hospital haia chau a um a nih.

Zani hmasaa riel tla khan In 1420 a deng siet

aizawl: Pathienni zantieng-a Mizoram-a Lunglei khawpui sung le a sevela ruo le riel inthuoa nasa taka a sur le tlak hina Riel in In a suksiet chu 1420 a tling phak niin DC Office- report chun a hril. DC report in a hril danin Riel in In a deng-siet rawn na tak chu Zo-bawk ‘S’ a ni a In 210 a deng siet a. Zobawk N-ah

In 149 a dengsiet a, Bazar Veng le Luangmualah In 148 ve ve a dengsiet. Lu-angmual hmuna hin Car bonnet cover a deng khur dawk khawp le Sindshield le side glas a dengsiet nuol bakah Ar 4 a deng-hlum bawk. Hieng Riel in In a dengsiet hai hi Immedi-ate relief in Silpouline pek dinga ti an nih.

saudi Crown Prince new delhi a hungtlungnew delhi: Saudi Ara-bia crown prince Mohammed bin Salman bin Abdulaziz Al Saud chu Pakistan an zin zo hnungin India rama ni 2 sung

cham dingin Thaw\anni khan New Delhi a hungtlung. Crown Prince hi minis-ters, senior officials le Saudi sumdawngtu lien hai \hangin

high-level delegation team in an hung zui. Saudi crown prince hi Nilaini khin ceremonial recep-tion nei ning a ta, India ram

a cham dungin Prime Minister Narendra Modi bakah Presi-dent Ram Nath Kovind le Vice President M. Venkaiah Naidu hai khawm inhmupui a tih.

India ramah zu dawn mi 16 crore vel an um: Thawarchand Gehlotnew delhi: Social Justice and Empowerment Minister Thawarchand Gehlot chun, Ministry le National Drug Dependence Treatment Centre of AI-IMS survey dungzuiin In-dia ramah Zu dawn mi 16 crore vel an um tiin a hril. Hi thu hi thu hi Thaw\anni-a New Delhi hmuna press conference huna Mr Gehlot in a hril a ni a, Sur-

vey thawnaa hin India rama States le Union territories 36 haia districts 186 a In nuoi 2 chuong hai sir a ni a,

kum 15 hnunga survey hi thaw nawk a nih tiin a hril. India rama zu dawn tam zuolna hai chu Chhat-

tisgarh, Tripura, Punjab, Arunachal Pradesh le Goa hai an nih. Survey dungzui hin Zu ti loah cannabis le poiod hai chu ram sunga Inruithei hmang tlanglawn tak laia mi an nih. Survey in a hril pei danin India ramah inruit-hei Cannabis thaw hlak 3.1 crore (2.8 percent) vel an um bawk.

Facebook page-a an comment pek leiin Kashmir student pahni man

shimla: Kashmir mi student pahni Pirzada Tawish Fayaz le Aakib Rasool hai chu Pathi-enni zan khan Himachal Pradesh-a Solan district-ah Police han an man. Hieng student pahni hai hi India ram kal zawn-gin comment an pek tia in-

tumna leia man an nih tiin Himachal Pradesh Police spokesperson le SP (Law and Order) Khushal Shar-ma chun a hril. Mana um hai hi Nauni University, Solan district-a Dr Yashwant Singh Parmar University of Horticulture and Forestry inchuk an nih.

Army han Skill Develoment course

imPhal: Loktak Brigate, Red Shield Divi-sion hnuoia Noney Battal-ion chun Lamshang hmu-nah ‘Skill Development Initiative Course’ an buot-sai a, February 18, 2019 khan convocation hmang a nih. Jogeshwar Centre

for Regional Excellence (JCRE) Skills Solutions le \hangruola Army han Skill Development training hi an huoihawt a ni a, training-a hin nuhmei 7 le pasal 8, an rengin mi 15 an \hang a, convocation huna hin training zo hai kuomah certificates inhlan an nih.

3thlavul (February) 19, 2019thawleni (tuesday) natiOnal/internatiOnal & advertisement Hmasawnna Thar

laKtawi InHMUn! InHMUn Shillong Hills, Rengkai-ah Inhmun (plot) le In um sa zawr a ni a, a dit le an chaw nuom hai chun con-tact No. 7005587830 ah ngiven le indawnchieng thei a nih. A man chu inbiek dan izir ning a tih. A hung hmasa sa a chang ding an nih. A dithai chun ngaiven vat ding a nih.

(19,20)

marKsheets lOst I have lost my Original Marskheets of Senior Secondary and Secondary Examinations, 2005 & 2006 bearing Roll No. 120001431327 issued by National Institute of Open Schooling, New Delhi on 14-2-2019 on the way between Tiddim Road, Lamka to District Employment Office, Churachandpur, Manipur. Finders are requested to kindly handover the same to the undersigned.

sd/- david John zoteTiddim Road, Lamka, CCPur

Contact No. 9862753035

Inkaptuonaah Army major kaphlum nawk; JeM 2 \hangin mi 7 an thi

s r i n a G a r / d e h r a -dun: February 14, 2019 a Pulwama, Jammu and Kash-mir-a terrorist hai chetna leia CRPF 40 chuong zetin thina an tuok pha hnung February 16, 2019-a IED bomb kama um sut huna bomb puok leia thi Major Chitresh Bisht ru-ong inthlana Haridwar hmu-na nei mek a ni laiin Thaw\anni khan Pulwama district-a Pinglan area hmunah inkap-tuona tlungah Army major Bibhuti Dhoundiyal \hangin Army personnel 4 in thina an tuok bakah Jaish-e-Moham-med (JeM) helpawl 2 le civil mi 1 \hangin mi 7 zetin thina an tuok nawk. Terrorist kap hluma um

hai hi February 14, 2019 a Pulwama hmuna car bomb sukpuoknaa inrawlna nei ringhla an ni a. Intelligence report an dawng le inzawma security forces han Pathien-ni zana inthawk dappui nasa tak an thaw hunah helpawl hai hin an lo kap a, chu huna

inkaptuona hi tlung a nih. Thaw\anni-a terrorist hai le inkaptuonaa thi Ma-jor Dhoundiyal hi Dehra-dun mi a nih. Major Chitresh Bisht kha February 16, 2019 a Nowshera sector, Rajouri district-ah LoC lai bomb chang kama um sut/defuse a ni lai hung puok leia thi a ni a, a ruong hi zanikhan Harid-war hmuna rawliem a nitah. Helpawl kap hluma um hai laia pakhat chu Pulwa-ma, Jammu and Kashmir-a CRPF convoy beinaa bul-tumtu taka intum (Master-mind) Kamran a ni a, pakhat dang chu Hilal Ahmed, local bomb specialist a ni bawk.

Cross-LoC ah bus ser-vice sukchawl a nih

Jammu: Pulwama hmu-na CRPF Convoy motor bomb hmanga terrorist han an beina leia tulai Jammu hmuna law and order ngirh-mun \hatnaw leiin weekly Poonch-Rawalakot cross-LoC bus service hlak chu Thaw\anni khan sukchawl a nih tiin Poonch District Development Commission-er Rahul Yadav chun a hril. Hi lampuia bus ser-vice sukchawl (suspended) ding thu hi passengers hai a hmaa hrillawk vawng an nih tiin Mr Yadav chun a hril.

GSM LS elec-tion-ah ngir tumPanaJi: Goa Unit RSS-chief hlui Subhash Velink-gar in an din Goa Surakhsa Manch (GSM) chun Lok Sabha Election hung um ding le byelection hung um ding haiah an ngir ding thu party founder Velinkgar chun Thaw\anni khan a pu-ong. GSM chun Pathienni khan executive meeting an nei a, chu huna an rel dung-zuia election an ngir ding thu hi an puong a ni a. Goa-a Lok SAbha seats pahni haia an party candidate ding ni tlawmte hnunga pu-ong ani ding thu Velinkgar chun a hril. Goa a hin Subhash Shi-rodkar le Dayanand Sopte han MLA le Congress a inthawk inbana BJP an zawm lei le February 14, 2019 Dy. CM hlui Francis D’Souza hai thi leia As-sembly seats 3 hai a ruoka um le byelection hmasuon an nih.

JeM le inzawmna nei ringhla pasal

23 hrentang Jammu: Jammu and Kashmir a chun Pakistan \hangsana um Jaish-e-Mo-hammad (JeM) terrorist hai le inzawmna nei ring-hla pasal 23 security forces han an hrentang tiin senior Police thusuok chun a hril. Hieng mi 23 hai hi JeM ta dinga sinthaw le Febru-ary 14, 2019 a Pulwama hmuna bomb sukpuoknaa CRPF personnel 40 chuong zetin thina an tuok phanaa khan inrawlna neia intum an nih.

Bawng a sum-dawngtu man tumnaah BSF

Constable tuiah tla hlum

KOlKata: West Ben-gal-a Murshidabad district-a chun Ningani zan khan BSF patrolling-a fe han ramri kana Bangladesh lut tum Bawnga sumdawngtu an hmu leiin an hnawt a. BSF constable pakhat De-bashis Roy chun Bawnga sumdawngtu tlansiea Pad-ma vadunga inchawmlut man dinga vadunga an chawmlut naah tuiah a tla hlum. BSF chun hi \um hin Bawng-a sumdawngtu In-dia mi 11 le Bangladesh mi 1 an man bakah Bawng 74 an man sa bawk.

President Kovind in Tagore Award for cultural Harmony an hlannew delhi: President Ram Nath Kovind chun Thaw\anni khan New Delhi hmunah Manipuri dancer Rajkumar Singhajit Singh; Chhayanaut le Ram Vanji Sutar hai kuomah Tagore award for Cultural Harmony for the years 2014, 2015 le 2016 hai an hlan. Manipur dance expo-nent Rajkumar Singhajit Singh hi Tagor Award for Cultural Harmony 2014 inhlan a nih. Bangla-desh cultural organisation

Chhayanaut le Sculptor le scholar Ram Vanji Sutar hai chu Tagore award 2015 le 2016 hai inhlan an nih. Tagore Award for Cul-tural Harmony Gurudev

Rabindranath Tagore in mihriemna thil tiengpanga a contribution ropui tak tak hai hrietzingna dinga In-dia sawrkarin kum 2012-a inthawk-a a lo indin le kum

tina pek hlak a nih. Award hin sumfai Rs. 1 crores, Citation/scroll, Plague le puon mawi/traditional handicraft/handloom item a sawm a nih. Prime Minister inrawi, Chief Justice of India, Lok Sabha-a Opposition leader; Chief Election Commis-sioner hlui N. Gopalas-wami le President, Indian Council for Cultural Re-lations Vinay Sahasrabud-dhe hai umna jury in award dawngtu ding hi an thlang a nih.

bJP leader, a naunu \huoi-hmangna thuah man

labhPur: West Ben-gal-a chun February 14, 2019-a BJP lead-er Suprabhat Batyabal naunu silai leh chuk-tuoa \huoihmanga um chu Uttar Dinajpur district-ah dam le hima sansuok a nita a, hi in\huoihmangnaa hin a pa Suprabhat Batyabal le midang pahni hai chu inrawlna neia intumin Police han an man. Uttar Dinajpur police le Birbhum Police han Dalkhola railway station lai dappui an thawnaah Pathienni zingkar khan

\huoihmanga um nung-hak hi an sansuok a nih. Police han an suizui-naah Mr Batyabal le a thawpui midang pahni han inrawlna an nei nia an lang leia Police hin an man a nih. Hiengang in\huoi-hmangna tlung nasan chieng taka hriet la ninaw sienkhawm sung-kuo thil buoina lei ni dinga ring a nih tiin Po-lice thusuok chun a hril. Batyabal hi thla 5 liemtaa kha Trinamool Congress a inthawk BJP zawm a nih.

Martyrs hai zang-nadawmna a sukpung

b h u b a n e s h w a r : Pulwama, Jammu and Kashmir-a Odisha mi CRPF personnel 2 thi sungkuo hai kuoma zang-nadawmna Rs. 10 lakh seng pek dinga Odisha Chief Minister Naveen Patnaik in a lo puong ta chu sawiselna um leiin Rs. 25 lakh seng pek dingin a sukpung nawk. Hi baka hin state sawrkar chun CRPF per-sonnel pahni thi hai nauhai lekha inchuknaa sum seng a tum pek vawng ding bakah martyrs pahni hai chengna khuo chu Model panchay-ats a inlettir ding, an khuoa schools chu martyrs hai hminga sie a ni ding thu Chief Minister Naveen Pat-naik chun a hril. Cuttack district-a Ratanpur village mipui han state dang hai zang-nadawmna pek le tekhi

in Odisha state in zang-nadawmna pek dinga a pu-ong hi a tlawm taluo tia an sawisel leia zangnadawm-na sum hi Rs. 25 lakh dinga sukpunga hung um a nih. Sipai thi sunghai sawrkar sin pek dingin khawsung mi hai chun an phut bawk a nih. Madhya Pradesh sawrkar chun an state mi sipai thi sunghai zang-nadawmna Rs. 1 crore, In le sawrkar sin pek dingin a puong bakah Maharashtra sawrkar chun a state mi si-pai thi sunghai Rs. 50 lakh pek dingin a puong a. Uttar Pradesh chun Rs. 25lakh le sawrkar sin pek dingin a puong a, Raj-asthan sawrkar chun Rs. 25lakh le sawrkar sin bakah ram bigha 25 annawleh sumfai Rs.1 lakh le In pek dingin an puong tawl a nih.

India cricketer hlui Kirti Azad in congress a zawmnew delhi: BJP in par-ty kal zawnga a chet leia an lo suspended Darbhanga MP Kirti Azad chun Thaw\anni khan Congress party a zawm. Mr Azad hi India crick-eter hlui, kum 1983 cricket world cup-a India team in cup an lak \uma member ni ve a ni a. Thaw\anni zing-kar khan Congress presi-dent Rahul Gandhi chun party-ah a lo lawmlut a nih. Mr Azad hin Zirtawp-ni-a kha official taka Con-gress zawm ta dinga ruot a ni a, sienkhawm Pulwama hmuna Terrorist hai chetna

leia cancelled-a lo um a nih. Delhi and District Cricket Association (DDCA) ah thil indiklo taka thawna thuah Union Finance Minister Arun Jaitley chunga intumna a siem leia Mr Azad hi kum 2015 a kha BJP in an

lo suspended a nih. Azad hi Bihar-a Darghanga Lok Sabha constituency-a inthawk MP term thumna chel mek a ni a. A pa khawm Con-gress mi hlun lo ni hlak le Bihar CM khawm lo nitah (L) Bhagwat Jha Azad a nih.

Kashmir mi students 300 in Punjab an tlung

ChandiGarh: Pulwama hmuna terrorist hai chetna leia CRPF 40 chuongin thi-na an tuok phana le inzawm khan Uttarakhand le Hary-ana hai \hangin state tum tuma Kashmir mi student hai chun in\hina le an room hai suoksan dinga inhriettir an ni leiin zanikhan Kash-mir students 300 vel hai chu Mohali, Punjab an tlung. Punjab-a hin Kashmir mi students 7000-8000 vel an um meka hril a ni bawk. Jammu and Kashmir Stu-dents Orgnisation (JKSO) president Khwaja Itrat chun, Punjab hmuna lekha inchuk Kashmir student hai ta dinga \i ding a umnaw a, an him thu hrilin tuhin institution tum tum haiah Kashmir stu-dents 7,000-8,000 vel an um mek a nih tiin a hril. Pulwama hmuna terrorist hai chetna lei khan a bik ta-

kin Dehradun a chun dodalna a nasa a, Kashmir student 12 vel vuok an ni bakah Kash-mir mi hai dodalna slogan hai tarin, tam tak chu an umna suoksan dinga thu pek an ni a, chu le inzawmin Dehradun-a inthawk Kash-mir student 250 vel zet chun Dehradun suoksanin Punjab hi an pan a nih. Punjab Chief Minis-ter Capt. Amarinder Singh chun, Kashmir student hai chu a state sunga venghim an ni ding thu a hril. Hieng laizing hin Deh-radun a College pahni hai chun, Pulwama terror attack leia Kashmir mi hai chunga dodalna nasa tak um leia sukbuoi le harsatna tuok pha inlauna leiin academic session thara hin Kashmir-a inthawk student tukhawm an admit naw ding thu an pu-ong.

Kejriwal in Delhi le Puducherry hai state puitling pe dingin a phut

Chennai: Delhi Chief Minister Arvind Kejri-wal chun India khawpui New Delhi le Puducherry Union territories hai chu state puitling (statehood) pe dingin Thaw\anni khan ngenna a siem.

Puducherry hmuna Chief Minister V. Nara-yanaswamy le Lt. Gov-ernor Kiran Bedi hai kara inkeibuoina tlung mekah Mr Narayanaswamy le a cabinet le MLAs han Bedi dodalnaa Raj Nivas hmuna

dharna an nei mek thlawp ve dinga Puducherry a pan mek huna hi thu hi Mr Ke-jriwal in a hril a nih. February 13, 2019 a inthawka kha Naraya-nasamy rawia Congress le DMK MLAs han sawrkarna kawnga Bedi hi nasa takin an rawl leia dodalnaa dharna hi an lo nei tah a nih. Mr Kejriwal in a hril peinaah, Delhi-a harsatna kan tuok ang bawkin Pu-ducherry LG khawm hi de-velopment works thawna kawngah lampui sukbuoitu a nih tiin an tum bawk.

Jharkhand CM le cabinet han

nikhat hlaw an pek ding

ranChi: Jharkhand Chief Minister le a cabinet colleagues hai chun Pul-wama hmuna terrorist hai chetna leia thi CRPF per-sonnel sunghai \hangpuina dingin an thla khat hlaw seng an thawlawm ding thu a hril. Chief Minister hin tuta hma khan CRPF person-nel thi sunghai kuomah zangnadawmna Rs. 10 lakh bakah a sunghai pakhat sawrkar sin pek an ni ding thu a lo puong ta a nih.

UK Tleirawl ISIS Helpawl Zawm Refugee Campah Nau A NeilOndOn: Tulaia UK-a hril hlaw tak, kum 15 chauh a ni laia Britain a inthawka tlan suoka ISIS helpawlhai zawmtu nunghak tleirawl Shamima Begum chu kum 19 an tah a. Nau a paia UK hung kir nawk a nuoma chu a thei el tah si naw leiin khawvel hrietin Refugee camp ah nau a nei. Sahmima Begum hin 2015 khan ISIS helpawl lut dingin Syria a fe a, a ruohai pahni leh. ISIS a tlawm tah si leiin UK tienga hung kir nawk dingin a ngena, nau a pai tah thu khawm a hril a. Anachu, a hung kir nawk phal pek a la ni naw karin Refugee camp ah nau inphir a nei a. Pakhat chu a thi a, pasalte pakhat a dam a, UK hung kirin nundan panngai hmang a nuom thu a hril. “Nau inphir ka neia ka chau taluo tah. Pakhat a thi taa ama khawm hi a thi el kan lau a nih. Ka thil tawnghai po po, harsatna ka pal tlanghai hretu chun mi lunginsiet in tih. Ka fe suok lai khan thil umzie iengkhawm ka la hrietthiem nawh. Tuhin ka hrietthiem tah. Ka nau lei bekin ka hung kir mi phal ro” tiin ngenna a siem. Sahmima Begum case hi Europe-in ISIS helpawl le member manhai ieng law ding am ti an hriltlanga an ngaituo lai vel taka hung um a nih a. UK sawrkar chun iengtin khawm a la dawn nawh a.

Public lai chu discussion a tam tah hle. US President Trump chun ISIS helpawl an manhai chu, an umna ram sengah la kir nawk dingin a lo hril tah bawk. ISIS helpawlhai hi rambung hran hrana mi Syria le Iraq pana tlan bum an nih. Shamima Begum hi ISIS hai tawrawt dan a hriet zinga zawm a nih a. Tuta hienga a um tah hnung khawmin a zawm chu an sir naw thu a hril a. Mihriem sek lemah a siem niin a hril. Syria a um lai hi pasal a nei a. Nau khawm pahni a nei hmana, an thi ve ve a. Naute tamtak chu phing\amin an thi tah. Syria politician tamtak chun, interior minister Sajid Javid \hangin a kir nawk ding an phal nawa an khap tlat bawk.

Sky News a hril dan chun, ISIS hai inchuktirna le chet dan chu a hriet vawnga lut a ni thu a hril a. Kha lai khan chu pawi a ti naw niin a hril. Tuhin in khat nu an tah leiin a kir nawk phalpek dingin a ngen a. ISIS a zawma chu propaganda iengkhawm a thaw ve naw thu a hril. “Thil tium iengkhawm ka thaw nawh ti hi an ring naw khawmin, ka thawna khawm hmu bawk nawng an tih. Tukhawm Syria hunga ISIS zawm dingin ka thlem bawk nawh” tiin a thiemthu a hril. ISIS helpawlhai lakkir nawk ding le ding nawa hin UK le Rurope rambunghai an buoi a. Ngaidan an phir hle. A \henin ‘lakkir nawk ding’ an tih a. A \henin ‘lak kir tah lo ding’ an tih bawk a. Javid chun, “Hieng mihai hi mi tium an nih. Mimal chau khawma buoina lien tak siem thei, chuleiin, manhai khawm lak kir a lo a \ha” tiin a hril. Lakkir nawkna dinga Trump ngenna le inzawmin Belgian justice minister chun, mani am mi le sa khawm ni hai sienla, lakkir nawk dinga inngenna chu formal takin proper channel hrawa inhril or inngen nisien \ha ding. Zanrila Twitter-a lung\hawng zawnga inkei tho nih lovin” tiin Trump thaw dan a dem thu a puong.

Saudi Arabia-in Pakistan USD 20 Billion |hangpui Dingryadh: Pakistan chu khawvel rambung hran hranin helpawl \antu tia an inthiem naw laiin, economic tieng khawm nasataka a tlaksiet zing leiin bankrupt el thei dingin a um a. Muslim rambung a ni leiin Muslim rambung hausa Saudi Arabia chun USD 20 billion sumdawngna inremna ziekin \hangpui a tum. Zani khan Saudi Crown Pr ince Mohammed b in Salman, Pakistan rama ni

hni cham dinga hung inzin chun Pakistan leh inremna 8 a ziekpui a. Chu laia a lien pawl chu tourism le thautui inchawk le zawrna tieng a nih.

Inremna pakhat chu, tulai khawvela thautui t h l i t f a i n a h m u n p u i lien tak, Pakistan port (lawngchawlna) Gwadar-a

um, Saudi Arabia hai ta Aramco Refinery sukhratna dinga USD 10 billion pekna ding a nih. Prince Salman chun, “Pakistan chu Saudi ruol\ha a nih a, ni zing pei bawk a tih. ‘Economic le tourism t i e n g s u k h m a s a w n n a dingin \hangruol an ta, in\hangpuituo pei an tih” tiin a hril. Prince Salman hi India ram le China ram khawm sir dinga riruong a nih.

Israel-in Palestine Hai Pawisa USD 138 Million Hrentang

Jerusalem: I s rae l sawrkar chun Palestine mi, Israel hai bei leia jail intanghai \hangpuina dinga Palestinian Authority hai kuoma pek ding USD 138 million (122 Euro) chu pek el lo dinga hrentang a la tum. P r i m e M i n i s t e r Benjamin Netanyahu office thusuokin a hril dan chun, pawisa hi ni kuma Palestine Authority han Israel rama Palestine mi Jail intanghai sunghai \hangpuina ding an pek leh inzat vel char a tih, tiin a hril a. Hi pawisa hi PA pek chun tharum insuona a hluor nawk ding a nih tiin a hril. Palestine hai chun hi

pawisa hi Palestin mi in khat lu tak fakzawngtu thi tahai \hangpuina sum a nih tiin a hril a. Israel beina dinga tharum insuona dinga hmang a ni naw ding thu a hril. Palestine hai chun Israel le an buoinaa thihai chu ‘martar’ angin an ngai leiin an maksan an sunghai chawm chu an mawphurnaa ngaiin an chawm pek hlak a nih. Israel sawrkar le US ruok chun helpawlhai kuom a tlunga, hospital le Jail intanghai kuom a tlung ngai nawh tiin ni kum khawm khan an pawisa hmu ding President Trump-in a suktlawm pek tah bawk.

P r e s i d e n t T r u m p sawrkar chun Israel le Palestine inkar inremna tluontling a um theina ding Plan chu kum tawp tieng khin insuo a beisei a. Palestine hai chun Israel \an zawnga siem nih dingin an lo ring sa nghal leiin an ngaisak bek nawa chu ngaisak lo theilo a nih. Hienga PM Netanyahu-in pawisa fund a hrentang or cut hi ni kuma Dan thar an pass dungzuia thaw thei a ni ta leia a thaw niin a hril. Israel chun Palestine ram lut ding thuomhnaw le thilhai a inthawkin sie a lak hlaka. Kum khatah USD 127 million dam a nih a. Chuonghai chu Palestine hai a pek hlak a nih, a hma chun. Hienga Is rae l - in a hrentang peknaa inthawk hin kum tinin Palestine Authority sum hmu ding chu USD 500 million velin a kiem pei a. US khawmin \hangpuina a pek hlak a suktlawm pei bawk.

Maharashtra-ah BJP le Shiv Sena in seat an insem feltah

mumbai: Shiv Sena le BJP chun Lok Sabha Election hung um dingah Maharashtra-a seats shar-ing an sukfel tah. Hi dungzui hin Maha-rashtra Lok Sabha seats 48 um haiah Shiv Sena chu seats 23-ah ngir an ta, BJP chun seats 25-ah candidate nei an tih. Seat insem dan ding

hi zanita BJP Chief Amit Shah le Chief Minister Devendra Fadnavis han Shiv Sena president Ud-dhav Thackarey in, Mum-bai hmuna inbiekpuina an nei hnunga an sukfel a nih. Shiv Sena hi kum 25 sung zet BJP le lo \hangruol tah an nih. Hi hun sung hin ngaidan inkalna neu neu an lo nei

hlak a, kum 4 liemta sung khawm khan Ram Temple bawl chungchangah Shiv Sena hi BJP chunga lun-gawilo a, ni a, sienkhawm a tawpa chu seats insem dingin an hung inrem nawk ta a nih. Mr Amit Shah chun Lok Sabha Election hung um dinga hin BJP le Shiv Sena \hangruol han seats 48 um hai lai seats 45 bek an lak ngei ding thu a hril. Kum 2014 Lok Sabha election khawm khan BJP le Shiv Sena hi an \hangruol a, BJP seats 24 le Sena seats 20-ah an lo ngir a. Sienkhawm Assembly Election a khan chu Sena le BJP hi a hran ve vein an ngir a nih.

Hmasawnna Thar4 EntErtainmEnt / SportSthlavul (February) 19, 2019thawleni (tuesday)

Zidane in Chelsea manager ni hniel lo; Hazard cheltang le transfer budget pound 200m

lOndOn: Premier league club Chelsea chun season fe mekah manager ni lai Maurizio Sarri enkawlna hnuoia hma an sawn hlei theinaw leiin Sarri ban in Real Madrid manager hlui Zinedine Zidane chu man-ager thar dinga lak dingin ngaituona an nei mek. Hi chungchanga hin Zidane khawmin Sarri thlakthlenga Chelsea man-ager sin chel chu a hniel

naw a, sienkhawm club in a ditna an sukpuitling pek a \ul ding niin an lang. Chelsea manager thua hin Zidane chun club in-biekpui a hniel naw bawk niin The Sun report chun a hril a. Amiruokchu, Chelsea manager a hung chel ding chun Chelsea in Eden Hazard an cheltang ngei a \ul ding bakah Zi-dan hin club siem\hatna dingin transfer budget

pound 200million vel an sukpuitling pek a ngai ding niin report chun a hril bawk. Sarri hnuoiah tuhin Chelsea chun games 26 an khel ta haiah points 50 hmuin a paruknain an \hang mek a. Top four chen bek a nipui naw a, trophy lak an nei bawknaw chun Sari hi club in an ban ngei ring a ni a, Sarri ban a ni chun Chel-sea chun Zidane hi Sarri thlaktu dinga an dit le beisei tak a nih. Zidane hi Cham-pions league hmasa vawi thum hai lo 3 la tah a nih. Hieng laizing hin Jose Mourinho ban a ni hnunga interim manager Solskjaer in a enkawl le permanent manager ding dap zing Manchester United khaw-min Zidan hi an mel zing nia hril a ni bawk.

FA Cup:

Wolves, crystal Palace le Swansea quarter-finals an lutbristOl: Pathienni zan FA Cup fifth round match-ah Bristol City chun an home Ashton Gate stadium –ah Wolves a mikhuol a. Wolves chun first-half min-ute 28 naa Ivan Cavaleiro goal hmanga a mikhuoltu Bristol City 1-0 a hnein quarter-finals an lut. Pathienni zan khan Doncaster chun an home Kepmoat stadium-ah Crys-tal Palace an mikhuol bawk a, Crystal Palace chun Doncaster 2-0 a hnein quarterfinals an lut bawk. Goal hmasa Jeffrey Schlupp in minute 8 naah a thun a, first-half bo hnung injury time 45+2 ah Max Meyer in Palace ta dingin goal a hung thun nawk a.

Second -half hnungah goal lut a um tanaw leiin Palace chun Doncaster hi 2-0 in an hne a nih. Chun, Swansea khaw-min an home-ah Brentford 4-1 a hnein quarterfinals an lut bawk. Swansea City ta dinga goal thuntu hai chu Luke Daniel (49 OG), Daniel James (53); Bersant Celina (66) le George Byers

(90) hai an ni a, Brentford ta dinga goal thuntu chu Ollie Watkins a ni a, minute 28 naa a thun a nih. Tuta hma khan Wat-ford, Brighton, Millwall le Manchester City hai quarter-finals an lo lut ta a, February 19, 2019, 1AM khan 5th round tawpna tak dingin Chelsea chun Man-chester United a mikhuol.

Spanish La Liga:

Real Madrid in Girona hne zo lo, pahnina ngirhmun hau ding an bawpel; Ramos in red card hmumadrid: Real Madrid chun Pathienni zan khan an home Santiago Berna-beu stadium-ah Girona an mikhuol a, minutes 25 naa Casemiro goal hmangin first-half chenah hma \huoi hai sienkhawm second-half hnungah Girona in goal hni an thun leiin Real Ma-drid chun league fe mekah pahnina ngirhmun hluo theina ding hun\ha an baw-pel tah. Real Madrid hin first-half chenah hma \huoi hai sienkhawm second-half minute 65 naah Girona chun

penalty an hlawsuok a, chu chu Cristhian Stuani in goal-a inchangtirin an goal bat a hung thungkir a, hi zo minute 75 naah Portu chun Girona ta dingin goal a hung

thun nawk leiin inkhel tawp chenah Girona hin Real Madrid chu an home ah 2-1 a hnein an sukhmuolpho ta a nih. Minute 90 naah Ser-gio Ramos chun Red Card

a hmu nghe nghe bawk. Ramos in Red Card a hmu hi La Liga-a Red Card 19 a hmuna a nita a, La Li-ga-ah Red Card hmu rawn tak a ni tah. Ama neka Red Card hmu rawn an la um nawh. Real Madrid hin games 24-ah point 45 hma pathumna ni mek an ni a. Anni chung charah Atleti-co Madrid chun games 24-ah point 47 hmuin pahnina an ni a, Pathienni zan khan Real Madrid hin hratna chang nihai sien chu Atleti-co Madrid lekhelin pahnina

ngirhmun an hluo phak ta ding a nih. Barcelona chun games 24-ah points 54 hmuin hma an \huoi mek a nih. Chun, Pathienni zan khan Vallencia le Espa-nyol 0-0 in an indraw a, Villarreal in Sevilla 3-0 in an hne bakah Real Betis le Alaves 1-1 in an indraw bawk. Team P GD Pts1 Barcelona 24 38 542 Atl Madrid 24 17 473 Real Madrid 24 12 454 Sevilla 24 10 375 Getafe 24 9 36

Gael Monfils chun Wawrinka hnein Rotterdam Title a lak

rOtterdam: Pathi-enni zan khan France ten-nis star Gael Monfils chun Rotterdam Open finals-ah Grand Slam champion vawi 3 lo nitah Swiss ten-nis star Stan Wawrinka 6-3 1-6 6-2 a hnein Rotterdam title a lak. Wawrinka hin kum 2017-a a khup pahni hai

surgeries a thaw hnungah tuta \um hi final a lut nawk hmasa takna a nih. Monfils hi world num-ber 33-na ni mek a ni a, kum 2016 khawm khan Rotterdam Open runner-up a lo nita a, kar hmasaa Sofia Open a khawm khan semi-finals chen a lo lut bawk.

Ligue 1:

PSG chun Mbappe goal hmangin St-Etienne an hne

Paris: Thaw\anni zingkar (IST) khan St-Etienne chun an home Geoffroy-Guich-ard stadium-ah hma\huoitu Paris Saint-Germain (PSG) an mikhuol a. First-half chenah goal thun bik um loa an indraw hnungin second-

half minute 73 naa Kylian Mbappe goal hmangin PSG chun St-Etienne 1-0 in an hne a. PSG chun points 12 zetin hma an \huoi tah. PSG hin games 23-ah points 62 an hmuta a, anni dawttu LOSC chun games

25-ah point 50 an hmu a, LOSC le PSG kara hin point 12 zet a tla ta a nih. Chun, Pathienni zan khan Angers in OGC Nice 3-0 in an hne a, Monaco in Nantes 1-0 in an hne a, Caen le Strasbourg 0-0 in an indraw a, Bordeaux in Toulouse 2-1 in an hne a, LOSC le Montpellier 0-0 in an indraw bakah Stade Re-ims in Rennes 2-0 in an hne bawk.Team P GD Pts1 PSG 23 56 622 Lille 25 20 503 Lyon 25 12 464 Marseille 25 6 405 Saint-Étienne 25 4 40

President Trump-in ISIS Helpawl 800 Hai La Kir Dingin HrilwashinGtOn : U S President Donald J. Trump chun, Syria rama ISIS helpawl an man 800 hai chu Europe rambung hai kuomah la kir vawng dingin a hril a.An naw chun, US-in an suo nawk el ding a nih tiin a hril. President Trump chu ni kum December khan US sipaihai chu Syria a inthawkin an inhnuk dawk tah ding ti thu puongin khawvel le a ruolhai a barakhai a. ISIS helpawlhai khawm an hung suok nawk chun a hnaina tak hmuna inthawkin a kap/bei tawl ding thu a hril bawk. US \hangpui sipaihai chun ISIS helpawlhai chu an stronghold chite chenin an lakpek tah a. ISIS helpawl iemani zat a man bawk a. Trump chun Twitter ah, “US chun a ruolhai United Kingdom, France, Germany le Europe

rambung danghai chu, Syria- aman ISIS helpawl 800 hai hi lain an chungthu relpek dingin a ngen a nih. Caliphate a hlawsam tah a. An chungthu rel pek an naw chun kakhawk \ha naw nih” tiin a hril. Trump chun ISIS hai hin Europe an dapsuok vawng thei thu hri l in Europe rambunghai chu inveng fmkhur ding le IS helpawlhai chungthu rel vata khum hran dingin a hril a. “US chun heing helpawlhaiin Europe an dapsuok ding a hmu nuom nawh. Sum tamtak sengin hun tamtak ei khawral tah a. An umna ding dingah an um a \ha. Caliphate 100% kan suksiet tah leiin kan suoksan ta ding a nih. Ram dang han an thaw ding thaw ve ta raw hai se” tiin a hril. ISIS hai hi 2017 khan an stronghold nuhnungtak Raqqa a tlu tah leiin an

tlusie tah a. US chun Syria a inthawkin inhnuk dawk vawng a tum tah leiin Syria le Turkey inrina laia Kurds hai chu an thla a phang hle a. US \hangpui hlak Turkey sawrkarin helpawl anga a en an ni leiin. U S c h u n T u r k e y sawrkar chu cho phawk lova \ha taka um dingin a hrila chu Turkey hin helpawl anga a ngai tlat leiin iengtinam US um naw hnungin a ngaisak ding hriet an ta nawh. Syria rama US sipai hmasatakhai chu 2015-a President Barrack Obama in Special Forces a tirlut a inthawk khan a nih a. YPG fighters hai training pek ding chauva ti khawm, Syria President Assad dotu tak an ni leiin civil war a suok a. Tuhin kum 8 lai indona tak tak suokin mi 360, 000 neka tam an thi tah a nih. (Reuters)

Amber Davies, Kem Centinay Hmu Pha Nervous Hlak

lOs anGeles: Love Island 2017 ah Amber Davies (22) le Kem Cetinay chu winner an nih a. An pahniin Rs.45 lakh vel ssumfai an hlawa. Inhmangai takin kum khat vel an inzui hnungin midang ve ve ngaizawng nawkin an inthe a. Mimal-in TV program hran hran le model career an sunzawm pei laiin Amber Davies chu One Direction member tuta solo fe tah Liam Payne (25) leh an intawng a. Vawi khat an leng suoknaah an indit nghal a. Tuchen hin an inzui tah a nih. Liam Payne hi a hma chun hlasakthiem le lam thiem inlar Cheryl le inngaizawng a nih a. Lim Payne hin Amber Davies chu

‘ruol\ha’ mei mei angin a hrila chu tamtak an inngaizawng niin an hriet. Hienglai zing hin Amber Davies chun Kem Centinay a la hmangai nia an hriet thu a hrila. An inhmu zat khawmin a la nervous hlak niin a hril. “Liam chu mi pawl inhawi tak le ruol \ha tak a nih a. Ka mamaw tia ka message chun a hung tlung nghal el hlak. Thurawn kan dawn ang ang khawmin \ha taka mi advice tu a nih. Kan inhmu zeu zeu hlaka chu kan in ‘date’ ngai nawh” tiin a hril. OK magazine ah a ngaizawng hlui Kem Cetinay thu an indawna chun, “Thil tamtak kan pal tlang a, ka hmangai thei em em a. Ka la hmangai zing a. Tukhawm hin kan inhmu chang chu ka la nervous thei nasa taluo, ka lung hi an phu dut dut hlak. Chu chu hmangaina a ni el nawa?” tiin a hril. Liam Payne le an inhmu dan an indawn a. “Cetinay le kan in\he hma met thla hni velah Liam Payne hlasak lai hi ka hmu fuk a. Hmaisana kan hei inhmu chu a mi hne dan a dang khawp el” tiin a hril. Hi hi Liam le Cheryl inzui lai tak a nih. Khaw hnungah an inhmu inzing deu deu a, inngaizawng angin an um tah a. The Sun lem chun “Amber hi Liam a type a nih a. Inrem thei tak an nih. London nightclub pakhata an party-a an lam dun lem khan chu Amber ta dinga duthusam ram a nih. An pahni karah physical attraction a um” tiin a hril. Liam hin Cheryl le nau pakhat Bear (thla 23) an nei a. Thla hmasak lai khan in\hein Liam chun Amber Davies an zuipuia chu a ngaizawng tak chu Naomi Campbell nia hril a nih.

Kareena Kapoor Le Priyanka Chopra ‘Coffee With Karan’ ahmumbai: Tulai India rama Reality TV Show inlar pawl tak, celebrity hai le Karan Johar inpawlna program ‘Coffee With Karan’ chu Season 6 Episode 19-na fe mekin a tawp vang tah a. Bollywood-a milar pahni Priyanka Chopra le Kareena Kapoor hai khawm coffee dawnpui dingin a fiela, an hohlimna chu an hrawl hle. Hi hi Priyanka Chopra le Kareena Kapoor an inlang vawi khatna a nih a. Kareena Kapoor chun Pr iyanka Chopra chu Hollywood ngaituo taluo tah le a hun tamlem Bollywood neka Hollywood tienga hmang tah tiin a suosal deu. Pathienni-a an inbieknaa telecast ah chun, Karan Johar chun an hun hlu tak an hung pek thei leiin lawmthu a hril a. Quiz neia an inel ding thu a hrilpek a, chu baka chu thu nepnawi dang dang hohlimna naran a nih. Kareena Kapoor chun, iem a ta ama kher kher

thu iemani deu hril dingin an dita ti an dawn a. Priyanka chun, fiemthu thutakin, “Asan chu nang \awng i hrat leiin” a tia, an innui dar dar. Quiz round ah Karan Johara chun Priyanka chu Jonas Brother (a pasal Nick Jonas hai unau) album hmasatak iem a na? ti an dawn a. Priyanka chun a hriet naw thu a hril a. Kareena chun, “Iengtinam i hriet naw thei a?” tiin an dawn

a. Priyanka chu, “Kan innei hma khan ka lo Google nawa a nih” a ta, an innnui nawk dar dar. Priyanka chu one million habit naupang a hnawt phak theina ding pakhat hril rawh a tih a. “Hmatieng fe pei” tiin a dawn a. Varun Dhawan-in tum a leng hlak ti an dawna. “Ka hriet nawh” a ti chun Kareena chun mak a ti hle a. “Varun date hlak maw i hriet naw? Hollywood mi chauh

an ta maw i ngaisak?” tiin a fiem nawk a. Karreena chun, “Tuhin chu Hollywood i kaisang ta bawka, Bollywood laia mihai chu ‘Saw tum a na?” i ti vel mei mei el tah ding a ni naw?” tiin fiemthu thutakin a bei a. “I suokna (root) theinghil ngai naw raw. Varun date hlak hril ka che, Natasha Dalal” tiin a dawn peka. Quiz ramtin neiin hun hlimum tak an hmang a nih. Priyanka Chopra le Kareena Kapoor hi film an chang dun tam rak nawa,

pakhat chu 2004-a ‘Aitraaz’ kha a nih a. Priyanka le Shah Rukh Khan film ‘Don’ ah khan Kareena Kapoor chu cameo (role chite) a chang bawk. N u p u i a n t a a c h u Kareena chu tuhin ‘Good News’ ti Akshay Kumar leh an chang mek a. Karan Johar film Takht ah khawm inlang a tih. Priyanka Chopra chu Hollywood tienga a film thar tak ‘Isn’t It Romantic?” ti chu zofel an tah a. February 28 a inthawk khin Netflix ah insuo \an ning a tih.

Angelina Jolie le Pax Khawlai Leng

lOs anGeles: Nuhaiin nauhai leh hun a hran lieua hmang intlangnelpui hi nu le nau relationship siemna ding chun thil \ha tak a nih a. Inhman chun thaw ngei ngei chi a nih ti hi Angelina Jolie khawmin a hrietchieng ve leiin a naulakhai laia upa tak dawt Pax (15) chu Inrinni khan Hollywood ah a lengpui a. Melrose Avenue lai hmu an nih. Urban Outlifters dawr sung an lut hmaa an hmel le umdan en chun an hlim hlea an innui deu ran thei leiin an taksa le lungril hriselna a la \ha hle ti hmu thei a nih. Angelina naulak Pax khawm a tlangval ve vang tah. Angelina Jolie chun overcoat hakin a hnuoiah Blouse zakuo var inphan a hak a. Kekawr dum tluon in-match pui dingin mawza bovin pheikhawk dum high-heel a bun bawk a. Sunglass dum leh a sam a tungin a hlim vawng a. Pax chun Jean kekawr pawl le T-shirt dum hakin lukhum (Cap) dum Rhode inziek a khum a. Converse Sneaker (puon pheikhawk) leh, iemani fe malamin a nu a hrilpek pei a, Angelina Jolie khawm a thuhril a lawm ning a tih, an nui deu rana a ha hmu ding a um ran.

Innui pei pumin lampuia an lawn lai chu mipuiin an hung hmu tam deu deuva. An mobile phone hai phawrin thla an lak sup sup nghal a. |henkhat a tlangnel deu chun selfie inlakpui ding damin an fiel a. A thawpui pei a. A \henin chibai lo bukin an lo hmuok tawl bawk. Hun iemani chen hnungah dawr pakhatah an lut a. Pax chun ramtin a lak khawm a, bag sunga an thun zoin an hung suok nawk a. Lo inchantuhai laia mihang pa lien pakhat chun Jolie chu a ngaisang hle ti hmu thei dingin a lo chibaia, a kut a dawm vawng vawng el a nih. Angelina Jolie hi a pasal Brad Pitt leh nau pathum an nei bakah nau dang pathum an lak a. Chuonghai chu Maddox, 17, Pax, 15, Zahara, 13, Shiloh, 12, le 10-year-old twins Knox le Vivienne hai an nih. Hieglai zing hin Jolie le Pitt hi an in\he lai tak a nia chu, Pitt-in a nuhmei hlui, Jolie-in a chu thlak pek Jennifer Aniston birthday kum 50 tling lawmna a \hang ti thu le an inkuo laihai thlalak a lo hmu le hrietin a theida hlea a lung a sen hle tiin Hollywood Life chun a ziek. Brad Pitt le Jennifer Aniston hi an innei zing lai 2005 khan Angelina Jolie hin a chu thlaka, a hranin an um char chara nau pathum an nei hnungin 2014 khan an innei a. Kum 2 an innei hnunga nau pathum an nei hnungin 2016 khan inmakna thu court-ah a thelut nawk a nih. Film tieng chu ‘Maleficient’ a chang zo hnungin tuhin post-production-a um pali: ‘The One And Only Ivan’, ‘Maleficent II’, ‘Come Away’ le ‘Those Who Wish Me Dead’ a nei. Tulai a hlaw \ha deu lei khawm a nih el thei a hlim zing.

Hero I-League:

Chennai City in Shillong Lajong 4-2 in an hneshillOnG: Shillong Lajong chun Thaw\anni zan khan hma\huoitu Chennai City an mikhuol a, Shillong Lajong chu an home-ah Chennai City in 4-2 in an hne. Chennai City in zani zan hratna an chang lei hin games 17 an khel ta haiah points 37 hmuin point 5 in hma an \huoi ta a. Anni dawttu East Bengal chun games 16-ah point 32 an hmu mek. Goal hmasa minute 7 naah Sandro Rodriguez in Chennai City ta dingin goal a thun a, Kitboklang Pale in minute 23 naah a hung thungkir leiin first-half chenah 1-1 in an indraw a. Second-half minute 78 le minute 90 haiah Pedro Manzi chun Chennai City ta dingin goal a thun bakah Nestor Gordillo chun min-ute 81 naah Chennai City ta dingin goal a hung thun nawk a. Shillong Lajong chun minute 85 naah pen-

alty hmuin Samuel Kynshi in a petlut a. Sienkhawm inkhel tawp chenah an goal bat hi an thungkir tanaw leiin Chennai City chun 4-2 in Shillong Lajong hi an hne ta a nih. Shillong Lajong hin games 17-ah points 10 chau la hmuin a mawngdapa um mek an nih. Hieng laizing hin zani zana match dang inkhel ding Real Kashmir le Mi-nerva match chu postponed a nih. Minerva Punjab hi inkhel dingin Srinagar-ah

an fen aw leia postponed nia hril a nih. Pulwama hmuna CRPF convoy ter-rorist han an bei-a inthawk khan Minerva Punjab hi Srinagar-a fe nuom lo nia hril an nih. Zani zan inkhel zo chena hin Real Kashmir chun game 16-ah points 32 hmuin pathumna an ni a, Churchill Brothers chun games 18-ah points 31 hmuin palina le NEROCA chun games 17-ah points 26 hmuin pangana an ni mek.

Miss Thangremsiem Le Lalhmunsiama Innei dingCCPur: ICI Cental Choir member Miss Thangrem-siem, d/o (L) Tlanglawm of Bible Hill, Rengkai le Pro Pastor H. Lalhmunsiema hai chu Thawlenni (Feb. 19)

hin Rengkai ICI Biekin ah Kohran Dan thienghlimin innei an tih. Innei zo chawh-nung dar 1pm hin Monu hai in Bible Hill ah inthlana program-a \hang seng dingin

monu tieng haiin HT tiemtu-hai po po ngaina takin an fiel. Pro Pastor H. Lalhmuni-ama hi Rengkai ICI Kohran-a Pro Pastor sin thaw lai zing a nih.