POONAM KA DHYAAN (MEDITATION) 19 SEPTEMBER · PDF filePOONAM KA DHYAAN (MEDITATION) 19...
-
Upload
hoangkhuong -
Category
Documents
-
view
226 -
download
1
Transcript of POONAM KA DHYAAN (MEDITATION) 19 SEPTEMBER · PDF filePOONAM KA DHYAAN (MEDITATION) 19...
POONAM KA DHYAAN (MEDITATION) 19 SEPTEMBER 2013
DOORI SE DHYAAN, RAAT KE 9.00 BAJE
Yeh dhyaan akele mein ya doosre logon ke saath ek ghera banaakar kiya ja sakta hai, mann mein yeh irada prakat karte hue ki jo sab log doori se yeh dhyaan uss
waqt kar rahe hain, ek bade ghere mein shaamil ho jaayein.
SUJHHAAV Ho sake to safed kapde pehen kar aayein.
Agar dhyaan khuli hawaa mein nahin kiya ja sakta toh ek aisa pavitra sthaan
tayyaar karein jahaan par yeh chaar tatva maujood ho: Prithvi, Paani, Hawaa aur
Aag.
Har ek ke saamne ek safed mombatti jali hui honi chahiye aur ek mombatti ghere ke
beechon beech jalani chahiye.
Ghere ke beech mein woh log baithein jo is tarah ka dhyaan karne ke aadi nahin
hain.
Baaju waale ko haath mein haath dete waqt dhyaan rakhein ki baayan haath ooper
ki taraf (pravishti) aur dayaan haath neechey ki tarf rakhein (prasthaan).
*
KYAA LEKAR AANA HAI:
1. Koi aisi cheez jo aapko bahut pyaari ho, kissi aur ko uphaar ke roop
mein dene ke liye.
2. Ek seedha pathar jiss par humnein ek dil banaaya ho, aur uske andar
likha ho – MUJHE POORA VISHWAAS HAI.
3. Ek safed mombatti.
4. Ek CHANDRAKANT KA PATHAR, jo chandrama ke poore naye chakra ke
dauraan hamare saath rahega. Chakra ke khatam hone par hum usse Dharti
Maan ko arpan karenge, yaani july 2014 ke antim dinon mein.
(Agar Chandrama ka pathar nahin milaa toh ek paardarshi quartz bhi
chalega)
*
AASHAYA (PURPOSE)
APNI MANZIL KA MILNA
SAUBHAAGYA PRAAPT KARNA
Pichhle mahinon mein humne bahut bade badlaav anubhav kiye hain. Kai maamlon
mein, Naye Yug ki taraf kadam lene ke saath saath kuch zaroori baaton ka tyaag
karna padhta hai. Kabhi kabhi, hum judaai ki bhaavna mein doob jaate hain. Phir
humein aisa lagne lagta hai ki jo peechey chhoot gaya wahi hamara sach tha, ya
kam se kam hamari zindagi ka aadhaar tha.
Lekin yeh bhi to ho sakta hai ki jo peechey choot gaya ho woh asliyat mein humein
seemit kar raha ho? Ya ho sakta hai ki suraksha ki khoj mein hum usse apne paas hi
rakhte, to hum apne dil ki asli ichha se door ho jaate? Kitni baar hum kartavya,
nirbharta yaa zimmedariyon ki wajah se apne aap se door hote jaate hain?
Ab hamare jeevan mein badlaav laane ke bade mauke aa rahe hain.
Unhein iss tarah se dekhte hain: apne swaroop ko badalte hue hum durbhaagya ki
chhaya ko door kar denge. Aap naye jeevan ki shuruaat kiss tarah se karna
chahenge? Gehre dukh se yaa phir aatmavishwaas ke saath? Aapke ke bheetar aaj
jo naya jeev ubhar raha hai, uska aadhar kisse banaana chahenge: pyaar ko yaa
shak ko?
Dharti par bahut badlaav aa rahe hain. Aur insaaniyat mein bhi. Yeh ek aisi prakriya
hai jisse roka nahin jaa sakta. Aap usmein judnaa chahenge yaa uske khilaaf jaana
chahenge? Yeh chunouti aapke haath mein hai.
Yeh nayi shakti aapke vikaas ki prakriya ko samarthan aur badhaava deti hai aur
aapko aapke maksad ki taraf le jaati hai. Phir chahe aap apna maksad bhool kyon
na gaye ho. Ya chahe aap apne aapko bhatakta hua mehsoos karte ho. Nayi shakti
aapko lagaatar uss taraf liye jaa rahi hai. Aapko sirf iss prakriya ko sweekar karte
hue uss par bharosa karna hai.
Jo baat peechey reh jaati hai usse khushi se alvida le lein. Jo baat peechey
chhoot´ti jaa rahi hai woh aapke asliyat ke liye jagah banaa rahi hai.
Aaj ki iss Poonam ki raat par hum pyaar se shuruaat karte hue alagaav ka
abhyaas karenge. Hamare jeevan mein jo bhi baatein aa rahi hain unhein
khushi aur aatma-vishwaas se sweekar karne ke liye hum taiyaar ho
jaaenge. Jaise ki naye log, cheezen, bhautik yaa saarheen vastuein, anubhav, aur
aisi pariyojnaaen jo humein apne jeevan yojna yaa maksad ki taraf le jaa rahe ho.
Iss jeevan yojna mein hi woh asli santosh aur khushi milti hai jiske liye aap
hamesha se tadpe hain.
ARPAN KI VIDHI
1. Hum jo cheez lekar aaye hain usse kissi aur ko saump denge, (koi aisi cheez jo
hamare liye keemti ho) usse dil se saump dein, aur khushi aur aatma-vishwaas
se uss cheez se alvida le lein.
2. Ek seedhe pathar par ek dil banaayen aur uske andar likhein - MUJHE
POORA VISHWAAS HAI.
3. Zameen mein ek chhota saa chhed karein.
4. Usmein apne dil ko rakhein, aur yeh iraada zaahir karein ki aap jiss prakriya
mein magan hain woh aapko sweekar hai, aur aapko poora vishwaas hai ki aap
ko Dharti par apna maksad poora karne ke liye jo bhi chahiye woh zindagi aap
tak zaroor pahuncha degi.
5. Jo matti aapne pehle nikali thee ussi se ab arpan ko dhak dein.
6. Arpan ke ooper apne haath rakhte hue Dharti Maan se vinnati karenge ki woh
pyaar se usse sweekar kar lein, aur apni shakti ke saath usse dhak dein.
7. Dharti Maan ko dhanyawaad karein kyonki woh aapko moh nikalne, vishwaas
karne aur apni taraf woh sab kheenchne ke liye madad karengi jiski aapko
zaroorat hai apni jeevan yojna poori karne ke liye. Aapka aatma-vishwaas pakka
hona chahiye. Kissi khaas cheez ki yojna nahin banaaen. Yeh kaam Dharti Maan
aur gyaan se bhare jeevan ke haathon mein saump dein.
TAIYAARI
1 - Aapke bheetar jo Pyaar ki shakti hai uska aahvaan karein.
2 - Dil hi dil mein kahein:
Mein uss Roshni ke jeev ki izzat karta/karti houn jo mere andar hai.
Aur jo iss dhyaan par aane waale har ek insaan ke andar bhi hai.
Ab issi waqt, mein Ishwar ke saath apne sambandh ko jaagrit karta/karti houn.
3 – Aisaa mehsoos karein aur kuchh pal intzaar karein taaki yeh shakti
poore samuh ke saath santulit ho jaay.
AARAAM KI AVASTHA
Aankhein band karke aaraam se baithein.
THODA RUKEIN
Teen baar gehri saansen lein aur saanson ko chhodte hue mehsoos karein ki kaise
aapka poora tanaav baahar nikal raha hai.
THODA RUKEIN
Apne mooladhar chakra par dhyaan dein.
Usse failne dein.
THODA RUKEIN
Kalpana karein ki woh chamakte hue laal rang ka hota jaa raha hai.
THODA RUKEIN
Aur ab kalpana karein ki yeh chakra neechey ki taraf laal rang ki roshni failaa raha
hai,
Dharti ke beech tak.
THODA RUKEIN
Aur ussi samay, Dharti apne dil se aapki taraf laal rang ki roshni bhej rahi hai.
THODA RUKEIN
Raaste mein donon roshniyan mil jaati hain.
Mehsoos karein kaise aapki shakti Dharti ki shakti ke saath ek ho jaati hai.
THODA RUKEIN
Usse apne rom-rom mein failne dein.
Aapke bheetar Dharti ki taakat ko mehsoos karein.
THODA RUKEIN
Dekhein kaise yeh taakat aapki reedh ki haddi se chadh rahi hai aur aapko poori
tarah se gher rahi hai.
THODA RUKEIN
Aap chamakti hui laal roshni se poori tarah se bhar gaye hain.
THODA RUKEIN
Yeh roshni jo aapko taakat pahuncha rahi hai usse mehsoos karein.
THODA RUKEIN
Dharti maan ke dil mein jo aapke liye bharpoor pyaar hai usse mehsoos karein.
Uss pyaar mein apne aap ko behelne dein.
THODA RUKEIN
Ab apne bheetar ke divya saar ko jaagne dein.
Aapki chhaati ke beech mein aapki aatma chamak rahi hai.
THODA RUKEIN
Ek safed chamakdaar roshni aapke andar fail rahi hai.
THODA RUKEIN
Iss pal, aapke andar aapki aatma ke jaagne se, aapko Ishwar ke strot se jawaab mil
raha hai.
Mehsoos karein kaise aapki taraf Ekta ki roshni uttar rahi hai.
THODA RUKEIN
Ishwar ke strot se ek taakatwar aur shaktishaali safed roshni aapki aatma tak uttar
rahi hai.
THODA RUKEIN
Uss roshni ki mahaan upastithi ko apne bheetar mehsoos karein.
Usmein apne aapko nahaate hue aur behte hue mehsoos karein.
Bharpoorta ka ehsaas karein.
THODA RUKEIN
Yeh roshni ab aapke poore astitva mein chamak rahi hai.
Dharti Maan ko yeh roshni tohfe ke roop mein de dein.
Aapke dwaara usse Dharti Maan ke dil tak pahunch kar failne dein.
THODA RUKEIN
Iss pal, sab milkar, Dharti Maan ko roshni se bhar rahe hain.
DHYAAN (MEDITATION)
Apne donon astitvon ke saath judne par aap zyaada roshan ho jaate hain, apne asli
roop ke aur aage aa jaate hain.
Ab aap apne aap ko aur apni asliyat ko zyaada dhyaan se dekhne ke kaabil hain,
zyaada pyaar ke saath,
zyaada khule aur spasht tareeke se.
Aapke poore astitva mein jo ab nayi vibration beh rahi hai usse mehsoos karein.
THODA RUKEIN
Dharti Maan se judne par aap zyaada taakatvar ho jaate hain.
Aapko pyaar mehsoos ho raha hai.
THODA RUKEIN
Aapke divya saar ke jaagne par aapke dil ki aawaaz phir se ubharne lagti hai,
taaki woh aapko raasta dikhaa sake.
Gyaan aapke bheetar hai. Usse mehsoos karein.
THODA RUKEIN
Iss pal aapko Brahmaand ki taraf se ek tohfa mil raha hai.
Aasmaan se roshni ka ek ghera uttar raha hai.
THODA RUKEIN
Uske bheetar aapke liye ek tohfa hai.
Jab aap usse dekhenge to aapko bahut saari baatein samajh mein aaegi.
Yeh roshni ka ghera, jo aasmaan se aapki taraf uttar raha hai,
aapke liye woh sab lekar aa raha hai jiski aapko peeche chhooti hui cheezon mein se
moh nikaalne ke liye zaroorat hai.
THODA RUKEIN
Ghera uttar kar aapke saamne ruk jaata hai.
Uske bheetar dekhiye.
Kyaa dikhta hai?
Uske andar kyaa hai aapke liye?
THODA RUKEIN (1 minute)
Kuch samajh mein aaya?
THODA RUKEIN
Yeh jo aap apne saamne dekh rahe hain, wahi aapki madad karega un baaton mein
se moh nikalne ke liye jo aapko aapki sachaai se,
aapke astitva se aur aapki jeevan yojna se door karte hain.
Kyaa aapko sweekar hai?
THODA RUKEIN
Agar aapka jawaab haan mein hai, to ghere ko apne haathon mein rukne dein.
Jo uske andar hai woh apne dil tak le jaaen.
Ab dhanyawaad dein.
THODA RUKEIN
Iss waqt se lekar yeh tohfa aapke andar hai.
Jab bhi aap kissi cheez ke gum hone ya chhoot jaane ki wajah se apne aap ko
pareshaan mehsoos karein, tab iss tohfe ko yaad kar lein,
kyonki shaayad ussi mein aapko apne aap tak waapas aane ka raasta mil jaay.
THODA RUKEIN
Ab aasmaan se aapke liye doosra tohfa uttar raha hai.
Ek naya roshni ka ghera jo dheere-dheere uttar raha hai
aapke liye wahi laane ke liye jiski aaj aapko zaroorat hai apni sachaai ko paane ke
liye.
Mehsoos karein kaise woh aapki taraf pahunch raha hai.
THODA RUKEIN
Dekhein kaise yeh tohfa aapki aankhon ke aage ruk raha hai taaki aap apne bheetar
dekh sakein.
Uss ghere ke andar kyaa hai? Ab Brahmaand aapko tohfe mein kyaa de raha hai taaki
aapki yaad phir se jaag jaay?
THODA RUKEIN
Achhi tarah se dhyaan dein, kyonki iss ghere ke andar woh sanket hai jinki aapko
zaroorat hai
apni jeevan yojna aur apne maksad tak pahunchne ke liye.
THODA RUKEIN
Agar aapko manzoor hai to ghere ko apne haathon mein rehne dein aur iss tohfe ko
apne dil tak le jaaen.
Ab dhanyawaad dein.
THODA RUKEIN
Ab yaad karein. Yaad karein ki aap kaun hain aur yahaan kyon aaye hain.
THODA RUKEIN (1 minute)
Ab jaise aapki yaaden thodi jaag rahi hain, aasmaan aapko ek teesra tohfa dena
chahta hai.
Roshni ka ghera ab neeche aa raha hai.
Woh apne saath wahi lekar aa raha hai jiski aaj aapko zaroorat hai,
iss path par aage badhne ki aapki himmat ko badhava dene ke liye.
Dekhen kaise ghera aapki taraf aage badhta jaa raha hai.
THODA RUKEIN
Uski chamak ko aapke rom-rom ki yaad ko jagaate hue mehsoos karein.
Apne rom-rom mein aapko apne bheetar ki shakti ki kunji milegi.
Dekhein kaise ghere ke aage badhne aur aapke saamen rukne se woh shakti jaag
jaati hai.
Taaki aap uske bheetar apne tohfe ko dekh sakein.
THODA RUKEIN
Iss ghere ke bheetar kya hai?
Brahmaand aapko kyaa pesh kar raha hai taaki aaj aap apne asli path par chalne ka
faisla kar sakein?
THODA RUKEIN (1 minute)
Agar aapko tohfa manzoor hai to iss ghere ko apne dil tak le jaaen.
Aur dhanyawaad dein.
THODA RUKEIN
Ab kalpana karein ki aap phir se apne haath uss arpan par rakh rahe hain jo aapne
Dharti Maan ko pesh kiya tha.
Woh jagah jahaan par aapne ``mujhe poora vishwaas hai´´ shabdon ke saath ek dil
saumpa tha.
THODA RUKEIN
Shakti ko apne haathon mein se guzarne dein.
Woh pyaar, nishchaya aur atma-vishwaas ki shakti jo aap ab mehsoos kar rahe hain.
THODA RUKEIN
Apne arpan ke dwaara, ab Dharti Maan ko yeh roshni ki nayi jaagrukta pesh
karein
jo aapko Brahmaand ke diye hue tohfon se mili hai.
THODA RUKEIN
Aapne pathar par jo dil banaaya hai woh ab roshni se bhar raha hai.
THODA RUKEIN
``Mujhe poora vishwaas hai´´, yeh shabd phir se chamak uth´te hain, ek nayi
chamak se jagmagaa jaate hain.
THODA RUKEIN
Ab yeh shabd ek naya matlab dhaaran kar lete hain.
Ab aapko poora vishwaas hai ki jo peeche reh gaya uska peeche rehna
zaroori tha.
THODA RUKEIN
Ab aapko poora vishwaas hai ki jeevan se aapko wahi mil raha hai jo aapke
liye zaroori hai,
Aapke vikaas ke liye aur apne path par chalne ke liye.
THODA RUKEIN
Aapko poora vishwaas hai ki aapke apne path mein hi, saubhaagya aapke
haathon ki pahunch mein hai.
Usse paane ke liye aapko sirf apni baahein kholne ki zaroorat hai.
THODA RUKEIN
Ab iss aatma-vishwaas ki shakti ko ghere ke beech tak bhejein.
THODA RUKEIN
Iss shakti ke ghere ke saath hum woh roshni ka ghera banaaenge jo iss ghere ke
baahar tak fail jaaega,
Sab ko jeevan ke gyaan mein phir se vishwaas paane ki madad karne ke liye.
THODA RUKEIN
Sab ke dwaara banaaye ghere ke beech mein ek khoobsurat saa roshni ka ghera
bantaa jaa raha hai.
Uss par apna dhyaan lagaaen. Usse shakti bhejein.
THODA RUKEIN
Teen gin´ne par hum usse failaaenge.
Ek, do, teen. Ab.
THODA RUKEIN
Roshni ka ghera poori duniyaan mein fail raha hai.
Mehsoos karein kaise aapko paar karte hue aap mein ekta ki jaagrukta ko failaa raha
hai.
THODA RUKEIN
Hum sab ek hokar pyaar ko ujaagar karenge, uska pradarshan karenge.
Ek hokar hum door-door tak pahunchenge.
THODA RUKEIN
Dekhein kaise iss ghere ki roshni sab dilon mein fail rahi hai aur unmein dheeraj aur
shaanti sthaapit kar rahi hai.
THODA RUKEIN
Sab theek hai, sab waisa hi chal raha hai jaise chalna chahiye.
THODA RUKEIN
Dekhein kaise bheetar ki jung pighal rahi hai aur moh nikalta jaa raha hai.
THODA RUKEIN
Dekhein kaise yeh sab log dil se sab samajh rahe hain ki unka raasta kaun saa hai.
THODA RUKEIN
Kaise uss raaste par chalne ki unmein ichha jaag rahi hai.
THODA RUKEIN
Aur unhein poora vishwaas ho raha hai.
Unhein poora vishwaas ho raha hai ki unke dil ki ichha iss duniyaan mein poori karna
mumkin hai.
THODA RUKEIN
Dekhein kaise woh log apni zindagi mein saubhaagya ko apni taraf kheench rahe
hain.
Har tarah ka saubhaagya.
THODA RUKEIN
Apne jeevan ke aashaya ke raaste mein lag jaane se sab aasaan aur suhana ho jaata
hai.
Aisa mehsoos karein.
THODA RUKEIN
Doosron ke liye kuch karne se hamare apne liye badhaava hota hai.
Yeh sab ke ek hi iraade ki taakat aur shakti hai, jo pyaar ke dwaara hum sab ko
faayda pahunchaati hai.
THODA RUKEIN (1 minute)
Roshni ka ghera ab un doosre roshni ke gheron ke aage aa raha hai
jinko aaj doori se banaaya gaya hai.
THODA RUKEIN
Un par apna dhyaan lagaaen. Unhein pyaar se dekhein.
Iss pal ke jaadu ka mazaa lein.
THODA RUKEIN
Duniyaan ke hazaaron konon se, aatma-vishwaas aur pyaar ki roshni fail rahi hain.
THODA RUKEIN
Sab ab ek hone waale hain, ek hi ghera banaane ke liye.
Dharti ke aas-paas ek hi ghera.
Apne astitva mein ab roshni ke visphot ko mehsoos karein.
THODA RUKEIN
Ek aisa roshni ka visphot jo aapke rom-rom mein mehsoos ho raha hai.
THODA RUKEIN
Ekta ki taakat ki koi seema nahin hai.
THODA RUKEIN
Aap se kahin door, duniyaan saamanjasya se badalti jaa rahi hai, jaagrukta ke ek
naye kadam ki taraf.
THODA RUKEIN
Ek hue hain roshni aur sampannta, naya raasta banaane ke liye.
Har ek ke dhanya yogdaan dwaara nayi Dharti ka ban´na mumkin hai.
THODA RUKEIN
Roshni ka yeh Jaal hamesha ke liye Dharti ke aas-paas jaagruk rahega, aur humein
apna asli raasta dikhaate hue uss par aage badhne ke liye aatma-vishwaas
dilaata rahega.
Usmein saubhaagya bhi saath rahega.
THODA RUKEIN
Hum un sab Roshni ke jeevon ka dhanyawad karenge jinhonein apni marzi se, iss
kaarya ko samarthan dene mein hamara saath diyaa hai.
Dharti Maan ko hamara arpan sweekar karne ke liye aur aatma-vikaas mein hamari
madad karne ke liye.
Aur un sab sehbhaagiyon ko bhi, jinhonein yahaan se, yaa doori se, Ekta mein
hamara saath diya hai.
Ab apni hatheliyon ko Dharti par rakhein aur Dharti Maan se vinnati karein ki jo bhi
shakti aapka bhautik shareer naa jhel sake, woh apne bheetar le lein.
*
DHYAAN (MEDITATION) KE BAAD KARNE KE LIYE
Agartam dwaara hum yeh ichha zaahir karte hain ki
poori duniyaan mein iss dhyaan ko karne waale saare gheron mein
jo ekta ki shakti jaagti hai,
woh aaj ki raat ko Syria mein chal rahe jung ko heal karne ke liye kaam aaye.
Jaise ki Agartam mein ab Ho’oponopono ke Jaal ka janam hua hai,
hamara yeh prastaav hai ki har ghere ko guide karne waala, dhyaan ke khatam hone
par, aage likhe hue shabd kahe aur dhyaan mein bhaag lene waale sab log unhein dil
se dohrate jaaen, aur iss samuhik healing ke aashaya se
apna iraada jod dein.
Hum divya upastithiyon se maafi maangte hain, aur ab apne uss bhaag ko bhi
maaf karte hain jiski wajah se deshon ke beech yeh jung, aakraman aur yudh
jaage hain.
Kshama karein, main aapse maafi chahta houn, mujhe aapse pyaar hai,
dhanyawaad.
Kshama karein, main aapse maafi chahta houn, mujhe aapse pyaar hai,
dhanyawaad.
Kshama karein, main aapse maafi chahta houn, mujhe aapse pyaar hai,
dhanyawaad.
Kshama karein, main aapse maafi chahta houn, mujhe aapse pyaar hai,
dhanyawaad.
Kshama karein, main aapse maafi chahta houn, mujhe aapse pyaar hai,
dhanyawaad.
Kshama karein, main aapse maafi chahta houn, mujhe aapse pyaar hai,
dhanyawaad.
Kshama karein, main aapse maafi chahta houn, mujhe aapse pyaar hai,
dhanyawaad.
Kshama karein, main aapse maafi chahta houn, mujhe aapse pyaar hai,
dhanyawaad.
Kshama karein, main aapse maafi chahta houn, mujhe aapse pyaar hai,
dhanyawaad.
(Mantra ki tarah 9 baar kehna hai)
___________________________________________________________
____
POONAM KA DHYAAN (MEDITATION)
19 september 2013
YEH DHYAAN (MEDITATION) POONAM KI RAAT KO
ISILIYE KIYA JAATA HAI KYONKI CHAAND KE ISS DAUR KI
BADHTI SHAKTIYAAN DHYAAN KE PRABHAAV KO AUR
BADHAAVA DETI HAIN.
Agar aap kissi ek aise ghere mein shaamil hona chahein jo iss
dhyaan ko alag-alag shehron mein karte hain to humein iss patte par
ek email bhejen:
aur hum aapko aapke shahar ke sabse kareebi ghere (group) se
sampark kara dengen.
Uske liye zaroori hai ki aap humein bataein ki aap kis desh aur
shahar mein maujood hain.
Apne desh ke sabse kareebi group ki jaankaari aap hamaari website
www.agartam.com mein, RED DE LUZ naam ki `khirki´mein bhi
dhoondh sakte hain, halanki sirf wahi prakashit (publish) kiye jaate
hain jinki humein aagyaa milti hai.
Agar aap khud ek naya group shuru karna chahein, toh kripaya
humein iss patte par ek email bhejein
*
AGAR AAPKO MEDITATION ENGLISH MEIN CHAHIYE, TO ISS PATTE PAR
ANURODH KAREIN
*
AGAR AAPKO MEDITATION GERMAN MEIN CHAHIYE, TO ISS PATTE PAR
ANURODH KAREIN
*
AGAR AAPKO MEDITATION BULGARIAI MEIN CHAHIYE, TO ISS PATTE
PAR ANURODH KAREIN
*
AGAR AAPKO MEDITATION HINDI MEIN CHAHIYE, TO ISS PATTE PAR
ANURODH KAREIN
*
AGAR AAPKO MEDITATION GALLEGO MEIN CHAHIYE, TO ISS PATTE PAR
ANURODH KAREIN
*
AGAR AAPKO MEDITATION RUSSIAN MEIN CHAHIYE, TO ISS PATTE PAR
ANURODH KAREIN
*
AGAR AAPKO MEDITATION ITALIAN MEIN CHAHIYE, TO ISS PATTE PAR
ANURODH KAREIN
*
AGAR AAPKO MEDITATION FRENCH MEIN CHAHIYE, TO ISS PATTE PAR
ANURODH KAREIN
*
AGAR AAPKO MEDITATION POLISH MEIN CHAHIYE, TO ISS PATTE PAR
ANURODH KAREIN
*
Poonam ka dhyaan (meditations) Agartam dwaara aapko pesh kiya gaya ek
bilkul muft kaarya hai jo har uss insaan ke liye maujood hai jo ismein
bhaag lena chahe.
www.agartam.com
www.english.agartam.com
____________________________
Raat ke 9.00 baje
Doosre shahar yaa groups dhoondhne ke liye hamari web mein salaah le sakte hain
www.agartam.com (Red de Luz)
*
SPAIN MEIN:
ARENYS DE MAR (BARCELONA)
SAMUNDRA KE TAT PAR WAAPASI
TOTTA NUA beach bar ke saamne
http://tottanua.blogspot.com.es/p/como-llegar-al-totta-nua.html
*
MEXICO: [email protected]
*
ARGENTINA: [email protected]
*
CHILE: [email protected]
*
PERU: [email protected]
_____________________________________________________________
MEDITATION ON LINE KARNE KE LIYE: (Spanish mein)
http://login.meetcheap.com/conference,dragonrojo
(Password daalna zaroori nahin hai. Kewal upyogkarta ki `khirki´mein naam)
Raat ke 9.00 baje, Spain ka time aur raat ke 9.00 baje, Venezuela ka time.
______________________________________________________________
RED DE LUZ (ROSHNI KA JAAL)
EKTA HAASIL KARTE HUE
RED DE LUZ KAISE BANI, USS PAR VIDEOS
(Spanish mein)
Alicia Sánchez Montalbán ki Conference
XIIIth. Congress of Science and Spirit mein, Sevilla mein.
Septiembre of 2012.
http://vimeo.com/52922336
Doori se yeh dhyaan karne waale kuchh gheron (groups) ki tasveeren
http://vimeo.com/51350858
Red de Luz (Roshni ki jaal) ka janam hua hai Poonam ke dhyaan (meditations)
se. Iss dhyaan ke liye mahine ka yeh samay isiliye chunaa gaya hai kyonki iss
daur mein jaise chaand thoda thoda karke patli lakeer se badhtaa hua poore
chandrama ka roop leta hai, waise hi in dinon mein jo bhi kaarya kiya jaata hai,
uska asar badhkar hota hai. Iss dhyaan ka asar waise hi EKTA ki wajah se
shaktishaali hai aur iss samay mein kiye jaane ki wajah se aur doogna ho jaata
hai.
Aur phir, chaand ke chakra ka paalan karte hue, hum PRAKRITIK CHAKRON
ka bhi sammaan karte hain jo hamare pyaare grahon se guzarte hain aur hum
Red de Luz (Roshni ke Jaal) ka asar pun: badhaate hain, har naye chakra mein
ek nayi meditation ke saath.
Hum ek ghera banaate hue ek hokar dhyaan karte hain, aur phir jo har ghere
mein shakti utpann hoti hai, aur jo doori par kiye gaye dhyaan se doosre gheron
mein shakti utpann hoti hai, un sab ko bhi ek karte hain. Yeh roshni ka ek ghera
hai jiska mahatva hai pehle khud ka santulan karna aur phir maanavta aur
saare jahaan ki madad karna.
Is waqt poori duniyaan mein 700 se zyaada ghere (groups) is meditation ko
karte hain, ek aisi sankhya jo din-ba-din badhti jaa rahi hai.
¿Kyaa aap apne desh mein iska bandobast karna chahenge?
Hum har mahine ke dhyaan (meditation) ke aadesh aapko bhejenge. Aapko sirf,
jo log yeh dhyaan karna chahte hain, un logon ko sahi din aur nishchit jagah par
ikathha karke bheji gayi meditation se aadesh padhne honge. Aap kuchh
mitron yaa jaan-pehchaan waalon se shuruaat kar sakte hain. Sabse achha
hoga ki aap isse waise hi karein jaise aapko theek lage aur karte waqt aapko
khud ko aaraamdaayak mehsoos karna chahiye….dhyaan karte samay aapki
khud ki shakti aur karne ka tareeka bhi shaamil hona chahiye.
Hum ek hi baat ki sifaarish karte hain ki yeh kaam bilkul muft (free) ho, aur
uss har ek ke liye khula ho jo ismein bhaag lena chahte hain.
In videos mein aapko zyaada jaankaari milegi (Spanish mein): Agartam kyaa hai? Interview:
http://www.youtube.com/watch?v=2Ii0UleScXw&list=PLkGUgnhqjXABtFvfP0BrkiN9aN_62T8Zt&index=1
Agartam, ekta ki taakat. Interview:
http://www.youtube.com/watch?v=BU64G8DB5mg&list=PLkGUgnhqjXABtFvfP0BrkiN9aN_62T8Zt&index=4 June 2010 mein poonam ke chaand ki reet. Direct nirdeshan:
http://vimeo.com/13173586 Red de Luz (Roshni ke jaal) ka ek chhota saa namunaa:
http://vimeo.com/51350858
Kyaa aap sehyog karna chahenge? http://vimeo.com/11377649
Agartam aapka dhanyawaad karte hai.
http://vimeo.com/26080616
Agar aap Poonam ke dhyaan ka apne desh mein aayojan karna chahte hain,
To humein iss patte par ek email likhein NNNN