ORASHON - how-online.orghow-online.org/wp-content/uploads/2016/01/Guia-di-orashon-Siman-1... · •...

- 1 -

Guia

Pastornan

diORASHON

KOMUNION INTIMO KU DIOSTOMO 1 EDISHON REVISÁ

RAIMY & ARLETTE JULIET

- 2 -

Guia di orashon - 21 diaTomo 1: Komunion intimo ku Dios

Edishon revisá 2015Copyright © House of Worship Foundation

Iglesia House of WorshipErosweg 52, Curaç[email protected]

Revishon: Luisette Martis - Elma Huggins - Maristella Martis

Den e buki akí nos ta hasi uzo di Beibel Santu, 1997 Editorial Evangelica Kòrsou.

- 3 -

21DIATabla di kontenido

Introdukshon 5Ayuno 6Orashon 8Mi situashon spesífiko 12Siman 1 - Arepentí i duna fruta 13 Dia 1 - Arepentí i bolbe na bo promé amor 14 Dia 2 - Pordoná otro 15 Dia 3 - Duna fruta 16 Dia 4 - Fruta di E Spiritu Santu 19 Dia 5 - Fruta di lus 25 Dia 6 - Fruta di hustisia 27 Dia 7 - Fruta di nos lepnan 29

KOMUNION INTIMO KU DIOS

- 4 -

“... E orashon efektivo di un hende hustu por logra hopi.”

Santiago 5:16

21DIAIntrodukshon

Den e luna di yanüari, nos komo kongregashon di House of Worship, ta yuna 21 dia. Pa tres siman largu, nos ta skohe pa apartá nos mes for di komementu di tur kos ku ta di karni i pa buska Dios Su kara. Nos no ta uza e momento akí solamente pa trese nos petishonnan na Dios, pero tambe pa nos por sinta na Su pianan i tende loke E tin di bisa nos. Esaki ta un temporada spesial pa nos tin komunion íntimo ku Dios.

E meta di e ‘Guia di Orashon’ akí ta pa yuda bo tin un komunion íntimo ku Dios, durante e temporada di ayuno i orashon. Kada siman nos lo trata un tópiko i tur dia nos ta para ketu riba un òf algun porshon di Beibel ku tin di haber ku e tópiko di e siman ei. Ademas nos lo hasi orashon pa e barionan di Kòrsou, e nashonnan, mishoneronan i pa un situashon spesífiko ku abo ke konfia Dios kuné òf p’e.

Promé ku bo kuminsá ku e ayuno i orashon, ta importante pa bo sa kiko ayuno i orashon ta enserá eksaktamente. Pa un mihó komprondementu nos ke duna bo un splikashon di tur dos e tópikonan akí. Despues ta sigui e guia di orashon pa tur dia. Nos ke pa bo tuma tempu i disfrutá di e momento íntimo ku lo bo tin ku Dios.

Pastornan Raimy i Arlette Juliet


- 5 -

21DIA Ayuno

Ayuno i orashon ta un disiplina spiritual ku tur kristian mester ehersé. E ta un momento divino i sagrado pa buska Dios Su kara. Un proklamashon di ayuno semper mester tin un propósito. Daniel, por ehèmpel, a proponé den su kurason pa e no kontaminá su mes ku e mihó kuminda di rei ni ku e biña ku rei tabata bebe. Asina kada hende ku ta bai hasi ayuno mester proponé algu den su kurason. Den Beibel nos por mira diferente motibu pa hasi ayuno: • Pa dediká bo mes na Señor. • Pa risibí un revelashon di Dios. • Pa kresementu di bo fe. • Pa sanashon. • Pa liberashon. • Pa reafirmá bo dependensia di Dios. • Pa konsagrá bo mes na Señor. Yunamentu ta pa: • Humiliá nos mes dilanti di Dios (1 Pedro 5:6). • Humiliá nos mes dilanti di Dios pa buska di djE pa Su protekshon (Esdras

8:21). • Humiliá nos mes i hasi orashon, buska Dios Su kara i bira for di nos mal

kamindanan (2 Krónikanan 7:14). • Humiliá nos mes i konfesá nos pikánan, piká di nos famia i piká di nos

pueblo (Nehemias 1:6). • Humiliá nos mes i yuda otro pa kita e kadenanan di maldat, pa lòs e

kabuyanan di e yugo, pa duna libertat na esnan oprimí i kibra tur yugo (Isaias 58:6).

• Pa yuda otronan ku ta den nesesidat (Isaias 58:7).

Ayuno ta pa apstené bo mes for di kuminda, relashon seksual, kustumbernan i tradishonnan.


- 6 -

- 7 -

Den Mateo 6:16-18, nos por mira kon Hesus a duna un instrukshon bon kla pa ayuno. “16I ki ora ku boso ta yuna, no traha kara tristu manera e hipokrítnan, pasobra nan ta neglishá nan aparensia pa hende mira ku nan ta yuna. Di bèrdat Mi ta bisa boso, ya nan tin nan rekompensa kaba. 17Ma abo, ora bo ta yuna, hunta bo kabes ku zeta i laba bo kara, 18pa hende no mira ku bo ta yuna, sino solamente bo Tata ku ta den skondí; i bo Tata, ku ta mira den skondí, lo rekompensábo.”

Algun rekompensa ku bo por risibí for di ayuno i orashon: • Dios lo kontestá bo. • Dios lo pordoná bo.• Dios lo restourá bo. • Dios lo yená bo. • Dios lo guia bo.• Dios lo protehá bo.• Dios lo bringa bo bataya pa bo. • Dios lo halsa bo. Laga e ayuno akí hala bo mas serka di Dios den reverensia. Pidi Dios pa E saminá i skrudiñá bo kurason, i pidiE pa saka tur loke ku no ta agrad’E for di bo kurason. Lesa bo Beibel tur dia i hasi orashon konstantemente. Konsiderá Dios den tur kos ku bo ta hasi. Kòrda ku ayuno i orashon no ta pa kambia Dios, pero ta pa kambia abo!

Nos ta entusiasmá pa loke Dios ta bai hasi den nos bida. Nos ta deseá tur nos rumannan forsa i ánimo. Mateo 5:6, ta bisa: “Bendishoná ta esnan ku tin hamber i set di hustisia, pasobra nan lo wòrdu sasiá.”

Algun teksto di Beibel pa bo studia tokante di ayuno i orashon: • 2 Krónikanan 7:14-15• Esdras 8:21-23• 1 Pedro 5:6-7• 2 Krónikanan 20• Nehemias 1:6• Echonan 9:9, 13:2-3• Isaias 58

21DIA Orashon

Pa nos por tin un relashon berdadero ku Dios, ta rekerí di nos pa nos hasi mas orashon; esta papia ku Dios. Pa straño ku ta parse, esaki ta netamente loke e pueblo di Dios falta mas komo kongregashon. Hesus, E Yu di Dios, tabata dependé totalmente di Su Tata. E tabata sa ku e multitut no por a yud’E ku nada i ku ta serka Dios E ta risibí tur kos; p’esei mes Hesus a retirá den ayuno i orashon. (Marko 6:46)

Orashon ta un di e yabinan di E Reino di shelu. • Hesus a bisa Su disipelnan pa hasi orashon pa nan no kai den tentashon

(Lukas 22:40). • Hesus a hasi orashon pa Su disipelnan ta un (Juan 17:11). • Hesus a hasi orashon pa e kuminda, e pan i e piská (Marko 6:41). • Hesus a hasi orashon den hòfi di Getsemani, promé ku Su morto. • Hesus a hasi orashon na momento ku E tabata na e krus: “Tata, den Bo

mannan Mi ta entregá Mi spiritu.” (Lukas 23:46)

Awor si Hesus mes a hasi orashon, kuantu mas nos komo yunan di Dios mester hasi orashon. Anto orashon no ta un verso ku bo ta siña for di bo kabes; e ta komunikashon ku Esun ku bo ta konfia den djE. P’esei bo ta hasi orashon na bo Tata ku ta den shelu. Pasobra ki ora ku nos yama riba Dios, E tei pa nos (Deuteronomio 4:7); i na momento ku nos resa, nos orashonnan ta bai den un kòmchi di oro (Revelashon 5:8).

Hasi bo mes e preguntanan akí:Ken mester hasi orashon? Esun ku ta rekonosé ku Dios ta mas haltu kuné.Na unda mester hasi orashon?Na kas, den e santuario, na un lugá solitario (Marko 1:35), den lugá públiko etc.Ken por yuda i mustra nos kon pa hasi orashon?E Spiritu di Dios (Romanonan 8:26-27).


- 8

- 9 -

Algun punto ku bo por hasi orashon p’e:• Pa konfesá.• Pa intersedé.• Pa direkshon.• Pa fortalesa.• Pa kontesta.• Pa liberashon.• Pa sanashon, pa bo salú.• Pa pas.• Pa solushon, pa konfirmashon.• Pa sabiduria, konosementu i komprondementu.• Pa disernimentu.• Pa bo famia, matrimonio i yunan.• Pa bo finansa.

Tin masha hopi kos mas ku un hende por hasi orashon p’e; sea liber pa aserká Bo Tata ku ta den shelu. “Pesei, laga nos aserká e trono di grasia ku konfiansa, pa nos risibí miserikòrdia i haña grasia pa yuda den tempu di nesesidat.” (Hebreonan 4:16)

Por hasi orashon pa medio di:1. Komunikashon: papia (Juan 17:1-26).2. Sklamashon: bos haltu (Lukas 23:46; Jeremias 33:3; Salmo 119:169).3. Meditashon: kietut (Salmo 119:48-78; Josué 1:8).

Tin diferente posishon pa hasi orashon:• Na rudia. • Abou na suela.• Pará.• Sintá.• Drumí.• Kanando.

Hesus a bisa den Mateo 7:7:1. Pidi, i lo wòrdu duná na boso.

“I tur loke boso pidi den Mi nòmber, esei lo Mi hasi, pa E Tata wòrdu glorifiká den E Yu. Si boso pidi algu den Mi nòmber, lo Mi hasié.” (Juan 14:13-14)

- 10 -

2. Buska, i boso lo haña. “Buska Señor, miéntras ku E por wòrdu hañá ...” (Isaias 55:6)

3. Bati, i lo wòrdu habrí pa boso.

Ki ora nos mester hasi orashon?• Den tempu bon i malu.• Den alegria i tristesa.• Den rikesa i pobresa.• Den salú i malesa.• Den angustia.• Den aflikshon.• Tur momento (Lukas 18:1 - e historia di e biuda persistente).• Konstantemente (1 Tesalonisensenan 5:16).

Kiko orashon di e hende hustu por hasi?• Sana e hende malu (Santiago 5:13-18).• Lòs esnan ku ta mará (Echonan 16:25-26).• Para aktividatnan satániko.• Libra nos di aksidente.• Yena hende ku Spiritu Santu.• Rebibá e morto.• Rebibá matrimonio.• Restourá esnan heridá.• Trese un kontesta.• Hiba un pekadó na salbashon.

Ehèmpelnan di orashon di interseshon:• Moises (Eksodo 32:9-14) • Abraham (Génesis 18:23-33)

- 11 -

“Pidi, i lo wòrdu duná na boso; buska, i boso lo haña;

bati, i lo wòrdu habrí pa boso.”

Mateo 7:7

21DIA Mi situashon spesífiko

Tin un kos spesífiko ku bo ke pa Dios hasi pa bo durante e 21 dianan akí? Kiko e ta? Den kua situashon, bida di un persona òf prueba bo ke pidi Dios pa E intervení? E periodo akí ta un bon tempu pa trese bo petishon tur dia dilanti di Dios. Skirbi bo petishonnan aki bou.

_____________________________________________________

_____________________________________________________

_____________________________________________________

_____________________________________________________

_____________________________________________________

_____________________________________________________

_____________________________________________________

_____________________________________________________

_____________________________________________________

_____________________________________________________

_____________________________________________________

_____________________________________________________


- 12 -

21DIA


SIMAN 1

Arepentí i karga fruta

puntonan di orashon:1. Mara tur poder di nos enemigunan

(Mateo 16:18).2. Viktoria riba nos enemigunan

(Deuteronomio 33:27-29). 3. Ekspandé teritorio (Isaias 54:2-3).4. Impartashon riba nos hóbennan.5. Aktividatnan 2016.6. HOW Hulanda.7. Kambio pa nos nashon

(2 Krónikanan 7:14). 8. Hasi orashon pa otro (Santiago

5:16).

DIA

1 Arepentí i bolbe na bo promé amor

Revelashon 2:4-5: “4Ma Mi tin esaki kontra bo, ku bo a bandoná bo promé amor. 5Pesei, kòrda for di unda bo a kai, i repentí i hasi e obranan ku bo tabata hasi promé; sino Mi ta bin serka bo, i lo kita bo kandelá for di su lugá, a menos ku bo repentí.”

Arepentí ta nifiká pa bira for di bo mal kamindanan òf tin duele profundo di loke bo a hasi ku no a agradá Dios. Un di e maneranan ku arepentimentu por bin, ta dor di loke ta pará skirbí den 2 Korintionan 7:10: “Pasobra e tristesa ku ta segun e boluntat di Dios ta produsí un repentímentu ku ta hiba na salbashon, i kual no ta duel hende nunka; ma e tristesa di mundu ta produsí morto.”

Hopi hende ku tin basta tempu ta bai iglesia, por yega na e punto kaminda e ta asina okupá ku kosnan di bida diario, asta ku kosnan di iglesia, sin ku realmente e ta tuma tempu ku Dios mes. Den e buki di Revelashon, Dios a spièrta e iglesia riba e simpel echo ku nan a bandoná nan promé amor; nan no tabata stima Dios ku e mesun pashon mas. Ora un hende kaba di kombertí, e ta bin e kas di Dios fielmente sin falta niun sirbishi. Den e periodo akí e ta tuma tempu pa dediká su mes na orashon i lesamentu di E Skritura diariamente. Den un tempu di entrega total bo ta duna bo Amor, esta Dios, e mihó ku bo tin.

Pero dikon segun tempu ta bai e pashon akí ta fria? Kiko ta bin i kita e zelo akí for di bo? Awe ta e dia pa pidi Dios pordon pa tur área kaminda bo a fria, pa arepentí di bo pikánan i bai bèk na bo promé amor.

Hasi orashon pa e puntonan di e siman akí:

•barionan di Kòrsou

•nashonnan

•mishoneronan

•bo situashon spesífiko

PUNTONAN DI ORASHON:

•Pa bolbe na bo promé amor.

•Pa arepentimentu profundo.

•Pa tuma tempu ku Dios.

•Pa un pashon i zelo pa sirbi Dios.

•Pa dedikashon na lesamentu di E Palabra di Dios.

•Kontra negligensia (frieldat).

•Pa kibra amistat ku mundu.

•Pa bira for di mal kaminda.

siman 1komunion intimo ku Dios

- 14 -

- 15 -

DIA

2DIA

1 Pordoná otro

Lukas 17:3-4: “3Tene kuidou! “Si bo ruman peka, reprend’é; i si e repentí, pordon’é. 4I si e peka shete biaha pa dia kontra bo, i bolbe serka bo shete biaha, bisando: ‘Mi ta repentí,’ pordon’é.”

Mateo 18:21-22: 21“E ora ei Pedro a bin i a puntr’E: “Señor, kuantu bes mi ruman lo peka kontra mi, i ami mester pordon’é? Te shete bes?” 22Jesus a kontest’é: “Mi ta bisabo, no te shete bes, sino te setenta bes shete.”

Pordon su profundidat ta grandi. Pordon ta pa kanselá un debe, guera, doló òf rabia. Den bida tin diferente kos ku por hasi nos daño. E por ta un hende, bo mes, un bèrdat ku ta ménos dushi etc. Hende lo gaña riba bo, papia malu di bo, hòrta algu di bo, abuzá di bo òf kometé kualke otro kos kontra bo.

Pero kiko abo ta hasi ku tur loke hende hasi kontra bo? Bo ta keda ten’é na kurason? Bo ta permití pa kada bes ora e hende akí djis pasa band’i bo, e daña henter bo dia? Of bo ta skohe pa pordoná i entregá tur kos den man di Dios? No lubidá, falta di pordon ta kousa di hopi malesa i enfermedat. Falta di pordon ta un porta habrí pa satanas drenta i hasi hopi daño na bo bida spiritual. P’esei Hesus a bisa Su disípulonan pa pordoná te setenta bes shete (Mateo 18:21-22).

Awe, skohe pa pordoná e persona ku a hasi bo daño. Pordoná asta bo mes ku por a hasi un otro daño. Bo sa ku si bo no pordoná bo próhimo, Dios no ta pordoná bo? Skohe awe pa bo no biba un bida amargá, pero un bida kaminda bo ta entregá tur kos den man di Dios.



•nashonnan

•mishoneronan



•Si bo tin hende na kurason ku bo no a pordoná ainda, skohe awe pa entregá tur kos na Dios i pordoná e persona.

•Pidi Dios tambe pordon, kaminda abo a hasi malu ku hende i bo no a pidi pordon.

•Pa nos no tin rabia, odio, vengansa ni resentimentu den nos kurason.

•Pa nos tin un kurason arepentí.

•Pa kibra ku kulpabilidat.


- 16 -

DIA

3Mateo 7:15-21: “15Tene kuidou ku profeta falsu, ku ta bin serka boso bistí manera karné, ma di paden nan ta lobo hambrá. 16Na nan fruta boso lo konosé nan. Hende sa kita wendrùif for di mata di sumpiña anto, òf figo for di bringamosa? 17Asina tur bon palu ta duna bon fruta; ma e palu malu ta duna mal fruta. 18Un bon palu no por duna mal fruta, ni un palu malu no por duna bon fruta. 19Tur palu ku no ta duna bon fruta ta wòrdu gekap i tirá den kandela. 20Asina anto, na nan fruta boso lo konosé nan. 21“No ta tur hende ku bisaMi: ‘Señor, Señor,’ lo drenta e reino di shelu; ma esun ku hasi e boluntat di Mi Tata ku ta den shelu.”

Beibel ta bisa na nan fruta boso lo konosé nan. Nos mester konosé e diferente frutanan di E Reino, pa nos sa si e hende ta berdaderamente un disipel di Hesus; si e hende ta berdaderamente di E Reino di Dios. Pero tambe nos mester wak nos mes. E frutanan ku nos ta produsiendo, ta frutanan ku ta kuadra ku E Reino di Dios? Kiko ami ta produsí? Ora hende wak mi frutanan, nan lo mira ku mi ta di E Reino di Dios?

Beibel ta menshoná diferente kaminda ku nos lo duna fruta. Ku otro palabra, Beibel ta kompará nos ku un palu ku ta duna su fruta. Awor un hende por duna bon fruta i un hende por duna mal fruta. Bon fruta ta bini for di un bon palu i mal fruta ta bini for di un mal palu.

Salmo 1:1-3: “1Bendishoná ta e hende ku no ta kana den e konseho di malbadonan, ni ta para den e kaminda di pekadónan, ni ta sinta riba e stul di bofonadónan! 2Ma su delisia ta den e lei di SEÑOR, i den Su lei e ta meditá di dia i anochi.

Duna fruta



•nashonnan

•mishoneronan



•Pa nos keda konektá na Kristu.

•Pa duna fruta ku ta keda.

•Pa nos ta alerta, wowo kla i vigilá.

•Pa nos hasi e boluntat di Dios.

•Pa nos ta un testimonio bibu di Dios Su Palabra.


- 17 -

3I e lo ta manera un palu, plantá kantu di koridanan di awa, ku ta duna su fruta na su tempu, i su blachi no ta marchitá; i tur loke ku e hasi ta prosperá.”

Jeremias 17:7-8, 10: “7Bendishoná ta e hende ku ta konfia den SEÑOR, i kende su konfiansa ta den SEÑOR. 8Pasobra e lo ta manera un palu plantá kantu di awa, ku ta manda su raisnan bai na un korida di awa, i ku lo no tin miedu ora kalor bin; ma su blachinan lo ta bèrdè, i den e aña di sekura e no ta preokupá, ni laga di duna fruta. 10“Ami, SEÑOR, ta skudriñá kurason, Mi ta saminá mente, pa duna kada un segun su kondukta, segun e fruta di su echonan.”

Nos por mira ku e palu deskribí den e tekstonan ariba menshoná, ta un palu ku tin konsistensia:1. E ta un palu plantá kantu di koridanan di awa.2. E ta duna su fruta na su tempu.3. Su blachinan no ta marchitá.4. Su blachinan ta keda bèrdè.5. E no tin miedu ora kalor bini.6. Den aña di sekura, e no ta preokupá ni ta laga di duna fruta.

Si bo kana di akuerdo ku E Palabra di Dios, lo bo ta un bon palu manera e palu den e tekstonan ariba menshoná. Kontrali di un bon palu ta un mal palu. Beibel ta papia di mal palu tambe.

Mateo 12:33: “Of hasi e palu bon i su fruta bon, òf hasi e palu malu i su fruta malu, pasobra na su fruta bo ta konosé e palu.”

Mateo 3:10: “... Pesei tur palu ku no ta duna bon fruta ta wòrdu gekap i tirá den kandela.”

Lukas 6:43-44: “43Pasobra no tin palu bon ku ta duna mal fruta, ni palu malu ku ta duna bon fruta. 44Pasobra kada palu ta konosí na su fruta. Pasobra hende no sa kita figo for di mata di sumpiña, ni nan no sa kita wendrùif for di mata di wabi.”

Romanonan 7:4-5: “4Pesei, mi rumannan, boso tambe a muri pa Lei dor di e kurpa di Cristo, pa boso por wòrdu uní ku un otro, ku Esun ku a wòrdu lantá for di e mortonan, pa nos por karga fruta pa Dios. 5Pasobra tempu ku nos tabata den karni, e pashonnan pekaminoso, ku a wòrdu lantá pa medio di Lei, tabata obra den e miembronan di nos kurpa pa karga fruta pa morto.”

- 18 -

Kolosensenan 1:10: “I nos ta pidi pa boso kana na un manera digno di Señor, pa agrad’E den tur sentido, dunando fruta den tur bon obra i kresiendo den e konosementu di Dios, ...”

Juan 15:16: “Boso no a skoheMi, ma Ami a skohe boso i a nombra boso, pa boso bai i duna fruta, i ku boso fruta lo keda, pa tur loke boso pidi e Tata den Mi nòmber, E duna boso.”

Den Mateo 13:24-30 i 36-43, Hesus ta splika bon kla ku e yunan di E Reino ta esnan ku ta krese i ta duna bon fruta. Ta kompará nan ku trigo ku ta spreit i haña tapushi. Ta kompará esnan ku no ta di E Reino ku yerba shimaron.

Den Beibel fruta ta representá:• Nos akshonnan. • Nos komportashon.• Nos echonan. • Nos rekompensa.• Nos finansa.

Manera nos por a lesa kaba, Beibel ta papia diferente kaminda di fruta i ta bon kla ku e bon palu ta duna bon fruta i e mal palu ta duna mal fruta.

Beibel ta papia di kuater tipo di fruta:1. Fruta di E Spiritu Santu.2. Fruta di lus.3. Fruta di hustisia.4. Fruta di nos lepnan.

- 19 -

DIA

4Fruta di E Spiritu Santu

Ora Spiritu Santu bin biba den bo, esei ta nifiká ku e fruta di Su karakter ta kuminsá manifestá den bo. Bo interior ta kuminsá eksperensiá kambio. Bo pensamentunan, kondukta, prioridatnan i bo relashonnan ta kuminsá kambia. Mi ta kòrda ku despues ku mi a risibí Señor den mi bida, ora mi papia, hende tabata puntra mi: “Raimy, ta religion bo a kambia?” Mi kontesta na nan tabata: “Nò! Mi a kuminsá un relashon nobo ku Hesus i Spiritu Santu a bin biba den mi.” Nan tabata nota un kambio den mi ku tabata e manifestashon di Spiritu Santu. E evidensia di Su fruta tabata bisto den mi.

Ku e ilustrashon di e fruta den e buki di Galationan, Pablo ke mustra e evidensianan di un kristian ku tin Spiritu Santu. Un fruta tin diferente desaroyo: e ta transformá, e ta kuminsá na un flor i kaba na e fruta. Asina nos tambe mester ta: nos ta kuminsá chikí, sigui desaroyá i bira hechu. Un kristian mester ta den desaroyo i segun ku e ta krese, e ta madurá.

E fruta di Spiritu Santu ta:1. Amor: E motibu pakiko Hesus a muri.Na griego e palabra amor ta ‘agape’, ku ta nifiká amor inkondishonal. Amor ta e bon ku ta sali for di bo bai na un otro. E ta un deseo no egoista, e ta leal, e ta gana di ta bon pa un otro. Amor tin pasenshi, amor ta kariñoso i no ta yalurs, amor no ta gaba i no ta arogante, e no ta komportá su mes indesente, e no ta buska su propio interes, e no ta wòrdu proboká, e no ta warda renkor, e no ta regosihá den inhustisia, ma ta regosihá den e bèrdat; tur kos e ta tapa, tur kos e ta kere, tur kos e ta spera, tur kos e ta soportá. Amor nunka no ta faya (1 Korintionan 13:4-8).



•nashonnan

•mishoneronan



•Pa kibra e obranan di karni for di nos bida.

• Pa e fruta di Spiritu Santu ta evidente den nos.

•Pa e karakter di Spiritu Santu.

•Pa amor, goso i pas.

•Pa pasenshi, kariño i bondat.

•Pa fieldat, mansedumbre i dominio propio.


- 20 -

2. Goso: Ta pa fortalesé i enkurashá (Nehemias 8:10). Goso ta e abilidat pa permanesé animá i ta kontentu den tur sirkunstansia. Goso ta spiritual; e ta loke tin den e kreyente yená ku Spiritu Santu. Goso ta trese forsa i fortalesa. Goso ta parti di e fruta di Spiritu Santu i esaki no ta dependé di kosnan eksterno, sino e kosnan interno. Un hende ku goso tin bon ánimo meimei di e sirkunstansia fèrfelu òf ménos dushi. E enemigu di Dios i di nos alma ta traha duru tur dia pa kita nos goso. Si e logra kita nos goso, el a kita nos forsa; asina nos por bira débil i kai fásilmente. P’esei nos mester tin komunion ku Spiritu Santu, pa nos por tin goso berdadero i no un goso pasahero. Ta manera e salmista a bisa: “... Tur mi fuentenan di goso ta den Bo.” (Salmo 87:7)

3. Pas: Ta derotá guera; e ta ousensia di intrankilidat i miedu.Hesus a bisa: “Mi pas Mi ta duna boso; no manera e mundu ta duna, Mi ta duna boso.” Pas no ta un palabra ku bo ta tende den iglesia so, e ta un palabra mundialmente uzá. E ta wòrdu uzá den hogarnan, den relashonnan, den matrimonionan i entre amigunan. E ta wòrdu uzá polítikamente, pero tambe entre paisnan. Presidentenan i reinan ta menshoná i ta preokupá pa pas. Premio ta wòrdu duná pa pas. Nos tur, grandi i chikí, hòmber i muhé, mester di pas. Pero E úniko ku por duna i laga Su pas, e pas berdadero, ta E Prínsipe di pas Hesukristu, E Yu di Dios.

Pas na hebreo ta nifiká ‘shalom’. Shalom su nifikashon ta: kompleto i perfekto. Shalom no ta simplemente pas; shalom ta un sintimentu di satisfakshon. E ta nifiká salbashon, pa ta bon i den harmonia. Di akuerdo ku e konkordansia di Strongs 7965, shalom ta nifiká: kompleto, salú, pas, prosperidat, siguridat, trankilidat, sano huisio, bienestar, perfekshon, plenitut, sosiegu, harmonia etc.

4. Pasenshi: Ta e estado pa perseverá.Pa perseverá den momentonan difísil, den momentonan doloroso òf ora bo pèrdè balansa den bo tèmperamènt. Pasenshi ta un demostrashon di amor. Pasenshi ta pone ku bo ta warda, sin aktua riba bo mes.

Eklesiastes 7:8: “Fin di un asuntu ta mihó ku su prinsipio; i pasenshi ta mihó ku orguyo.”

Salmo 37:7: “Sosegá den SEÑOR, i warda ku pasenshi riba djE; no kunsumí pa motibu di esun ku ta prosperá den su kaminda, pa motibu di e hende ku ta ehekutá plan di maldat.”

- 21 -

Salmo 40:1: “Mi a spera ku pasenshi riba SEÑOR; i El a inkliná Su mes na mi i a skucha mi sklamashon.”

5. Kariño: Ta pa sirbi un otro kuné. E ta nifiká pa ta kariñoso, servisial, gentil, amabel den nos trato ku otronan. Bo no por bisa ‘mi ta sirbi un hende’ i no ta amabel. E ta deskribí e abilidat di aktua ku miserikòrdia i pa bienestar di esnan ku no ta meresé. Kontrali di kariño ta agresividat, mal manera, grosero, brutu etc. Ta kariñoso por habri hopi porta pa bo. Dios ta kariñoso i Su kariño ta guia nos na arepentimentu (Romanonan 2:4). Maske nos faya i ofendé Dios, E ta trata ku nos ku kariño i esaki Beibel ta bisa ta guia nos na arepentimentu. Nos na nos turno mester ta manera Dios. Pero hopi biaha nos tin miedu pa hende tuma bentaha di nos kariño. Dios sí no tin miedu di mustra nos Su kariño. Beibel ta bisa: laga boso kariño ta konosí na tur hende. (Lukas 6:35)

6. Bondat: Ta pa duna; un birtut; un gana di hasi bon. E ta kosta, e ta un sakrifisio. Bondat na griego ta ‘agathosune’. Bondat ta guia bo na akshon. Pues no di ta bondadoso so, pero di hasi bon tambe (Santiago 4:17). Pa un kristian berdadero bondat mester ta parti di su naturalesa, meskos ku e ta parti di Dios Su naturalesa, pasobra Dios ta bon pa e bon hende i pa e mal hende. Nos bondat, meskos ku amor, pas, goso i pasenshi, no por dependé di faktornan di pafó, sino di loke nos tin paden. E ta e fruta madurá di Spiritu Santu. Ora e fruta madurá den nos, nos lo pasa i enfrentá e tormentanan sin desmayá.

Galationan 6:9-10, ta siña nos pa no kansa di hasi bon. No ta semper bondat mester wòrdu mustrá ku sèn òf kos, pero tambe ku fabor, konseho, hospitalidat etc. (Tito 3:14). Hasi bon ta yuda nos pa nos no keda sin fruta. Kresementu pa bo bida ta pa hasi bon, no na esnan ku ta bon pa bo so, pero na tur hende i spesialmente na esnan di e famia di fe.

7. Fieldat: Ta pa por tin un kompromiso, no opstante difikultat òf sirkunstansia. Pa mustra kompromiso na un hende òf un kousa, no opstante tempu difísil. Den e kaso akí na promé lugá fieldat na Dios. Un hende fiel ta un hende konfiabel; bo por dependé riba dje, bo por konta kuné. Bo sa sigur ku e tei. E ta konstante, leal, firme den su deboshon i aliansa ku Dios. Fieldat no ta subi, baha; e ta konstante i duradero. E hende fiel no ta buska esküs pa no hasi algu òf kumpli ku algu, pero netamente ta buska tur loke ta di su banda pa kumpli i ta sakrifiká su mes (su tempu) pa hasié.

- 22 -

P’esei nos por bisa ku Dios ta fiel. E hende fiel na Dios ta ninga su mes pa e tei pa un otro. Daniel tabata un hòmber fiel; nan no por a haña nada kontra di dje (Daniel 6:4). El a kumpli fielmente ku su bida di orashon, pero tambe ku su trabounan. E echo ku Daniel tabata un hende konstante den su kamindanan, tabata un protekshon p’e. Ora e fruta akí abundá den bo, bo ta fiel den tur kos i tur kaminda: na kas, na trabou, ku bo amistatnan etc. Ora bo ta fiel, hende por para pa bo, meskos ku nos por para pa Dios.

Fieldat ta demostrashon di amor (práktika). E ta un muestra ku bo kurason tei den e loke bo ta hasi. E hende ku ta fiel, ta pasobra e ta stima i ta e fieldat akí ta hiba bo na lealtat. Lealtat tei ora tin un relashon. Un bon ehèmpel di esaki ta Timoteo; wak kon Pablo a papia di dje (Filipensenan 2:19-22). Laga nos ta fiel den tur loke nos ta hasi. Ta rekerí di kada un di nos komo mayordomo pa nos wòrdu hañá fiel, den tur loke a konfiá nos kuné (1 Korintionan 4:2). Ora bo wòrdu konfiá ku algu, kuid’é fielmente. Esaki lo laga hende mira e karakter di Kristu den bo. E mundu ta midi bo kapasidat, pero Dios ta midi bo fieldat. Hesus a bisa ku esun ku ta fiel den poko kos, E lo enkargá nan ku hopi kos. Hesus a primintí e korona di bida na esnan ku ta fiel.

8. Mansedumbre: Na griego ta ‘praotes’ ku ta nifiká: trankil, ekilibrá, den spiritu, ku ta mantené emoshonnan bou di kòntròl pa someté, pa ta humilde, pa humiliá, pa pone bo konfiansa den un mas haltu òf mas grandi ku bo.E hende mansu no ta débil; al kontrario, e ta fuerte. Nos Maestro a bisa: “Siña di Mi, pasobra Mi ta mansu i humilde di kurason.” (Mateo 11:29). E hende mansu tin poder pa kontrolá su emoshon i reakshon, apesar di ofensa, atake, kalumnia etc. Beibel ta bisa ku Moises, por ehèmpel, tabata un hòmber mansu. Pero tòg na final el a pèrdè kòntròl i asina tambe pèrdè e promesa di drenta e tera primintí.

Mansedumbre ta loke E Spiritu Santu tin pa kibra ku rabia i un karakter eksplosivo. Eksploshon por pone nos pèrdè, den un ratu di ora, tur loke nos a traha duru p’e. Un hende mansu no ta wòrdu afektá ni pa krítika ni pa elogio. E hende di kurason mansu sa ku e no ta perfekto i ku e no sa tur kos; p’esei e ta habrí pa Dios trata kuné.

Kontrali di mansedumbre ta orguyo i arogansia.

- 23 -

Arogansia i orguyo ta hasi ku nos no ta permití Dios trata ku nos. Sinembargo, e hende mansu ta dependé totalmente di Dios. Beibel ta bisa ku esnan humilde lo eredá e tera (Mateo 5:5). Ta p’esei, laga nos wak riba nos Maestro Kristu Hesus ku tabata mansu i humilde di kurason i siña di djE.

9. Dominio propio: ‘Enkrateia’ na griego.Un di e nifikashonnan di dominio propio na griego ta forsa i kontròl propio. E ta poder pa evitá; poder pa kontrolá bo emoshon, bo deseo, bo karni, bo gana i bo komportashon. Amor i dominio propio ta e dos birtutnan ku ta kontrolá sobrá di e fruta. Sin amor i dominio propio ta imposibel pa bo mantené e sobrá di e fruta i asina sigui krese. Dominio propio ta nifiká pa ta kontrolá, pa ta sobrio (nuchter) i pa kontené bo mes. E ta e abilidat duná dor di Spiritu Santu pa ta disipliná den tur área di nos bida. E ta e poder pa bisa ‘nò’ na loke ta kontra di Dios Su Palabra i ‘sí’ na loke ta di akuerdo ku Su Palabra, maske kuantu esaki kosta bo. Maske kuantu gana bo por tin di algu, 1 Korintionan 6:12, ta bisa ku tur kos ta permití, pero no ta tur kos ta kumbiní.

Kon nos ta desaroyá e fruta di dominio propio?

1. Dor di fiha nos mente riba Dios, riba loke ta bon i riba tur loke ta puru (Filipensenan 4:8). Bo tin ku trein bo mes pa esaki. Henter dia nos ta rondoná di motibu pa hasi kontrali na loke ta bon i puru. Ta p’esei nos mester disipliná nos mes den esaki, meskos ku nos mester disipliná nos mes den un bida di orashon i lesamentu di E Palabra di Dios.

2. Dor di tin un bida di orashon, pasobra di e manera akí nos lo por tin un relashon ku Spiritu Santu, Kende lo guia nos pa por tin un bida di disiplina. E lo yuda nos diserní loke ta kumbiní i loke no ta kumbiní nos. No laga nada kontrolá bo; ni apetit, kuminda, soño, lùst, bisio, doló, miedu, logro, kos òf sèn, sino solamente E Spiritu di Dios. Nos por, pasobra Dios no a duna nos un Spiritu di miedu (2 Timoteo 1:7).

Nos mester disidí den nos mente pa ta disipliná, pa asina nos por tin kòntròl di nos akshonnan i palabranan.

- 24 -

“22Ma fruta di e Spiritu ta amor, goso, pas, pasenshi, kariño, bondat, fieldat, 23mansedumbre, dominio propio;

kontra kosnan asina no tin lei.”Galationan 5:22-23

- 25 -

DIA

5Fruta di lus

Efesionan 5:8-14: “8Pasobra antes boso tabata skuridat, ma awor boso ta lus den Señor; kana komo yunan di lus 9(pasobra e fruta di e lus ta konsistí di tur bondat i hustisia i bèrdat), 10tratando di siña loke ta agradabel na Señor. 11I no partisipá den e obranan infruktífero di skuridat, sino mas bien eksponé nan; 12pasobra ta bèrguensa asta pa papia di e kosnan ku nan ta hasi na sekreto. 13Ma tur kos ta bira visibel ora nan wòrdu eksponí dor di lus, pasobra tur kos ku bira visibel ta lus. 14Pa e motibu aki ta wòrdu bisá: ‘Spièrta, abo ku ta drumi, i lanta for di e mortonan, i Cristo lo lusa riba bo.’”

Ora bo ta kana den e lus bo ta duna fruta di e lus, pasobra E Reino di shelu ta Reino di lus.

Mateo 5:14-16: “14Boso ta e lus di mundu. Un stat situá riba un seru no por keda skondí. 15Tampoko hende no ta sende lampi pon’é bou di un kaha di midi trigo, ma riba un kandelá, i e ta lusa pa tur ku ta den kas. 16Laga boso lus briya dilanti di hende di tal manera ku nan por mira boso bon obranan i glorifiká boso Tata ku ta den shelu.”

Ora nos ta hendenan di E Reino di Dios, esaki mester ta bisto den nos bida. Nos mester karga fruta ku ta mustra ku nos ta di E Reino, pasobra ta na nos fruta hende lo konosé nos. Ora nan mira nos fruta, kiko nan lo mira? Nan lo mira ku nos ta duna fruta ku ta kuadra ku palunan di E Reino? Nos ta duna fruta di hustisia? E fruta di nos lepnan ta wòrdu duná na Dios?



•nashonnan

•mishoneronan



• Pa nos ta lus di mundu.

•Pa nos hasi e bondatnan di Dios.

•Pa e hustisia di Dios ta den nos.

•Pa nos biba e bèrdat tur ora.

•Pa nos no partisipá den obranan di skuridat.

•Pa nos ta spièrtá, alerta i lantá.


- 26 -

Nos adorashon i alabansa ta wòrdu duná na Dios? Hende por mira ku e fruta di E Spiritu ta biba den nos? Hende ta mira e fruta di e lus; e ta mira ku nos ta kana den e lus?

Laga ora hende mira nos, nos ta bria di tal manera ku hende ta mira nos obranan i nos frutanan, pa asina nan glorifiká nos Tata ku ta den shelu.

“Tampoko hende no ta sende lampi pon’é bou di un kaha di midi trigo, ma riba un kandelá, i e ta lusa pa tur ku ta den kas.”

Mateo 5:15

- 27 -

DIA

6Fruta di hustisia

Filipensenan 1:9-11: “9I esaki ta mi orashon, ku boso amor por abundá mas i mas ainda den konosementu bèrdadero i tur disernimentu, 10pa boso por aprobá e kosnan ku ta ekselente, pa ta sinsero i sin kulpa te na e dia di Cristo, 11siendo yená ku e fruta di hustisia ku ta bin dor di Jesu-Cristo, pa e gloria i alabansa di Dios.”

Hustisia berdadero ta bini solamente pa medio di nos Señor Hesukristu. Si nos tin Kristu, e hustisia di Dios ta biba den nos. Un hende di E Reino ta un hende hustu; e lo mustra fruta di hustisia. Den Romanonan 14:17, E Palabra di Dios ta bisa: “... pasobra e reino di Dios no ta komementu i bebementu, sino hustisia, pas i goso den Spiritu Santu.”

Isaias 32:17: “E fruta di hustisia lo ta pas, i e resultado di hustisia lo ta kietut i konfiansa pa semper.”

Proverbionan 11:30: “Fruta di e hustu ta un palu di bida, i esun ku ta sabí ta gana alma.”

Santiago 3:17-18: “17Ma e sabiduria di ariba primeramente ta puru, despues pasífiko, suave, rasonabel, yen di miserikòrdia i bon fruta, imparsial, sin hipokresia. 18I e simia, kual su fruta ta hustisia, ta wòrdu sembrá den pas dor di esnan ku ta hasi pas.”

Nos por konkluí ku e fruta di hustisia ta bini solamente pa medio di Kristu Hesus.



•nashonnan

•mishoneronan



•Pa nos ta yená ku e fruta di hustisia.

•Pa nos bida duna alabansa na Dios.

•Pa nos ta hasidónan di pas.

•Pa nos por reflehá E Reino di Dios.

•Pa nos tin hustisia, pas i goso den Spiritu Santu.

•Pa nos ta un fuente di bida pa otronan.

•Pa nos por sembra hustisia den pas.

•Pa e prosperidat di Dios.


- 28 -

E fruta di hustisia: • Ta pas, shalom (salbashon, prosperidat, solushon, sosiegu).• Ta un palu di bida (alimentá, sosiegu, reprodusí).• Ta trese kietut i konfiansa pa semper.• Ta gana alma. • Ta pa e gloria i alabansa di Dios.

“Fruta di e hustu ta un palu di bida, i esun ku ta sabí ta gana alma.”

Proverbionan 11:30

- 29 -

DIA

7Fruta di nos lepnan

Fruta di nos lepnan ta loke nos lepnan ta produsí; esta loke ta sali for di nos boka. Loke mester sali for di nos boka, mester mustra ku nos ta hendenan yená ku Spiritu Santu. Hendenan di E Reino tin E Palabra di Dios, alabansa i adorashon riba nan lepnan, konfeshon na Dios ku E ta Dios i ku E meresé tur onor i gloria. Dios ta meresé e fruta di nos lepnan. Pues si nos ta hendenan di E Reino, e fruta di nos lepnan ta duna Dios gradisimentu. (Hebreonan 13:15-16)

Beibel ta bisa loke ta sali for di nos boka, ta sali for di nos kurason. Riba nos lepnan tin bida i morto. “Akaso for di e mesun boka un fuente ta saka tantu awa dushi komo awa marga?” Ta p’esei ta importante ki fruta nos lepnan ta duna.

Den Oseas 14:2, nos por mira kon Oseas ta papia na e pueblo ku e mester arepentí i bolbe serka Señor. “Hiba palabra ku boso, i bolbe serka SEÑOR. Bis’E: ‘Kita tur inikidat, i risibí nos ku grasia, pa nos presentá e fruta di nos lepnan.’”

Hende tin ku arepentí di su kurason di su mal echonan. Wak kon importante nos lepnan ta:• Kuné nos ta konfesá nos pikánan.• Kuné nos ta konfesá pa haña salbashon.• Kuné nos ta ekspresá nos mes na Dios i na otro.• Kuné nos ta hasi orashon i komuniká ku Dios.• Kuné nos ta bendishoná hende.• Kuné nos ta deklará ku Dios ta grandi i maravioso. Amèn.



•nashonnan

•mishoneronan



•Laga nos ofresé sakrifisio di alabansa kontinuamente na Dios.•Duna gradisimentu na Señor tur momento.•Kita tur inikidat for di nos.•Pa Dios duna nos un palabra.•Pa e fruta di nos lepnan ta agradabel na Señor.•Pa nos lepnan por ta puru.•Pa nos por haña grasia serka Dios.•Pa nos lepnan bendishoná i no maldishoná.


21DIA

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________


_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

_______________________________________________________________

21DIA


21DIA

E buki akí ta kontené solamente e promé siman di e 21 dianan.

E buki akí ta di:

___________________________________________________________

Iglesia House of WorshipErosweg 52, Curaçao

+5999-738-4344www.how-online.org


ORASHON - how-online.orghow-online.org/wp-content/uploads/2016/01/Guia-di-orashon-Siman-1... · •...

Documents

Transcript of ORASHON - how-online.orghow-online.org/wp-content/uploads/2016/01/Guia-di-orashon-Siman-1... · •...