TI BAUTISMO KEN PANNAKASULISOG

Leccion 2 agpaay April 11, 2015

NANGUNEG A PAKASARITAAN“1Maikasangapulo ket lima a tawen idi ti panagturay ni Emperador Tiberio. Ni Poncio Pilato ti gobernador ti Judea. Ni Herodes ti agturay idiay Galilea ket ni kabsatna a Felipe ti agturay iti sakup ti Iturea ken Traconite. Ni Lisanias ti agturay iti Abilene. 2Da Anas ken Caifas dagiti agdama a Kangatoan a Papadi. Iti dayta a tiempo, dimteng ti sao ti Dios ken ni Juan nga anak ni Zacarias.” (Lucas 3:1-2)Makita tayo ti innem nga nanguneg a sarita iti libro ni Lucas nga tumulong tapno maammoan tayo ti panangirugi da Juan ken Jesus iti ministerio da.

1. Ti maikasangapulo ket lima a panagturay ni Emperador Tiberio. Nadutokan isuna nga Emperador ti Roma idi Setyembre 18, AD 14. Dagiti Hudyo mangrugi da nga agbilang iti panawen ti tikag. Iti kasta, ti umuna a tawan ni Tiberio ket nalabit a nangrugi idi agarup tikag ti 14.Ti maika-15 a tawen na ket mapatpatta-patta nga nangrugi idi AD 27.

NANGUNEG A PAKASARITAAN2. Gobernador ti Judea: Pontio Pilato. Agarup

26 agingga 36 AD3. Tetrarca ti Galilea: Herodes. Manipud 4 BC

agingga idi 39 AD.4. Tetrarca ti Iturea: Felipe. Manipud 4 BC

agingga idi 34 AD.5. Tetrarca ti Abilene: Lysanias. Según iti

nakaukit idiay templo dagiti Abilineo, isu ket nagturay manipud 14 agingga na 29 AD.

6. Kangatoan a Papadi: Anas ken Caifas. Ni Caifas ket Nangato a Padi idi 18 agingga na 36 AD. Nabayagen nga naikkat ni Anas a ngem ibilang pay latta dagiti tattao a cas Kangatoan a Padi.

TI PAMMAUTISAR NI JUAN“Ket isu napan cadagiti amin a daga iti arubayan ti Jordan a mangicascasaba iti pammautizar ti panagbabawi a maipaay iti pannacaicat dagiti basbasol.” (Lucas 3:3)

Ti pammautisar ni Juan ket adda iti dua nga pasamac:

1. Maipan kadagiti adu a dandanum. Isu iti pakakitaan iti panagbabawi iti

publiko.2. Isasang-at manipud kadagiti dandanum

Kas mayanac a mabalbaliwan. Ti pannakabalbaliw nga maiparangarang iti kinajusticia a panagbiag (Lucas 3:10-14).

Inton tumacdang da iti danum, ud-udanna ida nga “agbunga a mayannatup ti panagbabawi.” Kinunana nga addanto ti nangatngato a pammautisar nga tumaud: “ ngem Maysa a natactacneng ngem siac ti umayto… Bautizaran nakayo iti Espiritu Santo ken apoy.” Ania dayta nga pammautisar?

JESUS KEN TI

AMANA

“Ket isu simmungbat cadacuada: ‘Apayapay sinapsapuldac? Dicay

ammo a masapul a sangoec dagiti banbanag ni Amac?’”(Lucas 2:49)

“Iti umuna a daras ti ubing a ni Jesus ket kimmita iti templo… Nakita na ti agdardara a biktima iti altar ti

sacrificio. . . Inaldaw a makitkita Na ti kaipapananda a nabatad. . . Ti misterio ti misyon Na ket agluklukat iti

Mannubbot.” E.G.W. (The Desire of Ages, cp. 8, pg. 57)

JESUS KEN TI AMANA

Kalpasan ti 20 a tawtawen, ni Jesus ket immay iti karayan Jordan tapno pabautizaran ken Juan. Ni Jesus ket awan basol na, ngem kinayat Na nga mangted iti pagwadan kadatayo. Adda iti tallo a naiparang iti bautismo ni

Jesus:

Isu iti “Kordero ti Dios”,

Mannubbot iti lubong(Juan

1:29).

Isu ti Cristo, pinulotan ti Nasantoan

nga Espiritu (Lucas 3:22).

Isu ti Anac ti Dios nga ka-

ayayo la unay ti

Ama. (Lucas 3:22).

“Ket bimmaba kencuana ti Espiritu Santo a nasimbubukel a cas la calapati, ket nangngeg ti maysa a timec ti langit: Sica ti Anacco a dungdungoen, maayayoac unay kenca:’” (Lucas 3:22)

“NU SICA TI ANAC TI DIOS”“Ket ni Jesus a sipupunno ti Espiritu Santo, pimmanaw idiay Jordan ket indalan ti Espiritu idiay let-ang, Iti bayat ti uppat a pulo nga aldaw idinto a sinulisug ti diablo. Ket cadagidi nga aldaw awan ti kinnanna ket idi naturposdan, nagbisin.” (Lucas 4:1-2)

Ti Ama kinunana ken Jesus: “Sica ti dungdungoec nga Anac Co.” (Lucas 3:22). Ti diablo inyammo na ti panagduadua: “No sica ti Anac ti Dios…” (Lucas 4:3). Nupay kasta, ni Jesus saan nga nagduadua no di ket sinalimetmetan Na ti Sao ti Ama Na.

“Ta awan cadatayo ti maysa a cangatoan a padi 'a di macabalin a mangricna cadagiti kinalap-ittayo, no di ti maysa a nasulisog iti isu-amin, a cas cadatayo saan a nagbasol.” (Hebreo 4:15)

Kinuna ti Dios kada Adan ken Eba: “iti aldaw a pannangan yo ket dinto bumurong a matay kayo.” (Gen. 2:17). Ti diablo kinunana kadakuada: “Saan kay a matay.” (Gen. 3:4). Pinagduaduaan da ti Dios ket pinati da ti Diablo.

SINNO TI REBBENG NGA DAYAWEN?“Ket ti diablo impanna iti maysa a natayag a bantay ket impakitana kencuana iti apagdaricmat amin dagiti pagpagarian ti lubong. Ket kinunana kencuana: ‘Amin dagitoy a pannacabalin, ken ti dayag dagitoy a pagpagarian itedco kenca, ta naitedda caniac, ket itedco iti pagayatac. Ngarud no agrubabca nga agdayaw caniac cucuamto amin ida.’”

(Lucas 4:5-7)

Inaramat ni Jesus ti Sao a mangrebbek iti sulisog. Saan tay koma nga agtaltalek iti bukod tayo a pigsa ken sirib tapno sarangten ti sulisog. Masapul nga agtalek tayo iti agnanayon nga Sao ti Dios a kas ken Jesus. Suruten tayo ni Jesus ket aramiden tayo a centro iti panagdayaw ni Apo Dios.

Kayat ni Satanas ti maidayaw a kas dios idi pay laeng un-una ti panagrebelde na (Isaias 14:13-14). Nakasagana isuna nga mangibbat iti “kinadiosna” ditoy daga no la ketdi agraem ni Jesus kencuana.Ngem saan nga naallilaw ni Jesus iti daytoy a kinabuslon na. Ni Jesus ket nagraem laeng iti Dios. Isu Na laeng ti maymaysa nga rebbeng nga dayawen.

BALLIGI ITI SULISOG“Idi naaramiden ti Diablo ti amin a mabalinna a pangsulisog ken ni Jesus, pinanawanna pay laeng agingga iti dumteng ti sabali a gundaway.”(Lucas 4:13)Iti maudi nga pannakasulisog iti Lucas 4, ni Jesus

binisita Na ti templo iti maikadua a daras iti biag Na.Ni Jesus ket sinulisog ngarud manen ti diablo. Iti daytoy nga tiempo, inaramat ti diablo ti Sao ti Dios. Dinamag na ni Jesus a panecnecan Na no isu ti pudpudno nga Anac ti Dios. (Lucas 4:9-12).

Nu inaramid ni Jesus a casta, inawat Na koma nga adda panagduadua Na iti misyon ken kinadios Na. Ngem saan nga nagtulok ni Cristo. Nagtalek iti Ama Na, ket narikna Na nga awan ti nasken nga panecnecan Na iti dayta a tiempo.Inabac ni Jesus ti “amin a pannakasulisog.”

MABALIN MET NGA AGBALLIGI KARepasoen tay man ti uppat nga sursuro manipud pannakasulisog:

1. Awan iti makalisi iti pannulisog ni Satanas.

2. Nu ipalubos ni Apo Dios a sulisugen natayo ti diablo, itden Na met ti gracia ken pannakabalin tapno agballigi tayo.

3. Awan ti dua nga sulisog nga agpadpada.

4. Saan tay nga masulisog iti saan tay nga kaya a sarangten.

“Tunggal sulisog nga umay kadakayo, gagangay a dumteng iti tao. Ngem tungpalen ti Dios ti karina; dina ipalubos a masulisogkayo iti nalabes a diyo kabaelan a sarangten. No masulisogkayo, ikkannakayo iti pigsa a mangibtur, ket iti kasta, makalisikayo.

(1 Corinthians 10:13)

“Amin tayo ket masulisog; ti pammati tayo ket masuot iti kasta la unay.

Masapul nga maaddaan tay iti sibibiag nga pannkainaig iti Dios; masapul nga

agkawes tayo iti nadiosan nga kababalin; ket iti kasta ditay to nga

mayaw-awan kadagiti pannilo ti kabusor, ken makalisi iti

pannakadadael iti linalasag nga sangalubongan. Masapul nga naka-angkla tay ken Cristo, nairamut ken

nakatakder iti pammati.”E.G.W. (Selected Messages, book 2, cp. 5, pg. 50)