Volume 2 Issue 7 July 2020

Greetings from General Secretary

2020 March in

nihin tiang Covid-19 nih

vawleicung thinphan dailo

in a kan tuah. US le

vawleicung ram hna nih

events nganngan hna

cancel le postpone an si.

CBCUSA programs zong

cancel le postpone a si ve.

2020 kum cu vawlei semka in ton bal lo

nun, hmaihup he um cio a si, a hopoh i ṭih cio a

si. Thinphan kum si. Minung ruahnak, zumhnak,

thiamnak le vawlei hmuh ning tiang aa thleng

thluamah. Vawlei hi a him ti lo, minung

fimthiamnak zong nih thinphannak in a kan

khamh kho lo, ti a fiang. Kan himnak lung Jesuh

lawnglawng a sinak, Khrih tel lo nun zeihmanh a

silonak, a fiang chin lengmang. Zeibantuk sining

kan ton zong ah Bawipa sin ah i lawm ko hna usi

(Hab 3:17-19)

Lawmhnak: Pulrai ruang ah

innchungkhar pawcawmnak, local church

cawlcanghnak le CBCUSA rianṭuannak zei dah a

lawh lai, tiah lungretheih cio a si. Bawipa a ṭha

tuk, innchungkhar rianṭuan thiam lo caan ah

cozah nih bawmhnak a kan pek, food stamp a

karhter, Local church zong mah le tawkzawn in

income hmuh cio a si. Local church le pumpak

nih CBCUSA ah thawhvo tlamtling ngai in

thawh cio a si. Biakinn ah pumh a si lo nain,

pulrai nih kan zumhnak a derter lo, ti cu

pekchanhnak in hmuh khawh a si. Tuahsernak in

zumhnak a langter mi Khrihfa ca ah cun kan pum hi

Biakinn a sinak a lang chin lengmang. Khuazing

Pathian nih pumpak le local church thluachuah

vanni za he lam in hruai ko hna seh.

Paletwa peng khuasa Chin kong: 2015 inhnahnawhnak a tong cang mi Paletwa peng um

Chin miphun cu 2020 ah harnak faak khun an tong.

Kawl ralkap kut in minung nunnak a liam, khua

tampi chuah taak a si. Paletwa, Sami, Mirza le

Seinsan khua cu ralzam dawrnak hmun ah a cang.

Khuate milu 20,000 nih an khua an zaam taak,

minung 11,000, dawrnak hmun ah an um, 60,000

hrawng har tuar le thinphang thlalau in khua an sa.

Harnak a tong mi kan unau ca ah

vawleicung khuaza vantoi um Chin miphun siseh,

Kawlram um khuaruat thiam hna siseh, bawmhnak

pek cio a si. Minung nunnak himnak ca ah thazang

nan chuah cio mi nih miphun nan dawt a langhter.

CBCUSA chungum Khrihfabu ah inn dong

khat nih facang tun khat ($30) thawh ding bawmh

hal mi zong tlamtling tein nan thawh. Inn khat nih

$30 thawh ding nak in tam deuh a tho mi Khrihfabu

hna nan um, Khrih nan zumhnak, tuahsernak in kan

miphun sin ah nan langhter i zohchunh tlak nan si.

Khuazing Pathian nih CBCUSA a hmanrua ah a

sernak cu pekchanhnak ah thazang chuah cio nak hi

a si ve. Bawmh a herhmi bawm kho tu dirhmun ah

dir hi thluachuah a si. Pe chin hna usi, bawm chin

ko hna usi.

US President Hmaihup aa hup ve cang:Covid-19 cu states 39 ah a karh lio caan a si. Johns

Hopkins University thawngthanh ning ah July 21 ah

US ah a zaw thar 70,000 an um. California, Texas,

Florida, Arizona, Arkansas, Alabama, Minnesota,

Kansas, Montana etc.. an zual khun. State tampi

cu hmaihup lo in leng chuah sianh a si lo.

Hmaihup (mask) hman a hau lo tiah a chim peng

mi US President zong pulrai a zual aa fiang cang i

hmaihup a hmang ve cang. Covid-19 sii ṭha bik cu

ralrin te i um le nawlngaih a si ko. Minung hawi

he hlaat deuh in um a thiam mi zatlang ah cun

pulrai a karh tuk lo.

Nawlngaih hi himnak a si. Ṭhutdir kong ah

i ralrin um a hau chin lengmang. “A ṭha pah ko

lai, a poi lo cu” ti ruahnak nih zawtnak lam ah a

kan hruai. Covid-19 a karh chin lengmang ruang

ah US business an hun cang mi zong an kharter

ṭhan hna. Business nakin nunnak a biapit deuh

ruang ah a si. CBCUSA chung um Khrihfabu zong

Biakinn ah i pumh rih lo, a ruunruun in um hi

hrial rih le ralring te in um hi a ṭha bik rih ko.

Kan i pum ko lai, ti ahcun 1) hmaihup

hman ding, 2) Pe 6 dan ah ṭhut ding, 3) Midang

hman cia mic hman lo ding, 4) pumh a dih cangka

ṭhutdan spray kah dih ding, 5) Innka tawngh hrial

ding, 6) hmun kip ah sanitizer chiah ding a si.

Hagia Sophia (Holy Wisdom) Vawleicung Khrihfabu vialte komh in an zohkhenh mi tampi hna lak ah:

Jesuh Khrih a chuahnak hmun Bethlehem, a ṭhanlianhnak

Nazareth, Jesuh nih ti mitsurhang i a canternak Cana khua le tipil a

innak hmun ah ruah mi Jordan tiva, mi a rak cawnpiaknak

Tlangcung hmun, nga fang 2 le changreu hlum 5 in minung 5000

rawl a rak dar hna nak hmun, Pilate nih bia a ceihnak hmun,

biaceihnak in Calvary tlang tiang a ke in a kalnak, vailamtah tlang,

Gethsemane, Oliv tlang, Zion tlang, Solomon Temple tibantuk, tam

tuk a um rih.

Khrihfa nih hin kanmah biaknak le Khrihfabu lawng ruah

awk a ṭha ti lo, Vawleicung zumtu hawi hna he rianṭuan ṭi caan a si.

Zumtu hna nehnang a rawhnak hnga lo ṭuanvo tamchin kan ngei. Hi

bantuk in zohkhenh tharchuah ṭhan a si ruang ah kum 2000 chung

sining kel in an um khawh hi a si. Vawleicung zumtu hna nih phaisa

an thawh cio ruang ah Khrih a tlonlennak hmunhma le innlo hna cu

nihin tiang a himnak a si. Kannih Chin Khrihfa phaisa aa tel ve

cang hnga maw?

AD 360 kum ah Siangpahrang Constantinople nih a rak

sak i, 1520 tiang ah vawleicung Biaknak inn ngan bik, A sau pe

269, a kauh pe 240, a san pe 180, Byzantine Empire chan lio ah

zumtu ca ah vawlei a rak hnin kho tu Biaknak inn, a chung ah

Jesuh Khrih, vancungmi, Lamkaltu 12, Trinity a langhtertu ca

le zuk, Mary etc, hmanthlak, khuaruahhar in aa dawh mi,

Khrihfa hmasa hruaitu hna min le hmanthlak, Kum khat ah

minung 3.3 million nih an zoh mi Hagia Sophia, UNESCO

Heritage a si mi Hagia Sophia Biakinn pi cu Turkey President

Erdogan nih Muslim Mosque ah hman ding in order a chuah

cang.

Amah kel in um ding ah World Christian Council,

Greek Cozah, Russian Orthodox Churches, Roman Catholic,

USA Cozah hna nih Turkey cozah an nawl. Nain Turkey

President Erdogan nih order a leetnak a chuah hlei rih lo.

Ngaihchia ngaingai a si.

Khirifa hna, ruah awk a si mi cu:

Jesuh Khrih a rak tlonlennak, Lamkaltu hna an rianṭuannak,

Khrihfa hmasa hna an nehnang hna hi a tlau nak hnga lo,

Vawleicung Khrihfa hna phaisa thawh mi in remh le zohkhenh

an si. Cu ah cun Hagia Sophia aa tel ve.

Hagia Sophia innpi cu Muslim pumhnak mosque i an

thlen hnu hmasa bik thlacam pumh ah a pawng

hrawng lam cung le hmunlawng vialte cu muslims

thlacam pawl an khat dih

- Thlaawr Bawihrin

Luatnak le Ṭuannak- Dr. Chan Thawng Lian

thiam ve lo. Nihin tiang an si ko rih. Kawlrammi

zong hruhru-hranghrang uknak tang i sau ngai kan

um ruang ah luatnak cohlan zia kan thiam ve lo kho

men. Luatnak hi a lak in hmuh mi a si bal lo.

America khuasa nang le kei nih second vanram ti in

kan i nuamhpi mi ram hi pupa hna nih luatnak

hmuhnak ca ah an nun in an rak cawk mi a si (Dr. J.

Gerald Harris). Ram dawtu pasal/nusal hna cu

‘patriot’ tiah an auh hna.

America pupa minung 56 nih Luatnak

Thawngthanhnak (Declaration of Independence) cu

July 4, 1776 ah min an rak thut.

Henry VIII le a hawile cu England

Siangpahrang uknak ṭhat lo ruang ah America ah an

rak zam. US an phanh hnu in ram kip nih an rak

dawi hna i ral an i tu peng. An ral tam deuh an tei

hna hnu ah colonies 13 fonh in America cu a luat

mi ram tiah an thanh. Thisen tampi a luang. A

hmasabik president George Washington nih

England kut in kan luat cu Pathian tang ah luat te in

kan i dor khawhnak a si, a rak ti. Hi luatnak min an

thut i an thanh hnu ah ral doh ding a um rih. Ṭuan

ding tam tuk a um. Luatnak cu ṭuannak nih a zulh

peng.

Mi luat ka si ti lawng a za lo. Kan luat tiah

minthut lawng a za lo. Luat man pek le ṭuan a hau.

A luat rih lo mi hna bawmh ve an hau. American

pupa hna, min a thutu minung 56 ah 27 cu Bible

sianginn a dih mi an rak si. Min an thut dih hnu

1782 ah Reverend John Witherspoon hruainak in

Luatnak le zalonnak

cu kan duh tuk cio ko Ka

hmuh taktak tik bel ah

lawmh awk, a man fah zia,

le a hman zia kan thiam

tawn lo. Minak pawl hi sau

tuk sal an rak si i luatnak an

pek hna tik ah luat zia an

Bible ca an nam. Charles Thompson cu Bible leh

ding in rian an khinh i Thompson Bible cu

America ah a vawi khatnak leh mi a si. Benjamin

Rush nih min an thutnak khua ah Philadelphia

Bible Society cu an dirh. Min thutu vialte thazang

chuahnak thawng in kum 8 chung ah Bible

Society 121 dirh a si. Francis Hawkins cu a

hmasabik America Khrihfa hlabu chuah ding ah

rian an rak khinh. Zumhnak, luatnak le tuahnak in

America ram cu an rak dirh. A vawi hnihnak

president John Adams cu a ṭuanhawi Benjamin

Rush nih, kan ti kho tak ngai hnga maw tiah bia a

hal. A leh mi cu, “Kan sual kan i chir i Pathian

kan i bochan ahcun Yes,” ti a si. A vawi thumnak

an President Thomas Jefferson nih Psalm 33:12 hi

aa tlaih mi Bible a si tiah historian pawl nih an

chim (Nelson Price Tialmi chungin).

Chim cawklo a um rih. America pupa hna

nih an zumhnak cu luatnak tiang phaknak ah an

hman. Cu luatnak cu thi in ṭial, ṭuannak in an

langhter.

Kannih Chin Khrihfa zong zarh tin ti awk

in “Miluat kan si” tiah hla kan sa. Galati 5:1 ah

Mithiang Paul cu, “A luatmi kan si cang. Khrih

nih a kan luatter cang. Cucaah fek tein dir u law

sal ah khan i ser ṭhan ti hlah u,” tiah tlang a au.

Khrih nih man faak tuk in luatnak a kan cawkpiak

mi kha ṭuannak lei ah hmang lo in cuarpar tan le

tan lo kong buainak i an hman ruang ah a si.

Khrih nih, “Bawipa, Bawipa,’ tiah a ka ti mi poh

in Vancung Pennak chung an lut dih lai, tinak a si

lo, sihmanhsehlaw vancung i a um mi ka Pa nih

tuah hna seh ti a duh mi a tuah mi lawnglawng an

lut lai (Matt. 7:21),” a ti mi hi i theihter lo awk a

ṭha lo.

America pupa hna nih cun zumhnak kong

i al lengmang cu um hlah seh an ti. Mah duh mi

bu ah Pathian biak cio. Bible sianginn zong bu

kip nih tuah cio. Mah le fianning in Pathian biak i

ṭuannak tu a zungzal in biapi ah an rak ruat.Ṭuannak aa tel lo ahcun luatnak cu pakpalawng

a si. Zumtu ciocio pianthar le thar lo i al nakin

rianṭuan i sawm a ṭha deuh. Ka luat aipat ti in, lutaw

hngal lo in biakinn chung i aukhuan le i lehthal

nakin biakinn hnawm ṭhianh, nifa nunzia in a luat

mi si langhter san a tlai deuh. Zeitluk kan soi hna

zong ah Pathian ca i a si khawh tawk a ṭuan

lengmang mi cu an theipar kan zun zungzal ko hna.

Luatnak cu ṭuannak ca ah caan ṭha bik a si.

CELD HMURKA

Hmai zarh cun… hmai thla tal cun… tiah biakinn

i pumh khawh caan hngah cio a si nain aa pum kho kan

um rih lo. Hi nih hin CELD rianṭuannak zong hma a

kalter lo ngai. Textbooks/Workbooks uk 20000 hrawng

kan print mi a um peng ko. Churches cheukhat nih nan

kan cah pah lengmang cang i kan i lawm. Uk khat-hnih

tete cah zong ah kuat khawh nan si ko lai.

Inn erh kan si nih kan fale he caan tam deuh

hmang ṭi kho in a kan ser. Kan hosinak (identity) phun

khat, Holh, hi i chuahpi a si lo. Mah le chungkhar cio ah

nulepa le ule tete nih chimh lawng i thiam phun a si.

Sunday School class cu “holh cawnnak” hmun a si lo.

Holh a thiam cang mi ca ah cun CA cawn cu a fawi tuk

cang. Mah miphun holh thiam lo ahcun kan fale hi

hmailei ah Laimi an hawile lak ah an lu a zum te lai.

Tlatlum lo le siarem lo in an um te lai.

Nulepa hi kan fale hmai i ca kan rel ballo ahcun

Lai cauk rel kan fial kho hna lai lo. English in an i

chawnh vialcang ah kan siik hna, Cu holh kha holh in i

chawn hlah u, kan ti hna. An lentecelh thil le an

biaruahnak ah Lai biafang hi a za naisai lo, ti kan

hngalhpiak phan kho lo. Nulepa le fale kar ah “gap” a

um, tiah a chim vial kan thiam ngai tawn; chungkhar in

nulepa nih kan rian kan tlolh tuk ruang ah a si. Ih lai, zing

thawh ka, rawl ei lai tehna i thlacam kan hman bang

“reading habit” ngeih kan i zuam cio awk a si. Cuti cauk

kan chuah, kan rel taktak lawng ah kan biafang an hmun

lai, biafang thar an sem lai, Pathian nih miphun i a kan ser

hi vawlei dongh hlan kan hmunhter khawh lai.

General Helper sin in hmai zarh chung phan ding

“Barack Obama” cauk te kuat a si. A man cu $5. Cauk

dangdang chuah cia poh cu churches cio ca i thilrit si lo

ding in GH sin in a phan lengmang cang lai. GH nih cauk

kuatnak cazin a ngeih dih. I bawm cio hram hna usi.

ICBM THAWNGPANG – Rev. Dr. Van Thawng Lian

ICBM PALAI AN I DIIN LO

Tulio COVID-19 ruang ah vawlei pumpi cu

paralyze bantuk in cawl kho lo kan um lawng si lo

in AA le Kawl Ralkap kahdohnak nih ICBM

mission rianṭuannak zong hna an kan hnawh ngai

ve. A hlei in Rakhineram (Ann Peng) le Paletwa

peng hna cu Internet an phihpiak hna ruang ah

pehtlaihnak vialte a pit dih. Meng 42 aa hla mi

Paletwa le Sami zong i tlawn khawh a si lo. Cu lak

ah cun CBCUSA zong nih kan bawmh mi hna

ralzam thong tampi nih harnak an tong, minung lei

ruahnak ah cun vansang au in an um lio caan a si.

Hi lio caan zong ah ICBM missionaries hna

hi i diin kho lo in anmah le an umnak khua cio ah

thawngṭhabia chimnak le ralzam zohkhenhnak in

Bawipa rian an ṭuan hna. Zen, kuan le tlangrai lak

zong ah palai tam deuh cu i diin lo in rian an ṭuan.

Kyile (Ci-le) khua i a rak ṭuan mi Missionary

Hmwe Kyu Kyu belte kha a ṭuannak khua Kyile hi

an i kahnak hmun laili bantuk a si ruang ah a kal

ngam rih lo nain Myanmar Director Rev. Thla Tin

Thang le Field Director Rev. Kyaw Lwin

hnatlaknak in Rakhine ram tu ah ṭhial ding in

timhlamh a si, a rauh hlan ah aa ṭhial kho ko lai tiah

kan zumh.

Missioanry Training

Hlan deuh ah cun kum khat vawi khat in

ICBM missionary pawl ca ah US $15000.00 budget

suai in training tuah a si tawn nain tukum thok in

kum 2 vawi khat lawng tuah ding a si ca ah tukum

2020 ah cun Missionary training a um lai lo, 2021

lawng ah tuah a si te lai. Ram thar kauhnak ca ah

Medical Missionaries (Nurse Aides rak ti mi ) thar

minung 13 lawng Yangon ah training kaiter an si.

Paletwa Thawngpang

Paletwa Baptist Association GS Rev. Steven

Tlangchy nih thawng a kan thanh ning ah cun

Paletwa Baptist Association ram chung ah ralzam

(IDP) pawl hi 9427 an si tiah a ti. Mah chung ah

cun Paletwa khua in minung 4795, Sami in 3401,

Singsin in 722, le Miza in 514 an si. Hi hna hi an

harsa tuk ko nain World Food Program le NGO

dangdang le CBCUSA nih zuanhnawh le zohkhenh

an si ruang ah hnangam deuh an si, CBCUSA nan

cung zong ah kan i lawm tuk, a ti. Khua le innlelo

chuahtak in a zam mi hna lawng si lo in chuak kho

lo in khua chung ah erh le hrenh chih mi hna zong

hi 60000 tluk an si lai i, cu hna pawl ca ko ah hin

lungrethei a si, tilam, tlanglam vialte an phih dih,

phaisa ngeih zong ah cawk ding tilerawl a har tuk i

inn pawngkam ah thinghnah le ramhnah kawl i ei in

khua an sa hna tiah thawng a kan thanh

Chin Education Center Le Fimcawnnak

CBCUSA nih ICBM ti in mission rian kan

ṭuannak ah hin Evangelism (Thlarau tlau kawl le

tlaih) pakhat lawng nih hin minung nunnak le ram a

sersiam kho taktak lo, a si khawh chung in kan

miphun hi fimanak zong in ṭhanchoter a hau, ti in

“Chin Education Center” ti in Hakha, Gangaw,

Paletwa le Sami khua ah hmun kan cawk. Sami

khua i kan innhmun cu IDP ralzam hna temporary

umnak ah hman a si. Cun Hakha Innhmun ah cun

Inn sak lio a si i hmanthlak bantuk hin a tungtlang

cu an dih cang, 2020 chung ah cun an dih ṭheo lai

tiah kan zumh.

Kawlram fimcawnnak zong USA bantuk in

High School hi kum 4 cawn ding in an timh ve cang

ca ah kum dang tawn i 8th Grade in siangngakchia

kan lak tawn mi hna kha la ti lo in 2019-20 kum

Academic kum i 8th grade le 9th grade a awng mi

lawng zohkhenh ding in timhlamh a si. Kum dang i

siangngakchia 80 tluk kan zoh tawn mi hna cu

2020-21 kum ah cun 45 tluk lawng an si rih lai i,

2021-22 ah 9th Grade cawng ding kan laak chap hna

hnu lawng ah minung 80 tluk le 2022-23 ah cun

110-120 tluk an si ṭhan te lai.

.

Chin Education Center inn sak lio mi hmanthlak hi July 24, 2020 ahRev. Thla Tin Thang (Director, ICBM, Myanmar) nih a thlak mi(most recent) a si. A cung ah kan i lawm! – Newsletter Tawlreltu

TESTIMONYMin: Tam Kee

Ṭuannak: Dandi, Mindat Peng

Cawmtu Khrihfabu: Chin Christian Association of

Denmark nih 2019 dongh tiang an zoh. 2020 thokin Chin Bethel Christian Church, Indianapolis, IN

nih an zoh cang.

Hmasabik ah rel cawklo thluachuah a ka pe

tu Pathian cung ah lawmhnak chim ka duh. Cun tu

bantuk in ka rianṭuannak kong he pehtlai in

tehtekhannak caan ṭha ka hmuh ca ah Bawipa ka

thangṭhat. Pathian rian ka ṭuan khawhnak hnga a ka

bawmtu ICBM cung zong ah lunglawmhnak chim

cawklo ka ngei.

Pathian lamhruainak thawng in keimah le

ka chungkhar hi February 10, 2017 zanlei

suimilam 5:30 ah Bawipa rian ṭuan ding in Dandi

khua kan phan. Kan phak ka ah Dandi Khrihfabu

hi chungtel inn 10 an rak si. Kan phak bak in

thlarau tlau kan tlaih khawh hna nakhnga kan nuva

in kan umnak inn chung ah mitthli he Bawipa sin

ah thla kan cam. Bawipa fial mi A rian thiang ah

kan nuva kan i tel khawh ve ca ah Bawipa sin ah

lawmhnak bia kan chim lawng si lo in ICBM cung

zong ah kan i lawm tuk. Bawipa nih dong lo in

ICBM le CBCUSA chungtel dihlak thluachuah in

pe ko hna seh. Zeicahtiah ICBM um lo ahcun

kanmah nuva zong hi Bawipa rian kan ṭuan kho

hnga lo tiah kan ruah ca ah ICBM ca ah rawlulh

thlacamnak in Bawipa sin ah thluachuah kan in

halpiak lengmang hna.

Dandi khua kan phak ka ahcun zumlotu

hna nih an kan serhset ngai i mi zong an kan

thleidan tuk ca ah harnak tampi kan tong nain kan

nuva lungdong lo in Bawipa ca ah tiah lungsau

tein rian kan ṭuan. A rauh hlan ah Bawipa nih kan

thlacamanak cu a kan leh i, Dandi kan phak kum

2017 dongh hlan ah zumtu thar U Ki Ling

chungkhar, U Ki Phe chungkhar, Nu Suam Khe le

Nu Ki Pyine hna Bawipa nih a kan pek ca ah

Bawipa kan thangṭhat. Tu bantuk in thlarau tlau

zumtu thar Bawipa nih a kan pek ah hin sui le

ngun tampi hmuh nakin kan i lawmh deuh ruang

ah kan nuva lunglawm in mitthli he Bawipa kan

thangṭhat.

2018 kum chung zong ah thlarau tlau kan

tlaih khawh ṭhan nakhnga kan nuva rawlulh in

Bawipa sin thla kan cam ṭhan. A rau lo, Bawipa

nih kan thlacamnak a kan leh i mit har, U Tam

Ling chungkhar, Nu Hung Shwe, Nu Hung Man

Bawipa nih a kan pek ṭhan.

2019 kan phak ṭhan tik zong ah vawlei

suingun nak in a sunglawi deuh mi thlarau tlau

kum fatin kan pe ko tiah rawl ulh in thla kan cam

ṭhan. Kan Pathian cu a fale thlacamnak a ngai i a

lettu Pathian a si, 2019 chung zong ah thlarau tlau

mi thar a kan pek ṭhan. 2019 i Bawipa nih a kan pek

mi mi thar hna cu, Pi Om Awi chungkhar le Mawn

Lai hna an si, kan i lawmh tuk ah mitthli he Bawipa

sinah lawmhnak bia kan chim. Ka au u law ka’n leh

hna lai, nan hnglah lo thil lianngan zong ka’n

tuahpiak hna lai tiah bia a kan kamh mi a taktak in

kan hmuh i kan lung zong a ṭhawng deuh i Bawipa

rian ah kan lung zong a tho chinchin. Tu bantuk in

Bawipa rian ah kan i tel khawh mi le Amah nih a kan

hman mi ICBM zohkhenhnak le thlacampiaknak

thawng in a si ca ah nan dihlak cung ah kan i lawm

taktak.

2020 a phak tik zong ah Bawipa na duhnak

bang in kan hmang ko tiah pumpek thlacamnak he

thlarau tlau kawl cu kan i hmaithlak mi a si ko.

Thlacamnak he thlarau tlau kan kawlnak ah Bawipa

nih thluachuah a kan pek, 2020 chung zong ah zumtu

thar Pu Ki Hung chungkhar Bawipa nih a kan pek

ṭhan. Bawipa cu thangṭhat in um ko seh!

Tu bantuk in zumtu thar hna Bawipa nih a

kan pek hnu ah kan nuva kan i ceih i Mindat

Township Baptist Association (MTBA) hruaitu upa

kan cah hna i zumtu thar apnak le thlacamnak an kan

ngeihpiak. ICBM bawmhnak le thlacampiaknak

thawng in 2017-2020 chung ah zumtu chungkhar

thar 6 he zumtu thar dihlak 20 Bawipa nih a kan pek

ca ah kan Pathian kan thangṭhat.

Tu bantuk in Bawipa rianṭuan in thlarau tlau

kan tlaih khawh nakhnga chawva in siseh,

thlacamnak in siseh a kan dirkamhtu ICBM

chungkhar nan dihlak cung ah kan lunglawmhnak

kan chim cawk lo, Bawipa tu nih a let tampi in

thluachuah in pe ko hna seh. Thlarau tlau dawtnak

thinlung he siang ngai in chawva a pechaan mi

chungkhar le Krihfabu nan dihlak nan pekchanh mi

nak tam deuh in Bawipa nih thluachuah in pe ko hna

seh tiah thla kan in campiak hna. ICBM he Bawipa

rian kan ṭuanṭi khawh ca ah kaa lawm tuk, Bawipa

nih a kan hman i thlarau tlau tampi A sin kan phakpi

khawh hna nak hnga nan thlacamnak ah kan philh

hlah u, tiah ka’n nawl hna. >

Chin Education Center innpi sak lio mi (Hakha ah)

Prepared and published by Thlasui Tluangneh, Director, Christian Education & Literature Department, Chin Baptist Churches USA. Address: 7216 US 31 South, Indianapolis, IN 46227. Office Ph: 317-497-8385