FACT SHEET ROI POWER PLANT FUEL SPILL SITE

CLEANUP

1.0 MELELE KO IMAN

Ilo 1996, 22,500 gallon in diesel ar lutok na ion bwidrej eo ilo Power Plant eo ilo Roi. Power plant in ej jikin eo ej leto-letak jarom non aolepen Roi-Namur. Kaan generator in power plant in rej bed ilo ruo tank ko relap, im emoj komon kein bobrae an lutok ko itorere ier. Jikin in ej 5-acre lapen im ej bed ion 5-8 ne utiejen kin bwidrej ko emoj aini tok ibben dron, ilo tore ko rar komon jerbal ko non kakobaiki enne kein ruo elikin bata eo kein karuo.

Bedbed wot ion record ko an ijin, ebar wor jikin ko remaron in kar bar ekkejel wot ilo lutok in ejidrimkij ilo Roi, rej einwot: power plant eo mokta, wash rack eo, drainage ditch (jikin lutoklok eo ilal), oil pit (ron in oil eo), im drain field eo (ak jikin likiti material ko elikin aer liklik).

Roi Power Plant eo ilo Roi-Namur

Jikin Jerbal in Etale eo ilo Roi Power Plant Groundwater (dren eo ej bed iumin bwidrej me emaroñ in walok aibõj lal) eo ilal in ijin ej bed enañin 4 ne mulal lallok jen bwidrej eo; im joñan mulal in an groundwater kein rejjab jokin wõt juõn kinke rej bedbed wõt ion makitkit ko an no ko ak ilo ien an ibwij ak bat. Ijin tank farm ej bed ie ej iloan wõt jikin jerbal ko; jikin jokwe eo ebaake tata enañin 1 mile ettolok. Groundwater in ijin ejjab jerbal ñõn idrak, im jidrik in dren in ijin emaroñ in lutõk lok ñõn malo eo

2.0 JOKJOKIN IM JONAN BAIJIN EO IJIN Elikin lutok eo ejidrimkij, jerbal in madmode lutok eo maron in boke 75% in lutok fuel jen ijo. Jerbal in etale ko rar komon ilo 2011 eo rar kalikkar ke enanin aolepen ijin ar baijin kin petroleum im ar wor jidrik mottan in solvent ilo bwidrej im groundwater eo ijin. Alikkar kein rej bedbed wot ilo record ko an lutok in elap ilo kar 1996 eo im jen operation ko rar komon ijin mokta. Baijin in ijin elap wot kin jerbal ko ikijeen fuel, im ebar wor mottan solvent im chemical ko jet ie.

Ebareinwot alikkar ke jonan baijin eo jen lutok eo emoj an kaju lallok non iumin bwidrej im ajeded ion groundwater eo.

Enanin aolepen bwidrej ko rej bed ijoko rejjab mulal ilo nabojin ijo ar komon lutok eo ejidrimkij, edrik baijin eo ie jen bwidrej ko rej iturin wot groundwater eo. Elikin jet ien, kin makitkit in no ak ilo ien an ibwij tok im bat ilo groundwater eo, ekomon bwe en ajeded fuel eo im komon bwe fuel eo en drebdreb wot ilo bwidrej eo.

Jonan drebakbak in baijin eo ijin.

Pija in ej kwalok ijoko baijin eo jen fuel ej ebebe ie ion groundwater eo im wawein ko komakit fuel eo jen ijin.

3.0 BUÑTAN KO ÑÕN KARREOIKI IJIN Ewõr ruo buñtan ko ilo wawein karreoiki ijin. Buñtan eo iman ej ñõn juloki jabdrewõt etton ko rej ebebe wõt ilon in groundwater in. Buñtan eo kein karuo ej ñõn jelmae baijin ko ikijeen bwidrej im groundwater eo elikin juloki etton ko. Buntan eo kein kajuon (juloki etton ko) elukkun in aurok bwe ej ettor wot kin ien, kinke aikuj mokta jako etton ko ikijeen petroleum jen bwidrej im groundwater eo mokta bwe en jejjot an buntan eo kein karuo jerbal. Wawein im kilen juloki etton kein rej walok ilo kemelele ko relaplok ilo Removal Action Memorandum eo.

Wawein jerbal e karreo kein remaron in komon iumin bwidrej, ilo aer kejerbale makitkit in no ko bwe remaron in kamakit baijin ak etton ko rej bed ilo bwidrej ak ilo groundwater eo. Bwe en tobrak, lemnak non karreoiki ijin ej ilo kejerbale infiltration galleries (ak pipe ko rej jutak im katoki iumin bwidrej ilon in wot groundwater eo) non aini fuel ko. Fuel ko emõj aini renaj joni, etali, im bar kejerbali ilo wawein ko jet (einwot kaan kein ittil kobwij ko), elane remaron im ekkar. Army ej lemnak in jinoe buntan eo imantata in karreo in ilo June 2012.

Jokjokin jerbal eo an infiltration gallery. Buntak eo kein karuo ñõn karreoiki ijin enaj bok ien elap (emaron in yio). Wawein im jokjokin karreo eo an buñtan eo kein karuo renaj alikkar ilo Feasibility Study eo, im enaj bar wõr melele ko ikijeen bioremediation ilo study in. Bioremediation ej kejerbal bacteria ak kij ko (bok kajur jen oxygen im nutrient ko) ñõn jiban rube ak jolok fuel ko. Edrik lok jorran im kauwõtata ko ilo jerbal in bioremediation rej walok ñõn malo im menin mour ko lojet.

4.0 JERBAL IN ETALE KO Jerbal in etale ko ekoba ebok sample im test ko rej kõmon wõt ilo Roi Power Plant Fuel Spill Site eo. Sample ko rej boki kiõ renaj bar koba lok ibben sample emõj bõki kar mokta einwõt an walok ilo pepa eo naetan Site Investigation and Data Evaluation. Aolepen melele kein aini renaj jerbal ñõn kõmone buñtan eo kein karuo ilo jerbal in karreo in. Im Date Evaluation Report in enaj dredrelok ilo summer in 2012 ñõn an jabdrewõt kwalok aer lemnak ak kõmon comment ikijeen jerbal kein.

Kauwõtata ko ñõn ejmour renaj walok wõt elane armij eo enaj kajedeiki e make ñõn baijin kein ilo bwidrej im groundwater jimor, ilo wawein an kañi, irri ilo kilin, jibwi im men ko erlok wõt. Ro rej jerbal ijin renaj kejerbale nuknuk im kein jerbal in bõbrae ko bwe ren jab maroñ in bõki nañinmij ko remaroñ in walok jen jerbal in. Ewõr assessement eo rej kõmoni kio ñõn lukkun in etale ro rej bed im renaj bed ak jerbal wõt ijin. Bareinwõt, enaj bar wõr jerbal in etale ko ikijeen lale malo eo ilo 2013. Jerbal ko tok elik renaj ikijeen jorran ko ñõn bwidrej eo im malo eo, ekoba sample ko bõki ñõn etale ejmour.

5.0 JIKIN BOK MELELE KO JET Pepa eo naetan Roi Power Plant Removal Action Memorandum, April 2012, edredre lok ñõn an jabdrewot eo eitok limo ier ñõn kõmon aer comment ak enaan ko ikijeen jerbal kein. Pepa in ej bed ilo jikin kein:

• US Army Kwajalein Atoll Grace Sherwood Public Library (on Kwajalein)

• US Army Kwajalein Atoll Roi-Namur Library (on Roi-Namur)

• Republic of the Marshall Islands Environmental Protection Authority Office (on Majuro)

Ro ewõr aer internet, remaron in bar bõki melele ko ikijeen jerbal in karreo ko ilo US Army Kwajalein Atoll jen website in www.usakacleanup.info. Likit am enaan ak lemnak ko kin pepa in ilo website eo pepa on ej bed ie. Kir lok Mr. Anthony Hoover, USAKA Environmental Engineer, ilo (805) 355-5449 kin kajitok ko ikijeen plan eo an jerbal in karreo ko ijin. Jabdrewot comment ak enaan ko jeiki ikijeen plan in karreo eo an Roi Power Plant Fuel Spill remaron in komon ilo juon ian jikin kein:

1) ilo website ne www.usakacleanup.info ilo jikin ilik comment eo an Roi Power Plant RAM 2) ilo email non comments@usakacleanup.info 3) ilo mail non Sivuniq, Inc.; Attn: Roi Power Plant RAM Comments; APO, AP 96555.

Aolep comment ko rej aikuj in loi ilo May 30, 2012.