Dikr :''Righ bdda ad gegh tamarat!''
-
Upload
lahsen-oulhadj -
Category
Documents
-
view
221 -
download
0
Transcript of Dikr :''Righ bdda ad gegh tamarat!''
-
8/9/2019 Dikr :''Righ bdda ad gegh tamarat!''
1/3
ⴷⵉⴽⵔ : "ⵔⵉⵖ ⴰⴷ ⴱⴷⴷⴰ ⴳⴻⵖ ⵜⴰⵎⴰⵔⴰⵜ "
ⵣⴰⵀⵔⴰ ⴷⵉⴽⵔ ⵜⴳⴰ ⵢⴰⵜ ⵖ ⵜⴻⵔⴱⴰⵜⵉⵏ ⵍⵍⵉ ⵢⵓⵙⵉⵏ ⴰⵥⴰⵥⵓ ⵏ ⵜⴻⵎⴰⵣⵉⵖⵜ , ⵉⵔⵉⵏⵜⵜ ⴰⴷ ⵜⵍⴽⴻⵎ ⴰⵙⵡⵉⵔ ⴱⴰⵀⵔⴰ ⵢⴰⵜⵜⵓⵢⵏ . ⵓⵔ ⵊⵊⵓ ⴷ ⵏⴻⵜⵜⴰⵜ ⴰⴷ ⵉⵜⵜⵔⴽⴽⴰⴽⵏ ⴰⴷ ⵜⴽⵛⴻⵎ ⴰⵎⴰⴹⴰⵍ ⵏ ⵓⵙⵏⴼⵍⵓⵍ ⴷ ⵓⵙⴳⴳⵯⵔⵓ ⵙ ⵡⴰⵡⴰⵍ ⵏ ⵉⵎⴰⵣⵉⵖⴻⵏ . ⴽⵔⴰ ⵏ ⵉⵎⴰⵍⴰⵙⵙⵏ ⴰⵢ-ⴰⴷ , ⵜⴻⴹⵉ-ⴷ ⵢⴰⵏ ⵓⴷⵍⵉⵙ . ⵖⴰⵢ -ⴰⵏⵏ ⴰⴼ ⴷⵉⵙ ⵏⵎⵙⴰⵡⴻⵍ . ⵥⵕ ⴰⵜ ⴰⵖ ⵎⴰ ⵔⴰⴷ ⴰⵖ ⵜⵉⵏⵉ !
1.ⵎⴰⴷ ⵜⴳⴰ ⵣⴰⵀⵔⴰ ⴷⵉⴽⵔ ?
ⵣⴰⵀⵔⴰ ⴷⵉⴽⵔ ⵜⴳⴰ ⵜⴰⵄⵔⵔⵉⵎⵜ ⵜⴰⵎⴰⵣⵉⵖⵜ ⵣⵓⴷ ⴰⴽⴽⵯ ⵜⵉⵄⵔⵔⵉⵎⵉⵏ ⵏ ⵜⵎⵓⵔⵜ ⵏⵏⵖ . ⵉⴷ ⴱⴰⴱⴰ -ⵙ ⵣⵡⴰⵔⵏⵉⵏ ⴳⴳⵯⵣⵏ -ⴷ ⵣⵣⵖ ⵉⵎⵙⴳⴳⵉⵏⵏ ⵙ ⵜⵖⵔⵎⵜ ⵏ ⴱⵏⵙⵔⴳⴰⵡ . ⵖ-ⵉⵏⵏ ⴰⵖ ⵜⵍⵓⵍⴰ ⵏⵜⵜⴰⵜ ⵜⵖⵔ ⴳⵉⵙ ⵜⵉⵏⵎⵍ ⵜⴰⵎⵏⵣⵓⵜ ⴷ ⵓⵙⵉⵏⴰⵏ . ⵄⵣⵣⴰⵏ ⴷⴰⵔ -ⵙ ⵜⴰⵣⵣⴰⵏⵉⵏ . ⵜⴳ ⵜⴰⵙⵍⵎⴰⴷⵜ ⵏⵏⵙⵏ , ⵜⴽⴼ ⴰⵙⵏ ⵓⵍⴰ ⵖ ⵓⵙⵏⴼⵍⵓⵍ ⵏⵏⵙ ⴷ ⵜⵉⵔⵔⴰ ⵎⴰⴷ ⵙⵔⵙⵏ ⵉⵥⵍⵉⵏ , ⵉⴳ ⵡⵉⵏⵏⵙⵏ . ⵜⵓⵍⵍⵉⵙⵜ ⴷ ⵓⵙⵏⴼⵍⵓⵍ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳⴰⵏ ⴷⴰⵔ -ⵙ ⵏⵜⵜⴰⵜ ⵢⴰⵜ ⵜⵎⴰⵙⴰⵢⵜ ⵍⵍⵉ ⴱⴷⴷⴰ ⵜⵔⴰ ⴰⴷ
ⵜⵍⴽⵎ, ⵜⵙⵙⵍⴽⵎ ⵜⵜ.
2.ⵎⴰⵅⵅ ⵍⵍⵉⴳⵀ ⵜⵙⵜⵉⵜ ⴰⵖⴰⵔⴰⵙ ⵏ ⵜⵉⵔⵔⴰ ⴷ ⵜⵙⴽⵍⴰ ?
ⵉⵖ ⴷ -ⵓⵛⴽⵉⵖ ⴰⴷ ⵙⴰⵇⵙⴰⵖ ⵉⵅⴼ ⵉⵏⵓ ⵉⵙ ⴷ ⵏⴽⴽⵉⵏ ⴰⴷ ⵉⵙⵜⵉⵏ ⵜⴰⵖⴰⵔⴰⵙⵜ ⵏ ⵜⵉⵔⵔⴰ ⴷ ⵜⵙⴽⵍⴰ ⴷ ⵓⵙⴽⴽⵉⵍ , ⵏⵖ ⵏⵜⵜⴰⵜ ⴰⴷ ⵢⵢⵉ ⵉⵙⵜⵉⵏ , ⴰⵔ ⵏⵏ-ⵜⵜⴰⴼⴰⵖ ⵉⵙ ⴱⴷⴷⴰ ⵔⵉⵖ ⴰⴷ ⴳⴻⵖ ⵜⴰⵎⴰⵔⴰⵜ, ⵉⴳ ⴷⴰⵔ -ⵉ ⵢⴰⵜ ⵜⵡⵡⴰⵔⴳⵉⵜ , ⵢⴰⵏ ⵡⴰⵡⵜⵜⴰⵙ ⵏⵏ-ⵢⴰⴳⴳⵓⴳⵏ . ⵎⵎⴰⵖⴻⵖ ⴱⴷⴷⴰ ⴰⴷ ⵜ ⵍⴽⵎⵖ ⵙ ⵜⵥⵥⵉⴹⵕⴰ ⴷ ⵜⵓⵡⵡⵓⵔⵉ ⵉⵥⵉⵍⵏ , ⵉⴷⵓⵙⵏ
. ⴰⴷ
ⴰⴽⴽⵯ
ⵓⵔ
ⵏⵜⵜⵓ
ⴰⵙⵏⴼⵍⵓⵍ
ⴷ
ⵜⵉⵔⵔⴰ
ⴳⴰⵏ
ⵣⵓⴷ
ⵜⵉⴼⴰⵡⵜ
, ⵜⵥⴹⴰⵕⵜ
ⴰⴷ ⵙⵔⵙ ⵜⵙⵙⵉⴳⵯⵍⵜ , ⵜⵍⴽⵎⵜ ⵙ ⵜⵜ. ⵜⵥⴹⴰⵕ ⵏⵜⵜⴰⵜ ⴰⴷ ⵜⴰⴼ ⴰⵖⴰⵔⴰⵙ ⵏⵏⵙ , ⵜⵍⴽⵎ ⴽ ⵉⵏⵏⴰ ⵖ-ⵉⵏⵏ ⵖ ⵜⵍⵍⵉⵜ.
3.ⵎⴰⵅⵅ ⵜⵉⵔⵔⴰ ⵙ ⵜⵎⴰⵣⵉⵖⵜ ?
ⴰⵙⵇⵙⵉ -ⴰⴷ ⵉⵙⵙⵓⵙⵎ ⵢⵢⵉ ⴱⴰⵀⵔⴰ . ⵍⵍⵉⵖ ⵙⵙⵏⵜⵉⵖ ⵜⵉⵔⵔⴰ , ⵙⵙⵏⵜⵉⵖ ⵜⵏⵜ ⵙ ⵜⵓⵜⵍⴰⵢⵜ ⵏ ⵜⴰⵄⵕⴰⴱⵜ . ⵖ ⵓⵎⵣⵡⴰ ⵔⵓ ⴰⴽⴽⵯ ⵙⵙⵏⵜⵉⵖ ⵙ ⵜⵓⵍⵍⵉⵙⵜ ⵏ ⵡⴰⵣⵣⴰⵏ ⴽⵔⴰ ⵏ ⵜⵔⵎⵉⵜⵉⵏ ⵎⵥⵥⵉⵏⵉⵏ . ⴰⴷ ⴷ -ⵓⵔⵔⵉⵖ ⵉⵏⵉⵖ ⵉⵣ ⵖ ⵜⵉⵣⵉ -ⴰⵏ ⵢⵉⵡⵉ ⵢⵢⵉ ⵡⴰⵙⵉⴼ ⵏ ⵜⵎⴷⵢⴰⵣⵜ . ⵉⴳⴳⵓⵜ ⵎⴰⴷ ⴳⵉⵙ ⵖⵔⵉⵖ , ⵢⵉⴳⵓⵜ ⵎⴰⴷ ⴳⵉⵙ ⵓⵔⵉⵖ .
-
8/9/2019 Dikr :''Righ bdda ad gegh tamarat!''
2/3
ⵜⵙⵙⵓⵙⵎ ⵢⵢⵉ ⵜⵎⴷⵢⴰⵣⵜ ⵙ ⵜⴰⵎⵉⵎⵜ ⵏ ⵜⴳⵓⵔⵉⵡⵉⵏ ⴷ ⵡⴰⴼⵓⵍⴽⵉ ⵏ ⵉⵣⵍⴰⵏ ⴷ ⵜⵡⵍⴰⴼⵉⵏ ⴳⵉⵙⵏⵜ ⵉⵍⵍⴰⵏ ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵓⵙⵉⵏⵜ ⵎⴰⴷ ⵉⴷⵓⵙⵏ ⵢⵉⵥⵉⵢ ,ⵢⴰⵛⴽ -ⴷ ⵢⴰⵏ ⵡⴰⵙⵙ ⵍⵍⵉⵖ ⵉⵍⵍⴰ ⵢⴰⵏ ⵓⵎⵙⴰⵡⴰⵍ ⴳⵔ ⵢⵢⵉ ⴷ ⵉⵎⵎⵉ . ⵏⵙⴰⵡⵍ ⴼ ⵜⵎⴷⵢⴰⵣⵜ ⵏ ⵣⵉⴽⴽ ⵙ ⵜⵓⵜⵍⴰⵢⵜ ⵏ ⵜⵄⵕⴰⴱⵜ . ⵍⵍⵉⵖ ⴰⵙ ⵏⵏⵉⵖ : " ⵎⴷⴷⵏ -ⴰⴷ ⵓⵔⴰⵏ
ⴽⵔⴰ ⵡⴰⵡⴰⵍ ⵉⵎⵎⵉⵎⵏ , ⵉⴼⵓⵍⴽⵉⵏ ; ⵢⵓⵙⵉⵏ ⵜⵉⵡⵍⴰⴼⵉⵏ ⵥⵉⵍⵏⵉⵏ , ⵉⴷⵓⵙⵏ ". ⵖ-ⵉⵏⵏ ⴰⵖ ⵢⵢⵉ ⵜⵏⵏⴰ ⵉⵎⵎⵉ : " ⴰⵡⴷ ⵏⴽⴽⵏⵉⵏ ⵉⵎⴰⵣⵉⵖⵏ ⴷⴰⵔ - ⵏⵖ ⵜⴰⵎⴷⵢⴰⵣⵜ , ⵉⵍⵉⵏ ⴷⴰⵔ - ⵏⵖ ⵉⵎⴷⵢⴰⵣⵏ ⵓⵔⴰⵏ ⵎⴰⴷ ⵉⴼⵓⵍⴽⵉⵏ , ⵉⵥⴹⴰⵕⵏ ⴰⴷ ⴰⴽⴽⵯ ⵢⴰⴼ ⵎⴰⵢⴰⵏ ⵍⵍⵉ ⴽⵎ
ⵉⵙⵙⵓⵙⵎⵏ ⴽⵎⵎⵉⵏ ⵖⵉⵍ -ⴰⴷ ". ⵅⵜⵜ-ⴰⵏⵏ ⴰⴷ ⴷⴰⵔ -ⵉ ⵉⴳⴰⵏ ⵜⴰⵏⵇⵇⵉⴹⵜ ⵏ ⵓⵎⵎⵓⵜⵜⵢ. ⵣⵣⵖ ⵜⵉⵣⵉ -ⴰⵏⵏ ⴰⴷ ⵙⵙⵏⵜⵉⵖ ⴰⵔ ⵜⵍⵍⵉⵖ, ⴰⵔ ⵙⵏⵓⴱⵓⵛⴻⵖ . ⴰⴼⵖ -ⵏⵏ ⵎⴰ ⵙ ⵜⵖⵡⵥⴰⵏ ⵉⵎⵎⵉ . ⴰⵡⴰⵍ ⵏⵏⵖ ⴷ ⵜⵓⵜⵍⵢⴰⵜ ⵏⵏⵖ ⴳⵉⵙ ⵎⴰⴷ ⵉⴳⴳⵓⵜⵏ , ⵢⴰⵜⵜⵓⵢ. ⵏⵥⴹⴰⵕ ⴰⴷ ⵏⵙⵙⵍⴽⵎ ⵜⴰⵙⴽⵍⴰ ⵏⵏⵖ ⵜⴰⵎⴰⵣⵉⵖⵜ ⵙ ⵉⵙⴽⴽⵉⵍⵏ ⵏⵏⵖ ⴷ ⵓⵙⵏⴼⵍⵓⵍ ⵏⵏⵖ , ⵢⵉⵥⴹⵉⵕ
ⵢⴰⵏ
ⵡⴰⵙⵙ
ⴰⴷ
ⵜⵍⴽⵎ
ⴰⵎⴰⴹⴰⵍ
ⴰⴽⴽⵯ
.
4.ⵜⴹⵉⵜ-ⴷ ⵢⴰⵏ ⵜⵡⵛⴽⵉⵏⵜ ⵏ ⵜⵓⵍⵍⵉⵙⵉⵏ , ⵉⵙ ⵜⵓⴼⵉⵜ ⴰⴷ ⴰⵖ ⴼⵍⵍ -ⴰⵙ ⵜⵙⴰⵡⵍⵜ?
ⵉⴳⴰ "ⵢⵓⴼⵜⵏ ⵖ ⵜⴰⴳⴰⵏⵜ ⵏ ⵉⵙⴰⴼⴰⵔⵏ " ⵜⵉⵔⵎⵉⵜ ⵉⵏⵓ ⵜⴰⵎⵣⵡⴰⵔⵓⵜ ⵖ ⵉⴳⵔ ⵏ ⵜⵉⵔⵔⴰ ⴷ ⵓⵙⵏⴼⵍⵓⵍ ⵙ ⵜⵎⴰⵣⵉⵖⵜ . ⵜⴰⵡⵏⴳⵉⵎⵜ ⵏⵏⵙ ⵜⴰⵅⴰⵜⴰⵔⵜ ⵜⵍⵍⴰ ⴼ ⵢⴰⵏ ⵓⴳⴹⵉⴹ ⵉⵙⴰⵡⴰⵍⵏ ⵍⵍⵉ ⵉⴳⴰⵏ ⵙ ⵡⴰⵙⵙⴰⵖ ⵢⵓⴼⵜⵏ. ⵉⴷⴷⵔ ⵢⵓⴼⵜⵏ ⵖ ⵜⴰⴳⴰⵏⵜ ⵏ ⵉⴳⴹⴰⴹ ⵖ ⵓⴼⵔⴰ ⴷ ⵜⵓⵎⵔⵜ. ⵖ ⵢⴰⵜ ⵜⵉⵣⵉ ⴰⵔ ⴷⴰⵔ -ⵙ ⵜⵜⵉⵍⵉ ⵢⴰⵜ ⵜⵎⵎⵓⴽⵔⵉⵙⵜ ⵜⴰⵅⴰⵜⴰⵔⵜ ⵍⵍⵉ ⵖ ⵉⵜⵜⴰⴹⵏ ⵓⵣⴳⵏ ⵏ ⵉⴳⴹⴰⴹ ⵏ ⵜⴰⴳⴰⵏⵜ. ⵖ-ⵉⵏⵏ ⴰⵖ ⵜⵍⵍⴰ ⵜⵎⴰⵙⴰⵢⵜ ⴷⴰⵔ ⵢⵓⴼⵜⵏ ⴰⴷ ⴷ -ⵢⴰⵡⵉ ⴰⵙⴰⴼⴰⵔ ⵉ ⴰⵢⵜ ⴷⴰⵔ -ⵙ ⴷ ⴰⵢⵜ ⵜⴰⴳⴰⵏⵜ ⴰⴽⴽⵯ ⵍⵍⵉ ⵎⵔⵔⵜⵏⵉⵏ , ⵜⵜⴰⴹⵏⵏⵉⵏⵏ ⵉⴳⵍⵍⵉⵏⵏ ! ⵔⴰⴷ ⵏⵏ-ⵢⴰⴼ ⵢⵓⴼⵜⵏ ⵉⵅⴼ ⵏⵏⵙ ⵖ ⵜⵓⴳⴳⵜ ⵏ ⵜⴷⵢⴰⵏⵉⵏ ⴷ ⵜⵎⵙⴰⴽⵙⴰⵍⵉⵏ . ⴳⵉⵙⵏⵜ ⵜⵉⴷ ⵎⵎⵉⵎⵏⵉⵏ ⴷ ⵜⵉⴷ ⵕⵥⴰⴳⵏⵉⵏ ,ⵢⵓⴼⵜⵏ ⵙ ⵓⵍ ⵏⵏⵙ ⵎⵍⵍⵓⵍⵏ ⴷ ⵉⵎⴰⵏ ⵏⵏⵙ ⵉⵥⵉⵍⵏ ⵓⵔ ⵊⵊⵓ ⴷ ⵏⵜⵜⴰⵏ ⴰⵔ ⵏ-ⵉⵖⴰⵎⴰⵏ ⵖ ⴽⵔⴰ ⵉⵎⵉⵣⵉ ⴱⵍⴰ ⴷ ⴳⵉⵙ ⵉⴼⵓⴽⴽⴰ . ⵢⴰⴼ ⵜⵉⵍⴻⵍⵍⵉ ⵏⵏⵙ ⴷ ⵜⵓⵎⵔⵜ. ⵢⵉⵡⵙ ⴰⴷ ⴱⴷⴷⴰ ⵓⵏⵍⵍⵉ ⵏⵏⵙ ⵉⵛⵕⴹⵏ ⴷ ⵜⵔⵔⵓⴳⵣⴰ ⵏⵏⵙ ⴰⵡⴷ ⵉⵎⴷⴷⵓⴽⴽⴰⵍ ⵏⵏⵙ . ⵜⵓⵍⵍⵉⵙⵜ ⵏ
ⵢⵓⴼⵜⵏ
ⵜⵓⵙⵉ
ⵉⵏⵓⵎⴰⴽ
ⵉⴷⵓⵙⵏ
,ⴳⵔ
ⵜⵎⵙⴰⴽⵍⵙⴰⵍⵉⵏ
ⵏ
ⵢⵓⴼⵜⵏ
ⵉⵥⴹⴰⵕ
ⵉⵎⵖⵔⵉ
ⵎⵥⵥⵉⵏ ⴰⴷ ⵏⵏ-ⵢⴰⴼⵉ ⵜⵓⴳⴳⵜ ⵏ ⵜⴱⵔⴰⵜⵉⵏ ⵍⵍⵉ ⵙ ⵉⵙⵖⴰⵡⵙⴰ ⵖ ⵜⵓⴷⵔⵜ ⵏⵏⵙ .ⵉⵔⵉⵖ ⴰⴷ ⵜ ⵜⵍⴽⵎⵏ ⵙ ⵜⵖⴰⵔⴰⵙⵜ ⵉⴼⵓⵍⴽⵉⵏ , ⵢⵓⵙⵉⵏ ⵢⴰⵜ ⵜⴰⵎⵉⵎⵜ ⵏ ⵡⴰⵍⵍⴰⵙ ⴷ ⵜⵉⵏ ⵜⴳⵓⵔⵉ ⴷ ⵓⵙⵏⴼⵍⵓⵍ ⵢⴰⵜⵜⵓⵢⵏ. ⵢⵓⴼⵜⵏ-ⴰⴷ ⵉⴳⴰⵏ ⴰⵙⴰⴷ ⵏ ⵜⵓⵍⵍⵉⵙⵜ-ⴰⴷ ⵙⵙⵓⵜⵔⵖ ⴰⴷ ⵉⵙⵙⵍⴽⵎ ⵜⵉⴱⵔⴰⵜⵉⵏ ⵏ ⵜⴰⵢⵔⵉ ⴷ ⵓⴼⵔⴰ ⴷ ⵡⴰⴼⵓⵍⴽⵉ .
5. ⵎⴰⵏⵉ ⵖ ⵔⴰⴷ ⵙ -ⵜⵜ ⵢⴰⴼ ⵢⴰⵏ ⵏⵏⴰ ⵉⵔⴰⵏ ⴰⴷ ⵙ -ⵜⵜ ⵉⵙⴻⵖ ?
ⵜⵓⵍⵍⵉⵙⵜ ⵏ " ⵢⵓⴼⵜⵏ ⵖ ⵜⴰⴳⴰⵏⵜ ⵏ ⵉⵙⴰⴼⴰⵔⵏ " ⵜⵍⵍⴰ ⵖ ⵜⵙⴷⵍⵉⵙⵜ …
-
8/9/2019 Dikr :''Righ bdda ad gegh tamarat!''
3/3
6. ⵉⵙ ⵍⵍⴰⵏ ⵉⵚⵏⴼⴰⵕⴻⵏ ⵢⴰⴹⵏ ?
"ⴰⵣⵎⵓⵎⴳ ⵉⵎⵉⵛⴽⵉ " ⵉⴳⴰ ⵜⵓⵍⵍⵉⵙⵜ ⵉⵏⵓ ⵜⵉⵙⵙ ⵙⵏⴰⵜ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵖ ⵉⴳⵔ ⵏ ⵜⵙⴽⵍⴰ ⵏ ⵡⴰⵣⵣⴰⵏ . ⵜⴼⴼⵖ -ⴷ ⵙ ⵜⵡⵉⵙⵉ ⵏ ⵜⵣⵍⵖⴰ ⵏ ⵜⵉⵔⵔⴰ ⴷ ⵜⵎⴰⵡⴰⵙⵜ ⵏ ⵜⵓⵙⵙⵏⴰ . ⵓⵙⵙⴰⵏ -ⴰⴷ ⵏⵉⵜ ⴰⴷ ⵉⵥⵕⴰ ⵜⵉⴼⴰⵡⵜ. ⵖ ⵎⴰⴷ ⵏⵏ ⵓⵔ ⵢⴰⴳⴳⵓⴳⵏ ⵔⴰⴷ ⵜⵉⵍⵉ ⵖ ⵜⵙⴷⵍⵉⵙⵜ ⴰⵡⴷ ⵏⵜⵜⴰⵜ. ⵜⵉⵍⵉ ⴷⴰⵔ -ⵉ ⵢⴰⵜ ⵜⵡⵛⴽⵉⵏⵜ ⵏ ⵜⵓⵍⵍⵉⵙⵉⵏ ⵏ ⵡⵉⴷ ⵎⵇⵇⵓⵔⵏⵉⵏ . ⵜⴳⴰ ⵙ ⵓⵣⵡⵉⵍ " ⴽⵉⵢⵢⵉⵏ ⴷ ⵏⵜⵜⴰⵜ ⴷ ⵜⵛⴰⵎⵉⵔ "ⵙⵙⵓⵜⵔⵖ ⴰⴷ ⴷ -ⵜⴼⴼⵖ ⵙ ⵜⵉⴼⴰⵡⵜ ⵖ ⵎⴰⴷ ⵏⵏ ⵓⵔ ⵢⴰⴳⴳⵓⴳⵏ ⵉⵖ ⵜ ⵉⵏⵏⴰ ⵕⴱⴱⵉ . ⵓⵙⵙⴰⵏ -ⴰⴷ ⵙⵙⵏⵜⵉⵖ ⵜⵉⵔⵔⴰ ⵏ ⵜⵓⵍⵍⵉⵙⵜ ⵉⵏⵓ ⵜⵉⵙⵙ ⴽⵕⴰⴹⵜ ⵏ ⵡⴰⵣⵣⴰⵏ ⵍⵍⵉ ⵎⵓ ⵙⵜⵉⵖ ⵙ ⵓⵣⵡⵉⵍ "ⴰⵙⵔⴷⵖⵢⵢⵓⵍ ⴷ ⵜⵔⴳⵯⴰ ⵏ ⵡⴰⵎⴰⵏ " .