Hong Kong Baptist University

Bachelor of Arts (Honours) in

Creative Writing for Film, Television and New Media

CRWG4016

Graduation Project II

Semester 2, 2015-16

畢業電影編劇作品－

《禮賓府危機》

學生：張永攀｜林培豐

聯絡：6642 5675（張）｜6683 7256（林）

日期： 2016 年 4 月 27 日

編劇：張永攀｜林培豐

劇名：《禮賓府危機》

片場：90 分鐘

類型：劇情片

《禮賓府危機》電影梗概：

特首包正義在與秘書情人劉伊倩偷情時，被秘書要求離婚，特首不從，隨即被秘

書綁架，失踪於公眾視野。特首夫人葉玉梅趕忙找來政務司司長羅馬嘉莉幫助。

劉伊倩回到綁架特首的公寓時，卻發現特首已心臓病發身亡。然而，再過一週便

是中央領導的訪港會面。葉玉梅、羅馬嘉莉和劉伊倩決定找替身來暫代特首之位。

議員馬嘉遠向其姊羅馬嘉莉表示找到一個與特首極相似的替代—梁四球。梁在監

獄簽署赦免自己的文書，便火速進入禮賓府培訓。但原特首女兒包卓顏對他的不

屑，讓他遭受打擊。突擊培訓雖然成功騙過了中央領導，但卻令財閥趙氏集團的

趙大明起疑心。一次立法會的特首問答會上，特首突然提出全力推行爭議甚久的

「全民退保」，引起各黨的嘩然，但卻成功換取了大眾和包卓顏的心。氣憤難平

的趙大明決意靠自己，訓練猴子 Wendy 來爭特首之位，讓荒誕的政治現實變得

更荒誕。

《禮賓府危機》Tagline：「嘈嚟有咩謂？不如自己做！」

《禮賓府危機》人物簡介

包正義（57 歲）－現任特首，管理香港事務的取態上十分親中，常為了鞏固自

己的權力，不惜出賣他人，中學時被笑稱「笑面虎」，一次外遇事件令他命赴黃

泉。自小家庭破碎，因此長大後不懂與家人相處令他與家人關係不好，對女兒過

份寵愛致使女兒目中無人，常被傳媒大做新聞。2030 年，包正義加入市政局代

表建築界參加基本法修定案，2031 年隨董特首上台，版派到中國大陸參與政制

事務修定，2038 年以 50 歲之齡獲頒黑紫荊徽章。2012 年上任特首，上任三年令

社會上立即劃分成三大勢力，使社會分裂。

內在矛盾：希望連任但受到法律制肘，渴望有完美的家庭但與妻子關係不好，致

使與秘書有親密關係。

梁四球（55 歲）－獄霸，2025 年觀塘道持槍行劫金鋪案丟主腦，因為形象相似

被找來做特首。為人文化不高，誰都不服。口齒伶俐但貪吃，為人仗義，卻又絕

不嘴上吃虧。早年因為害怕經歷文革的黑暗十年，因此他隻身偷渡到香港這彈丸

之地重新開展生活，2030 年，他與同鄉在土瓜灣一銀行打劫，其後在 2031 年，

策劃「觀塘金鋪案」後被捕入獄，後於 2038 年與逃獄不果，梁四球亦傷及一肩。

2047 年 7 月，被特赦放監。

內在矛盾：曾是黑社會話事人，有機會出獄後只想做好自己，讓別人信任他，以

和平手段得到成果。

趙大明（63 歲）－趙氏集團主腦，掌控政商兩界，決不允許有人不服他的威嚴。

雄斗八尺，眼如雄鷹，但忌諱別人叫他的綽號「趙公公」。與包正義／梁四球產

生明爭暗鬥。暗中操控香港親中傳媒獨立報、慧眼、新知覺，報導包正義之女發

瘋的事，製造社會輿論引起特首爭議。

內在矛盾：希望憑其地位成為香港的最高決策者，卻換來社會和多方的阻礙。

葉玉梅（54 歲）－魯芬 飾：特首夫人，為自家前程，想要力保特首之位。十分

在意家庭關係，重面子亦重情，與包的關係不是太美好，大多都是為了面子而繼

續。在外，葉玉靠著特首夫人的名義支撐著如日俱下的家業，為了保住家人和面

子，不敢洩露參與替身特首的計劃。

內在矛盾：為了家業和面子，不惜與包正義結婚，更因為幫助包正義收受賄款而

使她受到 ICAC 的調查，然而，特首夫人之位讓她暫時安全，因此與羅馬嘉莉和

劉伊倩合作，避免失卻了特首夫人之位的特權。

羅馬嘉莉（53 歲）－現任政務司女司長，一名偽基督教徒，滿口仁義道德。甚

有治政野心，有勇有謀，想力保特首之位。大學時曾愛上包正義，後因為各自當

官，所以在職場上再展前程，有著密不可分的政治和私人關係。2031 年，她的

親夫遇上車禍，令她捲上謀殺親夫的嫌疑，令原本晉升她成為市政局局長一職一

事被擱置，同年，黑馬包正義因為財雄勢大，在投票中大勝羅馬嘉莉，她因而失

去局長職位，一直屈居於副。

內在矛盾：在包正義和特首權力之間的角力令她十非爭扎，受到葉玉梅威脅若羅

馬嘉莉不合作便會爆出她與特首的奸情，捐害她爭取特首的聲望。

包卓顏（26 歲）－顏卓靈 飾：特首之女，因為被其父的寵愛而目中無人，多年

在外升學養成「鬼妹仔」性格，性格十分豪爽瘋顛。但其實內在對於父親以往年

輕時的英雄情藝結十分迷戀。隨著父親貪戀權力後，卓靈卻被一直忽視冷漠無，

對於媽媽的無力感亦感心痛。父親死後，終於認識了義字行頭的梁四球，兩人透

過相處和危機後慢慢戀上對方，但面對四周和社會的監視，這種不倫的愛不能結

果，她到達了絕望地步。

內在矛盾：愛上被自己大三十年的「父親」，不能說出來。

劉伊倩（33 歲）－包正義秘書，身材十分姣好，有成年女性魅力，吸晴度高，

暗地裡是特首情人，因為利益不惜威迫特首娶他來得到名利，但特首拒絕，綁架

特首不成，反在機上害死他，為保住秘密，不敢洩露替身參與特首的計劃。

內在矛盾：因為自小沒有人愛惜，因此變得功利主義，與包發生性關係只為名為

利為權來補償內心的空虛，因為錯手殺害包正義只好與羅馬嘉莉和葉玉梅合作。

司徒禮（53 歲）－立法會主席，想做特首，為人勢利。以「禮儀黨」為自己的

議會核心，表面上是包的橡皮圖章，對他一一遵從，唯其內心其實兩頭蛇，同時

亦暗中幫助趙大明，通過修改大小法列。

內在矛盾：對於自己被笑指是橡皮圖章及無用廢柴感到氣難下，時常找機會捉拿

各人的痛腳，怎料卻一直沒有人相信他的說話。

《禮賓府危機》劇本：

第 1 場

時 日 秋日午後

地 香港獅子山｜維多利亞港 外景

人 N\A

藍天映襯的獅子山遠景。獅子山上，一隻土黃色的狼往山頂爬去。爬到山頂

的狼，對天呼嘯。天色漸漸昏暗，有烏云密布之勢。

維多利亞港的上空烏云密布。一隻黑色的大黑蛇從西環方向飛入海中，翻江

倒海，在海上來回穿梭。瞬時間，雷聲四起，傾盆大雨落下。

第 2 場

時 日

地 禮賓府

人 葉玉梅、包卓顏

煙雨籠罩禮賓府，透過射出燈光的窗戶，可以看見特首包正義的夫人葉玉梅

和特首的女兒包卓顏坐在餐桌前準備吃晚餐。

包卓顏： 個衰人又去搵嗰個八婆了？

葉玉梅： 佢係特首嚟架，邊個管得到？

包卓顏： 快啲離婚啦，好想同佢劃清界線。

葉玉梅： 離婚？邊有咁易啊？宜家仲要靠佢搞掂 ULG 單野。

包卓顏： 係你仲係到貪圖榮華富貴咋掛？

葉玉梅： 如果離婚，我即刻比人收監呀！但係呢單野，真係被你老豆利

用咗嚟孭鑊。

包卓顏： 都叫你唔好信佢架喇！佢宜家已經變成政治人渣了。

葉玉梅： 佢唔掂政治都係人渣。

第 3 場

時：日

地：劉伊倩公寓 內

人：包正義、劉伊倩

睡房內，赤裸上身的包正義在被子裡做着最後衝刺的動作，男女發出充滿情

慾的呻吟聲。包正義在衝刺一陣之後，疲憊地癱在劉伊倩的身上。劉伊倩一副享

受的表情，轉而表現為失望。

劉伊倩： 咁就完喇？射唔出嚟？

包正義沒有回答。劉伊倩把佢從身上退下來，嘀咕一聲。

劉伊倩： 無用。

劉伊倩坐起來，將枕頭墊在背後，打開電視機。

電視機傳來聲音（同時出現一些新聞畫面）：上任未滿一年的特首包正義再度遭

遇信任危機，被傳媒揭發其夫人葉玉梅收受 ULG 公司賄賂 3 千萬港元。（出現葉

玉梅出席活動的畫面）葉玉梅在出席一個慈善活動回應傳媒查詢時指……「葉玉

梅：我絕對，未有，收受所謂 ULG 公司任何一分錢。呢啲都係有人對我進行栽

贓嫁禍，我已經委託律師處理呢件事。」

劉伊倩聽到『絕對，未有』時笑了起來。

電視機聲音持續：……記者就此事查詢廉政公署，公署未有答复。立法會議員梁

四球國義指，將會聯合其佢議員提交議案，成立調查組徹底調查此事……

劉伊倩： 未見過好似你老婆咁蠢嘅女人，真係想唔通你睇中佢啲乜？我

有邊忽比唔上佢？

包正義一把摟過來安慰佢。

包正義： 正正係因為你邊到都比佢好，所以我先用千方百計要你做我秘

書咋嘛。

劉伊倩： 少哄我，你知道我要做嘅係特首夫人。講，幾時離婚？

包正義： 呢啲關頭我點可能離婚呀，你再等等。

劉伊倩： 呢啲關頭唔係正好踢走嗰件個老女人咩？我已經等咗兩年喇，

我唔等喇！

劉伊倩抓起桌邊的手銬銬住包正義的一隻手，包正義尷尬地賠笑。劉伊倩又

拿起另外一隻手銬，銬住另外一隻手，將包正義的手一邊一個銬在床頭上。劉伊

倩抓起皮鞭，包正義一臉討好的表情。

包正義： 女王，嚟啦。

劉伊倩用力向包正義身上打去，幾下之後，包正義咗右躲避。

包正義： 女王，饒命呀，放過我啦，

劉伊倩冷笑，抽得更使勁了，包正義惱了。

包正義： 你老母，你嚟真架？

劉伊倩不管，鞭子抽到包正義身上啪啪響，口裡念叨着。

劉伊倩： 離唔離婚？離唔離婚？……

包正義： 你個賤人，放開我！再不放開我嘅話，我隊臨你全家，比你真

正嘅『冚家鏟』！

劉伊倩將皮鞭使勁往佢臉上抽，包正義大叫不已。劉伊倩找來佢的襪子將佢

的嘴堵上，包正義只能發出嗚嗚的聲音。劉伊倩滿意，轉身關門離去。

第 4 場

時 日

地 劉伊倩公寓 外

劉伊倩公寓外景，時間飛速而過，從黃昏到夜晚再到白天（Time-lapse）。

第 5 場

時： 日

地： 趙大明氏集團大廈

人：司徒禮、保安

趙大明氏集團大樓巍峨高聳。一個穿着黑色伊斯蘭服裝、挎着袋子，戴着墨

鏡的人，頻頻來回張望，似乎在確定有沒有人跟踪。穿黑衣的人小心翼翼走進大

廈，拿下墨鏡問一個保安。

司徒禮： 呢到係咪趙大明氏集團？

保安被佢驚到，但點頭稱是。

保安： 請問，小姐你搵邊位……

司徒禮拿下面紗糾正。

司徒禮： 係先生。

保安： 請問先生，又有啲咩可以幫到你呢？

司徒禮： 幫我同趙大明先生講聲，話係司徒禮嚟搵佢。

保安點頭跑去打電話。

第 6 場

時 日

地 趙大明辦公室

人 趙大明、司徒禮

黑漆的房間裡有一枝黃光燈吊着，映照着那單座位的沙發和木棋盤。趙大明

的背影正點起口中的香煙，看着電視報道，而電視裡傳出特首選舉的廣告。趙大

明拿起中國象棋的「馬」掉向牆角，猴子敏捷地跑過去找棋子，然後走到趙大明

身旁遞給佢

趙大明： （普）「你是我的馬，我就是一隻炮。」猴子拍手笑了，趙大

明咧咀笑。

侍從推開門讓換裝後的司徒禮進去，司徒禮進去後侍立在一旁。趙大明拿起

一粒花生，餵給小猴，並不看司徒禮。

趙大明： （普）聽說特首不見了？

司徒禮： （普）是啊，明天就要開行政會議了，到處都找不到佢。

趙大明： （普）行政會議算什麼？星期五趙大明總理來訪才是大事。

司徒禮露出笑容。

司徒禮： （普）那是，我看明天的行會會亂成粥。

趙大明： （普）要是再找不到呢？

司徒禮： （普）可能要由羅馬嘉莉暫時代理特首負責接待。

趙大明不屑。

趙大明： （普）就佢？找你來代替都比佢強。

司徒禮眼前一亮。

司徒禮：…我……我真係做到特首？

趙大明打量打量佢。

趙大明： （普）這就要看你有多大的誠意和決心了。

司徒禮拍拍自己胖胖的肚皮。

司徒禮： （普）我的肚皮有多大，決心就有多大。

趙大明哈哈大笑，司徒禮也附和着哈哈大笑。

第 7 場

時 日

地 政府辦公樓

人 葉玉梅、劉伊倩

葉玉梅與劉伊倩走入政府辦公樓門口。

葉玉梅： 伊倩，我同你講，早係選舉嘅時候我就覺得佢兩個有唔妥，成

日都眉來眼去咁。於是我先派我細佬去跟踪嗰個狐狸精，嗰然

比我捉姦在床。

劉伊倩： 但佢點解仲可以做到政務司司長？

葉玉梅： 我份人氣量大，隻眼開隻眼閉。古時中國成功嘅男人有邊個唔

係三妻四妾呀？依家啲男人都係一樣，只要一日都仲係我坐正

就得。

劉伊倩： 其實……做特首夫人嘅感覺係點架？

葉玉梅： 我連發夢都無諗過做到特首夫人！

劉伊倩沉默。

第 8 場

時 日

地 羅馬嘉莉辦公室

人 羅馬嘉莉、馬嘉遠

羅馬嘉莉坐在扶手椅上，雙腳搭到辦公桌上，馬嘉遠靠在桌子的一邊看着

佢。

馬嘉遠： 呢個係千載難逢嘅機會呀，你諗下，依家無人搵到佢呀。

羅馬嘉莉： 邊有你諗得咁簡單呀？！

馬嘉遠： 唔係喎，你諗真啲真係差一步咋喎。

羅馬嘉莉： 但亦可能會一無所有，我哋？輸唔起……

第 9 場

時 日

地 羅馬嘉莉辦公室門口

人 葉玉梅、劉伊倩

葉玉梅與劉伊倩走到羅馬嘉莉的政務司長辦公室門口，葉玉梅拉住劉伊倩。

葉玉梅： 一陣見到嗰個狐狸精唔好怯呀，依家無得怯，忍屎忍尿都要同

我頂埋佢。

劉伊倩點頭。

第 10 場

時 日

地 羅馬嘉莉辦公室

人 葉玉梅、劉伊倩、羅馬嘉莉、馬嘉遠

葉玉梅氣憤地撞門而入，劉伊倩跟在後面。羅馬嘉莉和馬嘉遠一驚。

葉玉梅： 呀包又死咗去邊到呀？

羅馬嘉莉站起來，摁滅煙。

羅馬嘉莉： 呀特首夫人，據我所知，呢棟樓無『失踪人口組』喎，你搵邊

位呀。

葉玉梅： 你細佬都在場，不如唔好再兜圈，三口六面講清楚。

馬嘉遠： 包夫人，咁咪三口六面講溝楚囉，但你最好自己諗清楚個後

嗰。

葉玉梅： 你哋做得出我就唔怕講。羅馬嘉莉，有人見到呀包失踪前同你

一齊，你有咩解釋？

羅馬嘉莉： 劉秘書，當時你都係到。你睇到我挾住特首咩？

劉伊倩： 我…我…我咩都唔知呀。

葉玉梅： 雖然無直接證人，但你始終都係擺脫唔到嫌疑。如果包正義死

咗，你咪可以名正言順坐上呢個位囉。你夠膽講自己一啲動機

都無咩？

馬嘉遠： 包夫人，崩口人忌崩口碗，我睇你都係無謂再講多錯多，萬一

告你誹謗，你又多單官司上身架喇。

葉玉梅： 馬議員，你哋心入面打嘅如意算盤我一早知道，但唔好唔記得

你哋每個人都有把抦係我手，羅馬嘉莉，你同呀包嘅野我永遠

都記得，小事一椿但已經夠拉你落台。

羅馬嘉莉： 講，你其實有咩要求？

葉玉梅： 你唔能夠做特首。

馬嘉遠頓感震驚，羅馬嘉莉嘆了口氣。

葉玉梅： 仲有……

馬嘉遠和羅馬嘉莉、劉伊倩都盯住佢。

葉玉梅： 不理呀包係唔係你到，依家你做代任行政長官，你就要搵返佢

出嚟，唔理生又好死又好，真定假，總之就唔可以無咗佢。

馬嘉遠： 咁未免太難喇掛。

葉玉梅不容置疑。

葉玉梅： 我比三日時間你，特首唔係放到好耐病假架咋。

說罷，走出辦公室，劉伊倩在後面跟着。

第 11 場

時 日

地 政府辦公室

人 葉玉梅、劉伊倩、趙大明

劉伊倩追上葉玉梅：玉梅姐，你好有氣勢呀！

葉玉梅： 被人迫得你走投無路嗰陣，就自然會有勇氣架喇。

趙大明迎面走過來，與葉玉梅、劉伊倩擦肩而過。

葉玉梅： （望着趙大明的背影）趙大明公公咁錯蕩呀？

第 12 場

時 日

地 羅馬嘉莉辦公室

人 羅馬嘉莉、馬嘉遠、趙大明

羅馬嘉莉在辦公室裡叨着煙踱步。

馬嘉遠： 呢個癲女人根本就係要搞到我哋唔嗲唔吊！

羅馬嘉莉： 我早就知道佢會嚟呢到數我架喇。

馬嘉遠： 我哋點都要做返啲野對付佢掛？

羅馬嘉莉： 我最擔心嘅唔係佢。

趙大明直接推門而入，羅馬嘉莉見後，隨即滿臉笑容，上前迎接。

羅馬嘉莉： （普）趙大明主任光臨，敝處薘華生輝啊！

趙大明： （普）你老公的名字就是羅生輝吧！

羅馬： 是的，但佢那次不是有心的。

趙大明： （普｜擺擺手）事情已經過去了，我來只是告訴你別想着搞掉

包正義，你便可以做特首，要做特首先過我趙大明這一關。

馬嘉遠： （普｜插嘴）趙大明主任，請聽我講…

趙大明： （普｜抬起手拒絕）你輩份還不夠。

羅馬嘉莉： （普上前坐在趙大明主任的大腿上撤驕地）趙大明主任啊…

趙大明： 推開羅馬說：你以為我像包正義一樣見洞就鑽嗎？

羅馬一呆，面色失清，趙大明揮袖而去。

馬嘉遠： 姐夫唔係已經向佢道咗歉喇咩？

羅馬嘉莉： 如果道歉有用，咁權力要嚟做咩？

馬嘉遠： 我哋只可以坐以待斃？

羅馬嘉莉： 我哋有本事羸咩？

馬嘉遠： 咁我吩咐啲細去搵嗰個含家剷啦。

第 13 場

時 夜

地 上環別墅

人 劉伊倩、包正義

上環別墅夜景，卧室的門輕輕被推開，身着性愛裝束和皮褲的劉手持一條皮

鞭，甚有女王風範。

劉伊倩： （嬌情）Daring，我嚟喇，你係邊呀。

包正義背着倒在床上，一動不動。劉上前檢查，包的眼睜得很大，臉部發紫，

全身崩緊。

第 14 場

時 夜

地 禮賓府

人 劉伊倩、守衛

一輛的士在禮賓府門前急停。劉跟守衛打了一下招呼便進去。

第 15 場

時 夜

地 政府辦公室

人 羅馬、保安局局長、財政師、律政師、警處處長

政府大樓外可以看到這房子着了燈。

羅馬嘉莉走來走去，其他西裝男圍在桌前。

羅馬嘉莉： 好快就會有中史嘅官員落黎香港。

保安局局長： 唔可以公開搵，咁樣我哋保安局好難做喎，劉仔你又有咩辦法

呀？

警處處長： 如果調動警力調查特首失蹤會令傳媒懷疑，會好大件事。

律政師： 律政恐怕幫唔到大家手。

羅馬嘉莉： （盯着財政師）財爺呢？

財政師： 咁啲又唔係錢嘅問題！當務之急都係你做住先啦。

羅馬嘆氣： 我都解決唔到架。

保安局局長： 如果今次真係搵得返包特首係邊，我哋到時整個複制人啦，以

後唔洗周圍搵。

其佢人都在大笑，羅馬獨自所思。

第 16 場

時 夜

地 禮賓府

人 葉玉梅、劉伊倩

葉玉梅與劉坐在飯桌前。

葉玉梅： （給劉倒了杯茶）飲茶，呢啲係雨前龍井，我嘅最愛。

劉伊倩： （尷尬地喝了一口）聽講 ICAC 調查緊你單案喎。

葉玉梅： 又係羅馬嘉莉做嘅好事？

劉伊倩： 仲可以有邊個喎。

葉玉梅： （氣憤）包正義唔見咗幾日又出黎搞事！

劉伊倩： 佢哋沒有放你在眼內呀！

葉玉梅： 早知道上次就一下置佢於死地。

劉伊倩： 你依家仲有呢個機會呀！

葉玉梅： 你係話……

劉伊倩： 你唔係仲有樣殺手鐧咩？

第 17 場

時 日

地 羅馬嘉莉辦公室

人 葉玉梅、劉伊倩、羅馬嘉莉、馬嘉遠

葉玉梅闖誰羅馬的辦公室，劉一直在其後緊跟。未等羅馬開口，葉玉梅把一

個公文檔「啪」一聲大力地掉在佢桌上，一疊相片飛出英在羅的桌上。

葉玉梅： 羅夫人，你知道呢啲事情曝光會點嗎？

羅馬嘉莉： 包太太，大家坐埋同一條船，架船沉咗，對大家都無咩好處。

葉玉梅： 嘅然你知道，就唔好搞咁多小動作。

羅馬嘉莉： 我已經好努大搵緊特首，你仲想點？

葉玉梅： 努力？咁人呢？

羅馬嘉莉： 依家係大海撈針，邊有咁易？

葉玉梅： 心懷不軌就真。

羅馬很生氣拿起桌上的相片一一撕爛，葉玉梅上前與佢爭奪。

馬嘉遠： （在兩人爭吵中，裹推門而入）我搵到喇！

第 18 場

時 日

地 赤柱監獄 監倉裡

人 梁四球、龍狗、阿武、老段、紅毛、阿三、阿四、關押犯一、關押犯二、關

押犯三、關押犯四、關押犯五、關押犯六、關押犯七、關押犯八、關押犯九、關

押犯十、獄警一、獄警二

赤柱監獄，監獄內景，監獄內的人各自在自己的圈子裡玩，有的玩啤牌，有

的在下象棋。龍狗從床下拿出一個盒子，抽出一些新煙的煙絲，放在煙紙上

再加上一個咬過的煙嘴，把煙絲平均地鋪上，然後放近自己的嘴巴，用口水

把紙弄濕。全頭紅髮的紅毛和阿三阿四在玩十三張。

紅毛揭牌： 三條 King 呀！

阿三： 紅毛哥玩曬喇，今鋪又係金剛！

阿四： 我已經輸淨條底橫咋。

紅毛： 知道我嘅厲害未呀？

紅毛起身伸懶腰，轉身看到龍狗正在捲煙，而床上已經捲好了兩枝。紅毛望

着龍狗整個舉動，看了一陣，然後一手把龍狗剛捲好的第三枝搶過來，搶到

後大笑起來。龍狗還未來得及比反應，看到紅毛在大笑才發出「嘿、嘿」的

咬牙聲。想要把煙拿回來，但是紅毛又戲弄佢。龍狗的聲音吸引入遠處在下

象棋的阿武和阿段的注意。武起身，慾上前阻止紅毛的舉動但被梁四球阻

止。

梁四球： （向紅毛說）聽講你啲賭術都唔錯，有沒興趣玩返鋪？

紅毛： （自大）：賭啲咩？

梁四球指一指紅手上的兩飛煙。

紅毛： （不屑）你呢？

梁四球看了阿武一下，阿武從底褲中取出一個鐵盒給梁四球，梁四球拿到後

晃動了數下。

第 19 場

時 日

地 赤柱監獄 監倉裡

人 梁四球、龍狗、阿武、老段、紅毛、阿三、阿四、關押犯一、關押犯二、關

押犯三、關押犯四、關押犯五、關押犯六、關押犯七、關押犯八、關押犯九、關

押犯十

梁四球與紅坐在上下床的下層對賭，單牌正在兩人中間的床上空位，眾人圍

觀。梁四球開牌，一隻「8」。紅開褲，一隻「10」。紅毛繼續發牌，佢在切

牌時梁四球似乎看出佢的落行，微笑了一下。紅毛發完牌，將牌用手捂住，

被汙睇出佢有其實從衫中偷換牌。

梁四球： （一掌用力拍枱並大叫）咪郁！

紅毛一驚，不敢郁動。梁四球伸手向前，把紅毛的雙手撥開，紅毛一隻手仍

壓着牌子，但被梁四球一下把所有啤牌搶過來。

梁四球： （用手指數住從紅毛手上拿來的啤牌）一隻，兩隻，三隻、四

隻！

眾人在梁四球數到第四張時大呼倒彩。

阿三： 原來你一直都係到呃我哋！

阿四上前扯住紅毛的衫領，但被紅毛一手打開。

梁四球： （上前解圍）各位先等等，等我問問佢。

梁四球： （走到紅毛面前說）你願唔願意比返啲野大家？

紅毛： 係佢哋甘心情願輸比我架！關我咩事？

阿三阿四已經引唔住火，但被梁四球阻擋了。

梁四球： 咁你搶龍狗嘅煙呢？

紅毛： 呢個不嬲都係弱肉強食嘅世界

梁四球： （脫掉外套站起來）好，弱肉強食呀嘛？

阿武慾上前幫手但梁四球阻止

梁四球： 一對一好，廢時比人話我哋大恰細。

梁四球一手扯爛底衫露出背上的老虎紋身。紅毛不甘示弱脫去上衣露出一頭

獅子的紋身。紅毛先出手，慾強取梁四球的下體部位，想先發制人，但被梁

四球識破用大腿內側夾住佢的手。梁四球取得上風，幾下攤、擋、伏已經打

得紅毛在地下。眾人拍手，此時遠處傳來腳步聲，獄警走到來說：典獄長到。

梁四球感到詫異，而紅毛看到希望。

第 20 場

時 日

地 監獄走廊

人 梁四球、獄長、獄警一、獄警二、獄警三、獄警四

梁四球帶住手銬和獄長走在一起，後面跟住的是 4 個持槍的獄警。獄長走到

走廊中間，對其中一個獄警做了招手手勢，獄警上前為梁四球解銬。獄長揮

一揮手命獄警們離開。

獄長： （搭住梁四球的肩，邊走邊）老四呀，呢到詔得開唔開心呀？

梁四球： 如果有女人陪就好了。

獄長： 你返返出去就搵個好女人結婚囉，唔好再打打殺殺喇，幾廿歲

人喇，係時候安安穩穩咪算囉。

梁四球： 仲有成七年，到時生到仔再算啦。

兩人走到一房間前，獄長停下拍拍梁四球的肩

獄長： （微笑）入去啦，有人等緊你。

梁四球一臉不解。

第 21 場

時 日

地 監獄長辦公室

人 羅馬嘉莉、馬嘉遠、梁四球

梁四球敲了敲房門，沒有人反應隨推門而入。佢聞到大浸香水味﹐很興奮，

面前戴帽子的羅馬除下眼鏡對佢一笑。

梁四球： 那到都會有靚女？

馬嘉遠： （上前和梁四球握手）我是立法會嘅馬嘉遠議員。

梁四球： （望一望佢就不屑理會，走向羅馬面前伸出手）在下梁四球，

好高興能夠認識…

羅馬伸出手和佢握了兩下

馬嘉遠： （走上前介紹）呢位係政務司司長－羅馬嘉莉。

梁四球： 政務司係咩野嚟？

羅馬嘉莉： （上前坐在特首大腿上）嘔好扮野喇特首，唔認得我喇？

梁四球： 特首我都有聽過下，就係香港依家嘅大佬呀嘛！

羅馬嘉莉： （立即親了梁四球一下）你終於記返起喇。

馬嘉遠立即步離房間，並鎖上門。羅馬用手掐住梁四球的下體部位，梁四球

一手把羅馬推到桌上，壓下佢並解掉羅馬的所有衣服。從門外聽到男女的呻

吟聲。

事畢，梁四球問羅馬：但我根本就唔係嗰個咩特首。

羅馬嘉莉： 我話你係…你就係！

羅馬嘉莉： （拿起一張紙）從今起你就叫包正義，現任嘅行政長官，以後

篆名寫個包字就得喇。

羅馬嘉莉： （把頭哄近梁四球的面）你要記住，再無梁四球呢個人。

梁四球拿起筆草草地簽上一個「包」字。

第 22 場

時 日

地 禮賓府 內

人 葉玉梅、劉伊倩、羅馬嘉莉、梁四球、包卓顏

梁四球穿西裝打領呔，像個明星似的展示，幾個女人圍住佢。

葉玉梅： 生得又真係幾似呀包喎！

劉點點頭： 係幾似啵。

包卓顏從旁走過，葉玉梅拉拉着包卓顏。

葉玉梅： 似唔似你老豆呀？

包卓顏： 個樣唔只生得似，如果連個道行都似，你就執到喇。

梁四球一臉漠然，羅馬一臉不屑。包卓顏沒有理會便徑自離去。

第 23 場

時 日

地 禮賓府

人 葉玉梅、劉伊倩、梁四球

（蒙太奇）葉玉梅與劉伊倩輪流教導梁四球禮儀、姿勢、說話腔調。梁四球

故作認真在學，但是不時調戲他們，逗得他們大笑。

第 24 場

時 夜

地 禮賓府

人 梁四球、劉伊倩、包卓顏

陽光射入房間，可聽見窗外的鳥叫聲。梁四球坐在書桌前，十非專注地掀書。

劉悄悄走過來，梁四球並沒有發現。劉俏俏走到佢身後，發現佢很認真地看

一本封面有裸女的書，像《龍虎豹》。

劉伊倩： 呢本咩嚟架？

梁四球： （把書本合上，背面朝上故作鎮定）噢，作為特首要了解下唔

同行業嘅動能嘛！

梁四球被劉的超性感衣着吸引，上下掃視佢的身材。

劉伊倩： （從胸中取出手帕擦梁四球的額頭）唔好太辛苦喇，你睇下你

個頭油立立。

劉伊倩的一對波在梁四球的眼前晃來晃去，看到深深的乳溝，梁四球興奮不

已，目不轉晴。

劉伊倩： （邊玩弄頸上的項鍊，另一隻手在自己的胸前遊走，撒驕語氣）

人地嚟咗咁耐，都唔請人坐。

梁四球： （站起來讓座）坐呀坐。

劉的珍珠項鍊散落一地。劉低身去捨，背對梁四球，露出佢粉紅色的蕾絲邊

底褲及白滑的屁股，看得梁四球血胍沸騰。劉捨起一堆珍珠並站起來，作狀

暈倒，梁四球上前一手抱着佢的腰。兩人四目相交，梁四球一下子吻下去劉

的嘴上。包卓顏突然開門進來，不屑地看了佢倆一眼。兩人分開。

包卓顏： （拿起一本書）你係嚟做特首定係嚟溝女呀？

包卓顏轉身離去，兩人呆了。

第 25 場

時 日

地 禮賓府 飯廳內

人 梁四球、包卓顏、葉玉梅

葉玉梅、梁四球和包卓顏在飯廳吃早餐。

葉玉梅： （狼吞虎嚥地叫了半份三文治，留下了半個）等陣趙大明公公，

唉唔係，趙大明主任要嚟，我去換件衫先，你哋都快啲食。

葉玉梅抹抹嘴便離開飯桌，餘下兩人在埋頭食野。

梁四球： （抬頭）琴日嘅野，對唔住。

包卓顏： 唔使同我講對唔住，你對唔住嘅係 700 萬嘅香港人，佢哋有份

出糧比你架！

梁四球： （沉默一下，然後又講）你都係 700 萬分之一嘛…

包卓顏： 受唔起，做好你份工先啦，趙大明公公就快嚟到喇。

梁四球： 趙大明公公又係邊個？

包卓顏： 慈禧身邊嘅李連英。

梁四球： 慈禧又邊個呀？

包卓顏一臉鄙視。

梁四球： 講笑啫，慈禧咪清朝嗰個呀婆囉。

包卓顏偷笑了一聲出來。

葉玉梅： （換完衫的葉急忙走到門口）嚟啦嚟啦。

第 26 場

時 日

地 禮賓府

人 劉伊倩、葉玉梅、梁四球、趙大明、猴子、禮賓府侍從甲、乙、兩、丁

一架賓利慢慢駛進禮賓府。下來兩個保鑣，保護着趙大明。從車前坐下來的

一個保鑣，佢手上捧着一個身穿西裝，打領呔的小猴子。捧猴子的保鑣戴着

太陽眼鏡，顯得氣宇軒昂。葉玉梅拉着梁四球往前走，葉玉梅對小猴子鞠躬，

佢彎下身子時向梁四球打了一下眼色，示意梁四球跟着做。梁四球沒有理會

佢，徑自走向前，吹口哨撩小猴子，從口袋中摸出一粒花生喂猴子吃。小猴

子一手拿來並吃掉，梁四球用手摸摸猴子沒有被帽蓋着的地方。旁邊的人、

包括葉玉梅和趙大明都嚇了一跳，而站在後方的卓顏也感到好奇。梁四球吹

了一口口哨，猴子便跳上了佢的肩上。趙大明憤惱了，命令前面的保鑣把小

猴子拿回來。葉玉梅欲跨過台階，拉着梁四球上前準備向趙大明道歉。趙大

明一臉不爽，自己往前走。梁四球主動伸手，趙大明故意慢吞吞走，等數秒

才伸出手。梁四球偷偷用力一拉，把趙大明迎面捽在地上。周圍的人顯得很

緊張，站在後方的卓顏看到這一幕也笑了。

梁四球： （故意作無奈的表情）唉呀唔好意思喇，地下太滑。

趙大明自己瓟起來，憋紅了臉。

第 27 場

時 日

地 禮賓府內的宴客廳

人 劉伊倩、葉玉梅、梁四球、趙大明、猴子、禮賓府侍從一、二、三、四

宴會廳略小，但人眾多又未開冷氣，故趙大明感悶熱。

葉玉梅： （自言自語）冷氣機真係壞咗呀？

梁四球得意，包卓顏在暗笑。仆人端上茶來，眾人拿來即飲，傳來舒爽的叫

聲。趙大明的茶飄出熱氣，趙大明等不及開蓋即飲，燙到舌頭。

趙大明： （普）這茶怎這麼燙。

梁四球一臉無奈，包在後方暗笑。

趙大明： （扭正領呔｜普）特首這段時間不見了，去了哪呀？

梁四球： （裝作一臉茫然）我之前撞親個頭，依家聽唔明普。

趙大明： （一臉不爽）我都聽不懂你們的鳥語。

葉玉梅： 阿顏普唔錯架，可以叫佢嚟翻一翻譯。

包卓顏點點頭。

趙大明： （繼續追問）作為特首，之前不見了蹤影一定要結一個交待

呀！

包卓顏翻譯了一遍。梁四球未答，眼看着趙大明的下體。

梁四球： 趙大明主任，你拉鏈未拉。

趙大明即刻低頭看一看，招來一個保鑣把眾人的視線擋着，然後自己拉好褲

鏈。包卓顏掩咀偷笑。

趙大明： （拉上拉鏈翻譯）中史領導的方向，特區政府做好準備了嗎？

梁四球： （未等包卓顏的翻譯，梁四球對住包卓顏）：呢條友講野咁似

女人嘅？

趙大明： （面露難色，但未發作，繼續問）保安措施係重中之重！

梁四球： （梁四球對包卓顏）佢究竟係咪基佬嚟架？

包卓顏想笑又不敢笑。

梁四球： （自言自語）怪唔得佢嘅花名叫趙大明公公啦，唔知係咪真係

無 Jer Jer 架呢？

趙大明氣得幾乎跳起來，而在旁的包則掩咀偷笑；葉玉梅不知所措。

趙大明： （趙大明指着梁四球）你、你、你這個王八蛋！

趙大明： （轉身）我們走！

葉玉梅： （焦急地走來走去）哎呀，大鑊喇今次！

包卓顏終於忍不住，哈哈大笑，梁四球一臉得意。

第 28 場

時 日

地 車內

人 趙大明、保鑣一、二、司機、猴子

（全普）

賓尼在路上行駛。

趙大明： （非常生氣）包正義，我要殺了你。

眾保鑣一聲不發，在保鑣手上的猴子也嚇得發抖。

趙大明： （聲音柔和起來）把 Wendy 抱給我。

保鑣把猴子遞給趙大明。

趙大明： （摸一摸猴子，自言自語）今天爸爸被欺負了，你長大後要幫

爸爸報仇，知不知道？

保鑣： （坐在前排，擰轉頭）趙大明爺，有一件事情不知道該不該說。

趙大明： 說吧。

保鑣： 我覺得這個人不是以前的特首。

趙大明： 為什麼？

保鑣： 我遁得以前包特首咗臉是沒有痣和雀斑的。

趙大明： （疑神想了一陣子）馬上通知小王和司徒禮，徹查此人。

趙大明： （自言自語）無論你是誰，你都得死。

第 29 場

時 日

地 禮賓府

人 梁四球、包卓顏

梁四球與包在禮賓府散步。

包卓顏： 從來都未見過趙大明公公係人前出咁多醜。

梁四球： 咩人人都好驚佢咩？

包卓顏： 係呀，連我老豆都怕佢幾分。

梁四球： 其實…你老豆係咩人嚟？

包卓顏： （嘆了一口氣，然後說）我老豆同我老母係英國留學嗰陣識嘅，

佢哋返嚟香港好快就結婚仲有咗我。而我老豆係我老母嘅幫助

下開咗一間會計師樓，係嗰到賺咗第一筆錢受識咗好多政府高

官。而老豆都幫佢哋逃稅因此合作無間。無論大陸、台灣定日

本都有佢嘅分公司。後來政府同佢招手，做咗幾個委員會主席

同代表，慢慢就開始從政。但自此老豆就愈嚟愈少返屋企，出

面養埋唔少女人，老母會同佢反面都係人之常情。加上佢一早

搵咗一班律師團隊分曬老母嘅財產，有名有利就吸引埋趙大明

公公搵佢幫手，做做下就做到今日特首呢個位。

梁四球： 做佢嘅女，都好慘下喔。

包卓顏陷入傷感。

梁四球： 但你一啲都唔似佢個女囡嘅。

包卓顏： 其實我 8 歲前都係鄉下外婆湊大我，未必餐餐吃飽，但快樂通

通都有。依家有時見到啲公公婆婆都會諗返起佢哋。

梁四球： 咁佢哋依家…？

包卓顏： 過咗身。

包望一望遠處。

包卓顏： 我講完喇，咁你呢？

梁四球： （自言自語）我都好耐沒見我老母喇。

包卓顏： （笑笑地）暫且放過你啦，等遲啲一切都搞掂曬你再同我講

啦。

梁四球： 過多幾日，我應承你。

第 30 場

時 日

地 禮賓府後門

人 梁四球

天微明。

易妝易容的梁四球從禮賓後門離開。

第 31 場

時 日

地 地鐵站

人 梁四球

梁四球在東鐵線等車，車來，開門，上車。地鐵上的人都在低頭看手機，沒

人注意佢。梁四球在大埔墟站下車。

第 32 場

時 日

地 街市 內｜外

人 梁四球、小販

梁四球在嘈雜的街市內走來走去，佢先後跟燒肉檔、魚檔、菜檔的人討價還

價，然後成交。梁四球拿着東西，高興地走出街市。在街市外，看到一個賣

頭飾的檔，佢買了一個有蝴蝶款的髮夾。

第 33 場

時 日

地 某鄉村

人 梁四球、阿牛

梁四球拿着膠袋走在村路上。佢四處張望村子的變化，顯得挺好奇。一個村

民近面走來，梁四球向佢打招呼。

梁四球： 阿牛！

阿牛： （抬頭）老四？好耐沒見喇！

梁四球： 係呀，咁啱經過。

阿牛： 近排你媽媽有啲唔妥啵。

梁四球： （急步地離開走）唔該。

梁四球腳步加快，經過一條滿佈雜草的小路，去到一間殘舊小屋前便猶豫卻

步。

第 34 場

時 日

地 舊屋前

人 梁四球、二柱、二柱老婆、五妹、梁阿婆、阿牛

梁四球在猶豫前進興否，忽然門打開，梁四球立即轉身離開。五妹與二柱老

婆從門口出來，五妹看到梁四球的背影。

二柱老婆向五妹說：點解啱啱有個男人企係到嘅，呀但呢個人個背易咁熟嘅…

梁四球聽到二柱老婆在說自己，更沒有臉回家，腳步加快。

阿牛： 哎老四返嚟一陣就走喇？

五妹： （驚訝）嗰然係四哥。

五妹： 往屋裡大叫：媽，二哥，四哥返咗嚟呀！

五妹： （向着梁四球呼喊着，一邊跑過去）四哥！…四哥！…四哥！

梁四球： （剛買的髮夾從口袋中掉了出來，五妹拾起）買比我架四哥？

好靚呀。

梁四球停下來，轉身點點頭，五妹抱上前攬着四哥，梁四球不知所措。五妹

拉着梁四球的手走到屋前。二柱從遠方看到梁四球的樣子，不理不睬。二柱

從屋中跑出來，手拿着一張摺登準備用力掉向梁四球，五妹鬆開四哥的手跑

上前攔住。

二柱： 你將老豆激死咗，仲有面目返嚟？

梁四球一聲不發，低下頭，阿牛仍在遠處觀望。

五妹： 二哥，其實…

二柱： （打斷五妹的話）你仲幫住佢？

二柱老婆： 老四，咁多年嚟你都不務正業，淨係想盡方法呃我哋嘅錢，連

我同呀柱買樓啲錢都偷，呢段時間我哋係捱得幾咁辛苦呀？我

哋諗過你係出面死咗佢算，以後唔好返嚟。

二柱： 你返嚟做咩？仲想呃錢定係想連阿媽都激死埋呀？

一陣「躂躂」的木棍敲地聲從屋裡隨出，由遠到近，梁四球阿婆從屋中慢慢

走出來。

梁四球： （望着媽緊閉的雙眼｜輕聲）媽！………你點呀？

五妹： 同老豆一樣，嚟唔切送去醫院，出院之後就睇唔到、聽唔到。

梁阿婆： （吞吐地）呀四、呀四

梁四球： （目不轉晴，跪地）媽，係我唔好，無好好照顧你。

梁四球阿婆準備上前，但二柱擋住。

二柱： （向老婆說）扶呀媽返入屋先。

二柱老婆把梁四球阿婆扶入屋內。梁四球在地上跪了三個頭，鏗鏘有聲，站

起來擦去淚水。

梁四球： 媽，等我出人頭地，我會返嚟好好陪你。

二柱目無表情地站在門外看住梁四球。

梁四球： （把一卷錢交到五妹手上）好好睇住呀媽。

梁四球轉身離去、五妹欲上前追，但被二柱喝住。

第 35 場

時 日

地 小巴上

人 梁四球、小巴乘客

行駛的小巴上，梁四球坐在窗前的位置，入神地看着窗外。

第 36 場

時 日

地 大趙大明墟火車站

人 梁四球、街站義工、行人

大埔墟站稀來嚷往。街站義工身着「梁義雄議員辯事處」的背心在街上派單

張。一邊派發一邊對行人說：「請支持全民退休保障」

梁四球： （從一旁經過，一個街站義工上前向佢派發單張）先生，請多

多支持全民退保呀！

街站義工： （仔細地望了望梁四球）先生，先生…你都幾似特首喎！

梁四球笑了笑。

街站義工： （拿出手機）可唔可以同你影返張相呀？

梁四球： （急腳離開）我唔得閒。

街站義工： 記得叫身邊更多人支持全民退保呀！

梁四球一邊離開一邊注視單張，若有所思。

第 37 場

時 日

地 特首辯公室

人 梁四球泗球、劉伊倩

梁四球身穿黑色踢死兔西裝，衣領上的是一條藍色領呔，頭髮梳得貼服，架

上一幅 effector 的 fuzz blast 黑框眼鏡，端坐在桌前辯公。劉端茶推門而入，

穿得性感火辣，短裙長靴，白恤衫的領口開得很低，可以清楚看到佢的半邊

胸部。劉伊倩用口吹冷熱茶，走到梁四球桌前，咬了一下咀唇。

劉伊倩： 溫度啱啱好。

劉伊倩： （向梁四球方向俯身，胸部對準梁四球的眼前）特首，飲返杯

茶先啦，人地就嚟凍曬喇。

劉將茶遞向梁四球的咀邊。梁四球的眼晴注視在劉的胸部。突然電話響起，

清脆的聲音嚇得梁四球打了一個冷震，撞倒了半杯茶。

劉伊倩： （衝忙地把茶放下，走回去自己台前拿起電話）喂？係…包特

首依家唔係到，有咩可以講低我轉告返比佢聽。係…清楚…

好…掰掰。

梁四球坐好，整理衣服，劉跑過來從乳溝中取出紙巾幫梁四球抹掉褲上的茶

漬。劉伊倩故意抹向梁四球的褲浪，梁四球用手擋住，搶掉紙巾。

梁四球： 我自己嚟得喇。

劉伊倩： （繼續用手輕逗梁四球的褲浪，梁四球用另一隻手擋住）以後

返工都好着返得體啲。

劉一面尷尬，把恤衫扣上。

梁四球： （劉伊倩拿着茶杯轉身離開，梁四球追問）係呢 Sindy 呀，你

父母幾大呀？

劉伊倩： （轉身回應）都 6、70（歲）架喇。

梁四球： 香港嘅老年人口有幾多？

劉伊倩： 應該都有近 35 萬人到呀。

梁四球： 35 萬…咁…前日你同我講話庫房仲有幾多錢淨話？

劉伊倩： 8 千億囉。

梁四球一邊點頭一邊若有所思，劉伊倩一臉困惑。

第 38 場

時 日

地 車內

人 司徒禮、司機

一輛賓士在路上行駛車內坐着司徒禮，正逍遙地聽着電話。

司徒禮： （普通話）報告趙大明總，我有重大的發現，你叫我派人查…

不不不…我自己查到現在的特首可能是假的，雖然還沒有搞清

楚佢從哪來…是的是的…好…好好…大人放心，我會辦好的。

司徒禮： （關掉手機）去立法會。

第 39 場

時 日

地 立法會會議

人 梁四球、梁義雄、黃益民、石禮千、李惠瑩、陳敬業、建制、泛民議員、秘

書

特首問答會。

秘書： 立法會主席。

司徒禮： （議員起立，司徒禮步上主席台）議員請就坐，有請特首包正

義。

會議廳另一側門打開，記者在拍照，聽到出面有呼聲和口號聲，梁四球步入

立法會廳。見特首步入，泛民議員紛紛坐下。

黃益民： 包正義落台！斗察包正義！

梁義雄： （舉着醜化的包正義頭像，高呼）我要真普選，包正義落台！

陳敬業： （舉着一個牌，牌上有一個卡通人頭抱住蕃薯，更寫着「包正

義番薯，正一去食屎」並站起來大呼）政府唔民主，不如去食

屎！

司徒禮： 議員請安靜。

梁四球在發言台前停下，望看泛民，看到黃益民等人一臉憤惱。

梁義雄： （走上前伸手與黃益民扼手，黃見狀一面困惑，大叫）狼狽為

奸賣港賊！

梁四球顯得尷尬，收回手，在場不同派別議員細語。梁四球轉身，黃益民繼

續大嗌

黃益民： 坐返去你個寶座到啦！

梁四球無奈走到發言台前，司徒從台上走下來，對梁四球全身打量了一下。

司徒禮： （伸出手）幸會、幸會。

梁四球由驚訝轉為微笑，捏住司徒的手，大力握下去。司徒禮痛得咬牙切齒，

連忙收手走回主席台。

司徒禮： 依家進入問答環節。

王仁健舉手，主席揮手讓佢站起來

王仁健： 主席，特首好似係要講咗野先。

司徒禮： 廢話唔好多講，直接進入問答環節。

梁四球無奈地笑了笑。

司徒禮： 黃益民議員。

黃益民： 本職兩年前就講過，狗賊包正義不仁不義，賣港求榮，佢上台

一定會令香港陷入一片混亂，社會只會進一步撕裂，矛盾加劇。

包正義呢個人狼心狗肺，一再刻意醜化香港嘅國際地位，打壓

香港創意產業，漠視民生，更破壞香港一直以嚟嘅廉政同政治

管理。

王仁健舉手但司徒禮未有理會。

司徒禮： 議員請你盡快詢問特首問題。

黃益民： 包正菟上台兩年施政一無是處，狗屁不通。每每暴發醜聞就有

班建制派護航，揸船咩？你哋建制派所有議員先係禍港嘅溫床

呀！

王仁健又舉手，司徒禮無視王仁健

司徒禮： 黃益民議員請問你嘅問題。

黃益民： 包正義，你聽清楚喇，十八層地獄留咗個好大嘅位比你呀，你

幾時會去死呀？

梁四球顯得略有尷尬。

司徒禮： （偷笑）請特首回答。

梁四球： （吸了一口氣）人生不過一場夢，何苦咒人憂斷腸。黃益民議

員，我祝你身體健康、長命百歲。我若嗰真係做咗啲咩傷天害

理嘅事，都唔洗你操心，上天自有安排。

司徒禮： 梁義雄議員。

梁義雄： （揮動手上的公仔）包正義，我係同你追數嘅。你競選時嘅殃

綱唔知你仲記唔記得呢？至今都無一樣實現到。我唔為難你，

比幾個選擇題你自己揀，一係 2017 雙普選、一係標準工時、

一係你嗰筆 LTG 受賄案、一係全民退保，你自己揀啦！你係

一個人嘅話，就咪咗借啲以走佬，老老實實講清楚。

司徒禮： 請特首回答。

梁四球： 多謝梁四球正義議員對本屆政府嘅工作嘅關心。雖然以往我嘅

同事都作過多次說明，但相信有部分問題依然唔清楚。我係呢

到可以再略講多次，關於雙着選嘅問題，呢個唔單只係本屆政

府嘅責任，亦係萬千香港人嘅事，而我會盡量努力達標，至於

標準工時嘅問題，本屆政府正同專家研究緊，而我自己嗰單案

已經交有 ICAC 調查所以我無權過問。最後嘅全民退保，呢個

係一個好複雜嘅問題，政府內部都仲係商討緊，不過我保證明

年政府會撥出 100 億成立基金，以及推出相應嘅措施。

建制派議員紛紛細語，感到驚訝，要求發言。

司徒禮： （司徒禮感驚訝，亂指住梁義雄大喝）梁義雄議員，收返埋你

個公仔。

梁四球被打斷發言，沒有再說下去。

司徒禮： 我哋繼續，依家輪到石禮千議員。

石禮千： 特首，你以上講嘅野應該無係行會上面講過吧？你嘅言論難道

唔成通過行會嘅決定？

梁四球： （對石禮千微笑）石議員，嗰次你同李惠瑩議員飲大咗（在席

的李惠瑩面紅），沒出席到。另外，根據基本法規定，行政長

官嘅決定唔需要經過行會呢個顧問團隊嘅批准。

石禮千： 咁即係行會成員可有可無遮！

梁四球： 我再重申，我無講過，我只係話行會嘅目的係為行政長官服務

同比意見，行會成員都要認同呢個目的。

石禮千： 咁即係你一人話曬事，我哋嗰班人只係橡皮圖章啦。

梁四球： 唔好意思，我唔係好明你嘅講法。

石禮千： 包正義，你唔好咁霸道，你以為呢到係北……

司徒禮： （打斷石禮千的發言）夠喇，石禮千議員。

司徒禮： 由於人數不足，現在宣佈休會。

司徒禮大步走離立法會廳，其後建制派議員紛紛跟隨。

第 40 場

時 日

地 立法會辦公室

人 司徒禮、石禮千、王仁健、李惠瑩、田若芳等建制派議員

司徒禮： （司徒禮甚激動，指住石禮千）電視直播緊啊！百幾萬人睇住，

上面都有人睇緊。你想講乜野？係咪想伕人哋見到我哋建制派

點樣係立法會鬧交？

田若芳： 豬！

石禮千怒，舉起拳頭欲衝過去，被人攔阻。

李惠瑩： 特首好唔妥喎！

王仁健： 邊度唔妥？佢確實有呱啲特權架。

司徒禮： （對着王仁健）你識條春咩？

王仁健不敢反駁。

司徒禮： （嘆口氣）我知，但依家唔講住。

眾人紛紛望向佢。

第 41 場

時：日

地：立法會會議廳

人：梁四球、梁義雄、黃益民、陳敬業等泛民議員

有女士議員走向梁四球，跟佢握手，稱讚佢做得好，並豎起大拇指。梁四球

不好意思地笑笑。梁義雄走來握手，拍拍梁四球肩膀。

梁義雄： 政府今日總算有啲誠意，但點知你會唔會反口覆舌架？

梁四球： （笑笑口）咁要睇你追數追得緊唔緊喎！

周圍議員紛紛哈哈大笑。

黃益民： （不屑並自言自語）呢條友今日唔知嗡咩鳩。

第 42 場

時：日

地：立法會廁所

人：司徒禮、王仁健

司徒禮與王仁健一前一後走到廁所門口。司徒禮指示王仁健站在廁所門口，

王仁健點點頭站好，司徒禮進入廁所。有其佢議員要進廁所，被王仁健攔截，

並指示佢去遠處的廁所，議員悻悻而去。廁所內，司徒禮挨個廁格檢查，確

定沒人之後，脫掉褲子蹲在馬桶上掏出手機打電話。

司徒禮： （便秘，準備屙屎）報告。包正義今日突然提出全民退保方案

（使勁，臉憋得通紅）……哦，您已經知道了（緊張）……係

呀，我哋完全唔知嘎（使勁）……係…我哋太蠢（不住點頭）…

完全未預到…係…係（使勁）…一定全力阻擊（撲通一聲，終

於出來了）。

司徒禮大口吸氣，很陶醉，忽又覺得很臭，捏住鼻子。

第 43 場

時 日

地 立法會會議廳

人 司徒禮、梁四球、梁義雄、黃益民、陳敬業、石禮千、李惠瑩、王仁健、田

若芳等泛民、建制派議員等

司徒禮回到主席台。

司徒禮： 會議繼續，特首請發言。

梁四球： 經濟嘅發展，不單只要促進城市繁榮，亦要顧及民生需要。香

港依家有近35萬老人家，而三成以上嘅人生活係貧困線以下。

為咗社會嘅和諧穩定，亦為咗所有香港人都可以有機會共圓

「香港夢」，我哋政府會喺今後嘅施政中加大力度響改善民生

方面。

司徒禮： 到石禮千議員發言。

石禮千： 特首，你知唔知咁嘅承諾要使洗多錢架？咁做可唔可以持續

呢？

梁四球： 石議員，起一條通往內地嘅鐵路要洗幾多錢？依家仲要一再超

支；新起嘅機場又要洗幾多錢？呢啲工程動輒都成千億，但我

就從未見你係行會乃至議會提出過質疑，我啱啱話民生政策要

動用 100 億，你就嫌多？政府宜家有 1 萬億盈餘，只係拎出百

分之一嚟照顧老人家，盡政府嘅責任和義務，難度有唔啱咩？

石禮千： 呀…特首你之前唔係話…

司徒禮： 到李惠瑩議員。

李惠瑩： 特首，依家有好多問題，內地大小既經濟發展都會影響香港，

年青一代對香港社會充滿矛盾，出面每日都有人嗌生嗌死，我

哋同政府作為家長應該點樣有係統地解決佢哋嘅問題呢？我

就咁睇，應該大力配合國家最近提出嘅「一帶一路」政策，好

好讓我哋香港嘅年青人連繫國家嘅經濟先係我哋嘅重點所

在。

梁四球： 係，香港依家係好多問題。樓價年年高漲，物價飛昇，而港鐵

只加不減，上樓遙遙無期。年輕一代點解有咁多不滿？就係因

為睇唔到未來，睇唔通香港有變好嘅機會，亦都睇唔到上升嘅

空間。我哋呢代人面對下一代人，唔能夠比到佢地一個充滿希

望的未來。面對上一代人，又唔能比佢地一個安穩的晚年。我

哋係唔係需要反省呢？你老母就係老母，人哋老母就唔係老母？

無子女啲老人家就唔需要社會關懷和贍養咩？

全場鴉雀無聲，議員們紛紛瞪大眼睛。司徒禮給王仁健使眼色，王仁健楞了

一下才會意，按下發言鍵。

司徒禮： 王仁……

梁四球： 主席，唔好打斷我，我未講完。係，香港係自由市場經濟，但

唔係資本家嘅天下、人民嘅地獄。香港係全香港人嘅香港，唔

可以係政客同資本家話曬事。你有沒見過，有老人家等排隊做

手術，等到死都未做到（眼含熱淚）？……我哋終究都會老，

我哋也都有可能變窮……我係嚟度鄭重宣布，我會將我人工的

八成捐曬比有需要幫助嘅老人家。

司徒禮： 王仁健議員。

陳敬業： （抗議）喂！我排佢前面喎。

梁義雄： （附和陳建業）抗議建制派打尖！

司徒禮： （再次重複）王仁健議員。

王仁健： （看住梁四球犀利的眼神，吞了兩口口水，沉默幾秒鐘，吞吞

吐吐地說）包…包特首…我呢…想問你呢…想問呢…你嘅身體

好嗎？訓覺訓得好唔好啊？

泛民派議員哈哈大笑，司徒禮臉氣得漲紅。

田若芳： （自言自語）豬。

其佢建制派議員個個面無表情。梁四球一臉笑容燦爛，正要作答，被司徒禮

搶先：特首問答會結束，特首可以離開。

第 44 場

時 日

地 趙大明氏集團辦公室

人 趙大明

趙大明看到電視裡立法會會議結束的情況，氣憤不已，在房間裡來回踱步。

小猴子疑惑地看着佢。

趙大明： （拿起個杯子，用力掉在地上，大罵）飯桶！

小猴子嚇得尖叫着朝角落跑去。趙大明又怒又惱，看到小猴子害怕又心疼，

遲疑幾秒之後嘆氣，跑去抱起小猴子安慰。

第 45 場

時 日

地 立法會外

人 梁義雄、梁四球、一些泛民議員及一些市民

梁四球走出立法會，梁義雄等議員跟在後面。

市民： （呼歡）特首好野！

梁義雄帶頭鼓掌，掌聲四起，但也有些打着愛國愛港旗幟的團體不知所措。

梁四球揮手向市民致意，保鏢將車門打開，隨即鑽入車內。

梁義雄： （目送車走後，對身邊的支持者說）特首做得好，我哋就要表揚，

做得差，我哋就要罵！

第 46 場

時 日

地 梁四球家舊屋

人 梁二柱、梁二柱老婆、梁五妹、梁阿婆

梁四球家一家在舊屋的客廳裡看電視。

五妹： （看到電視裡的特首講話，喃喃道）特首生得好似四哥呀。

二柱： （諷刺）個樣就似，個格就唔似。一個受萬人景仰，一個比屋

企人嫌棄。

梁阿婆： （面露喜悅｜念叨）老四生性喇，老四生性喇......

二柱老婆疑惑得看着梁四球阿婆，又仔細湊近電視看，電視切到梁四球近景，

二柱老婆恍然大悟。

二柱老婆：呢個係老四嚟架，你睇呢粒痣，沒理由生得似，連粒痣生得一模一樣。

梁四球二柱也仔細看電視，細心聽電視的聲音，佢拿不准，去問母親。

二柱： 媽，電視入面講野嗰個人係唔係老四呀？

梁阿婆： （念叨）老四出頭天喇，我個仔終於生性喇......

二柱： （二柱起身，湊近電視看看、聽聽，高興跳起）老四做咗特首，咁

我哋就發達喇！我哋發達喇！

第 47 場

時 日

地 禮賓府·包卓顏房間

人 包卓顏

包卓顏津津有味地在自己房間的電腦上看立法會會議直播。當看到梁四球講

“你老母就係老母，人哋老母就唔係老母？”時忍不住笑，一臉深情地望着

梁四球在立法會演講。

第 48 場

時 日

地 立法會辦公室

人 司徒禮、秘書、李惠瑩、石禮千、王仁健等建制派議員

辦公室一片沉默，司徒禮緊張得滿臉大汗、拿着一筒粉紅色的甜筒不停地食、

同時因為吃得太快凍得打哆嗦。

王仁健： （打破沉默）特首點會變成咁？

田若芳： （不屑）Pig.

石禮千： 特首咁樣，搞到我哋好難做喎。

李惠瑩： （嘆氣）點同趙主任交代啊。

司徒禮： （司徒禮停口並生氣）呢個特首根本就係假嘅！

眾人疑惑不解望住佢。秘書推門進來，貼住司徒禮耳邊講話。

司徒禮： （站起身往外走，將剩下的甜筒丟進垃圾桶）我會證明比大家

睇。

第 49 場

時 日

地 禮賓府

人 梁四球、包卓顏、羅馬嘉莉

特首的汽車緩緩駛入禮賓府。包卓顏在窗戶後看到後，高興地衝出門去，站

在未打開的車門前。

包卓顏： （豎起大拇指）包特首，係好嘢喎！

梁四球： （昂首扮帥）我知道你一定會讚我。

包卓顏挽著梁四球的臂彎，兩人結伴走向花園。

梁四球： 上次你講到你嘅童年係喺鄉下同阿公阿婆一起長大，我就諗到

你肯定好關心香港啲老人家。

包卓顏： 係呀，我知你一定係好人嚟嘅。

梁四球： （扮凶狠）其實我係壞人來嘅。

包卓顏笑，用拳頭輕輕打他。

梁四球： （嚴肅）其實，我真係壞人嚟的。我係新界出世，屋企又一堆

兄弟姐妹，自己又唔中意讀書，為左養家先出黎撈偏……

梁四球掀起衣服露出紋身，包卓顏先是一驚，繼而微笑。包卓顏張望一下，

看到沒人，也掀起自己的襯衣，讓梁四球看自己的紋身。梁四球指著她，一

臉壞笑。羅馬嘉莉穿著西裝襯裙高跟鞋，匆匆忙忙跑過來。

羅馬嘉莉： （向梁四球說）走喇，走喇。

梁四球： （走上前）做乜呀？

羅馬嘉莉： 司徒禮去咗赤柱監獄。

梁四球： （向包卓顏說）我就係響赤柱監獄出嚟。

包卓顏恍然大悟。梁四球匆忙跑向自己的座駕。

羅馬嘉莉： （攔住他）你唔可以揸呢架嫁！

梁四球不知所措。

包卓顏： （拉着梁四球的手）跟我嚟。

第 50 場

時 日

地 公路

人 包卓顏、梁四球、司徒禮及司機

包卓顏一身賽車裝備，騎一輛摩托車開出禮賓府，梁四球同樣裝備坐在後

座。

包卓顏： （頭盔內）：緊急召喚旋風車隊，我係隊長。我哋依家從中環

出發，去緊赤柱監獄，Roger。

包卓顏一路疾馳，路上不斷有賽車手加入。包卓顏飆得飛快，不停超越一輛

輛車。包卓顏在高速路上發現司徒禮疾駛的座駕。司徒禮正坐在後座上，得

意地抽著雪茄打電話。

司徒禮： （普通話）您就放心吧，這次肯定能抓住他的把柄，一定可以

把他拿下......好的.......好的......有新情況立即向您報告。

包卓顏看到得意的司徒禮，駕駛摩托車在前面忽然變道，嚇得司徒禮的司機

立即打方向盤，搞得後方的司徒禮頭栽向另一邊。司機非常生氣，欲開車撞

擊包卓顏的車，兩人的車在高速公路上追追躲躲、忽前忽後。旋風車隊的車

也輪番上場，戲弄司徒禮的車。司徒禮大怒，扎上安全帶，不停催促司機追。

包卓顏將司徒禮的車引入一條鄉間小路，車隊的車輪番故意嚇唬司徒禮的司

機，幾次差點跌入路邊水溝。

包卓顏： 落閘，放狗。

車隊的最後一輛車撒下一串爆呔鐵鏈，司徒禮的車駛過鐵鏈，車呔隨即漏

氣。

司徒禮： （生氣得大叫）我一定會同你哋算賬！

包卓顏： 收隊。

其他摩托車紛紛散去。包卓顏在監獄門口停下，梁四球下車，同包卓顏告別，

匆匆跑向監獄。

第 51 場

時 日

地 監獄監室

人 司徒禮、梁四球、監獄長、獄警、阿武、龍狗、阿三、阿四等

監獄內部

監獄長陪司徒禮走向梁四球所在的監室，他們後面跟著獄警。梁四球正在給

監室的獄友變魔術，大家都很開心。

獄警： （走上前）梁四球，到前面來。

梁四球： （懶洋洋地扮酷走向前）咩事呀，阿 sir。

司徒禮： （上前問）你係咪特首？

梁四球： 我係你老豆。

旁邊人竊笑。

司徒禮： （再上前問）你真係唔係特首？

梁四球： 我真係你老豆啊。

旁邊有人忍不住笑出聲。

司徒禮： （問旁邊人，包括望向監室內）佢係咪一直都喺到？

眾人點頭。

司徒禮： 你真係唔係包正義？

梁四球： 有無咁撚蠢啊，你老豆叫乜我就叫乜！

司徒禮怒，欲打開監獄門。梁四球挑釁似地招呼他進來。

獄長： （上前阻止）佢系殺人犯嚟喎，你真係要入去？

司徒禮： （指住梁四球）等你出嚟之後，我實搞死你。

梁四球： （笑着說）死開啦你，躝癱！

司徒禮生氣，轉身走開，監獄長朝梁四球眨眼，也轉身走開。

第 52 場

時 日

地 監獄監室內

人 梁四球、龍狗、阿武、阿三、阿四、獄警

龍狗走向梁四球，豎起兩個大拇指給他。

阿武： （拍拍龍狗的肩膀，向梁四球說）四哥，你係立法會講得好啊！真

心希望我老母可以享受到你嘅嘢。

梁四球： 實會架，放心。

阿三： 我哋發現紅毛係你走咗之後，向街外人告密。

阿四： 武哥同我哋已經幫你打咗佢一餐。

阿武： 保證打到連佢老母都唔認得。

梁四球： （握住阿武的手）兄弟，唔該曬。

監室門打開，獄警等待梁四球出來。

梁四球： （向外走，揮手告別）我哋出邊見。

眾人點頭。

第 53 場

時 日

地 監獄門口

人 司徒禮、摩托車駕駛者

司徒禮戴上一個破破爛爛的頭盔，吃力地騎上破舊的摩托車後座。摩托車駕

駛者用腳蹬了幾下，都沒能發動，司徒禮坐的後座漸漸鬆動。摩托車終於發

動，猛地往前，司徒禮和掉落的後座卻停在了原地不動。

司徒禮： （反應過來，朝摩托車大叫）返嚟呀！返嚟呀……

第 54 場

時 日

地 特首辦公室

人 梁四球、羅馬嘉莉、劉伊倩

梁四球坐在辦公椅上，羅馬嘉莉坐對面，劉伊倩站在他們中間，僵持著。

梁四球： 我一定要徹查超支嘅大白象工程！

羅馬嘉莉： 咁樣係向趙氏集團宣戰喎！我哋惹佢哋唔起架！

梁四球： 你驚趙公公？

羅馬嘉莉： 趙公公只係門面野，背後嘅大佬，分分鐘玩死我哋。

劉伊倩： 或者……可以遲啲先再查大白象工程？

梁四球： 咁不如你哋嚟做呢個位啦！

梁四球站起甩手出門，劉伊倩與羅馬嘉莉面面相覷。

第 55 場

時 日

地 趙大明辦公室

人 司徒禮、趙大明

趙大明正在逗小猴子玩耍，戴假髮、以乞丐裝扮的司徒禮走進來。

趙大明： （看到司徒禮｜普）喲，怎麼穿這樣呀？

司徒禮： （摘下假髮｜普）沒辦法，防狗仔（隊）。

趙大明： （普）那個人跟包正義真是沒關係？

司徒禮： （普）是啊，真沒關係。

趙大明： （普）那包正義沒理由突然變這樣啊。

司徒禮： 佢痴左線。

趙大明： （普）什麼？

司徒禮： （普）可能變成傻逼了。

趙大明： （普）你們立法會有不少蠢得燦爛的傻逼。

司徒禮： （點了一下頭｜普）是是是。

趙大明： 這香港怎麼放心交給你們管喲。

司徒禮低頭，不敢說話。

趙大明： 但是還是得找個法治包正義啊。

司徒禮： 我有辦法。

趙大明： 別再讓傻逼們搞砸咯！

第 56 場

時 日

地 車內

人 包卓顏、梁四球、司機

梁四球鑽入車內，包卓顏已經在後面等著了，車開動。

梁四球： 特首難做。

包卓顏： 好人都難做啦，莫講話特首。

梁四球： （壞笑）壞人最易做。

包卓顏： （扮生氣）你又唔正經喇。

梁四球雙眼充滿深情地望住包卓顏，包卓顏被他看得害羞了，兩人都感覺有

些尷尬。

第 57 場

時 日

地 養老院

人 梁四球、包卓顏、陪同人員、記者、養老院老人、示威者

一架車行駛到一家養老院停下，梁四球攜包卓顏下車，門口一些工作人員及

老人發出歡迎的掌聲。梁四球帶著包卓顏，微笑著和門口歡迎的人群握手。

梁四球進入養老院例行問一下老人們的生活狀況，並和他們一起吃飯。梁四

球和包卓顏拿著一個『50 萬港幣』捐款單的塑膠板讓記者拍照。

記者： 特首會點樣推行全民退保呢？

梁四球： 政府宜家正在起草全民退保既方案，也正在準備首期需要既

100 億資金，我希望明年老人家可以享受到黎個福利。

記者： 特首話要針對大白象工程，追究不斷超支既責任，具體有乜野措施

呢？

梁四球： 關於呢個問題，我哋正在研究中，如果有相關措施，肯定會第

一時間向各位公佈。

當梁四球說話時，一支高舉『愛國者統一陣線』的示威者隊伍衝入記者會現

場。他們呼喊著『愛國愛港，反對削減開支』、『包正義，假正義！下台收皮！』

的口號。梁四球抬頭看看，不予理睬。保安上前制止，示威者與保安發生衝

突。有示威者呼喊『包正義滾下台！』『包正義收皮！』等口號扔幾顆雞蛋

到梁四球身上。

梁四球： （笑）黎幾個雞蛋可以食餐飯，好可惜。

有個示威者趁梁四球低頭之際，拿著棒球棒沖向梁四球，包卓顏發現奮然擋

在梁四球面前。示威者舉棒打到包卓顏頭上，包卓顏暈過去。梁四球看到包

卓顏暈低，憤怒不已，不理旁邊人的阻止，上前與打人的示威者廝打，在場

記者紛紛拍照錄影。

第 58 場

時 日

地 趙大明辦公室

人 趙大明

趙大明抱著小猴子正在辦公室裡看電視直播，梁四球憤怒不已，與示威者廝

打。趙大明高興不已，抓起電話。

趙大明： 他終於露出破綻了，立即啟動彈劾程序，我們要對他來次連環

核平。

第 59 場

時 日

地 立法會

人 梁四球、司徒禮、趙大明、石禮千、王仁健、李惠瑩、梁義雄、黃益民、陳

敬業等立法會議員

梁四球被安排站在台下低司徒禮不少的枱子後面，與司徒禮相對，感覺像是

接受審訊。

司徒禮： 宜家可以開始了。

石禮千：

第 60 場

日

地 立法會外

人 梁四球、記者、示威者

梁四球黯然走出立法會。有不同示威者團體大喊『包正義下台！』、『貪腐特

首滾出香港』、『暴力特首道歉』等，但沒有支持者到場。有記者提問，但梁

四球面無表情，鑽入汽車。汽車開走。

第 61 場

時 日

地 禮賓府外的草場

人 梁四球、包卓顏

梁四球一臉失望進門。

包卓顏： （走過去安慰）對唔住，佢做嘅嘢要你受返曬。

梁四球： 無謂連累大家，係我得罪太多人。

包卓顏： 但呢次有可能要坐監喎。

梁四球： （笑）你唔記得咗我係邊到出嚟架咩？不過係再返番去遮。

包卓顏撲到梁四球懷裡埋頭哭泣，梁四球將她的頭抬起，深情對望。兩人接

吻。

第 62 場

時 日

地 KTV 包房

人 趙大明、司徒禮等建制派議員

兩張嘴貼在一起，周圍歌聲吵雜。拉開了看，是司徒禮與一個衣著暴露的年

輕女子接吻。其他男人也各自摟著女子或跳舞或划拳飲酒，李惠瑩在角落抽

悶煙。趙大明顯得很高興，一手拿著酒杯痴痴地笑。

趙大明： （普）為我們的勝利乾杯！

大家都舉起酒杯乾杯，每個人都很高興。

司徒禮： （普）祝大家前程似錦！

王仁健： （普）恭喜趙主任、司徒主席。

石禮千： （普）笨！應該改口叫司徒特首了吧。

司徒禮： （滿面通紅｜普）感謝趙主任！

趙大明拿起話筒，唱起《精忠報國》。

趙大明： （唱｜普）狼煙起 江山北望 龍起卷 馬長嘶 劍氣如霜

心似黃河水茫茫 二十年縱橫間 誰能相抗 恨欲狂 長刀

所向 多少手足忠魂埋骨它鄉 何惜百死報家國……

第 63 場

時 日

地 禮賓府·梁四球臥室

人 梁四球、包卓顏

梁四球與包卓顏半裸上身躺在梁四球的單人床上。梁四球醒來，看著也眨眼

醒來的包卓顏。

梁四球： 漫長嘅一日要開始喇。

包卓顏： 同我一齊都覺得漫長咩？

梁四球： 你願意做一個番薯佬嘅女人？

包卓顏： 係香港種地養唔起我架喎！

梁四球： 不如去荷蘭，我做一個種百合嘅農民。細個嗰陣，老豆帶我去

街市，我聞過一種好香好香嘅花，身邊嘅人同我講嗰啲叫香水

百合。我就同自己 講，我遇上鍾意嘅人，就要每日送佢一支香

水百合。

包卓顏： （喜悅）難怪你成日係書房擺支百合啦？講！係唔係鍾意咗我

好耐？

梁四球： 一見鍾情。

包卓顏穿著內衣褲跑下床，拿著一支香水百合，過來拉起梁四球。梁四球不

明所以，但還是起身跟著她走。

包卓顏： （指著花瓶邊一個紅色的電話機）以前我阿媽同我講，呢部電

話係直線打上北京，唔比我亂掂。我諗，你可以試下聯絡上次

嚟嗰個中央領導。

包卓顏將花插回花瓶，在周邊找東西。

包卓顏： （拿著一本小簿）呀，搵到喇。

梁四球接過小簿，開始撥號。包卓顏默默地走回臥室，坐在床沿，包卓顏感

覺到冷，披上梁四球的一件衣服。梁四球面無表情地走進臥室。

包卓顏： 唔得呀？

梁四球： 佢話唔會干涉我哋內部事務，相信我哋會處理好。

兩人默然。

第 64 場

時 日

地 禮賓府

人 梁四球、包卓顏

包卓顏洗澡出來，擦著頭，看到梁四球在收拾東西。

包卓顏： 你要走喇？

梁四球： 我唔啱做特首！

包卓顏： 你咁快就認輸？我真係睇錯左你。

梁四球： 對唔住。

包卓顏： 講聲對唔住就算數？

梁四球躲避，不去面對她的雙眼。

包卓顏： 你同我承諾過啲咩？我對你嘅感情又算得係啲咩？

梁四球沉默不語。包卓顏轉身走出門。

第 65 場

時 日

地 禮賓府

人 梁四球、包卓顏、羅馬嘉莉、劉伊倩、葉玉梅

包卓顏帶著羅馬嘉莉、劉伊倩、葉玉梅來到，梁四球默默地在收拾東西。

梁四球： （拿著一件衫問）呢件我可唔可以帶走？

葉玉梅點點頭。

羅馬嘉莉： （上前）你繼續做仲可以買更多衫。

梁四球： 我做唔到好人。

劉伊倩： 咁賤人你可唔可以做呢？

眾人疑惑。

劉伊倩： 其實你可以搵個理由，解散個立法會，咁就可以暫時解決危機

啦。

羅馬嘉莉： 呢個都不失為一個方法。

梁四球想了想，搖了搖頭。

梁四球： 都係做衰人啱我多啲。

梁四球拎起背包，就要出門，被包卓顏一把拽下。梁四球看著她，沒有說話，

轉身離開。眾人沉默。

包卓顏： （眼前一亮）我有辦法！

第 66 場

時 日

地 禮賓府

人 包卓顏、梁四球、羅馬嘉莉、劉伊倩、葉玉梅

葉玉梅和梁四球對坐著在飲酒，看得出梁四球已經飲得唔少，頻爆粗口。

僕人來報： 趙主任來了。

梁四球： 佢嚟做咩撚野？

趙大明（包卓顏扮）來到，和葉玉梅眨眨眼。

趙大明： 特首，你諗住幾時落台呀？

梁四球： 關你撚事咩？

趙大明： 你唔係好有雄心壯志嘅咩？點解做咗縮頭烏龜？

梁四球： 屌，唔同你哋班閪人玩喇。

趙大明： 哈哈哈，你沒本事先會咁講。

梁四球： 邊個話老子沒本事，一出手就搞死你哋。

趙大明： 等你一落台，我先搞你老婆，再搞你個女。

梁四球： 屌你老母，點要搞阿顏，佢做錯咗啲乜？

趙大明： 我要你冚家鏟，連埋你鄉下既老母家姊兄弟細佬。

梁四球一頭冷汗，猛然站起，隔著脖子欲掐趙大明（包卓顏扮），趙大明後

退。

梁四球： 屌你老母，我實會解散你個立法會，鏟撚起埋你個趙氏集團！

趙大明（包卓顏扮）得意微笑。

第 67 場

時 日

地 趙大明辦公室

人 趙大明

電視中播出新聞畫面：記者招待會，梁四球宣布解散立法會。

梁四球： 因立法會否決本屆政府嘅重要民生法案，我決定立即解散立法

會。

趙大明凝眉，一臉不快，拿起電話。

第 68 場

時 日

地 司徒禮家

人 司徒禮、司徒禮老婆

司徒禮正與老婆睡覺，電話響起。司徒禮老婆催促司徒禮去接電話，司徒禮

依然死睡，司徒禮老婆發怒，將他一腳踹下床。司徒禮睡眼惺忪，從地下爬

起接電話。

司徒禮： 邊個呀？係…早上好…是的是的…吓？

司徒禮沮喪掛上電話，猛拍額頭。

司徒禮： （哭腔）今次仆街喇。

第 69 場

時 日

地 趙大明辦公室

人 趙大明、阿忠

趙大明和阿忠在辦公室下棋。

趙大明： （普）阿忠啊，你說 Wendy 是不是很聰明呀？

阿忠： （普）那是，從來沒見過這麼聰明的猴子，一教就會。

趙大明： （普）我是說，跟人比。

阿忠： （附和｜普）Wendy 比一些蠢材聰明得太多了，比如立法會的那

些。

趙大明： （指著電視上講話的梁四球｜普）你說，如果讓 Wendy

坐那個位置，有沒有可能？

阿忠： （遲疑一下｜普）：可以，怎麼不可以？香港是趙家的天下，做什

麼不可以？

阿忠： （看正在下的棋｜普）哎呀，我真是笨啊，又被您將軍了。

趙大明微笑點頭。

第 70 場

時 日

地 禮賓府·廚房

人 包卓顏、梁四球

在廚房可以聽到餐廳電視的聲音，觀眾在拍手掌，哈哈大笑。包卓顏帶著圍

裙，端起一盤菜，梁四球走過來。

包卓顏： 又炒燶曬喇。

梁四球： （笑嘻嘻解下她的圍裙）廚房係男人嘅基地，女人嘅死地，等

我嚟。

包卓顏： （噘嘴）人哋想親手煮比你食嘛。

梁四球： （看周圍無人，親一口）食咗啦。

包卓顏開心離開。

第 71 場

時 日

地 禮賓府·餐廳

人 包卓顏、梁四球、葉玉梅

梁四球端來一盤菜上來。

葉玉梅： 你手勢睇嚟唔錯喎。

梁四球得意。葉玉梅隨即抬頭睇電視，梁四球亦隨她望去。

梁四球： 乜嚟架？

葉玉梅： Wendy 呀，咪睇佢咁細個，依家好紅架！發明左三百幾樣野，

智商有成 180，犀利過愛因斯坦，天文地理無所不通！

包卓顏： （諷刺）電視講你就信？

葉玉梅： 咁大間電視台，點會講大話呀？

包卓顏： 我梗係覺得似曾相識。

梁四球出神地望向電視。電視畫面：Wendy 面前有 4 個碗，放一粒骰子進去，

快速調換幾輪。讓 Wendy 指出，Wendy 指出其中一隻，揭開，嗰然有骰子。

觀眾台下發出呼聲，一起鼓掌。

第 72 場

時 日

地 趙大明辦公室

人 趙大明

房裡的燈昏暗，一盞暖黃的小吊燈掛在房的中間照射着坐在單人沙發上的趙大明，

趙大明一手拿着搖控器，一邊看着電視。猴子 Wendy 從暗處走來，拿着一杯啤

酒。

猴子： （猴叫）呀……呀…

趙大明被猴子的叫聲吸引過去。

猴子： ……酒，你。

趙大明對着猴子 Wendy 大笑起來。

全戲完。