Innocentius PP. X

Ad futuram rei memoriam. Cum sicut delecti filii Silverius de Pineda et Ioannes de Magano Praesbiteri Civitatis vel Dioecesis angelopolitana Regni novae Hispaniae in Indiis occidentalibus nobis nuper nomine venerabilis fratris Ioannis episcopi angelopolitani exponi fecerunt, idem Ioannes episcopus seminario eccl[esiast]ico ad praescriptum

decretorum sacri Concilii Tridentini in civitate p[raedic]ta sub invocatione seu denominatione Sanctorum Petri et Pauli Apostolorum per eum erecto, et instituto, qu alumni eiusdem seminarii, et alii dioecesiani litterarum

studiis commodis vacent, quinque et amplius millia librorum diversi generis volumina donaverit et in eodem seminario collocari fecerit, ut ver donatio huiusmodi firmis subsistat illam authoritatis nostrae

praesidio communiri, et eorundem librorum conservationi per nos opportun consuli desideret. Nos eximam eiusdem Ioannis episcopi erga gregem sibi commissum charitatem; ac Catholicae Religionis bonarumq[ue]

litterarum zelum hac in re plurimum in domino commendantes ipsumq[ue] quiubusuis excommunicationis suspensionis et interdicti aliisq[ue] eccl[esias]ticis sententiis, censuris et poenis, iure vel ab homine quavis oc-

casione vel casua latis latis si quiubus quomodolibet innodatus existit ad effectum praesentium dumtaxat consequendum harum serie absolventes, et absolutum fore censentes supplicationibus nobis per

praefatos exponents ipsius Ioannis episcope nomine super hoc humiliter porrrectis inclinati, donationem librorum huiusmodi eidem seminario per dictum Ioannem episcopum, ut praefertur factam, ac

confectus desuper prout illam concernunt scripturas apostolica authoritate tenore praesentium confirmamus, et approbamus illisq[ue] apostolicae firmitatis robur adiicimus ac omnes, et singulos tam

iuris quam facti defectus si qui desuper quomodolibet intervenerint supplemus. Ac insuper ne quisquam quavis authoritate fungens libros praefatos et alios pro tempore in Bibliotheca dicti Seminarii

collocandos cuiusuis generis et speciei tam impressos quam manuscriptos quovis praetextu causa ratione aut occasione ex illa extrahere, seu asportare, aut ut extrahantur, seu aspor-

tentur quoquomodo permittere, aut consentire audeat seu praesumat sub excommunicationis latae sententiae poena per contrafacientes ipso facto absque alia declaratione incurrenda authoritate

praedicta earumdem tenore praesentium interdicimus et prohibemus. Non obstantibus constitutionibus et ordinationibus apostolicis coeterisq[ue] contrariis quibuscumque, volumus autem

quod praesentis prohibitionis copia in valvis dictae Bibliothecae aut aliquo alio perspicuo loco, quo ab omnibus cerni possit continu affixa remaneat. Dat[um] Romae apud sanctam Mariam Maiorem

sub annulo piscatoris die VII Februarii MDCXXXXVIII. Pontificatus nostri anno quarto