Abba Pambone - Gerontikon, o Della Musica Sacra (Ed. Martin)
-
Upload
tommaso-cimino -
Category
Documents
-
view
113 -
download
105
description
Transcript of Abba Pambone - Gerontikon, o Della Musica Sacra (Ed. Martin)
-
26/4/2014 PAMGER TEXT
http://www.chmtl.indiana.edu/tml/6th-8th/PAMGER_TEXT.html 1/1
THESAURUS MUSICARUM LATINARUM
School of Music
Indiana University
Bloomington, IN 47405 (phone: [812] 855-5471; Internet: [email protected])
Data entry: Stephen E. Hayes
Checked by: Peter M. Lefferts and Angela Mariani
Approved by: Thomas J. Mathiesen
Fn and Ft: PAMGER TEXT
Author: Abbot Pambo
Title: [Gerontikon]
Source: Scriptores ecclesiastici de musica sacra potissimum, 3 vols. ed. Martin Gerbert (St. Blaise: Typis
San-Blasianis, 1784; reprint ed., Hildesheim: Olms, 1963), 1:1- 4.
[-1-] [Gerontikon] S. Pambonis, Abbatis Nitriae
[-2-] [right column] Abbas Pambo misit discipulum suum in Alexandriam, ut eorum manufacta venderet.Commoratus autem diebus sexdecim in urbe, uti nobis narravit, noctibus dormivit in vestibulo Ecclesiae in
templo (scilicet) Sancti Marci. Visoque officio Sanctae Ecclesiae, ad Senem rediit; didicerat autem et
modulos.
Dicit igitur ei Senex: Video te fili conturbatum; num aliqua tentatio tibi obvenit in civitate? Respondit frater
Seni: Revera, Pater negligenter consumimus dies nostros in hac solitudine, et neque canonas neque modulos
psallimus. Dum enim Alexandriam abii, vidi ordinationes Ecclesiae, quomodo psallunt, magnaque tristitia fuiaffectus, eoquod et nos canonas et modulos non psallimus.
[-3-] [right column] Cui Senex: Vae! inquit, nobis fili! quoniam veniunt iamiam dies, in quibus relinquent
monachi solidum alimentum a Spiritu sancto declaratum, et sectabuntur cantica ac modos musicos. Quae enim
compunctio, quales lacrymae ex modulis proveniunt? Nam qualis compunctio sit monacho, dum in ecclesia,
aut cella consistens vocem suam boum instar extollit? Si enim in conspectu Dei adstamus, cum magna
compunctione, non vero in elevatione vocis nos adsistere oportet. Neque enim monachi in hanc eremum
secesserunt, ut Deo adsistentes vocem extollant, aut cantica modulentur, vel modulos concinnent, manusque
agitent, et pedes discurrendo moveant, sed magno cum timore ac tremore, lacrymisque et suspiriis, cum
reverentia atque bene compuncta et moderata humili voce preces Deo nos offerre oportet.
Ecce! enim, edico tibi fili! quia venient dies, quando Christiani corrumpent libros sanctorum Evangeliorum,sanctorumque Apostolorum, et divinorum Prophetarum, emollientes scripturas Sanctorum, modulosque
componentes et profanos sermones, mensque (eorum) in modos et sermones gentilium effundetur. Unde et
Patres nostri statuerunt, ne, qui in ista eremo sunt artis scribendi periti, vitas aut dicta Seniorum in membranis,
sed in chartis conscriberent: futurum esse enim, ut ventura generatio comminuat vitas sermonesque Patrum,
atque pro lubitu suo scriberet.
Num ergo, inquit frater, mutabuntur mores et traditiones Christianorum, nec [-4-] [right column] erunt
sacerdotes in Ecclesia, quod haec futura sint? Cui Senex: In istis temporibus refrigescet charitas multorum,
eritque haud modica afflictio gentium.