A MONTHLY CHURCH BULLETIN OF DIMAPUR AO BAPTIST …€¦ · A MONTHLY CHURCH BULLETIN OF DIMAPUR AO...
4
A MONTHLY CHURCH BULLETIN OF DIMAPUR AO BAPTIST AROGO Dimapur Ao Baptist Arogo (DABA) Duncan, Dimapur - 797113, Nagaland Office: 03862 - 226438 / 229032 | Email: [email protected], [email protected] www.dabaarogo.org VOL-III ISSUE 7 4 PAGES JULY 2019 Youth Ministry Osang 1. Choral Worship Evening Reporter: Ajungla Jamir, Fellowship Secretary DABAYM Merali 14 th July 2019 nü DABAYM Merali Fellowship-i Choral Worship Evening, omen: “He Keeps Me Singing” nung amendaker asen kümtetdakba Tsüngrem sentsüwangshidaktsütsü, lanurtemi choral ken atentsü jangradaktsütsü aser angazüktsü nükla nung temoatsü ngua ayongzüka mongogo. Iba sentong nung Kuda Village Baptist Church, Aoyimsen Baptist Arogo, Dimapur Sumi Baptist Church, Discipleship Bible College aser asen arogo Youth Choir temi shilem agia liasü. Ken atenba nung shilem agir ajak agi 188 aser telok tesentepertem 270 tema liasü. Sentong takok asoshi Tsüngrem tenüng tali asanger. 2. Drama Workshop Reporter: Moarenla Longchar, Secretary DABAYM 15 th -19 July 2019 anogotem nung lanurtem asoshi Drama Workshop ayongzükba nung parnok ter terok (16) tena kanga temoatsü ngua agiogo. Resource persons itemi liasü: Bendang Walling, Kilang Imsong aser Limanungdang. Item onüktem nung tesayuba agütsü: Sense Awakening, Emotion, Revisitation and Ideological Approach, Image Theatre, Creativity, Method Acting, Theatre Games and Acting for Creativity. 3. Mentoring the Leaders (MtheL) 13 th July 2019 nü Mentoring the Leaders sentong asen Youth Ministry Lenirtem (General & Fellowship) asoshi agia liasü. Mr. Teka Imchen, ABAM Youth Ministry Coordinator ajanga session asem tashi agia lenirtem asoshi tangatetba jenti agütsü. Item onüktem nung pai tesayuba agütsü: Leadership is Influence, Leadership as servanthood, Leadership as mentoring and teaching, EGO – Edging God Out, Self-Examination of oneself. DABA nung Associate Pastor tasen Mr. N. Atsüng Imchen shimogo. Pa aser par kibong Sümedem Fellowship nung sannükba mapa inyaktsü. Kinungtsü Mrs. Asenla Lkr., jabaso Mr. Tiaren Imchen aser jala Ms. Tentimen Imchen. Tenzüker Tasen arogopuri pelaa agizüker
Transcript of A MONTHLY CHURCH BULLETIN OF DIMAPUR AO BAPTIST …€¦ · A MONTHLY CHURCH BULLETIN OF DIMAPUR AO...
A MONTHLY CHURCH BULLETIN OF DIMAPUR AO BAPTIST AROGO
Dimapur Ao Baptist Arogo (DABA) Duncan, Dimapur - 797113, NagalandOffice: 03862 - 226438 / 229032 | Email: [email protected], [email protected]
www.dabaarogo.org
VOL-III ISSUE 7 4 PAGES
JULY 2019
Youth Ministry Osang 1. Choral Worship Evening Reporter: Ajungla Jamir, Fellowship Secretary DABAYM Merali14th July 2019 nü DABAYM Merali Fellowship-i Choral Worship Evening, omen: “He Keeps Me Singing” nung amendaker asen kümtetdakba Tsüngrem sentsüwangshidaktsütsü, lanurtemi choral ken atentsü jangradaktsütsü aser angazüktsü nükla nung temoatsü ngua ayongzüka mongogo. Iba sentong nung Kuda Village Baptist Church, Aoyimsen Baptist Arogo, Dimapur Sumi Baptist Church, Discipleship Bible College aser asen arogo Youth Choir temi shilem agia liasü. Ken atenba nung shilem agir ajak agi 188 aser telok tesentepertem 270 tema liasü. Sentong takok asoshi Tsüngrem tenüng tali asanger.
2. Drama Workshop Reporter: Moarenla Longchar, Secretary DABAYM15th-19 July 2019 anogotem nung lanurtem asoshi Drama Workshop ayongzükba nung parnok ter terok (16) tena kanga temoatsü ngua agiogo. Resource persons itemi liasü: Bendang Walling, Kilang Imsong aser Limanungdang. Item onüktem nung tesayuba agütsü: Sense Awakening, Emotion, Revisitation and Ideological Approach, Image Theatre, Creativity, Method Acting, Theatre Games and Acting for Creativity.
3. Mentoring the Leaders (MtheL) 13th July 2019 nü Mentoring the Leaders sentong asen Youth Ministry Lenirtem (General & Fellowship) asoshi agia liasü. Mr. Teka Imchen, ABAM Youth Ministry Coordinator ajanga session asem tashi agia lenirtem asoshi tangatetba jenti agütsü. Item onüktem nung pai tesayuba agütsü: Leadership is Influence, Leadership as servanthood, Leadership as mentoring and teaching, EGO – Edging God Out, Self-Examination of oneself.
DABA nung Associate Pastor tasen Mr. N. Atsüng Imchen shimogo. Pa aser par kibong Sümedem Fellowship nung sannükba mapa inyaktsü. Kinungtsü Mrs. Asenla Lkr., jabaso Mr. Tiaren Imchen aser jala Ms. Tentimen Imchen.
Tenzüker Tasen arogopuri pelaa agizüker
TONGTEPRATEP BULLETIN
www.dabaarogo.orgJuly 2019 2
EDITORIAL
Tsüngremi Aginüba Tekülem: Asüküm Asü Ajemalu?
Isa. 66:1-2 Kibubai yamai ashir, “Kotak kü menden aser alima kü tetsüng ajemetdak; ajangla kobala ki ka nenoki ni asoshi yanglutsütsü? Aser kü anisüngzükdak kechi nung alitsü? Kü ket agi ya ajak yanglu, ya ajak kü meyong lir, ta Tsüngremi ashir; aji saka shiba ajemalu aser tanela teraksa ali aser shibai kü o nung atentena ali, pa dang ni reprangtsü.”
Tsüngremi Pa taginüba iba tapu nung tejangja agüja lir. Shibai Tsüngrem alitsüsa ki ka yanglutsütsü? Shibai Kibuba mulungjang
anisüngzükdaktsütsü? Asükümeri Tsüngrem asoshi inyaktettsüba kecha mali. Pai asükümer Pa mapa asoshi mamshitettsü aser Pai item nisüng mebushir. Tsüngremi teraksa mulungjang aser ajemalur bushir. Tsüngremi ajemalur bushir süra asenoki koda ajemalu nisung kaka kümtettsü, iba indang bilema asen taküm alitsüla. Tsüngremi asükümertem sempar süra asükümer jakla indang aser parnoki aginüba jaklaji shisadanga asen taküm yamaji malitsü merangtsüla.Asüküm aser Ajemalu jakla medemdangdi:1. Asükümeri tangar nem tenzükdaktsüner saka
ajemaluri tangar tenzüktsü bilemer.2. Asükümeri tangar timtemba angudang pei uluba
indang bilemer saka Ajemaluri tangar timtemba asoshi aochir.
3. Asükümeri tekülemdaki arudang nübur nungi akhümtsübu yimlaa arur saka ajemaluri pei tanela nüngdak bilema arur.
4. Asükümeri tangar tai azünger pei dakbo tai mali ta bilemer, saka ajemaluri pei tashimait metet.
5. Asükümeri pei temenen tuteta menangzüker, saka ajemaluri pei temenen ajak shia nangzüker.
6. Asükümeri pei temeten asoshi dang inyaker saka ajemaluri pei temeten liaka putepa alitsü (reconciliation) asoshi meranger.
7. Asükümeri asentenshiji pei asoshi masü kechiaser pei dak temenen mali aser Tsüngrem anasa parnok lir ta bilemer. Saka ajemaluri pei tashi mait meteta Tsüngrem nem bendanga agütsür aser Pa tashi nung nendaka alitsü meranger.
Süra asen taküm, tanela, jakla aser tangatetba koba jenjang nung lir ken bilemdangtsü ayongzüker.Lai ajanga Tsüngremi nisung dak nungi aginübatem kar:T. Ken 138:6 “Kechiyong temaba nung Kibubai liaka, aji saka tekübok alir pai züngsemer. Saka pai talang nungi mezümekümer meteter.”A. Shin 3:34 Atangji sensamasatsürtem pai sensamasatsür; saka ajemalur nem pai taochi agütsür.Matt 23:12 Aser shibaisa pei sasa uludir pa tila akümtsü, aser shibaisa pei sasa tila kümdir pa ulutsü.Luke 1:52 Pai chubatem parnok chuba menden nungi aludaktsüogo; aser ajemalurtem ajungketdaktsüogo.Yak. 4:6 Saka pai taochi tuluba agütsür. Anungji Laishibai ashir, “Tsüngremi asükümer noktanger, saka ajemalur nem taochi agütsür.”1 Pet. 5:5 Aji odasa nenok lanurtemi tamburtem kübok liang. Nenok ajaki kati ka tenzüktsü ajemalua kümang. Kechiaser, “Tsüngremi asükümer noktanger saka ajemalur nem taochi agütsür.”
Talimeren
TONGTEPRATEP BULLETIN
July 2019 www.dabaarogo.org3
July ita nung Music Ministry ajanga inyakbatem:1. Fellowship ajak Kenten Sentong Tanabuba anogo balala nung takok ngua yamai agia liasü:4th – 5th July: Duncan, Yinsem, Yongkum, Sümedem, Lungmen, Signal, Electrical Prayer Cell
atema Kenten Sentong, 11th – 12th July: Merali, 22nd – 23rd July: Town.2. Choir member asoshi Music Training follow up 20-21 July nung agia liasü.
DUNCAN
LUNGMEN
SÜMEDEM YINSEM
MERALI
SIGNAL
TOWN
Music Training Follow-up
Music Ministry Osang
Women Ministry Osang
Talimeren, Music Director
Moamongla Aier, Asso. Pastor (W)
1. Dimapur Ao Baptist Arogo Women Ministry ajanga Dimapur temeket nung Ao Arogo ana nung parnok nüngdak repranger yaritsü lemteta aliba ama 18th-19th July 2019, Dhansiripar Ao Baptist Arogo nung Music
Training, Mr. Talimeren, DABA Music Director ajanga agüja liasü. Ano 25th July 2019, Purana Bazaar ‘B’ Ao Baptist Arogo nung tetsür Asentenshi Sentong ka agüja liasü. Mrs. Imtijungla Longchar ajanga omen: “Kibong asentenshi nung tetsür ka shilem” nung ajemdaker shilem anaben lemsar agia liasü. Iba sentong nung yariteptsü asoshi counselor, Mrs. Limala Aier aser Miss Asenla Imsong liasü. Item sentong ajak nung nübo agüja yarirtem ajak dang Women Ministry ajanga pelaba lemsateper. Tsüngremi nenok taküm aser Tsüngremer wadang moajangma. 2. 27th July 2019 sepai kinungtsür atema sentong ka agia liasü. Iba sentong nung Dr. Moa Imsong ajanga session anaben lemsar agia liasü. Parnok ajak agi 167 aten. Maneni arogopur ajaki sepai kinungtsürtem ajak asoshi sarasademtsüdi.
TONGTEPRATEP BULLETIN
www.dabaarogo.orgJuly 2019 4Designed & Printed at Heritage Publishing House, Dimapur.
2. Youth MinistryLanurtem anitena Tsüngrem O sayutsü aser Christian taküm libaliro angateta lidaktsütsü nükjidong yur taküm küm July 7 (Sunday) nungi Youth Service tenzüka Warden Sentiakum lenisüba nung Mission Compound nung agia odagi.
Idu Mishmi Mission Field Osang
Idu Mishmi Field nungi Tsüngrem temeim salem arogopur ajak dangi abener. Arogopur sarasadem langzüa Tsüngremi tanü tashi
field nung timtem kecha majurui inyaka arudagi, Tsüngrem tenüng asanger. Inyaka arubatem tatsü agi yamai lemsateper:1. Hostel & Music MinistryTaküm küm Anzoru Hostel nung tanur 14 tashi lidagi. Class II-IX tashi nung azüngertem lir. Warden Sentiakum leniba nung kanga dang liromedema odagi. Ano iba den pai music class Saturday & Sunday evening Hostellers aser youth tejangrartem aniteta tesayuba agütsür.
Anzoru Hostellers with Warden, Mess Manager and Cook
Spiritual Awakening Speakers
Youth Service at Mission Compound
Music Class in progress
4. Women’s SeminarAugust 2-3: Women’s Seminar on Women EmpowermentTongti O Jembir: Mrs. Imtijungla LongcharIba sentong atema asen lenir Limaakum, Mission Director, aser Mrs. Imtijungla Longchar arua liasü. Lai omen nungi pungoben (5 times) tashi tesayuba tajung agüja liasü. Tatener ajak agi 60 shi liasü. Tejangja shisalen sayur ka asünung lai yangi aliba nüburtem apet tejangja tesayuba tulu agüja liasü. Mamangertemi iba ama sentong tajung ya “ano tarutsü nunga agüjang, ozü nüburtem asoshi tajangzük tulu alitsü” ta parnoki suggestion agüja parnok temoatsü anguba lemsatepa liasü. Mazüngi dang aliba taküm aser kibong süaka tanela samabapurtem asoshi khuret süa mapang, tashi, rongsen, aser kibong khuret ajak senzüka toktsür arua tesayuba tejangja nübor dak aketba tuteta sayudang tatener kanga dang kongshia temoatsü südaktsüogo. Iba temoatsü seminar nung atener dang masü saka lar kibong nunga kasa temoatsü ngudakjang ta sarasademer. Talisa kinungbu, S. Wati Aier, D.B.C nung Principal, College mapa tulu den kibong khuret ajak pai kecha mashishi benloka atar nüngdakbapur yaritsüji tongtibang ta tangatetba nung yok nung pa dang arogopur ajaki peladi. Par kibong aser tenyaba mapa nung tali temoatsü südakjang ta sarasademer.
3. Spiritual Awakening (Revival)Roing Town aser Maselo arogo temeket nung aliba arogopurtem külemi Roing Idu Baptist Church nung Revival tajung ka July 12-14 nung agia liasü.Omen: Tejakleni Oang (Go Forward), Exodus 14:15Iba omen nungi O jembirtem: i) Mr. Sentiakum Yaden, Hostel Warden, ii) Mrs. Narola, iii) Mr. K. Wati Jamir, Missionary.
K. Wati Jamir, Field Director
Tsüngremi iba ocet azünger ajak moajangma.
