ЕТИЧКИ КОДЕКС - Code of Ethics › assets › media › pdf › MKD-Code... ·...

ЕТИЧКИ КОДЕКС

ПОСВЕТЕНИ НА РАБОТЕЊЕ СО ИНТЕГРИТЕТ

4 SANOFI – ЕТИЧКИ КОДЕКС

СОДРЖИНА

ПОРАКА ОД ГЛАВНИОТ ИЗВРШЕН ДИРЕКТОР

ПОРАКА ОД СЛУЖБЕНИКОТ ЗА ГЛОБАЛНА УСОГЛАСЕНОСТ

ЗАСЕГНАТИ

КАКО СЕ КОРИСТИ ЕТИЧКИОТ КОДЕКС

КАКО ДА СЕ ИЗРАЗИ ЗАГРИЖЕНОСТ

14 ПОЧИТУВАЊЕ И ЗАШТИТА НА ЛУЃЕТО И ЖИВОТНАТА СРЕДИНАПочитување на луѓето

Зачувување на здравјето и безбедноста и заштита на луѓе и животна средина

Заштита на приватноста и личните податоци

06

08

10

11

12

16

18

20

SANOFI – ЕТИЧКИ КОДЕКС 5

22

30

ИНТЕГРИТЕТ ВО УПРАВУВАЊЕТО СО ИНФОРМАЦИИ НА КОМПАНИЈАТАЗаштита на доверливи и чувствителни информации

Спречување на инсајдерска трговија

Заштита на нашиот имиџ при користење на социјални медиуми

ИНТЕГРИТЕТ ВО НАШАТА ДЕЛОВНА ПРАКСАСправување со судир на интереси

Учество во јавниот живот

Почитување на слободната конкуренција

Борба против поткуп и корупција

Интеракција со пациенти

Интеракција со научната заедница

Транспарентност во врска со нашите производи

24

34

36

38

40

42

44

32

26

28


ПОРАКА ОД ГЛАВНИОТ ИЗВРШЕН ДИРЕКТОРИНТЕГРИТЕТОТ Е ОБВРСКА ШТО МОРА ДА ГО ВОДИ НАШЕТО ОДНЕСУВАЊЕ НАДВОР ОД ЕДНОСТАВНОТО ПОЧИТУВАЊЕ НА ЗАКОНИТЕ И РЕГУЛАТИВИТЕ, ОХРАБРУВАЈЌИ НÈ ДА НАПРАВИМЕ ПРАВИЛЕН ИЗБОР ВО СЕКОЈА СИТУАЦИЈА.


Интегритетот мора да ги насочува сите наши однесувања.

Нашата страст во компанијата Sanofi е превенција, третман и лекување на болеста во текот на животот. Ние сме фокусирани на подобрување на здравјето на заедницата и изнаоѓање нови решенија за пациентите со комбинирање на иновативната наука со напредната технологија.

Инспирирани сме од издржливоста на пациентите и зајакнати од нашето наследство. Ние секогаш работиме на нови начини за борба против хронични, комплексни и ретки болести со помош на лекови кои им даваат надеж на пациентите и ја претставуваат иднината на здравствената заштита.

За да изградиме успешно претпријатие, постојано се стремиме да дејствуваме со интегритет. Секоја одлука што ја донесуваме целосно се заснова на етичките принципи. Интегритетот е обврска што мора да го води нашето однесување надвор од едноставното почитување на законите и регулативите, охрабрувајќи нè да направиме правилен избор во секоја ситуација.

Овој Етички кодекс ги содржи принципите што нè водат. Секој од нас мора да ги знае, разбере и применува овие принципи во својата секојдневна работа, без оглед на функцијата или нивото во рамките на компанијата. Целта на овој референтен документ е да нè поддржи сите нас во компанијата Sanofi да им останеме верни на нашите обврски кон луѓето, пациентите, лекарите, научниците, партнерите, инвеститорите и општеството воопшто.

Секој од нас мора да се придржува кон Етичкиот кодекс на компанијата Sanofi. Ви благодарам за континуираната поддршка и посветеност на пациентите. Тие не инспирираат не само да создаваме нови патеки, туку и да дејствуваме со интегритет.

Пол Хадсон (Paul Hudson) генерален директор


ПОРАКА ОДГЛОБАЛНИОТ COMPLIANCE OFFICERКАКО ПАРТНЕР НА ВАШЕТО ЗДРАВЈЕ, НАШАТА ПОСВЕТЕНОСТ КОН РАБОТЕЊЕТО СО ИНТЕГРИТЕТ Е БИТНА ЗА ГАРАНТИРАЊЕ НА ВЕРБАТА НА ЛУЃЕТО НА КОИ ИМ СЛУЖИМЕ.


Бидејќи ние имаме за цел да делуваме како партнер на вашето здравје, за нас е од суштинска важност, како вработени на Sanofi, да постапуваме со интегритет во секоја ситуација со која ќе се соочиме. Усвојувањето на правилно однесување е наша обврска кон општеството. Денес повеќе од секогаш, градењето на одржлива доверба со луѓето е најбитно за успехот и конкурентноста на нашата компанија.

Овој документ, нашиот Етички кодекс, ги опфаќа областите кои се суштински за нашата култура на интегритет. Тој дава практични насоки како да се однесуваме како вработени во Sanofi при интеракција со било која од заинтересираните страни.

Носењето на етички одлуки не е секогаш лесно. Тоа бара да се користи сопственото расудување за да се процени одредена ситуација и со неа поврзаните ризици. Да се направи правото нешто во право време и за добра причина изискува баланс, праведност и храброст.

Освен овој кодекс, организацијата за етика и бизнис интегритет креираше програми кои обезбедуваат, помеѓу другото, on-line обуки, како и посветена интранет страна на која се прибираат клучни информации кои имаат за цел всадување на култура за интегритет на сите нивоа во организацијата.

Ги охрабрувам сите да се поврзат со овој тим за етика и бизнис интегритет и да побараат совет или поддршка.

Dante Beccaria Службеник за глобална усогласеност Раководител на секторот за етика и бизнис интегритет


КОЈ Е ЗАСЕГНАТОВОЈ ЕТИЧКИ КОДЕКС СЕ ОДНЕСУВА НА СИТЕ ВРАБОТЕНИ ВО SANOFI И ВРШИТЕЛИ НА УСЛУГИ, КАКО И НА СИТЕ КОИ РАБОТАТ ВО ИМЕ НА SANOFI.

Секој од нас е должен да ја разбере содржината на Кодексот. Ако веруваме дека нашите етички стандарди може да бидат компромитирани, должност ни е да изразиме загриженост.


КАКО СЕ КОРИСТИ ЕТИЧКИОТ КОДЕКСЕТИЧКИОТ КОДЕКС Е РЕФЕРЕНТНА АЛАТКА КОЈА НИ ПОМАГА НА СИТЕ НАС ДА РАБОТИМЕ СО ИНТЕГРИТЕТ ПРЕКУ ПРЕИСПИТУВАЊЕ НА БИЗНИС СИТУАЦИИТЕ ВО КОИ ЌЕ СЕ НАЈДЕМЕ.

ДОКОЛКУ ИМАТЕ БИЛО КАКОВ СОМНЕЖ, ПОСТАВЕТЕ СИ ГИ СЛЕДНИВЕ ПРАШАЊА:

Дали прекршувам некој закон, или Етичкиот кодекс, политика или процедура на Sanofi?

Дали сум во спротивност со етичките вредности?

Дали ги третирам другите онака како што очекувам мене да ме третираат?

Дали должам некому нешто за возврат?

Дали мојата одлука би изгледала несоодветна ако се објави на насловната страна во весник?

АКО ОДГОВОРОТ НА БИЛО КОЕ ОД ОВИЕ ПРАШАЊА ВИ ПРЕДИЗВИКУВА ЦОМНЕЖ, НЕ ЧУВАЈТЕ ВО СЕБЕ—ПРЕДУПРЕДИТЕ НА СОМНЕЖОТ.

Некои од ситуациите се тешки за справување. Донесување на етички одлуки понекогаш е тешко, затоа што тоа е повеќе од едноставно придржување кон правилата.

Етичкиот кодекс е референтна алатка која ни помага на сите нас да работиме со интегритет преку преиспитување на бизнис ситуациите во кои ќе се најдеме. Покрај Кодексот, Sanofi исто така имплементираше група политики и процедури кон кои мора да се придржуваме. Мора да поставуваме прашања кога е потребно да се направи правото нешто во право време и за добра причина.

Може да има и ситуации кога насоките на овој Кодекс варираат во поглед на локалните закони или обичаи на некоја од земјите. Во случај каде локалните закони или обичаи наметнуваат повисоки стандарди од оние наведени во Кодексот, секогаш ќе се применуваат локалните закони и обичаи. Во спротивно, доколку Кодексот пропишува повисок стандард, тогаш преовладува Кодексот.


КАКО ДА СЕ ПРИЈАВИ СОМНЕЖДОКОЛКУ КАЈ ВРАБОТЕН ВО SANOFI СЕ ЈАВИ ЗАГРИЖЕНОСТ ИЛИ ПОВЕРУВА СО НАЈДОБРА НАМЕРА ДЕКА НЕКОЈ ЗАКОН, ПРАВИЛО, ОДРЕДБА НА ИНДУСТРИСКИОТ КОДЕКС НА ОДНЕСУВАЊЕ, ПОЛИТИКА ИЛИ СТАНДАРД НА SANOFI, ИЛИ ЕДЕН ОД ПРИНЦИПИТЕ НА ЕТИЧКИОТ КОДЕКС НА SANOFI Е, ИЛИ ЌЕ БИДЕ ПРЕКРШЕН, ИСТИОТ Е ДОЛЖЕН ДА ЈА ИЗРАЗИ ЗАГРИЖЕНОСТА ПРЕКУ КАНАЛ ЗА КОЈ СМЕТА ДЕКА Е НАЈСООДВЕТЕН.


Вработените во Sanofi се охрабруваат да го изразат својот сомнеж директно до Секторот за етика и бизнис интегритет, преку релевантниот службеник за Compliance или преку Compliance Helplines (линии за помош), на следниот начин:

Сите земји освен Северна Америка: Online: https://wrs.expolink.co.uk/ (лозинка: sanofi)

алтернативно, по телефон: Локалните броеви за бирање се наведени на вашиот internet, lили пак можете да го користите нашиот меѓународен за вас бесплатен број: 0044 1249 661 808

Северна Америка: Phone: 1-800-648-1297

Email: [email protected]

Online: www.sanofi.ethicspoint.com

Дополнително, секој вработен на Sanofi кому му бил пријавен сомнеж мора веднаш да го проследи предметот до релевантниот службеник за Compliance или до заштитените линии за помош (Compliance Helplines) наведени погоре.

Вработените кои изразиле сомнеж нема да бидат подложени на дисциплински мерки или дискриминирани, под услов да делуваат во добра вера и без зла намера, дури и во случај кога пријавените факти се докаже дека се неточни или не е преземано натамошно дејство.

Секторот за етика и бизнис интегритет ќе ги истражи пријавените тврдења, поддржани, по потреба, од други функции на Sanofi.

Кога пријавените тврдења ќе се потврдат со истрагата, Sanofi ги адресира со корективни и/или дисциплински дејства и правни постапки ако се смета за потребно.

ПОЧИТУВАЊЕ И ЗАШТИТА НА ЛУЃЕТО И ОПКРУЖУВАЊЕТО За стимулирачка, креативна и безбедна работна средина


ПОЧИТ КОН ЛУЃЕТО

Ние сме посветени на почитување и промовирање на човековите права, доследни на Универзалната декларација за човекови права и Водечките принципи на Обединетите Нации за бизнис и човекови права. Ние сме потписник на Глобалниот договор на Обединетите Нации од 2003 година, и будни сме по прашањата опфатени во Фундаменталните конвенции на Меѓународната организација за труд (вклучувајќи забрана на детски труд и присилна работа, почитување на слободата на здружување). Ние промовираме разновидност, фер пракса и љубезност во изразувањето во нашите интеракции со поединци во и надвор од Sanofi.

SANOFI ПРОМОВИРА СТИМУЛИРАЧКА, КРЕАТИВНА И НЕДИСКРИМИНАТОРНА РАБОТНА СРЕДИНА ЗА СИТЕ ВРАБОТЕНИ И НАДВОРЕШНИ БИЗНИС ПАРТНЕРИ.

ВО SANOFI, НИЕ МОРАМЕ:

Да ги почитуваме другите, однесувајќи се кон нив онака како што заслужуваат и да ги третираме како човечки суштества како нас.

Никогаш не толерирајте ниту се вклучувајте во било каква форма на вознемирување (на пр. физичко, сексуално, психолошко, вербално, или во било која друга форма).

Победете ја пристрасноста и избегнувајте предрасуди за мислењата, изгледот или ставовите на нашите колеги.

Создадете или придонесете кон креирање на позитивна работна средина за луѓето кои работат во или за Sanofi.

Охрабрете ги надворешните бизнис партнери да ги почитуваат овие исти принципи во нивните интеракции.


ПОЧИТ И ЗАШТИТА НА ЛУЃЕТО И ЖИВОТНАТА СРЕДИНА

SANOFI Е ПОСВЕТЕН НА:

Спречување на секое однесување кое може негативно да влијае врз нечие достоинство.

Нулта толеранција за вознемирување и сите форми на дискриминација врз основа на:

пол возраст потекло религија сексуална ориентација физички изглед здравје инвалидитет синдикална активност политички мислења националност семејна состојба.

Поддржување на еднакви можности за секој вработен или апликант за работа при вработување, пристап до обука, придонеси, благосостојба, интерна мобилност и напредување во кариера. Вештини, искуство и лични способности се единствените фактори кои ги земаме предвид.

Промовирање на разновидностi, бидејќи веруваме дека разновидните идентитети на нашите луѓе и надворешни бизнис партнери се извор на сила и клучен фактор за нашиот успех.

Ние очекуваме од нашите надворешни бизнис партнери да се придржуваат кон фундаменталните принципи Меѓународната организација за труд, особено оние кои се однесуваат на детскиот труд, присилна работа, работни часови, плата, слобода на здружување и недискриминација.


ЗАЧУВУВАЊЕ НА ЗДРАВЈЕТО И БЕЗБЕДНОСТА TИ ЗАШТИТА НА ЛУЃЕТО И ОПКРУЖУВАЊЕТОВО SANOFI, ЗАЧУВУВАЊЕТО НА ЗДРАВЈЕТО И БЕЗБЕДНОСТА И ЗАШТИТАТА НА ЛУЃЕТО И ОПКРУЖУВАЊЕТО СЕ БИТНИ.

Нашиот колективен ангажман е во насока да се обезбеди во Sanofi безбедна и здрава работна средина за нашите вработени и за надворешните партнери, да се сведе на минимум влијанието на нашите активности и производи врз животната средина и да се заштитат околните заедници.


Да се придржуваме кон важечките закони и прописи каде што Sanofi работи.

Да ги применуваме релевантните барања за здравје, безбедност и животна средина, препораките на експерти, најдобрите практики и да ги споделуваме научените искуства.

Да размислуваме за здравјето, безбедноста и животната средина на транспарентен, внимателен и одговорен начин во целата организација.

Да се трудиме да спречиме несреќни случаи, да избегнуваме ризици по здравјето, да промовираме благосостојба, како и да го намалиме влијанието врз животната средина.

Да бараме од нашите партнери, добавувачи и изведувачи да усвојат одговорни политики за здравје, безбедност и заштита на животната средина.

Да промовираме конструктивен став на транспарентност и дијалог со заинтересираните страни околу нивната стратегија за заштита на здравјето, безбедноста и животната средина.



Заштита на здравјето, квалитетот при работењето и безбедноста на вработените и секој поединец поврзан со нас, па дури и индиректно. Оваа обврска подразбира дека ние ќе ги оцениме, спречиме и контролираме физичките, хемиските и биолошките ризици инхерентни во нашите активности.

Ограничување на влијанието на нашите активности и производи врз животната средина низ синџирот на вредности, z преку заштеда на вода и енергија, и намалување на резидуалното влијание преку намалување на емисиите, отпадните води и отпадот. Sanofi ја признава својата улога во справувањето со климатските промени.



ЗАШТИТА НА ПРИВАТНОСТА И НА ЛИЧНИТЕ ПОДАТОЦИВО SANOFI, ЗАШТИТАТА НА ЛИЧНИТЕ ПОДАТОЦИ НА НАШИТЕ ВРАБОТЕНИ, ПАЦИЕНТИТЕ, ЗДРАВСТВЕНИТЕ РАБОТНИЦИ И ДРУГИ БИЗНИС ПАРТНЕРИ Е ОД КЛУЧНА ВАЖНОСТ.

Заштитата на приватноста и на личните податоци е фундаментално право. Во Sanofi, заштитата на личните податоци на нашите вработени, на пациентите, здравствените работници и други бизнис партнери е од клучна важност, особено со оглед на развојот на комуникациските и информатички технологии.


Да се придржуваме кон важечките закони и прописи во областите в кои прибираме,складираме и користиме лични податоци.

Прибирање, користење, откривање и складирање на минимален број на лични податоци неопходни за постигање на легитимна цел.

Зачувување на податоците само онолку колку што е потребно за целите на нивна обработка, согласно локалната легислатива.

Заштита на личните податоци при прибирање, обработка, користење, откривање и складирање.

Пријавете инциденти во врска со приватност на податоци на некој менаџер, лице одговорно за безбедност, канцеларија за глобална приватност ([email protected]).


Sanofi се залага за заштита на личните податоци и нивна обработка исклучиво во рамки на границите на важечките закони.

„Лични податоци” значи секоја информација која може директно или индиректно да поврзе поединец со идентификациски број или со еден или повеќе фактори специфични за неговиот физички, психолошки, ментален, економски, културен или социјален идентитет (на пр. име, датум на раѓање, број на социјално осигурување, физички карактеристики, e-mail адреса, компјутерски идентификациски број, како и здравствени или генетски информации).

За да се олесни преносот на податоци во рамки на Sanofi и согласно Европската директива, ние донесовме комплет „Задолжителни корпоративни правила”, кои го пропишуваат преносот на податоци од подружница во Европа во подружница вон Европа.


ИНТЕГРИТЕТ ПРИ УПРАВУВАЊЕТО СО ИНФОРМАЦИИ НА КОМПАНИЈАТАДа се заштити и зачува нашата конкурентност, имиџ и репутација


ЗАШТИТА НА ДОВЕРЛИВИ И ОСЕТЛИВИ ИНФОРМАЦИИ

Доверливите и осетливи информации се едно од нашите највредни средства. Во Sanofi заштитата на доверливите и осетливи информации е од клучно значење. Оваа обврска се однесува подеднакво на информациите за нашата Компанија, нашите вработени но и нашите бизнис партнери.

Несоодветно користење или откривање на таква информација може да предизвика голема штета на нашата Компанија, на бизнис партнерите, добавувачите и клиентите, ослабувајќи ја нашата конкурентност, изложувајќи не на одговорност и нарушувајќи ја нашата репутација.

ВО SANOFI ЗАШТИТАТА НА СЕКОЈА ДОВЕРЛИВА И ОСЕТЛИВА ИНФОРМАЦИЈА Е ОД КЛУЧНО ЗНАЧАЊЕ.


Да се придржуваме кон политиките на Sanofi кои ја регулираат доверливоста и заштитата на осетливи информации, особено:

Политиката за доверливост

Правила кои се однесуваат на откривање, репродуцирање, чување и уништување на документи и сите медиуми за складирање на податоци, и Политиката за управување со евиденција (достапна на Интранет на Компанијата).

Правила за безбедност на податоци и општа безбедност, особено со осврт кон Повелбата за користење на информациониот систем (достапна на Интранет на Компанијата).

Обработувајте ги доверливите теми со големо внимание при престој во надворешна средина (на пр. во воз, авион, ресторан, конференција).

Консултирајте се со Правен сектор за насоки околу потреба од договор за доверливост и/или ITS секторот за примена на посебни мерки за заштита на податоци.

Пријавете до менаџер или до секторот за корпоративна безбедност било каква ситуација која навестува дека заштитата на доверливоста или на осетливата информација се можеби компромитирани (на пр. изгубени документи, невообичаени барања на информации, индикации за потенцијален упад во системите на информации).


ИНТЕГРИТЕТ ВО УПРАВУВАЊЕТО СО ИНФОРМАЦИИ НА КОМПАНИЈАТА

„Доверлива информација” претставува секоја информација, во било која форма, која не е во јавниот домен, и која мора да ја заштитиме од секаква несоодветна употреба или откривање, бидејќи таквата употреба или откривање може да нанесе потенцијална штета на Компанијата.

Примери за доверлива информација вклучуваат:

деловната и финансиска состојба на Компанијата

стратешки/бизнис планови

ценовни информации

маркетинг планови и стратегии за развој на бизнисот

клинички податоци, податоци од истражувања и технички податоци, пронајдоци и иновации

доверливи информации доверени од страна на бизнис партнерите.


СПРЕЧУВАЊЕ НА ИНСАЈДЕРСКА ТРГОВИЈАЗАБРАНЕТО Е ДА СЕ ТРГУВА СО АКЦИИТЕ НА SANOFI ИЛИ НА НЕГОВИТЕ ПОДРУЖНИЦИ КОГА ПОСЕДУВАМЕ ИНФОРМАЦИИ КОИ НЕ СЕ ЗА ЈАВНОСТ, А ЗА КОИ ПОСТОИ МОЖНОСТ ЗНАЧИТЕЛНО ДА ВЛИЈААТ ВРЗ ПАЗАРНАТА ВРЕДНОСТ НА ОВИЕ АКЦИИ.


Да се придржуваме кон законите и правилата кои важат за инсајдерската трговија, без оглед на нашата позиција во организацијата.

Да ги обелодениме доверливите информации исклучиво на лицата кои мораат да ги знаат. Треба да внимаваме на поврзаните пораки и разговори на јавни места, како што е воз, авион, ресторан, конференција, отворен простор.

Да се осигураме дека третите страни ја чуваат доверливоста на информациите кои им ги даваме, особено преку имплементација на обврски или клаузули за доверливост.

Да ја чуваме доверливоста на информациите кои сме ги добиле од трети страни.

Да сфатиме дека информацијата која не е материјална за Sanofi можеби е материјална за нашите партнери.

Да се консултираме со правниот сектор пред продавање или купување на акции, ако се двоумиме.



Инсајдерска трговија се случува кога едно лице тргува со хартии од вредност на компанијата, а истовремено е запознаен со материјално значајни информации кои не се јавно достапни за таа компанија. Најтипични примери на инсајдерска трговија се продажба на акции пред неповолните новости да предизвикаат пад на вредноста на акциите, или купување акции пред добрите новости да предизвикаат вредноста на акциите да се покачи.

Sanofi го смета за инсајдер секој поединец кој поседува важни доверливи, ценовно осетливи информации во врска со Sanofi, неговите подружници и регистрирани партнери. Следствено, ваквиот инсајдер мора да се воздржи од тргување со акции на релевантната компанија, од продажба на бонус акции, или реализирање на други опции.

Инсајдерска трговија се случува кога акциите се купени или продадени пред објавата на новости кои би можеле да имаат позитивен или негативен ефект врз пазарната цена на акциите кај Sanofi или кај тековен или потенцијален партнер, а купувањето или продавањето на овие акции се базира на информација однатре во врска со следните фактори, помеѓу кои:

финансиски резултати

предложени аквизиции или отписи

резултати од важни клинички испитувања

издавање на одобрување за ставање на пазар на нов производ

губење или добивање на поголем договор.

тековен судски процес.

Правилата за инсајдерска трговија важат не само за акциите на Sanofi, туку и за акциите на секоја трета страна со која компанијата е во врска.


ЗАШТИТА НА НАШИОТ ИМИЏ ПРИ КОРИСТЕЊЕ НА СОЦИЈАЛНИ МЕДИУМИВРАБОТЕНИТЕ НА SANOFI МОРА ОДГОВОРНО ДА ГИ КОРИСТАТ СОЦИЈАЛНИТЕ МЕДИУМИ.

Во последниве години, користењето на социјалните медиуми стана дел од нашето секојдневие. Постирање или коментирање на online содржина може лесно да повлијае на имиџот и репутацијата на нашата компанија, вработените, или бизнис партнерите. Поради тоа вработените во Sanofi мора одговорно да ги користат социјалните медиуми. Покрај тоа,само назначените вработени се овластени да комуницираат во име Sanofi за нашата компанија или производи на социјалните медиуми.



Да имаме на ум дека секоја информација постирана на интернет би можела да има влијание врз лицата споменати во неа и врз имиџот и репутацијата на Sanofi.

Да делуваме одговорно кога откриваме информации, изјави или мислења на социјалните медиуми. Не коментирајте и не дискутирајте содржини за активности на Sanofi, здравствените власти или конкуренцијата, постирани од трети страни или од општата јавност.

Пријавете го секој негативен коментар или web дискусија за проблеми поврзани со производи на Sanofi до Секторот за корпоративна комуникација и до Глобална фармаковигиланца(GPE).

Релевантните контакт детали се достапни на intranet.

Упатувајте ги барањата од медиумите до тимот за односи со медиуми.

Контактирајте со соодветниот менаџер или релевантниот тим за комуникации доколку се двоумите околу политиката на активности поврзана со тоа.


Заштита на имиџот и репутацијата на компанијата бара од вработените во Sanofi соодветно користење на социјалните медиуми, професионално и приватно. Ова барање се однесува на сите дигитални медиуми кои може да се користат интерактивно, како на пример сајтовите на социјалните мрежи (на пр. Facebook®, LinkedIn® и Twitter®), блогови и фото/видео сајтови кои се споделуваат (на пр. YouTube®, Flickr®), wikis и форуми).

Вработен во Sanofi кој постира online содржина или презема дејство (на пр. споделување, лајкови, рангирање) на социјалните медиуми, дури и кога приватно ги користи, мора да запамети дека оваа активност може да се припише на Sanofi и негативно да влијае на имиџот и репутацијата на Sanofi. Следствено, секој вработен кој користи социјални медиуми треба да го прави тоа одговорно и да ги земе предвид последиците за Sanofi.

ИНТЕГРИТЕТ ВО НАШИТЕ БИЗНИС ПРАКТИКИДа ја одржиме довербата во нашите односи со заинтересираните страни на Компанијата — пациентите, клиентите, акционерите, добавувачите и другите бизнис партнери, и членови на граѓанското општество—во кое Sanofi делува


СПРАВУВАЊЕ СО СУДИР НА ИНТЕРЕСИ

Судир на интереси е ситуација која претставува ризик дека личниот интерес ќе се помеша, или изгледа дека се помешал, со легитимните бизнис интереси на Sanofi. Секој судир на интереси создава изглед на несоодветност, кој може да ја поткопа довербата во Sanofi. Од овие причини, битно е да се идентификува секој потенцијален судир на интереси и да се справиме со него на ефективен начин.

ОД СУШТИНСКА ВАЖНОСТ Е ДА СЕ ИДНЕТИФИКУВА СЕКОЈ ПОТЕНЦИЈАЛЕН СУДИР НА ИНТЕРЕСИ И ДА СЕ СПРАВИМЕ СО НЕГО НА ЕФЕКТИВЕН НАЧИН.



Да го откриеме секој постоечки или потенцијален судир на интереси пред впуштање во трансакција, активност или однос кој води кон ситуацијата за која треба да се извести.

Да го откриеме секој постоечки или потенцијален судир на интереси како дел од процесот на вработување.

Да го откриеме секој постоечки или потенцијален судир на интереси на годишно ниво, кога сме на истакната позиција во Sanofi, дефинирана како менаџер во прва линија и сите вработени на Sanofi редовно вклучени во склучување договори, набавка, продажба или лизинг на услуги, материјали, имот или производи.

Да се воздржиме од учество во Одбор на директори на било кој од клиентите на Sanofi, добавувач или конкурент. Служење во надворешен одбор, вон професионалните задачи на вработениот во Sanofi е можно, по одобрување, само за членови на Извршниот комитет и мора да се ограничи на услуги кои се компатибилни со нивните должности кон Sanofi.

Прашајте го својот менаџер или compliance officer како да се справите со судирот на интереси, наместо да се ослоните само на сопственото толкување, поради тоа што нашата лична проценка може да биде намалена поради ситуацијата.

ИНТЕГРИТЕТ ВО НАШИТЕ БИЗНИС ПРАКТИКИ

Sanofi е посветен на проактивно детектирање и откривање на секоја ситуација на судир на интереси, и обезбедува мерки за нивно елиминирање или намалување.

За да се спречи судир на интереси, секој вработен во Sanofi мора да биде буден и да усвои соодветно однесување во ситуации во кои објективноста на неговата бизнис одлука може да биде намалена, особено во:

Надворешни обврски Работење за или примање на компензација од добавувач или клиент на Sanofi. Одржување на финансиски интерес или однос со конкурент, клиент или добавувач на Sanofi, или со било која трета страна која врши бизнис со Sanofi. Стекнување или поседување, директно или индиректно, било каков интерес во имот или средства од било кој вид за целите на продавање или лизинг на Sanofi. Барање на лична корист од трета страна заради влијаење врз носење на поволна одлука од страна на Sanofi спрема таквата трета страна. Ангажирање во било каква надворешна активност доволно суштинска за да ја доведе во прашање вашата способност да посветите соодветно време и внимание на доделените одговорности.

Персонални односи Интеракција со роднина кој работи за, или се пријавува да работи за Sanofi, со конкурент, добавувач или клиент на Sanofi. Набавка на стоки или услуги во име на Sanofi од роднина или фирма во која роднината има било каков интерес.

Примање на предмет од вредност Прифаќање на подарок може да предизвика кај примателот чувство на обврска, потенцијално намалување на објективноста на неговите одлуки, и на него може да се гледа како на подарок кој има за цел да го корумпира него или друг вработен во Sanofi.


УЧЕСТВО ВО ЈАВНИОТ ЖИВОТКОГА УЧЕСТВУВА ВО ЈАВНИОТ ЖИВОТ, SANOFI НАСТАПУВА ТРАНСПАРЕНТНО, ЧЕСНО И СО ИНТЕГРИТЕТ.

Кога учествува во јавниот живот, Sanofi настапува транспарентно, чесно и со интегритет. Вработените и претставниците на Sanofi не смеат да делуваат или зборуваат во врска со јавни прашања како претставници на Компанијата, без за тоа да бидат овластени. Вработените во Sanofi може да се ангажираат во јавниот живот независно, се додека нивното учество е од очигледно лична природа, без поврзаност со Sanofi.



Да учествуваме во јавни активности со транспарентност, интегритет и чесно.

Да се претставуваме како претставници на Sanofi само кога сме овластени за тоа.

Да појасниме дека вршиме само учество во јавниот живот во свое лично својство и во лично име, а не како претставник на Sanofi.

Нека биде јасно дека изложеното мислење е само ваше и не го одразува ставот на Sanofi.

Ако се двоумите побарајте совет најпрво од секторот за надворешни работи, за човечки ресурси, правниот сектор или од секторот за етика и бизнис интегритет.

Како корпоративен граѓанин, Sanofi е вклучен во јавниот живот на земјите и регионите во кои делува. Ова може да вклучи ангажирање во дискусии за прашања од јавен интерес, учество во развој на јавна политика, донации или финансиски придонеси на јавни организации како поддршка на мисиите на организациите.

Во секој од овие настани ние секогаш правиме позитивен придонес кон јавниот живот и никогаш не ги криеме нашите активности. Ние секогаш делуваме во согласност со важечките закони.

Ние го поздравуваме учеството на нашите вработени во јавниот живот во нивно лично својство. За да се избегне недоразбирање, вработените мора да појаснат дека учествуваат во свое лично, а не во име на Sanofi.

Само овластени вработени можат да зборуваат за компанијата во јавност. Никој од вработените или претставниците на Sanofi не е овластен да ја обврзува компанијата да поддржи политичка партија, политичар, или кандидат за избор на било каков начин, или да ја користи врската со Sanofi за политички активности. Во Соединетите Американски Држави Сојузниот закон дозволува создавање на корпоративни Комитети за политичко дејствување (PACs), кои можат да донираат на кандидати за сојузни и некои други државни избори. PACs се регистрирани кај Сојузната изборна комисија и/или државни агенции, како што се бара според закон. Sanofi ја има основано Sanofi US Services Inc. - Комитет за политичко дејствување на вработени како и државна PAC во Масачусетс, Комитетот за политички дејства на Sanofi во Масачусетс, а секој од нив прима придонеси од поединци и дава придонеси со цел поддршка на сојузни и државни кандидати кои поддржуваат јавни политики за поттикнување на истражувања, обезбедување на пристап на пациенти кон лекови и наградување на иновации.



ПОЧИТУВАЊЕ НА СЛОБОДНАТА КОНКУРЕНЦИЈАSANOFI ГО ПОЧИТУВА СЛОБОДНИОТ ПАЗАР, ЈА ПОЧИТУВА И СЕ ПРИДРЖУВА КОН ФЕР КОНКУРЕНЦИЈАТАИ ЗАКОНИТЕ НА ТРГОВСКАТА ПРАКСА.



Не им дозволувајте на нововработените да споделуваат доверливи информации за конкурентите за кои тие претходно работеле.

Не споделувајте со конкурентите, директно или индиректно преку добавувачи или други посредници, информации кои вклучуваат:

ценовни скали, методи на формирање цени, трошоци за добра и услуги или производи, поврат, промотивни или фактурни услови, профит или маржа, и попусти

услови на продажба

маркетинг планови и стратегии за нашите производи

индустриски капацитети, производство и транспортна логистика, квалитет на производот, идни планови за проширување

алоцирање на пазари според регион, клиент или терапевтска област

тендер или дали да се поднесе понуда или не за нив

добавувачи или клиенти

било какви осетливи и доверливи информации важни за бизнисот.

Избегнувајте неформални контакти со конкурентите за дискусија на прашања кои можат да го прекршат законот против монопол и конкуренција. Примиери за вакви состаноци се форуми, конференции и состаноци на трговски здруженија.

Никогаш, при работа со клиенти или добавувачи,

не ја ограничувајте слободата на клиентот да формира цена за натамошна продажба

не ги исклучувајте конкурентите од пазарот.

не влегувајте во договори со кои се бојкотираат клиенти или добавувачи.

Законите против монопол или конкуренција може да се разликуваат значително од една земја до друга, и во случај на двоумење, побарајте совет од вашиот правен сектор.


Конкуренцијата и анти- монополските прашања се јавуваат поради контактите помеѓу Sanofi и неговите конкуренти, добавувачи или клиенти. Сите вработени мора да се придржуваат кон законите за конкуренција и анти монопол и да се воздржат од секакво нефер однесување кон конкурентите. Анти конкурентно однесување може да вклучи:

Влегување во договори, вклучувајќи и неформално договарање, со конкуренти за одредување на цени, местење на понуди, алоцирање на пазари и договори за ограничување на снабдувањето.

Размена на конкурентски осетливи информации со конкурентите.

Злоупотреба на потенцијална позиција на доминација на пазарот.

Наметнување рестрикции на клиенти или добавувачи.

Влегување во одредени спојувања и аквизиции.


БОРБА ПРОТИВ ПОТКУП И КОРУПЦИЈАВО SANOFI, БОРБАТА ПРОТИВ СИТЕ ФОРМИ НА КОРУПЦИЈА Е ПРИОРИТЕТ.

Корупцијата го спречува економскиот развој, бидејќи ја ослабува фер конкуренцијата и ја уништува довербата во компанијата или во поединецот. Во Sanofi,борбата против сите форми на корупција е приоритет. Промовирањето култура на етика и интегритет е клучна за одржување на довербата на пациентите, засегнатите страни и општеството. Sanofi е посветен на негување култура на интегритет во целата организација и јасна комуникација на очекувањата со цел да се намали ризикот од корупција.



Да се усогласиме со сите применливи закони и конвенции за борба против корупција и поткуп во секоја од земјите каде што Sanofi има бизнис, и да бараме од договарачите да го прават истото. Примерите ги вклучуваат OECD Конвенцијата од 1997, Закон на САД за странски коруптивни практики (FCPA), Законот против поткуп на ОК (UKBA), францускиот закон за борба против корупција и Законот на Кина за борба против нефер конкуренција.

Усогласување со сите глобални политики кои имаат за цел спречување, директно или индиректно, на ризикот од корупција.

Вршење на анализа базирана на ризици од корупција на трети страни пред истите да бидат ангажирани.

На вработените во Sanofi им е забрането да даваат, да ветуваат дека ќе дадат или да нудат да дадат било што од вредност, на некое лице со цел да влијаат на некој чин или одлука, особенопри контакти со здравствени работници и владини службеници.

Оваа забрана се однесува и на индиректна корупција, кое означува дејство направено од трета страна во име на или за Sanofi.

Било што од вредност може да се вклучи, но не е ограничено на:

готовина подарок

репрезентација, сместување и оброци

патни трошоци

услуги

понуди за вработување

заеми

донации или придонеси

секаков трансфер на вредност, дури и номинална вредност.

Во поглед на меѓународни договори и закони, компаниите инволвирани во корупција може да се соочат со сериозни штети по репутацијата и да бидат одговорни за тешки граѓански и кривични казни. Исто така можат да се соочат со значителни негативни комерцијални последици (на пр. губење на договори).

Освен тоа што ги изложуваат компаниите на ризик, корумпираните вработени може и лично да одговараат за граѓански и кривични казни, вклучувајќи големи парични казни како и затворски казни.

Поради меѓународната примена на некои од регулативите за борба против корупција, коруптивните дејства извршени во една земја може да резултираат со санкции во повеќе земји, натамошно изложувајќи ги прекршителите на казни.

Со цел промовирање на култура на етика и интегритет, како и заради усогласување со сите применливи закони и правила за борба против корупција и поткуп, Sanofi имплементираше сеопфатен комплет политики и стандарди со кои се дефинираат јасни правила кон кои мора да се придржуваат сите вработени во Sanofi и кога е применливо, и трети страни.


Овие политики и стандарди важат за некои активности за да се обезбеди тие да се имплементираат од вистински и легитимни деловни причини и вклучуваат специфични одредби со цел спречување на поткуп и корупција.

Sanofi забранува плаќање на државните службеници со цел да се забрза некоја постапка, дури кога е тоа и со закон овозможено.

Овие политики и стандарди не се исцрпени во адресирање на сите околности кои може да се јават. Ако некоја ситуација не е покриена или пак одредбите од политиките и стандардите не му се јасни на вработениот во Sanofi, истиот мора да се консултира со својот менаџер и/или правниот и секторот етика и бизнис интегритет.


ИНТЕРАКЦИЈА СО ПАЦИЕНТИSANOFI Е ПОСВЕТЕН НА ПОДОБРУВАЊЕ НА СООДВЕТНИТЕ ИНТЕРАКЦИИ СО ПАЦИЕНТИ И ГРУПИ НА ПАЦИЕНТИ.

Како партнер на вашето здравје и со цел да разбереме како луѓето живеат со болеста и што очекуваат од давателите на здравствени услуги, Sanofi е посветен на подобрување на соодветните интеракции со пациентите и групите на пациенти преку размена на идеи, градење односи засновани на доверба, посветување на особено внимание на информациите добиени од тие поединци, и подготвување на подобри решенија.




Интеракциите на пациентите да ги правиме секогаш на строго волонтерска основа.

Да ја почитуваме независноста на пациентите и групите на пациенти и да не вршиме несоодветно влијание врз нивните ставови и одлуки.

Да влегуваме во договори или проекти со целосна транспарентност , како и со заемна согласност и корист.

Да ја штитиме приватноста на пациентот преку целосна усогласеност со локалните закони и правила. Мора искрено да ги информираме пациентите за тоа како нивните лични информации ќе бидат и нема да бидат искористени, и јасно да наведеме во формуларите за согласност на кој начин ќе биде заштитена нивната приватност.

Да известиме веднаш за негативните настани кои се јавиле кај пациентите при користење на нашите производи согласно барањата на фармаковигиланцата на Sanofi.

Да го почитуваме принципот на транспарентност во сите наши интеракции со пациенти и групи на пациенти согласно применливите закони и правила како и согласно асоцијациите на фармацевтската индустрија како т.е. EFPIA, IFPMA.

Да откривме информации во јавност за протоколи и резултати на клиничка студија, и да одговараме на екстерните поврзани барања, согласно со:

нашето залагање за транспарентност

меѓународните и локални законски, регулаторни и етички барања

обврски воспоставени од страна на Асоцијациите на фармацевтската индустрија.

Во Sanofi ние ги поттикнуваме интеракциите со пациентите и групи на пациенти во тек на целиот циклус на производот т.е. од клиничките испитувања се до употребата на производот од страна на пациентот во секојдневниот живот. Sanofi е посветен на тоа да овозможи сите овие интеракции да ги почитуваат високите етички стандарди и се во согласност со важечките закони и индустриските упатства.

Sanofi осигурува дека правата и здравјето на учесниците и пациентите во истражувањата на луѓе, и интегритетот на научните и медицински активности на Sanofi, се заштитени. За клиничките испитувања Sanofi регрутира пациенти и здрави субјекти ширум светот. Во рамките на овие клинички испитувања Sanofi:

може да вклучи пациенти во прегледот на документи на студијата како што се формулари и протоколи за информирана согласност, или во давање совет за подобро адресирање на нивните потреби.

осигурува дека процесите се дизајнирани така што пациентите вклучени во клиничките испитувања ја даваат својата слободна и информирана согласност врз основа на јасни, комплетни информации кои се изразени на разбирлив и адекватен стил.

Sanofi исто така верува дека ставањето на располагање на информациите за клиничките испитувања е од јавна корист за пациентите, давателите на здравствени услуги и научната јавност. Затоа Sanofi е посветен на константно јавно откривање на информации за клиничките испутувања и резултати.

Освен клинички испитувања, Sanofi поддржува:

интеракции со пациенти и здруженија на пациенти за подобро разбирање на влијанието на производот врз квалитетот на животот на пациентот и доловување на потенцијалните потреби за подобрување. Исходите може да се интегрираат во развој на идните здравствени решенија.

поврзување помеѓу пациентите со цел да си споделат искуства за својата здравствена состојба.


ИНТЕРАКЦИИ СО НАУЧНАТА ЗАЕДНИЦАSANOFI Е ПОСВЕТЕН НА РАБОТЕЊЕ СПОРЕД НАЈВИСОКИ СТАНДАРДИ НА ИНТЕГРИТЕТ И ЧЕСНОСТ ПРИ ИНТЕРАКЦИЈА СО НАУЧНАТА ЗАЕДНИЦА.

Интеракцијата со научната заедница е легитимна и важна за да им се обезбеди на пациентите и клиентите пристап до производите кои им требаат и да се овозможи правилна употреба на производите на Sanofi со цел да се постигнат оптимални резултати. Овие интеракции исто така овозможуваат да добиеме повратни информации и совети за нашите производи. Лековите во фаза на истражување и развивање, како и во клиничката пракса, имаат голема корист од ваквите интеракции. Sanofi исто така поддржува медицинска едукација, која обезбедува форум за споделување на клинички искуства и континуирана едукација од страна на научните експерти. Sanofi е посветен на работење според највисоки стандарди на интегритет и чесност при интеракција со научната заедница.



Ги бираме надворешните експерти со користење на објективни критериуми базирани исклучиво на нивните научни компетенции и нашите легитимни потреби.

Потпишуваме договор помеѓу Sanofi и надворешниот експерт пред формална средба или размена на информации.

Се осигуруваме дека програмите на настани на Sanofi или настани на третите страни во кои Sanofi дава придонес, се адаптирани на избраните научни експерти, го опфаќаат времетраењето на настанот и го унапредуваат знаењето во областа во која Sanofi е инволвиран.

Се придржуваме до правилата на Sanofi за гостопримливост поврзани со локации, ручеци и патување.

Се придржуваме до нашата стандардна методологија за пресметка на хонорари, водејќи сметка компензацијата на експертот да е разумна и да ја одразува фер пазарната вредност на услугата.

Ги откриваме трансферите на вредност на здравствените работници и организации во склад со сите барања на важечките закони и правила.

Ги ограничуваме информациите кои им ги даваме на здравствените работници на регулаторните и терапевтски аспекти на производот, во согласност со дозволите за ставање на лек во промет.

Не нудиме или даваме подароци, гостопримство или било што друго од вредност на здравствени работници, со цел изнудување или добивање на поволни одлуки за нашите производи и услуги.

Се придржуваме кон меѓународните кодекси како што се IFPMA и EFPIA, и локалните закони и кодекси, кои може да бидат порестриктивни од нашите политики.

Sanofi соработува со медицинската и научната заедница на многу начини, вклучително и:

Поддршка на нивната лекарска наобразба преку обезбедување фер и балансирани информации за нашите производи и нивната соодветна употреба.

Организирање на медицински или научни средби или настани, или придонесување кон научни и едукативни средби организирани од трети страни.

Влегување во аранжмани компензација-за-услуга со надворешни експерти за вршење на значајна услуга или активност во полето на медицината или науката за легитимни потреби, како што е изведување студии, учество на научни средби и давање консултантски услуги.

Ангажирање на експерт за услуги не смее да претставува поттик за препишување, набавка, продажба, давање или препорачување на пласман на формула на било кој од лековите или услугите на Sanofi. Експертите ги избираме со користење на објективни критериуми базирани на дефинирана потреба, а не на мината или идна очекувана употреба или препорака на производ на Sanofi. Sanofi мора да биде разумен при одредување на компензацијата на експертот за услугата, т.е. истата да ја одразува фер пазарната вредност на услугата.



ТРАНСПАРЕНТНОСТ ЗА НАШИТЕ ПРОИЗВОДИНИЕ ИМАМЕ ЗА ЦЕЛ ДА ОБЕЗБЕДИМЕ РЕЛЕВАНТНИ, ЈАСНИ И ДОСТАПНИ ИНФОРМАЦИИ ЗА ДА ОСИГУРИМЕ СООДВЕТНА УПОТРЕБА НА НАШИТЕ ПРОИЗВОДИ.

Sanofi комуницира на транспарентен начин за своите производи и настојува информациите за ефикасноста и безбедноста на неговите производи да се постојано под мониторинг и да се ажурираат во тек на целиот циклус на производот.

Ние сакаме да одговориме – па дури и да ги предвидиме – очекувањата на пациентите. Имаме за цел да обезбедиме релевантни, јасни и достапни информации за да осигуриме соодветна употреба на нашите производи.



Да вршиме интерни прегледи на сите научни информации кои ги испорачуваме на научната јавност и на пациентите за да можеме да гарантираме усогласеност со добрите научни пракси на информирање.

Им помагаме на филијалите на Sanofi да одговорат на барањата од пациенти и здравствени работници за медицински информации за нашите производи. Интерно ги вреднуваме клучните стандардни одговори за медицински информации за да гарантираме дека се објективни, научни, избалансирани , поткрепени и тековни.

Прибираме, анализираме и известуваме на секој начин и навремено за секој проблем во квалитетот, безбедноста или ефикасноста на производот на Sanofi, без оглед на природата или тежината на ситуацијата.

Веднаш пријавете го и тоа во рок од еден работен ден до локалниот сектор за фармаковигиланца секој податок во врска со фармаковигиланца за кој сте дознале.



Соопштување на здравствените работници и пациентите на сите познати информации за користа и потенцијалните ризици на производот кој се истражува, пред започнување со ново клиничко испитување. Ние внимателно ја следиме безбедноста на производите за време на клиничките испитувања согласно применливите правила и добрата клиничка пракса, и им ги даваме на здравствените работници сите релевантни нови информации или сигнали за време на студијата.

Се грижиме за правилна употреба на производот од неговото лансирање па се до крај на неговиот циклус така што правиме максимални напори да на пациентот заедно со производот му се достави упатстбо за пациентот кое е јасно и разбирливооза пациентот.

Се осигуруваме дека сите вработени на Sanofi, претставниците на Sanofi и третите страни го пријавуваат секој несакан настан и други податоци кои се значајни за фармаковигиланцата за кои дознале во рок од еден работен ден до секторот за фармаковигиланца, без оглед дали го сметаат за поврзан со производот на Sanofi. Ги охрабруваме пациентите да го информираат секторот за фармаковигиланца на Sanofi во нивната земја и лекарот или фармацевтот доколку кај нив се јави несакан ефект.

Обезбедување научни информации кои се точни и недвосмислени, и кои не ја преувеличуваат реалната корист од производот и неговата улога во справување со болеста. Ние не ја ограничуваме информацијата само на она што е поволно за производот. Обезбедуваме соодветни и лесно разбирливи информации оценувајќи ги ризиците и користа од производот. Ги потврдуваме сите научни податоци, барања или споредби споменати во сите наши материјали.

Промовирање на регистрирани или ставени на пазарот производи строго во согласност со одобрувањето за ставање на лекот на пазар или друг референтен документ. Не промовираме не-регистрирани производи или неодобрени индикации на регистрирани производи.

Photos credits GettyImages: p.3 Han Lans - p.6 Denis Felix - p.8 Franck Parisot / Istockphotos by Getty Images : Front cover Gradyreese - p.10 Emir Memedovski - p.12 Yuri_Arcurs - p.14 PeopleImages - p.16 sturti - p.17 Squaredpixels - p.18 stockstudioX - p.19 webphotographeer - p.20 stevecoleimages - p.21 PeopleImages - p.22 AzmanJaka - p.24 Yuri_Arcurs - p.25 XiXinXing - p.26 simonkr - p.27 vgajic - p.28 Emir Memedovski - p.29 AzmanL - p.30 simonkr - p.32 PeopleImages - p.34 Wavebreak - p.35 skynesher - p.36 danchooalex - p.38 mediaphotos - p.40 Klubovy - p.42 Drazen_ – p.44 alvarez Diffusion: April 2018; Update pages 6 and 7: November 2019.

www.sanofi.com 54, rue La Boétie

75008 Paris France

ЕТИЧКИ КОДЕКС - Code of Ethics › assets › media › pdf › MKD-Code... ·...

Documents

Transcript of ЕТИЧКИ КОДЕКС - Code of Ethics › assets › media › pdf › MKD-Code... ·...